ལུང༌། འཕོ་ཁྲིད། ཚེ་དཔག་གྲུབ་རྒྱལ་མའི་རྗེས་གནང་སོགས་མདོ་སྔགས་ཟབ་རྒྱས་ཀྱི་གདམས་པ་ཟད་མི་ཤེས་པའི་བཀའ་དྲིན་ནོད་པར་མཛད། དེ་ནས་སྔ་ཕྱིར་གསན་པའི་བཀའ་ཆོས་ཐམས་ཅད་ལ་ཡང་བསྐྱར་གཟིགས་རྟོག་མཛད་དེ་དབང་རྗེས་གནང་སོགས་ཀྱི་སྒྲུབ་དཀྱིལ་མངོན་རྟོགས། རྗེས་གནང་གི་ཆིངས་མི་འདྲ་བ་སོགས་གང་གི་སྟེང་ནས་གནང་བ་དང་གནང་ཚུལ་རྒྱས་བསྡུས་ཀ…

བཀའ་བཞིན་ཕོ་བྲང་དུ་ཉེ་བར་འབྱོན་དགོས་པས་རྗེ་ཉིད་ལ་ཉེར་མཁོའི་རྗེས་གནང་ལུང་ཁྲིད་མང་པོ་ཞུས་པ་རྣམས་ཐུགས་ཀྱི་བཞེད་པ་བཞིན་གནང༌། མདོ་སྔགས་ཀྱི་དཀའ་གནས་རྣམས་ལ་དྲི་བ་མང་དུ་ཞུ་བར་ཡང་དོགས་ལན་ནོར་འཁྲུལ་མེད་པར་རྗེ་ཡབ་སྲས་ཀྱི་གསུང་ལ་ཁུངས་གཏུགས་ཏེ་ཞིབ་རྒྱས་སུ་ཕུལ་ནས་བཞེད་པའི་ཡོལ་གོ་ཕྱུར་བུར་བཀང༌། ཨ་ཀྱཱ་རིན་པོ་ཆེ་སྐུ…

སྲུང་ལ་འཕྲིན་བཅོལ་སོགས་བྱེད། ཅེས་སོགས་ཀྱིས་མཚོན་ཞལ་ཏ་མང་དུ་གནང༌། སྐབས་ཤིག་མཚོ་སྔོན་ཆིང་ཝང་བསོད་ནམས་རྡོ་རྗེ་དང༌། པཻ་ཟི་མི་འགྱུར་སོགས་དཔོན་ཁག་དུ་མས་གདན་དྲངས་པ་བཞིན་དེ་ཕྱོགས་སུ་ཕེབས། ཝང་གིས་ཞུས་ངོར་སྒྲོལ་དཀར་ལྗང་སོགས་ཀྱི་རྗེས་གནང༌། སྒྲོལ་དཀར་གྱི་ཚེ་སྒྲུབ་སོགས་གནང་ཞིང་ཕྱོགས་འདུས་ཀྱི་དད་ལྡན་མཆོག་དམན་མཐའ་…

གསོལ་བ་བཏབ་པ་བཞིན། དེ་ཀའི་ཆོས་སྡེ་ཐོས་བསམ་དར་རྒྱས་གླིང་གི་ཁྲིར་བཞུགས། དགོན་པའི་བསྒྲིག་ལམ་ཀུན་སྤྱོད་ཀྱི་རིམ་པ་གོང་མས་ཇི་ལྟར་ཚུགས་པ་བཞིན་ཅུང་ཟད་ཀྱང་གྲྭ་མ་ཉམས་པར་བསྐྱངས། དགོན་པ་རང་གི་གྲྭ་པ་རྣམས་དང་ཕྱོགས་ནས་ཀྱང་སེར་སྐྱ་མཆོག་དམན་དུ་མ་ལྷགས་པ་རྣམས་ལ་དབང་ལུང་རྗེས་གནང་སོགས་ལྷུག་པར་སྩལ་ཏེ་ཞུ་མཁན་ཐམས་ཅད་ཀྱི་རེ…

ཚང་བཀྲ་ཤིས་ཆོས་འཕེལ་གླིང་གི་བླ་བྲང་དུ་ལོ་ཕྱེད་ཙམ་གྱི་རིང་ཟབ་ལམ་རྡོ་རྗེའི་རྣལ་འབྱོར་ལ་ཉིན་མཚན་འཁོར་མོ་ཡུག་ཏུ་གཞོལ་ཏེ་ཡི་དམ་གྱི་ལྷ་དུ་མའི་ལྗགས་བསྙེན། མཇུག་ཏུ་སྦྱིན་སྲེག་ཚོགས་འཁོར་སོགས་གང་རྒྱས་གནང༌། དེ་ནས་སྒོ་མེའི་ཤོག་གི་མཆོད་རྟེན་སྐེད་ཅེས་གྲགས་པའི་དགོན་གྱི་ཁྲིར་བཞུགས་ཏེ་ཆོས་འགྲིམ་པ་རྣམས་ལ་བརྩི་བཞག་རྒྱ…

ངམ་སྟོན་པ་ཉེ་སྲས་དང་བཅས་པའི་རྗེས་གནང༌། ཚེ་དཔག་མེད་དང་རྣམ་འཇོམས་ཀྱི་དབང༌། ཕྱག་རྡོར་སྐུ་ལྔའི་རྗེས་གནང༌། ཕྱག་རྡོར་སེམས་དཔའ་སུམ་བརྩེགས་ཀྱི་རྗེས་གནང༌། ཕྱག་རྡོར་བདུད་རྩི་ཐིགས་པ། ཕྱག་རྡོར་གཏུམ་པོ་མེ་འབར་དྲག་པོ། དྲག་པོ་སུམ་དྲིལ་སོགས་སྙན་བརྒྱུད་ཀྱི་དབང་དང་རྗེས་གནང་ཆ་ཚང་བ། ཕྱག་རྡོར་འཁོར་ཆེན་གྱི་དབང་དང་མི་འཁྲུ…

ལས་ཀྱི་ཆོ་ག་རྣམ་པར་དག་པའི་སྒོ་ནས་བསྒྲུབ་བྱ་ཉིས་བརྒྱ་ལྷག་ལ་དགེ་བསྙེན། དགེ་ཚུལ། དགེ་སློང་གི་སྡོམ་པ་སོགས་སྩལ་ཏེ་ཐར་པའི་ས་བོན་གྲུང་པོ་འདེབས་པར་མཛད། ཝང་བསོད་ནམས་རྡོ་རྗེས། རྗེ་འཇམ་དབྱངས་བཞད་པ་རིན་པོ་ཆེར་དུས་འཁོར་གྱི་དབང་ཞུས་སྐབས་དེར་ཕེབས་ཏེ་དུས་འཁོར་གྱི་དབང་དང༌། ལྷ་མོ་ཤྲ་མ་ཎ། རྟ་མགྲིན་གསང་སྒྲུབ། མི་གཡོ་བ་…

ཐམས་ཅད་ལ་མ་ལུས་པར་ཕེབས་ཏེ་གསན། རེས་འགའ་གཞན་གྱིས་ཞུས་པ་མ་གསན་པར་ལུས་པའི་ཚེ། རྗེ་འཇམ་དབྱངས་བཞད་པ་རིན་པོ་ཆེས་གཟིགས་པ་ཆེ་བཞེས་ཀྱིས་འདི་པ་བོས་ནས་བཞུགས་སུ་བཅུག་པས་བཀའ་དྲིན་ཤིན་ཏུ་ཆེ་བ་བྱུང་ཚུལ་དམ་པ་ཉིད་ནས་ཀྱང་ཡང་ཡང་གསུང་ཚུལ་རྒྱུས་ཡོད་རྣམས་གླེང༌། རྗེ་བཙུན་བླ་མ་དམ་པ་སྐུ་ཞབས་ཐུའུ་བཀྭན་རིན་པོ་ཆེའི་སྤྱན་སྔར་རྗ…

རྔ་སྒྲས་ཕྱོགས་ཀུན་ཏུ་ཁྱབ་པར་གྱུར་ཏོ། །བཤེས་གཉེན་གངས་ཀྱི་རི་བོའི་འཕྲེང་བ་ལས། །དལ་འབབ་ཆོས་ཀྱི་ཀླུང་བརྒྱ་ཆབས་ཅིག་ཏུ། །འཁྱིལ་བའི་གདམས་པ་མི་ཟད་ཆུ་བོའི་གཏེར། །ཐར་འདོད་ངང་པའི་རོལ་གནས་གཅིག་པུར་གྱུར། །ཚུ༷ལ་མཐུན་བག་ཡོད་ཁྲི༷མས་ལྡན་འདུས་སྡེ་སོགས། །དད་ལྡན་གདུལ་བྱའི་བསོད་ནམས་མཁའ་དབྱིངས་ནས། །ཟབ་རྒྱས་གདམས་པའི་འོད་ཟ…

འགྲིམ་པ་རྣམས་ལ་ཐད་ཀ་ཐད་ཀའི་ཡིག་ཆའི་རྒྱུགས་བླངས་ཏེ་འཆད་ཉན་ལ་འགྲུས་པར་མཛད་པས་ཀུན་གྱིས་གསུང་དང་བླང་གིས་ཐོས་བསམ་སོགས་ལ་འབད་པ་ལྷུར་བླངས་པས་ཆོས་ཐོག་རེ་རེ་ལས་རེ་རེར་སྐྱེད་ཐོན་ཏེ་འཆད་ཉན་ཡར་ཚེས་ཀྱི་ཟླ་ལྟར་འཕེལ། གྲྭ་ཚང་འདིར་ལོ་རེ་བཞིན་དབྱར་ཆོས་ཀྱི་སྐབས་ཀུན་རིག་གི་སྒྲུབ་མཆོད་རས་བྲིས་ཀྱི་དཀྱིལ་འཁོར་སྟེང་ནས་གནང་…

ཞེས་རྡུལ་ཚོན་གཉིས་སུ་ཕྱེ་བ་གདུལ་བྱའི་དབང་གིས་ཡིན་པར་གསུངས་ལ། དེ་ཡིན་ཚུལ་ནི་རྡོ་རྗེ་མཁའ་འགྲོ་ལས། དཀྱིལ་འཁོར་ལ་སོགས་ལས་གང་ནི། །བཅོས་མའི་སེམས་ཀྱིས་གང་བྱེད་པ། །ཕྱི་རོལ་ལས་རྣམས་གསལ་བྱེད་པས། །དང་པོའི་ལས་ཅན་རྣམས་ལ་བསྔགས། །ཞེས་གསུངས་ཏེ་རང་གིས་བསྒོམ་པ་ལ་དཀྱིལ་འཁོར་གྱི་མཚན་ཉིད་ཤེས་དགོས་ཤིང༌། རྡོ་རྗེ་སློབ་དཔོན…

ཚད་ལྡན་སྐྱེས་ཆེན་དུ་མའི་ཞབས་ལ་བསྟེན་ཏེ་གསན་རྒྱ་ཆེ་བ་ཆོས་ཀྱི་མཛོད་ལྟ་བུར་བཞུགས་པའི་དབང་གིས་ཕྱོགས་མཐའ་དག་ནས་བླ་མ་དགེ་བའི་བཤེས་གཉེན། དཔོན་པོ་ཆེ་ཆུང་སེར་སྐྱ་དྲག་ཞན་མཐའ་ཡས་པ་པདྨའི་ཚལ་ལ་བུང་བ་བཞིན་དུ་འདུས་ནས་བཀའ་ཆོས་གང་དགོས་ཞུས་པ་རྣམས་ལ་སོ་སོའི་འདོད་མོས་བཞིན་ཆོས་ཀྱི་ཆར་ཕབ། དགུང་ལོ་སོ་ལྔ་པ་ས་བྱིའི་ལོར་སྐྱབ…

འཛོམ་པའི་དུས་ཚོད་ན། །སྐལ་ལྡན་ཀུན་ཚོགས་པ་ཆོས་ཉིད་ཡིན། །དམ་ཆོས་ཀྱི་དགའ་སྟོན་རྒྱས་གྱུར་ཅིག །སློབ་བུ་མི་ཉག་ཞབས་དྲུང་གིས། སྤྱིར་རྒྱལ་བའི་བསྟན་ལ་མཇལ་དང་གཅིག །སྒོས་ནང་བལྟས་ཤེས་རྒྱུད་དྲང་དང་གཉིས། །མགོན་དགེ་བའི་བཤེས་གཉེན་བསྟེན་དང་གསུམ། །དེ་གསུམ་པོ་འཛོམ་པའི་དུས་ཚོད་ན། །ལེགས་ལམ་ཀུན་གྲུབ་པ་ཆོས་ཉིད་ཡིན། །སྐྱེ་ཀུ…

མགོན་དམ་པ་འཇམ་དབྱངས་བཞད་པའི་དྲུང་ནས། རྗེ་རིན་པོ་ཆེའི་བཀའ་འབུམ་གྱི་ལུང་གྲྭ་སློབ་ཐུན་མོང་ནས་གསན་དུས་ཕུན་སུམ་ཚོགས་པ་ལྔ་ལྡན་དུ་གྱུར་ཚུལ་གྱིས་ཡིད་དྲངས་ཏེ། མཚུངས་བྲལ་ཐུའུ་བཀྭན་རིན་པོ་ཆེ་ནས་མགོ་བརྩམས། ཉམ་ཆུང་མི་ཉག་སྐུ་སྐྱེས་ཀྱིས་མཚམས་སྦྱར་ཏེ་དགེ་ལེགས་ཀྱི་བྱ་བ་འདིས་ཐོག་དྲངས་ནས་བསྐལ་པའི་བར་དུ་བླ་སློབ་ཆོས་དང་…

ཐུགས་ལ་བཅངས་ཏེ་ཕྱོགས་མཐའ་དག་ནས་དོན་གཉེར་བ་མང་པོ་བྱུང་ན་ཁྱེད་ཉིད་ནས་དཀའ་ཚེགས་མེད་པར་སྤེལ་ཅི་ཐུབ་གྱིས། འཇམ་མགོན་བླ་མའི་བསྟན་པ་སྤྲིན་བར་གྱི་ཉི་མ་ལྟ་བུ་འདི་ཐབས་སྣ་ཚོགས་ཀྱི་སྒོ་ནས་དར་རྒྱས་སུ་འགྲོ་བའི་ཐུགས་སྟོབས་ཆེར་བསྐྱེད་དགོས་ཞེས་སོགས་ཕྱི་ནང་གསང་བའི་གསུང་གི་ལུང་བསྟན་མང་དུ་གནང༌། ལུང་གསན་མཁན་གྱི་ཁྲོད་དེ་ན…

མཐའ་དག་གནས་དྲུག་ཏུ་བསྡུས་ཏེ་སྟོན་པ་དཔའ་བོའི་ཡན་ལག་བརྒྱད་པ་དང༌། དཔལ་ལྡན་རྒྱུད་བཞི་རྩ་འགྲེལ་གསུམ་སོགས་སྨན་གྱི་གཞུང་ཆེ་བ་རྣམས་དང༌། ཆ་ལག་བཅོ་བརྒྱད། ཉམས་ཡིག །བྱེ་བ་རིང་བསྲེལ། ལག་ལེན་བདུད་རྩིའི་བུམ་པ་ཆེ་ཆུང་སོགས་གཞུང་མང་པོ་གུང་བསྒྲིགས་ཏེ་དོགས་སློང་དང་དམར་ཁྲིད་ལག་ལེན་དུ་འདེབས་ཚུལ་གྱི་བློ་སྐྱེད་མང་དུ་གནང་བས…

ཁྱུང་དགོན་པར་ཕེབས། བླ་གྲྭ་ཐུན་མོང་ནས་ཚོགས་ཆེན་གྱི་ཆོས་ཁྲིར་གདན་དྲངས་ནས་གསོལ་བ་བཏབ་པ་བཞིན་འདུས་ཚོགས་ཡོངས་ལ། ལམ་གྱི་གཙོ་བོ་རྣམ་གསུམ་གྱི་ཁྲིད་མདོ་རྒྱུད་བསྟན་བཅོས་ཀྱི་ལུང་གི་ཁུངས་དང་བཅས་པ་ཤིན་ཏུ་རྒྱས་པ་ཞིག་སྩལ། ཆོས་སྡེར་མང་འགྱེད་ཀྱི་བསྙེན་བཀུར་ཞུས་ཤིང༌། ནང་རྟེན་སོགས་ལ་མཆོད་འབུལ་གྱ་ནོམ་པ་དང་བཅས་སྐྱབས་སེམ…

ཅད་ཀྱི་རྒྱལ་པོ་དཔལ་གསང་བ་འདུས་པའི་རྩ་རྒྱུད་ཀྱི་དགོངས་དོན་མཐའ་དྲུག་ཚུལ་བཞིས་རྒྱས་བཏབ་པའི་གནད་རྣམས་བཤད་རྒྱུད་ཆེན་པོ་དྲུག་གི་སྒོ་ནས་ལེགས་པར་བཤད་པའི་ལམ་སྲོལ་ཆེན་པོ་དཔལ་ལྡན་ཟླ་བའི་འགྲེལ་པ་སྒྲོན་གསལ་དང་བཅས་པ། རྗེ་རིན་པོ་ཆེས་མཛད་པའི་བསྡུས་དོན། ཟུར་མཆན། དཀྱུས་མཆན། མཐའ་དཔྱོད་རྣམས་སྦྲགས་ནས་གཏན་ལ་འབེབས་པའི་བཤད…

སྐལ་བཟང་རྣ་བའི་རྒྱན་དུ་གྱུར། སུ་ཉིད་ཕྱོགས་ནས་འོངས་པ་མཁྱེན་དཔྱོད་ཡངས་པ་ཞབས་དྲུང་སྐལ་བཟང་བསྟན་པའི་སྒྲོན་མེས་ཞུས་ངོར་འཇིགས་བྱེད་ཀྱི་དབང་དང་ཐུགས་རྗེ་ཆེན་པོའི་དབང་སྟ་གོན་བཅས་ཚེ་དཔག་མེད་གྲུབ་རྒྱལ་མའི་རྗེས་གནང༌། སྒྲོལ་མའི་རྗེས་གནང༌། གསང་འདུས་རྩ་རྒྱུད་ཀྱི་ལུང༌། ལམ་རིམ་གྱི་ཁྲིད། སྨན་ཆོག་རྒྱས་བསྡུས་ཀྱི་ལུང་སོ…

བཞིན། རྗེ་འདི་པས་གྲྭ་ཚང་སོ་སོའི་གཏོར་མ་དང་སྒོས་ཀྱི་རྒྱུད་པའི་ཟོར་དང་ལྕགས་མཁར་རིམ་པ་བརྡབ་པའི་ཚེ་རླུང་ཁ་ཕར་ལྡོག་ཅིང་མེ་ལྕེ་དུམ་བུ་དུམ་བུར་ཆད་ནས་འགྲོ་བ་སོགས་ཟིལ་ཆེ་བ་ཚམ་རྔམ་དཀྱུས་དང་མི་འདྲ་བར་ཤིན་ཏུ་འཇིགས་པ་བྱུང༌། གནམ་ལོ་གསར་ཚེས་ཀྱི་ཉིན་རྒྱུད་པའི་བླ་བྲང་གི་སྲོལ་བཞིན་དཔལ་ལྡན་འདོད་ཁམས་དབང་མོའི་གཏོར་སྐྱོང…