པོར་བསྐོས་པའི་ཉེ་གནས་ཆེན་མོ་ལ་རིམ་པར་འབྱགས་པ་ལས་ཚལ་དཔོན་སངས་རྒྱས་དངོས་གྲུབ་ཕྱིན་བློན་པོ་མགར་གྱི་རྒྱུད་ལ་འབྱགས་པའི་ཚལ་པའི་དཔོན་ཆེན་རྣམས་ཀྱིས་ལོ་བརྒྱ་དང་བཞི་བཅུར་ཉེ་བར་དབུས་གཙང་གི་བདག་པོ་དང་འདྲ་བའི་སྐུ་དབང་གིས་ཐམས་ཅད་ལ་ཕ་མ་ལྟར་བྱམས་པས་བསྐྱངས་ཤིང་དེ་སྲིད་བསྟན་པ་དངོས་གནས་ལ་དེ་ཕྱིན་གཟུགས་བརྙན་ལ་སྤྱོད་ཅིང…

རྒྱལ་འབར་ལ་ཆོས་གསན་ཞིང་དེ་གཙོ་བོའི་རྣམ་པར་སྣང་རུང་ས་བཅུ་པ་བར་འདུག་གསུང༌། སློབ་དཔོན་དགུའི་ཆོས་རྫོགས། སྤྱིར་ཁམས་སུ་བླ་མ་བཅུ་དྲུག་བཞུགས། སྤྱོད་འཇུག་སོགས་གཞན་ལ་ཡང་བཤད། ལོ་ཉེར་གཉིས་ལ་དབའས་ཆེན་པོ་དང་བསྡོངས་ནས་བོད་དུ་བྱོན། ཡོ་བྱད་ཐམས་ཅད་ཁོང་གིས་སྦྱར། སོག་དུ་དབུས་ཀྱི་ཕྱོགས་ནག་པོ་ར་རི་ཞིག་གིས་གང་འདུག་པ་མ…

མི་ཆེན་པོ་དེས་ཆོས་ཞུས། མཆོད་གནས་སུ་ཁུར་ཡང་རེ་ཞིག་བཀའ་རྒྱ་བཏབ་སྟེ་སློབ་མའི་ཚུལ་མཛད། དྭགས་པོ་སྙི་སྒོམ་དེ་གྲགས་པ་ཆེ་བར་འདུག་པས་ཞལ་ཞིག་ལྟ། ཆོས་མི་ཤེས་པ་ཞུ་རྒྱུ་མེད། དེ་ནས་ཁམས་ལ་འགྲོ་དགོངས་སྟེ་ཞང་དང་གཉིས་སྒམ་པོར་བྱོན། སྐུ་རིམ་དུ་མཆོད་རྟེན་ཞིག་རྩིག་འདུག་པའི་ལས་ཀ་རེམ་པའི་ཐོག་ཆོད། ཞག་བཞི་ན་མཇལ། ཇ་བཞུར་…

ཅིག་བསྟན་དུ་མེད་ཀྱང་ཁོ་བོ་རང་གི་ལུགས་བྱའོ་གསུངས་ནས་ལྷན་ཅིག་སྐྱེས་སྦྱོར་གནང༌། འདི་ལ་ཕྱིས་ཀྱང་ཁོ་བོའང་ཆོས་མིང་ཆེན་པོ་ཅིག་གིས་དེའུ་བསླུས། ཅེས་དང༌། བླ་མ་རིན་པོ་ཆེ་དང་མ་མཇལ་ན་ཁོ་བོའི་མི་ཚེ་འདི་དོན་མེད་དུ་དེའུ་སོང༌། ཞེས་དང༌། བླ་མ་རིན་པོ་ཆེ་དང་མ་མཇལ་གྱི་བར་དུ་སྟོང་ཉིད་སྒོམ་ཤེས་པ་སུ་ཡང་མ་བྱུང་ཞེས་གསུང་བ་…

གསུམ་བསྟེན་སྟེ་དོན་ལྔ་ཆུ་བྱ་ལ་ཆོས་རྗེ་མྱ་ངན་ལས་འདས། གཤེགས་ཀར་ང་དང་དགེ་བཤེས་ཁམས་པ་ལ་ཁྱད་རྟ་རྔ་ཙམ་ཡང་མེད་པས་ཐམས་ཅད་ཀྱིས་འདུད་གསུངས་ནས་ཆོས་ཞུས། དུས་ཀྱི་རྒྱལ་པོ་བྱ་ལོ་ཤར་བའི་ཚེ། །ཞེས་པའི་གདུང་དབྱངས་ཀྱང་མཛད། སའི་བཀྲག་ཉམས་སྡོད་མི་འདོད་པར་གྱུར་ཀྱང་འཇིག་རྟེན་པ་ཁྲེལ་ཡོད་ཀུན་ཡང༌། དབྱར་དགུན་རེ་མྱ་ངན་བྱེད་པ…

ཟེར་བས་ཡི་དམ་ཕག་མོ་བཞུགས་ཤིང་སེམས་ཅན་འཁོར་བའི་ཆུ་ལས་སྒྲོལ་བར་དགོངས་སྟེ་ལུང་བསྟན་གྱི་གནས་དེ་ཡིན་པར་མཁྱེན། འདིའི་ཕུར་བསྡད་ཆོག་གམ་དྲིས་པས་ཆོག་ཡོང་སྟེ་ཚ་རོང་བཙད་པོ་ལ་འདྲི་དགོས་ཟེར་བས་འདྲིར་བྱོན་པ་ན་ཁོ་རང་མིག་མང་རྩེ་ཞིང་འདུག །ཁྱེད་ཀྱི་ལུང་པ་ཡ་གིར་དགོན་པ་ཅིག་བཏབ་ཆོག་གམ་ལན་གཉིས་གསུངས་པས་ཐོབ་ཐོབ་ཟེར། ཡང་…

ཁམས་ཀྱི་དྲི་རྨེད་མཛད། ང་གང་དུ་བཞུགས་སར་ལུས་གནད་ཆོས་ལ་བཞུགས། ཤེས་པ་ལ་ཅི་བྱུང་ཡང་སུ་ལའང་མ་ཟློ་ཞིག་གསུངས༌། དེ་ལྟར་བྱས་པས་རྟོགས་པ་ཁྱད་པར་ཅན་འཁྲུངས༌། འོ་བཀའ་རྒྱུད་ཀྱི་བྱིན་རླབས་ཞུགས། འཁོར་འདས་ཀྱི་འབྲེལ་ཐག་ཆོད། ཁྱོད་ཀྱིས་དབུ་མའི་དོན་ཡང་གཟོད་གོ་བ་ཡིན། བདག་པོས་མ་ཚོར་བར་སྒོམ་འདེབས་པ་གཞན་གྱིས་མི་ཤེས་གསུངས…

གྱིས་ཅེས་གསུངས་པས་དགེ་བཤེས་རླངས་སོགས་རྒན་པ་རྣམས་ཀྱིས་འགྲོ་དོན་མཛད་པར་ཞུས། མི་ཉག་སྒོམ་རིང་སོགས་རྣམས་ཀྱིས་སྒྲུབ་པ་མཛད་པར་ཞུས། དེར་སྒྲུབ་པ་མཛད་པ་ན་དགེ་བཤེས་ཞང་བྱོན་སྟེ་ཞུ་ཕོད་མཛད་པས་ཚོགས་པ་བསྐྱངས། ཅི་དགོས་ཀྱང་རྟེན་འབྲེལ་འབའ་ཞིག་གིས་མཛད། སྐུ་འདའ་བའི་ལོ་ལ་ཚོགས་པ་བརྒྱད་བརྒྱ་ཙམ་འདུས་ཤིང་ཐམས་ཅད་ཡོན་ཏན་ཡ…

དང༌། རྒྱ་གར་གྱི་མུན་པ་མི་བཟད་པའི་དུར་ཁྲོད་དུ་རྣལ་འབྱོར་པ་གཏི་མུག་རྡོ་རྗེ་མཆོག་སྒྲུབ་པའི་ཚོགས་གྲལ་དུ་བྱོན་པ་དང༌། རྒྱ་གར་ལྷོ་ཕྱོགས་སུ་མུ་སྟེགས་ཀྱི་རྒྱལ་པོ་ཤྲཱི་ནག་པོ་བཏུལ་པ་དང༌། ཛམྦུའི་གླིང་གི་ཤར་ལྷོ་གླིང་ཕྲན་ཞིག་དུ་དགེ་སློང་བློ་གྲོས་རྒྱལ་པོར་བསྟན་པ་དང༌། གླིང་དེ་ཉིད་ཀྱི་ནུབ་ཕྱོགས་སུ་སྔོན་སྐྱེ་བ་དུ…

སྐྱབས། གྲུ་གུ་བློ་གྲོས་སེང་གེ་རྒྱན་ཐང་པ་སྟེ་ཡི་གེ་མའི་བུ་བཞི། བླ་མ་སྨར་པ། ཡལ་ཕུག་པ། དགྱེར་སྒོམ་པ། སེང་གེ་དཔལ་སྟེ་ཉེ་བའི་སྲས་བཞི་ཞེས་སྔ་རབས་རྣམས་འདྲེན་ལ། པར་ཕུ་བ་ནི་སྔོན་རྟེན་འབྲེལ་གྱིས་རྟོགས་པ་སྐྱེད་ཅིང་སྟོད་ལུང་ཕུར་པར་དགོན་པ་མཛད་ནས་དོ་ཧའི་འཕྲིན་ལས་ཤིན་དུ་ཆེ། མཆན་བུ་རྒྱ་རས་ནི་མགོན་པོའི་གྲུབ་པ་ཐོབ…

པ་མཛད་དེ་མི་རབས་འགའ་ཡར་དུ་སྒྲུབ་རྒྱུད་བཟང་དུ་བྱུང་བ་ལ་སོགས་པ་ནི་ཆེས་མང་ངོ༌། །གདུང་གི་ཐུགས་མེས་མ་གནོད་པ་གདུང་རྟེན་བཀྲ་ཤིས་འོད་འབར་དུ་བཞུགས་ཤིང༌། འཇག་ལྕིལ་དུ་སྐུ་གདུང་གི་ཞབས་རྗེས་དུས་བཟང་ལ་འཁོར་བ་ལ་ལས་མཐོང་ལ་ལས་མི་མཐོང་བ་ཞིག་བྱུང༌། གདུང་ཐལ་དང་དྲི་འདམ་ལ་སྐུ་འདྲ་རིན་པོ་ཆེ་བཞེངས་པ་ལ་ཚོན་གང་ཡང་མ་བཞེས་པས…

རྒྱལ་སྐྱུ་རའི་གདུང་འཛིན་པར་མཛད་ཏོ། །དེ་ཡང་སྔོན་རྒྱལ་པོ་གླང་དར་གྱི་དུས་ཙམ་ན་སྐྱུ་རའི་སྔགས་འཆང་ཆེན་པོ་ཅིག་ལ་ཡེ་ཤེས་ཀྱི་མཁའ་འགྲོའི་གཙོ་མོ་སྣ་ནམ་བཟའ་ཆོས་ཀྱི་དབང་ཕྱུག་བླངས་པ་ལ་ང་ལ་སངས་རྒྱས་ཀྱི་བསྟན་པ་འཛིན་པའི་བུ་བཞི་འོང་ཟེར་ཞིང་ཤ་གཟུག་གཅིག་དྲངས་པས་ཕག་ནས་གྲི་གྲུག་དང་ཐོད་པ་ཕྱུང་སྟེ་ཤའི་གསུམ་ཆ་གཅིག་ཐོད་པར་ག…

གྲུ་པའི་སྙན་པས་ཐུགས་ཕྲོགས་སྟེ་དམ་ཅན་རྡོར་ལེགས་ཀྱིས་འཕྲིན་ལས་བསྒྲུབས་སྟེ་བྱོན། ཆས་པའི་ཉིན་ཁམས་ནས་དབུས་ཀྱི་བར་འཇའ་ས་འབྲེལ། བླ་མ་དེའི་དྲུང་ན་གདུགས་ཐོགས་པ་ལྔ་བརྒྱ་ཡོད་ཀྱང་ཐུགས་ཀྱི་སྲས་ང་རང་ཡིན་སྙམ་དུ་ངམ་ངམ་པ་བྱུང༌། མནལ་ལམ་དུ་རྗེ་ཕག་མོ་གྲུ་པ་སྤྱན་རས་གཟིགས་སུ་མཇལ། སྦལ་ལོ་ཙཱ་བ་ལ་དབས་རྡོ་རྗེ་རྒྱལ་པོ་སྐུ…

སྒོམ་ཆེན་ཙམ་ལ་བཟང་བ་ཞིག་འོང༌། དེ་ལ་ཁོ་བོ་དགའ་བ་ལགས་མོད་གསུངས། དག་སྣང་ལ་ལྟེམ་རྐྱང་བྱུང་བས་སེར་ཕྱག་གི་ཞེ་དམ་མཛད་པས་སོར་ཆུད། མོས་གུས་ལ་ལྟེམ་རྐྱང་བྱུང་བ་ཞུས་པས་དེ་ཕྱིན་ཆད་ལྟེམ་རྐྱང་མ་བྱུང༌། སངས་མ་རྒྱས་ཀྱི་བར་དུ་ཆོས་ལྔ་པོ་འདི་དང་མ་བྲལ་བར་གྱིས། རྟོགས་པ་འདིས་ཆོག་སྙམ་ན་ད་དུང་མང་དུ་གོར་ཡོད་པ་ཡིན་གསུངས། …

ཆུང་ངུ་བཅས་རང་ངོ་བོ་གཅིག་པ་དང་བཀག་པ་ཡེ་བཀག་གནང་བ་ཡེ་གནང་དང་ཆོས་ཀྱི་རྒྱལ་པོས་འགྲོ་བ་སྤྱི་ལ་བཅས་པ་དང་ཉམས་པ་ལས་མ་བླངས་པ་ཉེས་པ་ལྕི་བ་སོགས་ཀྱི་གནད་དགོངས་པས་རབ་ཏུ་མི་འབྱུང་ཀ་མེད་དུ་འདུག་པར་མཁྱེན་ནས་དགུང་ལོ་སོ་ལྔ་པ་མེ་མོ་བྱ་ལོ་ལ་ཞང་གིས་མཁན་པོ་དང༌། རྩི་ལུང་པས་སློབ་དཔོན། སྨྱལ་བ་འདུལ་འཛིན་གྱིས་གསངས་སྟོན་མཛད་…

ཚོ་ལ་གདན་ས་འཕྲོད་ཡོད་ཏོ་གསུངས་ནས་བྱོན། འབྲི་ཁུང་གི་གཞི་བདག་བར་ལྷས་བོན་པོའི་གཟུགས་ཀྱིས་བསུས། ཤ་བ་དང་བྱ་རྒོད་ལ་སྒོམ་བཏབ། ལམ་དུ་གསང་ཕུར་རྩེགས་དབང་ཕྱུག་སེང་གེ་དང་གཙང་པ་འཇམ་དཔལ་སེང་གེ་སོགས་ལ་གདམས་པ་གསུངས། མི་དང་མི་མ་ཡིན་ཐམས་ཅད་ཀྱིས་བསུས་ནས་དགུང་ལོ་སོ་བརྒྱད་པ་ལྕགས་ཕོ་བྱི་བ་ལ་འབྲི་གུང་དུ་བྱོན། སྐལ་ལྡན་…

ལོ་ཏོག་གི་ལྷ་མོས་འབྲུས་གང་བའི་བྲེ་བོ་འབུལ་དུ་བྱུང་བ་སོགས་བྱུང་སྟེ་ནས་ཆེས་མོད་པས་སྐྱི་ཤོད་པ་རྣམས་འབྲི་ཁུང་ནས་ནས་སྒྲུབ་པ་བྱུང༌། གཉོས་ཀྱི་བུར་སྟོན་ལ་ལྔ་ཁྲི་ལྔ་སྟོང་ལྔ་བརྒྱ་ཚོགས་པ་དང༌། དགེ་སློང་འབུམ་ཕྲག་ལྷག་པས་ཚུལ་ཤིང་ལེན་པ་བྱུང༌། བླ་ཡེལ་རྩིག་པའི་ཚེ་ལས་ཆེས་ཐུན་ཆེས་སོ་ཞེས་ནགས་ཤོད་མཁན་པོས་འབར་བས་རྩིག་པ…

གཉོས་འགར་ཆོས་གསུམ་སོགས་རྣལ་འབྱོར་གྱི་དབང་ཕྱུག་བགྲང་ལས་འདས་པ། དཔལ་ཆེན་ཐག་མ་པ་སོགས་དཔལ་ཆེན་བཅུ་གཉིས། མདོར་ན་སློབ་མ་དང་ཡང་སློབ་ཀྱིས་ཨོ་ཌྱན་ནས་ཁ་ཆེ་རྒྱ་གར་སོགས་འཛམ་གླིང་ཐམས་ཅད་ཀྱི་གནས་ཆེན་མིང་ཆེ་ཆུང་གྲགས་མ་གྲགས་བས་མཐའ་རི་ཁྲོད་ཐམས་ཅད་དུ་མང་བ་ཁྲི་ཕྲག་ནས་ཉུང་བ་གཅིག་གཉིས་ཀྱི་བར་མ་ཁྱབ་པ་མེད་ལ་དེ་ཐམས་ཅད་ཚེ་…

ཙམ་གྱིས་བྱིན་རླབས་ཞུགས། ཚིག་རེ་རེ་གསུངས་པས་སྒྲོ་འདོགས་ཐམས་ཅད་ཆོད། སྒོམ་མེད་ཀྱི་རྟོགས་པ་འཁྲུངས་སྟེ་རྗེའི་དགོངས་པ་རྩལ་དུ་བཏོན་པ་ཐེག་ཆེན་བསྟན་པའི་སྙིང་པོ་རྩ་འགྲེལ་མཛད། སྤྱན་སྔ་འབྲི་ཁུང་གླིང་པ་ནི་འདན་གྱི་ཡུལ་དུ་སྐྱུ་ར་ལྷ་སྒྲའི་རྒྱུད་ཡབ་སྟོན་པ་སངས་རྒྱས་དཔལ་དང་ཡུམ་རིན་ཆེན་སྒྲོལ་མ་ལ་སྲས་དྲུག་གི་དང་པོར་འཁ…

གཡོག་སོགས་སྤྱན་སྔའི་བྱ་བ་ཀུན་གུས་པར་མཛད་ཐུགས་ལ་བཏགས་སྟེ་ནོར་དང་མགྲོན་མ་གཏད། མཇལ་སྣ་དང་ཞུ་སྣ་མ་བཅོལ་ཁྱད་པར་བཀའ་བཀྱོན་གྱི་བཀའ་བབ་སྟེ་སུ་ལ་ཐུགས་མ་མཉེས་ཀྱང་ཉིད་ལ་བཀའ་བཀྱོན། དེ་ཙམ་གྱིས་དད་པ་ལྷག་པར་འཕེལ། བདག་ནི་འདི་རང་ངོ་མཚར་ཆེ་སྙམ། འབྲི་ཁུང་གི་རི་བྱ་རྒོད་ཕུང་པོའི་རི་མདོའི་གླིང་གཞིར་བཤད་པ་ལྟ་བུ་དང༌། ག…