བཟུང་ནས། དེ་དང་ཤེས་བྱ་གཉིས་འདྲེས་རུང་དུ་འཛིན་ཚུལ་མེད་པའི་ཕྱིར། ཡང་ཁོ་ན་རེ། ཡོད་མེད་གཉིས་ཀྱི་ནང་ནས་མེད་པ་མ་ཡིན་པར་ཐལ། མིག་ཤེས་ཚད་མས་མངོན་སུམ་དུ་རྟོགས་ཤིང། རྣ་ཤེས་ཚད་མས་མངོན་སུམ་དུ་རྟོགས་པ་གང་ཞིག །དེ་ལྟར་མངོན་སུམ་དུ་མཐོང་བཞིན་དུ་སྐུར་བ་འདེབས་མི་རུང་བའི་ཕྱིར། ཟེར་ན། འོ་ན་གཟུགས་ཀྱི་སྐྱེ་མཆེད་དང་སྒྲའི་སྐ…

གཞུང་དོན་ཟབ་མོའི་ལུས་ཀྱི་རྩལ་རྫོགས་ཀྱང། །རིགས་ལམ་འཕྲུལ་གྱི་མཆེ་སྡེར་མི་ལྡན་པ། །རྒོལ་ངན་གླང་པོ་འཇོམས་པར་མི་ནུས་པས། །ཚིག་འཁྲིའི་སྦྱོར་བ་འགའ་ཟུང་གཏམ་དུ་སྨྲས། །ཁྱད་པར་གཞི་དང་མ་འབྲེལ་སྤྱི་ལྡོག་མ། །རྣམ་པ་གཞི་མེད་སྐྱེས་བུའི་དོན་མིན་ལོ། །ངེས་བཟུང་མེད་ལ་མེད་ཅེས་སྨྲ་བ་ཡང། །མི་རུང་མིང་ཙམ་དབུ་མའི་འཕྲུལ་འདེགས་ཡི…

གྲུབ་མཐའ་བཞིའི་འདོད་ཚུལ་སོགས་དྲིས་ལན་སྣ་ཚོགས་ཀྱི་སྐོར་ཞལ་ལུང་བདུད་རྩིའི་ཐིགས་འཕྲེང་ཞེས་བྱ་བ་བཞུགས་སོ། །

ཡེ་ཤེས་གཟིགས་པ་དག་པས་སྐལ་བ་བཞིན། །ཡོངས་སུ་བཀྲི་མཛད་སྟོན་པ་རྡོ་རྗེ་འཆང། །ལེགས་གསུང་དེ་འཛིན་ཚོགས་བཅས་ལ་བཏུད་ནས། །བསྟན་པའི་རིམ་པ་ཇི་བཞིན་དགོད་པར་བྱ། །དེའང་གྲུབ་མཐའ་བཞི་དང་མདོ་སྔགས་གཉིས་ལ་གོང་འོག་གི་རིམ་པ་དང་ཕན་ཚུན་འགལ་མེད་གྲོགས་སུ་འགྲོ་བར་ཡོངས་སུ་གྲགས་ཀྱང་རྣ་བར་བྱང་བ་ཙམ་ལས་དོན་དུ་དམན་མཆོག་གི་རིམ་པ་ཇི་ལ…

ན་དབུ་མའི་ལམ་སྲོལ་དུ་འདོད་ཅིང། གཞན་རྣམས་མཐར་ལྷུང་ཚུལ་གྱི་དགག་པ་བྱེད་པའང་འདྲ་བས་གཞན་ཟེར་ཙམ་གྱི་རྗེས་སུ་འབྲང་ན་བཞི་ག་རང་ལུགས་སུ་ཁས་ལེན་པའམ། རེ་རེ་ལ་གཞན་གསུམ་གསུམ་གྱིས་དགག་པ་བརྗོད་པས་གང་ཡང་ཁས་ལེན་མི་རུང་བར་འགྱུར་རོ། །རྒྱལ་བའི་བཀའ་ལ་བརྟེན་ནས་དམན་མཆོག་འབྱེད་དོ་སྙམ་ན་དེར་གདུལ་བྱའི་དབང་གིས་སྣ་ཚོགས་གསུངས་ཏེ…

དེ་གཉིས་ཀྱིས་ཀྱང་དབུ་སེམས་ཀྱི་ལུགས་སོ་སོར་འགྲེལ་པས་གང་གི་རྗེས་སུ་འབྲང་། གལ་ཏེ་འཕགས་པ་ཐོགས་མེད་ཀྱི་སེམས་ཙམ་དུ་བཀྲལ་བ་གདུལ་བྱའི་དབང་ཡིན་གྱི་དགོངས་པ་ཀླུ་སྒྲུབ་དང་མཐུན་པས་དབུ་མའི་ལུགས་ལ་བརྟེན་ནོ་སྙམ་ན། འོ་ན་ཀླུ་སྒྲུབ་ཀྱིས་དབུ་མར་བཀྲལ་བ་གདུལ་བྱའི་དབང་ཡིན་གྱི་དགོངས་པ་སེམས་ཙམ་དུ་གནས་སོ་ཞེས་སྨྲས་ན་ཅིས་འགོག …

ཆར་ལས་ཉམས་པ་དང་། ཆོས་མངོན་པ་དང་ཤེར་མདོ་གཉི་གའི་དགོངས་པ་ལས་ཉམས་པར་འཕགས་པ་ལྷ་དང་ཟླ་བས་གསུངས། ལེགས་ལྡན་སོགས་ཀྱིས་ཀྱང་སེམས་ཙམ་པ་དང་སྒོ་མ་བསྟུན་པར་མདོ་སྡེ་པ་དང་སྒོ་བསྟུན་པས་སེམས་ཙམ་པ་ལས་དོན་སྨྲ་མཆོག་ཏུ་མི་འགྱུར་རམ་བྱེ་སྨྲས་རང་རིག་མི་འདོད་ལ། མདོ་སྡེ་པས་རང་གིས་རང་མྱོང་བའི་འཛིན་རྣམ་ཡན་གར་བ་ཞིག་བཞག་པ་ལྟ་བུ་ས…

འབྱུང་གི །གཞན་རྣམས་ལ་རང་སོར་གནས་ནས་བྱ་བ་གཅིག་ཁོ་ནར་ཤུགས་རྒྱས་ལུགས་མེད་པ་བཞིན། ནང་གི་བློའི་མཐུ་འང་སྤྱོད་འཇུག་ལས། དེ་ལ་འཇིག་རྟེན་ཕལ་པ་ནི། །རྣལ་འབྱོར་འཇིག་རྟེན་གྱིས་གནོད་ཅིང། །རྣལ་འབྱོར་པ་ཡང་བློ་ཁྱད་ཀྱིས། །གོང་མ་གོང་མ་རྣམས་ཀྱིས་གནོད། །གསུངས་པ་བཞིན་རིམ་གྱིས་ཁྱད་ཞུགས་པ་ན་ཡུལ་གང་ལ་དཔྱོད་པ་ཞུགས་པའི་ཚེའང་གོ…

ནི་མདོ་ལས། ཇི་ལྟར་ཡན་ལག་ཚོགས་རྣམས་ལ། །བརྟེན་ནས་ཤིང་རྟར་བརྗོད་པ་ལྟར། །དེ་བཞིན་ཕུང་པོ་རྣམས་བརྟེན་ནས། །ཀུན་རྫོབ་སེམས་ཅན་ཞེས་བྱ་འོ། །ཞེས་པ་འདི་ལ་བྱེད་པ་ཁྱད་མེད་ཀྱང་ཚིག་གི་ནུས་པ་འདོན་ལུགས་མི་འདྲ་སྟེ། དོན་སྨྲ་ཕལ་ཆེར་ཕུང་པོ་རྣམས་ཞེས་པ་ཡ་གྱལ་གྱི་ཕུང་པོ་ལྔ་ལ་བྱེད་དགོས་ཤིང། ཡ་གྱལ་ལ་བརྟེན་ནས་ཚོགས་པ་འཇོག་དགོས་པ…

གྲུབ་དགོས་ཏེ། དེའི་ངོས་ནས་གྲུབ་མ་གྲུབ་ལ་མི་ལྟོས་ན་མིའི་ཕུང་སོགས་འགྲོ་བ་གཞན་གྱི་གདགས་གཞིར་ཐལ་བའི་སྐྱོན་འབྱུང་བས། འདིར་ཕུང་པོ་རྣམས་བརྟེན་ཞེས་པ་དེ་ལ་དགག་ཕྱོགས་ནས་འཇོག་བྱེད་གཞན་ལ་ལྟོས་མེད་དུ་མ་གྲུབ་པ་དང། སྒྲུབ་ཕྱོགས་གདགས་གཞི་རང་གི་ངོས་ནས་ཀྱང་གྲུབ་དགོས་པས་གོ་དོན་གཉིས་ཡོད་ཅེས་ཟེར་རོ། །ཐལ་འགྱུར་བས་མདོ་ལུང་…

རྣམས་ཞེས་ཁྱད་མེད་དུ་གསུངས་པ་དང་འགལ་བའི་ཕྱིར། ཕུང་པོ་རྣམས་ཞེས་གསུངས་ཀྱང་དེའི་ནང་ནས་རིགས་པས་བཙལ་བ་ན་འོས་མེད་ཀྱིས་ཀུན་གཞིའི་སྟེང་དུ་འབབ་པས། སྤྱི་སྒྲ་བྱེ་བྲག་ལ་གཙོ་བོར་སྦྱར་ཏེ་ཀུན་གཞི་བསྟན་པ་ཡིན་ཟེར་ནའང་མདོ་དང་འགལ་ཏེ། མདོར། དེ་ཉིད་གང་ཟག་ཏུ་མ་གསུངས་པར་དེ་ལ་བརྟེན་ནས་གང་ཟག་འཇོག་པར་གསུངས་པའི་ཕྱིར། ཞེས་འགོག་…

པའི་ཆོས་ཅན་གྱི་སྐད་ཅིག་ལ་མི་རྟག་པའི་དཔེར་བྱེད། སེམས་ཙམ་པ་རྣམས་རྡེའུ་ཤིང་གི་ངོས་ནས་རྟ་གླང་དུ་མེད་ཀྱང་སྔགས་རྫས་ཀྱིས་བསླད་པའི་ཤེས་པའི་སྣང་ཆ་ཙམ་ཡིན་པ་ལྟར་ཕྱི་རོལ་དོན་གྱི་ངོས་ནས་མ་གྲུབ་པར་ནང་སེམས་ཀྱི་བདག་ཉིད་ཙམ་དུ་གནས་པའི་དཔེར་བྱེད། དབུ་མ་པ་རྣམས་བློ་ལ་སྣང་བའི་དབང་གིས་བཞག་པ་མ་གཏོགས་བདེན་པར་མ་གྲུབ་པའི་དཔེར…

ཀྱང། །མོ་གཤམ་བུ་ལྟར་གང་ཕྱིར་འཇིག་རྟེན་གྱི། །མཐོང་བའི་ཡུལ་དུ་མི་འགྱུར་མ་ཡིན་པ། །དེ་ཡི་ཕྱིར་ན་སྨྲ་འདི་མ་ངེས་པའོ། །ཞེས་པའི་སྒྲུབ་ཚུལ་ཡིན་ནོ། །༈ གཞན་སྡེ་ལའང་མངོན་མཐོའི་ལམ་ཙམ་ཡོད་ལ། འོན་ཀྱང་དེའི་ནང་ནས་རྒྱང་འཕེན་ནི་ད་ལྟ་རང་ལ་དངོས་སུ་སྣང་བའི་མིའི་འགྲོ་བ་འདི་ཙམ་མ་གཏོགས་ཁམས་གོང་མ་དང་ལྷ་ལ་སོགས་པའི་མངོན་མཐོ་གཞ…

འདོད་པ་དང་། ཕུང་པོའི་བདུད་བཅོམ་པ་ལ་ལྷག་མེད་དུ་འདའ་དགོས་པ་དང་། སྐྱེ་བ་ལེན་སའི་ཞིང་ཡང་ལས་ཉོན་གྱིས་བསྐྱེད་པ་ཁོ་ན་མ་གཏོགས་དག་ཞིང་མི་འདོད། རྒྱུ་མཚན་སྔ་མ་དང་ཕྱི་མཐའ་གཏུགས་པ་མེད་པར་བཞུགས་པ་བློས་མ་འཆུན་པའི་དབང་གིས་སངས་རྒྱས་དང་དགྲ་བཅོམ་རྣམས་ལྷག་མེད་དུ་འཕོས་པ་ན་བེམ་རིག་གཉི་ག་རྒྱུན་ཆད་པར་འདོད། གྲངས་མེད་གསུམ་དུ…

མཆེད་དུ་སྨྲ་བའང་སྐྱེ་བའི་བཀོད་པ་སྣ་ཚོགས་སུ་སྟོན་ཚུལ་བློས་མ་འཆུན་པའི་དབང་གིས་ཡིན་པས། དེ་ལྟར་ན་ཞིང་འདིའི་བདག་ཅག་གི་སྟོན་པ་གང་ཟག་ཏུ་ཁས་བླངས་པའང་ཞེན་ཕྱོགས་ཙམ་དུ་ཟད་དེ། ཞིང་གཞན་ན་ཡོད་པའི་བྱེ་སྨྲ་རྣམས་ཞིང་དེའི་སྟོན་པ་གང་ཟག་ཡིན་ལ། འདི་དག་ཕྱིའི་སྐྱེ་མཆེད་ཡིན་ཟེར་བས་དེ་གཉིས་ལ་བདེན་རྫུན་གྱི་ཁྱད་འོང་དོན་མེད་དོ…

རྟོག་པས་བཏགས་ཙམ་ཡིན་ཟེར་མོད་ཀྱང་། ཙམ་སྒྲས་རྒྱུ་ལས་སྐྱེས་པ་དང་འཕགས་པའི་མཉམ་གཞག་ཡེ་ཤེས་ཀྱི་ཡུལ་དུ་གྲུབ་པ་ཙམ་ཁེགས་པ་མ་གཏོགས་ཡུལ་སྟེང་ན་གྲུབ་རྒྱུ་ཞིག་ཡོད་པ་ཁེགས་པར་མ་གོ །རང་རྒྱུད་པས་ཙམ་སྒྲའི་ནུས་པ་ཡུལ་སྟེང་ན་གྲུབ་རྒྱུ་ཞིག་ཡོད་པ་ཁེགས་ཚུལ་ཤར་ཏེ་ཀུན་བཏགས་དེར་ཁས་མ་བླངས་པ་ཡིན་པས་དེ་གཉིས་ཀྱང་ཕྱི་མ་བློ་ཁ་མཐོ་བ…

སྔ་མར་གཞོལ་ཚུལ་བྱེ་སྨྲས་སངས་རྒྱས་ཀྱི་གཟུགས་སྐུ་བེམ་པོར་འདོད་ཅིང་ལྷག་མེད་ཀྱི་ཚེ་བེམ་རིག་རྒྱུན་ཆད་པས་ད་ལྟ་སྐྱབས་སུ་སོང་ཚེ་སྨོན་ལམ་གྱི་མཐུས་བྱིན་རླབས་འཇུག་པས། ཤི་བ་ལ་ཡང་བྱིན་རླབས་ཡོད། །ཅེས་པ་ལྟར་ཡིན་གྱི། ཡུལ་དངོས་དེ་མེད་པར་འདོད། མདོ་སྡེ་པས་གཟུགས་སྐུ་སངས་རྒྱས་སུ་འདོད་པས་སྔ་མ་ལས་དགའ་འང་སྐུ་དེ་བསྒོམ་པ་མ་བ…

དཀྱིལ་འཁོར་སོགས་སྔགས་སྤྱི་འགྲོ་ལྟར་ལ་གཙོ་བོ་སྤྲུལ་སྐུའི་རྣམ་པར་ཡོད་པ་དང་། རྣལ་འབྱོར་རྒྱུད་ཀྱི་ལྷ་སྣམ་ལ་རབ་བྱུང་གི་རྣམ་པ་ཅན་བཀོད་པ་སོགས་ཀྱང་སྔ་མ་སྔ་མའི་འགྲོས་དེ་ཡིན་ནོ། །སྤྱོད་རྒྱུད་ཀྱིས་ཡེ་ཤེས་པ་གཞུག་པའི་ཚུལ་གཙོ་བོ་དང་། རྣལ་འབྱོར་རྒྱུད་ཀྱིས་དེར་ཕྱག་རྒྱ་བཞིས་རྒྱས་འདེབས་པ་བཅས་ཇེ་ཟབ་ཏུ་བཏང་། བླ་མེད་ཀྱི…

སྤྱན་གྱིས་གཟིགས་བཞིན་པར་བཞུགས་པ་དཔང་པོའི་ཚུལ་གྱིས་ལྷ་རྗེས་སུ་དྲན་པ་ལ་བྱེད། གསང་སྔགས་ཀྱིས་རང་ལྷར་རྗེས་སུ་དྲན་ནས་ང་རྒྱལ་དང་གསལ་སྣང་བསྐྱེད་པ་ལ་བྱེད་དོ། །༈ སེམས་སེམས་བྱུང་རྫས་མཚུངས་ཞེས་པའི་དོན་གང་ཡིན་དྲིས་པའི་ལན་ནི། རྫས་མཚུངས་དེ་གཉིས་རྫས་རེ་རེ་བར་མཚུངས་ཞེས་པ་ཡིན་ལ། འདིར་ཉམས་ལེན་དང་འབྲེལ་བའི་གོ་རྒྱུ་ཆེན་…