མངོན་པར་རྒྱས་ཚེ་འཇིག་རྟེན་དབང་ཕྱུག་གནས། །གྲུ་འཛིན་གཞལ་མེད་ཁང་ནས་གུས་པས་ཕུལ། །ལྕགས་ཁྱི་སྔགས་འཆང་ཆེན་པོ་དཀོན་ཅོག་ལྷུན་གྲུབ་ཀྱི་ཀུན་བཟང་དགོངས་འདུས་ཀྱི་གླེགས་བམ་དང་བཅས་འཕྲིན་ཡིག་བྱུང་བའི་ལན་དབུ་རུའི་སྨག་རུམ་སེལ་བའི་ཟླ་བ། ར ཏྣ སཱ ར མ ཎྜ ལཽ ཏྶ ཧ སྱ སཾ བ ད པཱ ཛྙ དཱ ཡ ཙཱ ནུ བྷཱ བ པཱ གམུ ཀྟཻཿ བི དྱ མ ནྟུ དྷེ…

དཀར་འཕྲིན་ལས་གཏམ་སྙན་པོས། །གཞན་འདྲིད་བླ་ཆེན་སྤྱི་ཟོག་སྒྱུ་ཐབས་ཀྱིས། །དལ་བའི་རྟེན་བཟང་སྟོང་པར་མཛད་ལ་གཡེངས། །འོན་ཏེ་བཤེས་གཉེན་མང་བསྟེན་བཀའ་དྲིན་ལས། །ཐུབ་གསུང་དེ་འགྲེལ་རྒྱ་བོད་མཁས་གྲུབ་གཞུང་། །འཆད་ཉན་ཡིད་ལ་གོམས་བློའི་བག་ཆགས་མཐུ། །ཡང་སྲིད་མང་པོར་སད་པའི་རེ་སྨོན་ཙམ། །མ་ཞིག་ཞིབ་པོར་རྫུ་བའི་སྒྱུ་མ་མཁན། །རིག…

བགྱིད། །ཡུལ་དུས་རིང་བསྐལ་རྒྱ་བལ་ཧོར་སོག་ནས། །གསེར་ཡིག་ཉི་ཟླའི་འགྲོས་འདྲའི་ངང་ཚུལ་ལ། །བསམས་ཚེ་སྐྱུད་པ་མེད་པ་རི་མོའི་ཁུར། །ཁྱེར་བའི་ཕོ་ཉའི་འགྲོ་འོང་ཆད་མེད་སྒྲུབས། །རོ་ལྡན་བདུད་རྩི་བཅུད་དུ་འབབ་པའི་ཤིང་། །ཉེར་ཐོགས་ཚེ་རིང་དོན་ལྡན་གཉིས་སྐྱེས་ཀྱིས། །བརྗོད་བྱ་རྗོད་བྱེད་ཐབས་ཤེས་འདབ་བརྐྱངས་ནས། །སྡོམ་བརྩོན་རིག…

རབ་བྱུང་བཅུ་གཅིག་པའི་ལྕགས་ཕག་ལོར་བྲིས་པའི་ཆབ་ཤོག་འཕྲིན་ཡིག་ཁག །ལྕགས་ཕག་ལོ་གསར་དུས་ལྕོག་གྲ་སྤྲུལ་སྐུས་སྙན་ཚིག་བསྲེངས་ལན་གྲུབ་རིགས་བསྟན་པའི་སྲོག་ཏུ་སོང་བའི་བདེན་གཏམ། །ཡ སྱ གྲཱི བི ནོ ཏ བྷ སཱ རཱ མ ཧ དྦྷྱ སྶཱ མཱ ཏྲི སྲོ ཏཱ པཱ ཏི ལེ ཁཻ སྶ ཙི ཧྞཾ། བཻ རོ དྷཱ ཀཱ ཤཻ རྦྷཱ རྵ ཀོ ད ཡཡ ལ ཀྵྨི མཱུ ཁཾ བྷཻ རཱ ཎཱཾ པ…

པོའི་ཁུར་འཛིན་ཡང་། །ཇི་ལྟའི་དེ་ཉིད་མངོན་སུམ་རྟོགས་པའི་བློ། །ཕྲ་བས་ད་དུང་གཞོན་ནུའི་ངང་ཚུལ་བཞིན། །འཁོར་བའི་ཤེལ་ལ་དུག་གསུམ་ཚོན་འཆར་བ། །སྒྲིབ་པའི་ལུས་ཅན་ཀུན་གྱི་རང་མཚང་སྟེ། །གཏན་བདེའི་དབང་གཞུ་བཀྲ་བ་མི་ལའི་མཚན། །ཟླ་མེད་ནམ་མཁའི་ཟླ་འདྲ་ཁྱོད་ཉིད་ཙམ། །མཐོན་པོའི་རི་རྩེར་གནས་པའི་བུ་ཆུང་ཕལ། །ཐང་འཁྱམས་དེང་དུས་ཕྱ…

བཏགས་པ། །བསོད་ནམས་རི་མོ་བཀྲ་བའི་དུ་ཀཱུ་ལ། །དཔྱོད་ལྡན་དྲང་སྲོང་ཕུབ་རུ་ཁྱོད་ཉིད་ཀྱི། །མཛེས་བྱེད་སྟོང་གཡོགས་གོས་སུ་ཀླུབས་འདིའོ། །རབ་བྱུང་བཅུ་གཅིག་པའི་ཆུ་ཡོས་ཉང་སྨད་ཞ་ལུ་གསེར་བཀང་གི་ཆོས་གྲྭར་ལས་གཤིན་མཆོད་པའི་ཚེ་སྡེ་བརྒྱད་ཡལ་བ་མེད་པའི་སྐད་གཏོང་བའི་ལམ་ཡིག་འཆི་བདག་ནག་པོའི་རྐན་སྒྲ། ན་མོ་བཛྲ་བྷཻ་ར་ཝཱ་ཡ། རིགས…

འཛིན་གྱི་སྐྱེས་ཆེན་དམ་པ་རྣམས་ཞབས་པད་བརྟན་པ་དང་། བསྟན་པ་སྤྱི་སྒེར་དར་ཞིང་རྒྱས་ལ་ཡུན་རིང་དུ་གནས་པ་དང་། བསྟན་དགྲ་རྣམས་ཚར་གཅད་པའི་འཕྲིན་ལས་ཞུ་རྒྱུ་ཡིན་པས། གཟུགས་ཅན་མི་རྣམས་ངོ་མཚར་གྱི་ལྟད་མོ་མིག་གི་བདུད་རྩིར་བསྟེན་པ་དང་། གཟུགས་མེད་རྣམས་མཆོད་གཏོར་ལེན་པ་ལ་འབད་པར་རླུང་སེམས་ལས་སུ་རུང་བའི་རྣལ་འབྱོར་པ་འདི་ཕོ་ཉ…

སྲང་དོ་ཞོ་ལྔའི་གསེར། །དངུལ་གྱི་ལྷ་གཟུགས་རྣམ་པ་བརྒྱད། །ཇ་སེར་དང་བཅས་ཉམས་མེད་འབྱོར། །རྒྱལ་བའི་གསུང་རབ་བྲི་བའི་གཞི། །མཐིང་ཤོག་ཀོ་དྲ་བཞི་བཅུ་དྲུག །རྔ་མོ་བརྒྱད་དང་ལིང་ཡུག་བཅས། །ལྷག་བསམ་བློ་ཡིས་བསྲིངས་པ་ལེགས། །གནས་སྐབས་བསམས་པའི་དོན་གྲུབ་ཅིང་། །མྱུར་དུ་སངས་རྒྱས་ཐོབ་པ་ཡི། །བསྔོ་སྨོན་དཀོན་ཅོག་རིན་ཅེན་གསུམ། །…

རབ་ཏུ་བརྟན་ཅིང་། རང་རང་གིས་བགྱིད་པར་འོས་པའི་ཐོས་བསམ་སྒོམ་པའི་ཡལ་འདབ་མངོན་པར་རྒྱས་པར་གནས་སམ། འདི་ཕྱོགས་སུ་ཉི་མའི་གཉེན་གྱི་རིང་ལུགས་པའང་འདུ་བ་སྙོམས་ཤིང་། སྟོབས་བཅུ་མངའ་བའི་ལུང་རྟོགས་ཀྱི་བསྟན་པ་སྤེལ་བ་དང་། ལུས་ཅན་ཀུན་ལ་གཅིག་ཏུ་དཀར་བའི་བསམ་པ་ཡར་ལྡན་དུ་མཆིས། ཉེ་བའི་ཆར་ད་ལྟ་དབུས་གཙང་གི་ལྗོངས་སུ་བསྟན་འཛིན་…

དཀའ་ཞིང་ལྕི་བའི་ཆད་པ་འབེབས་པ་ལ་མི་འཇིགས་སམ། སྨྲས་པ་དོན་ལྡན་དུ་བགྱིས་པ་རྣམས་ལ་གནས་སྐབས་མཐར་ཐུག་ཀུན་ཏུ་དགེ་བའི་ཏིང་ངེ་འཛིན་བཟང་པོའི་སྐྱབས་འཇུག་བྱེད་པ་ཡིན། ཞེས་འཕགས་པའི་ཡུལ་དུ་བྲྀ་ཥ་ཞེས་འདོད་ཅིང་། བོད་སྐད་དུ་མྱོས་ལྡན་ཞེས་བསྒྱུར་བ། ལྕགས་མོ་སྦྲུལ་གྱི་ལོའི་ཁྲུམས་སྟོད་ཟླ་བའི་ཕྱོགས་གཉིས་པའི་རྒྱལ་བ་གསུམ་པའི་…

པོ་རྒྱལ་རིགས་དབང་ཐ་བུ་ནང་མི་བཟང་སོགས་ལུགས་ཟུང་གི་བྱ་བའི་ཁ་ལོ་སྒྱུར་བ་མཐའ་དག་ལ་ཟློ་བ། འགྲོ་བ་ཀུན་ལ་གཅིག་ཏུ་སྨན་པར་མཛད་པའི་ཕན་དང་བདེ་བའི་དཔུང་གཉེན་དམ་པ། རྒྱལ་བ་ཉི་མའི་གཉེན་གྱིས་མངོན་པར་མཐོ་བ་དང་ངེས་པར་ལེགས་པའི་རྒྱུ་སྒྲུབ་བྱེད་ཀྱི་ཐབས་སུ་གསུང་རབ་ཡན་ལག་བཅུ་གཉིས་བཀའ་སྩལ་བ་མཐའ་དག །བརྗོད་བྱའི་སྙིང་པོ་མི་དག…

པའི་བྱང་ཆུབ་མཆོག་ལ་རེག་པའི་བསྔོ་སྨོན་གྱི་རྒྱས་འདེབས་ཡིད་ལ་འགྲོགས་པར་བྱེད། འཕགས་ཡུལ་ཨ་དྷ་རར་འབོད་པ། ཀུན་འཛིན་ཞེས་པ་ས་ཕོ་བྱི་བའི་ལོ་ཆུ་ཤེལ་དབང་པོ་གྲོ་བཞིན་གྱིས་ཉ་བའི་ཡར་ཚེས་དགེ་བར་ཆོས་སྡེ་ཆེན་པོ་དཔལ་ལྡན་འབྲས་སྤུངས་ནས་བྲིས། ཚངས་པ་དུང་ཐོད་ཅན་གྱིས་བླང་དོར་གྱི་ལུང་བསྟན་མཛད་པའི་ལན་དུ་གསོལ་བ་ཆོས་ཀུན་བསྒྲིབས…

དང་བཅས་པ། །མཛད་མེད་ནམ་མཁའ་མཛོད་དུ་བྱིན་བརླབས་ནས། །ལྷ་ཆེན་ཐུགས་དམ་གཉན་པོ་སྐོང་ཕྱིར་སྤེལ། །ཀ་ཚལ་བླ་མ་རིགས་འཛིན་དཀོན་ཅོག་ལྷུན་གྲུབ་ཀྱིས་ལྕགས་ཕག་ཟླ་བ་བཅུ་གཅིག་པར་སྙན་ངག་གི་འཕྲིན་ཡིག་བྱུང་བའི་ལན་ལྷ་སྔགས་ཡེ་ཤེས་རོལ་གར། ཧེ མ ནཻ ཀ སྶུ རཻ བུ ཏྲ མཱ ཡཱ མ སཱ མ ནྱ ར ཏྣ དྭི ཏཱི ཡོ ཧི དྷ རྨཻ ཪྻཤ །མཽ ཁྱི ཀཱ མྲྀ ཏྱ …

རབ་བྱུང་བཅུ་གཅིག་པའི་ཆུ་བྱི་ལོར་བྲིས་པའི་ཆབ་ཤོག་འཕྲིན་ཡིག་ཁག །ཆུ་བྱི་སྡིངས་པོ་ཆེ་སྤྲུལ་སྐུ་ངག་དབང་སྙན་གྲགས་བཟང་པོས་གནམ་ལོ་གསར་ཚེས་ཀྱིས་ལེགས་སྐྱེས་སྤེལ་བའི་སྙན་ཚིག་གི་འཕྲིན་ལན་བདེན་གཏམ་རླུང་མི་བསྐུར་བར་མངགས་པ། (༢༠༨ན)

ཀ ཎྛོ ཙྩཱ ལཾ པྲ ཏི བྷཱ ནཱ ཏྨ ལཱ ཤྲེ པ ཏྲཱ མྱ ཤྩ ཀྵ རི ཀཾ གཻ ཏྱ ལེ ཁཿ སྭཱ ལ ངྐཱརཻ རཁ ཙི དེ བྱ ཉྫ ལཱི ནཱཾ རེ ཁེ ནྲྀ ཏྱཾ ཀ ཏི ཀ ྈྐི ཉྩ བ རྟིཿ སྤོབས་(སྡེབ་སྦྱོར་མཉམ་པའི་པྲྀཏྟ་ལས་མེ་ཏོག་འཕྲེང་ཅན།)པའི་མགྲིན་པ་བཏེག་ནས་ཤིས་བརྗོད་འཕྲེང་། །ཉམས་དང་འགྱུར་ཁུགས་གླུ་རུ་བླངས་པའི་འཕྲིན། །བདོག་པའི་རྒྱན་གྱིས་སྤྲས་པའི་…

རྣ་བར་འཇེབས། །བྱང་ཆུབ་རྒྱུ་ཚོགས་ཐུབ་པས་སྔོན་བསགས་པའི། །བདེན་གཏམ་རླུང་བསྐུར་གཅིག་ཤེས་ཀུན་གྲོལ་ཞེས། །སྙན་གྱི་བུ་རམ་དངར་ཡང་མི་ལ་རྗེས། །དར་བློའི་རྩོད་པ་མ་བཟློག་གང་གི་སྐྱོན། །དེ་ཕྱིར་ཀློག་ཙམ་མི་ཤེས་ལུས་བསྲངས་ནས། །ལྟ་སྟངས་ངང་ནས་དལ་འབྱོར་སྟོང་ཟད་ལས། །རྣམ་གསུམ་ཤེས་རབ་བསྐྱེད་ལ་ངེས་སྦྱར་ན། །བདག་གཞན་བསླུ་བའི་ཆ…

ན ར ས ནི དྷ དྷཱ ཏུ ནཱ ཀྵེ ཏྲ ཙཱ ཧ བྻུ ཧཱ མཱ ཡ ལཱ ལི དྦྲྀ ཏ ཏྲཻ པ། གཱི ཚ ཏཿ བ དུ ར གམ ན ཙ ནྡུ ཏཱ ནུ རྡུ བེ སཱ དྷུ ཤཱ སྟཱ པ དཱ ད རྴ ཀཾ ནཱ། ཝཱ གཱི ཤྭ ར། ཞིང་(སྡེབ་སྦྱོར་མཉམ་པའི་པྲྀཏྟ་ལས་རྒྱུན་ཆགས་དང་པོ་གཏམ་པའི་ཆར་འབེབས།)ཁམས་རྒྱ་མཚོར་ངོ་མཚར་བཀོད་པ་སྒྱུ་འཕྲུལ་རོལ་གར་གངྒཱའི་རྡུལ། །འགྲོ་བའི་དབང་པོར་འཚམ་པར་…

ཧེ ནི ཀ ཙ པ རི ཛ མྦུ ཏི དྭཱི པ ཀཽ ཥྞཱི ཥི ཎ ཏྶ ཐི ཏྱ ས ཏྐ རཱ ཎཱ ཀ ཀཱ ནཱ ས ནེ། གགན བ སུ དྷ རེ ཤྭ རཻཿ ཀྵྨཱ པ ཏེ། རྴི ལ ཀོ དྷཱ མ ཧོ ཏྟཱ མ ཏ ཤྴཱི མ ཏོ མུ ལ ཏཱ། འཛམ་གླིང་ཡོངས་ཀྱི་གཙུག་ཏོར་གྱིས་བཏེག་མང་པོས་བཀུར་བའི་གསེར་གྱི་ཁྲིར། །གནམ་སའི་དབང་ཕྱུག་རྒྱལ་པོའི་ཚུལ་འཛིན་དཔལ་ལྡན་གོང་མ་ཆེན་པོའི་དྲུང་། །སྭསྟི་ཀ་…

མིའི་མགོན་པོ་ཁྱོད་ཉིད་ལ། །སྙུན་འདྲི་སྨེད་པ་བྱིས་པའི་བློ་གྲོས་ཙམ། །འོན་ཏེ་འཇིག་རྟེན་མཐུན་པར་འཇུག་པ་འདི། །ཡོངས་ཀྱི་སྲོལ་ལགས་ནོར་འཛིན་སྐྱོང་བ་གསོན། །སྐད་རིགས་རྒྱན་གོས་བྱ་རྩོལ་ཐ་དད་པ། །བགྲང་ཡས་སྐྱེ་རྒུའི་བསོད་ནམས་ཚོང་ཟོང་གིས། །བསྒྲུབས་པའི་གང་སྐུ་ཟོ་མདོག་རྒྱས་པའི་གཟི། །བརྒྱ་ཕྲག་ཉི་མའི་འོད་ལ་འགོད་དེ་སྤྲོ།…

བལྟ་ཕྱིར་གཡོ་མེད་གཅིག་ཏུ་གནས་པ་བཞིན། །གསེར་འབྲུག་ཚང་འཁྱིལ་ལྔ་ལྡན་སྡེར་མོ་ཡིས། །བཏེག་པའི་རིན་ཆེན་ཁྲི་ལ་དབང་ཕྱུག་ཁྱོད། །ཞབས་ཟུང་བསྐལ་བརྒྱར་མི་གཡོ་རྟག་བཞུགས་པ། །མཆོག་གསུམ་ཐུགས་རྗེའི་མཐུ་ཡིས་འགྲུབ་བྱིན་རློབས། །ཡངས་པའི་ས་ལ་གནས་སོ་ཅོག་གི་འགྲོ། །བཀའ་དྲིན་གྲིབ་མར་མི་བརྟེན་མཆིས་མིན་ཡང་། །ཡབ་རྗེས་བསྟན་པ་གཅིག་…