སྦྲུལ་གནས་དེ། །ཕྱིས་ཀྱང་མཐོང་ཚེ་འཇིགས་པ་ལྟར། །རྐུ་དང་རྫུན་ལ་གཅིག་ཞུགས་པའ། །མི་དེར་རྟག་ཏུ་དོགས་པ་སྐྱེ། ༈ །ཚེར་མ་རྣོ་ཡང་བྲག་རི་ལ། །བསྣུན་ན་རྩེ་མོ་འཇིལ་བར་བྱེད། །སྐྱེས་བུ་དམ་པར་ཕྲག་དོག་གིས། །སྨོད་པ་རང་གི་དམའ་འབེབས་ཡིན། །གནས་མིན་ལ་ཡང་དུལ་ཆེས་ན། །སྙིགས་མའི་དུས་འདིར་ཀུན་གྱིས་བརྙས། །ཤིང་བལ་འཇམ་མོ་འཇམ་མོ་ཞེ…

རྣམས་ཁང་བཟང་དང། །དེར་གནས་སྐྱེད་མོའི་ཚལ་ལ་དགའ། །འཚོ་བས་དབུལ་བ་རབ་བྱུང་དང། །རྒྱག་པས་མྱོས་པ་ཁྱིམ་ལ་ཕྱོགས། །ནགས་དེར་སྐྱེས་པའི་སྤྲེ་འུ་ཡང། །འབྲས་བུ་ཟད་ན་གཞན་དུ་འགྲོ། །རྒུད་ཚེ་སྙིང་དུ་སྡུག་པ་ཡི། །བུ་ཡང་གཞན་གྱི་ཕྱོགས་སུ་འབྲོས། །ནགས་ཚལ་ཕུན་སུམ་ཚོགས་པ་དེར། །དོན་མེད་ནམ་མཁའི་བྱ་ཡང་འཁོར། །གང་ན་བདེ་སྐྱིད་འཛོམ་པ་…

ཅེས་ལེགས་པར་བཤད་པ་ཤིང་གི་བསྟན་བཅོས་ལུགས་གཉིས་ཡལ་འདབ་བརྒྱ་ལྡན་ཞེས་བྱ་བ་འདི་ནི་མཐོང་སྣང་སྣ་ཚོགས་ཀྱིས་རྐྱེན་བྱས་ཏེ་བཙུན་པ་དཀོན་མཆོག་བསྟན་པའི་སྒྲོན་མེས་ཚྭ་རྒན་སྨན་ཆུར་ཕྱིན་པའི་ལམ་ཁར་གང་དྲན་སུག་བྲིས་སུ་བགྱིས་པའོ།། །།

ལེགས་པར་བཤད་པ་ཆུའི་བསྟན་བཅོས་ལུགས་གཉིས་རླབས་འཕྲེང་བརྒྱ་ལྡན་ཞེས་བྱ་བ་བཞུགས་སོ།།

མཁྱེན་པའི་གཏིང་མཐའ་མི་མངོན་ཞིང། །ཐུགས་རྗེའི་ཡིད་བཞིན་ནོར་གྱིས་གཏམས། །མཛད་པའི་རླབས་ཕྲེང་གཡོ་བ་ཅན། །ཐུབ་དབང་ཆོས་ཀྱི་རྒྱ་མཚོ་རྒྱལ། །རྙོག་བྲལ་དྭངས་པའི་ཆུ་རྒྱུན་གྱིས། །ལུས་ཅན་གདུང་བ་ཞི་བྱེད་ལྟར། །ལེགས་བཤད་གསར་པའི་བདུད་རྩི་ཡིས། །བློ་ལྡན་སྐྱེ་བོར་དབུགས་དབྱུང་བྱ། །དྲི་བཟང་བསྒོས་པའི་ཆུ་གཙང་དེ། །མཆོད་ཡོན་ཞབས་…

ན། །བྱ་བ་གང་ཡང་དཀའ་བ་མེད། །ཆུ་ཡི་ནང་དུ་ཞུགས་པ་དེར། །ཆར་གྱིས་ལྷག་པར་གནོད་མི་འགྱུར། །རྒྱུན་ཆགས་བརྩོན་པ་མ་བཏང་བར། །བགས་ཀྱིས་བསྒྲུབ་ན་ཅི་ཡང་འགྲུབ། །ཆུ་བོ་དལ་གྱིས་འབབ་པ་ཡིས། །ཡངས་པའི་ས་ཆེན་བསྐོར་ནས་འགྲོ། །བྱ་བ་ཆེན་པོ་ཡུན་གྱིས་སྒྲུབ། །ངང་ཐུང་འབད་པས་མཐར་མི་ཕྱིན། །ཀླུང་ཆེན་དལ་ཡང་རིང་འགྲོ་ལ། །རྦ་རླབས་དྲག་ཀྱང…

བའི། །ས་ལ་མཁར་ཁྱིམ་བརྟན་མི་སྲིད། །རྗེ་འབངས་མཐུན་ན་དགྲ་སྡེ་ཡིས། །ཐུབ་དཀའ་སོ་སོར་གྱེས་ན་མིན། །རྟ་ཡིས་བརྒལ་དཀའི་ཆུ་བོ་ཡང། །མང་དུ་གྱེས་ན་ལུག་ཀྱང་བགྲོད། །ཆོས་ལྡན་རྒྱལ་པོས་ཁྲལ་བསྡུས་ཀྱང། །དེ་ཉིད་ཀྱིས་ནི་འབངས་རྣམས་སྐྱོང། །སྤྲིན་ཆེན་རྒྱ་མཚོའི་ཆུ་དྲངས་ཏེ། །དལ་གྱིས་འབེབས་པས་འཛིན་མ་སྐྱོང། །རྒྱལ་ངན་འབངས་ཀྱི་ཟས་…

གཟན་རི་དྭགས་ཕལ་ཆེར་བྲོས། །འགྲོགས་ན་ལེགས་སྤྱོད་འཕེལ་འགྲིབ་ལས། །དགེ་དང་སྡིག་པའི་གྲོགས་འགྱུར་ཏེ། །དྭངས་བསིལ་འདྲ་ཡང་ཕན་གནོད་ལས། །སྨན་གྱི་ཆུ་དང་དུག་ཆུར་འཇོག །སྡིག་གྲོགས་གཡེམ་མའི་འཛུམ་དཀར་ལས། །ཤ་ཚའི་གདུག་རྩུབ་ཁྲོ་གཉེར་བཟང། །ཐན་ཁྱེར་སྤྲིན་གྱི་མདོག་དཀར་ཡང། །ཆུ་ལྡན་སྤྲིན་ནག་ཞིང་པའི་གསོས། །བློ་ལྡན་རང་བཞིན་བཟང…

བཟོད་པས་བདེ་བར་གནས། །བཙོ་ཡི་སྔགས་ཀྱིས་བཏབ་པའི་ཆུ། །ཁོལ་བཞིན་པ་ཡིས་བྲན་ཀྱང་བསིལ། །ཁྲེལ་མེད་རྣམས་ལ་ཕན་བཏགས་ཀྱང། །བྱ་བ་ཟིན་ན་བརྗེད་པར་འགྱུར། །ཆུ་བོའི་ཕ་རོལ་བརྒལ་བ་ན། །གྲུ་གཟིངས་ལྟོས་པ་མེད་པར་འདོར། །མི་ངན་རེ་རེའི་བྱེད་པས་ཀྱང། །ཡུལ་ཁམས་ཆེན་པོ་ཕུང་བར་བྱེད། །དྲང་སྲོང་གདུག་པ་མཆོངས་པ་ཡིས། །སི་ཏ་ཚལ་བརྒྱར་གྱེས…

འདོད་རིག་པ་རྒོད། །ཆུ་མིག་སྐམ་འདོད་སྙིགས་མ་མང། །བླུན་པོས་ངལ་བརྒྱས་བསྒྲུབས་ན་ཡང། །གྲགས་པ་བློ་ལྡན་གཞན་གྱིས་འཁྱེར། །རི་ལས་སྐྱེས་པའི་པདྨ་ཡང། །བསྐྱེད་པའི་གྲགས་པ་ཆུ་ཡིས་འཐོབ། །ལུང་རྟོགས་ཡོན་ཏན་མི་ལྡན་ཡང། །དམ་པར་སྒྲོགས་པས་སྐྱེ་བོ་བསླུ། །སྦྲང་ཆར་བཅུད་དང་བྲལ་བ་ཡི། །ཐན་ཁྱེར་སྤྲིན་གྱི་འབྲུག་སྒྲ་བཞིན། །སྙིགས་དུས…

ཆེས་པས། །བསོད་ནམས་ཚད་ལས་འགོང་མི་རུང། །མཚོ་ཆུང་རང་གི་ཁྲོན་པ་ཡི། །ཚད་ལས་རྒྱས་ན་བོ་བར་འགྱུར། །དོན་ཆེན་ཐོག་ཏུ་མ་བབས་པའ། །དུས་ནས་ཐབས་དང་རིམ་གྲོ་བྱ། །ཆུ་ལོན་སྔར་ནས་མ་བརྩིགས་ན། །བྲུབས་ནས་འོལ་ཁ་བསྒྱུར་བ་དཀའ། །དོན་མེད་ལས་ལ་ཕོད་བཙུགས་ནས། །རང་ཉིད་ཉམས་བྱེད་དཔའ་བོ་མིན། །ཆུ་ཡི་ནང་གི་གཟུགས་བརྙན་ལ། །མཆོངས་པས་སེང་གེ…

ཤེས། །ཁྱི་ནི་སྐོམ་ཡང་ཆུ་ཀླུང་ལ། །ཧུབ་ཀྱིས་མི་འཐུང་ལྡག་པར་བྱེད། །རང་གཞན་སུ་ལ་མི་ཕན་པའ། །ནོར་དེ་མེད་པ་ཉིད་དང་མཚུངས། །ཆུ་མེད་ས་གཞི་རྒྱ་ཆེ་ཡང། །མྱ་ངམ་ཐང་ཞེས་ཀུན་གྱིས་འདོར།། །།ལོངས་སྤྱོད་སྤེལ་བར་འདོད་པས་ཀྱང་། །ཅུང་ཟད་གཏོང་ཚུལ་ཤེས་དགོས་ཏེ། །ཁྲོན་ཆུ་བཅུས་ན་འཕེལ་འགྱུར་ཞིང། །བཞག་ན་སྙིགས་མས་སྐམ་པར་འགྱུར། །བླུ…

གྱིས་འགྲོ་བ་ཡི། །ཆུ་ཀླུང་གཏིང་མཐའ་དཔོག་པར་དཀའ། །ཆུ་ལ་རི་མོར་བྲིས་པ་བཞིན། །སྡིག་སེམས་མོད་ལ་འདོར་བྱ་ཞིང། །དགེ་བའི་དམ་བཅའ་རྡོ་བ་ཡི། །རི་མོ་བཞིན་དུ་བརྟན་པར་བྱ། །བསམ་པ་བཟང་ན་འཇིག་རྟེན་གྱི། །བྱ་བ་ཀུན་ཀྱང་ཆོས་སུ་འགྲོ། །ཟོ་ཆུན་ལ་བརྟེན་འོབས་ཀྱི་ཆུ། །ཤིན་ཏུ་མཐོ་བའི་རི་རྩེར་འགྲོ། །གཙོ་བོར་ལས་འབྲས་དཀོན་མཆོག་ལ། …

བགྲོད་འདོད་བྱ་བའི་མགོ །དེད་དཔོན་མཁས་པ་ཚོལ་བ་ཡིན། །འཇིག་རྟེན་འཇིག་རྟེན་འདས་པ་ཡི། །དགེ་ལེགས་རྩ་བ་བླ་མ་སྟེ། །འཛམ་གླིང་རྩི་ཤིང་ལོ་འབྲས་ཀུན། །མ་དྲོས་མཚོར་གནས་ཀླུ་ཡི་དྲིན། །ང་རྒྱལ་སྤངས་ཏེ་ཞི་དུལ་གྱིས། །དམ་ཆོས་སྣོད་དུ་རུང་བར་བྱ། །ཆུ་བོ་སྒང་དུ་མི་གནས་པར། །དམའ་བའི་གཤོང་དུ་འཁྱིལ་བར་འགྱུར། །ཆོས་ཀུན་ཅིག་ཅར་མི་ཤ…

རྗེས་གཅིག་གནོན་དེ། །ཅི་ཙམ་འདས་ཀྱང་ཟིན་དུས་མེད། །བློ་རིག་སྟོབས་དང་རྩལ་ཆེ་ཡང། །དུས་ཀྱི་ཕོ་ཉས་དབང་མེད་འཆིང། །ཆུ་ཆེན་རླབས་ཀྱི་གར་མཁན་མ། །དགུན་དུས་འཁྱག་པའི་སྦུབས་སུ་ཚུད། །སྒོ་གསུམ་མི་དགེའི་སྤྱོད་ཚུལ་འདིས། །ཕྱི་མའི་སྐྱེ་བ་ངན་འགྲོར་ངེས། །རི་བོའི་ཟོམ་ནས་འབབ་པའི་ཆུ། །གཡང་ས་བརྒྱུད་མར་བརྡབ་ཅིང་འཕྱོ། །དེ་ནས་ལོ་…

པ་མང། །མཆོག་ཏུ་མངར་བ་གངྒཱའི་ཆུ། །རྒྱ་མཚོར་འདྲེས་ན་ཁ་བར་འགྱུར། །རྨོངས་པའི་མུན་ནག་གིས་ལྡོངས་ཤིང། །ལས་ཀྱི་ཞགས་པས་བཅིངས་པ་རྣམས། །སྲེད་པའི་ཀླུང་གིས་རབ་དྲངས་ཏེ། །མི་བཟད་སྐྱེ་བའི་རྒྱ་མཚོར་འགྲོ།། །།འདོད་པ་ལན་ཚྭའི་ཆུ་བོ་ན། །ཅི་ཙམ་སྤྱད་ཀྱང་མི་ངོམས་པས། །ཆུ་མཚོ་འཁྱག་པའི་ངང་པ་ལྟར། །སྲིད་ལས་ངེས་འབྱུང་སྐྱོ་ཤས་སྐྱེ…

རྙོག་པ་མ་ལུས་དྲུངས་འབྱིན་ཏེ། །ཀེ་ཏ་ཀ་འབྲས་བྱེ་མ་ཡིས། །ཆུ་བོ་རྙོག་མ་དྭངས་པར་བྱེད། །དགེ་ཚོགས་མ་ལུས་སྲེག་བྱེད་པའ། །ཁོང་ཁྲོའི་དགྲ་འཇོམས་བཟོད་པ་སྟེ། །ཀུན་ཟ་འབར་བའི་མེ་ལྕེ་ན། །གསོད་བྱེད་གཉེན་པོ་ཆུ་ཡིན་ནོ། །རྟག་གུས་བརྩོན་པ་མ་བཏང་ན། །མི་འགྲུབ་བྱ་བ་ཅི་ཡང་མེད། །ཆུ་ཐིགས་རྟག་ཏུ་འབབ་པ་ཡིས། །བྲག་གི་རི་བོ་འབིགས་ལ་…

སྐྱོང། །རྒྱ་མཚོར་འཇུག་མྱོང་དེད་དཔོན་གྱིས། །གཞན་ཡང་ཁྲིད་ནས་ནོར་ལ་སྦྱོར། །རྒྱུ་ཡི་ཐེག་པའི་ལམ་རིང་ཡང། །གསང་སྔགས་ཐབས་ཀྱིས་མྱུར་དུ་བགྲོད། །ཐང་དུ་འདྲེན་དཀའི་གྲུ་བོ་ཆེ། །རྒྱ་མཚོར་ཞུགས་ན་ཡུད་ཀྱིས་འགྲོ། །རྡོ་རྗེ་ཅན་གྱིས་ལེགས་གསུངས་པའ། །གསང་སྔགས་ནུས་པ་བསམ་མི་ཁྱབ། །གདུང་བ་མ་ཞེས་བོས་པས་ཀྱང། །ལྷ་ཡི་ཆུ་བོ་འགུག་པར…

ཟླ་བའི་གཟུགས་བརྙན་སྣང་བ་བཞིན། །དཔེ་ཡི་རིམ་པ་རེ་རེས་ཀྱང། །འཁོར་འདས་ཆོས་ཀུན་མཚོན་པར་ནུས། །འཇིག་རྟེན་ཡ་རབས་སྤྱོད་པ་ནས། །མདོ་སྔགས་ལམ་གྱི་རིམ་པའི་བར། །དཔེར་བྱ་གཅིག་གིས་མཚོན་པ་འདི། །ལེགས་བཤད་འཕྲུལ་གྱི་རྒྱ་མཚོ་ཡིན། །ལོངས་སྤྱོད་འཁོར་ལོའི་ཆུ་གཏེར་ན། །དབྱངས་ལྡན་ངང་མོ་རྣམ་རོལ་པ། །དེ་ཡི་ཁ་ལས་ལེགས་བཤད་ཀྱི། །རྦ་ར…

གསལ་དུ་གཏོང་རྒྱུ་མེད་པ་ལྟ་བུར་སྣང་ཞིང། ཕྱོགས་མཐུན་གྱི་ཁུངས་དཔལ་མགོན་ཀླུ་སྒྲུབ་ཀྱི་ཤེས་རབ་བརྒྱ་པ། ཤེས་རབ་སྡོང་བུ། སྐྱེ་བོ་གསོ་ཐིགས་གསུམ་དང། ཙ་ན་ཀ་རྒྱལ་པོའི་ལུགས་ཀྱི་བསྟན་བཅོས་མ་སུ་རཀྵས་བྱས་པའི་ལུགས་ཀྱི་བསྟན་བཅོས། ཉི་མ་སྦས་པས་མཛད་པ་ཚིགས་སུ་བཅད་པའི་མཛོད། མཆོག་སྲེད་ཀྱི་ཚིགས་བཅད་བརྒྱ་པ། དྲི་མ་མེད་པའི་དྲི…