པ་ནི། གཏོར་ཆེན་ཁ་ཕར་བསྒྱུར་ཞིང་འཁོར་ལོ་གཉིས་ཀྱང་རྒྱབ་མདུན་ཕྱི་ནང་མི་འཛོལ་བ་བྱེད། སྟན་ཁ་སྦུབ། གོས་མགོ་མཇུག་ལྡོག །མན་ངག་བཞིན་སྣ་ཞུར་འཐེན། བྱ་རོག་གི་ཞྭ་རྒྱུན་དུ་གྱོན་པ་འམ་མ་བདེ་ན་ཅུང་ཟད་རེ་ཐུན་འགོར་གྱོན། ལས་བྱང་གཞུང་བསྲང་བ་ལྷ་བསྐྱེད་པའི་བར་བཏང་ནས་བདག་མདུན་གཉིས་ཀ་ལྷན་ཅིག་ཏུ་བསྐྱེད་པའི་ཞར་ལ་ཏིང་ངེ་འཛིན་ཅ…

འཚུབ། །དྲག་རྩལ་ནུས་ལྡན་འཇིགས་པའི་ཟོར། །ཐོགས་རྡུགས་འགྱིངས་བཟློག་མ་མཆིས་ཤིང་། །གང་ལ་བརྒྱབ་པའི་དགྲ་བགེགས་རྣམས། །ཐལ་བའི་རྡུལ་དུ་བརླག་ནུས་བསམ། །ཟོར་རྫས་མི་དམིགས་སྟོང་པའི་ངང་། །དབུས་ཀྱི་རི་རྒྱལ་ལྷུན་པོ་ལྟར། །ཆེ་བརྗིད་ནང་གི་ཟོར་ཐུན་རྣམས། །རང་རང་སྲོག་གི་ཡི་གེ་ལས། །སྐད་ཅིག་རྫུས་སྐྱེས་དྲེགས་པའི་ཚོགས། །བཀའ་ཉན་…

སེ་ཆེམས། །གདུག་རྩུབ་ཐོག་སེར་ཤར་ར་ར། །སྣ་ཚོགས་རུ་མཚོན་སྦུར་རུ་རུ། །མདའ་མདུང་མཚོན་རྣོན་ཡེར་རེ་རེ། །ཞུབ་ཆེན་བཞོན་པ་ཉེར་རེ་རེ། །མུན་ནག་འཚུབ་སྐོར་ཁྱིལ་ལི་ལི། །སྡེ་བརྒྱད་དྲག་པོའི་དམག་དཔུང་རྣམས། །གོ་ཆ་སྲ་ལ་མཚོན་ཆ་རྣོ། །རྣོ་མྱུར་དྲག་རྩལ་ལྡན་པ་ནི། །སྟོང་ཁམས་གང་བའི་དཔུང་དུ་གྱུར། །སྤྱན་འདྲེན་ནས་འཛབ་ལ་ཐུག་གི་བར…

པའི་ནུས་སྟོབས་རྡུལ་དུ་བརླག །རྦད་འདྲེ་སྡེ་བརྒྱད་འབྱུང་པོ་མ་ལུས་པ། །རྦོད་གཏོང་མཁན་སོགས་དགྲ་བོ་ཁོ་རང་གི །གཤེད་དུ་བབས་ནས་ཤ་ཟོས་ཁྲག་འཐུང་ཞིང་། །རུས་མུར་པགས་བཤུས་རློན་པ་གོས་གྱོན་ནས། །མིང་དང་བརྡ་དང་ཐ་སྙད་ཙམ་དུ་ཡང་། །ལུས་པ་མེད་པར་རྡུལ་དུ་བརླག་པར་བསམ། །ཨཱོཾ་ལོག་ཏྲི་པཱ་ལ་ནན་བྷྱོ་བཟློག །ས་ག་པ་ཤ་ནན་བྷྱོ་བཟློག །…

བརྡབ་བྱ། ཐུན་མཐར་གཏོར་ཆེན་ཁ་གསོ། ཐུན་གཏོར་ཤ་ཁྲག་མཚེ་ཡུངས་རྩང་གིས་བརྒྱན་པ་གཏོར་མའི་སྟོད་ཁྲོ་བོ་ལ་སྨད་ཆད་དགྲ་བགེགས་སུ་གསལ་བ་ལ་རཀྟ་སྦྲན། དགུག་གཞུག་ལན་གསུམ་བྱེད་ཅིང་སྨན་རཀ་སྦྲན་ཏེ་བྱིན་རླབས་ནས་བཟུང་འབུལ་ཚིག་བ་ལིཾ་ཤ་ཁྲག་གཏོར་མ་འདི་བཞེས་ལ་ཡན་སྲུང་བ་ལྟར། ཆགས་ཆེ་ཉམ་ང་བཟློག་པའི་ལས་མཛོད་ཅིག །སྡེ་བརྒྱད་འབྱུང་པ…

མ་སོགས་བྱ། ཐལ་བརྡབ་དང་བདེན་ཚིག་བརྗོད། དབྱངས་གསལ་དང་ཡིག་བརྒྱ་བཟློས་ཏེ་ངག་འགྲོལ་ལོ། །བསྐུལ་བ་ནི། ཧཱུཾ། མཆོག་གསུམ་ཀུན་འདུས་རྩ་བརྒྱུད་བླ་མ་དང་། །ཡི་དམ་ཞི་ཁྲོ་དམ་ཅན་སྲུང་མའི་ཚོགས། །དྲང་སྲོང་དྲི་མེད་སྤྲུལ་འཁོར་བཀའ་སྡོད་བཅས། །ཐུགས་དམ་གནད་ལས་བསྐུལ་ལོ་ས་མ་ཡ། །བྷྱོ། དྲེགས་འདུལ་ཁྲོ་རྒྱལ་ཆེན་པོའི་དུས་ལ་བབ། །སྤྲ…

ཀེམས་སེ་ཀེམ། །མ་རུངས་འབྲུག་སྒྲ་འུར་རུ་རུ། །མི་སྡུག་མཚན་མ་ཤར་ར་ར། །ཆོ་འཕྲུལ་སྣ་ཚོགས་ཐོར་རོ་རོ། །དྲེགས་པ་སྡེ་བརྒྱད་དགྲ་ལ་བྷྱོ། །ལྷ་ཀླུ་བདུད་བཙན་མ་མོ་དང་། །སྲོག་བདག་གཟའ་བདུད་གཤིན་རྗེ་དམུ། །གནོད་སྦྱིན་རཱ་ཙ་འགོང་པོའི་ཚོགས། །བྷྱོ་བྷྱོ་སྡང་བའི་དགྲ་ལ་བྷྱོ། །སྣང་སྲིད་ལྷ་འདྲེ་དྲེགས་པའི་ཚོགས། །རྒྱུག་ཅིག་ད་ནི་ལ…

གསོལ་ལོ། །ཤེལ་དུང་ཝང་མིག་སྙན་རྒྱན་སྤྲས་པ་ཡིས། །མཆོག་ཐུན་དངོས་གྲུབ་སྩོལ་བར་མངའ་གསོལ་ལོ། །ཞལ་ནས་སྡེ་བརྒྱད་སྲོག་གི་སྤུ་གྲི་གསུང་། །སངས་རྒྱས་བསྟན་སྲུང་ཆེན་པོར་མངའ་གསོལ་ལོ། །ཕྱག་གཡས་གསེར་གྱི་རྡོ་རྗེ་ནམ་མཁར་གདེངས། །སྡེ་བརྒྱད་གནད་ལ་བོར་བར་མངའ་གསོལ་ལོ། །གཡོན་པ་ལུང་ཐང་ཕྲེང་བ་འདྲེན་པ་ཡིས། །ལྷ་སྲིན་དྲེགས་པའི་ས…

འཕྲིན་ལས་བསྒྲུབ་པར་མངའ་གསོལ་ལོ། །རྫི་སྨིན་སྨ་ར་ཨག་ཚོམ་ཚ་ཚ་འགྲོ། །ཉམས་པ་སྒྲོལ་མཛད་དཔའ་བོར་མངའ་གསོལ་ལོ། །དབུ་སྐྲ་ཁམ་ནག་གྱེན་དུ་བརྫེས་ཤིང་འབར། །དཀར་ཕྱོགས་བསྟན་པ་རྒྱས་མཛད་མངའ་གསོལ་ལོ། །པད་ཉི་དགྲ་བགེགས་གདན་ལ་འགྱིང་བ་ཡིས། །ཆགས་བྲལ་གདུག་པ་ཟིལ་གནོན་མངའ་གསོལ་ལོ། །ཕྱག་གཡས་གནམ་ལྕགས་ཐོ་ཆེན་ནམ་མཁར་འཕྱར། །དགྲ་གདོ…

རྫས་བརྒྱན་པའི་མཆོད་གཏོར་འདི་བཞེས་ལ། །དམ་གཙང་རྣལ་འབྱོར་ཡོན་མཆོད་འཁོར་བཅས་ཀྱི། །འགལ་རྐྱེན་བར་ཆད་ཞི་བའི་འཕྲིན་ལས་མཛོད། །ཚེ་དཔལ་འབྱོར་པ་རྒྱས་པའི་འཕྲིན་ལས་མཛོད། །སྣང་གྲགས་དབང་དུ་བསྡུ་བའི་འཕྲིན་ལས་མཛོད། །དགྲ་གདོན་ཐལ་བར་རློག་པའི་འཕྲིན་ལས་མཛོད། །མཆོག་ཐུན་ལས་བཞིའི་འཕྲིན་ལས་མ་ལུས་པ། །ལྷ་མཆོག་མ་ཧཱ་རྀ་ཥིས་སྒྲུབ…

རིགས་སྟོང་ཕྲག་བཅོ་བརྒྱད་དང་། །བགེགས་རིགས་སྟོང་ཕྲག་བརྒྱད་ཅུ་དང་། །བྱིས་པའི་གདོན་ཆེན་བཅོ་ལྔ་བཟློག །ལྟས་ངན་བརྒྱད་ཅུ་རྩ་གཅིག་བཟློག །ཡེ་འབྲོག་སུམ་བརྒྱ་དྲུག་ཅུ་བཟློག །གློ་བུར་བདུན་བརྒྱ་ཉི་ཤུ་བཟློག །སྔ་ཞགས་མདའ་ལྟར་འཕེན་པ་བཟློག །ཕྱི་ཞགས་དྲུབ་ལྟར་འཐུལ་བ་བཟློག །ལྷ་ཆེན་དྲག་པོའི་གདུག་རྩུབ་བཟློག །ལྷ་མ་ཡིན་གྱི་སྒ…

དགྲ་ལག་གིས་བདར་བ་བཟློག །ཕྱི་དགྲ་ཡིད་ལ་བཞག་པ་བཟློག །ད་དགྲ་མདུན་དུ་སྡོད་པ་བཟློག །ལུས་ཀྱི་ན་ཚ་ངན་པ་བཟློག །སེམས་ཀྱི་སྡུག་བསྔལ་ངན་པ་བཟློག །བསམ་དོན་མི་འགྲུབ་བར་གཅོད་བཟློག །མི་མཐུན་གནོད་པའི་ཕྱོགས་ཀུན་བཟློག །བཟློག་གོ་དམར་ཆེན་གཏོར་མས་བཟློག །བསྒྱུར་རོ་དྲང་སྲོང་དམོད་པས་སྒྱུར། །ཟོར་རོ་དགྲ་དང་བགེགས་ལ་ཟོར། །ཆོས་ས…

རང་རང་སྲོག་གི་སྙིང་པོ་ཕུལ། །དང་པོ་སྔགས་ཟོར་དེ་ལྟར་བྱུང་། །དེ་འོག་བར་གྱི་བསྐལ་བ་ལ། །རྒྱ་གར་ཡུལ་གྱི་ལྷོ་ཡི་ཕྱོགས། །ལྷོ་ཕྱོགས་ཨིནྡྲའི་ཡུལ་དབུས་སུ། །ཆོས་རྒྱལ་དྷ་རྨ་ཨ་ཤྭ་དེ། །ས་བདག་ཀླུ་དུག་ནད་ཀྱིས་ཟིན། །དུས་དང་བསྐལ་བ་དེ་ཙམ་ན། །ནགས་ཚལ་དྲ་བ་ཅན་གྱི་ཀློང་། །རི་བོ་ཀུན་འདུས་རྩེ་མོ་ནས། །ཆོས་ལོངས་སྤྲུལ་སྐུ་དྲང་ས…

ལོ་བསྒྱུར་བཞིན་དུ། །དགྲ་བགེགས་མགོ་ལ་འཁོར་ལོ་སྐོར། །རྒྱལ་འགོང་ལུས་ལ་འཁོར་ལོ་སྐོར། །སྡེ་བརྒྱད་སྲོག་ལ་འཁོར་ལོ་སྐོར། །འཁོར་ལོ་གཡས་སུ་བསྐོར་ཙ་ན། །རྒྱལ་འགོང་མགོ་ལ་འཁོར་ལོ་རྒྱོབ། །འཁོར་ལོ་གཡོན་དུ་བསྐོར་ཙ་ན། །མོ་གདོན་སྙིང་ལ་འཁོར་ལོ་རྒྱོབ། །སྡང་བའི་དགྲ་ལ་སྔགས་ཟོར་ཡཱ། །གནོད་པའི་བགེགས་ལ་སྔགས་ཟོར་ཡཱ། །ཟ་བའི་འདྲ…

ཡང་བཟློག་ལྟར་སྐབས་འདིར་བྱས་ཀྱང་རུང་། ཚོགས་ལྷག་དང་ཆད་མཐོ་གཏོང་། གཤེགས་སྐྱེམས་སུ་གཏོར་མ་གསོ་བ་ནས། འབུལ་བའི་བར་གོང་ལྟར་བྱས་རྗེས་དགྲ་འམ་ཐེབས་ཕྱོགས་སུ་གསེར་སྐྱེམས། ལྷ་ཚོགས་བསྐུལ་བ། ལྕགས་སམ་བྷནྡྷའི་བསྐུལ་ཚིག་དང་བཅས་མན་ངག་ལྟར་སྔགས་རྣམས་དང་གཏོར་མ་འཕེན་པའི་དམིགས་པ་ཞལ་ཤེས་ལྟར་བྱ། རང་མ་ཉེས་པའི་དཔང་བཙུགས། ཁོའི་…

བའི་ཤམ་བུ་ཅན་གྱིས་ཐོག་ཏུ་འབུལ། གཏང་རག །བཟོད་གསོལ། ཉེར་བསྡུ། སྨོན་ལམ། ཤིས་བརྗོད་དཀྱུས་ལྟར་བྱའོ། །གོང་གི་ས་བཅད་ཕྱི་མ་རྣམས་ནི་དཔལ་འབྲི་གུང་པ་ཆོས་ཀྱི་གྲགས་པས་མཛད་པའི་སྣང་ལས་ཀྱི་ཡིག་ཆ་དང་མཐོང་བརྒྱུད་ཀྱི་ཕྱག་བཞེས་ལས་ཤེས་པར་བྱ་ཞིང་སྲུང་བཟློག་ཐུན་མོང་བ་ལའང་། སྔོན་ཆད་ཡི་གེ་ནག་འགྲོས་འདི་འདྲ་བཀོད་པ་མི་འདུག་པས་…

སྣང་ཨ་མའི་རྨི་ལམ་གྱིས། །བརྒྱན་པའི་རྒྱུན་ཞེས་རང་ཚུགས་བཟང་པོ་ཅན། །རྨོངས་བརྟད་མཁན་རྣམས་རྭ་པའི་ཕུགས་སུ་ཉོལ། །ཨྱོན་པཎ་ཞུ་ཙམ་གྱིས་སྔ་འགྱུར་བསྟན། །ཟིན་ན་ཆེས་སླ་མལ་དུ་གློ་ལྷོད་མོད། །པད་འབྱུང་དགོངས་དོན་སྐྱོར་ཟློས་བྱེད་པ་ཡི། །མ་བབས་ལས་འདི་ཁོ་བོའི་རེས་སུ་སོན། །གངས་ཅན་བསྟན་དང་འགྲོ་བའི་བདེ་སྐྱིད་སྲོག །འཕྲོག་པ་ལྷ…

སྔགས་རྒོད་ལོག་ཏྲིའི་ཧོམ་གྱི་ལག་ལེན་ཉི་མའི་སྙིང་པོ་བཞུགས་སོ། །

དཔལ་ལྡན་དྲང་སྲོང་ཞི་ཁྲོ་དང་། །དབྱེར་མེད་རྩ་བའི་བླ་མ་ལ། །གུས་པས་བཏུད་ནས་ལས་ཀྱི་མཐའ། །སྡུད་བྱེད་སྲེག་པའི་ལག་ལེན་འདྲི། །དེ་ཡང་། རྒྱུད་ཀྱི་ལེའུ་ལྔ་པ་དང་། གཞུང་གི་མན་ངག་ཉེར་བདུན་པའི་བཅུ་པ་གཉིས་ལས་བཤད་པའི་རྒྱུད་དོན་ལྟར་ན་གཤིན་རྗེ་སོགས་གཞན་ནས་ཁ་བཀང་སྟེ་སྦྱིན་སྲེག་རྒྱས་པར་བྱས་པ་འཐད་ནའང་མན་ངག་བཅུ་བ་ནས་བཤད་པ་…

ཛཿ ལན་གསུམ་གྱིས་བརླབས། མེ་སྤར་སྭ་བྷཱ་ཝས་སྦྱངས། སྟོང་པའི་ངང་ལས་ཧཱུཾ་ལས་དྲག་པོའི་ཐབ་ཁུང་གྲུ་གསུམ་པ་ཁ་དོག་ནག་པོ་བང་རིམ་གསུམ་དང་ལྡན་པ་ཁ་ཁྱེར་གདེངས་ཤིང་མཆུ་འཕྱང་བ་རྒྱ་ཆེ་བའི་ནང་དུ་ཧྲཱིཿལས་གསེར་གྱི་འཁོར་ལ་རྩིབས་བརྒྱད་པའི་ལྟེ་བར། དྲང་སྲོང་མེ་ལྷའི་ངོ་བོ་ཉིད། །སྐད་ཅིག་རྫུས་སྐྱེས་ཁྲོ་བོ་ནི། །མཐིང་ནག་ཞལ་གཅིག་ཕ…