ཐུགས་རྗེ་ཆེན་པོ་གསང་བ་འདུས་པའི་ལོ་རྒྱུས་དབང་གི་མཚམས་སྦྱར་ཟབ་རྒྱས་ཆོས་ཀྱི་འབྲུག་སྒྲ་བཞུགས་སོ།།

འོ་ན་ད་ལམ་ཁྱེད་རྣམས་ལ་ཐུགས་རྗེ་ཆེན་པོ་གསང་བ་འདུས་པའི་དབང་མོ་ཆེ། སངས་རྒྱས་སྟོང་རྩ་གཉིས་ཀྱི་དབང་དང་བཅས་པ་བསྐུར་བའི་ཐོག་མར་ལོ་རྒྱུས་ཅུང་ཟད་ཅིག་ཞུ་ན། དེ་ལ་བཅོམ་ལྡན་འདས་ཐུགས་རྗེ་ཆེན་པོ་ཉིད་ཀྱི་ལོ་རྒྱུས་དང་། དེའི་རྒྱུད་གསུངས་ཚུལ་དང་རྒྱུད་དེའི་མན་ངག་བརྒྱུད་ཚུལ་དང་། དེ་གཏེར་དུ་སྦས་ཤིང་བཏོན་ཚུལ་དང་། དེ་ལ་བརྟ…

སྤྱན་རས་གཟིགས་ཐུགས་ཆོས་ཀྱི་སྐུ་ནི་འཁོར་འདས་ཐམས་ཅད་ལ་ཁྱབ་པར་གནས་ཏེ། དང་པོའི་སངས་རྒྱས་འོད་མི་འགྱུར་བ་ཞེས་ཀྱང་བྱ་བ་སྟེ། སངས་རྒྱས་ཐམས་ཅད་ཆོས་སྐུ་གཅིག་པའི་ཕྱིར། ཐུགས་རྗེ་ཆེན་པོ་གསང་བ་འདུས་པའི་རྒྱུད་ཆེན་པོ་ཉིད་ལས་ཀྱང་། ཕྱོགས་བཅུ་དུས་གསུམ་སངས་རྒྱས་རྣམས། །ཐུགས་རྗེ་ཆེན་པོར་མ་གྱུར་མེད། །དེ་ཉིད་སྐུ་གསུང་ཐུགས་བ…

ཆེན་པོའི་དབུགས་ཡིན་ནོ། །ཉི་ཟླ་ནི་ཐུགས་རྗེ་ཆེན་པོའི་སྤྱན་ཡིན་ནོ། །ཞེས་སོགས་རྒྱ་ཆེར་གསུངས་སོ། །སྤྱན་རས་གཟིགས་ལོངས་སྤྱོད་རྫོགས་སྐུའི་བཀོད་པ་ནི། འོག་མིན་འཐུག་པོ་བཀོད་པ་གཞི་དང་སྙིང་པོ་མེ་ཏོག་གིས་བརྒྱན་པའི་ཞིང་ཁམས་བསམ་ལས་འདས་པ་ཞིག་ཡོད་དེ། དེའི་དབུས་ན་སྤྱན་རས་གཟིགས་ལོངས་སྤྱོད་རྫོགས་སྐུ་རྣམ་སྣང་གངས་ཆེན་མཚོ་…

འབྲུའི་འབྲུ་མ་རེ་རེའི་ནང་ན་ཡང་འཇིག་རྟེན་གྱི་ཁམས་དཔག་ཏུ་མེད་པར་སྤྲུལ་ནས་སེམས་ཅན་གྱི་དོན་མཛད་ཅིང་། མེ་ཏོག་བཅུ་གསུམ་པའི་ཟེའུ་དབུས་མ་གཅིག་གི་ནང་ན་སྟོང་གསུམ་མི་མཇེད་འཇིག་རྟེན་གྱི་ཁམས་འདི་ཆགས་ནས་ཡོད་ཅིང་། འདི་སངས་རྒྱས་དེའི་ཐུགས་ཀའི་ཐད་དུ་ཡོད་པའི་རྟེན་འབྲེལ་གྱིས་འཇིག་རྟེན་གྱི་ཁམས་འདི་ན་དགེ་སྡིག་གང་བྱས་སྟོབ…

འོངས་པ་ན་འོད་ཟེར་དཔལ་བརྩེགས་ཀྱི་རྒྱལ་པོར་འཚང་རྒྱ་བར་ལུང་བསྟན་པ་སོགས་ནི་སེམས་ཅན་འདུལ་བའི་ཆེད་དུ་དེ་ལྟ་བུའི་ཚུལ་བསྟན་པ་ཡིན་གྱིས། དོན་ལ་ཐོག་མ་མེད་པ་ནས་སངས་རྒྱས་པ་སྟེ། བསྐལ་པ་བྱེ་སྟོང་བསམ་གྱིས་མི་ཁྱབ་པར། །དེ་ཡི་ཚད་ནི་སུས་ཀྱང་བཟུང་མེད་པར། །བྱང་ཆུབ་མཆོག་རབ་འདི་ནི་ངེས་རྙེད་དེ། །ངས་ནི་རྟག་ཏུ་ཆོས་ཀྱང་རབ་འཆད་…

ཏུ་སྤྲུལ་པ་ཡིན་ནོ། །འཕགས་པ་སྤྱན་རས་གཟིགས་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དང་མཉམ་པའི་འཇིག་རྟེན་གྱི་ཁམས་རྣམས་སུ་སངས་རྒྱས་སྟོང་རྩ་གཉིས་སུ་སྤྲུལ་ནས་སེམས་ཅན་གྱི་དོན་མཛད་ཅེས་ཆུ་ཀླུང་སྣ་ཚོགས་པའི་མདོ་ལས་གསུངས་སོ། །སྤྱན་རས་གཟིགས་དེས་སྟོང་གསུམ་གྱི་སྟོང་ཆེན་པོའི་འཇི…

ཞེས་ཀྱང་བྱ། སྙིང་རྗེ་སྣ་ཚོགས་རོལ་པའི་མདོ་ལས་གསུངས་སོ། །འཛམ་བུའི་གླིང་འདིའི་ལྷོ་ཕྱོགས་རི་བོ་ཏ་ལའི་རྩེ་མོ་ན་རིན་པོ་ཆེ་སྣ་ཚོགས་ཀྱི་གཞལ་ཡས་ཁང་སེང་གེ་དང་ཉི་ཟླ་པདྨའི་གདན་ལ་འཕགས་པ་སྤྱན་རས་གཟིགས་བསྐལ་པ་འདི་མ་རྫོགས་བར་དུ་བཞུགས་ནས་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་གྲུབ་པ་ཐོབ་པའི་མི་དང་། མི་མ་ཡིན…

པའི་མདོ་བདུན་གྱིས་གཙོར་བྱས་པའི་མདོ་སྡེ་དཔག་ཏུ་མེད་པ་དང་། མོའུ་འགལ་མདོ་རྒྱས་པ་སོགས་ནས་སྤྱན་རས་གཟིགས་ཀྱི་བསྔགས་པ་རྒྱ་ཆེར་གསུངས་ལ། །པདྨའི་སྙིང་པོ་གཟུངས་ལ་སོགས་པ་གཟུངས་བཅུ་བཞི་དང་། བྱ་རྒྱུད་ཀྱི་དབང་དུ་བྱས་པའི་རྩ་རྒྱུད་པདྨ་དྲྭ་བ་བཤད་རྒྱུད་དོན་ཡོད་ཞགས་པ། སྤྱོད་རྒྱུད་ཀྱི་དབང་དུ་བྱས་པའི་སྙིང་རྗེ་ཆེན་པོ་རང་བ…

པདྨོ་བཀོད་པའི་ཞིང་ཁམས། འདུས་མ་བྱས་ཤིང་ལྷུན་གྱིས་གྲུབ་པའི་གནས་མཆོག་ཀུན་ཏུ་འོད་ཀྱི་རང་བཞིན་རྣམ་པར་འཁྱིལ་བ། རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ལ། ཕྱི་ནང་ཟང་ཐལ་ཆེན་པོ་ཡོངས་སུ་རྫོགས་པའི་གཞལ་ཡས་ཁང་ཆེན་པོ་ན། སེང་གེ་གླང་ཆེན་རྟ་ཁྱུང་རྨ་བྱ་ལ་སོགས་པའི་ཁྲིའི་སྟེང་། པདྨ་འདབ་མ་སྟོང་དང་ལྡན་པའི་དབུས་སུ་ཉི་ཟླའི་གད…

པདྨ་ཧེ་རུ་ཀ་ལ་སོགས་པ་ཁྲོ་བོའི་དཀྱིལ་འཁོར་བསམ་གྱིས་མི་ཁྱབ་པ་དང་བཅས་ཏེ། འདུ་འབྲལ་མེད་པའི་ངང་དུ་རྟག་པ་རྒྱུན་གྱི་མཐར་བཞུགས་སོ། །དེ་ནས་མགོན་པོ་སྤྱན་རས་གཟིགས་ཉིད་འཁོར་རྒྱ་མཚོ་དཔག་ཏུ་མེད་པ་རྣམས་ཀྱིས་ཐུགས་ཀྱི་བསྐུལ་བར་མཁྱེན་ནས། རང་གི་པདྨའི་གདན་ལས་བཞེངས་ཏེ་རིགས་ཀྱི་བདག་པོ་ལ་གུས་པའི་ཚུལ་གྱིས་བཏུད་དེ་ཞུས་པའི་ང…

འཕགས་པ་ཀླུ་སྒྲུབ་སོགས་རིག་འཛིན་བརྒྱད་དུར་ཁྲོད་བསིལ་བ་ཚལ་དུ་མཆོད་རྟེན་བདེ་བྱེད་བརྩེགས་པའི་དྲུང་དུ་དགོངས་པ་མཛད་པས། ཐུགས་རྗེ་ཆེན་པོ་ཞི་དྲག་གི་རྒྱུད་ཕལ་ཆེར་ཀླུ་སྒྲུབ་ཀྱི་ཕྱག་ཏུ་བབས་ཤིང་། ལྷ་མོ་ཀུ་རུ་ཀུལླེས་དབང་བསྐུར་བས་པདྨ་གསུང་གི་རིག་འཛིན་དུ་གྲགས་སོ། །རྒྱལ་པོ་ཛའི་ཕོ་བྲང་དུ་ཟ་མ་ཏོག་བཀོད་པའི་གསང་སྔགས་ཏན་…

བ་དང་ཁྲོ་བོའི་སྐོར་ཐམས་ཅད་ཞུས་སོ། །རྒྱལ་པོ་ཛའི་སྲས་མོ་གོ་མ་དེ་བའི་ལ་ཡང་ཞུས་སོ། །གྲུབ་ཆེན་མི་ཏྲ་ལ་ཡང་ཐུགས་རྗེ་ཆེན་པོ་ཡང་གསང་བླ་མེད་སོགས་སྒྲུབ་ཐབས་བརྒྱ་རྩ་བརྒྱད་ཞུས་སོ། །ལྷ་ལྕམ་ལེགས་སྨིན་ཀ་ར་ལ་མཛེ་བྱུང་ནས་ཐུགས་རྗེ་ཆེན་པོ་ལྷ་ཁང་བླ་མེད་རྒྱབ་ཏུ་ཡི་གེ་དྲུག་པ་བཟླས་ཤིང་ཐུགས་རྗེ་ཆེན་པོ་བསྒྲུབས་ཏེ་མཛེ་སོས་ལྷ་…

སྤྲུལ་པའི་སྐུ། །ཚེ་ལ་དབང་བའི་རིག་འཛིན་ལ། །བཀའ་ཡི་བབ་དང་བཅས་ཏེ་གནང་། །ཨོ་རྒྱན་རྒྱ་གར་ཤར་ནུབ་ཏུ། །དེ་ཡིས་བསྟན་པ་དར་བར་བྱེད། །ཅེས་ལུང་བསྟན་པ་ལྟར། ཨོ་རྒྱན་རིན་པོ་ཆེ་བྲག་ཕུག་མ་ར་ཏི་ཀར་ལྷ་ལྕམ་མནྡྷ་ར་བས་བསྒྲུབས་པའི་གྲོགས་བྱས་ཏེ་ཚེའི་རིག་འཛིན་བསྒྲུབས་པས། སངས་རྒྱས་སྣང་བ་མཐའ་ཡས་དངོས་སུ་བྱོན་ནས་དབང་བཞི་རྫོགས་པ…

བའི་བརྡ་ཡིན་པར་སྣང་ངོ་། །དེ་ནས་རྒྱ་གར་གྱི་པཎ་གྲུབ་རྣམས་ཀྱིས་རྒྱུད་སྡེ་དེ་དག་ལ་བརྟེན་ནས་ཐུགས་རྗེ་ཆེན་པོའི་སྒྲུབ་ཐབས་ཁྲིད་རིམ་མང་དུ་མཛད་དོ། །དེ་དག་ལ་བརྟེན་ནས་གྲུབ་པ་ཐོབ་པ་མང་དུ་བྱུང་སྟེ། རྒྱ་གར་ནུབ་ཕྱོགས་སུ་བྲམ་ཟེའི་བུ་མོ་གཅིག་ལ་ཁྱེའུ་ཤེལ་གྱི་གྲི་གུག་ཐོགས་པ་ཞིག་གིས་སྤྱོད་པ་རྨིས་པས། ཕ་མེད་པའི་བུ་ཞིག་བྱ…

དབང་བསྐུར་ཆོས་བསྟན་ནས་མི་སྣང་བར་ཡལ་ནས། རྫི་བོ་འཇའ་ལུས་མཁའ་སྤྱོད་འགྲུབ་སྟེ། ཞག་རེ་ལ་འཛམ་བུའི་གླིང་གི་མི་རྣམས་ལ་མཆོག་ཐུན་མོང་གི་དངོས་གྲུབ་འདོད་ན་ང་ལས་ལོངས་གསུངས་ཀྱང་། ལས་མ་དག་པས་མི་མཐོང་བ་ཡིན་ཏེ་དེ་ནི་གྲུབ་ཆེན་ཀླུའི་བྱང་ཆུབ་ཅེས་གྲགས་སོ། །ཆགས་ཤིང་ཡི་གེ་དྲུག་མ་རང་བྱོན་དེ་ནུབ་ཕྱོགས་པར་པ་ཏའི་ཡུལ་ཀླུ་སྒྲུབ…

ནང་ན་སྤྱན་རས་གཟིགས་ཀྱི་སྐུ་བྱིན་རླབས་ཅན་ཞིག་ཡོད་པ་ལ། ཞག་ཉེར་གཅིག་ལ་ཉིན་མཚན་མེད་པར་བསྐོར་བ་བྱས་པས་སྐུའི་ཞབས་ནས་སྦྲུལ་ནག་གཅིག་བྱུང་དེ་དངོས་གྲུབ་ཡིན་པར་ཤེས་ནས་འཇུས་པས་ཡེ་ཤེས་ཀྱི་རལ་གྲི་འོད་འབར་བ་གཅིག་རེད་ནས། སྐད་ཅིག་དེ་ལ་གྲུབ་པ་ཐོབ་སྟེ། མཁའ་སྤྱོད་དུ་གཤེགས་ཏེ་གྲུབ་ཆེན་ཁངྒ་པའོ། །བྲམ་ཟེའི་བུ་གཅིག་གིས་སྤྱན…

པོའི་དབང་དང་ཡི་གེ་དྲུག་པའི་བསྒོམ་ལུང་གནང་ངོ་། །དེས་ཉམས་སུ་ལེན་ཞིང་ཁུར་བ་མང་པོ་ཉོས་པ་ལ། རིན་མ་འཕྲོད་ནས་མིས་བཟུང་ནས་རྡུང་པ་དང་། ང་གཅིག་པུས་ནི་མ་ཟོས་ཕྱེད་དེ་ཐུགས་རྗེ་ཆེན་པོ་ལ་མཆོད་པ་ཡིན་པས་ང་གཅིག་པུ་མ་རྡུང་སྨྲས་པས། རྩིག་པ་དང་ཀ་བ་ཐམས་ཅད་ནས་གད་མོའི་སྒྲ་ཆེན་པོ་བྱུང་། མི་དེས་སྒྲ་དེ་ལ་ངའི་ཁུར་བ་ཁྱོད་ཀྱིས་ཁྱ…

ཀྱང་མ་ཁྱབ་པས། མྱ་ངན་ལས་མི་འདའ་བར་བཞུགས་པར་ཞུས་པས། དེ་ནི་བྱང་ཆུབ་སེམས་དཔའ་ཁྱེད་ཀྱི་འདུལ་ཞིང་ཡིན་པས་ཐུལ་ཞིག་ཅེས་བཀའ་བསྒོས་པ་དང་། བདེ་བ་ཅན་དུ་བྱོན་པས་སངས་རྒྱས་འོད་དཔག་མེད་ཀྱིས། བོད་ཁ་བ་ཅན་དེ་བྱང་ཆུབ་སེམས་དཔའ་ཁྱོད་ཀྱི་འདུལ་ཞིང་ཡིན་པས་དང་པོ་ཟང་ཟིང་གིས་བསྡུས། དེ་ནས་ཆོས་ཀྱིས་སྨིན་པར་གྱིས་ལ་མཐར་ངའི་དྲུང་དུ་…

བོད་མིས་གང་ཡང་། མཐའ་འཁོབ་ཏུ་འདྲེ་ལྟར་མི་ཆོས་མི་ཤེས་སོ། །དེ་ནས་སྤྱན་རས་གཟིགས་ལ་བྱང་ཆུབ་སེམས་དཔའ་ནམ་མཁའི་སྙིང་པོས་བོད་དུ་འབྱོན་དགོས་པར་ཞུས་ཕས་རྒྱ་གར་ཤཱཀྱ་ལི་ཙ་བྱིའི་གདུང་རྒྱུད་རྒྱལ་པོ་གཉའ་ཁྲི་བཙན་པོར་སྤྲུལ་ནས་བོད་ལ་རྒྱལ་ཁྲིམས་དང་མིའི་ཆོས་རྣམས་བསྟན་པས། དེ་བྱུང་ཆུབ་སེམས་དཔའ་ནམ་མཁའི་སྙིང་པོའི་སྤྲུལ་པ་ཡིན…