ཁྲིམས་ཀྱི་བདག་པོ་མཛད་ཅིང་ཀུན་ཡར་ཆད། གོང་མས་ཞྭ་ལུ་ཁྲི་སྐོར་གྱི་ལྷ་སྡེ་མི་སྡེ་ཐམས་ཅད་བདག་པར་བྱས་པའི་འཇའ་ས་གནང༌། ཞྭ་ལུའི་གཙུག་ལག་ཁང་འདིའི་གློ་འབུར་ལྷོའི་བསེ་སྒོ་མ་དང༌། ཤར་གྱི་སྒོ་ཁང་ལ་མགོན་ཁང་བྱས། ད་ལྟ་བྱང་ངོས་ཀྱི་སྒོ་རྒྱུད་ལམ་ཆེན་མོ་འདི་བཏོན། ལྷོ་དམག་སྡེ་དང་བཅས་པའི་ཤིང་འདྲེན་བྱས། ཤིང་ཚན་ཆེན་པོ་དྲངས། ཤ…

གྲངས་ཀྱིས་མི་ཆོད་པས་བསྐོར་བ་རིན་པོ་ཆེ་སྣ་ཚོགས་ལས་གྲུབ་པ་དང༌། རྭ་བ་བཞི་ལ་མཆོད་པ་ཆེན་པོ་བཞི་བཙུགས། སྔོན་གྱི་ཆོས་རྒྱལ་མེས་དབོན་རྣམ་གསུམ་གྱི་རྣམ་ཐར་ཀྱང་ད་དུང་ཡང་ངའི་གཙུག་ལག་ཁང་འདི་དགེ་འདུན་རྒྱ་མཚོ་ལྟ་བུ་ཞིག་སྙིང་ལ་འདོད། དགེ་བཤེས་དུ་མ་ཚོགས་པ་ཞིག་སྙིང་ལ་འདོད། དེ་ལ་ལས་སྤྱན་གྱི་ཚོགས་དཔོན་ཤིན་ཏུ་བཟང་བ་གཅིག་ག…

བསྐལ་པར་ཚོགས་གཉིས་རབ་སྦྱངས་པས། །སྐུ་གསུམ་འབྲས་བུ་རིན་ཆེན་མངོན་དུ་མཛད། །ཕྲིན་ལས་རྣམ་བཞི་རྟག་པར་ལེགས་གྲུབ་པའི། །ཆོས་རྗེ་བུ་སྟོན་ལོ་ཙཱའི་ཞབས་ལ་འདུད། །རིག་གནས་མ་ལུས་མངོན་དུ་མཐར་ཕྱིན་ཡང༌། །སློབ་པའི་ཚུལ་བཟུང་སྒྲ་ཚད་བཟོ་དང་གསོ། །ཁྱད་པར་ནང་རིག་དོན་ལ་སྦྱངས་པ་མཛད། །མངའ་རིས་པཎ་ཆེན་ཀུན་མཁྱེན་དེ་ལ་འདུད། །སྤང་བྱ་…

སྙེད་པ། །ཆུ་ཐིགས་ཚུན་ཆད་རྒྱ་མཚོར་འདུ་བ་ལྟར། །དེ་བཞིན་ཆོས་སྒོ་མ་ལུས་ཇི་སྙེད་པ། །གཅིག་ཏུ་འདུས་པ་བུ་སྟོན་ལོ་ཙཱ་ཡིན། །ཁྱེད་ཀྱི་འཕྲིན་ལས་ཇི་ཙམ་མཁའ་ཁྱབ་པ། །དེ་ཙམ་ཁྱབ་སྟེ་ཆད་མེད་རྟག་གནས་པ། །ནམ་མཁའ་ལ་ནི་ཀུན་ཏུ་འགྲན་པ་འདྲ། །ནམ་མཁའ་མ་བཟོད་གོ་སྐབས་ཕྱེ་བ་སྙམ། །བུ་སྟོན་གྱི་སྐྱེ་བ་གོང་མ་ནི་ཁ་ཆེ་པཎ་ཆེན་ཡིན། དེ་སངས…

ཡོན་ཅུང་ཟད་ཕུལ་ནས་འབྲས་བུ་དཔག་ཏུ་མེད་པར་གྱུར་རོ། །རི་བྱ་རྐང་ཅན་གྱི་དྲང་སྲོང་གྲུབ་ཐོབ་ཀྱིས་ཀྱང་དེ་དང་འདྲ་བའི་སངས་རྒྱས་བདུན་པ་རབ་གསལ་ཡིན་པར་ལུང་བསྟན་ནོ། །མདོ་སྡེ་བསྐལ་བཟང་ལས་དེ་བཞིན་གཤེགས་པ་རབ་གསལ་སྐྱེ་བའི་ཡུལ་ནི་རྒྱུ་སྐར་ཅན། རིགས་རྒྱལ་རིགས་འོད་དཔག་ཚད་ལྔ། ཡབ་ལེགས་པའི་བློ་གྲོས། ཡུམ་མེ་ཏོག །སྲས་དུས་རིགས…

དང་བཅས་པ་ཐམས་ཅད་ཕུལ་ནས་སྤྱིར་སངས་རྒྱས་ཀྱི་བསྟན་པ་དར་བ་གཅིག་ཞུ། སྒོས་ཞྭ་ལུ་བ་ཡོན་མཆོད་དར་ཞིང་རྒྱས་པ་གཅིག་ཞུ་འཚལ་ཞེས་ཞུས་པ་ལྟར་མདོར་ན་ཡོན་ཏན་གྱི་བདག་ཉིད་ཆེན་པོ་འདི་ནི་མཁྱེན་རབ་དང་ཐུགས་རྗེས་ཕུན་སུམ་ཚོགས་པའི་གྲུ་དང་རྫིང་ལ་སོགས་པར་བཞུགས་ཏེ་མདོ་རྒྱུད་རྒྱ་མཚོ་ཆེན་པོའི་ཕ་རོལ་ཏུ་བྱོན་ནས་དོན་གཉིས་ཀྱི་ནོར་བུ་བ…

དུ་མདོ་རྒྱུད་ལ་བསྟེན་པའི་བཤད་བཀའ་དབང་བཀའ་མན་ངག་བཀའ་བྱིན་རླབས་ཀྱི་བཀའ་ལུང་མང་སྟེ། མདོར་ན་མི་རེ་དང་ངོ་རེ་ལ་འདོད་ཆོས་རེ། དེ་རེ་རེ་ལའང་བློ་རྩེ་གཏད་དུ་བཏུབ་པ། དེ་ཡིན་ངེས་མཉམ་དུ་ཐག་ཆོད་པའི་ལུང་རིག་པ་མན་ངག་བཅས་པ་གསུངས། གཞན་ཡང་འགྲེལ་པ་དང་འགྲེལ་བཤད་ལ་སོགས་པ་མང་དུ་མཛད་ནས་གསུངས་སོ། །དེའི་དུས་ཆོས་རྗེ་ཉིད་ཀྱིས་ས…

པའི་བྱང་ཆུབ་ཆེན་པོའི་མཆོད་རྟེན་བཞེངས། གསུང་རབ་བཀའ་རྒྱས་འབྲིང་བསྡུས་གསུམ་ལ་སོགས་པ་སྐུ་གསུང་ཐུགས་ཀྱི་རྟེན་བསམ་གྱིས་མི་ཁྱབ་པ་བཞེངས་སོ། །སྐུ་ཞང་གྲགས་པ་རྒྱལ་མཚན་ལ་སྲས་སྐུ་ཞང་ཀུན་དགའ་དོན་གྲུབ། སྐུ་ཞང་རིན་ཆེན་རྒྱལ་མཚན། སྐུ་ཞང་ཡེ་ཤེས་ཀུན་དགའ། ཚ་བོ་སྐུ་ཞང་དཀོན་མཆོག་རྒྱལ་མཚན། ཚ་བོ་སྐུ་ཞང་དངོས་གྲུབ་རྒྱལ་མཚན་ལ་…

ཉིད་ཀྱིས་དཀྱིལ་འཁོར་གྱི་བཀོད་པ་མཛད་པ་ལ་རྩ་རྒྱུད་ཀྱི་དཀྱིལ་འཁོར་ཉིས་བརྒྱ་བཅུ་གསུམ་བཤད། བཤད་རྒྱུད་རྩེ་མོའི་འདབ་བརྒྱ་དཀྱིལ་འཁོར་ཉེར་དགུ་དཔལ་མཆོག་གི་དཀྱིལ་འཁོར་བརྒྱད་ཅུ་རྩ་བཞི། སྦྱོང་རྒྱུད་ཀྱི་དཀྱིལ་འཁོར་བཅུ་གཉིས། གཞན་ཡང་རྡོ་རྗེ་སྙིང་པོ་རྒྱན་གྱི་དཀྱིལ་འཁོར་སུམ་ཅུ་སོ་བདུན། ཆོས་དབྱིངས་གསུང་གི་དབང་ཕྱུག་གི་…

འཇམ་དཔལ་སོགས་ལོངས་སྐུའི་རྟེན་མང་པོའི་བཀོད་པ་མཛད། ཕྱག་རྡོར་དབང་བསྐུར་བའི་དཀྱིལ་འཁོར་བཞི། རྣམ་སྣང་མངོན་བྱང་གི་དཀྱིལ་འཁོར་གསུམ། གཤིན་རྗེ་གཤེད་ཁྲོ་བོ་ཁམས་གསུམ་རྣམ་རྒྱལ་གྱི་དཀྱིལ་འཁོར་ལྔ། མི་གཡོ་བ་བརྟུལ་ཕོད་པའི་དཀྱིལ་འཁོར་ལྔ། འཇམ་དཔལ་རྩ་རྒྱུད་ཀྱི་དཀྱིལ་འཁོར་གསུམ། དམ་ཚིག་གསུམ་བཀོད་ཀྱི་དཀྱིལ་འཁོར་གཅིག བསྲུ…

མཛད། ཞྭ་ལུ་ཁྲི་སྐོར་བདག་པའི་འཇའ་ས་དང་སྟག་མགོ་བཟུང༌། ཡབ་ལ་ཇི་ལྟར་ཡོད་པའི་བྱ་བ། ལས་ཀ་མངའ་རིས་རྣམས་གོང་ནས་རིམ་བཞིན་གནང༌། ཡབ་ཀྱི་དུས་ལས་ཀྱང་དབང་བཙན་པོར་བྱུང༌། སྟེང་གི་ཕྱོགས་བཞིའི་གཞལ་ཡས་ཁང་གི་རི་མོ། ཚེ་དཔག་མེད་ཀྱི་ལྷ་ཁང༌། བསྟན་འགྱུར་ལྷ་ཁང༌། གནས་བརྟན་ལྷ་ཁང་གི་སྐྱབས་བཟོ། ནག་པོའི་བདེ་ལྡན་ལྷ་ཁང་དང་བཅས་པ་རྣམ…

མང་པོ་དུས་གཅིག་ལ་མཛད་ཀྱང་རང་རང་གི་ལག་པ་མ་སྟོངས་པར་ཞལ་ཐོན་དུ་ལྷོད་མེད་པར་སྤོབས། ཇི་ལྟ་ཇི་སྙེད་པའི་དོན་ལ་དབང་འབྱོར། མགྲིན་པ་ལོངས་སྤྱོད་ཀྱི་རྩ་ཁ་བྱེ་བས་འགྲེལ་ཏིག མགུར་མ། ཆོས་ཀྱི་སྤྲིངས་ཡིག་ལ་སོགས་འཕྲལ་ལ་དྲན། གཞན་གྱི་མཐའ་དྲུག་མ་དྲན་པ་མང་པོ་དྲན་ཞིང༌། ཐེངས་གཅིག་ཟིན་ནས་བརྗེད་པ་མི་མངའ། གཡས་གཡོན་བྱོན་དུས་སུ་…

ནམས་བློ་གྲོས་རྒྱལ་མཚན་དཔལ་བཟང་པོ་སྐུ་མཆེད་ལ་སོགས་དང༌། ལོ་ཙཱ་བ་ཆེན་པོ་བྱང་ཆུབ་རྩེ་མོ། སེམས་དཔའ་ཆེན་པོ་རྒྱལ་སྲས་ཐོགས་མེད་པ། ལོ་ཆེན་སྐྱབས་མཆོག་པ་དྷརྨཱ་ཤྲཱི། གོང་གསུམ་བདེ་ཆེན་པ་ཆོས་ཀྱི་དཔལ། གཞན་ཡང་བྱང་ཆུབ་སེམས་དཔའ་བསོད་ནམས་གྲགས་དང༌། བླ་མ་ཆོས་གྲགས་དཔལ་བཟང་པོ་གུ་ཤྲཱི་དང༌། ལོ་ཙཱ་བློ་གྲོས་དཔལ་ལ་སོགས་པ་རིགས་…

མཛད། རི་ཕུག་ཏུ་ཡང་སྔགས་མཚན་ཉིད་ཀྱི་སྡེ་སྣོད་འཛིན་པ་ཤ་སྟག་དང༌། འདག་སྦྱར་ཆུ་སྦུག་སྒོ་ལ་བཞུགས་པའི་དགེ་འདུན་ཚོགས་པ་ལྔ་བརྒྱ་ཙམ་རེ་འདུས། གཞན་ཡང་སྟག་ཚལ་འོལ་མོ། །སྙེ་མོ་ཚལ། མིག་གྲོ་འབྲས་ཡུལ། ཤངས་དབྱེ་མར་ལ་སོགས་པར་སྐྱེ་བོ་ཁྲི་ཕྲག་མང་པོ་ལ་སེམས་བསྐྱེད་ཕོག ཐར་པའི་ས་བོན་བཞག་ནས་འཁོར་བ་མཐའ་ཅན་དུ་བཞག་གོ །སྐུ་ཞང་ཀུན…

གྱི་བུ་གཉིས་ཀྱི་ལྡེམ་དུ་བྱས་པ། གཟིམ་མལ་སྐུ་འདྲའི་ཐུགས་ཀར་དབུ་བྱ་རིལ་དུ་བཞུགས། ཆོས་རྗེ་ཐུགས་སྲས་པའི་ཕྱིར་རྟེན་ཞལ་བཞུགས་དུས་བཞེངས་པའི་མཆོད་རྟེན་བཀྲ་ཤིས་སྒོ་མངས། ནང་རྟེན་ཞྭ་ལུགས་ཐུབ་པའི་གསེར་སྐུ་ཁྲི་རྒྱབ་དང་བཅས་པ་གཟིམ་མལ་སྐུ་འདྲ་རྣམས་བཞེངས། ཆོས་རྗེ་རིན་པོ་ཆེ་སངས་རྒྱས་དཔལ་རིན་པས་རི་ཕུག་ན་ཕྱི་རྟེན་མཆོད་ར…

ན་སྡོང་གིས་ལྕང་ར་བ་དང༌། རཱ་རྫ་གཡུ་ལུང་བ་སོགས་ཡིན། (གཞི་ཀ་བསམ་གྲུབ་རྩེའི་སྐོར་བཞུགས།) ལྷ་གནས་དང་འདྲ་བའི། (མྱང་ཞབས་སྨད་ཀྱིས་ཡུལ་བསམ་རྩེར་གྲགས་པ་དེ་ལ།)ངོ་མཚར་ཕུན་སུམ་ཚོགས་པའི་ཁྱད་པར་གྱི་མཐོ་པ་བཅོ་ལྔ་ཡོད་དེ་ཕྱི་གནས་ལ་བརྟེན་པའི་ངོ་མཚར་ཕུན་སུམ་ཚོགས་པ་ལྔ། ནང་བསྟན་པ་བསྟན་འཛིན་སོགས་ལ་བརྟེན་པའི་ངོ་མཚར་ཕུན་སུམ…

སྣང་བ་བཀྲ་ཤིས་རྟགས་ཀྱི་དགེ་མཚན་གྱི། །འཁོར་ལོ་རབ་འབྱམས་གནམ་ས་ལ་ཁྱབ་པ། །ཞེས་བསམ་རྩེ་འདི་ས་གཞི་པད་མ་འདབ་བརྒྱད་ལྟ་བུའི་མཛེས་པ་ཤར་དུ་སློབ་དཔོན་པད་མས་བདུད་རྩིའི་རྒྱུན་གྱིས་བརླན་པའི་མྱང་ཆུ་དར་དཀར་ཀྱི་ཡོལ་པ་བརྒྱངས་པ་ལྟ་བུ། ལྷོ་ན་དཔེ་སྔོན་དང་དོང་རྩེའི་ནེའུ་གསིང་གཡུའི་མཎྜལ་ལྟ་ན་སྡུག་པའི་དབུས་ན་གནམ་ཐོས་རིས་བརྗ…

རྣམས་འཕེལ་བ་ལྷན་ཅིག་ཏུ་བསྟན་པས་བྱ་བ་ལྷན་ཅིག་བརྗོད་པའི་རྒྱན་ངོ་མཚར་བ།)བཀྲ་ཤིས་རྟགས་ཀྱིས་བཀྲ་ཤིས་པའི་བསྐལ་པ་བཟང་པོ་དང༌། །དུས་གསུམ་སྒྲིབ་མེད་གཟིགས་པ་དམ་པས་ལུང་བསྟན་བདུད་རྩིའི་བཅུད། །རྨད་བྱུང་འགྲོ་བའི་བསྐལ་བར་ལྡན་པ་ཀུན་ཡིད་དགའ་བའི་དཔལ། །ལྷན་ཅིག་ཕྱོགས་སུ་འཕེལ་བ་བསམ་གྲུབ་རྩེའི་གནས་སུ་གྲགས། གཉིས་པ་མིང་ཁྱད་…

ལས་ཟིན་པར་ཉི་མའི་རྫོང་དུ་གྲགས་སོ། (ས་སྐྱ་པཎྜི་ཏ་ཀུན་དགའ་རྒྱལ་མཚན་གྱི་རྣམ་ཐར་བསྐལ་པ་བཟང་པོའི་ལེགས་ལམ་ལས། དེ་ལས་(སྣར་ཐང་ལས་ཧ་ཅང་)རིང་མིན་(ས་ན་མྱང་སྨད་)ཉི་མའི་ཕུང་པོའི་རིར། །གནས་སྐབས་གསུམ་པའི་ལྷས་བརྩོན་སྲིད་པའི་རྫོང༌། ལུང་བསྟན། (སློབ་དཔོན་པད་མས། )ཇི་བཞིན་བབས་པར་དགོངས་ལས་དེང༌། །ས་ལ་བསམ་དོན་གྲུབ་པའི་རྩེ་…

བྲང་གི །རྩེ་མོར་ལྟར་མི་བཟོད་པའི་བྱ་འདབ་འོད། །སྤྲིན་དཀར་ཚོགས་དང་འདྲེས་པའི་ནོར་བུ་ཡིས།{ཐེ་ཚོམ་ཕུལ་ལ་བྱུང་གི་སྒོ་ནས་བསྔགས་པ།}། ཀྲ་མ་ཤྲཱི་རཱའི་རེ་ཁ་ཡང་ན་མངོན། །སྦྱངས་པའི་ཚོན་དང་གསེར་དངུལ་བྱུགས་ཚལ་གྱིས། །བྱེ་མ་མེད་པར་བྲིས་པའི་གཞལ་མེད་ཁང༌། །རྣམ་པར་རྒྱལ་བའི་མཚན་མ་བསྒྲེང་བའི་ཟུར། །དེ་ལ་ཉི་ཟླ་ཟུར་ཞིང་སྐོར་བ་…