པར་དམིགས་ལ། ཡི་དམ་གདན་བཞི། ཀྱི་རྡོར། ཕྱག་རྡོར། རྟ་མགྲིན་རྣམས་གང་རུང་བསྒོམ་པ་ཡིན་ན་འབྲེལ་ཆེ་བས་ལེགས་ལ། ཡང་ན་ཡི་དམ་གང་རུང་གི་བདག་བསྐྱེད་སྔོན་དུ་སོང་ན་དེས་ཆོག །ལྷ་མོའི་མངོན་རྟོགས་ནས་བསྟོད་པ་ཡན་གཏོར་ཆོག་ལྟར་རྒྱས་བསྡུས་སྐབས་དང་བསྟུན། བསྙེན་པ་བརྒྱ་རྩ་ལས་མི་ཉུང་བར་བྱ། གྲྭ་པ་མང་ན་སྔགས་འུར་འདོན་སྟོང་ཕྲག་ཙམ་བ…

པར་བསྐུར་བ་ཡིན་པས། དེ་ལ་ཐོག་མར་ལོ་རྒྱུས་ཟུར་ཙམ་ཞིག་ཞུ་ན། ལྷ་མོ་འདིའི་ངོ་བོ་ནི་མེ་ལྕེ་འབར་བའི་རྒྱུད་ལས། དབྱིངས་ཀྱི་དབྱིངས་སུ་དབྱེར་མེད་པའི་སྟོང་ཉིད་ཆོས་སྐུ་རྣམ་དག་ཡེ་ཤེས་ལྔ། སྤྲུལ་པའི་མཚན་མ་སྟོང་། ཞེས་དང་། རྒྱུད་ལས་བསྐལ་པ་དུ་མའི་སྔོན་རོལ་ནས། དུས་གསུམ་སངས་རྒྱས་ཞལ་མཐོང་ཞིང་། །བླ་མེད་བྱང་ཆུབ་གོ་འཕང་ཐོབ།…

དང་། དབང་ཕྱུག་གི་ཡུམ་འདོད་ཁམས་དབང་ཕྱུག་མ་དང་། བརྒྱ་བྱིན་གྱི་ཡུམ་ལྷ་མོ་དབང་ཕྱུག་མ་དང་། ལྷ་མིན་གྱི་ཡུམ་ལྷ་མོ་མེ་འབར་མཚོ་སྐེམ་མ་དང་།། གཤིན་རྗེའི་གོ་རི་ལ་སོགས་པ་དགྱེས་རྡོར་གྱི་ཕྱོགས་བཞིའི་ལྷ་མོ་བཞི་རྣམས་ངོ་བོ་གཅིག་ཡིན་ཀྱང་། སྤྲུལ་པ་དང་སྐུའི་བཀོད་པ་སོ་སོ་ཡིན་པར་བཤད། སློབ་དཔོན་པདྨས། ཕྱི་ལྟར་ཨེ་ཀ་ཙ་ཏི། ནང་…

མ། ནང་སྒྲུབ་རྡོ་རྗེ་ཕག་མོ། གསང་སྒྲུབ་ལྷ་མོ་འདི་ཉིད་ཡིན་པར་གསུངས། རྒྱ་བོད་མཁས་གྲུབ་ཕལ་ཆེར་ནས་གསེར་འོད་དམ་པ་ནས་གསུངས་པའི་དབྱངས་ཅན་མ་དང་། །ལྷ་མོ་དཔལ་དང་དོན་གཅིག་ཏུ་བཞེད་དེ། དེ་ཐམས་ཅད་ཅི་ལྟར་ཞིག་སྙམ་ན། གསང་སྔགས་སྔ་འགྱུར་ལྷ་མོའི་རྒྱུད་ལས། མི་མངོན་ནམ་མཁའི་དབྱིངས་ཤེད་ནས། །དཔལ་ལྡན་ལྷ་མོ་རེ་མ་ཏི། །སྐུ་ལུས་གཅ…

ལས། ལོངས་སྐུ་འཇའ་ཚོན་ལྟ་བུར་རྡོ་རྗེ་རོ་ལངས་མ་དང་། བདག་མེད་མ་དང་། རྡོ་རྗེ་ཕག་མོ་དང་། པདྨ་གཟི་ལྡན་མ་དང་། ཀྲོ་ཏི་ཤྭ་རི་མ་ལ་སོགས་སུ་སྣང་བས། ཡི་དམ་ཐམས་ཅད་ཀྱི་ཡུམ་དུ་གྱུར་པ་ལས། བསྐལ་པ་སྔོན་གྱི་དུས་ཞིག་ལ། །སྤྲུལ་པས་འགྲོ་བ་འདུལ་ཕྱིར། བྱང་ཆུབ་སེམས་དཔའ་ས་བརྒྱད་ལ་གནས་པ་སྨོན་ལམ་ཏིང་ངེ་འཛིན་མི་གཡོ་བ་བྱ་བ་གཅིག་ཏུ…

ལྷ་མོ་དཔོན་གཡོག་གཉིས་སུ་བསྒྱུར་ཏེ། དྲེལ་དང་བོང་བུ་ཆིབས་ནས་འཇིག་རྟེན་ཁམས་སུ་རྒྱུག་གོ །དེར་ལྷ་ལ་སོགས་པའི་འཁོར་ལ་ལ་སྐྲག་ཤིང་དངང་ལ་ལས་འཕྱ་ཞིང་བགད། པ་ན། འཕགས་པ་སྤྱན་རས་གཟིགས་ཀྱི་ཞལ་ནས། འདི་ནི་བྱང་ཆུབ་སེམས་དཔའི་སྨོན་ལམ་ཡིན། མ་གཤེ་སྐྱབས་དང་གླིང་དུ་ཤེས་པར་གྱིས་ལ་མ་སྐྲག་པར་མཆོད་ཅིག་གསུངས་པས་ལྷ་སྲིན་སྡེ་བརྒྱད…

རྒྱས་གསེར་ཐུབ་ཀྱི་བསྟན་པ་ལ། ལྷ་མོ་འོད་ཟེར་ཅན་དུ་གྱུར་ནས་བཅོམ་ལྡན་འདས་དེའི་དྲུང་དུ་ལམ་ལ་བསླབ་བོ། །དེ་བཞིན་དུ་འོད་སྲུང་གི་བསྟན་པ་ལ། ནམ་མཁའི་དཔལ་མོ་བྱ་བར་གྱུར། མར་མེ་མཛད་ཀྱི་བསྟན་པ་ལ་ལྷ་མོ་མཉྫ་ཞེས་བྱ་བར་གྱུར་ནས། དེའི་དུས་ཤཱཀྱ་ཐུབ་པ་དགེ་སློང་དབང་ཕྱུག་དཔའ་བོ་ཞེས་བྱ་བར་གྱུར་པ་བླ་མར་བསྟེན་ཏེ་ས་བརྒྱད་ཐོབ་ཚུ…

ཤར་ཤིང་དྲུང་ནས་རིན་པོ་ཆེ་གཞལ་ཡས་ཁང་ནས་རྒྱན་ཐམས་ཅད་ཀྱིས་བརྒྱན་ནས་བཞུགས་ཤིང་ལྷ་རྣམས་ཀྱིས་མཆོད་དོ། །དེའི་ཚེ་སྲིན་པོའི་ཡུལ་དུ་ལྷས་སྐྱོན་ཕབ་ནས། སྲིན་པོ་དྷ་ཤ་གྷི་ཝ་དང་རྣ་ལ་རྩེ་གཉིས་མ་གཏོགས་ཕལ་ཆེར་ཤི་ནས། དེར་ཟླ་ཤེས་ལྷ་དང་མི་འདུལ་བའི་ཕྱིར་སྲིང་མོ་མ་ཧཱ་དྷེ་ཝར་ཕུལ་བས། རེ་མ་ཏི་འཁྲུངས་པ་དང་། ཕྱག་ན་རྡོ་རྗེ་དང་ལྷ…

ནས། རླུང་ལྷར་བོས་རླུང་ནག་གི་དཔོན་གཡོག་གཉིས་རྒྱ་མཚོར་བསྐུར་བས་ལྷ་མོ་ནི་རྒྱ་མཚོའི་འགྲམ་གྱི་དུར་ཁྲོད་དུ་གཤིན་རྗེ་ལྷག་པའི་མཐུ་ཆེན་གྱི་བུ་མོར་སྐྱེས། གཡོག་མོ་ཀླུ་མོ་ཆུ་སྲིན་གདོང་དུ་སྐྱེས་པ་ནི་ཀླུ་མོ་རེ་མ་ཏི་གྲགས། དེ་ཡང་མྱུར་བར་ཚེ་འཕོས་ནས་བདུད་རེ་ཏི་མགོ་ཉག་དང་བདུད་མོ་དྲན་པ་དབང་མེད་མ་གཉིས་ཀྱི་བུ་མོར་སྐྱེས་པ…

བ་རྣམ་བཞིའི་སེམས་ཅན་རྣམས་ཟད་ལ་ཁད་དུ་ཟོས་སོ། །འཇིག་རྟེན་གྱི་མ་མོ་མཁའ་འགྲོ་ཐམས་ཅད་བྲན་དུ་གྱུར་ཏོ། །རཱ་ཧུ་ལ་དང་སྲིན་པོ་སྒྲ་ལྡན་དང་། གཤིན་རྗེ་མེ་རུ་རྩེ་དང་བདུད་འཆར་ཁ་ནག་པོ་དང་། ཀླུ་ཀུན་ལི་དང་ལྔ་དཔོན་མོ་ཡིས་དང་། འབྱུང་པོ་དགེ་བ། བགེགས་བི་ན་ཡ་ཀ །གནོད་སྦྱིན་ཡག་ཤ་ཀ་ལ། རླུང་ལྷ་བ་ཡ་བེའི་གདོང་ནི་གཡོག་མོའི་མཛའ་ག…

བསྐུར། ཕྱག་ན་རྡོ་རྗེའི་གསང་བའི་དབང་ཆེན་དཔག་ཏུ་མེད་པ་བསྐུར་བས་ས་རྣམ་པ་དྲུག་ཏུ་གཡོས་སོ། །མཐུ་རྩལ་བསམ་མི་ཁྱབ་པར་གྱུར་པས། འཁོར་ལོས་སྒྱུར་རྒྱལ་ལྷ་སྲིན་སྡེ་བརྒྱད་ཐམས་ཅད་ཀྱིས་རང་རང་གི་བསྟན་པ་ཕྱག་རྒྱ་རེ་ཕུལ་ཞིང་བསྟོད་དོ། །སྲིད་པ་གསུམ་ན་འགྲན་ཟླ་དང་བྲལ་བར་གྱུར་ཅིག །དེ་ལྟར་མ་རུངས་པའི་ཚུལ་སྟོན་པ་ཡང་འདུལ་དཀའ་བའི…

སྒྲིབ་པ་རབ་ཏུ་སྤང་། །དེ་ལྟར་ཤེས་བྱའི་སྒྲིབ་པ་སྦྱངས། །དེ་ཡི་ཁོལ་མོ་རེ་མ་ཏི། །སྨོན་ལམ་དག་པའི་འགྲོ་དོན་བྱེད། །བསྒོམ་པའི་དོན་ལ་རབ་གནས་ནས། །དེ་ལྟར་ཉོན་མོངས་སྒྲིབ་པ་སྦྱངས། །འདི་ལ་དུས་ནི་ཕྱི་མི་དུས་ཀྱི་ཚེ། །མཁའ་འགྲོ་ལྷ་མོ་ནག་མོ་འདི། །བྱང་ཤར་མཚམས་ཀྱི་འཇིག་རྟེན་ཁམས། །པདྨ་རྣམ་པར་རོལ་པ་འདིར། །དག་རྫོགས་པའི་སངས་…

མཛད། ལྷ་མོ་ཉིད་ཀྱིས་གསང་སྒྲུབ་འདི་ཡང་དངོས་སུ་གནང་། ཁོང་གྲུབ་པ་ཐོབ་ཅིང་ཉི་མ་སྟོད་ལ་མནན། ཆུ་བོ་གངྒ་གྱེན་ལ་ཟློག་པ་སོགས་མཛད་པས། །གྲུབ་ཆེན་བིར་ཝ་པར་མཚན་ཐོགས། མུ་སྟེགས་པ་མང་པོ་ནང་པ་ལ་བསྒྱུར་ནས་གཅིག་གྲུབ་པ་ཐོབ་པ་ནག་པོ་པ་ཞེས་གྲགས་པ་དེ་ལ་གནང་། དེ་ལྟར་དཔོན་སློབ་གཉིས་ཀར་ཏེ་ལོ་པས་ཞུས་སོ། །ཡང་ལྷ་མོ་འདི་ཉིད་ཀྱི་མ…

སྲོག་གི་སྒྲུབ་པ་སྤུ་གྲི་ཀ་མ་ལྟ་བུ། མེ་བས་ཚ་བ། གློག་བས་མྱུར་བ། རླུང་བས་མགྱོགས་པ་འདི་ཁྱོད་ཀྱི་ལྔ་བརྒྱའི་དུས་སུ་སྒྲུབ་པ་བྱེད་པའི་གང་ཟག་གིས་ཆོས་སྐྱོང་བའི་སྲུང་མ་དམ་པ་མཛོད་ཅིག་གསུངས་ནས་གནང་ངོ། །བལ་པོ་སྤྱི་ཐིལ་བ་ལ་ཡང་མར་པས་དབང་ལུང་མན་ངག་དང་བཅས་པ་ཞུས་སོ། །རྒྱ་གར་ནས་ཆོས་སྐྱོང་བརྒྱ་རྩ་བརྒྱད་གདན་དྲངས་ན་ཡང་འདི…

ལན་གསུམ་ཞུས་པས་ཅི་ཡང་མ་གསུངས། འབྱོན་རིན་པ་དང་ཐང་ཀོང་ནས་ཐང་ཀ་དང་། དཔེ་བརྩེགས་ནས་དཔེ་ཆ་གང་ཟིན་ཁྱེར་ཤོག་དང་གསུངས་ཕྱག་ཏུ་བཏང་བས་ཐང་ཀ་དང་དཔེ་ཆ་གཉིས་ཀ་ལྷ་མོ་འདི་ལ་བབས་པས། ཁྱོད་ཀྱི་སྐྱེ་བ་སྔོན་གྱི་ལས་ལྷར་འདུག་གསུངས་ནས། དུས་གསུམ་དུ་གཏོར་མ་མ་ཆག་པར་བྱིན་དང་མིས་མ་ནུས་ཀྱང་ཡེ་ཤེས་པ་འདི་རང་རྒྱུག་འགྲོ་བར་འདུག་གསུང…

ནི། མེ་ལྕེ་འབར་མའི་རྒྱུད་ལས། འདིའི་འདོན་སྒོམ་རྩེ་གཅིག་ཡིད་ཀྱིས་བཟླས་ན། །འདིས་ནི་མི་ནུབ་པའི་རྒྱལ་མཚན་དམ་པ་ཐོབ། །འདིས་ནི་ཆོས་ཀྱི་དབང་ཕྱུག་གོ་འཕང་ཐོབ་། །འདིས་ནི་ཡིད་བཞིན་རིན་ཆེན་འབར་བ་ཐོབ། །འདིས་ནི་ཅི་འདོད་ཐོགས་མེད་དངོས་གྲུབ་ཐོབ། །ཅེས་དང་། ལྷ་མོའི་བསྟོད་པའི་རྒྱུད་ཆེན་པོ་ལས། བཅོམ་ལྡན་འདས་ཕྱག་ན་རྡོ་རྗེའི…

གཟུངས་མི་འདྲ་བ་གསུམ་ཙམ་ཞིག་དོན་མཐུན་པར་ལྷ་མོའི་སྙིང་པོ་བཟླས་པས་ནད་རིམས་དང་ཡམས་དང་གདོན་དང་འབྱུང་པོའི་གནོད་པ་ཐམས་ཅད་ལས་སྐྱོབ་ཅིང་། དཔག་ཚད་གཅིག་ཚུན་ཆད་དུ་བསྲུང་བར་གསུངས་ཤིང་། མི་ནད་གང་ཡིན་ཁྱོད་མིང་ཤེས། །དེ་ལ་འཇིགས་པ་མེད་པར་འགྱུར། །ཞེས་དང་། བཞི་བརྒྱ་རྩ་བཞིའི་ནད་རྣམས་རྩད་གཅོད་མ། །བདུད་རྩི་སྨན་གྱི་རྒྱལ་མོ…

གཉེན་གྲགས་པའི་དབང་ཞུ་བའི་ཕྱིར་དུ་མཎྜལ་ཕུལ། ཞེས་སོ། །ད་ནི་བླ་མ་ཀྱེའི་རྡོ་རྗེ་དང་རྣལ་འབྱོར་ནམ་མཁའི་ངོ་བོ་ལ། རྣམ་པ་བཅོམ་ལྡན་འདས་ཕྱག་ན་རྡོ་རྗེ་གསལ་བ་ལ་གསོལ་བ་འདེབས་པ་འདིའི་རྗེས་ཟློས་མཛོད། སྲིད་པའི་འཆིང་བ་ཀུན་གཅོད་ནས། །བླ་མེད་གོ་འཕང་མཆོག་ཐོབ་པའི། །བླ་མ་ཧེ་རུ་ཀ་དཔལ་ཆེ། །ཆེ་བའི་ཆེ་མཆོག་དགོངས་སུ་གསོལ། །ཐོག་…

ཁང་པ་ཡངས་ཤིང་རྒྱ་ཆེ་བ་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ། དཔལ་ལྡན་ལྷ་མོ་སྐུ་མདོག་ཆར་སྤྲིན་དང་བོང་བ་ལྟར་ནག་པ། ཞལ་གཅིག་སྤྱན་གསུམ་དབུ་སྐྲ་གྱེན་དུ་བརྗེ་ས་པ། མཆེ་བ་བཞི་གཙིགས་ཤིང་མི་རོ་རིངས་པར་ཁར་བཅུག་པ། སྙན་གཡས་སྦྲུལ་དང་གཡོན་སེང་གེའི་བརྒྱན་པ། ཕྱག་གཡས་གཉིས་ན་རལ་གྲི་དང་བྷནྡྷ། གཡོན་གཉིས་ཤཀི་དང་རྩེ་གསུ…

ལ་རྡོ་རྗེ་འཆང་ལ་བཀའ་བརྒྱུད་ཀྱི་བླ་མ་རྣམས་དང་། བར་གྱི་ཆ་ལ་དགྱེས་པ་རྡོ་རྗེ་རྡོ་རྗེ་གདན་བཞི་ལ་སོགས་པ་ཡི་དམ་ལྷ་ཚོགས་སངས་རྒྱས་བྱང་སེམས་དཔའ་བོ་མཁའ་འགྲོ་ལྷ་ཚོགས་འཁོར་བཅས་ཀྱི་མཐའ་བསྐོར་དུ་ཆོས་སྐྱོང་སྲུང་མའི་ཚོགས་སྤྲིན་ལྟར་འཁྲིགས་པ་རྩེ་གཅིག་ཏུ་དམིགས་ཤིག །ཡེ་ཤེས་ཀྱི་ལྷ་མོ་སྤྱན་དྲངས་ནས་མདུན་བསྐྱེད་ལ་སིབ་སིབ་ཐི…