སོགས་སེང་གེའི་མིང་ཅན་བརྒྱ་རྩ་བརྒྱད་སོགས་བྱོན་ནས་གདམས་ངག་ཕྱོགས་མཐར་ཁྱབ་ཅིང་མཁས་གྲུབ་ཤངས་སྟོན་གྱི་སློབ་མ་རྨོག་ཅོག་པའི་སྐུའི་སྐྱེ་བ་མཁས་བཙུན་རྒྱལ་མཚན་འབུམ་ཡིན་ལ། དེ་ལ་མཁས་བཙུན་གཞོན་ནུ་གྲུབ་དང་སྐུའི་དབོན་པོ་འཇག་ཆེན་བྱམས་པ་དཔལ་ལ་སོགས་པ་མཁས་གྲུབ་མང་དུ་བྱོན་ཞིང༌། ཕྱིས་ཤངས་པ་ཁོ་ནའི་ཆོས་རྒྱུད་འཛིན་པ་ཅུང་ཉུ…

ཆོས་བྱུང་མཁས་པའི་དགའ་སྟོན་ལས་ཡན་ལག་བཞི་པ་ལ་ལི་ཡུལ། རྒྱ་ནག་སྔ་མ། མི་ཉག །ཧོར། རྒྱ་ནག་ཕྱི་མ་རྣམས་སུ་རྒྱལ་པོ་དང་ཆོས་ཇི་ལྟར་བྱུང་བ་རྣམས་བཞུགས་སོ། །(མ༡བ)

ད་ནི་ཛམ་གླིང་གི་ཡུལ་གྲུ་གཞན་ལས་ཇི་ལྟར་རྙེད་པ་དག་གི་རྒྱལ་པོ་བྱུང་ཚུལ་རྣམས་གོ་སླ་བའི་ཕྱིར་ཚིག་ལྷུག་པས་བརྗོད་པར་བྱའོ། །འདི་ལ་ལྔ་སྟེ། ལི་ཡུལ། རྒྱ་ནག་སྔ་མ། མི་ཉག་ཧོར་གྱི་རྒྱལ་པོ། རྒྱ་ནག་ཕྱི་མ་ཇི་ལྟར་བྱུང་བའོ། །དང་པོ་ནི་སྔོན་སངས་རྒྱས་འོད་སྲུང་གི་དུས་ཡུལ་དུ་ཡོད་ཅིང་མྱ་ངན་ལས་འདས་ནས་སངས་རྒྱས་འོད་སྲུང་གི་མཆ…

རྣམ་པ་དོད། རི་གླང་མགོའི་སྟེང་སྐུ་གཟུགས་ཆེན་པོ་བཞུགས་པའི་གཡོན་ལོགས་ཀྱི་ལྷ་ཁང་ད་ལྟར་མཆོད་རྟེན་ཆུང་ངུ་ཡོད་སར་དགུང་བདུན་བཞུགས་ནས་འོད་ཟེར་ལན་བདུན་འཁོར་སར་ཕྱིས་འུ་ཐེན་གྱི་མཁར་དང་གྲོང་མངར་ལྡན་འབྱུང༌། འོད་ཟེར་ནུབ་སར་ཙནྡན་གྱི་སྐུ་གཟུགས་ཅིག་རྒྱ་གར་ནས་བྱོན་སྟེ་བཞུགས་པར་འགྱུར། པདྨ་དང་མེ་མར་བྱུང་སར་ཐེག་ཆེན་གྱ…

ནུ་བྱིན། ལོ་བཅུ་གཉིས་ལོན་ཚེ་རྒྱལ་པོ་དེས་རྒྱལ་ཐབས་དང་དམག་ཁྲི་བྱིན་ནས་ནུབ་ཕྱོགས་སུ་ཡུལ་ས་འཚོལ་དུ་བཏང་བས་ས་ནུས་བཅུ་དགུ་ལོན་ཚེ་ལི་ཡུལ་གྱི་མེ་སྐར་དུ་ཕྱིན་པ་དང༌། དྷརྨ་ཨ་ཤོའི་བློན་པོ་ཡ་ཤ་འཁོར་བདུན་སྟོང་དུ་བཅས་པ་རྒྱལ་པོས་སྤྱུགས་སྟེ་ལི་ཡུལ་དུ་སླེབ་པ་འཛོམས། ས་ནུའི་འཁོར་ཤེར་དང་ཟང་གི་བ་སྦྲུམ་མ་ཐུན་མོང་བ་ཞིག་…

བཏང་སྟེ་བརྡུང་དུ་བཅུག་པས་ཞག་བདུན་དུ་སྒྲ་མ་ཆད། སྟོན་པ་འཁོར་བཅས་ཀྱིས་ཞབས་རྗེས་བཞག །འཁོར་གནས་བརྟན་བཅུ་དྲུག་པོ་ལ་རིན་པོ་ཆེའི་གཤོས་ཆ་རེ་ཕུལ་པ་གཏེར་དུ་སྦས་སྟེ་ལིའི་བསྟན་པ་ནུབ་ཀར་དགེ་འདུན་གྱི་ཆ་རྐྱེན་དུ་འགྱུར་བར་བྱས། ཀླུའི་རྒྱལ་པོ་ཧུ་ལོར་གྱིས་ཁ་ཆེ་ནས་དེ་བཞིན་གཤེགས་པ་བདུན་གྱི་གདུང་བཞུགས་མཆོད་རྟེན་ཞིག་སྤྱན…

ལ་དུས་སྟོན་བགྱིད། རྒྱལ་པོ་དེ་ལ་བུ་དཔུན་གསུམ་གྱི་རབ་འདོན་རྒྱ་གར་དུ་ཆས། བར་མ་དགྲ་བཅོམ་ཐོབ། ཐ་ཆུང་བི་ཛ་དྷརྨས་རྒྱལ་པོ་བྱས་སྟེ་ཡུལ་འདྲོ་ཏ་རི་བྱ་བ་སྔོན་ཟླ་འོད་ཀྱིས་དབུ་བཏང་ཞིང་ལི་ཡུལ་ལུང་སྟོན་དུས་སྟོན་པ་དང་ས་སྙིང་གིས་བྱིན་གྱིས་བརླབས་པ་རི་ཀྵཏ་ཤོ་གར་འདྲོ་ཏིར་གྱི་གཙུག་ཁང་བརྩིགས། དེའི་བུ་ཆེ་བ་འདོད་འགྲོས་རྒ…

རྒྱུས་ལས་གསུངས་པ་མདོར་བསྡུས་ནས་བྲིས་པའོ། །ཡུལ་འདི་རྒྱ་ནག་གི་བྱང་ངོས་བོད་ནས་བྱང་ཤར་གྱི་མཚམས་ན་ཡོད་ཅེས་ཤམྦྷ་ལ་པས་ཁོང་རང་གིས་ཕྱིན་ཞིང་བོད་དུ་ཡུལ་འདི་ངོ་ཤེས་པ་རེད་མདའ་པ་དང་ང་ལས་མ་བྱུང་ཞེས་འཆད་པར་སྣང་ལ། རོང་སྟོན་ཤེས་བྱ་ཀུན་རིག་གིས་བལ་པོ་ཉིད་ལི་ཡུལ་ཡིན་པ་ལ་གྲོ་ལུང་པས། རྒྱ་གར་ཤར་ནུབ་ལི་དང་བལ་པོའི་ཡུལ། །ཞ…

འདི་སྔོན་དང་ཕྱི་མར་རི་གཡོགས་པ་ཡང་དེང་སང་བུམ་པ་མན་ལ་སེང་ལྡེང་གི་ནགས་ཚལ་སྐྱེས་པ་སོགས་གསལ་པོར་ཡོད་པ་ཡུལ་དེར་བགྲོད་པའི་མི་ལ་མངོན་སུམ་དུ་ཡོད་པའི་ཕྱིར་གླང་རུ་ལུང་བསྟན་དང་ལི་ཡུལ་ལུང་བསྟན་ནས་བཤད་པའི་ཆ་མཐུན་ནི་བལ་པོ་ལ་སྣང་བས་སྐབས་དེའི་ལི་ཡུལ་བལ་པོར་བྱས་ཀྱང་རུང་བར་སྣང་མོད། ཕྱི་ནང་གི་ཡུལ་བདུན་ཡུལ་དྲུག་གི་དུས་…

ཞེས་རི་བོ་རྩེ་ལྔ་ལ་འཇམ་དཔལ་དངོས་སུ་བཞུགས་པ་དང༌། གླང་ཆེན་འགྱིང་རི་ལ་བྱང་ཆུབ་སེམས་དཔའ་ཀུན་དུ་བཟང་པོ་རིན་པོ་ཆེ་སྨུག་པོ་ལས་རང་བྱུང་དུ་བཞུགས་ཤིང་ལོངས་སྤྱོད་རྣམ་ཐོས་སྲས་ལྟ་བུའི་ཡུལ་ལོ། །དེའི་རྒྱལ་རབས་ནི། དང་པོར་རྒྱ་ནག་གི་རྒྱལ་པོ་ཅེའུ་ཞེས་བྱ་བ་བྱུང་སྟེ་ཤཱཀྱའི་རྒྱལ་པོ་གཞུ་བརྟན་དང་དུས་མཉམ། དེའི་རྒྱལ་རབས་བ…

སོང༌། ཙནྡན་ཇོ་བོ་བཞེངས་ནས་ལོ་ཉིས་སྟོང་ལྔ་བཅུ་ཐམ་པ་འགྲོ་ཞེས་རྒྱ་ནག་གི་ཙནྡན་ཇོ་བོའི་ལོ་རྒྱུས་ས་པཎ་གྱི་སློབ་མ་བྱང་ངོས་མཁན་པོ་ཤེར་ཡེས་ཀྱིས་བོད་དུ་བསྒྱུར་བ་ན་ཡོད་པར་སྣང༌། དེ་ནས་ཚལ་པའི་དེབ་དམར་བསྒྲིགས་པའི་མེ་ཁྱི་ཡན་ལ་ལོ་བརྒྱད་བཅུ་རྩ་བཞི་སོང་ཟེར་རོ། །ཅེའུ་ལ་རྒྱལ་རྒྱུད་སུམ་བཅུ་སོ་དྲུག་བྱུང༌། འདི་ལ་སོ་དྲུ…

བྱ་བའི་རྒྱལ་ཁམས་སུ་སོང་སྟེ་མྱ་ངན་ལས་འདས་སོ། །འདི་ལ་རྒྱ་ཡུལ་དུ་ཆོས་དར་ཚུལ་བུ་ཡན་དུ་རྒྱལ་པོའི་ལུང་གིས་ཡུ་གུར་གྱི་བཙུན་པ་ཨོག་ཟོས་རྒྱ་ནག་གི་སྐད་ལས་ཡུ་གུར་གྱི་སྐད་དུ་བསྒྱུར་ཞིང་ཕྱིས་དགེ་སློང་པུཎྱཻ་ཤྲཱི་བྷ་དྲས་ས་སྐྱར་བོད་སྐད་དུ་བསྒྱུར་བའི་ཡི་གེ་ལས་ནི་འདི་ལྟར་བྱུང་སྟེ། སྔོན་ཧན་མིང་ཏི་ཅེས་བྱ་བའི་རྒྱལ་པོའི་…

བརྒྱད་ནུབ་ཕྱོགས་རྒྱ་གར་ལ་སངས་རྒྱས་ཀྱི་གསུང་རབ་གདན་འདྲེན་དུ་བཏང་ངོ༌། །དེ་རྣམས་ཀྱིས་བས་ཇའི་ཡུལ་དུ་སླེབས་པ་དང་རྒྱ་གར་གྱི་མཁན་པོ་སྡེ་སྣོད་གསུམ་འཛིན་པ་གྲོལ་པ་དང་འབར་བ་ཞེས་བྱ་བ་གཉིས་ཀྱིས་ཆོས་ཀྱི་རྣམ་གྲངས་ལྔ་བཅུ་རྩ་གཉིས་ཡོད་པའི་མདོའི་པོ་ཏི་ཅིག་དང་སྔོན་ཨུ་ཏྲ་ཡ་ནས་བཞེངས་པའི་ཐུབ་པའི་བྲིས་སྐུ་སྤྱན་དྲངས་ནས་རྒྱ་…

ཟིན་ཤིང་རྣམས་ལ་ཐོགས་པ་མེད་པར་མཐོང་བ་དང་ཐག་རིང་ནས་ཀྱང་ཐོས་པ་དང་བསྟན་བཅོས་རྒྱ་ཆེན་པོ་ཤེས་པ་དང་ལྷ་འདྲེ་མངག་གཞུག་བྱེད་པ་དང་མེ་ལ་ཞུགས་ན་མི་འཚིག་པ་དང་ཆུ་ལ་སོང་ཡང་མི་བྱིང་བ་དང་དངོས་སུ་ན་མཁའ་ལ་འཕགས་ནས་འགྲོ་བ་དང་རང་ལུས་སྦེད་པ་ལ་སོགས་པའི་ཡོན་ཏན་མཆིས་པས་རྒྱལ་པོས་ཐུགས་ལ་བཏགས་ན་དགེ་སྦྱོང་དེ་དག་དང་རྒྱལ་ལ་བཙུགས་སྟ…

གནས་པའི་ཡེའུ་ཏི་ཟིན་ཤིང་དང་རི་སུང་ཡའུ་ན་གནས་པ་ལུ་བུའི་ཐུང་ཟིན་ཤིང་དང་གཞན་ཡང་ཧོ་ཤན་ཐེན་ལུའུ་ཐའི་བའུ་ལུ་ལ་སོགས་པ་རི་ཆེན་པོ་བཅོ་བརྒྱད་ན་གནས་པའི་ཀེ་འུན་ཟིན་ཤིང་སོགས་ཟིན་ཤིང་རྒན་པ་རྣམས་ཀྱིས་ལི་བའུ་གྱིང་ལ་སོགས་ཆོས་པོ་ཏི་ལྔ་བརྒྱ་དགུ་པོ་ཐབ་དང་པོའི་ཁར་བརྩིགས། གཞན་ཡང་མཁས་པས་བྱས་པའི་ཡན་ལག་སོ་བདུན་པ་སོགས་པོ་ཏི…

བཀབ་ནས་ཉི་མའི་འོད་བསྒྲིབས་སྟེ་གནས་སོ། །དེའི་ཚེ་སློབ་དཔོན་གྲོལ་བ་དང་འབར་བ་གཉིས་ན་མཁའ་ལ་འཕགས་སྟེ་ཆོ་འཕྲུལ་སྣ་ཚོགས་པ་བསྟན་ཏོ། །ན་མཁའ་ལས་ལྷའི་མེ་ཏོག་གི་ཆར་བབ་ཅིང་ལྷའི་རོལ་མོའི་སྒྲ་གྲགས་པར་གྱུར་ཏོ། །དེར་འདུས་པའི་སྐྱེ་བོའི་ཚོགས་ཀུན་གྱིས་ཨེ་མ་རྨད་དུ་བྱུང་བ་བས་ཀྱང་ཆེ་རྨད་དུ་བྱུང་བ་སྔར་ནས་རྙེད་པར་མ་བྱུང་བའི་…

པོ་བདུན་དང་ནང་དུ་གསུམ་བཞེངས་སྟེ་སྡེ་བདུན་དུ་ཧྭ་ཤང་སྡེ་བཙུན་པ་རྣམས་དང་སྡེ་གསུམ་དུ་བན་མོ་རྣམས་བཞག་གོ །དེ་ནས་རྒྱ་ཡུལ་གྱི་མི་ཐམས་ཅད་དཀོན་མཆོག་གསུམ་ལ་རབ་ཏུ་དད་ཞིང་དད་པས་གཙུག་ལག་ཁང་དང་སྡེ་དང་མཆོད་རྟེན་མང་པོ་བཞེངས་སྟེ་བཀུར་སྟི་དང་རིམ་གྲོའི་ཆུ་བོ་རྣམས་བསྟན་པའི་རྒྱ་མཚོ་ཆེན་པོ་ལ་བབ་བོ། །སྐྱེ་བོ་གྲངས་མེད་དཔག་…

ཡིན་སྟེ་དེ་ཡང་རྒྱ་གར་གི་ཡུལ་གྲུ་ཞིག་ན་སངས་རྒྱས་དགུང་ལོ་བཅུ་གཉིས་པའི་སྐུ་ཚད་ཇོ་བོ་ཤཱཀྱ་དང་སངས་རྒྱས་ཀྱི་རིང་སྲེལ་དང་ཀུ་མ་ར་ཤྲཱི་ཞེས་པའི་པཎྜི་ཏ་མཁས་པ་ཅིག་ཡོད་འདུག་པ་དེར་རྒྱལ་ཁམས་ཆུང་པས་འགྲོ་དོན་མི་འཕེལ་བར་འདུག །ཁྱེད་ཀྱིས་བླངས་ན་སེམས་ཅན་ལ་ཕན་ཞེས་ཁ་ཅིག་གིས་རྒྱལ་པོ་ལ་ཞུས་པས་རྒྱལ་པོ་དེའི་བློན་པོ་གཙོ་བོ་ཞི…

དེ་ལ་དམག་དཔོན་གྱིས་དམག་རྣམས་ལམ་འབྱེད་དུ་བཅུག །མའི་མདུན་དུ་སླེབས་པས་དམག་དཔོན་ཡིད་ཆེས། དེ་ནས་ཉིན་གཅིག་རི་མཐོན་པོ་ཅིག་གི་མགུལ་དུ་ཞག་ས་བྱས་པ་ལ་པཎྜི་ཏའི་ཚིག་གིས་རང་རེ་འདིར་ཞག་དུ་སྡོད་མི་ཉན་དོ་ནུབ་ནམ་ཕྱེད་པ་ལ་ཆུ་ལོག་བྱུང་ནས་དམག་རྣམས་ཆུས་འཁྱེར་ཉེན་ཡོད་ཟེར་བས་ཐམས་ཅད་བཏེག་ནས་ས་ལེ་བར་བཅུ་གསུམ་ཙམ་གྱི་སྣར་བབ་…

པོའི་དྲུང་དུ་ཕྱིན་ནས་པཎྜི་ཏ་འདི་བདག་ལ་སྤྱོད་དུ་བྱུང་བ་ལ་བདག་གིས་མ་ཉན་པས་ལྷམ་ཕྲོགས་ནས་ཁྱེར་བྱས་པས་རྒྱལ་པོ་ཡིད་ཆེས་མ་སྐྱེས་ཀྱང་བློན་པོ་རྣམས་ཀྱིས་བལྟར་ཕྱིན་པས་གདན་འོག་ནས་བཙུན་མོའི་ལྷམ་རྙེད་པས་ཉེས་པ་ཅན་དུ་བྱས་སྟེ་པཎྜི་ཏའི་མགོ་བཅད་པ་ལས་ཁྲག་འོ་མར་བབ། པཎྜི་ཏ་རང་གི་ལག་པས་རང་གི་མགོ་བླངས་སྟེ་སྐེ་ལ་སྦྱར་ནས་གཙ…