ཕྱི་མའི་དབང་དུ་བྱས་ཏེ། བསམ་གཏན་བདེ་བའི་སྟེགས་བུ་ལ། །ལུས་གནད་བདུན་དང་ལྡན་བྱས་ལ། །ཞེས་སོགས་གསུངས་པའི་རྣམ་སྣང་གི་ཆོས་བདུན་ལྡན་འདི་ཕལ་ཆེར་ལ་ཤིན་ཏུ་གལ་ཆེ་ཞིང། བ་ལང་བདག་ལྟ་བུ་གང་ཟག་གི་རིགས་འགའ་ཞིག་ལ་འདི་འདྲ་མི་དགོས་པའང་ཡོད། རླུང་རོ་དགུ་ཕྲུགས་ནི་གཡོན་ནས་རྔུབས་ཏེ་གཡས་ནས་འབུད་པ་གསུམ། གཡས་ནས་རྔུབས་ཏེ་གཡོན་ནས་…

བཏང་སྟེ། ཚོགས་ཞིང་གསལ་འདེབས་པ་ནི། བདེ་སྟོང་དབྱེར་མེད་ལྷ་ལམ་ཡངས་པར་ཞེས་སོགས་ཏེ། བདེ་སྟོང་གི་དོན་ལ་ཨེ་ཝཾ་གྱི་བཤད་པ་སོགས་མང་དུ་བྱར་ཡོད་ཀྱང་བསྡུ་ན། བདེ་བ་དོན་དམ་ལ་ཞུགས་པའི་ཡེ་ཤེས་དང་། སྟོང་པ་སྟོང་གཟུགས་ཀྱི་སྐུ་གཉིས་ངོ་བོ་དབྱེར་མི་ཕྱེད་པ་ཡིན་ཞིང་། ལྷ་ལམ་ལ་ངེས་དོན་གྱི་ལྷ་ལམ་བདེ་སྟོང་གི་ཡེ་ཤེས་དང་། དྲང་དོན…

ཅད་སྐྲག་དགོས་པ་ལྟར་བླ་མའང་བདུད་དང་མུ་སྟེགས་ལ་སོགས་པ་ཐམས་ཅད་ལས་རྒྱལ་ཞིང། དེ་དག་གིས་བརྫི་བར་མི་ནུས་པས་སྟོབས་དང། མི་འཇིགས་པ་ལ་སོགས་པའི་མཚོན་བྱེད་དུ་སེངྒེ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་གསལ་འདེབས་པ་ཡིན། སེངྒེའང་འབུར་དུ་དོད་པ་དང། རི་མོར་བྲིས་པ་ལྟ་བུ་མ་ཡིན་པར་མིག་སེར་ལྷོག་ལྷོག་པ། དབུགས་ལྷེབ་ལྷེབ་པ་ད…

ཀྱང་ཆོག །དེང་སང་འཇིག་རྟེན་ལས་འདས་པའི་ལྷ་ལས་འཇིག་རྟེན་པ་ལ་ཞེན་ཆེ་བའི་སྟབས་ཀྱིས་དེ་འདྲ་ཚོགས་ཞིང་གི་གྲངས་སུ་འཇོག་ཉེན་ཡོད་པས་གཏན་ནས་མི་རུང། དེ་ནས་ཚོགས་ཞིང་དེ་རྣམས་ཀྱི་ཐུགས་ཀ་ནས་འོད་ཟེར་འཕྲོས་ཏེ་རང་བཞིན་གྱི་གནས་ནས་ཡེ་ཤེས་པ་རྣམས་སྤྱན་འདྲེན་དགོས་པ་ཡིན་ལ། རང་བཞིན་གྱི་གནས་ཞེས་པ་ལོངས་སྐུའི་གནས་ལ་བྱེད་པ་དང། ཆོ…

བརྟེན་ནས་ལྷན་སྐྱེས་ཀྱི་བདེ་བ་ཆེན་པོའི་ཡེ་ཤེས་ཟུང་འཇུག་གི་གོ་འཕང་མངོན་དུ་འགྱུར་བ་ཞེས་བླ་མ་ལ་གོ་དགོས་པ་ཡིན། ཤོ་ལོ་ཀ་གཉིས་པ་ནི། མཚན་ཟུར་ལ་བརྟགས་ན་ཆོས་འདི་སྟོན་པའི་བླ་མ་མཁས་གྲུབ་སངས་རྒྱས་ཡེ་ཤེས་ལ་གཙོ་བོར་ཕྱག་འཚལ་བ་ཡིན་ནམ་སྙམ། ལྷར་བཅས་སྟོན་པ་ཞེས་སོགས་དཀོན་མཆོག་གསུམ་འདུས་པའི་ངོ་བོར་བལྟས་ནས་ཕྱག་འཚལ་བ་འདི་ག…

བུདྡྷ་བོདྷི་སཏྭ་སརྦ་དྷརྨཱ་པཱ་ལ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་ཧཱུཾ་སྭཱཧཱ། དེ་བཞིན་དུ། ཨཉྩ་མ་ཎཾ་སོགས་བཅུག་པས་ཆུ་བཞི་དང། རྗེས་མ་སོ་སོའི་མགོ་མཇུག་ཏུའང། སྐྱབས་མགོན་རྗེ་བཙུན་བླ་མ་འཁོར་བཅས་ལ། །སྣ་ཚོགས་མཆོད་སྤྲིན་རྒྱ་མཚོ་འབུལ་བ་ནི། །སྡོང་པོ་སིལ་མ་འཕྲེང་བ་སྤེལ་ལེགས་པའི། །མཛེས་པའི་མེ་ཏོག་ས་དང་བར་སྣང་གང། །དྭངས་པའ…

ཡིན། བྱེ་བ་ཕྲག་བརྒྱའི་ཞེས་སོགས་འདིའི་མཎྜལ་ཡིན་ཞིང། དབེན་ས་སྙན་བརྒྱུད་ཀྱི་ཆོས་འདི་དག་ཞུ་བའི་ཚེའང་མཎྜལ་ཉེར་གསུམ་མ་འདི་རང་འབུལ་བ་ཕྱག་ལེན་ཡིན་གསུངས། དངོས་བཤམས་ཡིད་སྤྲུལ་ཡིད་བཞིན་རྒྱ་མཚོའི་ངོགས། །ཞེས་སོགས་ཕལ་ཆེར། འགྲོ་མགོན་འཕགས་པས། ཐོས་པ་རྒྱ་མཚོའི་མཆོད་ཡོན་ཀུན་ནས་འཁྱིལ། །ཞེས་སོགས་དང་ཆ་མཚུངས་པར། རང་གཞན་གྱ…

བཞི་ལ་མཁས་པ་དེ་ལྟ་བུའི་ཕྱག་རྒྱ་ཕུལ་ལ་དེ་ལས་རང་འདྲ་ཆད་དེ་བླ་མའི་ཐུགས་ཀའི་རྡོ་རྗེ་འཆང་གི་ཡུམ་ལ་ཐིམ། དེ་དང་སྙོམས་པར་ཞུགས་པའི་ཟག་མེད་ཀྱི་བདེ་བ་མྱོང་བ་ན་གཙོ་འཁོར་ཐམས་ཅད་ཐུགས་རྒྱུད་གཅིག་པའི་གནད་ཀྱིས་གཞན་རྣམས་ཀྱང་དེས་ཚིམ་པར་འགྱུར་ཞེས་གསུང། དེ་ཁོ་ན་ཉིད་ཀྱི་མཆོད་པ་ནི། བརྟན་གཡོ་ཐམས་ཅད་ལ་ཁྱབ་ཅིང་དེ་དག་ཀུན་གྱི་…

ཡི་རང་གི་ཡན་ལག་ནི། ཆོས་རྣམས་རང་བཞིན་ཞེས་སོགས་ཏེ། རྗེས་སུ་ཡི་རང་བྱས་པས་བྱེད་པ་པོ་དང་དགེ་རྩ་ཆ་མཉམ་དུ་ཐོབ་པ་སྔོན་བཅོམ་ལྡན་འདས་ལ་རྒྱལ་པོ་ཞིག་གིས་བསོད་སྙོམས་དྲངས་པ་དང། དེ་ལ་དབུལ་པོ་ཞིག་གིས་རྗེས་སུ་ཡི་རང་བྱས་པ་གཉིས་ཀས་བསོད་ནམས་མཚུངས་པར་ཐོབ་པར་གསུངས་པ་ལྟ་བུ་ཡིན་ཏེ། འགྲེལ་པ་དོན་གསལ་ལས། རྗེས་སུ་ཡི་རང་ཡིད་ལ་བ…

ནས་གསོལ་བ་འདེབས་པ། དེའི་འོག་ཏུ་ཕྱི་ནང་གསང་བ་དེ་ཁོ་ན་ཉིད་ཀྱི་ཡོན་ཏན་བརྗོད་པའི་སྒོ་ནས་གསོལ་བ་འདེབས་པ་ལ་དང་པོ་ནི། སངས་རྒྱས་གྲངས་མེད་སོགས་དང། གཉིས་པ་ནི་ཁྱོད་ཀྱི་ཕུང་ཁམས་སྐྱེ་མཆེད་སོགས་བྱུང་ལ། བདེ་གཤེགས་སྐུ་གསུམ་ཞེས་སོགས་ཤོ་ལོ་ཀ་འདི་ཕྱིའི་ཡོན་ཏན་ལ་སྦྱར་བ་དང་ནང་གི་ཡོན་ཏན་ལ་སྦྱོར་ལུགས་གཉིས་ཡོད། ཀུན་མཁྱེན་ཡ…

ལམ་གྱི་ཆ་ཡོངས་སུ་རྫོགས་པ་ལ་གཤར་སྦྱང་བྱེད་ཅིང་བྱིན་རླབས་ཞུ་བ་ནི། ཞིང་མཆོག་དམ་པ་ཞེས་སོགས་ཏེ། འདི་དག་སོ་སོའི་སྐབས་སུ་བདུད་རྩི་འབེབས་སྦྱང་བྱས་ཀྱང་ཆོག་ལ། སྐྱེས་བུ་ཆུང་འབྲིང་སོགས་ཀྱི་ཆོས་སྐོར་སོ་སོར་བཅད་ནས་བྱས་ཀྱང་ཆོག་པས་རང་གི་བློ་དང་བསྟུན། དོན་ནི་མདོར་བསྡུས་ན། ཡོན་ཏན་ཐམས་ཅད་ཀྱི་རྩ་བ་བཤེས་གཉེན་དམ་པས་རྗེས་…

ཚུལ་ཁྲིམས་རྣམ་དག་ཅིག་བསྲུང་བ་ལ་དྲན་ཤེས་བཞིན་བརྟན་པོ་རྒྱུན་ཆགས་སུ་བསྟེན་དགོས་ཤིང། དེ་ལྟ་བུའི་དྲན་པ་བརྟན་པོ་ཞིག་ཡོད་ན། དེ་ནས་ཏིང་ངེ་འཛིན་ལ་ཁ་སྤོས་ཀྱང་བསྒྲུབ་སླ་བ་ཡིན་ཞེས་ཡོངས་འཛིན་གསུང་ལ། ཏིང་ངེ་འཛིན་ཡོད་ན། ཤེས་རབ་འབྱུང་ཚུལ་རླུང་གིས་མ་བསྐྱོད་པའི་མར་མེ་གསལ་ཆ་དང་ལྡན་པ་ལྟ་བུ་ཡིན་ཚུལ་ལམ་རིམ་སོགས་ནས་འབྱུང་…

ཡིན་ནམ་དཔྱད་དགོས། དེའང་རང་ཅག་རྣམས་བདེ་བ་ཇི་ཙམ་སྤྱད་ཀྱང་ངོམས་པ་མེད་ལ་སྡུག་བསྔལ་ཅུང་ཟད་ཙམ་ཡང་མི་འདོད་པར་འདྲ་བ་ལ། རང་གཅེས་པར་འཛིན་པའི་གཅོང་ནད་ཤུགས་དྲག་ལ་གསོར་མེད་པ་འདིས་ཟིན་པའི་དབང་གིས་ངན་སོང་གསུམ་གྱི་སྡུག་བསྔལ་ལ་སོགས་པ་མི་འདོད་པ་ཐམས་ཅད་སྣ་དྲངས་ཡོང་ཚུལ་དང། གཞན་གཅེས་པར་བཟུང་བའི་སྟོབས་ཀྱིས་ཡོན་ཏན་ཐམས་ཅད་…

གཞན་མཉམ་བརྗེའི་སྐོར་ཕལ་ཆེར་སོང་ཞིང། དེ་ནས། སྣོད་བཅུད་སྡིག་པའི་འབྲས་བུས་ཡོངས་གང་སྟེ། །ཞེས་སོགས་ཀྱི་དོན་མི་དགེའི་ལས་ཀྱི་རྣམ་སྨིན་སྣོད་བཅུད་ཐམས་ཅད་ལ་སྨིན་ཏེ་ཆར་ཆུ་དུས་སུ་མི་འབབས་ཤིང་ལོ་ཏོག་མི་སྨིན་པ་འཐབ་རྩོད་འཁྲུག་ལོང་མང་བ་གཅན་གཟན་གདུག་པས་གཙེས་པ། ནད་རིམས་སྣ་ཚོགས་འབྱུང་བ་སོགས་མི་འདོད་པ་སྣ་དགུ་འཛིངས་པའང་…

པའི་ནམ་མཁའ་ལྟ་བུའི་རྣལ་འབྱོར་སྐྱོང་ཞིང། དེ་ལས་ལངས་པའི་རྗེས་ཐོབ་ཏུ་སྣོད་བཅུད་ཀྱི་ཆོས་འདི་ཐམས་ཅད་སྒྱུ་མ་དང་རྨི་ལམ་དང་ཆུ་ཟླ་ལྟ་བུར་བློ་ལ་སྣང་བ་ཙམ་ཞིག་མ་གཏོགས་རང་ངོས་ནས་མ་གྲུབ་པར་ལྟ་བ་སྒྱུ་མ་ལྟ་བུའི་རྣལ་འབྱོར་དང། མདོར་ན་ཆོས་འདི་ཐམས་ཅད་མིང་དང་རྟོག་པས་ཕར་བཏགས་ཙམ་ཞིག་བསྙོན་མེད་དུ་ཡོད་པས་ལས་རྒྱུ་འབྲས་སོགས་ར…

བཤད་འདུག་སྙམ་དུ་དགོངས་པར་སྣང་ཡང། རང་ལུགས་ནི་དེ་དག་གིས་ཡུལ་དེའི་གནས་ལུགས་མཐོང་མི་ནུས་པའི་ཆ་ནས་གཏི་མུག་ཏུ་བཤད་པ་ཡིན་གྱི། གཏི་མུག་མཚན་ཉིད་པ་མིན་ནོ། །དེ་ལྟར་ཐུན་མོང་བའི་ལམ་སྔོན་དུ་བཏང་ནས། ཐུན་མོང་མ་ཡིན་པ་སྔགས་ཀྱི་ལམ་ལ། དང་པོ་འཇུག་སྒོ་དབང་དང་དེའི་དམ་ཚིག་བསྲུང་བ་ནི། དེ་ནས་རྡོ་རྗེ་འཛིན་པའི་ཞེས་སོགས་བྱུང། ས…

སྐུ་གཉིས་ཟུང་དུ་འཇུག་པའི་རྫོགས་རིམ་གྱི་རྟོགས་པ་ཁྱད་པར་ཅན་སྐྱེ་བ་དང། གལ་ཏེ་སྔགས་ཀྱི་ཚོགས་ལམ་ཙམ་ཡང་ཚེ་འདིར་རྒྱུད་ལ་སྐྱེད་པར་མ་ནུས་ན་སྔར་བཤད་པའི་སྟོབས་ལྔ་དང་འཕོ་བའི་གདམས་པ་སྦྱར་ནས་དག་པའི་ཞིང་ཁམས་བདེ་བ་ཅན་ལྟ་བུར་སྐྱེ་བའི་འདུན་པ་བྱ་དགོས། འཕོ་བའི་གདམས་པ་ནི་གཙོ་བོར་སམ་བྷུ་ཊ་སོགས་བླ་མེད་མ་གཏོགས་རྣལ་འབྱོར་རྒ…

འཇིགས་པའི་དོགས་པ་མེད་ཅིང། འདས་པའི་རྗེས་མི་གཅོད་མ་འོངས་པའི་སྔོན་མི་བསུ་བར་བློ་མ་བཅོས་གསལ་ལ་ཧྲིག་གེ་བ་དེ་གའི་ངང་དུ་མཉམ་པར་འཇོག་དགོས་ལ། དེའང་བརྒྱལ་བ་དང་གཉིད་མཐུག་པོ་ལོག་པ་ལྟ་བུའི་ཡིད་བྱེད་བཀག་པ་ཙམ་ཞིག་བསྐྱངས་ན་ཧྭ་ཤང་གི་ལྟ་བ་རྗེ་ཡབ་སྲས་སོགས་ཀྱིས་གཙོ་བོར་འགོག་རྒྱུ་དེ་ཡིན་པས། འདིར་སེམས་དམིགས་པ་ལ་གནས་མི་གན…

མཁའ་བསྒོམ་དུ་བདེ་ལགས་ཏེ། །ལྷོ་སྤྲིན་བསྒོམ་དུ་ཅུང་མ་བདེ། །ལྷོ་སྤྲིན་བསྒོམ་པའི་གདམས་པ་ཞུ། །ཞེས་ཞུས་པར་རྗེ་བཙུན་གྱིས། ནམ་མཁའ་བསྒོམ་དུ་བདེ་ལགས་ན། །ལྷོ་སྤྲིན་ནམ་མཁའི་ཆོ་འཕྲུལ་ཡིན། །ནམ་མཁའ་རང་གི་ངང་དུ་ཞོག །ཅེས་ནམ་མཁའ་ལས་བྱུང་བའི་སྤྲིན་དེ་ནམ་མཁའི་ངང་དུ་འགྲོ་བ་བཞིན་རྣམ་རྟོག་ཀྱང་སེམས་ཀྱི་རང་མདངས་ཡིན་པས་རྣམ་ར…

ཡལ་བར་ཁོང་ནས་གྲིམ་ཆ་དང་ལྡན་ཡང་ཕྱི་ལྷོད་པ་དེ་འདྲ་ཞིག་དགོས་སོ། །རྒྱུ་མཚན་འདི་དག་གི་གནད་ཀྱིས་སྔ་རབས་པ་རྣམས་གློད་རབ་ལ་སྒོམ་རབ་ཅེས་བཤད་པ་དེ་རྗེ་ཡབ་སྲས་ཀུན་གྱིས་རྩལ་དུ་བཏོན་ནས་དགག་པ་མཛད་པ་ཡིན་ལ། མཉམ་མེད་དྭགས་པོ་ལྷ་རྗེའི་གསུང་ལ་ལར་ཡང་དེ་ལྟར་བཤད་པ་འབྱུང་སྟེ། ཞི་གནས་གསར་སྒྲུབ་སོགས་ཀྱི་སྐབས་སུ་ཡིན་ན་མི་རུང་ཡང…