ཆགས་སྡང་སྒང་གཤོང་བྲལ་བའི་བཏང་སྙོམས་མཚོར། །བཏབ་པའི་སྨོན་ལམ་ཛམྦུའི་སྙེ་མ་ཡིས། །འགྲོ་ཀུན་རྟག་བདེའི་གསེར་ཞུན་རྡུལ་བརྩེགས་ཀྱི། །གཙུག་ཏོར་སྲིད་པའི་རྩེ་་འཕགས་པར་ཤོག །བཀྲ་ཤིས་གང་ཞིག་དཀོན་ཅོག་རྣམ་གསུམ་གྱི། །ཐུགས་རྗེ་ཡིད་བཞིན་དབང་གི་རྒྱལ་པོ་ལས། །ཕུན་ཚོགས་འདོད་པ་འཇོ་བའི་ཆར་ཆེན་པོས། །ས་འོག་ས་སྟེང་ས་བླར་ཁྱབ་གྱུར…

(སྡེབ་སྦྱོར་དབང་པོའི་རྒྱུད)དྭེཎཱཾགཎེབྷི པརིཨཤཔཱུརིཨིཤཔཱུརྞནཻམིཏྟཱཨནུབྱཉྫནཀིརབཱཧསཱི། །དྭོཨཱཝརཎཱབིམལིཀྱགོཏམོཉབྷཱམྦཱ་སྦྲརེཏསྱཏམིཔྲཤོདྷཱན། །ཚོགས་གཉིས་ཆ་ཤས་ཡོངས་སུ་གང་བ་ཡི། །མཚན་དཔེའི་ཨུཏྤལ་དཀར་པོ་བཞད་པ་ཅན། །སྒྲིབ་གཉིས་དྲི་བྲལ་སྔོན་མེད་མཚན་མོའི་མགོན། །ཟས་གཙང་སྲས་ཀྱེ་འགྲོ་འདིའི་སྨག་རུམ་སོལ། །(སྡེབ་སྦྱོར་ལ…

(སྡེབ་སྦྱོར་མེ་ཏོག་འཕྲེང་བ་ཅན)བྷབྱཤནྟསུར༔ ཀོཥཔཱདརཛཱཏཝཱཡདྷཱཧསུསྟིཀཾ སནྠཙ། །ཀལླིཥཾབྷཱརསཏྟིརྨལསྭཱནྟཧཱརོཏྟརཱངྒེཎནཱ་མེཤཏེཥྛཏཱིཏི། །སྲིད་ཞིའི་སྣོད་བཅུད་ཡོད་དོ་ཅོག་ཀུན་གྱི། །སྤྱི་བོར་ཁྱོད་ཞབས་རྡུལ་ཙམ་བཀོད་པའི་མོད། །ཉེས་ཚོགས་དྲི་མ་བཀྲུས་པས་ཡིད་ཕྲོགས་ཏེ། །ཡན་ལག་མཆོག་གི་ལན་བརྒྱར་འདུ་ལ་སྤྲོ། །ལོངས་སྤྱོད་རྫོགས་…

ཆད་པ་མེད་འཁོར་བས། །རྣམ་པར་རྒྱལ་བའི་བློ་གྲོས་བཟང་པོ་ཡིས། །དམ་པའི་ཆོས་ཀྱི་རྒྱལ་མཚན་བསྒྲེང་དེ་བསྔགས། །སྲིད་པ་གསུམ་གྱི་སྒྲོན་མེར་མགོན་ཁྱོད་ཀྱི། །མཛད་པའི་རྟ་བདུན་དབང་པོ་རྟག་ཤར་ཚེ། །གདུང་བའི་མུན་པ་རྙེད་པའི་སྐབས་བྲལ་ཕྱིར། །ཉིན་མཚན་དབྱེ་བའི་བྱེད་པོ་ད་ག་རེ། །ཡབ་གཅིག་ལྷ་ཡི་དབང་པོས་ཀ་ལཱ་པའི། །རྒྱལ་སྲིད་གདུགས་ད…

བར། །འདི་ལས་ལྷག་པའི་དགེ་བ་དམིགས་སུ་མེད། །དེ་ཕྱིར་ཉི་མའི་གཉེན་དང་ཀུན་དགའ་བོ། །ཇི་ལྟར་སྨོན་ལམ་བཟང་པོའི་འབྲེལ་པ་ཅན། །བློ་བཟང་དགེ་ལེགས་ཕུན་ཚོགས་རབ་བརྟན་ཞེས། །ཞམ་རིང་ཟུང་གིས་བྱ་དགའི་ཁུར་ཆེན་བླངས། །ཀླུ་དབང་གདེངས་ཀ་དང་མཚུངས་ཟང་ཟིང་ནོར། །ཆེས་མང་དེ་སྙེད་གྲངས་ཀྱིས་སྡུག་བསྔལ་ཡང་། །གསེར་འགྱུར་ཇི་བཞིན་བླ་མེད་བྱང…

ཆེས་ཆེར་སྙིགས་པའི་ལུས་ཅན་ཚོགས་རྣམས་ཀྱིས། །ཡ་མཚན་འདི་འདྲ་མངོན་སུམ་མཐོང་སྟེ་རྨད། །བསམ་འཕེལ་ཡིད་བཞིན་དབང་གི་རྒྱལ་པོའི་གདུང་། །བཞུགས་རྟེན་རིན་ཅེན་མཆོད་སྡོང་གནྡྷོ་ལ། །གསེར་སྦྱངས་ཞུན་མའི་རྒྱ་ཕིབས་དང་བཅས་པས། །སུམ་རྩེན་གནས་ཀྱི་ཁེངས་པ་བག་ལ་ཞ། །དེ་ཡང་རབ་བྱུང་བཅུ་གཅིག་པའི། །འཕགས་ཡུལ་ཤྭ་བྷ་ཀིར་འབོད་ཅིང་། །ཤར་ཕྱ…

ཡང་གདུལ་བྱའི་ལེགས་བྱས་གཞིར། །རྒྱ་བོད་ཀུན་ཏུ་ཡོངས་འཛིན་རྗེའི། །དགོངས་པ་ཟག་མེད་དབྱིངས་རྫོགས་ཆེད། །རྣམ་དཀར་རྒྱ་ཆེར་སྒྲུབ་སྲོལ་དར། །དེ་ཕྱིར་བློ་བཟང་དགེ་ལེགས་ཞེས། །ཕྱག་མཛོད་ལས་འཛིན་གང་དེ་ཡིས། །ཁུར་བླངས་བཟོ་རིག་དོ་དམ་པ། །ད་ལྟའི་ཕུན་ཚོགས་རབ་བརྟན་གྲགས། །བཟོ་བཀོད་ཆོས་དབྱིངས་རྒྱ་མཚོ་དང་། །ཤངས་པ་ཆོས་མགོན་གཙོར་…

ཅད་མཁྱེན་པ་བཙོང་ཁ་པ། །དག་ཞིང་གཤེགས་པའི་དུས་བཟང་ཉིན། །མི་བསྐྱོད་རྡོ་རྗེའི་འདབ་བསྐྱེད་ལ། །བརྟེན་ནས་གསང་སྔགས་འདུས་གྲྭ་ཡིས། །དམ་ཚིག་པ་ལ་ཡེ་ཤེས་ཀྱི། །ལྷ་ཚོགས་མངོན་སུམ་བཞིན་དུ་བཅུག །སྣ་ཚོགས་དབྱིག་ཅེས་ཤིང་སྦྲུལ་ལོའི། །རྟ་ཡིས་ཉ་བའི་ཉེར་བདུན་ལ། །རྒྱ་ཕིབས་ཤིང་དང་ཕྱི་མའི་ཟླའི། །ཚེས་བཅུར་གསེར་ཟངས་བཟོ་འགོ་བཙུགས།…

པས། །བསམ་བཞིན་སྤྲུལ་པའི་སྐུ་མཆོག་མྱུར་འབྱོན་ཤོག །བློ་གྲོས་བཟང་པོའི་སྐལ་ཐོབ་དགེ་ལེགས་ཅན། །ཡོན་ཏན་ཕུན་ཚོགས་བསགས་པའི་བསོད་ནམས་ཀྱིས། །རྩ་བ་རབ་བརྟན་འབྱོར་པའི་མཛོད་འཛིན་ཟུང༌། །འདི་ཕྱི་ཀུན་ཏུ་ཕན་བདེར་སྤྱོད་པར་ཤོག །ལུས་ཀྱི་བཟོས་མཚོན་དཀའ་བའི་ངལ་བ་བསྟེན། །ངག་ནས་བླང་དང་དོར་བྱ་རྣམ་པར་སྟོན། །ཡིད་ངོར་རིག་པའི་སྤྲུ…

སུ། །རྫོགས་ལྡན་དགའ་སྟོན་ཡོངས་འཕེལ་རྩ་ལག་ཏུ། །ཤཱཀྱ་སེང་གེ་མ་སྨད་རིང་ལུགས་མཆོག །བྱམས་བསྟན་ཤར་མིན་བར་དུ་ཡར་འཕེལ་ཤོག །ཁྱད་པར་འཇམ་དཔལ་རྡོ་རྗེ་བཙོང་ཁ་པའི། །ཆོས་སྲིད་བསྟན་དང་དེ་འདེགས་མི་ཡི་བདག །མཆོད་དང་ཡོན་སྦྱོར་ཀུན་གྱི་སྲིད་དང་ཞིའི། །དབང་ཕྱུག་བརྒྱད་ཀྱི་མཐུ་དཔལ་དར་དྲག་ཤོག །ས་ལ་རྣམ་པར་བཀྲ་བ་འདུས་པའི་སྡེ། །ཚ…

(སྡེབ་སྦྱོར་དབང་པོ་རྡོ་རྗེ)ཏཻལོཀཙྩཌེརཛཔཱདརཱུཔོཔམྱུསུཀྲྀཏུནུསབྷཱབུཀཉྩ། །སདྡཱརྠནཱམཱཏིཤཧྲཔྥལཱསཾཝཎྞཱབིཤེཥཱནྱཛིབྷཱུཏཏཙྩ༎ འཇིག་རྟེན་གསུམ་གྱི་གཙུག་ན་ཞབས་གྱི་རྡུལ། །བསོད་ནམས་གཟུགས་ཅན་བཞིན་དུ་ལེགས་འགོད་པ། །ཟས་གཙང་སྲས་ཞེས་སྙིང་སྟོབས་ཕུལ་བྱུང་བས། །རྣམ་འདྲེན་གཞན་ལས་ཁྱད་པར་གྱུར་དེ་བསྔགས། །དཔལ་གྱི་མགུར་ལས་གསུངས་པ…

པ་ལོ་པཎ་རིམ་བྱོན་གྱི། །བཀའ་དྲིན་བྱང་ཆུབ་བར་དུ་གཞལ་ནུས་མིན། །སྐྱེ་རྒུའི་བདེ་སྐྱིད་སྲོག་འཕྲོག་དུག་གསུམ་ནད། །རབ་བཅོམ་མདོ་རྒྱུད་འཆི་མེད་བདུད་རྩིའི་བཅུད། །ཀུན་ལ་སྟེར་བའི་སྔོན་མེད་ཚངས་པ་ཆེ། །དོན་ཀུན་གྲུབ་པ་ཤཱཀྱའི་གཙོ་བོ་མཆོག །མཐོང་ཐོས་དྲན་དང་རེག་པས་རྣམ་གྲོལ་བ། །གསུང་རབ་ཡི་གེར་འདྲི་བའི་ལེགས་བྱས་ཀྱི། །གསེར་…

ཚེ་ནག་པོའི་སྡེ་བཅས་རྩ་ལག་རྣམས། །མིང་གི་ལྷག་མ་ཙམ་དུ་གྱུར་སྙམ་ནས། །དགའ་རབ་དབང་ཕྱུག་གདོང་པ་ཡོངས་དམད་དེ། །མི་བཟད་མྱ་ངན་ཁང་བུར་བརྒྱལ་བ་བཞིན། །བྱས་པ་དོན་དང་ལྡན་པ་དགེ་བའི་གྲུས། །སྲིད་འཁོར་རྒྱ་མཚོའི་ཕ་མཐའ་ལས་བསྒྲལ་ཏེ། །ངེས་ལེགས་རིན་ཅེན་གླིང་དུ་རབ་བགྲོད་ནས། །གཏན་འདུན་ནོར་བུར་སྤྱོད་པ་དེ་རྨད་བྱུང་། །ལེགས་བྱས་མ…

འགྲིབ་མེད་པའི་མཁར། །བྱིན་རླབས་མེ་ཤེལ་དཀྱིལ་འཁོར་འབར་བའི་གཟིས། །ཕན་དང་བདེ་བའི་སྣང་བ་གསལ་བྱེད་པ། །འཇིག་རྟེན་གསུམ་གྱི་སྒྲོན་མེ་འདེགས་པར་ཤོག །ཅེས་ལྷ་ས་བྱང་གླིང་བསམ་གྲུབ་རྒྱལ་པོས་འདུལ་ལུང་མདོ་མངས་ཤེར་ཕྱོགས་རྣམས་ཡོངས་རྫོགས་དང་། །རྒྱུད་འབུམ་ཐོར་བུ་བཞེངས་པའི་ཚེ་དཀར་ཆག་དང་འབྲེལ་བའི་སྨོན་ལམ་ཞིག་དགོས་ཞེས་བསྐུལ…

པོ་ཧོར་གྱི་ཡུལ་ནས་འུན་དུ་སུས། །ཉེར་དྲངས་སྒྱུ་མའི་ནོར་ལ་སྙིང་པོ་རུ། ལེན་མཁས་དྭགས་སྟོད་ས་སྐྱོང་ལྕང་ར་བ། །མགོན་པོ་ཚེ་བརྟན་ཆོས་འཛིན་མིང་སྲིང་ཟུང་། །ཐུབ་པའི་གསུང་ལ་རི་མོར་བྱས་པ་ཡི། །འབྲས་བུ་ཡང་སྲིད་ཀུན་ཏུ་བདེ་བའི་རྒྱུན། །ཆད་མེད་འབབ་པའི་གངྒཱ་དུག་གསུམ་དྲི། །རྒྱུན་དུ་འཁྲུད་པའི་བྱེད་པོར་ཞབས་སུ་བསིལ། །འགྲོ་རྣ…

བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་ཆང་ཁྱིམ་པ་ངག་དབང་མཁྱེན་བརྩེས་བགྱིས་པ་སིདྡྷི་ར་ཆོས་སྡེ་ཆེན་པོ་དཔལ་ལྡན་འབྲས་སྤུངས་ཀྱི་དྲི་གཙང་ཁང་གི་མཆོད་རྫས་ཀྱི་དེབ་ཐེར་འགོ་བརྗོད་སྲིད་ཞིའི་དཔལ་འབྱོར་འཁྱིལ་བའི་གསེར་གཞོང་སོགས། ཛཡོཧྲིདྭཛམྦུབྲྀཀྵསྱཕལྱཾཨཧོབིརྩསཱམུདྲིཀཉྩཔཏལྱཾ། ཀྲྀཡཾཀྲྀཙྪབྷཱརཾདྨཧཏཏྐནྟིརཱཏཔྟས…

རྒྱུད་མངས་སྒྲ་ལས་ཉེར་དྲངས་ནས། །ལུས་ཅན་རྣ་བར་སྙན་པའི་འདོད་འཇོ་མཁན། །དཔལ་ལྡན་བླ་མ་མཁས་མང་ཡོངས་ཀྱི་རྒྱན། །སྒྲིབ་གཉིས་རྩོད་པའི་གཡུལ་ལས་རྣམ་རྒྱལ་བ། །དགེ་བཅུར་རྟག་འདུན་གསེར་སྦྱང་འཁོར་ལོ་ཡིས། །སྐུ་གསུམ་རྫོགས་ལྡན་དགའ་སྟོན་རྒྱ་མཚོ་ཆེར། །སྤྱོད་མཁས་ངེས་པར་ཐམས་ཅད་མཁྱེན་དེ་རྒྱལ། །ཨུཏྤལ་དམར་པོའི་ཉག་ཕྲན་གཅིག་གིས་ཀ…

ལྡན་པའི་ཡི་གེ་རུ། །འགོད་པ་ཕྲ་ཞིབ་མཛངས་རྣམས་སྤྱི་ཡི་ལུགས། །འཇིག་རྟེན་གསུམ་ན་གྲགས་སོ་ཅོག་གི་ནོར། །ལེགས་བྱས་གསེར་གྱི་གཞོང་པར་སྤུངས་པ་ཡི། །དེབ་ཐེར་འཛམ་གླིང་ཡོངས་གྱི་འབྱོར་བ་རྣམས། །མངོན་སུམ་སྟོན་པའི་མེ་ལོང་གཅིག་ཏུ་གསལ། ཞེས་ཤིས་པ་བརྗོད་པའི་ཚིག་གི་འཕྲེང་བ་སྔོན་དུ་བཏང་ནས་གངས་རི་དཔལ་དང་ལྡན་པའི་ལྗོངས་རུ་བཞི་ལ…

(སྡེབ་སྦྱོར་རྒྱུན་ཆགས་དང་པོ་གཏུམ་པའི་ཆར་འབེབས། )བྷམཀབྷབནཙནཀནྟཀཱརེཎཙིཏྟོཏྟཏྭཱ སཱམཔྟཀཱནྟཔཾརཾརབིབྷབཤཏནེམིཏོདཱཧརསྨིནྣཧསྲེམཧཱཔྲ་ཛྭལཏྲིཤརཱིརརུཔ། །འཁོར་བའི་ཐུན་གསུམ་མཐར་བྱེད་སེམས་བསྐྱེད་སྐྱ་རེངས་རྫོགས་པའི་ཕ་མཐའ་ན། །མཚན་དཔེའི་འོད་སྟོང་ཆེས་ཆེར་རབ་འབར་སྐུ་གསུམ་ཉི་མའི་དངོས་བརྒྱའི་ལུས། ཐསཀལཛགཏསོཀརཱཀཱཤདྷཏོཝཱཐིཥཱ…

རྨོངས་ཆེན་འཁོར་བའི་འགྲོ་ལ་སྙིང་རྗེ་ཆེས། །རྒྱལ་ཀུན་མཁྱེན་པ་འཇམ་དབྱངས་གཞོན་ནུའི་སྐུར། །ལེགས་བསྟན་ཆེན་པོ་བོད་ཀྱི་རྒྱལ་ཁམས་ནི། །མི་ཡི་གཟུགས་འཛིན་བཙོང་ཁ་པ་ལས་སུ། །གང་གི་རིང་ལུགས་ནོར་འཛིན་དཔལ་མོའི་མངལ། །འདེགས་པའི་སྙིང་སྟོབས་གོས་སེར་ཅན་གྱི་གྲོགས། །ངོ་མཚར་སྐྱེས་རབས་འཕྲེང་འཛིན་དབེན་ས་པ། །བློ་བཟང་ཆོས་ཀྱི་རྒྱལ…