བོའི་ཨོཾ་ལས་བདུད་རྩིའི་རྒྱུན་བབས་པས། །ལུས་ཀྱི་སྒྲིབ་སྦྱངས་བསྐྱེད་རིམ་བསྒོམ་པ་དང། །འབྲས་བུ་སྤྲུལ་སྐུ་འགྲུབ་པའི་ནུས་པ་ཐོབ། །མགྲིན་པའི་ཨཱཿ ཡིག་ལས་བྱུང་བདུད་རྩིའི་ཆུས། །ངག་གི་སྒྲིབ་སྦྱངས་སྒྱུ་ལུས་བསྒོམ་པ་དང། །འབྲས་བུ་ལོངས་སྐུ་འགྲུབ་པའི་ནུས་པ་ཐོབ། །ཐུགས་ཀའི་ཧཱུཾ་ཡིག་འོད་དང་བདུད་རྩིའི་ཆུས། །ཡིད་ཀྱི་སྒྲིབ་…

འགག་ཚེ་དགའ་ལྡན་ཞིང་མཆོག་ཏུ། །མ་ཕམ་མགོན་དང་འཇམ་དཔལ་སྙིང་པོ་སོགས། །ཡབ་སྲས་ཀུན་གྱིས་དགྱེས་བཞིན་རྗེས་བཟུང་སྟེ། །ལམ་བཟང་དགའ་སྟོན་མྱོང་བར་བྱིན་གྱིས་རློབས། །མགོན་ཁྱོད་རྨད་བྱུང་བཀོད་པའི་ཞིང་ཁམས་སུ། །སེང་གེའི་ང་རོར་འཚང་རྒྱའི་ཚུལ་བསྟན་ཚེ། །འཁོར་དུ་སྐྱེས་ནས་ཟབ་མོའི་ལྟ་བ་དང། །གསང་ཆེན་ལམ་བཟང་བགྲོད་པར་བྱིན་གྱིས་ར…

ལྡོག་ཅིང་དགེ་ཚོགས་འཕེལ་བ་དང་ལྷ་རྗེས་སུ་དྲན་པའི་རྣལ་འབྱོར་མཆོག་ཏུ་འགྱུར་ལ། ཚེ་རབས་ཐམས་ཅད་དུ་རྗེ་བླ་མ་དང་མི་འབྲལ་ཞིང་གསང་སྔགས་ཟབ་མོའི་སྨིན་བྱེད་དུ་འགྱུར་བའི་གནད་ཁྱད་པར་ཅན་ཡོད་དོ། །ཐུན་རྗེས་མ་རྣམས་ཀྱི་ཚེའང་དགའ་ལྡན་ནས་སྤྱན་འདྲེན་པ་སོགས་སྔར་དང་འདྲ་ལ། དཔལ་ལྡན་རྩ་བའི་བླ་མ་ཞེས་སོགས་ཀྱི་སྐབས་སྙིང་པདྨ་བུམ་སྐུ…

བཀྲ་ཤིས་རབ་བརྟན་གཉིས་ཀྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་བིཀྵུ་རཏྣ་ཨཱ་ནནྟའོ།། །།

རྗེ་བཙུན་བྱམས་པ་མགོན་པོ་ལ་བརྟེན་པའི་འཕོ་བའི་རྣམ་པར་བཞག་པ་དགའ་ལྡན་ཞིང་དུ་བགྲོད་པའི་བདེ་ལམ་ཞེས་བྱ་བ་བཞུགས་སོ། །

ན་མོ་ཨཱརྱ་མཻ་ཏྲི་ཡེ། རིང་ནས་གོམས་པའི་ཐུགས་རྗེའི་ཕྱག་བརྐྱང་སྟེ། །སྲིད་མཚོ་ཉམ་ངའི་གཡང་དུ་ལྷུང་བ་རྣམས། །ཕན་བདེ་པདྨའི་དགའ་ཚལ་ལ་འགོད་པ། །མི་ཕམ་མགོན་གྱིས་བདག་སོགས་འགྲོ་འདི་སྐྱོངས། །དེའང་རྗེ་བཙུན་བྱམས་མགོན་ལ་བརྟེན་པའི་འཕོ་བའི་གདམས་པ་འཆད་པ་ལ། སྤྱིར་འཕོ་བའི་མན་ངག་ཉམས་སུ་ལེན་ཚུལ་ཚིག་ཟིན་ལ་གསལ་བར་བཤད་པ་ནི་ཁ་སྦ…

མང་དུ་འབྱུང་ངོ་། །དེས་ན་འདིར་དམ་པའི་ཕྱག་བཞེས་བཞིན་རྒྱལ་ཚབ་བྱམས་པ་མགོན་པོ་ལ་བརྟེན་པའི་འཕོ་བའི་གདམས་པ་ཉམས་སུ་ལེན་པ་ལ། རང་གིས་སྐྱོང་ཚུལ། གཞན་ལ་ཁྲིད་འདེབས་ཚུལ། གཤིན་པོའི་དོན་དུ་བྱ་ཚུལ་དང་གསུམ། དང་པོ་ལ་སྦྱོར་དངོས་གཉིས་ལས། སྦྱོར་བ་འགལ་རྐྱེན་དང་བྲལ་ཞིང་མཐུན་རྐྱེན་ཚང་བ་ཞིག་དགོས་ལ། དག་པའི་ཞིང་དུ་བགྲོད་པའི་འག…

པ་དང་འཕེལ་ཆེ་བའི་དབང་གིས་ཕྱི་མར་འགྲོ་ས་ངན་སོང་ལས་འོས་མེད་ཅིང། དེར་སྐྱེས་ན་ཡུན་ཚད་ལས་འདས་པར་སྡུག་བསྔལ་བཟོད་གླགས་མེད་པ་མྱོང་དགོས་ལ། གལ་ཏེ་ཕྱི་མར་ངན་སོང་དུ་མ་ལྷུང་ཡང་འཁོར་བ་འདི་ལས་གཏན་དུ་ཐར་པ་ཞིག་མ་བྱུང་ན། ལས་བྱས་པ་ཆུད་མི་ཟ་བའི་དབང་གིས་སྲིད་པའི་རྩེ་མོའི་བར་དུ་སོང་ཡང་ཕྱིར་ངན་སོང་ངན་འགྲོའི་གཡང་ས་བརྒྱུད་མ…

ལས་དགོན་པའི་ཚུལ་དུ་དག་པའི་ཞིང་མཆོག་དགའ་ལྡན་ཡིད་དགའ་ཆོས་འཛིན་གྱི་གནས། སྤྱིར་བསྐལ་པ་བཟང་པོའི་སངས་རྒྱས་ཐམས་ཅད་ཀྱིས་སྐྱེ་བ་མངོན་པར་སྐྱེ་བའི་མཛད་པ་སྟོན་པའི་གནས་སུ་ཚོགས་གཉིས་ཀྱི་སྤྱོད་པས་བསྒྲུབས་པ་ཡིན་ལ། བྱེ་བྲག་ད་ལྟའི་དུས་ཀྱི་ཁྱད་པར་དུ་བྱས་པ་འདི་ནི་རྗེ་བཙུན་བྱམས་པ་མགོན་པོའི་ཐུགས་བསྐྱེད་ཀྱི་མཐུ་ལས་གྲུབ་པ་…

དང། གཡས་སུ་ནམ་མཁའ་དྲི་མ་མེད་པ་དང། གཡོན་དུ་རྒྱལ་སྲས་འཇམ་དཔལ་སྙིང་པོ་སོགས་རྒྱལ་སྲས་རྒྱ་མཚོས་བསྐོར་ནས་བཞུགས་པའི་བཀོད་པ་ཡང་ཡང་ཡིད་ལ་བྱེད་པ་ནི། དེར་སྐྱེ་འདོད་ཀྱི་འདུན་པ་སྐྱེ་བའི་ཐབས་མཆོག་ཏུ་འགྱུར་བར་མ་ཟད་ཞིང་སྦྱོང་གི་མན་ངག་ཀྱང་བླ་ན་མེད་པར་གསུངས་སོ། །དེ་ལྟར་བློ་སྦྱོང་བའི་དམིགས་རྟེན་དུ་ཞིང་བཀོད་ཀྱི་བྲིས་ཐང…

བྲལ་བའི་ཉམས་ལེན་མཐའ་དག་དང། ཁྱད་པར་དུ་རྒྱ་ཆེ་བའི་ལམ་རིམ་བྱམས་སྙིང་རྗེ་བྱང་ཆུབ་ཀྱི་སེམས་རྣམས་ལམ་གྱི་སྲོག་ཏུ་བྱས། དམིགས་མེད་ཀྱི་ལྟ་བས་རྒྱས་བཏབ་ནས་ལམ་གོང་མ་ཐམས་ཅད་རིམ་གྱིས་བགྲོད་དེ། མཐར་ཐུག་སྐུ་བཞིའི་གོ་འཕང་མངོན་དུ་བྱས་ལ། འཕྲིན་ལས་ཉི་ཤུ་རྩ་བདུན་གྱི་སྒོ་ནས་མཁའ་མཉམ་སེམས་ཅན་ཐམས་ཅད་ཀྱང་བླ་མེད་བྱང་ཆུབ་ཀྱི་གོ…

དངོས་གཞི་ནི། དགའ་ལྡན་ཞིང་མཆོག་ཡིད་དགའ་ཆོས་འཛིན་ནས། །རྒྱལ་ཚབ་བྱམས་པ་མགོན་པོ་ཐུགས་རྗེའི་གཏེར། །རྒྱལ་སྲས་རྒྱ་མཚོའི་འཁོར་དང་བཅས་པ་ཀུན། །བརྩེ་བས་འདིར་གཤེགས་མདུན་གྱི་ནམ་མཁར་བཞུགས། །ཞེས་བརྗོད་པ་ན་སྐད་ཅིག་གིས་དགའ་ལྡན་ནས་རྗེ་བཙུན་བྱམས་མགོན་འཁོར་དང་བཅས་པ་བྱ་ནམ་མཁའ་ལ་འཕུར་བ་བཞིན་ཐོགས་པ་མེད་པར་བྱོན་ཏེ། སྨིན་མཚམ…

སོགས་དག་པའི་ཞིང་དུ་སྐྱེ་བ་དང་འཕོ་བ་འབྱོངས་པ་ལ་གེགས་བྱེད་ཀྱི་དྲི་མ་ཐམས་ཅད་བྱང་ཞིང་དག །དེའི་སྐུ་གསུང་ཐུགས་ཀྱི་བྱིན་རླབས་རྣམས་རང་རྒྱུད་ལ་ཞུགས་པའི་མོས་པ་བྱེད། དེ་ནས། རང་ལུས་ཤེལ་གྱི་བུམ་པ་ལྟར་གསལ་བའི། །དབུས་སུ་དབུ་མ་སྨད་ཕྲ་སྟོད་ཡངས་པ། །ཡར་སྣེ་སྤྱི་བོའི་གཙུག་ཏུ་ཁ་ཕྱེ་ཞིང། །མར་སྣེ་ལྟེ་བའི་འོག་ཏུ་སླེབ་པ་ཡི།…

སྐབས་དོན་དེ་ཙམ་གྱིས་འགྲུབ་ཅིང། རྒྱུད་སྡེ་འོག་མ་ལའང་སྦྱར་ཆོག་པར་མངོན། དེའང་ཞལ་ལུང་ལས། ལམ་བཟང་པོ་ཡིས་ཡིད་འོང་གནས། །ལས་ངན་གྱིས་ནི་སྲིད་པར་སྐྱོན། །ཞེས་པ་ལྟར་རྣམ་ཤེས་འཕོ་བའི་སྒོ་ངན་པ་རྣམས་འགོག་པ་གལ་ཆེ་ཞིང། བླ་མེད་ནས་གསུངས་པའི་ལམ་འགོག་བྱེད་ཀྱི་ཡི་གེ་རྣམས་སྐབས་འདིར་མི་འོང་བས། སྒོ་དེ་རྣམས་གོང་དུ་བདུད་རྩི་འབ…

ཡང་གསོལ་འདེབས་བྱ། །ཞེས་པའི་ཚིག་རིས་ལྟར་ལ། དེའི་རྩ་དབུ་མའི་མར་སྣེ་དང་རང་གི་རྩ་དབུ་མའི་ཡར་སྣེ་གཉིས་སྲུབ་ཅུང་ཟད་ཀྱང་མེད་པར་འབྱར་ཞིང་དབྱེར་མེད་ལྟ་བུར་གྱུར་པའི་མོས་པ་བྱེད་པ་གལ་ཆེའོ། །དེ་ནས་རང་སེམས་འོད་ཀྱི་ཐིག་ལེ་དེ་ཉིད་ཀྱིས་དབུ་མའི་ལམ་ནས་ཡར་བལྟས་པས་བྱམས་མགོན་གྱི་ཐུགས་ཀ་ན་གཉིས་སུ་མེད་པའི་ཡེ་ཤེས་བདེ་བ་ཆེན་…

ལེན་གྱིས་ལྕགས་ཕྱེ་ལ་རེག་པའམ། ཉ་ལ་ལྕགས་ཀྱུས་བཏབ་པ་བཞིན་དུ་ཡར་དྲངས། ཐུར་སེལ་དྲག་ཏུ་བསྡམ་པས་འོག་ནས་བཏག་པར་བསམ་ལ་ཧིཀ་ཅེས་བརྗོད་པ་ན་སྙིང་གའི་ཐད་ཙམ་དུ་སླེབ་པའི་དམིགས་པ་དང། ཀ་ཞེས་བརྗོད་དེ་སྔར་གྱི་རང་གནས་སུ་ཕབ། ཡང་ཧིཀ་ཅེས་བརྗོད་པས་མགྲིན་པ་དང་མགོ་བོའི་ནང་ཙམ་ཚངས་བུག་གི་བར་དུ་སླེབ་པའི་དམིགས་པ་སོགས་བྱས་ཏེ། ཧིཀ་…

བཏབ་ནས། །ཞེས་པའི་རིགས་པ་སྦྱར་ཏེ་རྣམ་བཤད་དགོངས་པ་རབ་གསལ་ལས་བློ་ལྷན་སྐྱེས་ལ་བདག་ཕུང་ཐ་མི་དད་དུ་སྣང་བར་གསུངས་པ་བཞིན་འཆར་བའི་སྐབས་ཀྱང་ཡོད་ལ། རྣམ་འགྲེལ་ལས། མཆོག་གཞན་དོན་དུ་གཉེར་ཕྱིར་དང། །ཞེས་སོགས་ལྟར་ནོར་གྱི་བདག་པོ་བཞིན་བརྗེ་ཚོང་བྱེད་པའི་བདག་པོ་ལྟ་བུ་ཐ་དད་པའི་ཚུལ་དུ་འཆར་བའི་སྐབས་ཀྱང་སྲིད་པས། དབུ་མ་ལུང་རི…

མདུན་དུ་འཁོད་བཅུག་ལ། སངས་རྒྱས་ཆོས་དང་ཞེས་སོགས་སྐྱབས་སེམས་ལན་གསུམ་བྱ་ཞིང། དེའི་ཚེ་སློབ་མས་ཀྱང་བླ་མའི་གསུང་གི་ཚིག་རིས་དང་བསྟུན་ནས་སྐྱབས་སེམས་ཀྱི་དམིགས་པ་སྐྱོང་དགོས་སོ། །དེ་ནས། ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཅི་ནས་ཀྱང་ཐོབ་པར་བྱ། དེའི་ཕྱིར་དུ་འཕོ…

སྤྱོད་ཚེ་ན་ཡང་མཆེད་གྱུར་ལ། །སྐལ་བཟང་གཅིག་ལ་མཛད་པ་མཐར་ཕྱིན་པའི། །རྫོགས་པའི་སངས་རྒྱས་སྟོང་ཞེས་གསུངས་པ་ལྟར། བསྐལ་པ་བཟང་པོའི་རྣམ་འདྲེན་འདི་དག་ཐུགས་བསྐྱེད་སྨོན་ལམ་ལྷན་ཅིག་པའི་སྟོབས་ཀྱིས་གཅིག་གི་བསྟན་པ་ལ་ཞུགས་ཕྱིན་བསྐལ་བཟང་རྣམ་འདྲེན་གང་ཡང་རུང་བ་ཞིག་གི་བསྟན་པ་ལ་ངེས་ཅན་དུ་སྨིན་ཅིང་གྲོལ་བར་གསུངས། ཁྱད་པར་བདག་…