བྱེད་རྒྱུད་སྡེའི་རིམ་པ་བྱེ་བྲག་ཏུ་གཏན་ལ་ཕབ་པ་ལ་གཙོ་བོར་སྔ་འགྱུར་གྱི་བཞེད་པ་དང་། ཞར་ལ་ཕྱི་འགྱུར་གྱི་འདོད་ཚུལ་དགོད་པ་དང་གཉིས་ལས། དང་པོ་ལ་ཡང་དྲུག་སྟེ། དང་པོ་ཕྱི་པ་ཐབས་ཀྱི་རྒྱུད་གསུམ་ལས། ཀྲྀ་ཡ་ཏན་སྟེ་བྱ་བའི་རྒྱུད་ལ་ཡང་བཞི། དང་པོ་རྒྱུད་སྨིན་པར་བྱེད་པ་ནི། ཡེ་ཤེས་ཐིག་ལེ་ལས། ཆུ་ཡི་དབང་དང་ཅོད་པན་དག །བྱ་བའི་ར…

ཤེས་བཞག་སྟེ་དངོས་གྲུབ་ལེན་པའི་ཕྱིར་བསྙེན་པའོ། །ཁྱད་པར་ཅན་ལ་བདག་བསྐྱེད་ཡོད་དེ། དེ་ཁོ་ན་ཉིད་གསུམ་གྱིས་ཉམས་སུ་བླང་བ་ལ། བདག་གི་དེ་ཁོ་ན་ཉིད་ནི་དོན་དམ་བྱང་ཆུབ་སེམས་སྤྲོས་པ་དང་བྲལ་བ་བསྒོམ་པའོ། །ལྷའི་དེ་ཁོ་ན་ཉིད་ལ་དྲུག་ལས། བཤད་མ་ཐག་པ་ནི་སྟོང་པའི་ལྷ། ནམ་མཁར་ཟླ་དཀྱིལ་ལ་སྔགས་ཕྲེང་སྒོམ་པ་ཡི་གེའི་ལྷ། དེ་ལས་སྔགས་…

པ་སྟེར་བར་བྱེད། ཅེས་དང་པོ་ནི་ཕྲིན་ལས་བཞི་འགྲུབ་པའི་སྦྱོར་བ་དང་། འོག་མ་གཉིས་ནི་ཞི་གནས་དང་། །ལྷག་མཐོང་སྐྱེ་བའི་ཐབས་ཏེ་གཟོད་ཐར་པའི་ཉེར་ལེན་དུ་འགྱུར་བ་སྟེ་དེ་ཁོ་ན་ཉིད་བཞིར་དབྱེ་སྐབས་སུ་འདི་ཉིད་བསམ་གཏན་གྱི་དེ་ཁོ་ན་ཉིད་དུ་འདོད་དོ། །གྲོགས་དམ་ཚིག་ནི་རྩ་ལྟུང་བཅུ་བཞི་སྟེ། གསང་བ་སྤྱི་རྒྱུད་ལས། དེ་རིང་ཕྱིན་ཆད་ཁ…

ནས་རིགས་གསུམ་རྡོ་རྗེ་འཛིན་པའི་ས་ལ་སྦྱོར་བ་སྟེ། གཞན་དུ་མི་ཚེ་བདུན་ནམ་བཅུ་དྲུག་ལ་སོགས་པ་ནི་རིག་འཛིན་གྲུབ་པས་རིང་པོར་འཚོ་བའི་དབང་དུ་བྱས་ནས་དེ་སྐད་དུ་བཞག་པའི་ཁྱད་པར་རོ། །འདིའི་ལམ་གྱི་ཁྱད་པར་ནི་སྤྱོད་པའི་སྒོ་བཞིར་ཡང་བསྡུ་སྟེ། འཇུག་པའི་ལས་ཀྱི་སྤྱོད་པ་དབང་། སྦྱོར་བའི་སྤྱོད་པ་ལྷ་བསྙེན་པ། སྒྲུབ་པའི་སྤྱོད་པ་ར…

ཀྱི་རྗེས་གནང་སོགས་ཀྱིས་སྨིན་པར་བྱ་བའོ། །ལམ་གྲོལ་བྱེད་ནི་ལྟ་རིམ་ལས། །གཉིས་ཀ་རྒྱུད་ཀྱི་འདོད་པ་ནི། །ལྟ་སྤྱོད་གོང་འོག་རྗེས་སུ་མཐུན། ཞེས་པ་ལྟར་རྟོགས་བྱའི་ལྟ་བ་རྣལ་འབྱོར་གྱི་རྒྱུད་ལྟར་གཏན་ལ་ཕབ་ནས། བསྒོམ་བྱ་མཚན་བཅས་དང་མཚན་མེད་གཉིས་ལས། དང་པོ་ནི་ཡི་གེ་ཕྱག་རྒྱ་གཟུགས་ཀྱི་ལྷ་དང་གསུམ་དུ་བཤད་པ་ཡིན་ལ། དེ་ཡང་བདག་གན…

གཅིག་པས་ཞི་ལྷག་ཟུང་འབྲེལ་གྱི་ངོ་བོར་བསྒྲུབ་པ་ནི་ནང་གིའོ། །གྲོགས་དམ་ཚིག་ནི། མི་དགེ་བ་བཅུའི་སྟེང་། དམ་པའི་ཆོས་དང་། བྱང་ཆུབ་ཀྱི་སེམས་སྤོང་བ། སེར་སྣ་བྱེད་པ། སེམས་ཅན་ལ་འཚེ་བ་བཞི་སྟེ་བཅུ་བཞི་པོ་སྤང་བ་སྟེ། རྒྱུ་ཡི་བསླབ་བྱ་དང་མཚུངས་ཀྱང་སྨིན་གྲོལ་གྱི་ཐབས་ཀྱིས་ཟིན་པའི་སྡོམ་པ་ཡིན་པའི་ཕྱིར་ན་ཁྱད་པར་དུ་གྱུར་པའོ།…

ལས། །བྱ་བ་དག་གི་ལས་སྤྱོད་ཅིང་། །རྣལ་འབྱོར་ཏིང་འཛིན་དང་ལྡན་པས། །མི་གཡོ་སེམས་དཔའ་མངོན་སུམ་དུ། །རིགས་ཀྱི་རྡོ་རྗེ་འཆང་གནས་པའོ། །ཞེས་སོ། །གསུམ་པ་ཡོ་ག་ཏན་སྟེ་རྣལ་འབྱོར་གྱི་རྒྱུད་དུ། གཞི་སྨིན་བྱེད་ནི། སྔ་མའི་འཕྲོར། ཕྱིར་མི་ལྡོག་པ་ཡི་ནི་དབང་། །རྣལ་འབྱོར་རྒྱུད་དུ་གསལ་བར་བྱས། །དེ་ནི་དྲུག་པའི་བྱེ་བྲག་དབང་། །དེ…

ལས་རྒྱལ་མཆོག་སྤྱན་དྲངས་རྒྱས་གདབ་ཕྲིན་ལས་བཅོལ་བའི་བར་རོ། །དབང་རྟུལ་དག་གི་རྣལ་འབྱོར་བཞི་སྟེ། བདག་ལྷར་བསྐྱེད་པ་རྣལ་འབྱོར། ཡེ་ཤེས་པ་དང་དབྱེར་མེད་པ་རྗེས་སུ་རྣལ་འབྱོར། ལྷ་དང་བརྟན་གཡོ་རོ་མཉམ་དུ་ལྟ་བ་ཐམས་ཅད་རྣལ་འབྱོར། དེ་ཐམས་ཅད་རྩེ་གཅིག་པའི་ཏིང་འཛིན་དུ་གྱུར་པ་ནི་ཤིན་ཏུ་རྣལ་འབྱོར་རོ། །གཉིས་པ་ནི། སེམས་ཀྱི་དེ་…

དེ་ལས་གཞན་པའི་ལྡོག་ཕྱོགས་རྣམས་ནི་རྩ་ལྟུང་ཡིན་པར་སློབ་དཔོན་ཀུན་དགའ་སྙིང་པོ་སོགས་ཀྱིས་བཞེད་དོ། །སྤྱོད་པ་ནི། གཙང་སྦྲ་སོགས་ལུས་དང་། །བཟླས་པ་སོགས་ངག་གི་སྤྱོད་པ་སྔ་མ་གཉིས་དང་ཆ་འདྲ་ཡང་། འདིར་གྲོགས་ཙམ་ལས་གཙོ་བོར་ཡིད་ཀྱི་སྤྱོད་པ་ཏིང་ངེ་འཛིན་ཁོ་ན་ལ་དམིགས་ཤིང་། གཞན་ཡང་མཆོད་པ་དང་། སྦྱིན་སྲེག་སོགས་ལས་ཐོར་བུ་བ་ཡང…

དང་པོ་ནི། འཇུག་སྒོ་དང་། ལམ་དང་། འབྲས་བུའི་ཁྱད་པར་གསུམ་སྟེ། དེ་ཡང་འཇུག་སྒོ་བུམ་དབང་སོགས་རིག་པའི་དབང་ལྔ་གཙོ་བོར་སྟོན་པ་ཕྱི་པ། གཞན་གསུམ་པོ་འདོད་པ་ནི་ནང་པ། ལམ་ཡང་བསྐྱེད་རྫོགས་རེས་འཇོག་ཅན་ཕྱི་པ། ཟུང་དུ་འཇུག་པ་ནང་པ། གྲོགས་དམ་ཚིག་བྱང་སེམས་དང་ཐུན་མོང་ཙམ་གྱུར་པ་ཕྱི་པ། ཐུན་མོང་མ་ཡིན་པའི་ཐབས་མཁས་ཀྱི་སྡོམ་པ་རླབ…

རྟོགས་པའི་ཆོས་ལྔ་སྟེ། དང་པོ་གཞི་ཤེས་པའི་མཚན་ཉིད་ལྟ་བ་ནི། རྒྱུད་ཀྱི་གནས་ལུགས་ཡོངས་གྲུབ་བདེ་གཤེགས་སྙིང་པོའི་ངོ་བོ་དེ་ཉིད་རྟོགས་པ་བཞི་དང་། དག་པ་གསུམ་དང་། མཉམ་པ་བཞི་དང་། བདག་ཉིད་ཆེན་པོའི་གཏན་ཚིགས་ཏེ་རྣམ་པ་བཞིས་གཏན་ལ་དབབ་པའི་ཚུལ་དཔལ་གསང་བ་སྙིང་པོ་ལས། རྒྱུ་གཅིག་པ་དང་ཡིག་འབྲུའི་ཚུལ། །བྱིན་གྱིས་བརླབ་དང་མངོན…

མཐོང་བ་སྟེ། དེ་ཡང་བསྡུ་ན། བླ་མའི་མན་ངག་དང་སོ་སོར་རྟོག་པའི་ཤེས་རབ་ལ་བརྟེན་ནས་ཁོང་དུ་ཆུད་པ་ནི་མངོན་སུམ་དུ་རྟོགས་པའོ། །གཉིས་པ་ནི། སྔ་མ་ལས། སྣོད་བཅུད་རྒྱུད་རྣམས་དག་རྟོགས་ཤིང་། ཞེས་པས། སྣོད་དག་པ་འབྱུང་བ་ལྔ་ཡུམ་ལྔའི་རང་བཞིན་བཅུད་དག་པ་ཕུང་པོ་ལྔ་རིགས་ལྔ། རྒྱུད་དག་པ་ཚོགས་བརྒྱད་ཡེ་ཤེས་སུ་རྣམ་པར་དག་པར་རྟོགས་པ་…

འགྱུར་གྱི་རྒྱུད་སྡེ་སྒྱུ་འཕྲུལ་དྲྭ་བའི་རྗེས་སུ་འབྲངས་པ་སྟེ། གཞན་དུ་ཡང་ཕྱི་འགྱུར་གྱི་རྒྱུད་གསང་བ་འདུས་པ་སོགས་ཟབ་མོའི་མདོ་རྒྱུད་ཐམས་ཅད་ལས་ཀྱང་དག་པ་རྣམ་པ་གསུམ་གྱི་གཏན་ཚིགས་གསལ་བར་བསྟན་ལ། དེ་ཡང་མདོར་བསྡུ་ན། ཕར་ཕྱིན་དུ་ཡུལ་སྣང་སྤྲོས་པའི་རང་བཞིན་སྤྲོས་བྲལ་དུ་བསྟན་པ་ཙམ་དེ་ཉིད། འདིར་ཡུལ་ཅན་བདེ་བ་ཆེན་པོའི་ཡེ…

ན། གསང་སྙིང་ལས། དད་བརྩོན་བརྟུལ་ཞུགས་རབ་རྟོགས་ནས། །ཕན་པའི་དབང་སྦྱིན་ནུས་པའི་དབང་། རིམ་པ་བཞིན་དུ་སྦྱིན་པར་བྱ། ཞེས་དད་པ་ཅན་ལ་ཕྱི་ཕན་པའི་དབང་བཅུ། བརྩོན་འགྲུས་ཅན་ལ་བདག་གཞན་ཕྱི་ནང་གི་དོན་སྒྲུབ་པ་ལ་ནང་ནུས་པ་འཇུག་པའི་དབང་ལྔ། བརྟུལ་ཞུགས་གསུམ་དང་ལྡན་པ་ལ་གསང་བ་ཟབ་མོའི་དབང་གསུམ་བསྐུར་བའོ། །གསུམ་པ་རྐྱེན་འཇུག་པའི…

སྐུ་ལ་མངོན་བྱང་བཞི་དང་། རྡོ་རྗེ་གསུམ་སོགས་ཀྱིས་སྐྱེ་གནས་བཞིའི་རིགས་དང་ཚུལ་མཐུན་པས་སྦྱོང་བ། བཙས་ནས་ནར་སོན་པའི་བག་ཆགས་སྦྱོང་བྱེད་ཕྱག་རྒྱ་སྤྲོས་པ་སྟེ། དེ་ཡང་ལམ་རིམ་ལས། འཁོར་ལོ་ཚོམ་བུ་གྲངས་ཞལ་ཕྱག །ཞེས་བཞི་སྤྲོ་བ། ནར་སོན་ནས་རྒས་པའི་བར་གྱི་བག་ཆགས་སྦྱོང་བྱེད་ཚོམ་བུ་ཚོགས་སྒྲུབ་སྟེ་ཕུན་སུམ་ཚོགས་པ་ལྔས་གཞི་བཟུ…

སྙིང་རྗེ་ཆེན་པོའི་འཕེན་པས་ཏིང་ངེ་འཛིན་གྱི་ཞུ་བདེ་དང་མཚུངས་ལྡན་དུ་གྱུར་པའི་ལྷ་སྐུ་ཕྱག་རྒྱ་གཅིག་པ་གང་ཤར་གྱི་སྣང་བ་རྒྱས་འདེབས་པ་གསུམ་པ། ལྷར་སྣང་དེ་ཆེས་ཆེར་འཕེལ་བས་སྣང་བ་ཐམས་ཅད་ཟུང་འཇུག་གི་ལྷ་སྐུ་དཀྱིལ་འཁོར་མ་འདྲེས་པ་ལ་གོམས་པ་འཇུག་པ་བཞི་པ། ཚོམ་བུ་གང་རུང་ལ་བརྟེན་ནས་སྤྲོས་བཅས་རིམ་པ་དང་པོ་དང་ཕྱོགས་མཚུངས། ས…

སུ་འབྲང་བ་ཡིན་ལ། བསྐྱེད་རིམ་བསྒོམ་པ་ལ་སྐྱོ་བའི་ཚེ་ཡེ་ཤེས་ལྷ་དང་ཉེ་བར་འགྱུར་བ་སོགས་ཀྱི་དགོས་ཆེད་དང་ལྡན་པའི་བཟླས་པ་བྱ་བ་སྟེ། ལམ་རིམ་ལས། སྐྱོན་བཅུ་སྤངས་ཏེ་རྣམ་གསུམ་གྱིས། །བཟླས་པ་ཚུལ་བཞིན་རྫོགས་པར་བྱ། །ཞེས་སྐྱོན་བཅུ་ནི་སྒྲ་ཆེ་བ་དང་། །ཆུང་བ། བུལ་བ་སོགས་བཅུར་གསུངས་པ་སྤངས་ཤིང་། གསལ་བ་གསུམ་དང་། ཕྲ་མོ་གསུམ་ད…

རྣལ་འབྱོར་མི་ལྡན་རྡོ་རྗེ་འཛིན་པར་རློབས། །སྣོད་མིན་གསང་སྔགས་སྟོན་དེ་ཡན་ལག་བརྒྱད། །ཅེས་པ་རྣམས་དང་། ཁྱད་པར་རྒྱུད་སྡེ་སོ་སོ་ལས་བཤད་པ་ནི་གྲངས་ཀྱིས་མི་ལངས་ལ། དེ་བཞིན་དུ། གསང་བ་སྙིང་པོ་ལས། །བླ་མེད་མི་སྤང་བླ་མ་བཀུར། །སྔགས་དང་ཕྱག་རྒྱ་རྒྱུན་མི་བཅད། །ཡང་དག་ལམ་དུ་ཞུགས་ལ་བྱམས། །གསང་བའི་དོན་ཕྱིར་སྨྲ་མི་བྱ། །འདི་ན…

པས་སྦྱོར་བའི་ལམ་དྲོད་སོགས་བཞི་རིམ་པར་སྦྱངས་ཏེ་རྣམ་སྨིན་རིག་འཛིན་ལ་སྦྱོར་བ་དང་། ཡེ་ཤེས་ཀྱི་ལུས་སུ་གྲུབ་པས་སྐྱེ་འཆི་མེད་པའི་སྐུ་ཐོབ་སྟེ་མངོན་ཤེས་ལྔ་དང་། ཆོ་འཕྲུལ་བཞི་མངོན་དུ་བྱས་ནས་ཕྱིར་མི་ལྡོག་ཅིང་སྤྲུལ་སྐུར་ཆོས་ཉན་པ། ཉེ་བསྙེན་མཐོང་བའི་ལམ་དུ་ཚེ་དབང་རིག་འཛིན་ལ་སྦྱོར་བ་དང་། མཉམ་བཞག་ལས་མ་གཡོས་བཞིན་དུ་ཆོ…

མཚན་ཉིད་འབྱོར་པའི་གཟུང་། །འབྲས་བུ་རྒྱུ་དང་སྨིན་བྱེད་རྐྱེན། །ནུས་མཐུ་ཅན་དུ་གང་གྱུར་པ། །རིག་འཛིན་རྒྱལ་བའི་ཞིང་དུ་གྲགས། །ཞེས་པའི་ལམ་གྱི་རིམ་པ་ནི་བཤད་མ་ཐག་པའོ། །རྗོད་བྱེད་ཀྱི་རྒྱུད་སྡེའི་གྲངས་ནི། སངས་རྒྱས་མཉམ་སྦྱོར་སོགས་སྐུའི་རྒྱུད་གསུམ། །ཟླ་གསང་ཐིག་ལེ་སོགས་གསུང་གི་རྒྱུད་གསུམ། །གསང་བ་འདུས་པ་སོགས་ཐུགས་ཀྱ…