ཕན་བདེའི་གསེར་གྱི་སྙེ་མ་འཛད་མེད་མཛོད། །རྣམ་བྱང་བར་དུ་སྤྱད་བྱ་དམ་པའི་ཆོས། །དེ་དོན་ཉམས་བསྟར་བློ་གྲོས་གོམ་པ་ཡིས། །མཐོན་པོར་བཏེག་ནས་ས་ལམ་བཤུལ་རིང་པོར། །རིང་བགྲོད་གཞན་དག་དེར་ཁྲིད་དགེ་འདུན་ཞེས། །མཆོག་གསུམ་གཏན་གྱི་སྐྱབས་སོང་ཕྱག་བྱའི་གནས། །ཀུན་ཁྱབ་ཀུན་ཏུ་བཟང་པོའི་མཁའ་དབྱིངས་ནས། །རྡོར་སེམས་ཆུ་ལྷའི་བུ་ཡི་འོད་…

གནྡྷོ་ལ་ཡི་བཀོད་པའི་དཔྱིད། །འཛམ་གླིང་མཛེས་བྱེད་རྒྱན་གྱི་རྩེ་མོར་སོན། །ཞེས་ཤིས་བརྗོད་ཕྱག་བྱ་དངོས་པོ་ངེས་བསྟན་གྱི་སྒོ་ནས་ཚིགས་སུ་བཅད་པས་སྔུན་བསུས་ཏེ་སྐབས་དོན་གླེང་པར་བྱ་བ་ནི། །ཇི་སྐད་དུ། །འགྲོ་བའི་བླ་མ་འཇིག་རྟེན་ལ། །བུ་གཅིག་བཞིན་དུ་གཟིགས་པ་ལགས། །ཇི་ལྟར་ཆུ་འཛིན་འཁྲིགས་པ་ཡང་། །རིང་ནས་ལོ་ཏོག་འཕེལ་བ་ལྟར། …

བསྐལ་པ་བཟང་པོ་འདི་ལ་སངས་རྒྱས་སྟོང་ངམ་སྟོང་དང་ལྔ་སོགས་བཤད་ཚུལ་མི་འདྲ་བ་འགའ་ཞིག་བྱུང་ཡང་། བཞི་པ་འོ་སྐོལ་གྱི་སྟོན་པ་ཀུན་མཁྱེན་བུ་རམ་ཤིང་པ་ཡིན་པར་མཐུན་ཞིང་། དེའི་མདོ་སྔགས་ཀྱི་བསྟན་པའི་དབྱེ་བ་མཁས་གྲུབ་རྣམས་ཀྱི་བཞེད་སྲོལ་མང་ཡང་སྐབས་འདིར་གླེང་བར་འོས་པ་རྒྱུད་ཐམས་ཅད་ཀྱི་རྒྱལ་པོ། མདོ་སྡེ་ཐམས་ཅད་ཀྱི་ཟ་མ་ཏོག །ཐ…

པོས་ཆོས་འབྱུང་ཡངས་པའི་ཞིང་ཁམས་སུ་གསུངས་པར་བཤད། དེས་ན་སངས་རྒྱས་ཀྱི་ཞིང་ཁམས་དང་འཇིག་རྟེན་གྱི་ཁམས་ཀྱང་བསམ་གྱིས་མི་ཁྱབ། འཁོར་བའི་སེམས་ཅན་དང་ཉོན་མོངས་པ་ཡང་བསམ་གྱིས་མི་ཁྱབ། དེ་དག་ཐམས་ཅད་འདུལ་བའི་གཉེན་པོར་བྱོན་པའི་སྤྲུལ་པའི་སྐུ་ཡང་བསམ་གྱིས་མི་ཁྱབ། གྲངས་མེད་བརྗོད་དུ་མེད་པ་སྤྲུལ་ཞིང་། ཆོས་རྫོགས་པ་ཆེན་པོའི་ཀླ…

འགྲོ་བ་ཆགས་པར་བཞེད་པ་རིག་པ་བཅུག་ན་འཐད་པར་མངོན་མོད། འོན་ཀྱང་དེ་བཞིན་གཤེགས་པའི་རིགས་ཀྱི་འཁོར་ལོས་བསྒྱུར་པ་འཇམ་དཔལ་རྩ་རྒྱུད་ལེའུ་སོ་དྲུག་པའི་བདག་ཉིད་ཅན་ལས། ང་ཡི་དུས་ནས་ལོ་བརྒྱ་ན། ཁ་བ་ཅན་དུ་མཚོ་བྲི་ནས། །སཱ་ལའི་ནགས་ནི་འབྱུང་བར་འགྱུར། །ཞེས་ཐོག་མར་མཚོས་གང་བ་རིམ་གྱིས་བྲི་ནས་ཤུག་པ་ལ་སོགས་པའི་ནགས་ཆགས་པས་སཱ་ལའ…

དབྱིབས་བྱ་སྤྱོད་སོགས་མི་འདྲ་བ་དྲུག་བྱུང་ཞིང་། དེ་དག་ལས་མང་དུ་འཕེལ་བར་ཟས་དཀོན་པའི་ཚེ་སྤྲེའུ་བྱང་ཆུབ་སེམས་དཔས་རི་བོ་པོ་ཏ་ལར་འཕགས་པ་ལ་ཞུས་པའི་འབྲུ་སྣ་མང་པོ་སྩལ་བ་རྣམས་བཏབ་ནས་སྟོན་ཐོག་བྱུང་བའི་ཚེ། ཟོ་དང་བྱས་པས་ཟོ་དང་གོང་པོ་རིར་གྲགས། ཇོ་བོ་ཆེན་པོ་དཔལ་མར་མེ་མཛད་ཀྱིས་འཕྲུལ་སྣང་ཀ་གཞུ་ནས་སྤྱན་དྲངས་པའི་བཀའ་ཆེ…

གྱི་རྒྱལ་བློན་བྱང་ཆུབ་སེམས་དཔའ་དེ་དག་རིགས་གསུམ་མགོན་པོའི་སྤྲུལ་པར་གྲགས་ཏེ། རལ་པ་ཅན་ལ་སོགས་པ་གཅིག་གཉིས་འཇམ་དཔལ་རིགས། གཞན་ཕྱག་རྡོར་ཡིན་གྱི། ཕལ་ཆེར་ནི་མགོན་པོ་སྤྱན་རས་གཟིགས་ཀྱི་སྤྲུལ་པ་རྒྱལ་བའི་འབྱུང་གནས་ཉིད་ཡིན་ལ། མཁན་རྒྱུད་བྱང་ཆུབ་སེམས་དཔའ་དེ་རྣམས་ནི་ང་ཁོ་ན་ཉིད་ཡིན་གྱི་གཞན་དུ་མ་སེམས་ཤིག་གསུངས་ནས་སྤྱན…

བཙན་པོར་གྲགས། བོན་རྣམས་དམུ་ཐག་ལས་བརྒྱུད་ནས་འོངས་ཟེར། གང་ལྟར་བོད་སྤྱི་ལ་དབང་བའི་རྒྱལ་པོའི་ཐོག་མ་ཡིན། དེ་ནས་རྒྱལ་རབས་ཉེར་བདུན་འདས་པ་ན་ལྷ་ཐོ་ཐོ་རི་གཉན་བཙན་ཕོ་བྲང་ཡུམ་བུ་བླ་སྒང་ན་བཞུགས་པའི་ཚེ། དཔང་སྒོང་ཕྱག་རྒྱ་པ། གསེར་གྱི་མཆོད་རྟེན། མདོ་སྡེ་ཟ་མ་ཏོག་གི་སྙིང་པོ་ཡི་གེ་དྲུག་པ། ཚིནྡྷ་མ་ཎིའི་རྐོས་ཕོར་རྣམས་ཕོ་…

མོ་དང་ནི། དཀར་མོ་ཆེན་མོ་གཞན་ཕན་བརྩོན། །ཞེས་པའི་དོན་བཞིན་ཆོས་སྐྱོང་བའི་རྒྱལ་པོ་སྲོང་བཙན་སྒམ་པོས་ཆོས་བློན་ཐོན་མི་སམ་བྷོ་ཊ་རྒྱ་གར་དུ་བརྫངས་ཏེ་བོད་དུ་ཡི་གེ་མེད་པ་ལ་འབྲི་ཀློག་གི་སྲོལ་བཏོད་གླེགས་བམ་རིན་པོར་ཆེར། རྗེ་དཀོན་ཅོག་འབངས་ནི་བོད་དུ་འགྲོ །བོད་གློ་བུར་རྒྱལ་པོ་ཆོས་ལ་སྤྱོད། །བོད་མཐའ་འཁོབ་ཡུལ་རྣམས་འདུལ་…

ཁོལ་མར་ཆོས་རྒྱལ་འདིའི་རིང་ལ། རྒྱ་གར་ནས་སློབ་དཔོན་ཀུ་ས་ར་དང་། བྲམ་ཟེ་ཤ་ཀ་ར་བལ་པོའི་དཔོན་སློབ་དཔོན་ཤཱི་ལ་མཉྫུ། རྒྱ་ནག་གི་སློབ་དཔོན་ཧྭ་ཤང་མ་ཧཱ་ཡ་ན་ལ་སོགས་པ་སྤྱན་དྲངས་ནས་སྡེ་སྣོད་གསུམ་དང་། རྒྱུད་ཀྱི་ཆ་ལག་མང་རབ་སྒྱུར་ཞིང་བསྟན་པའི་སྲོལ་བཏོད། དངོས་སུ་འཆད་ཉན་མ་བྱུང་ཡང་རྒྱལ་པོ་རང་གིས་སྐལ་ལྡན་མང་པོར་ལྐོག་ཆོས་…

ཐང་ལྷས་དམར་པོ་རིར་ཐོག་ཕབ། །ཤམ་པོས་ཡར་ཀླུངས་ཕན་ཐང་ཆུ་ལ་བསྐུར། །བསྟན་མ་བཅུ་གཉིས་ཀྱིས་མི་ནད་ཕྱུགས་ནད་བཏང་བས་བོན་བློན་སོགས་མང་པོས་ཆོས་བྱས་པས་ལན་ཞེས་སྒྲོ་སྐུར་བྱས། མཁན་པོས་བཙད་པོ་ལ་ཁོ་བོས་རྒྱུ་མཚན་ཉིད་ཀྱི་ཐེག་པ་ལ་སྦྱངས། བྱང་ཆུབ་ཀྱི་སེམས་དང་ལྡན་ཡང་ལྷ་སྲིན་རྣམས་མི་ཐུལ་བར་འདུག་པས་འཛམ་བུ་གླིང་ན་ཆེ་བའི་རིག་སྔ…

ཁམས་ནས་སྦྲང་ཁམ་པའི་རྔ་མ། གྲུ་གུའི་རྒྱལ་པོའི་མཛོད་ནས་ཡུམ་གྱིམ་ཤིང་ཨོང་ཇོའི་བསེའི་མེ་ལོང་བལྟས་པས་མངོན་ཤེས་འཆར་བ། ཝ་ར་ཎཱ་སིའི་མཆོད་རྟེན་ནས་སངས་རྒྱས་ཀྱིས་འཕེལ་གདུང་མང་པོ་སྐད་གཅིག་ལ་བླངས་ཏེ་རྒྱལ་པོ་ལ་གཏད་པ་སོགས་དཔག་དཀའི་མཛད་པ་བརྗོད་ཀྱིས་མི་ལང་། བསམ་ཡས་མཆོད་རྟེན་དཀར་པོ་ན་རིང་བསྲེལ་མང་དུ་བཞུགས་པ་ཡང་འདི་ཡིན…

རྒྱ་ཧོར་སོགས་མཐའི་རྒྱལ་པོ་མཐའ་དག་དབང་དུ་འདུ་བ་སོགས་བྱེད་པའི་བཀའ་སྩལ་པས་ཉམས་སད་ཆེད་མཛད་པར་གསོལ་བ་ན། དཀྱིལ་འཁོར་བཞེངས་ནས་སྔ་དྲོ་ཞིག་དགོངས་པ་མཛད་པས་བྲག་དམར་གྱི་སྐམ་ས་ཞིག་ཏུ་ཆུ་ཆེན་པོར་བརྡོལ་བར་མིང་ཀླུ་རྫིང་དུ་བཏགས། ད་དུང་མཛད་དགོས་ཞུས་པས། བྲག་དམར་འཚོ་མོ་མགུལ་སྔར་བྱེ་མར་ཡོད་པ་ལ་ནེའུ་གསིང་དུ་སྔོ་ཕྱམས་ཀྱི་…

གནོང་གིས་སློབ་དཔོན་ཆེན་པོའི་རྫུ་འཕྲུལ་དང་མངོན་ཤེས་མ་བཟོད་པས། ད་བྱ་བའི་འཕྲོས་རྣམས་བཤོལ་ལ་སྔགས་མཁན་འདི་རང་ཡུལ་དུ་བཏང་བ་འཐད་པར་བློན་པོ་དབང་ཆེ་བ་ཕལ་ཆེར་ཁ་མཐུན་ཏེ་བཙད་པོ་ལ་རྒྱུ་མཚན་ཞུས་པས་རྗེ་ཐུགས་མ་བདེ་བར་སློབ་དཔོན་ལ་ལྐོག་ཏུ་གསེར་ཕྱེ་བྲེ་གང་ཕུལ་ནས་ལོ་རྒྱུས་རྣམས་གསོལ་བས། བྱེ་མ་དང་རྡོ་ལ་ཕྱག་རེག་པ་རྣམས་གསེ…

འཁོར་ཞིག་ཀྱང་བྱོན་ནས་འོངས་ཏེ། དེར་འཁྲུལ་པ་ཆེན་པོ་ཞིག་ཀྱང་འོང་། ཆོས་ལ་རྐེད་ཉག་བག་རེ་འོང་། ཀླུ་དེ་ཡང་རྒྱལ་པོ་ལ་ཕུགས་ཞེ་བརྣག་པར་འདུག །རྒྱལ་བརྒྱུད་ཀྱང་སིལ་བུར་འགྲོ་གསུང་བ་སོགས་ཀྱི་ལོ་རྒྱུས་བྱུང་བ་ལས་ཡུན་རིང་མ་བཞུགས་པའི་སྐོར་མྱང་འདས་རྒྱ་གར་འགྱུར་ལས། རེས་འགའ་ནི་སེམས་ཅན་རྣམས་ཀྱིས་དེ་བཞིན་གཤེགས་པ་གྲོངས་སོ་ས…

ཡིན་ནོ་སྙམ་དུ་ཡང་དག་པར་ཤེས་མོད་ཀྱི། ང་ཡང་དེ་ལྟ་བུའི་ལས་བྱེད་པ་མ་ཡིན་ལ། ལྷ་དང་བཅས་པའི་འཇིག་རྟེན་ན་ཡང་སུས་ཀྱང་དགེ་འདུན་འབྱེད་མི་ནུས་སོ། །ཞེས་པ་ལྟར། དེ་བཞིན་གཤེགས་པ་ལ་ཡང་མཐོང་ཚུལ་སྣ་ཚོགས་ཤིང་། མཛངས་བླུན་དུ་མཉན་ཡོད་ཀྱི་ཆོ་འཕྲུལ་ཉིན་བཅོ་ལྔར་བཤད་ཀྱང་། འདུལ་ལུང་སོགས་ཐེག་དམན་གྱི་ལུགས་ལ་ཚེས་བརྒྱད་ཀྱི་མཛད་པ་ལ…

ཟན་གཡང་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་གི་རྨང་ཁྲིད། ཨོ་ཏནྟ་པུ་རིའི་བཙུག་ལག་ཁང་ལ་དཔེ་བྱས་ཉིན་མོ་མི་དང་མཚན་མོ་མི་མ་ཡིན་གྱིས་བརྩིགས་ནས་བཞེངས་པའི་བསམ་ཡས་ཀྱི་ལྷ་ཁང་ཇོ་མོའི་གླིང་གསུམ་དང་བཅས་པ་རིང་པོར་མི་འཐོགས་པར་འབྱོངས་པས། བཀའ་ཐང་ལས། བཅུ་གསུམ་ལོན་ནས་ཡབ་ཀྱིས་བོར་བའི་བུཿ གདོང་དམར་བོད་ཀྱི་རྒྱལ་པོ་ཡུས་…

རྣམས་བསྒྱུར་བའི་བཤད་ཉན་གྱིས་གཏན་ལ་ཕབ། སློབ་དཔོན་ཆེན་པོས། རྗེ་འབངས་ཉེར་ལྔས་གཙོས་སྣོད་ལྡན་མང་པོར་བླ་རྫོགས་ཐུགས་གསུམ། བཀའ་བརྒྱད་སྤྱི་བྱེ་བྲག་སོགས་ཐེག་དགུའི་ཆོས་ཀྱི་སྨིན་གྲོལ་ལ་བཀོད་དེ་མདོ་སྔགས་ཀྱི་བསྟན་པ་དར་རྒྱས་སུ་མཛད་པ་ནས་བཟུང་གླང་དར་མས་བསྟན་པ་མ་བསྣུབས་པ་ཡན་ཆོད་ཀྱི་བཤད་སྒྲུབ་མཐའ་དག་གི་སྔགས་ཕྱོགས་ནི་ག…

པས་བསམ་ཡས་ན་བསྒྱུར་བའི་རྒྱ་དཔེའི་ཚོགས་དང་སྒྱུར་ཟིན་བོད་ཡིག་ཏུ་ཕབ་ཡོད་པའི་ཚོ་གཉིས་སུ་བཞུགས་ཡོད་པ་བསྒྱུར་ཟིན་པ་ལ་གཟིགས་པས་སྔོན་གྱི་ལོ་ཙཱས་བསྒྱུར་བར་ཐུགས་ཡིད་ཆེས་ཤིང་། སྔོན་གྱི་བཀའ་འགྱུར་དཀར་ཆག་མཆིམས་ཕུ་མ་དང་། ལྡན་དཀར་མ་དང་། འཕང་ཐང་མར་གཟིགས་པས་ཀྱང་ཡིད་ཆེས་སྐྱེ་བར་འགྱུར་རོ། །པཎྜི་ཏའི་ཁྱད་པར་གྱི་ཆེ་བ་ནི།…

མཱ་ལའི་སྙིང་ཐིག །རྫོགས་ཆེན་འོད་གསལ་སྒྲོན་མ་དྲུག་སྐོར། ས་སྐྱ་གོང་མའི་ཐུགས་དམ་ཉམས་བཞེས་ཡང་ཕུར་རྫོགས་རིམ། རྫོགས་ཆེན་ཨ་ཏི་སོགས་རྫོགས་པ་ཆེན་པོའི་རྣམ་གྲངས་ཤིན་ཏུ་མང་བར་ཡོད་པ་རྣམས་ནི་བརྗོད་བྱ་ཆོས་ཀྱི་ཁྱད་པར་གྱི་ཆེ་བ་ཡིན་ནོ། །གཞན་ཡང་བརྗོད་བྱ་ཆོས་ཀྱི་ཆེ་བ་ནི། སྤྱིར་བསྐལ་པ་ལ་ཡང་དུས་བཞི་ཡོད། ཁྱད་པར་སངས་རྒྱས་ཀྱ…