མ་ཚད་དུ་ཁོང་དཔོན་སློབ་ཀྱི་གཟིམས་གུར་མཛད། དེ་ཡང་དགུང་ལོ་ཞེ་དགུ་པ་ཕག་ལོ་ཟླ་བ་བདུན་པའི་ཚེས་གཅིག་དུ་སྣང༌། སྐུ་མདུན་དུ་ཇ་ལ་སྤྱན་འདྲེན་བྱུང༌། དཔོན་སློབ་རགས་པ་བཅོ་ལྔ་ཙམ་ཞིག་བྱོན། གསོལ་ཅོག་གི་གཡས་ཟུར་ན་མར་བཞུགས། སྤྱིར་རྗེ་དཔའ་བོ་འདི་བླ་མའི་དྲུང་དུ་བཞུགས་པ་ན་སྤྱན་ཆབ་ཕྱག་ཐལ་སྦྱར་དང་མི་འབྲལ། མོས་གུས་ཆེ་བའ…

སྣང་ངོ༌། །དེ་མ་ཐག་དུ་བཞེངས་སྟེ་གྲལ་གྱི་སྐེད་སྨད་ཙམ་ན་རྗེ་སངས་བློ་བ་འདི་དགེ་འདུན་གྱི་བྱང་འདྲེན་མཛད་པ་དབུ་མཛད་སངས་བློ་ཞེས་མཚན་འདོན་པ་ཅིག་བཞུགས་པའི་ཕྱག་ནས་འཐེན་སྟེ་ཐམས་ཅད་མཁྱེན་པའི་སྐུ་མདུན་དུ་ཁྲིད་སྟེ་འདི་ལ་ད་ལྟ་དྲོ་བོ་ལུང་གི་གདན་ས་བསྐོ་བ་ཞུ་ཞེས་ཞུས་སྟེ་དེ་ཀར་ཕྱག་ནས་གནང་སྦྱིན་གནང༌། འདི་ཡང་དྲོ་བོ་ལུང་…

ཁྱེད་རང་ཚོ་སྡོད་ངས་ཆོས་བཤད་ཀྱི་གསུང་བ་ལན་རེ་ཙམ་གསུངས། སང་ཚེས་གཉིས་ལ་སྒར་ཆེན་ལྷ་སར་ཐེགས། དཔོན་སློབ་རྣམས་དེ་ཀར་བཞུགས། ཚེས་བཞིའི་ཐོ་རེངས་ཐུགས་འོད་གསལ་དུ་ཞུགས། རྗེ་སངས་བློ་བས་གཙོ་མཛད་པ་རྣམས་ཀྱིས་ཡོལ་བའི་ཕྱི་ནས་གདུང་མཆོད་མཛད། དེ་དུས་གཟིམས་གུར་ལ་འཇའ་འཁོར་མར་ཟུག་མེ་ཏོག་གི་ཆར་རྟག་དུ་བབ་པས་སྙེ་ཐང་པ་རྣམས་…

ལ་ཕར་རྒྱུག་ཚུར་རྒྱུག་མཛད་ཟེར། སྤྱིར་རྫོགས་ལྡན་གྱི་དུས་ཟས་གོས་ཀྱི་ཆར་དང་རིན་པོ་ཆེའི་ཆར་འབབ་པ་དང་སངས་རྒྱས་འབྱོན་པའི་ལམ་བརྒྱན་པ་སོགས་ལའང་ཐོག་མར་རླུང་གིས་ཉལ་ཉིལ་འཕྱག །དེ་ནས་ཆར་གྱིས་རྡུལ་གནོན། དེ་ནས་མེ་ཏོག་གམ་ཟས་སོགས་འབབ་པ་སྟེ་གོ་རིམ་ནི་འདི་ཁོ་ནར་སྣང་ངོ༌། །ཕྱིས་རྗེ་དྭགས་རམ་པའི་ཞལ་ནས། ཁྱེད་ཀྱི་སྐྱེ་བ་…

མཆོད་པ་འཛིན་ས་རྣམས་ན་མེ་ཏོག་གི་ཆར་སོགས་འབྱུང་བ་ཡིན་ཟེར་བ་ཡུལ་ཅི་རིགས་ན་དུ་མ་སྣང་ངོ༌། །རྗེ་དེའི་བུ་སློབ་ཀྱང་མགོ་ཐོན་ཙམ་སྒོམ་ཆེན་ནི་ཆེས་མང་ལ། རྗེ་རི་ཁྲོད་རས་ཆེན་ནི་རྗེ་ཉིད་ཀྱི་གཅུང་པོ་ཡིན། རྗེ་ཉིད་ཀྱིས་དགེ་བསྙེན་གནང༌། མཚན་འཇམ་དབྱངས་ལྷུན་གྲུབ། གཙང་སྨྱོན་པ་དང་ཤར་ཁ་རས་ཆེན་དང་ལས་འབྲེལ་འདུག་པས་དེར་སོང་ག…

རྣམ་ཤེས་གཟིགས། རིང་སྲེལ་མང་དུ་བྱོན་ནོ། །སྒྲུབ་ཆེན་ཤཱཀྱ་དྷྭ་ཛ་ནི་བྱར་ཆོས་སྡེའི་དགེ་བཤེས་རྗེ་ཉིད་ཀྱི་ཞབས་ལ་བཏུགས་ནས་སྤངས་རྟོགས་མཐར་ཕྱིན། རྗེ་གཤེགས་རྗེས་གདན་སའི་དོད་མཛད་སྟེ་ཞབས་ཏོག་ཆེ། བདག་ལོ་དགུ་པའི་བར་དུ་ཆོས་དང་ཟང་ཟིང་གིས་སྐྱོང་བར་མཛད། དེ་ནས་ལོ་བཅོ་བརྒྱད་ཙམ་གྱི་བར་ལ་འཁྲུངས་སའི་ལོ་རོའི་སྨད་ས་ལེ་གང…

བཞུགས་ས་ནས་བདུན་དུ་འདོམ་དོ་ཙམ་ན་མཐོངས་ཀ་ཡོད་པའི་སྐས་ལ་ཕྱག་གཡོག་ཞིག་འཛེགས་ཡོང་བ་ལ་ཐོག་ཕོག་སྟེ་སྐས་སོལ་དུམ་ཐོར་རེ་བ་ལས་མ་ལུས། མི་དེ་ལུས་སྡུམ་ཙམ་ཞིག་ལུས། ལྕགས་ཕྲེང་ཞིག་ཡོད་པ་གོང་བུ་གཅིག་དུ་ཞུ་ཡང་ཁོང་རང་ལ་ལུས་ཅུང་ཟད་འཕར་བ་ཙམ་ལས་མ་བྱུང་སྐད། སྒྲུབ་ཆེན་བློ་ཤེ་བ་ནི་རྨི་ལམ་སྒྱུ་ལུས་ལ་མངའ་བརྙེས། དོལ་རྒྱང་…

ཐོག་གི་ཤིང་མང་དུ་ཚིག་ཀྱང་མི་རྣམས་ཀྱིས་བལྟས་ཚེ་ལུས་གནད་ཀྱང་མ་ཞིག་ལ་མ་ཚོར་བར་འདུག་ཞིང་ཞག་འགའ་ཅུང་རིག་པ་མི་གསལ་ཙམ་བྱུང་ཡང་ཉེ་བར་སོར་ཆུད་ཟེར་སྟེ་བདག་ལོ་བཅུ་པའི་དུས་དངོས་སུ་མཐོང་ངོ༌། །གཞན་ཡང་ཡུལ་གྲུ་སོ་སོར་མངོན་མཐོའི་འགྲོ་དོན་ཅུང་ཟད་ཕེར་བའི་བླ་མ་དང་སྒོམ་ཆེན་རི་འཕེར་ཙམ་ནི་ཚད་མེད་དོ། །ཡར་རྒྱབ་ཀུན་སྤངས་པ་དང…

རྐྱང་ཆེན་བླ་མ་ལྷ་དབང་བ་སོགས་ཕྱག་ཕྱིར་ལོ་རེ་གཉིས་བཞུགས་པ་ནི་ཆེས་མང་ངོ༌། །དེ་ལྟར་རྗེ་དཔའ་བོ་འདི་ནི་མ་མཇལ་བའི་དུས་ནས་རྗེ་ཐམས་ཅད་མཁྱེན་པ་རྩ་བའི་བླ་མ་མཆོག་དུ་འཛིན་པ་དང༌། ཕྱིས་དཔལ་དྲོ་བོ་ལུང་གི་གདན་ས་ཆེན་པོ་ཀར་བསྟན་གྱི་རྟེན་འབྲེལ་འགྲིག་པའི་ཞབས་ཏོག་ཆེ་ཞིང་དགོངས་པ་རྫོགས་པར་མཛད་པས་ཆེས་བགྲང་འོས་པར་མཐོང་ངོ༌། …

ཆུ་བོ་རིར་སྒྲུབ་གྲ་མཛད་དོ། །འགྲུས་ཁང་པ་བསོད་ནམས་རྒྱ་མཚོ་ནི་མདོ་ཁམས་འགྲུས་ཁང་པའི་ཞལ་ངོ་ཡིན། རྗེ་ཐམས་ཅད་མཁྱེན་པ་ལས་གསུང་ཆོས་རྣམས་གསན། རྗེ་ཀུན་དགའ་རིན་ཆེན་གྱི་སློབ་མ་མཛད་ནས་མདོ་ཁམས་སུ་བསྟན་པའི་བྱ་བ་མཛད་ཅིང་ཕྱིས་དབུས་སུ་བྱོན་སྟེ་དབོན་ཟུར་བཞུགས་པའི་བླ་མ་མཛད་དོ། །ཁྲེ་བ་ཁ་པ་དོན་གྲུབ་རྣམ་རྒྱལ་ནི་རྗེ་ཉིད་ཀ…

ཡུམ་གྱིས་དགུང་ལོ་དྲུག་པ་ཅིག་ལ་མཇལ་དུ་མཛངས། མཇལ་མ་ཐག་ཕ་བུ་ཕྲད་པ་ལྟར་རྒྱུར། མཚན་བཀྲ་ཤིས་དཔལ་འབྱོར་དུ་གསོལ། དགུང་ལོ་བརྒྱད་པ་ལ་བླ་མ་རྣམ་གཉིས་ལས་རབ་ཏུ་བྱུང༌། དགུང་ལོ་དགུ་ནས་བཅུ་དྲུག་གི་བར་འདན་ཆོས་སྡེ་མཁས་པ་སངས་རྒྱས་དཔལ་བའི་དྲུང་བྱམས་ཆོས་སྤྱོད་ཕྱོགས་རིགས་ཚོགས་འདུལ་བ་གསང་འདུས་སོགས་མདོ་སྔགས་ཀྱི་སྦྱངས་པ་ཆེ…

གསུངས་པས། དང་པོར་ཀམ་པོ་གནས་ནང་དུ་ལོ་གསུམ། སྦོམ་ཕུག་ན་ལོ་གཉིས། དེ་ནས་དབུས་སུ་བྱོན་སྟེ་མཚུར་ཕུར་ལོ་གཉིས། ཐང་ལྷ་ན་ལོ་གཅིག་སྟེ་མེ་མ་བུས་གཡོས་པའི་ཟས་མ་གསོལ་བར་རླུང་དང་རིགས་པའི་བཅུད་ལེན་ཁོ་ནར་ལོ་བརྒྱད་མཛད། སྤྱིར་ཡང་ཐོས་བསམ་གྱི་དུས་སུའང་ལོངས་སྤྱོད་ཤིན་དུ་ཆེ་ཡང་གང་ཡོད་གྲོགས་པོ་སྙོམས་ཆུང་ལ་གནང་ནས་ངན་ངོན་ལ…

ཛཱ་ལནྡྷ་ར་ཙམ་དུ་ཅི་སྙོགས་གྱིས་ཟེར་སྟེ་གཉིས་ཀ་ཨོ་ཌྱན་དུ་འབྱོན་པར་བྱས་པ་ལ་གྲོགས་པོ་ལ་ཀུན་རྫོབ་བྱང་སེམས་དུས་མིན་དུ་ལྷོངས་པའི་གེགས་ཤིག་ནད་དྲག་པོ་བྱུང་བ་ལ་ལྷ་སའི་འཛེ་སྤྲང་ཞིག་གི་ཤིག་ནད་ཀྱང་བླང་པས་ཁོང་སྐུ་གཤེགས། དེར་ཐུག་དགོངས་ལ་ཡང་བླ་མ་སངས་རྒྱས་ལས་ལྷག་པའི་རྡོ་རྗེ་ཕག་མོ་དང་ཨོ་ཌྱན་ག་ན་ཡོད། གྲོགས་དེ་ཡང་འདི…

མཐོང་བས་ཞེ་སྡང་རྩ་བ་ནས་ཤི་དད་པ་རང་དབང་མེད་པར་སྐྱེས་སྟེ་ཅི་ཡོད་ཐམས་ཅད་ཕུལ། དེ་ལྟ་བུའི་བྱང་ཆུབ་ཀྱི་སེམས་གཉིས་རབ་ཏུ་བརྟན་པའི་ནུས་པས་ཡབ་ཚན་དང་དགྲ་བོ་གཉི་གས་རང་རེ་གཉིས་ཀྱི་འཁྲུག་པ་མཐའ་མེད་འདི་ལ་རྗེ་ཆོས་གྲགས་རྒྱ་མཚོའི་སློབ་མ་བྱ་བྲལ་བཀྲ་ཤིས་དཔལ་འབྱོར་ལྟ་བུ་དགྲ་གཉེན་རིས་མེད་དུ་གྲོལ་བ་དེ་སྤྱན་འདྲོངས་ན་འཁྲུག…

ཞི་བར་མ་གྱུར་ཞིང་དེ་དག་གི་བསམ་སྦྱོར་ཞི་བ་མ་ཡིན་པ་རྒྱ་ཆེར་འཕེལ་བ་ན་ས་གཡོས་ཆེན་པོས་དེ་དག་གི་སྣོད་བཅུད་ཀྱང་ཕལ་ཆེར་ཞིག་པས་དྲག་པོའི་འཕྲིན་ལས་ཀྱི་སྙན་པ་ཡང་ཆེར་བྱུང༌། ཉིད་ཁང་པ་གཞི་བརྩེགས་ཀྱི་ཐོག་ན་བཞུགས་པའི་ཁང་པ་ཞིག་སྟེ་ཉིད་གྱང་མཐོན་པོ་ཅིག་གི་རྩེར་ཕེབས་པ་ན་འཕུར་བར་གྲགས་སྟེ་དེ་ཕྱིན་གཉན་པ་གྲུབ་ཐོབ་ཏུ་མཚན་གས…

མདོར་ན་རྗེ་ན་རིམ་བརྒྱད་པས་རྣམ་ཐར་དུ་བདག་གི་རྗེ་བླ་མ་འདི་ལྟ་བུ་ནང་དུ་ཆོས་བརྒྱད་ཀྱི་འཁྲི་བ་གྲོལ། ཀུན་རྫོབ་རྣམ་སྨིན་གྱི་རྩ་ཐམས་ཅད་ཀྱི་མདུད་པ་ཅིག་འགྲོ་འོང་གི་རླུང་ཐམས་ཅད་ཀྱི་འགྱུ་བ་ཆད། ཁམས་དཀར་དམར་འབར་ཞུའི་སྤྲོས་པ་བྲལ། ཡེ་ཤེས་ཀྱི་རླུང་དག་པ་གཉིས་ལྡན་གྱི་དྷཱུ་ཏིར་འདུས། གཉིད་འོད་གསལ་གྱི་ཀླུངས་སུ་ཚུད། ས…

༈ དུས་གསུམ་སངས་རྒྱས་ཐམས་ཅད་དང༌། །ལྷ་སྔགས་དཀྱིལ་འཁོར་ཐམས་ཅད་ཀྱི། །འབྱུང་གནས་གཅིག་པོ་རིགས་ཀུན་བདག །མི་བསྐྱོད་ཞབས་དེར་སྤྱི་བོས་འདུད། །དེ་ལ་བདག་གི་དཔལ་ལྡན་བླ་མ་རིགས་ཀྱི་བདག་པོ་མཚན་བརྗོད་པར་བཀའ་བ་རྫོགས་པའི་སངས་རྒྱས་ཐམས་ཅད་ཀྱི་རང་བཞིན་གཅིག་པའི་གཟུགས་ཀྱི་སྐུར་བསྟན་པ་རྒྱལ་བ་མི་བསྐྱོད་ཞབས་ཇི་ལྟར་བྱོན་པའི་ཚ…

འཁོར་པའི་རྣམ་པས་རྒྱུ་རྡོ་རྗེ་འཛིན་པ་ལས་འབྲས་བུ་རྡོ་རྗེ་འཛིན་པར་བཞེངས་སྟེ་རྡོ་རྗེའི་མཛད་པ་བཅུ་གཉིས་ཀྱིས་འགྲོ་བའི་དོན་ཇི་ལྟར་མཛད་པ་ལ་སོགས་པ་རྣམས་ནི་སྐལ་བ་མཆོག་གི་སྤྱོད་ཡུལ་སྟེ་རྣམ་ཐར་བདག་ཚུལ་བཅུ་གཉིས་པ་ལས་ཇི་སྐད་གསུངས་པ་ཉིད་སྟེ་དེ་སྐད་བཀའ་བསྩལ་བ་ཡང་རྒྱ་མཚོ་ལས་ཆུ་ཐིགས་ཙམ་བསྩལ་བར་ཟད་སྟེ་བསམ་གྱི་ཁྱབ་པའི་…

ཞལ་ནས་ཞུགས་སྟེ་གསང་བའི་ཡུམ་རྡོ་རྗེ་རྣལ་འབྱོར་མ་ཨ་སྒྲོན་གྱི་ལྷུམས་སུ་ཞུགས་ཤིང་འདི་གཉིས་ས་བཅུ་པའི་བྱང་སེམས་ཡིན་ལ་རྣམ་པ་གཡོ་སྒྱུའི་མཛད་པ་ལྟར་སྣང་བས་ཁོ་བོའང་མི་གཞི་ངན་པ་ལྟར་སྣང་བ་ཡིན། དེ་ནས་ལོངས་སྐུ་རྒྱུའི་ཧེ་རུ་ཀའི་རྣམ་པས་བལྟམས་སྟེ་སྔར་ས་ཧོར་གྱིས་བོད་ཆོལ་ཁ་གསུམ་བཟུང་དུས་ཀྱི་དམག་དཔོན་ཆེན་པོ་དགུ་པའི་རྒྱ…

སྐུ་གསུང་ཐུགས་རྟེན་ངོ་མཚར་བས་གང་བ་དུང་གི་མཆོད་རྟེན་ཁ་བ་ལྟར་འབབ་པ་ཅིག་དུ་སོན་ནས་རུས་པའི་རྒྱན་དྲུག་དང་བཅས་སྟེ་གར་བྱེད་ཅིང་འདུག་པའི་རྒྱབ་རི་འཇའ་གུར་དང་ན་བུན་གཡུའི་མདོག་གིས་གཏིབས་པ་ཁྱེའུ་བུ་མོ་ལྟར་མི་ངོམས་པ་ནོར་བུའི་རྒྱན་ཅན་མཆོད་པ་སྣ་ཚོགས་འཛིན་པས་ཕྱི་ནས་བསྐོར་བ་དང་གླུ་གར་གིས་མཆོད་པ་མཐོང་ཞིང་དེའི་ཚེ་མཆོད…