ཆུ་བོའི་གསེར་བཟང་པོ། །ནམ་ཡང་དྲི་མས་མི་གོས་བཞིན། །རིག་སྔགས་རྒྱལ་མོ་འདི་ནི་དཀོན་པའི་ཚིག་ཡིན་སྟེ། །རྡོ་རྗེའི་ཚིག་དང་མི་ཕྱེད་བླ་མེད་ཡེ་ཤེས་ཚིག །མི་ཟད་པ་ཡི་ཡེ་ཤེས་ལྟག་ན་མེད་པའི་ཚིག །ཐར་པར་འཇུག་བྱེད་བདེ་གཤེགས་ཡེ་ཤེས་རྣམ་དག་ཚིག །དུག་གསུམ་དང་ནི་འཁོར་བའི་སྡུག་བསྔལ་ཡོངས་སྤོང་ཚིག །ཐབས་མཁས་ཀུན་ལྡན་ཆོས་རྣམས་…

ལྟ་བུ་ཡིན། །རྒྱལ་བའི་སྲས་རྣམས་ཕར་ཕྱིན་དྲུག་པོ་ལས། །རེ་རེའི་ཕྱིར་ཡང་དཀའ་ཚེགས་ཆེར་འབྱིན་མོད། །འདི་ཉིད་གཅིག་པོ་བཟླས་པས་ཕར་ཕྱིན་དྲུག །ལྷན་ཅིག་དཀའ་བ་མེད་པར་ཡོངས་སུ་རྫོགས། །ལ་ལ་འདི་ལ་ལག་གིས་རེག་བྱེད་ཀྱང༌། །དེ་ཡང་ཕྱིར་མི་ལྡོག་པ་ཐོབ་པར་འགྱུར། །དེ་ཡི་མིང་ཙམ་འཛིན་པའང་དཀོན་པ་སྟེ། །འདི་མིང་ལན་གཅིག་བཟུང་ཡང་རྒྱལ…

ཡོང་མེད་ན། །དྲུག་གི་ཡོན་ཏུ་ལྟ་ཅི་སྨོས། །འོན་ཀྱང་ང་ནི་ཁྱོད་ཅག་ལས། །ཅི་ཡང་ལེན་པར་འདོད་པ་མེད། །ཁྱོད་ཀྱང་བྱང་ཆུབ་སེམས་དཔའ་སྟེ། །ཁྱོད་ནི་འཕགས་ཀྱིས་མི་འཕགས་མིན། །ཁྱོད་ནི་ང་ཡིས་འདུལ་བྱ་ཉིད། །དེ་ནས་རྒྱལ་སྲས་སྒྲིབ་སེལ་གྱིས། །བརྒྱ་སྟོང་རི་བའི་མུ་ཏིག་གི །ཕྲེང་བ་དེ་ལ་ཕུལ་བ་དང༌། །མཁན་པོ་འདི་ནི་ངའི་ཚིག་གིས། །དེ་…

གྱི་པདྨ་མཆོག །དེ་བཞིན་གཤེགས་ལ་ཕུལ་ནས་ནི། །སངས་རྒྱས་སྣང་བ་མཐའ་ཡས་ཀྱིས། །མེ་ཏོག་འདི་དག་སྐྱེས་སུ་བསྐུར། །སྐུར་གསོལ་གསུང་བར་མཛད་ཅེས་གསོལ། །སྟོན་པས་ཕྱག་གིས་བཞེས་ནས་ནི། །སྐུ་ཡི་གཡོན་ལོགས་སུ་བཞག་གོ །དེ་ནས་དབང་ཕྱུག་ཆེན་པོ་ཡིས། །སྟོན་པའི་ཞབས་ལ་ཕྱག་འཚལ་ནས། །བྱང་ཆུབ་ལུང་བསྟན་སྩོལ་ཞེས་གསོལ། །སྟོན་པའི་ཞལ་ནས་སྤ…

དབུགས་འབྱིན་མཛད་དུ་གསོལ། །སྤྱན་རས་གཟིགས་ཀྱི་དབང་པོས་བཀའ་བསྩལ་པ། །སྲིང་མོ་ཁྱོད་ནི་འཇིག་རྟེན་གངས་རི་ཡི། །གཡས་ལོགས་ཕྱོགས་སུ་ཨུ་མའི་དབང་ཕྱུག་ཅེས། །མངོན་པར་རྫོགས་འཚང་རྒྱ་ཞེས་ལུང་བསྟན་ཏོ། །སྟོན་པའི་ཞལ་ནས་སྒྲིབ་པ་རྣམ་སེལ་ལྟོས། །སྤྱན་རས་གཟིགས་འདིས་འདི་རྣམས་ལུང་བསྟན་སྟེ། །དབང་ཕྱུག་ཆེན་པོའི་ལེའུ་འདི་བཤད་ཏོ། །…

ཡིག་འབྲུ་རེ་རེ་ནས་ནི་ང་ཡིས་བགྲང་ནུས་མོད། །རྒྱལ་སྲས་འདི་ཡི་བསོད་ནམས་ཚད་ནི་ཟིན་མ་ཡིན། །དེ་བཞིན་གཤེགས་པ་གངྒའི་བྱེ་སྙེད་བཅུ་གཉིས་ལ། །ཡོ་བྱད་ཀུན་གྱིས་བསྐལ་མང་མཆོད་པའི་བསོད་ནམས་དེ། །སྤྱན་རས་གཟིགས་ཀྱི་དབང་པོའི་སྐྲ་རྩེ་གཅིག་ལ་གནས། །རྒྱལ་སྲས་འདི་ནི་ཏིང་འཛིན་བརྒྱ་ཕྲག་མང་ལྡན་སྟེ། །རབ་འཇོམས་རྒྱན་བྱེད་རྒྱན་མི་བྱ…

རྡོ་རྗེའི་ལྕགས་ཀྱུར་གནས། །གང་ཚེ་ཀུན་བཟང་བཟང་པོའི་འགྲོས་ལ་སྙོམས་ཞུགས་ཚེ། །སྤྱན་རས་གཟིགས་དབང་རྒྱ་མཚོ་ལྟར་ཟབ་ཏིང་འཛིན་གནས། །ཀུན་དུ་བཟང་པོ་སེང་གེའི་གླལ་གྱིས་རྩེ་བའི་ཚེ། །སྤྱན་རས་གཟིགས་དབང་སེང་གེ་རྣམ་རོལ་གྱིས་ཟིལ་གནོན། །ཀུན་བཟང་མཆོག་སྦྱིན་ཏིང་ངེ་འཛིན་ལ་མཉམ་བཞག་ཚེ། །སྤྱན་རས་གཟིགས་དབང་མནར་མེད་སྐེམ་པའི་ཏིང་…

བརྟགས་པ་ཡོད་སྟེ་ད་ལྟར་ངས་ཀྱང་བརྟགས། །གང་ཞིག་གོས་དཀར་ཁ་དོག་སྔོན་པོར་འགྱུར་བ་དང༌། །སྔོན་པོའི་གོས་ནི་ཁ་དོག་དཀར་པོར་འགྱུར་བའོ། །དེ་ལས་སྔ་མ་ཤོས་ནི་སྡིག་པའི་ཕུང་པོ་སྟེ། །ཕྱི་མ་ཤོས་ནི་ཆོས་ཀྱི་ཕུང་པོར་བལྟ་བར་བྱ། །དེ་བཞིན་མདོ་སྡེ་རྒྱལ་པོ་ཟ་མ་ཏོག་བཀོད་འདིས། །སྡིག་པའི་ཕུང་པོ་ཐམས་ཅད་སྲེག་ཞིང་དཀར་པོར་བྱེད། །དབྱར…

ཅན་མ་ཐུལ་ལོ། །ཞེས་ཞུས་པས་དེ་ནི་ཁྱོད་ཀྱིས་གདུལ་བར་བྱ་བ་ཡིན་ནོ་ཞེས་ཁ་བ་ཅན་དུས་དེར་གཏད་པར་ཡང་གསུངས་སོ། །དེ་ལྟར་རྒྱལ་དང་རྒྱལ་སྲས་ཀུན་གྱི་བླ། །སྤྱན་རས་གཟིགས་ཀྱི་དབང་པོའི་རྒྱལ་པོ་དེས། །བོད་ཡུལ་འདི་ནི་ཐུགས་རྗེས་བདག་གིར་མཛད། །ཡུལ་འདིའི་འགྲོ་རྣམས་ལོངས་སྤྱོད་དམན་ན་ཡང༌། །ལྷ་སྐལ་ཐུགས་རྗེ་ཆེན་པོ་སྤྱན་རས་གཟིགས། །…

ཆོས་བྱུང་མཁས་པའི་དགའ་སྟོན་གྱི་ཡན་ལག་གསུམ་པ་བོད་ཀྱི་སྐབས་ལ་ལེའུ་བཅུ་ལས་སྐབས་གཉིས་པ་བོད་ཀྱི་རྒྱལ་རབས་བཞུགས། །

ན་མོ་ལོ་ཀེ་ཤྭ་ར་ཡ། །དེ་ལྟར་རྒྱལ་དང་རྒྱལ་སྲས་མ་ལུས་ལས། །ཐུགས་རྗེ་རྨད་བྱུང་སྤྱན་རས་གཟིགས་དབང་དེས། །མཐའ་འཁོབ་བོད་ཁམས་འདུལ་བའི་ཁུར་བསྣམས་སྟེ། །ཁ་བ་ཅན་གྱི་རྒྱལ་ཁམས་འདིར་བྱོན་ཚེ། །སྟོད་ཀྱི་མངའ་རིས་བསྐོར་གསུམ་རྫིང་གི་ཚུལ། །བར་དུ་དབུས་གཙང་རུ་བཞི་ཡུར་བ་འདྲ། །སྨད་དུ་མདོ་ཁམས་སྒང་གསུམ་ཞིང་ལྟ་བུ། །ཀུན་ཀྱང་ཆུ་ཡི་…

གསུང་སྟེ་སྤྱན་འབྲས་སོ་སོ་ཉིད་ལ་ཐིམ། །དེ་ནས་དམྱལ་མཚོའི་དབུས་སུ་བྱོན་ནས་ནི། །ཡི་གེ་དྲུག་པའི་ཆོས་བཤད་ཚད་མེད་པའི། །སྙིང་རྗེས་བདེན་ཚིག་སྨོན་ལམ་འདི་སྐད་བཏབ། །ཐོག་མེད་དུས་ནས་ལས་ངན་བསགས་པའི་མཐུས། །གཏིང་མཐའ་མེད་པའི་དམྱལ་བ་ཆེན་པོ་འདིར། །བཟོད་དཀའི་སྡུག་བསྔལ་བྱེ་བས་གཙེས་པ་རྣམས། །རྣམ་གྲོལ་ཐར་པའི་གླིང་ལ་འཁོད་པར་ཤ…

ཁམས་གསུམ་སེམས་ཅན་དང༌། །ཁྱད་པར་ཁ་བ་ཅན་པ་ལ་གཟིགས་པས། །སེམས་ཅན་བྱེ་བ་ཁྲག་ཁྲིག་བརྒྱ་སྟོང་གི །ཆ་ཤས་ཙམ་ཡང་གྲོལ་བར་མ་གྱུར་ཞིང༌། །ཁྱད་པར་མ་རུངས་རྒྱུད་རྩུབ་གདུལ་དཀའ་བ། །རྙིགས་ལས་རབ་ཏུ་རྙིགས་མར་གྱུར་གཟིགས་ནས། །ཞི་བདེའི་བསམ་པ་སྐད་ཅིག་སྐྱེས་པའི་མོད། །སྔོན་གྱི་དམ་བཅས་དམོད་པ་བོར་བ་ཡིས། །དབུ་ནི་ཚལ་པ་བཅུ་རུ་གས་ཅིང…

བསྟན་ནས། །གང་ལ་གང་འདུལ་འགྲོ་བའི་དོན་མཛད་པ། །བཙུན་པ་སྤྱན་རས་གཟིགས་ལ་ཕྱག་འཚལ་ལོ། །ཞེས་བསྟོད་མཆོད་ཅིང་ཤིས་པ་མཛད་པར་གྱུར། །བོད་ཁམས་ཡུལ་དུ་རུང་བར་གྱུར་ནས་ཀྱང༌། །དང་པོར་མི་མ་ཡིན་གྱི་ཡུལ་དུ་གྱུར། །གནོད་སྦྱིན་ལ་སོགས་བཅུ་ཡིས་དབང་བྱས་སྐད། །ལོ་རྒྱུས་ཆེན་མོ་སོགས་ལས། དང་པོར་གནོད་སྦྱིན་ནག་པོས་དབང་བྱས་སྟེ། །ཡུལ་ག…

སྒྲོལ་མས་སྤྲུལ་པ་བྱས་པ་ཡི། །བྲག་སྲིན་མོ་ཞིག་དེར་འོངས་ཆགས་པའི་བརྡ། །ཉིན་ཞག་འགའ་བྱས་སྤྲེའུའི་སེམས་མ་གཡོས། །ཕྱི་ནས་མི་མོ་མཛེས་མར་ལུས་བསྒྱུར་ནས། །བདག་གི་ཁྱིམ་ཐབ་མཛོད་ཅེས་གསོལ་བ་བཏབ། །སྤྲེའུས་ང་ནི་འཕགས་པའི་དགེ་བསྙེན་ཡིན། །དེ་ལྟར་མི་རུང་སོང་ཞིག་ཞེས་སྨྲས་པས། །ཐ་མར་སྙིང་རྗེར་ངུ་ཞིང་སྨྲེ་སྔགས་འདོན། །བདག་ནི་ལ…

སྲན་ཆེ་བར་སྣང༌། །ཡི་དྭགས་ནས་འཕོས་ཟས་སྲེད་སེར་སྣ་ཆེ། །དུད་འགྲོའི་སྐྱེ་བ་གླེན་ལ་གཟུགས་བྱད་ངན། །ལྷ་མིན་ནས་འཕོས་ཐུ་ལ་ཕྲག་དོག་ཆེ། །མི་ནས་འཕོས་དེ་སེམས་ཆུང་ཤེས་རིག་རྒྱས། །ལྷ་ལས་འཕོས་དེ་རྒྱུད་དགེ་བྱད་བཞིན་བཟང༌། །དེ་ཀུན་ཕ་ཡིས་ཤིང་ཏོག་གིས་གང་བ། །ནགས་མ་བྱ་ཚོགས་ཅན་ཞེས་བྱ་བར་བསྐྱལ། །ལོ་འགའ་ལོན་ནས་བལྟ་རུ་ཕྱིན་པའི…

ཁྱོད་ཀྱི་རིགས་བརྒྱུད་དེ་རྣམས་མིར་གྱུར་ནས། །སངས་རྒྱས་བསྟན་པ་དར་ཞིང་རྒྱས་པར་འགྱུར། །དེ་ཀུན་ང་ཡིས་ཆོས་དང་ཟང་ཟིང་གིས། །ཀུན་ནས་སྐྱོང་ཞེས་བཞེངས་སྟེ་བོད་ཡུལ་གཟིགས། །རི་རབ་ཟོམ་ནས་འབྲུ་སྣ་ལྔ་ནས་གྲོ་སྲན་བྲ་སོ་བླངས་སྟེ། །བོད་དུ་གཏོར་བས་མ་རྨོས་ལོ་ཏོག་བྱས། །རིན་ཆེན་སྣ་ལྔ་གསེར་དངུལ་ཟངས་ལྕགས་བཤའ་ཕྱག་གིས་བཅུས་ནས་གཏ…

མགར་དང་གཉན། ༧ འོལ་ཕུ་སྤང་མཁར་དུ་ཟིང་རྗེ་ཐོན་ཕྲེང་བློན་པོ་རྔོག་དང་སྦས། ༨ ཀྲྀཥྞ་རོལ་མོ་གོང་དུ་བྲང་རྗེ་གོང་ནམ་བློན་པོ་སྤྲད་དང་ཞུགས། ༩ ཀོང་ཡུལ་བྲེ་སྣ་ཀོང་རྗེ་ཀར་པོ་ཏུག་དང་མཁར་བ་བློན། ༡༠ ཉང་ཡུལ་རྣམ་གསུམ་ན་ཉང་བཙུན་གླང་རྒྱལ་བློན་པོ་བུག་དང་ངོ་རྗེ། ༡༡ དྭགས་ཡུལ་གྲུ་བཞི་ན་དགས་རྗེ་མང་པོ་རྒྱལ་བློན་པོ་རླངས་སྐ…

ཆེར་གྱི་བྱུང་ཚུལ་དང་བཅས་པ་སྣང་ངོ༌། །མི་རྗེ་ལྷས་མཛད་འཛམ་གླིང་ཡུལ་གཞན་ལས། །ཁྱད་དུ་འཕགས་པར་འཆད་ཕྱིར་དམད་མི་བྱ། །ཡང་གསང་མི་མིན་ལུགས་ཞེས་ཟེར་བ་ནི། །མཐོང་སྣང་ཐ་དད་ཙམ་ལ་འགལ་བ་མེད། །གཞན་དུ་རིགས་མཐོན་རྣམས་ཀྱི་རིགས་མི་དམད། །གསང་བ་ཆོས་ལུགས་འཇམ་དཔལ་རྩ་རྒྱུད་ལས། །ལི་ཙྭ་ཝི་ཡི་རིགས་བྱུང་ཞེས་གསུངས་ཕྱིར། །རིགས་མཆོག་…

དང་ལྡན་པ་བཙས་ན་ལྟས་ངན་དུ་དོགས་པ་ག་ལ་སྐྱེ། ལྷ་ལས་ཕུལ་བྱུང་གི་བསྟོད་འགྲེལ་ཤེས་རབ་གོ་ཆས་མཛད་པར་སྔོན་སྐྱ་སེང་གི་བུ་ལྔ་དང་སྒྲ་ངན་དཔུང་ཚོགས་བཅུ་གཉིས་འཐབ་པ་ན་རྒྱལ་པོ་རུ་པ་ཏི་ཅེས་པ་འཁོར་བརྒྱ་དང་བཅས་ལ་བུད་མེད་ཀྱི་ཆས་སུ་ཞུགས་ནས་རི་ཁ་བ་ཅན་གྱི་ཁྲོད་དུ་བྲོས་པ་འཕེལ་བ་ལ་དེང་སང་ཡང་བོད་ཅེས་གྲགས་སོ། །ཞེས་བྱུང་བ་ཡང་བ…