ཏ བ གྲཱི པ སཱ ཧ སྲ པཱ ཪྨི ཀྱ མོ ཀྟཱ གྲ ཏཱ སྭཱ ར བྷྲཾ ངྒཱ ནུ རཱ གྦཱི ཎ ཤ བྡེ། པྲ བཱ ཀྐོ ཊི གཱི ཏྱཾ བ ཏུཾ པ ཉྩ མཱ སྠཱ ན པི བྱོ ཀྟ ཏ དྤེ ཁ ཏཱ ཙི ཧྞ ཡུ ཀྟ། ཁྱོད་(སྡེབ་སྦྱོར་མཉམ་པའི་པྲྀཏྟ་ལས་ལས་འཕྲོ་ལྟུང་བ)མགྲིན་པདྨའི་འདབ་སྟོང་གྲོལ་བའི་རྩེར། །དབྱངས་ཅན་བུང་བ་རྗེས་ཆགས་རྒྱུད་མངས་སྒྲར། །གཙུག་ལག་བྱེ་བའི་གླུ་ར…

ངན་པའི་ཁྲོན་པ་ལ། །མཚར་འཛིན་བློ་མིག་དཀྱུས་ཐུང་བྱིས་པ་རྣམས། །རྒྱལ་ཁམས་ཤེས་བྱའི་ཕ་མཐའ་མ་མཐོང་བར། །མུ་ཅོར་སྨྲ་བའི་ཁ་དེ་བདུད་ཀྱིས་ཕྱེ། །ཐུབ་རྣམས་གྲངས་མེད་འགྲོ་བའི་བསམ་པ་དང་། །མཚུངས་པའི་རྣམ་ཐར་བཀོད་པ་མཐའ་ཀླས་ཀྱང་། །ཚད་འཛིན་བླུན་པོའི་སྙིང་སྟོབས་རང་གི་མཚང་། །འབད་པས་ཆེད་དུ་གཞན་ལ་དངོམ་པ་བཞིན། །དཔལ་སྦས་དུག་གཡོ…

བརྩེགས་ཏེ། །བམ་པོར་བྱས་པ་རོ་བརྒྱ་བདའ་བའི་བཅུད། །ས་སྲུངས་མཆེད་ཟླར་འཁུ་བའི་བདོག་པ་ལ། །ཐུན་མཚམས་རྒྱ་ཡིས་མི་ཕྱེད་དམ་དུ་བཅིངས། །དཔྱིད་ཀྱི་ཕོ་ཉས་དྲངས་པ་སོས་ཀྱི་བཞིན། །མཛེས་སྡུག་ལང་ཚོ་ངོམས་པ་ནམ་མཐོང་ཟླའི། །དམར་པོའི་ཕྱོགས་ཀྱི་དགའ་བ་གཉིས་པ་ལ། །མང་བཀུར་རྒྱལ་པོའི་ཁབ་ཀྱི་རྩེ་ནས་བྲིས། །བྱམས་གླིང་མཁན་པོ་རྩེས་དང་ན…

གཏམས་པ། །དལ་འབྱོར་ལང་ཚོ་རྒྱས་པའི་ཟ་མ་ཏོག །ཉེས་བརྒྱ་ཟུག་རྔུས་འཚེ་བ་དང་བྲལ་ཏེ། །ཐོས་དོན་བསམ་ལ་ངོམས་མེད་ཚུལ་དེར་རངས། །དངོས་ཅག་དམ་པར་སྒྲོ་བཏགས་སྙན་གྲགས་ཀྱིས། །འགྲོ་མངས་འདྲིད་པའི་སྒྱུ་ཐབས་བླ་ཆེན་སྤྱིའི། །རྣམ་ཐར་གཟུང་ལ་འབྱོར་པ་མེད་ན་ཡང་། །ཚེ་འདིའི་མདུན་མ་དོན་མེད་ཁོལ་པོར་ཟད། །སྔོན་གོམས་དགེ་བའི་བག་ཆགས་ཆེས་ཆ…

གྲྭ་བཙུན་འཕྱོན་མའི་གར་མཁན་འགས། །མཐོན་པོའི་ར་རྩེར་ཉི་མ་བསྲོ་བའི་ཚིག །མཛེས་མཛེས་གླེང་བར་འཁྲུལ་ན་ཕུབ་མ་ཡིས། །བཀབ་པའི་ཆུ་དོང་ནང་དུ་ལྷུང་གིས་དོགས། །པཎ་ཆེན་ཤཱཀྱ་ཤྲཱིའི་ཆོས་ལུགས་ཀུན། །དེང་སང་མིང་ཙམ་ཁ་བའི་ལྗོངས་འདིར་ལུས། །རྣམ་དག་སྡོམ་པའི་རྒྱུན་དེ་ས་ལུགས་ལ། །བཙོངས་ནས་ཚོགས་ཆེན་སྡེ་བཞི་ངལ་གསོ་མཛད། །བསམ་གླིང་བད…

བཱ ཅ ནེ ནྡྲཻ ྉྤི ཙུ ཤྲཱི ཙ ཙཱ ཀྲཱ ངྒ ཀི གྲཱི བ སཱ རཱ བ ཏྲཾ ཏྶཱ མ ཧཱི ཛྷ པྱ རཻཿ། ཀཱི རྟི བཻ པཱ ཀྵཀཱ རྞྱེ སུ བྷ བྱ ཉྩ དྷཱི མ དྦྲྀ ཧ སྤ ཏྱབྷཱ ཙ ཏ སྨི ནླི ཁེ། ངག་(སྡེབ་སྦྱོར་མཉམ་པའི་པྲྀཏྟ་ལས་མེ་ཏོག་འཕྲེང་ཅན།)དབང་འཇམ་དཔལ་འཁོར་ལོའི་ཡན་ལག་ལྡན། །མགྲིན་མཚོར་ཞུགས་པའི་སྙན་ཚིག་ཁྲོལ་བའི་སྒྲས། །གྲགས་པ་ཕྱོགས་བྲལ་ར…

འཐུང་ཆོ་ག་རྫོགས་པ་བཞིན། །སྒྲ་སྙན་སྨྲ་བའི་དབང་ཕྱུག་ལོ་ཆེན་དབང་། །གཉིས་པ་ཁྱོད་ལས་གཞན་དུ་རྙེད་མིན་ཀྱང་། །ཚེ་འདིའི་བྱ་བ་བཏར་བའི་མི་ལ་རྗེ། །ངུར་སྨྲིག་ཟོལ་གྱིས་བརྫུ་སྙམ་འཕྱང་མོ་ཉུག །ཕྱག་རྒྱ་གཅིག་གིས་ཀུན་རྫོབ་བྱེད་པའི་གཟུགས། །སྟོང་ཆེན་དབྱིངས་སུ་བཏབ་པས་རྣམ་རྟོག་ཚོགས། །ཆོས་སྐུར་རང་ངོ་སྤྲོད་ཚེ་གདུལ་བྱ་རྣམས། །…

ལོན་པར་རིགས་ཀྱི་ཚ་བོ་ལ་ཁོག་ཞུགས་དགོས་པའི་རྒྱུ་མཚན་གསོལ་བར་བདོག་པ་ཚན་གྲངས་ཚོགས་ཀྱི་འཁོར་ལོ་དར་བཅས་ཁང་གསར་རབ་བརྟན་ཆུ་གླང་ཟླ་བ་དང་པོའི་ཚེས་བརྒྱདལ་བཏང་སྐབས་འཕྲིན་དུ་གསོལ་བ་ལྷ་ཞལ་ཚད་མེད་སྟོན་བྱེད་སྤེལ་ལེགས་འཕྲེང་རྒྱས། །ཞི་དང་ཁྲོ་བོའི་དཀྱིལ་འཁོར་མ་ལུས་པའི། ཁྱབ་བདག་དུས་གསུམ་སངས་རྒྱས་པདྨ་འབྱུང་། །སྤྱན་སྔར་ཐ…

རབ་བྱུང་བཅུ་གཅིག་པའི་ཆུ་གླང་ལོར་བྲིས་པའི་ཆབ་ཤོག་འཕྲིན་ཡིག་ཁག །ཆུ་གླང་ནག་ཟླའི་འཇུག་ཏུ་བར་མ་ནད་ཅུང་ཟད་འཕར་བའི་དུས་ལེགས་ཉེས་ཀྱི་ལུང་བསྟན་ཞུ་བར་གྲྭ་ཚང་གཉེར་པ་བློ་བཟང་སྦྱིན་པ་སྤྱན་གཟིགས་ཚོགས་ཆས་སོགས་གྱ་ནོམ་པ་དང་བཅས་ཚངས་པ་དུང་གི་ཐོར་ཚུགས་ཅན་གྱི་སྤྱན་སྔར་མངགས་པའི་ཚེ་འཕྲིན་ཡིག་ཏུ་གསལ་བ་ལྷ་ཞལ་མཐོར་འདེགས་བསྐུ…

དུང་དཀར་གཡས་འཁྱིལ་ཐོད་བཅིངས་པ། །མཐོན་པོར་ཞལ་ཁྱིམ་བཏེག་ནས་དགྱེས་པའི་འཛུམ། །ཚེམས་འཕྲེང་མུ་ཏིག་ཟེའུ་འབྲུ་རྒོད་པར་མཛོད། །འདི་ན་གློ་བུར་འཚེ་བ་ཟུག་རྔུ་ཡིས། །སྒྱུ་མ་གཡར་ཁང་ཅུང་ཟད་བྲོ་འཚལ་བར། །ཕན་ཐབས་རིམ་གྲོའི་ཉེར་བསྡོགས་བགྱིད་ཚུལ་གཏམ། །ལྷ་སྙན་དབང་པོར་ཕོ་ཉའི་ངག་ནས་གསལ། །སླད་མར་བདུད་རིགས་གནོད་པ་དེ་ཙམ་གྱི། །བ…

བར་སྟོན་ཅིག་སྡེ་བརྒྱད་དམག་དཔོན་ཆེ། །གནས་ཚུལ་ཞིབ་ཆར་གསོབ་དང་མཐུན་པའི་རྫས། ཁྲ་ཤར་ཚོགས་ཀྱི་འཁོར་ལོ་འབུལ་བ་ལ། །ཆེད་དུ་ཕོ་ཉ་འདི་ལ་ཉེར་མངགས་ན། །ལུང་བསྟན་རྡོ་རྗེའི་སྒྲ་དབྱངས་མགུར་ནས་ལོང་། །ཕ་མ་བརྒྱུད་པའི་སྲུང་མ་ཁྱོད་ཉིད་ཀྱིས། །ཉིན་མཚན་དུས་དྲུག་སྐྱོང་བ་མཛད་མོད་ཀྱང་། །ཡང་བསྐྱར་ནན་གྱིས་གསོལ་ན་དབང་དྲག་དང་། །ཞི…

མེས་རིགས་ཀྱི་ལྷ། །ཐང་ཆེན་བཤན་པ་ལག་དམར་མཐུ་རྩལ་ལྡན། །མ་གཡེལ་མ་གཡེལ་བཅོལ་བའི་འཕྲིན་ལས་ཀུན། །ལྷུན་གྱིས་སྒྲུབས་ཤིག་གནོད་སྦྱིན་ཤིང་བྱ་ཅན། །དར་ཟབ་རྒྱ་ཇ་ཚོགས་ཀྱི་འཁོར་ལོ་རྣམས། །སྔགས་རྒྱས་ནམ་མཁའ་མཛོད་དུ་བྱིན་བརླབས་ནས། །དབུལ་བར་ཕོ་ཉ་འདི་པ་ཉེར་མངགས་ན། །ཐུགས་དམ་གཉན་པོ་དབྱིངས་སུ་སྐོང་གྱུར་ཅིག །གློ་བུར་ནད་སེལ་རི…

གསུང་གསང་གླུ་རུ་ལོང་། །མཐུ་སྟོབས་འཁོར་ལོ་དམ་བཅའ་བཞི་ལྡན་གྱིས། །དགྲ་བགེགས་མགྲིན་པ་དུམ་བུར་གཅོད་པ་དང་། །ཆབས་གཅིག་འདོད་པའི་རེ་བ་ཀུན་སྐོང་བའི། །དངོས་གྲུབ་ཆར་གྱིས་ནོར་འཛིན་འགང་བར་མཛོད། །ཆུ་བྱ་ཟན་གཡང་མདོ་སྡེ་མཆོད་པའི་ཐོག་དགའ་སྟོན་གྱི་ལེགས་སྐྱེས་འབུལ་བར་ཁ་རོག་གོང་པ་བཏང་བའི་ཚེ་སྤྲུལ་པའི་ཆོས་རྒྱལ་ལི་བྱིན་ཧ་ར…

སྡེ་བརྒྱད་དབུས་ན་མངོན་པར་མཐོ་བའི་ལྷ། །བཙན་རྒོད་གནོད་སྦྱིན་ཆེན་པོ་ཙེའུ་དམར། །མདོ་སྡེའི་ལྷ་མཆོད་དགའ་སྟོན་སྔོན་བཞིན་དུ། ཁྲ་ཤར་དང་བཅས་ཕོ་ཉ་ཉེར་མངགས་ན། །ཞི་རྒྱས་དབང་དྲག་འཕྲིན་ལས་སྒྲུབས་ཤིག་གུ །ཟླ་བ་ཐགས་སུ་བསྐྲུན་འདྲའི་དར་དཀར་གྱི། །སྙན་ཤལ་ལེགས་སྤེལ་རྟ་བདུན་དབང་པོ་ཅན། །འཁྲིག་པའི་ཁྱིམ་དུ་དགའ་བདེར་སྤྱོད་པ་ཡི…

ཚེ་དཔལ་ཟླ་བའི་ཆ། །རྣམ་པར་གང་བྱེད་དཀར་ཕྱོགས་བགྲོད་པ་ལྟར། །རབ་འཕེལ་དཔག་བསམ་ཡོངས་འདུའི་ལྗོན་པ་ཡི། །ལང་ཚོའི་དཔལ་གྱི་དོ་ཟླར་ཁྱོད་ཀྱིས་སྒྲུབས། །དངོས་སམ་བག་ལ་ཞ་བའི་ནག་པོའི་དཔུང་། །དགྲ་བགེགས་སྡེར་བཅས་མཐུ་སྟོབས་ནུས་པའི་རྩལ། །སྐྱིན་ཐང་དྲག་པོས་བཅོམ་པའི་ལོ་ཏོག་ལྟར། །མིང་གི་ལྷག་ཙམ་ལུས་པ་མེད་པར་ཆོམས། །རྣམ་པར་དག་པ…

མེད་བུ་རམ་ཤིང་པའི་རིང་ལུགས་འཛིན་པར་ཁས་འཆེས་པའི་སྡོམ་བརྩོན་གནས་ལྔ་རིག་པ་སྨྲ་བ་གང་གིས་དད་པའི་ཡིད་ཀྱིས་ཀུན་ནས་བླངས་ཏེ་ས་བཿསྭསྟ་ཀ་རིཥྱ་ཏི་མཾག་ལཾ་བྷ་ཝནྟུ་ཞེས་བཀྲ་ཤིས་པའི་ཚིག་གི་འཕྲེང་བ་བརྗོད་ཅིང་སྤོས་བསྲེགས་མེ་ཏོག་འཐོར་དབང་བཅས་གསོལ་བ། དེང་གི་དུས་ཀྱང་གནམ་སའི་དཀྱིལ་འཁོར་མ་ལུས་པ་ལ་དབང་ཕྱུག་པའི་བདག་ཉིད་གོང་མ…

བཅུའི་གནང་རྟེན་དང་བཅས་བསྟན་འཛིན་དགེ་སློང་དང་ཨེར་ཏེ་ན་རབ་འབྱམས་པ་གཉིས་གསེར་ཡིག་ཏུ་མངགས་ཏེ། བདེ་སྐྱིད་ཀྱི་ལོ་བཅུ་གཉིས་པ་སྟོན་ཟླ་ར་བ་གྲོ་བཞིན་གྱིས་ཉེ་བར་སུག་པར་སོན་པས་དྲང་སྲོང་བསམ་གཏན་གསུམ་པ་བཞིན་དུ་ཡིད་ལ་སྤྲོ་དགའ་ཅི་ཡང་བརྟས། འདི་ནའང་འབྲུམ་དཀར་གྱིས་བྲོ་འཚལ་བ་ལས་གྲོལ་བ་དང་བསྟན་འགྲོའི་ཕན་བདེ་སྤེལ་བའི་འདུ…

དཀྱིལ་འཁོར་མཐའ་དག་རང་བྱོན་དུ་གྱུར་པའི་བྱེད་པོས་མིའི་བདག་པོ་གང་གི་བསོད་ནམས་ཀྱི་མཐུས་ཉི་འོག་གི་རྒྱལ་ཕྲན་བློན་འབངས་ཐམས་ཅད་ཟིལ་གྱིས་གནོན་པར་མ་ཟད་མཆོག་དམན་ཀུན་གྱི་བསམ་པའི་ཡུལ་ལས་དགོངས་པའི་བློ་གྲོས་ཀྱི་ཚད་གང་གིས་ཀྱང་གཞལ་བར་ནུས་པ་མ་ཡིན་པ་སྟོང་སྤྱི་ཕུད་ཀྱི་འཁོར་ལོས་སྒྱུར་བའི་རྒྱལ་པོར་གྱུར་པས་ཁམས་གསུམ་ཡོངས་ཀ…

གཉིས། མུ་མེན་རྡོག་བཞི། སྦུར་ལེན་གྱི་ཤལ་པ་ཆེ་ཆུང་། སྣམ་བུ་སྔོ་ཐིག་ཉི་ཤུ་རྩ་བདུན། རྒྱ་ཐིག་ཉི་ཤུ་རྩ་བཞི། ལྗང་ཐིག་ཉི་ཤུ་རྩ་བདུན། དཀར་རྐྱང་ཉི་ཤུ་རྩ་ལྔ། དམར་ཐིག་ཉི་ཤུ་རྩ་གསུམ། སྔོ་རྐྱང་ཉི་ཤུ་རྩ་བདུན་དང་བཅས་བག་ཡོད་ཅེས་པ་ཆུ་མོ་གླང་གི་ལོ་ཧོར་ཟླ་དགུ་པའི་གྲལ་ཚེས་དགེ་བར་རང་བྱུང་འཕགས་པ་འཇིག་རྟེན་དབང་ཕྱུག་གི་གཙུག…

མེ ཋ ཏོ རཱ ས། དྡཱ ར སུ ཁྱཱ ཏ བ རྞེ ནྡྲ ཙཱ པཱི ཡ ཤ བྡཱ རྠ བྷཱུ ཥཻ མ ཏཿ། ཀཱ པུ ར མྨཱ ལ ཡ ཏྱཱ ལི ཁཻ རྩི ནྟུ ཡུ གླ ཏྲ མེ པཱ དྡྷྱ ཡུ ཏྟཱ ར གོ ཏྶཱ ཧ ལཿ། ཀ་(སྡེབ་སྦྱོར་མཉམ་པའི་པྲྀཏྟ་ལས་མེ་ཏོག་འཕྲེང་ཅན།)རའི་རོ་ལྟར་མངར་བའི་ལེགས་བཤད་རྣམས། ཁ་དོག་འཇའ་བཞིན་སྒྲ་དོན་རྒྱན་མཚར་བའི། །ག་བུར་ངད་འཐུལ་འཕྲིན་རྟེན་སོན་པའི་…