རེས་བཞད། རེས་སྤྱན་ཆབ་ཕྲོམ་ཕྲོམ་འདུག་པ་ན་ཅི་ལགས་ཞུས་པས། ངའི་བུ་དབུས་པ་སྟོན་པ་དེ་འོང་ཞིང་འདུག་པས་དགའ་བ་ཞིག་ཀྱང་བྱུང༌། ངལ་སྟེགས་ཀྱི་ཁ་ནས་ཡང་ཡང་འགྱེལ་ཞིང་འདུག་པས་སྙིང་རྗེ་བ་ཞིག་ཀྱང་བྱུང༌། ད་མྱུར་བར་སླེབ་པ་འདུག་པས་དེའི་མཇལ་སྣ་སུས་བྱས་ལ་ངན་སོང་མེད་གསུངས། ཉ་མ་ཞིག་གིས་ངའི་བུ་མོ་སྒོམ་མ་ཞིག་ཡོད་པ་ལ་མཇལ་སྣ…

གདམས་པ་ལའང་གསང་སྔགས་མང་དུ་ཡོད་ཞུས་པས་དེ་ཀུན་གསང་སྔགས་ཡིན་སྟེ་མན་ངག་མིན་གསུངས། ཚོགས་གསོག་པའི་ཐབས་གང་ཆེ་ཞུས་པས། དུས་གསུམ་གྱི་སངས་རྒྱས་ཐམས་ཅད་མཆོད་པ་ལས་སློབ་དཔོན་གྱི་བ་སྤུའི་ཁུང་བུ་གཅིག་མཆོད་པ་བསོད་ནམས་ཆེ། དེ་ལས་ཀྱང་བླ་མའི་གདམས་ངག་ཆུད་མ་ཟོས་པར་ཉམས་སུ་བླངས་ན་བསོད་ནམས་ཆེ་གསུངས། ཚེ་གཅིག་ལ་འཚང་རྒྱ་བ་སྲ…

གཉུག་མའི་ཤེས་པ་སེམས་ཅན་ཐམས་ཅད་ལ་གནས། སངས་རྒྱས་ལ་ཆོས་སྐུའི་དགོངས་པར་རང་གསལ། རྣལ་འབྱོར་པ་ལ་ཐབས་དུ་མས་མཚོན་སྟེ་ངོ་སྤྲད་ནས་བསྒོམས་པས་ལྟ་བ་ཤུགས་ལ་རྟོགས། ཉོན་མོངས་ངང་གིས་འགག་རྣམ་རྟོག་རང་སར་གྲོལ། ཡེ་ཤེས་མངོན་དུ་གྱུར། གནས་ལུགས་ཉམས་སུ་མྱོང་བ་དེ་ངག་དུ་སྨྲར་མི་བཏུབ། བརྗོད་པས་མཚོན་མི་ནུས། གཞོན་ནུ་མའི་བདེ་བའ…

འོག་མ་ལ་བདུད་རྩིའི་ཆར་ཕབ་པས་ཚིམ་པ་ལ་བདག་གི་མ་སྐོམ་དྲིར་འཆི་བ་མཐོང་བ་མགྲིན་པར་ཐིག་ལེ་འཕེལ་ཞིང་དྷཱུ་ཏིའི་མར་སྣ་ཁ་མ་ཕྱེད་པ་ཡིན་ཞེས་འཕྲུལ་འཁོར་བཙན་ཐབས་ཀྱི་རྡེག་ཆོག་གནང༌། ལུས་འཕར་འདར་སོགས་དྲག་དུ་བྱུང་བ་སྙིང་གར་ཁམས་འཕེལ་བ་ཡིན་འཕྲུལ་འཁོར་འབད་ལས་སྒོམས་གསུང༌། དེ་ནས་དགའ་བདེས་གང་སྟེ་ཟས་སྐོམ་ཡང་ཆེར་མི་དགོས་པ་…

སྤྲུལ་གཉིས་དངོས་སུ་མཐོང༌། ཆོས་སྐུ་ད་གཟོད་མཐོང་པར་འགྱུར་གྱི་ད་ང་དང་འགྲོགས་མི་དགོས་པས་དབུས་སུ་སོང་ལ་སྒོམས། ད་མངོན་ཤེས་ཀྱི་ཕྲང་ཡོད་སྟེ་མངོན་ཤེས་བྱུང་ཚེ་གསང་བ་གལ་ཆེ། རླུང་ལག་སོར་ལ་ཚུད་ན་རླུང་གི་ཕྲང་ལས་ཐར་བ་ཡིན་གསུངས། ཐལ་བ་ལ་ལག་སོར་བཏང་སྟེ་བཅུན་པས་སྤུ་རུ་རུ་བྱུང་བས་རྩ་རླུང་ལ་དབང་ཐོབ་པ་ནི་མིན་སྟེ་རྩ་ར…

ལར་ཐམས་ཅད་སྒྱུ་མར་ཤེས་པར་མཛོད། །ཤར་སྒམ་པོ་བདར་གྱི་རི་བོ་དེ། །རི་རྒྱལ་པོ་གདན་ལ་བཞུགས་པ་འདྲ། །རྩེ་མོ་རིན་ཆེན་པྲོག་ཞུ་འདྲ། །རྒྱབ་རི་དར་དཀར་ཕྱར་བ་འདྲ། །མདུན་རི་རིན་ཆེན་སྤུངས་པ་འདྲ། །རི་བདུན་བློན་པོ་འདུད་པ་འདྲ། །སྤང་ཐང་གསེར་གྱི་མཎྜལ་འདྲ། །རི་དེ་ཡི་མགུལ་ན་གདུལ་བྱ་ཡོད། །ཁྱོད་དེ་རུ་སོང་ལ་འགྲོ་དོན་སྒྲུབས། །བ…

གསུམ་གྱིས་འདུས་འདའ་བར་བྱ། རང་སེམས་སངས་རྒྱས་སུ་རྟོགས་ཀྱང་བླ་མ་རྡོ་རྗེ་སློབ་དཔོན་མི་སྤོང་པ་ལ་བསླབ། གསག་སྦྱང་གཉིས་པ་རང་སར་དག་ཀྱང་ཚོགས་ཆུང་ངུ་ཆུང་ངུ་ནས་གསག །ལས་འབྲས་ན་མཁའ་ལྟར་གོ་ཡང་སྡིག་པ་ཆུང་ངུ་ནས་འཛེམ། མཉམ་རྗེས་འདྲེས་པའི་ཉམས་ཡོད་ཀྱང་ཐུན་བཞིའི་རྣལ་འབྱོར་རྒྱུན་ཆད་མེད་པར་བླང༌། བདག་གཞན་མཉམ་ཉིད་དུ་གོ་…

འཁོར་མཐའ་ཡས་པ་འདུས། ཅི་ཞིག་ནས་གྱེས་སོང་བས་ངང་པ་རེ་ལའང་ངང་གཡོག་ལྔ་བརྒྱ་ཙམ་རེ་འདུས་ནས་ལུང་པ་ཐམས་ཅད་ངང་པས་སེར་མྱོག་གིས་གང་བ་རྨིས། དབུས་པ་སྟོན་པ་དེས་འགྲོ་དོན་དཔག་མེད་ཡོང་བར་འདུག་ཁོ་བོ་རྣལ་འབྱོར་པ་ཡིན་ཡང་རྗེས་སུ་རབ་བྱུང་དཔག་མེད་ཡོང་བ་འདུག་པས་ཁོ་བོས་ཀྱང་བསྟན་པ་ལ་བྱ་བ་བྱས་པར་འདུག་གསུང༌། དེ་ནས་བཀའ་གདམས་པ…

པ་དཔེལ་ན་དགའ། །ཟེར། དེ་མ་ཐག་དབུས་གཙང་ཁམས་གསུམ་གྱི་སྣོད་ལྡན་མཐའ་ཡས་པ་འདུས་སྟེ་ཐམས་ཅད་རིང་པོར་མ་ལོན་པར་རྩ་རླུང་ཐིག་ལེའི་ཡོན་ཏན་ཡོངས་སུ་རྫོགས་པ། མངོན་ཤེས་དྲུག་ཤར་བ། མ་དག་པའི་དངོས་པོ་བརྒྱད་མི་འཆང་བ། ཅོག་བུའི་སྦྱངས་ཡོན་ཅན། རི་མཚམས་དང་སྨྲ་བཅད་འདག་སྦྱར་གྱིས་དུས་འདའ་བ། སྙིང་རྗེ་པད་དཀར་ལས་དག་པའི་འཁོར་ལུང…

མི་ཁྱབ་ཅིང་གདུང་བཞུ་པའི་ཐུགས་སྒོ་མང་དུ་བཞུགས་སོ། །རྗེ་དེ་ལ་མཇལ་བ་དང་མོས་པ་བྱས་པས་རྟོགས་པ་སྐྱེས་པ་མང་དུ་བྱུང་ཞིང༌། སྒམ་པོའི་རི་མཐོང་བ་དང་ཞལ་མཐོང་བ་ཙམ་གྱིས་གྲོལ་བ་མང་དུ་ཡོད་ལ། སྤྱིར་ཤོ་སྒོམ་འཕགས་པ། ཟིམ་ཤི་ཡེ་ཤེས་སྙིང་པོ། གསེར་སྒོམ་ཡེ་ཤེས་སྙིང་པོ། རམ་སྙི་ཆོས་གཡུ་སྟེ་གྲུབ་ཐོབ་བཞི། དྭགས་པོ་སྒོམ་ཚུལ། ག…

ཆོས་ཀྱི་སྐུ་ལ་འདུ་འབྲལ་མེད། །ཉམས་རྟོགས་ཅན་ལ་ང་མི་སྨོན། །སོགས་གསུངས་པས་འཕགས་པས་བཤུམས། རྗེ་སྒམ་པོའི་ཞལ་ནས་ད་འོ་སྐོལ་གྱིས་ཁོ་མི་ཐུབ་ཉལ་དུ་འགྲོ་གསུངས་སྐད། དབང་ཞུ་ཕུག་དུ་ཞྭ་སྣ་རིང་གི་སྣ་བལྟབ་སྟེ་མནབས་པས་སློབ་དཔོན་སྒོམ་པའི་ཞྭ་ཞེས་སྒོམ་ཞྭར་གྲགས་པ་བྱུང༌། སྒོམ་ཚུལ་འདི་ཀུན་ས་བཅུའི་བྱང་ཆུབ་སེམས་དཔའ་ཁོ་བོས་ས…

གྲགས། ཚོགས་ཀྱི་རེས་ལ་ལྷའི་བདུད་རྩི་དྲངས། བ་རི་ལོ་ཙཱ་དང་ཕ་དམ་པའི་མཆོད་གནས་མཛད། ཞང་རིན་པོ་ཆེའི་བླ་མར་གྱུར། གོ་བདུན་པ་ས་ལུག་ལ་ཐེགས། ལྷོ་ལ་ཡག་པ་བྱང་ཆུབ་དངོས་གྲུབ་ནི་ཏར་ཁ་བོ་དྷི་རཱ་ཛ་ཞེས་པ་རྙིང་མའི་གྲུབ་ཐོབ་ལོ་བརྒྱ་དང་བཅུ་གཉིས་བཞུགས་པའི་སྲས་ཏར་ཁ་དཔལ་སྐྱེད་དང་ཡུམ་མཁའ་འགྲོ་མ་ཞིག་གི་སྲས་སུ་འཁྲུངས། ཆུང་ངུ…

བར་གཟིགས་པས་ཕྱིས་དབུ་ཞྭ་ནག་པོ་མནབས། ལོ་ཉི་ཤུ་ལ་དབུས་སུ་བྱོན་སྟེ་སྟོད་ལུང་རྒྱ་དམར་བ་དང་ཕྱ་བ་སོགས་བསྟེན། གསུང་རབ་མཐའ་དག་ལ་སྦྱངས། ཤར་བ་པ་དང་དཔལ་རྒྭ་ལོ་སོགས་བསྟེན་སྟེ་གདམས་ངག་བོད་ན་བཞུགས་སོ་འཚལ་གསན། དགུང་ལོ་སུམ་བཅུ་བཞེས་པ་ཆོས་རྗེས་རེ་གཅིག་བཞེས་པ་ན་རྗེ་སྒམ་པོ་པ་ཁུ་དབོན་མཇལ། གདམས་ངག་ཐམས་ཅད་གནང་སྟེ་སྒ…

རྒྱས་རས་ཆེན་ལ་བརྒྱུད་པ་གཏད་ཅིང་ཁྱད་པར་གྲུབ་ཐོབ་ཀརྨ་པཀ་ཤིས་ཧོར་རྒྱལ་པོས་བསྟན་པ་གཞིག་མི་ནུས་པར་མཛད། རྗེ་རང་བྱུང་རྡོ་རྗེས་གྲུབ་ཐོབ་མཐའ་ཡས་པ་ཕྱུང༌། རྗེ་རོལ་པའི་རྡོ་རྗེས་རྒྱ་བོད་ཧོར་གསུམ་བཏུལ། རྗེ་དེ་བཞིན་གཤེགས་པས་བོད་རྒྱ་དམག་གི་འཇིགས་པ་ལས་བསྐྱབས། རྗེ་མཐོང་བ་དོན་ལྡན་གྱིས་སྔགས་ཀྱི་གདུལ་བྱ་རྣམས་བཏུལ། …

ཞི་བ། དུལ་བ། ཅེ་རེག་ཆུང་བར་བྱ། བཟོད་པ་ཆེ་བར་བྱ། ཐམས་ཅད་དང་མཐུན་པར་བྱ། གཙང་སྦྲ་ཤིན་དུ་ཆེ་བར་བྱ། རྟོག་པ་ཤིན་དུ་ཆུང་བར་བྱ། རེ་མཚམས་དང༌། སྨྲ་བཅད་དང༌། འདག་སྦྱར་གསུམ་གྱིས་དུས་འདའ་བར་བྱ། རང་སེམས་སངས་རྒྱས་སུ་རྟོགས་ཀྱང་བླ་མ་རྡོ་རྗེ་སློབ་དཔོན་མི་སྤོང་བ་ལ་བསླབ། གསག་སྦྱང་གཉིས་པོ་རང་སར་དག་ཀྱང་ཚོགས་ཆུང་ངུ་ཆུང…

ཡུམ་ཡག་མོ་མང་སྐྱིད་ཀྱི་སྲས་སུ་ཆུ་སྟག་ལ་འཁྲུངས། མཚན་དར་མ་གྲགས། ཆུང་ངུ་ནས་སྤྲུལ་པར་གྲགས་སྟེ་ཐམས་ཅད་ཀྱིས་བྱིན་རླབས་ཞུ། ལོ་དྲུག་པ་ན་ཡབ་ཀྱིས་གཞན་ལ་དམྱལ་བའི་སྡུག་སྔལ་བཤད་པ་གོ་སྟེ་ཅི་ཕན་དྲིས་པས་སྐྱབས་འགྲོ་དང་ལྷ་ཕྱག་ཕན་ཟེར་བས་རྟེན་གྱི་དྲུང་དུ་སྐྱབས་འགྲོ་དང་ཕྱག་མཛད། མས་ཡིག་བརྒྱ་བསླབས་སྟེ་ནང་ནུབ་ཉིན་གསུམ་ད…

བཟང་པོ་རླུང་བཅོས་དགོས་པའང་ངན་ལང་དུ་འདུག་གསུངས། རྨི་ལམ་ལ་རང་དབང་ཐོབ། རྗེ་ཡེར་པ་བ་མཇལ་ནས་བསམས་པས་སྔར་དགེ་སྦྱོར་བྱས་ཚད་ལ་ཚེ་འདིའི་རྟོག་ངན་ལོ་འདོད་གཡོ་སྒྱུ་ཟོལ་ཟོག་གཞན་གྱི་ཕྱེ་གཏོར་འགམས་པ་སོགས་དང་འདྲེས་པ་ད་གདོད་ཚོར། ཕྱིན་ཆད་ཞེ་དམ་དང་གཉེན་པོས་འབུར་འཇོམས་བྱས། ང་ལ་ནི་ཚེ་འདིའི་རྟོག་ངན་ཁོ་ན་སྤང་དཀའ་བར་བྱུ…

ཡས་པའི་དབུས་ན་རང་ཉིད་རྣམ་སྣང་དུ་སངས་རྒྱས་ནས་ཆོས་ཀྱི་འཁོར་ལོ་བསྐོར་བ་དང༌། སྤྱི་བོར་རྡོ་རྗེ་རྣལ་འབྱོར་མ་ལྷ་བདུན་གྱི་དཀྱིལ་འཁོར་གཟིགས་ཤིང་འཁོར་ལོ་བཞིར་ཡས་རིམ་གྱིས་དབང་བཞི་ཐོབ་ནས་ཧེ་རུ་ཀའི་རྣམ་པས་ཕྱིར་བྱུང་ནས་མཚོ་སྐྱེས་རྡོ་རྗེར་མཚན་གསོལ་བ་དང༌། ཡང་རྣལ་འབྱོར་མས་ཆོས་ཅིག་གསུངས་པ་ལས་མནལ་སད་ནས་ནམ་སྨིན་གྱི་ལ…

བ་བཅག་པས་སྐུ་ཚེ་ཐུང་བ་དང༌། ཕྱི་མ་ནས་འཕྲིན་ལས་ཆེར་བར་ལུང་བསྟན། མཉམ་མེད་སངས་རྒྱས་ཡེ་ཤེས་ཅེས་པས་ཡར་འབྲོག་སྟག་ལུང་ལ་མཁས་གྲུབ་ཆེན་པོ་དེ་ཁྲིད་གཉེར་མཛད་བཞིན་པ་ལས་ཞང་རིན་པོ་ཆེ་རེ་བདུན་བཞེས་ཚེ་གདན་སར་བསྐོས། ལོ་ཉེར་གཅིག་བཞུགས་སྟེ་སྐུ་འབུམ་ཆེན་མོ། གདུང་རྟེན་མཐོང་གྲོལ་ཆེན་མོ། ཁྱམས་སྨད། ལྕགས་རི་ནང་མ། རྒྱ་ཕིབས…

དགོན་པ་མང་དུ་བཏབ་ཅིང་དབོན་པོས་གདན་ས་བཟུང་ནས་མགོན་པོའི་གྲུབ་ཐོབ་ཏུ་གྱུར་ཏོ། །འདྲིར་པ་ཤཱཀྱ་འོད་ཀྱིས་བྱང་དུ་དགོན་པ་བཏབ་ཅིང་དར་རྒྱས་སུ་གྱུར་ཏོ། །ཡང་བྲག་ནག་པས་ཞང་གི་ལུང་བསྟན་ལྟར་ཡ་འབྲོག་དུ་བྲག་ནག་བཏབ་སྟེ་དེ་ལས་ལྷོ་བྲག་གི་བདེ་ཆེན་དང་ཞོང་ཁ་སོགས་མཆེད་ཅིང་འདི་ལས་མཁས་བཙུན་སེང་གེ་རྫོང་པ་མཁར་ཆུ་ནས་མཁའ་སྤྱོད་ལ་ད…