ན་མོ་ཙཀྲ་སཾ་ཝ་ར། བླ་མ་དང་བཅོམ་ལྡན་འཁོར་ལོ་སྡོམ་པ་ལ་ཕྱག་འཚལ་ལོ། །ཡེ་ཤེས་མགོན་པོའི་གཏོར་དབང་བྱེད་པར་འདོད་པས། སྟེགས་བུའམ་ཟམ་པོ་ཁ་གང་ལྟེབ་པ་གྲུ་གསུམ་དུ་བཏིང་བའི་སྟེང་དུ་སྲན་མའམ་ནས་ཀྱིས་ཚོམ་བུ་ལྔའམ་བཅུ་གསུམ་བཀོད། འདིའི་སྟེང་མཉྫིསོགས་ཀྱི་སྟེང་དུ་གཏོར་མ་ཟུར་གསུམ་ཧ་ཅང་མི་རྣོ་བ་ནག་པོ་ལ་ཐོད་སྐམ་གསུམ་གྱི་འདབ་མ…

བདག་བསྐྱེད་དང་བསྙེན་པ་ཅུང་ཟད། མགོན་པོའི་མདུན་བསྐྱེད་སྤྱན་འདྲེན་མཆོད་བསྟོད་གཏོར་ཚོགས་ལྟ་བུར་རྒྱས་བསྡུས་སྐབས་དང་བསྟུན། བསྙེན་པ་ཕྲེང་སྐོར་ལས་མི་ཉུང་བ་དང་། སློབ་མ་མང་ཞིག་ཡོད་ན་སྔགས་འུར་འདོན་སྟོང་ཕྲག་ཙམ་བྱས་ན་བྱིན་རླབས་ཆེའོ། །དེ་ནས་སློབ་མ་རྣམས་ལ་ཆབ་དང་ནས་བཀྱེ། སྔོན་དུ་དབང་གཞན་བསྐུར་འཕྲོ་མིན་ན་བགེགས་གཏོར་…

གསུངས། དེ་ལ་མགོན་པོ་མངོན་འབྱུང་ལ་སོགས་པ་ནས་ཆོས་སྐྱོང་ཐམས་ཅད་ཀྱི་མཆོག་དང་གཙོ་བོ་དམ་པ་གསུངས་པས་ཡེ་ཤེས་མགོན་པོ་ཕྱག་བཞི་པའི་དབང་བསྐུར་བ་ཡིན་ཏེ། །མགོན་པོ་འདིའི་ངོ་བོ་ནི་འཁོར་ལོ་སྡོམ་པ་ཉིད་མགོན་པོའི་སྐུར་བཞེངས་པ་ཡིན་པར་བདེ་མཆོག་རྒྱུད་འགྲེལ་ཆེན་རྣམས་ནས་བཤད། དེ་ལ་བླ་མའི་གསུང་རྒྱུན་སློབ་མ་ལ་ལས་ཡི་གེར་བྲིས་ནས…

བདེ་མཆོག་མགོན་པོ་ཕྱག་བཞི་པ་རྣམས་ངོ་བོ་གཅིག་ཡིན་པར་ངེས་སོ། །ངོ་བོ་དེ་ལྟ་བུ་ལ་སྐྱེ་རྒྱུད་དང་སྤྲུལ་ཚུལ་ཡེ་ཐོག་དང་པོའི་སངས་རྒྱས་དེ་ཉིད་ཤྲཱི་ཧེ་རུ་རིགས་ལྔའི་སྐུར་བཞེངས་པའི་ཐུགས་རྗེ་རིག་པ་ཕྱིར་འཆར་བ་ནི་གཤིན་རྗེ་ལྔར་གྱུར་ནས་སེམས་ཅན་རྣམས་ཟོས་པས་ཧེ་རུ་ཀ་ལྔས་བཞད་པའི་གད་རྒྱངས་ཀྱིས་བརྒྱལ་ཏེ། བརྒྱལ་སངས་ནས་རང་རང་…

ཕྱག་བཞི་པ་གཅིག་ཏུ་སྤྲུལ་ནས་གཞན་འཕྲུལ་དབང་བྱེད་ཀྱི་གནས་སུ་བདུད་ཀྱི་ཁ་གནོན་ལ་བཞུགས་སོ། །དེའི་ཚེ་སངས་རྒྱས་རྣམ་པར་གཟིགས་ལ་སོགས་པ་སངས་རྒྱས་རབས་བདུན་གྱི་བསྟན་པ་ཡང་མགོན་པོ་འདིས་བསྲུང་བར་མཛད་དོ། །དེ་ནས་འོད་སྲུང་གི་བསྟན་མཇུག་ཏུ་ལྷ་རྣམས་ཀྱིས་གསོལ་བ་བཏབ་པས། བྱ་རོག་ཏུ་སྤྲུལ་ནས་དཔག་བསམ་ཤིང་གི་རྩེར་བབ་སྟེ་རི་རབ་ཙ…

མཆོད་ཅིང་བསྟོད་དོ། །ས་གསུམ་གྱི་བདག་ཉིད་མགོན་པོ་བྱ་རོག་ཆེན་པོ་ཞེས་གྲགས་སོ། །དེ་ནས་སྤྲུལ་པ་རྣམས་བསྡུས་ཏེ་ནག་པོ་ཕྱག་བཞི་པར་གྱུར་པ་ལ། གནོད་སྦྱིན་ཡང་དག་ཤེས་ཀྱིས་བྷེ་འབྲས། སྲིན་མོ་རལ་པ་འཛིན་པས་བདུད་ཀྱི་ཐོད་པ། བདུད་རལ་གྲི་ཟླ་བས་རལ་གྲི། མཁའ་འགྲོ་མ་ཤིན་ཏུ་དཔའ་མོས་ཁ་ཊཾ་རྣམས་ཕུལ་ཏེ། ཤིང་ཡོངས་འདུས་ལྗོན་པ་དང་། ར…

ལ་ཆོས་སྟོན་པའི་ཚེ། བདུད་དང་མུ་སྟེགས་ཀྱི་དམག་དཔུང་ཆེན་པོས་བསྐོར་བ། བྱ་རོག་ཆེན་པོ་དེས་ལྷ་དམག་དུང་ཕྱུར་ཕྲག་བརྒྱད་གཤོག་པ་གཉིས་ཀྱིས་བཏེགས་ནས་འོང་སྟེ་བདུད་ཀྱི་རྒྱལ་པོ་ཁ་ཏྲ་པ་ལ་བསྒྲལ། དེའི་ཡན་ལག་བརྒྱད་གཏོར་བའི་དངོས་གྲུབ་བརྒྱད་བྱུང་། །ལུས་ཀྱི་དུམ་བུ་གཏོར་བའི་གནས་སུམ་ཅུ་རྩ་གཉིས་བྱུང་། དེའི་ཤ་ཁྲག་དོན་སྙིང་ལ་ར…

མགོན་པོ་དབྱིངས་སུ་ཐིམ། དེ་ནས་རྒྱུད་གསུང་ཚུལ་ནི། ཕྱི་ལྟར་སྤྲུལ་སྐུ་ཤཱཀྱ་ཐུབ་པས་འབྲས་སྤུང་གི་མཆོད་རྟེན་སོགས་སུ་གསུངས་པ་དང་། ནང་ལྟར་ཤྲཱི་ཧེ་རུ་ཀ་དང་། ཕྱག་ན་རྡོ་རྗེས་གསུངས་པ་དང་། གསང་བ་ལྟར་ན་མགོན་པོ་ཉིད་ཀྱིས་གསུངས་པ་མཐའ་ཡས་པ་ཡོད་དོ། །ནུབ་ཕྱོགས་ཨོ་རྒྱན་དང་ལྕང་ལོ་ཅན་དང་རང་བྱུང་གི་མཆོད་རྟེན་བརྒྱད་སོགས་སུ་ག…

ལྷ་སྲིན་སྡེ་བརྒྱད་མཐོ་མཐོ་ཐམས་ཅད་ཡིན། མགོན་པོ་ཡིན་པ་ཙམ་གྱིས་ནི་བདུད་རིགས་སངས་རྒྱས་ཀྱི་བསྟན་པ་སྲུང་ཚད་ཡིན་ཏེ། སངས་རྒྱས་ཀྱི་ཞིང་ཐམས་ཅད་སྐྱོང་ནུས་པ་ནི་ཉུང་། སྐྱོང་བ་ལས་ནི་དགོ་པའི་ཞིང་ཁམས་སུ་འགྲོ་བ་ཡང་མི་ནུས་སོ། །དེ་ལ་འོག་མིན་འཐུག་པོ་བཀོད་རྣམ་པར་སྣང་མཛད་ཀྱི་ཞིང་ཁམས། ས་བཅུའི་བྱང་ཆུབ་སེམས་དཔའ་ཐམས་ཅད་བཞུགས…

དངོས་གྲུབ་འབྱུང་རྒྱུད་ལས། བསྐལ་པ་བཟང་པོ་འདི་ལ་ནི། །བྱུང་བའི་མགོན་པོ་མ་ལུས་པ། །ཀུན་གྱི་སྙིང་པོར་གྱུར་པ་ནི། །གསང་བ་ཞིང་སྐྱོང་མགོན་པོ་ཆེ། །སངས་རྒྱས་ཀུན་གྱི་མགོན་པོ་འདིས། །བསྟན་པ་སྲུང་བར་མཛད་པ་ཡིན། །ཞེས་གསུངས་པ་དང་། རྒྱུད་སྲོག་གཟན་ནག་པོ་ལ་སོགས་ལས། སེམས་ཅན་ཀུན་གྱི་མགོན་ཡིན་ཕྱིར། །ཡེ་ཤེས་མགོན་པོ་ཞེས་བྱའོ།…

པར་བསྒྱུར་ཏེ་སུས་ཀྱང་མ་ཐུལ་བའི་ཚེ། སློབ་དཔོན་ཀླུ་སྒྲུབ་ཀྱིས་ཆོས་སྐྱོང་འདི་ལ་གསོལ་བ་བཏབ་པས་མགོན་པོའི་སྤྲུལ་པ་ཨརྱ་དེ་ཝ་བརྫུས་སྐྱེས་སུ་འཁྲུངས་ནས་མ་ཁོལ་ནང་པར་བཙུད་པས། སློབ་དཔོན་དཔའ་བོ་ཞེས་སམ་བྷ་བའི་ལྷ་ཞེས་ནང་པའི་པཎ་གྲུབ་ཆེན་པོར་གྱུར་ནས། བསྟན་པ་སྔར་ལས་ལྷག་པར་རྒྱས།་མུ་སྟེགས་ལ་ཁོང་བས་ལྷག་མེད་པས་ནང་པའི་ཆེ་བ…

བབས་བརྒྱུད་པར་གཞན་ཆེར་མ་འཕེལ། དེའི་ནང་ནས་དཔལ་མགོན་ཉིད་ཀྱི་སྤྲུལ་པ་སྒ་ལོ་ཆེ་བ་རྡོ་རྗེ་གཞོན་ནུའི་དཔལ་ཞེས་པ་དེ། རྒྱ་གར་དུ་བྱོན་ནས་རྡོ་རྗེ་གདན་པ་ཆེ་ཆུང་ལ་ཞུས་ཏེ། རྡོ་རྗེ་གདན་དུ་ལོ་དྲུག །བི་ཀ་མར་ལོ་དྲུག །བསིལ་བ་ཚལ་དུ་ཟླ་བ་བདུན་བསྒྲུབས་པས། མགོན་པོ་ཞལ་གཟིགས་པས་མགོན་པོ་དམ་ལ་ཐོགས། རྒྱུད་དྲུག་གཏེར་ནས་བཏོན་པས་…

འཁོར་དང་བཅས་པས་བར་ཆད་སེལ་བའི་གཟིགས་སྣང་བྱུང་བས། དད་པ་ལྷག་པར་སྐྱེས་ནས་གོས་ཡུག་གཅིག་དང་གསེར་ཞོ་ཕྱེད་དོ་ཡོད་པའང་ཕྱག་ཏུ་ཕུལ། རྗེ་དུས་མཁྱེན་གྱི་ཐུགས་དམ་ནི་འདི་ཡིན་པས། ཕྱག་ཆེན་ལྷན་ཅིག་སྐྱེས་སྦྱོར་གྱི་ཁྲིད་ཀྱི་བཀའ་སྲུང་དུའང་བསྐོས་པར་མཛད་དོ། །གཞན་ཡང་རྗེ་ཕག་གྲུ། གླིང་རས་སོགས་འབྲུག་པ། ཐང་པ་སོགས་སྟག་ལུང་པ། སྐྱ…

རིགས་པ་ཐོབ་པའི་བརྒྱུད་པ་དེ་རྣམས་གང་རུང་ལ་འཇུག་ཆོག་ཀྱང་། ད་ལམ་གཏོར་དབང་འདི་ཉིད་དངོས་ནི་རི་པ་བཀྲ་ཤིས་དཔལ་འབྱོར་ནས་བརྒྱུད་པ་ཡིན་ནོ། །དེའང་འདིའི་དབང་ཐོབ་ཅིང་ཆོས་སྐྱོང་དུ་བརྟེན་པ་དང་། བསྙེན་པ་སོགས་ཅི་འགྲུབ་བྱས་པའི་ཕན་ཡོན་ནི། ཁྲག་མཚོ་ཁོལ་མ་སྙིང་འབྱིན་རྒྱུད་ལས། །ལུས་ངག་ཡིད་གསུམ་སྨིན་པའི་དབང་། །ཧེ་རུ་ཀ་དཔལ་…

དང་། ཡང་ཏི་བསྐོལ་བའི་རྒྱུད་ལས། འདི་ཤེས་སྔགས་པས་འདི་བྱས་ན། །སྲུང་བ་ཚེ་ཟད་ལུས་ཀྱང་ཐུབ། །བཟློག་ན་གནམ་ལྕགས་ཐོག་ཀྱང་ཟློག །གསོད་ན་བསྐལ་པའི་མེ་ཡང་འཆི། །ཞེས་དང་། རྩ་རྒྱུད་ཐུགས་རྗེ་འབྱུང་བ་ལས། གནས་སྐབས་མཐར་ཐུག་འབྲས་བུ་བཤད། །ཞི་དང་རྒྱས་དང་དབང་གི་ལས། །ཚེ་དང་དཔལ་དང་གྲགས་དང་གཟི་བརྗིད་དང་། །མཐུ་སྟོབས་འབྱོར་པ་དང་ལ…

རོ། །སྟོབས་དང་ཚེ་དང་དཔལ་རབ་ཏུ་སྟེར་ཞིང་མི་ཟད་པའི་ཡེ་ཤེས་ཐོབ་པར་བྱེད་དོ། །ཞེས་དང་། སྔགས་བཟླས་པའི་ཕན་ཡོན་ནི། བྱ་རོག་སྲོག་གཟན་ནག་པོའི་རྒྱུད་ལས། གསང་བའི་ཡང་སྙིང་འདི་དག་ལ། །མོས་ཤིང་དད་པས་བཟླ་བྱེད་པ། །མགོན་པོ་དམ་ཅན་ལོས་ལ་འདུ། །གཞན་ཡང་བཟླས་པའི་ཕན་ཡོན་ནི། །སྲིད་གསུམ་ཟིལ་གྱིས་གནོན་པ་དང་། །མེ་དང་རྒྱལ་པོ་ཆུ་དང…

བྱ་ལ་འབུལ་བར་བྱ། །སྒྲུབ་པ་པོ་དག་ཚེ་གཅིག་གིས། །ཁྲག་འཐུང་རྒྱལ་པོ་འཐོབ་བྱའི་ཕྱིར། །དེ་ཡིས་ལམ་གྱི་བར་ཆད་སེལ། །ནག་པོ་ཆེན་པོས་བསྟན་པ་བསྲུང་། །ཞེས་དང་། སྤུ་གྲི་ཀླད་གཟེར་རྒྱུད་ལས། གཏོར་མ་འདི་ལ་བརྩོན་བྱས་ན། །བདེ་མཆོག་སྐུ་ཡི་དངོས་གྲུབ་ཐོབ། །ཅེས་གསུངས་ཤིང་བསྐང་གསོ་དང་དགུ་གཏོར་སོགས་བྱས་པའི་ཕན་ཡོན་ནི། བྱ་རོག་བརྩ…

ཆེར་རི་རབ་ལ་ཞལ་གཟིགས་པས་བྱིན་རླབས་དངོས་གྲུབ་རྒྱང་རིང་ནའང་མགོན་པོ་འདི་ནི་བྱིན་རླབས་དངོས་གྲུབ་ཁྱད་པར་དུ་མྱུར་ཏེ། གྲི་གུག་བརྩེགས་པའི་རྒྱུད་ལས་དེ་ནས་དཔལ་ལྡན་ནག་པོ་ཆེ། །ཕྱག་བཞི་པ་ཡིས་ལྷར་གསོལ་བ། །ལྔ་བརྒྱ་དུས་ཀྱི་སྙིགས་མ་ལ། །ཟས་ངན་ལྕི་བ་ཟ་བའི་དུས། །གོས་ངན་རེ་བ་གྱོན་པའི་དུས། །མཚོན་ལ་རྒྱན་དུ་འདོགས་པའི་དུས། …

སྐྱོང་གཞན་ཕལ་ཆེར་ནི་ཆོས་རེ་རེའི་ཆོས་སྲུང་དང་། གྲུབ་མཐའ་སོ་སོ་དང་། གྲུབ་ཐོབ་རེ་རེའི་རིགས་རྒྱུད་ཆོས་རྒྱུད་སྐྱོང་བར་ཞལ་གྱིས་བཞེས་པ་ཡིན་ལ། འདི་ནི་སྤྱིའི་སྲུང་མ་ཆེན་པོ་སྟེ། རྒྱུད་ལས། བདེ་གཤེགས་ཐུགས་རྗེས་སྐུ་སྤྲུལ་པ། །སེམས་ཅན་ཀུན་ལ་མགོན་སྐྱབས་མཛད། །ཅེས་གསུངས་པས། ཀུན་ལ་ཐུགས་རྗེས་གཟིགས་པ་དང་། །སེར་ཆགས་ཡོངས་…

ཆེན་པོར་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོའི་བདག་ནི་གཞུག་ཏུ་གསོལ། །ད་བླ་མ་དང་བདེ་མཆོག་ལ་སོགས་དཀོན་མཆོག་གསུམ་ལ་སྐྱབས་སུ་འགྲོ་བ་དང་ཚེ་གཅིག་ལ་རྡོ་རྗེ་འཆང་གི་གོ་འཕང་སྒྲུབ་…