བ་སྤུའི་ཁུང་བུ་རྣམས་ཀྱང་ཨ་ཡིག་རེ་རེས་གཏམས་པས་ཚིག་དོན་མཐའ་དག་མི་བརྗེད་པའི་གཟུངས་ཁྱད་པར་ཅན་ཐོབ་པར་བསམས་ལ། ཨ་རྐྱང་པ་བརྒྱ་སྟོང་སོགས་བཟླ། མཇུག་ཏུ་ཡི་གེ་བརྒྱ་པས་ལྷག་ཆད་བསྐང༌། ཆོས་ཀུན་ཚིག་དོན་མི་བརྗེད་དྲན་པའི་གཟུངས། །དྲི་བ་ཀུན་གྱི་ལན་ལྡོན་སྤོབས་པ་མཆོག །མྱུར་དུ་བསྐྱེད་ནས་ཆོས་ཀྱིས་ཕོངས་རྣམས་ལ། །ལེགས་བཤད་དགའ་…

པ་དཀོན་མཆོག་ཚུལ་ཁྲིམས་ཀྱིས་བསྐུལ་ངོར་ྋབཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ན་མོ་གུ་རུ་ལོ་ཀེ་ཤྭ་རཱ་ཡ། འདིར་འཕགས་པ་ཐུགས་རྗེ་ཆེན་པོའི་བསྒོམ་བཟླས་ཉམས་སུ་ལེན་པ་ལ། ཐོག་མར་སེམས་ཅན་ཐམས་ཅད་ལ་སྙེང་རྗེ་ཤུགས་དྲག་ཏུ་བསྐྱེད་ཅིང་བླ་མ་འོད་དཔག་མེད་དང་སྲས་ཀྱི་ཐུ་བོ་སྤྱན་རས་གཟིགས་ལ་དད་པ་ཤུགས་དྲག་སྦྱངས་ཏེ། …

སྤྱན་རས་གཟིགས་འཁོར་བཅས་རང་ལ་ཐིམ་ཞིང༌། མགོན་པོ་འོད་དཔག་མེད་ཀྱིས་དབང་བསྐུར་ཏེ་སྤྱི་བོར་རིགས་ཀྱི་བདག་པོའི་ཚུལ་དུ་བཞུགས་པར་གྱུར། མཆོད་པ་ཨ་མྲྀ་ཏས་བསང༌། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་འོད་དུ་ཞུ་བ་ལས་ཟག་པ་མེད་པའི་ཡེ་ཤེས་ཀྱི་རང་བཞིན་མཆོད་པའི་རྫས་…

མཇུག་ཏུ་ཡིག་བརྒྱས་ལྷག་ཆད་བསྐང༌། དགེ་བ་འདི་ཡིས་མྱུར་དུ་བདག །ཅེས་སོགས་དང༌། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །ཞེས་སོགས་བསྔོ་སྨོན་གྱིས་མཚམས་སྦྱར་བར་བྱའོ། །ཞེས་པ་འདི་ནི་དད་བརྩོན་ལྡན་པ་དགེ་སློང་དཀོན་མཆོག་ཐབས་མཁས་ཀྱིས་བསྐུལ་ངོར། ྋབཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་བིཀྵུ་རཏྣ་ཨཱ་ནན…

དམིགས་པ་དང་བཅས་པའི་སྒོ་ནས་གཟུངས་རིང་ཅི་འགྲུབ་ཀྱིས་ཐོག་དྲངས་ཏེ་ཡིག་དྲུག་ཅི་ལྕོགས་བཟླ། མཇུག་ཏུ་ཡིག་བརྒྱས་ལྷག་ཆད་བསྐང༌། འདི་ཡི་དགེ་བས་ཚེ་རབས་ཐམས་ཅད་དུ། །སྤྱན་རས་གཟིགས་ཀྱིས་དགེ་བའི་བཤེས་མཛད་དེ། །ཡང་དག་ལམ་བཟང་གེགས་མེད་མྱུར་བགྲོད་ནས། །མཁའ་མཉམ་འགྲོ་ཀུན་སྲིད་ལས་སྒྲོལ་གྱུར་ཅིག །ཁྱད་པར་འདི་སྣང་འགག་པར་རྩོམ་པ་ན…

བརྒྱ་སྔོན་པོས་བསྐོར་བ་བསམས་ཏེ་ཡིག་བརྒྱ་བཟླས་པས། དེ་དག་སོ་སོ་ལས་རང་མདོག་གི་བདུད་རྩིའི་རྒྱུན་བབས་པས་སྐུ་ལུས་ཐམས་ཅད་གང༌། དེ་རྣམས་ཀྱི་སྐུ་གསུང་ཐུགས་དང་འགལ་བའི་དམ་ཚིག་ཉམས་ཆག་ཐམས་ཅད་བྱང་ཞིང་དག །སེམས་ཅན་ཐམས་ཅད་ཀྱི་སྤྱི་བོའི་རྡོ་རྗེ་སེམས་དཔའི་སྦྱོར་མཚམས་ནས་བདུད་རྩིའི་རྒྱུན་བབས། སོ་སོའི་སྤྱི་བོ་ནས་ཞུགས་ཏེ་ལུ…

སྔོན་དུ་བཏང༌། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པཾ་ལས་པདྨ་ཨ་ལས་ཟླ་བའི་སྟེང་དུ་རང་སེམས་ཧྲཱིཿ ཡིག་དམར་པོ། དེ་ལས་འོད་འཕྲོས་དོན་གཉིས་བྱས། ཚུར་འདུས་ཏེ་ཡེ་ཤེས་ཀྱི་མེ་ལོང་གཅིག་ཏུ་གྱུར། དེ་ཞུ་བ་ལས་རང་ཉིད་ལྷ་མོ་དབྱངས་ཅན་མ་སྐུ་མདོག་དམར་མོ་ཞལ་གཅིག་ཕྱག་གཉིས། གཡས་རིན་པོ་ཆེ་དང་གཡོན་པས་མེ་ལོང་བསྣམས་པ། བཅུ་དྲ…

སེང་ལྡེང་ནགས་སྒྲོལ་ལ་བརྟེན་ནས་ཚེ་སྒྲུབ་བྱ་ཚུལ་བཞུགས་སོ། །རྒྱལ་ཀུན་འཕྲིན་ལས་ཀཻ་ལ་ཤ་རིའི་རྒྱུན། །འཕྲིན་ལས་ཀླུང་བཞིར་འབེབས་མཛད་བཅོམ་ལྡན་མ། །རྗེ་བཙུན་སྒྲོལ་མའི་ཞབས་པད་ལ་བཏུད་ནས། །དེ་ཡི་ཚེ་སྒྲུབ་གདམས་པ་མདོ་ཙམ་བྲི། །དེའང་སེང་ལྡེང་ནགས་སྒྲོལ་ལ་བརྟེན་ནས་ཚེ་སྒྲུབ་བྱ་བར་འདོད་པའི་གང་ཟག་གིས་རྗེ་བཙུན་མའི་སྐུ་དང་བ…

བསྐུམས་པའི་སྟབས་ཀྱིས་བཞུགས་པའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། རང་གི་ཐུགས་ཀའི་ཧཱུཾ་ལས་འོད་འཕྲོས། རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་དང་དབང་ལྷ་རྣམས་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། ཨོཾ་…

བརྒྱས་ལྷག་ཆད་བསྐང་ཞིང༌། མཆོད་བསྟོད་མདོར་བསྡུས་བྱ། མདུན་བསྐྱེད་ལ་ཡང་སེང་ལྡེང་ནགས་སྒྲོལ་བྱས་ཆོག་ཀྱང༌། སྤྱིར་སྒྲོལ་མ་ཉེར་གཅིག་ཏུ་བྱས་པ་ནི། སྤྲུལ་གཞིའམ་རྩ་བ་སེང་ལྡེང་ནགས་སྒྲོལ་ཉིད་ཀྱི་སྒོ་ནས་ལས་ཚོགས་སོ་སོར་སྒྲུབ་པའི་ཆེད་ཡིན་པས། ཇོ་བོ་བཀའ་གདམས་པ་རྣམས་ཀྱིས་སྒྲོལ་ལྗང་བདག་བསྐྱེད་མཛད་དེ། དེའི་སྒོ་ནས་མདུན་བསྐ…

ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་ལས་འོད་ཟེར་འཕྲོས། རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་དང་དབང་གི་ལྷ་རྣམས་སྤྱན་དྲངས་པར་བསམས་ལ། འགྲོ་ཀུན་སྲིད་པའི་རྒྱ་མཚོ་ལས། །རྨད་བྱུང་ཐུགས་རྗེའི་གྲུ་གཟིངས་ཀྱིས། །སྒྲོལ་བའི་ཐུགས་དམ་བཅས་པ་བཞིན། །དམ་ཚིག་ཆེན་པོས་ཨེ་ཧྱེ་ཧི། ཛཿ ཧཱུཾ་བཾ་ཧོཿ དེ་བཞིན་གཤེགས་པ་ཐམས་ཅད་…

འཁོར་འདས་སྣོད་བཅུད་ཐམས་ཅད་ཀྱི་བཀྲག་མདངས་གཟི་བརྗིད་ཐམས་ཅད་དང༌། ཁྱད་པར་དུ་འཆི་མེད་ཚེའི་རིག་འཛིན་བརྙེས་པ་ཐམས་ཅད་ཀྱི་ཚེ་དང་ཡེ་ཤེས་ཐམས་ཅད་འཆི་མེད་ཚེ་ཡི་བདུད་རྩི་དམར་སེར་གྱི་རྣམ་པར་བཀུག །བཅོམ་ལྡན་འདས་མའི་སྐུའི་ཆ་དང་ཕྱག་གི་བུམ་པ་ལ་ཐིམ། རྗེ་བཙུན་མའི་སྐུའི་ཆ་དང་ཕྱག་གི་བུམ་པ་ལས་ཀྱང་བདུད་རྩིའི་རྒྱུན་བབས་པས། བུ…

འདས་མའི་ཕྱག་གི་བུམ་པ་ལ་ཐིམ། ཞེས་པའི་འཕྲོར། དེ་ལས་ཀྱང་འཆི་མེད་ཚེའི་བདུད་རྩིའི་རྒྱུན་བབས། རང་གི་སྤྱི་བོ་ཚངས་པའི་བུ་ག་ནས་ཞུགས། ལུས་ཀྱི་ནང་ཐམས་ཅད་གང་བས། དུས་དང་དུས་མ་ཡིན་པའི་འཆི་བདག་གི་འཇིགས་པ་བསལ། འཆི་མེད་ཚེའི་དངོས་གྲུབ་ཐོབ་པར་བསམས་ལ། ཨོཾ་ཏཱ་རེ་ཏུཏྟཱ་རེ་ཏུ་རེ་ཨཱ་ཡུཿ ཛྙཱ་ན་པུཥྚིཾ་ཀུ་རུ་སྭཱཧཱ། ཞེས་མང་དུ་…

གནས་ཀུན་འདུས་ངོ་བོར་གྱུར། །ཐུགས་རྗེ་ཀུན་ལ་སྙོམས་པའི་བཅོམ་ལྡན་འདས། །མཚན་ཙམ་ཐོས་པས་ངན་འགྲོའི་སྡུག་བསྔལ་སེལ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻ་ཌཱུརྻྻ་ཡི་འོད་ལ་ཕྱག་འཚལ་ལོ། །དངོས་བཤམས་གཟུངས་རིག་མོས་སྟོབས་ཀྱིས་སྤྲུལ་བའི། །མཆོད་ཚོགས་ཀུན་འབུལ་སྡིག་ལྟུང་ཐམས་ཅད་བཤགས། །དགེ་ལ་ཡི་རང་བསྐུལ་ཞིང་གསོལ་བ་འདེབ…

སྐུ་གསུང་ཐུགས་ཀྱི་བྱིན་རླབས་ཐོབ་པར་གྱུར། །ཨོཾ་ན་མོ་བྷ་ག་ཝ་ཏེ། བྷཻ་ཥ་ཛྱེ་གུ་རུ་བཻ་ཌཱུརྱཱ་པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀ་སཾ་བུདྡྷ་ཡ། ཏདྱ་ཐཱ། ཨོཾ་བྷཻ་ཥ་ཛྱེ་བྷཻ་ཥ་ཛྱེ། མཧཱ་བྷཻ་ཥ་ཛྱེ་བྷཻ་ཥ་ཛྱེ། རཱ་ཛཱ་ས་མུངྒ་ཏེ་སྭཱཧཱ། ཞེས་གཟུངས་རིང་ངམ། ཡང་ན། ཏདྱ་ཐཱ། ཨོཾ་བྷཻ་ཥ་ཛྱེ་བྷཻ་ཥ་ཛྱེ། མཧཱ་བྷཻ་ཥ་ཛྱེ་བྷཻ་ཥ་ཛྱ…

ཟླ་བའི་གདན་སྟེང་ན། །བཀའ་དྲིན་མཉམ་མེད་རྩ་བའི་བླ་མ་དང༌། །ངོ་བོ་དབྱེར་མེད་འཕགས་མཆོག་སྤྱན་རས་གཟིགས། །སྟོན་ཟླ་ལྟར་དཀར་ཞལ་གཅིག་ཕྱག་བཞི་པ། །རྩ་ཕྱག་ཐལ་སྦྱར་རྒྱལ་ཀུན་ཐུགས་རྗེ་བསྐུལ། །ལྷག་མའི་ཕྱག་གིས་ཤེལ་ཕྲེང་པད་སྡོང་བསྣམས། །ཐུགས་རྗེའི་སྤྱན་གྱིས་མཁའ་མཉམ་འགྲོ་ལ་གཟིགས། །དར་ཟབ་རིན་ཆེན་རྒྱན་ལྡན་སྐྱིལ་ཀྲུང་མཛད། །མ…

མཎྜ་ལ་ཀཾ་ནིརྱཱ་ཏ་ཡཱ་མི། དེ་ཡི་ཐུགས་ཀར་ཟླ་བ་ལ་གནས་པའི། །ཧྲཱིཿ ཡིག་སྔགས་ཕྲེང་དང་བཅས་འོད་ཟེར་གྱིས། །འགྲོ་དྲུག་འཕགས་པའི་གོ་འཕང་ལ་བཀོད་དེ། །ཀུན་གྱིས་གཟུངས་སྔགས་ལྷན་ཅིག་སྒྲོག་པར་གྱུར། །ཨོཾ་མ་ཎི་པདྨེ་ཧཱུཾ། ཡི་གེ་བརྒྱ་པ་བཟླ། དགེ་འདིས་མཚོན་པའི་དུས་གསུམ་དགེ་ཚོགས་མཐུས། །དེང་ནས་བརྩམས་ཏེ་ཚེ་རབས་ཐམས་ཅད་དུ། །བླ་མ་…

པ་མང༌། །དུས་ངན་སྙིགས་མའི་རྒུད་པ་བསལ་དུ་གསོལ། །སྡེ་དཔོན་ཁེངས་དྲེགས་སྤྱོད་པ་ལོག་པར་ཞུགས། །ཡུལ་ཁམས་ནད་དང་འཁྲུག་པ་མུ་གེས་མནར། །ཉམ་ཆུང་སྐྱེ་བོ་མགོན་མེད་སྡུག་གྲིར་འཆི། །དུས་ངན་སྙིགས་མའི་རྒུད་པ་བསལ་དུ་གསོལ། །ལོ་འབྲས་མི་སྨིན་སད་སེར་ཐན་པས་འཇོམས། །རྐང་བཞི་མི་འཕེལ་ནད་སྣ་དུ་མས་གཙེས། །ཟས་ནོར་བཅུད་ཉམས་ཉིན་རེ་བཞིན…

གཉིས་ཀྱིས་འཕགས་མཆོག་ཐུགས་རྗེ་ཆེན་པོ་ལ་སྙིགས་མའི་རྒུད་པ་ཞི་བའི་ཕྱིར་གསོལ་བ་འདེབས་ཚུལ་ཞིག་དགོས་ཞེས་བསྐུལ་ངོར། ྋབཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ རང་གི་སྤྱི་བོར་པདྨ་ཟླ་བའི་སྟེང༌། །ཧཱུཾ་དང་རྡོ་རྗེའི་འོད་ཟེར་འཕྲོ་འདུ་ལས། །རྡོར་སེམས་དཀར་པོ་རྡོར་དྲིལ་བསྣམས་པ་ཡིས། །རྡོ་རྗེ་སྙེམས་མ་གྲི་ཐོད་འཛི…

རོལ་ལས། །གང་འདུལ་གཟུགས་སྐུར་སྣང་བའི་བླ་མ་ལྷ། །རབ་འབྱམས་རྒྱལ་བའི་ཚོགས་བཅས་འདིར་གཤེགས་ཤིག །གདོང་ལྔས་ཉེར་བཏེགས་འོད་འབར་ནོར་བུའི་ཁྲིར། །ཞི་དུལ་ཆོས་འཆད་མཉམ་གཞག་ཕྱག་རྒྱ་ཅན། །བཀའ་དྲིན་མཉམ་མེད་རྩ་བའི་བླ་མ་སོགས། །ཞིང་གི་མཆོག་རྣམས་བརྟན་པར་བཞུགས་སུ་གསོལ། །དམུ་རྒོད་གདུལ་དཀའ་སྙིགས་མའི་འགྲོ་བ་ལ། །སྐལ་བར་འཚམ་པའི་ལ…