བྱས་པར་གྱུར། །སྔོན་གྱི་གངྒཱའི་འགྲམ་གྱི་བྲག་སྟེང་དེར། །གཙུག་ཁང་ཆེན་པོ་ངོ་མཚར་ལྡན་པ་བྱས། །རྩ་བའི་སྡེ་བཞིའི་སྡེ་པ་རེ་རེ་ལ། །རབ་བྱུང་ཉི་ཤུ་བདུན་རེའི་ས་ཏྲ་བཙུགས། །སྒྲ་དང་ཚད་མ་གཏོར་མའི་ས་ཏྲ་སོགས། །གཉུག་མར་གནས་པའི་ས་ཏྲ་དུ་མ་དང༌། །གློ་བུར་ལྷགས་པ་བཅུ་ཕྲག་གཉིས་རེ་ཡི། །ས་ཏྲ་ལ་སོགས་འཚོ་བའི་ཡོ་བྱད་སྦྱར། །དེ་ལ་ཕྱ…

སྤྱོད་པས་རལ་གྲི་གྲུབ་གྱུར་སྟེ། །ཝ་ར་ཎ་སིར་ཕོ་བྲང་བཅས་ནས་ནི། །འཛམ་གླིང་དབང་བྱེད་རྡོ་རྗེ་ཐེག་པ་དར། །གྲུབ་ཐོབ་ནམ་མཁའི་སྐར་ཚོགས་ཙམ་འབྱུང་བར། །རྒྱ་གར་འཕགས་པའི་ཡུལ་ན་སྒྲོག་གོ་ཞེས། །ཨོ་ཌྱན་གྲུབ་ཐོབ་རིན་ཆེན་དཔལ་གྱིས་གསུངས། །མགོན་པོའི་རྒྱུད་ཀྱི་ལུང་བསྟན་གྱི་རྒྱལ་པོ་དེ་སྔར་བྱུང་ཟིན་པའམ་ད་ཙམ་ཡོད་དགོས་པར་སྣང༌། …

༄། ཆོས་བྱུང་མཁས་པའི་དགའ་སྟོན་གྱི་ཡན་ལག་གསུམ་པ་བོད་ཀྱི་སྐབས་ལ་ལེའུ་བཅུ་ལས་དང་པོ་ཐུགས་རྗེ་ཆེན་པོས་བོད་བདག་གིར་མཛད་ཚུལ་བཞུགས།

རྒྱལ་དང་རྒྱལ་སྲས་ཀུན་གྱི་བརྩེ་ཆེན་ནི། །མངོན་སུམ་གཟུགས་ཀྱིས་ཞིང་ཀུན་ན་གསལ་བས། །འགྲོ་ཀུན་ཕན་བདེར་བྱེད་པོ་སྤྱན་རས་ཀྱིས། །རྟག་པར་ཀུན་ནས་གཟིགས་ལ་གུས་ཕྱག་འཚལ། །འཛམ་གླིང་བྱང་ཕྱོགས་མཐའ་འཁོབ་གངས་རིའི་ཁྲོད། །ཐེག་ཆེན་དར་བ་གདོང་དམར་བོད་ཀྱི་ཡུལ། །ཆུ་བོ་ལོ་ཧི་ཏ་ཡི་རྒྱུད་འདི་རུ། །རྒྱལ་བསྟན་བྱུང་ཚུལ་ད་ནི་བརྗོད་པར་བ…

ཆུ་བཞིའི་མགོ་བོ་གངས་ཅན་གནས། །ས་ལས་ལྕགས་རིས་རིན་ཆེན་སྣ་ལྔ་འབྱུང༌། །སྤང་ལྗོངས་མཚོ་དང་ཆུ་རྒྱུན་རབ་ཏུ་མང༌། །མུ་སྟེགས་མི་རྒྱུ་མི་ཀུན་ཐེག་ཆེན་མོས། །སྤྲུལ་པའི་ཆོས་རྒྱལ་ལྷ་ཡིས་མི་རྗེ་མཛད། །ལོངས་སྤྱོད་དམན་ཡང་འཛམ་གླིང་ཡུལ་གཞན་ལས། །དེ་ལྟའི་ཁྱད་ཆོས་དུ་མས་ཁྱད་པར་འཕགས། །འདས་པའི་སངས་རྒྱས་གསུམ་གྱིས་མ་ཐུལ་ཞིང༌། །ད་ལ…

ཉིད་གྱུར་ཅིག །བདག་གིས་གང་ལ་གང་འདུལ་ཐབས་རྒྱ་མཚོས། །སེམས་ཅན་དེ་ཀུན་སྨིན་ཞིང་གྲོལ་བྱས་ནས། །མཐའ་འཁོབ་དེ་ནི་རིན་ཆེན་གླིང་ལྟ་བུར། །དམ་པའི་ཆོས་ཀྱིས་ཀུན་ནས་འབྱོར་བར་ཤོག །དེ་ཁོ་ན་ལྟར་ཤོག་ཅེས་སྨོན་ལས་བཏབ། །དེ་ཕྱིར་རྒྱལ་བ་གཞན་གྱིས་མ་ཐུལ་བ། །སྤྱན་རས་གཟིགས་ཀྱིས་ཐུལ་བའི་རྒྱུ་དེ་ཡིན། །དེ་ཚེ་རྒྱལ་བའི་ཐུགས་ཀ་ནས། །…

ཞལ་གཅིག་ཕྱག་བཞི་རྒྱན་ཀུན་ལྡན། །ཞབས་གཉིས་རྡོ་རྗེའི་སྐྱིལ་ཀྲུང་མཛད། །རྩ་བའི་ཕྱག་གཉིས་ཐུགས་ཀའི་དབུས། །ཐལ་མོ་སྦྱར་ཞིང་ཞི་བར་གཟིགས། །གཡས་ཀྱི་འོག་མས་ཤེལ་དཀར་གྱི། །ཕྲེང་བ་འདྲེན་ཞིང་སྐྱེ་འགྲོ་འདུལ། །གཡོན་གྱི་འོག་མས་པད་དཀར་འཛིན། །སྙན་གྱི་ཐད་ཏུ་བྱེ་ཞིང་རྒྱས། །མཚན་དང་དཔེ་བྱད་མ་ལུས་བཀྲ། །ཨེ་ནྱའི་ལྤགས་པས་ཕྲག་གཡོ…

སེམས་ཚིམ། །ཏིང་འཛིན་ཟས་མཆོག་ཐོབ་པར་འགྱུར། །དབང་པོ་མ་ཚང་ནད་ཀྱིས་མནར། །མགོན་མེད་རྣམས་ཀྱིས་ཁྱོད་དྲན་པས། །ནད་བྲལ་དབང་ལུས་ཕུན་ཚོགས་པ། །མཐུ་སྟོབས་ལྡན་པའི་ལུས་གྱུར་ཅིག །ཁྱོད་ལུས་མཐོང་བ་ཙམ་གྱིས་ཀྱང༌། །འཆི་བ་རྣམས་ཀྱི་ཚེ་སྲིང་ཞིང༌། །ནད་ལྡན་ནད་ལས་ཐར་གྱུར་ཅིག །མགོན་མེད་རྣམས་ལ་སྐྱབས་མཆོག་གྱུར། །མཐའ་འཁོབ་ཁ་བ་ཅན…

གཅིག་བསྡུས་དབང་བསྐུར་འཐོབ་པ་ཡིན། །ལན་གཅིག་རྣལ་འབྱོར་བྱས་པས་ཀྱང༌། །ཆོས་ཀུན་རྣམ་སངས་རྒྱས་རྟོགས་སྟེ། །འགྲོ་བ་སྒྲོལ་བའི་འཕྲིན་ལས་བྱེད། །བྲིས་སྟེ་ལུས་ལ་བཅངས་པ་ན། །དེ་ལུས་རྒྱལ་བའི་རིང་སྲེལ་ཡིན། །ནད་གདོན་ཀུན་ལས་རྣམ་པར་རྒྱལ། །གཟུངས་སྔགས་རྒྱལ་པོ་ཡིག་དྲུག་འདི། །རིན་པོ་ཆེ་དང་དར་ཟབ་ནས། །ཐ་ན་རྡོ་བའི་བར་བྲིས་ཀྱང༌…

ནམས་ཆེས་ཆེར་ཁྱད་པར་འཕགས། །སངས་རྒྱས་བྱེ་བ་འདུས་པས་བསྐལ་པའི་བར། །བསྟན་ཡང་ཕན་ཡོན་ཕྱོགས་རེའང་མི་རྫོགས་ན། །བདེ་བར་གཤེགས་པ་རེ་རེས་ལྟ་ཅི་སྨོས། །སྙིང་པོའི་དམ་པ་ཡི་གེ་དྲུག་འདི་ཡིས། །འགྲོ་རིགས་དྲུག་གི་སྡུག་བསྔལ་སོ་སོར་སེལ། །དྲི་མ་དྲུག་བསལ་ཕ་རོལ་ཕྱིན་དྲུག་རྫོགས། །སངས་རྒྱས་ཀུན་གྱི་སྙིང་པོ་གཅིག་གྱུར་པའོ། །དེ་ཚེ་…

རྟེན་ཀུན་ན་མེད། །འོན་ཀྱང་རང་གི་དད་པའི་རྒྱུས། །མདོ་སྡེའི་རྒྱལ་པོ་ཟ་མ་ཏོག །བཀོད་པ་ལས་བྱུང་ཕྱོགས་འགའ་ཞིག །མདོར་བསྡུས་ཅུང་ཟད་བརྗོད་པར་བྱ། །མནར་མེད་དམྱལ་བའི་ལྕགས་ཀྱི་ཁང༌། །འབར་བའི་མེ་སྤུང་གཅིག་གྱུར་ཀྱང༌། །མུན་པའི་རང་བཞིན་སྣང་བ་མེད། །འགྲོ་ཚོགས་གྲངས་མེད་སྲེག་ཅིང་འཚེད། །ལྷུན་པོའང་ཐལ་བར་བྱེད་པ་དེར། །ལྷ་རྣམ…

མ་མཐོང་ནས། །དམྱལ་བའི་ནང་དུ་བལྟས་པ་ན། །སྤྱན་རས་གཟིགས་དབང་བཞུགས་པར་མཐོང༌། །གཤིན་རྗེའི་རྒྱལ་པོས་ལུས་བཏུད་དེ། །དེ་ཞབས་ཡང་ཡང་གཙུག་བླངས་ནས། །ཡོན་ཏན་མཆོག་གིས་རྒྱ་ཆེར་བསྟོད། །སྤྱན་རས་གཟིགས་ཀྱི་དབང་པོ། དབང་ཕྱུག་ཆེན་པོ། དམ་པ་ལ་དགྱེས་པ། དམ་པ་སྩོལ་བ་དབང་དུ་མཛད་པ། སའི་སྤྱན་དམ་པ་མཛད་པ། དབུགས་འབྱིན་པར་མཛད་པ། ཕྱག…

ཡི་དྭགས་ཀྱི་གྲོང་ཁྱེར་སྐེམ་པར་མཛད་པ། སྐྱེ་བོ་ལ་གདུགས་སུ་གྱུར་པ། ནད་ལས་ཡོངས་སུ་ཐར་བར་མཛད་པ། ཀླུའི་རྒྱལ་པོ་དགའ་བོ་དང་བསྙེན་དགའ་བོས་མཆོད་ཕྱིར་ཐོགས་བྱས་པ། དོན་ཡོད་པར་འགྱུར་བའི་ཞགས་པ་སྟོན་པར་མཛད་པ། སྔགས་བརྒྱ་ཕྲག་དུ་མ་དང་ལྡན་པ། ལག་ན་རྡོ་རྗེ་སྐྲག་པར་མཛད་པ། འཇིག་རྟེན་གསུམ་པོ་སྐྲག་པར་མཛད་པ། གནོད་སྦྱིན་ད…

བཞིན་གཤེགས་པ་རྣམས་ལའང་མེད། །སྔོན་ཚེ་རྫོགས་པའི་སངས་རྒྱས་ལྷག་མཐོང་ལས། །ང་ནི་ཁྱེ་འུ་སྤོས་ཀྱི་བཞིན་གྱུར་པས། །སྤྱན་རས་གཟིགས་ཀྱི་ཡོན་ཏན་བརྗོད་པ་ཐོས། །མིག་གཉིས་ལས་ནི་ཉི་མ་ཟླ་བ་བྱུང༌། །དཔྲལ་བའི་དབྱེས་ནས་ལྷ་ཆེན་དབང་ཕྱུག་སྟེ། །ཕྲག་པའི་ལྷུན་ལས་ཚངས་པ་ཆེན་པོ་བྱུང༌། །སྙིང་ལས་ཁྱབ་འཇུག་མཆེ་བ་ལས་ལྷ་མོ། །ཁ་ལས་རླུང་ལྷ…

དེ་འདྲ་དེ་བཞིན་གཤེགས་པ་རྣམས་ལའང་མེད། །རྒྱལ་བ་ཀུན་གྱིས་བགྲང་བར་ཡོང་མི་ནུས། །དེ་ཡི་མཚན་ཙམ་རྗེས་སུ་དྲན་བྱེད་ནའང༌། །དེ་དག་བདེ་བ་ཀུན་དང་ལྡན་པ་ཡིན། །རྒ་ནད་འཆི་བའི་སྡུག་བསྔལ་ཀུན་ལས་ཐར། །དེ་དག་ལུས་དེ་འཁོར་བའི་མཐའ་མ་ཡིན། །གོས་གཙང་དཀར་ལྟར་ཡོན་ཏན་ཚོན་གྱིས་འཛིན། །ངང་པའི་རྒྱལ་པོ་རབ་ཏུ་མགྱོགས་པ་དང༌། །རླུང་གི་ཤུགས…

བྱམས་དང་ཞི་བས་དམ་ཆོས་ཉན། །མདོ་སྡེའི་དམ་པ་འདི་ཐོས་བདེ་དང་ལྡན། །ཐོས་པས་མཚམས་མེད་ལྔ་དག་ཟད་པར་བྱེད། །འཆི་བའི་ཚེ་ཡང་སངས་རྒྱས་བཅུ་གཅིག་འབྱོན། །རིགས་ཀྱི་བུ་ཁྱོད་ཚུར་ཤོག་མ་འཇིགས་ཤིག །ཁྱོད་ཀྱིས་ཟ་མ་ཏོག་གི་མདོ་སྡེ་ཐོས། །བདེ་བ་ཅན་གྱི་ལམ་ཡང་ལྟ་གོན་བྱས། །གདུགས་དང་རྒྱལ་མཚན་རྣ་ཆ་སེ་མོ་དོའི། །རྣམ་གྲངས་དག་ཀྱང་འདིར་…

རིན་ཆེན་དཔག་མེད་ཀྱིས་གཡོགས་པ། །རེ་རེའང་སྟོང་ཕྲག་དུ་མ་བཤམས། །བུ་མོ་གཞོན་ནུ་རེ་རེ་ཡང༌། །རིན་ཐང་མེད་པའི་རྒྱན་འཆང་བ། །ལྟ་ན་མཛེས་པ་སྟོང་ཕྲག་བཀོད། །རིན་ཆེན་ཁྲི་དང་ཁྲི་འུ་དང༌། །སྣ་ཚོགས་རིན་ཆེན་གོས་དང་རྒྱན། །རེ་རེའང་རི་ལྟར་སྤུངས་པ་བཀོད། །ལྷ་ཡི་ཟས་སྐོམ་རྒྱ་ཆེར་སྦྱར། །བྲམ་ཟེ་འབུམ་ཕྲག་དུ་མ་དང༌། །རྒྱལ་རིགས་འབུམ…

བདག་གི་མཁན་པོར་གྲགས་པས་གནས། །པ་བ་སངས་ཀྱིས་བདག་བོས་ནས། །འདིར་ནི་དུས་ཀྱི་སྐྱེས་བུ་འོངས། །ཁྱོད་ཀྱིས་ཤེས་པར་གྱིས་ཤིག་ཟེར། །བྲམ་ཟེ་དེས་ཀྱང་དེ་མ་ཐག །བདག་ཁར་སྭ་ར་སྭ་སྟི་བཅུག །ཅི་འདོད་སློངས་ཞེས་བརྗོད་པའི་ཚེ། །ས་ནི་གོམ་པ་གཉིས་གསོལ་ཟེར། །ཁྱོད་ཀྱིས་གོམ་པ་གཉིས་བསླངས་ན། །བདག་གིས་གོམ་པ་གསུམ་སྦྱིན་སྨྲས། །དེས་ཀྱང…

པདྨའི་དཔལ་གྱིས་བརྒྱན་པ་རལ་པའི་ཅོད་པན་ཅན། །ཐམས་ཅད་མཁྱེན་པས་དབུ་བརྒྱན་འགྲོ་ཀུན་དབུགས་འབྱིན་མཛད། །དམན་དང་ཕོངས་ལ་ཐུགས་བརྩེ་པད་མའི་སྤྱན་བཟང་པོ། །ས་ཡི་སྤྱན་མཆོག་སྨན་པའི་རྒྱལ་པོའི་མཆོག་གྱུར་པ། །སེམས་ཅན་ཤིན་དུ་དག་པ་རྣལ་འབྱོར་རབ་ཐོབ་ཅིང༌། །ཐར་མཆོག་ཐར་པ་ལ་དགྱེས་ཡིད་བཞིན་ནོར་བུ་འདྲ། །ཆོས་མཛད་ཡོངས་སུ་སྐྱོང་མཛད་…

བུ་དང་བུ་མོ་དང༌། །ཆུང་མ་དང་ནི་ཕ་མར་ཞེན་པ་ཡི། །སེམས་ཅན་དེ་དག་མི་ཤེས་གཏི་མུག་སྟེ། །དེ་དག་རྨི་ལམ་མི་ཤེས་འཁྲུལ་བ་འདྲ། །འཆི་བའི་ཚེ་ཡང་སྐྱབས་བྱེད་སུ་ཡང་མེད། །སྲོག་བྲལ་ཚེ་ཡང་འཛམ་གླིང་ལོག་པར་མཐོང༌། །ཆུ་ཆེན་པོ་ཡང་རྣག་ཁྲག་གིས་གང་མཐོང༌། །ལྗོན་ཤིང་ལ་ཡང་འབར་བའི་ཕུང་པོར་སྣང༌། །མཐོང་ནས་སྐྲག་འགྱུར་གཤིན་རྗེའི་སྐྱེས་…