ལྷོ་ནུབ་གྲ་ཞེས་གཡོ་རུའི་སར༔ ལུང་པ་བྱང་ལྟ་དོར་མ་བརྐྱང་འདྲའི་ཚིགས༔ སྲིན་མོ་འཛེག་འདྲའི་དགེ་བསྙེན་སྔགས་ཞོལ་དུ༔ བུདྡྷ་ཛྙཱ་ནའི་སྤྲུལ་པ་ཚེ་མིང་ཕ༔ ཤེལ་དཀར་འཚོ་སྒྲོན་སྤྲུལ་པ་དབྱངས་མིང་མས༔ བསྐྱེད་པའི་རྣལ་འབྱོར་སྔགས་ཀྱི་བརྟུལ་ཞུགས་ཅན༔ མེ་ཁམས་ཁྱི་ཡི་ལོ་པ་པདྨའི་མིང་༔ གཟུགས་བྱད་ཧ་ཅང་མི་རིང་མི་ཐུང་བ༔ མདངས་སྣུམ་རིན…

ལ་རྫིང་བུ་མང་པོར་གཟུགས་བརྙན་འཆར་བ་བཞིན་ཡབ་རིགས་འཛིན་ཆེན་པོ་འཕྲིན་ལས་ལྷུན་གྲུབ་དང་ཡུམ་ཤེལ་དཀར་བཟའ་འཚོ་སྒྲོན་གྱི་སྤྲུལ་པ་ལྷ་འཛིན་དབྱངས་ཅན་སྒྲོལ་མའི་སྲས་སུ་རིགས་འཛིན་ཆེན་པོ་འདི་མེ་ཕོ་ཁྱིའི་ལོ་ལ་སྐུ་བལྟམས་པའི་ངོ་མཚར་གྱི་མཛད་པ་གསང་བ་བསམ་གྱིས་མི་ཁྱབ་པ་དག་གླེང་བར་བྱ་བ་དུས་སུ་མ་བབས་པས་རེ་ཤིག་བཏང་སྙོམས་སུ་བཞ…

ལྷ་སྔགས་ཡེ་ཤེས་ཀྱི་རྣལ་འབྱོར་མཐར་ཕྱིན་པས་མཁྱེན་བརྩེ་ནུས་པའི་ཐུགས་ཀྱི་ཀློང་རང་བརྡོལ་དུ་གྱུར། གོང་སྨོས་ཀྱི་བླ་མ་དྲུག་ཙམ་མ་གཏོགས་གཞན་རྣམས་དང་། གངས་ཅན་གྱི་ལྷ་གཅིག་དཔལ་ཕག་མོ་གྲུ་པ་ཡབ་སྲས། སྒམ་འབྲུག་སྤྲུལ་སྐུ་གཉིས་སོགས་བླ་ཆེན། མཁན་པོ། སྤྱན་ལྔ། སློབ་དཔོན། ལུང་དང་རིགས་པ་སྨྲ་བའི་བཤེས་གཉེན། རྣལ་འབྱོར་སྤྱོད་པ་…

འདི་ཉིད་འཆད་ཅིང་སྒྲུབ་པའི་སྡེ༔ ཚོམ་བུ་གཅིག་ཏུ་འདུས་པ་དག༔ བརྩོན་པས་བསྒྲུབས་ནས་འགྲུབ་གྱུར་ཅིང་༔ མ་འོངས་བསྟན་པ་ཆེར་འཕེལ་ཏེ༔ བོད་ཀྱི་བདེ་སྐྱིད་གོང་དུ་སྤེལ༔ ཞེས་པའི་དོན་ལྟར། ཟབ་གཏེར་འདི་ཉིད་ལ་ཐོས་བསམ་སྒོམ་གསུམ་བྱ་བའི་རིགས་འཛིན་འདུས་གྲ་ཞིག་དགའ་ལྡན་ཕྱོགས་ཐམས་ཅད་ལས་རྣམ་པར་རྒྱལ་བའི་ཆོས་སྲིད་ཟུང་དུ་འཇུག་པའི་ས…

དེའི་ནང་ཚན་ལྷོ་གླིང་འདི་འཛམ་གླིང་ཆུང་ངུར་བཤད་པའི་དབུས་སུ་ས་གཞི་ལ་གྱེན་དུ་འབུར་དོད་དཔག་ཚད་སྟོང་ཕྲག་བརྒྱད་ཀྱིས་མཐོ་བ་ཟུར་གསུམ་མེའི་ཁམས་སུ་ཡོད་པས། བསྡུས་རྒྱུད་ལས། ཤར་དུ་རླུང་ནི་ཤིན་ཏུ་ཟླུམ་པོར་འགྱུར་ཏེ་མི་ཡི་བདག་པོ་ལྷོ་རུ་མེ་ནི་གྲུ་གསུམ་མོ། །ཞེས་པའི་ལྟེ་བ་མ་ག་དྷ་དུས་གསུམ་གྱི་བདེར་གཤེགས་ཐམས་ཅད་མཆོག་གི་ས…

ལྟར་གླིང་ཤིང་ཏུ་མང་བར་བཤད་ཀྱང་། གླིང་དང་ཡུལ་ལྗོངས་རྣམས་ཀྱི་ནང་ནས་མཆོག་ཏུ་གྱུར་པ་གཙུག་ཏོར་ལྟ་བུ་བོད་ཡུལ་འདི་རི་མཐོ་བ། ས་གཙང་བ། བསིལ་ལ་མཛེས་པ་ལྷ་གནས་གཞལ་ཡས་ཁང་དང་འདྲ་བ། ཕྱོགས་བཞིར་ཆུ་བོ་ཆེན་པོ་བཞི་འབབ་པ། མི་དཔའ་ཞིང་རྟ་མགྱོགས་པ། གངས་རིའི་རྒྱུད་ཀྱི་ར་བ། རིན་པོ་ཆེའི་འབྱུང་ཁུངས། རྩི་མཆོག་དྲི་ཞིམ་ལ་བཅུད་ཆེ…

ཀྱི་ཞབས་ཀྱིས་བཅགས་ཤིང་གླུ་མེས་ཚུལ་ཁྲིམས་ཤེས་རབ་སློབ་རྒྱུན་དང་བཅས་པའི་གནས་ཀྱི་ཤུལ། རྒྱུད་སྡེ་དང་དཀྱིལ་འཁོར་གྱི་ཆོ་ག་རྣམས་ལས་ཇི་ལྟར་བཤད་པའི་གནས་ཀྱི་མཚན་ཉིད་ཐམས་ཅད་ཡོངས་སུ་ཚང་བའི་གཞི་དེར་འོག་མིན་ཨྱོན་སྨིན་གྲོལ་གླིང་ངེས་པ་དོན་གྱི་དགའ་བའི་ཚལ་ཆེན་པོར་གྲགས་པའི་འདུས་སྡེའི་གནྡྷོ་ལ་འཕགས་ཡུལ་དུ་ཨཱ་ན་ལར་གྲགས་པ་…

མཐའ། དོན་གྲུབ་རྣམས་འབུར་དུ་བཞུགས་ཤིང་། རི་མོར་གཡས་ངོས་ལ་སྒོ་འབྱེད་ཕྱག་རྡོར་ནས་བཟུང་། ཨ་ཏིའི་དཀྱིལ་འཁོར་བར་གྱི་མདོ་དབང་གི་དཀྱིལ་འཁོར་གཙོ་བོ་ཕལ་ཆེར་བྲིས་པ་ལ་བཀའ་མ་རགས་པ་ཚང་བ། གཡོན་ལ་བཀའ་བརྒྱད་སྤྱི་བཀའ། སྒོས་དཀའ། ཚེ་བདག །རྟ་མགྲིན། ཡང་གསང་། གཏེར་མའི་ཡི་དམ་རགས་བསྡུས་རྣམས། འདུ་ཁང་གི་གཡོན་ངོས་མགོན་ཁང་དཔལ་ཆ…

ཚེ་དཔག་མེད་ཀྱི་ཕྱག་རྒྱ་ཅན་དངས་མ་བཅུད་འདྲེན་དང་། ཡང་སྙིངཀུན་འདུས་ཀྱི་གཙོ་བོ། རི་མོར་དེ་གཉིས་ཀྱི་འཁོར་དང་བོད་འབངས་བདེ་ཐབས་ལུང་བསྟན་ཚོར་འབྱུང་བའི་རིགས་གསུམ་སོགས་ལྷ་རགས་བསྡུས། ཚེ་སྒྲུབ་ཡང་སྙིང་ཀུན་འདུས་ཀྱི་ཆོ་གའི་རྒྱུན་འཛུགས་མི་ཆད་པའི་ཐུགས་རྩིས་དང་། འདུ་ཁང་གི་སེང་གདོང་གཡས་ཀྱི་གཙོ་བོ་སྔགས་ཀྱི་སྟོན་པ་དཔལ་…

ཅིང་། བར་གཅོད་ཀྱི་ཉེར་འཚེ་གང་གིས་ཀྱང་མ་རེག་པར་སྟོད་འགྲེལ་དུ་ཀཱ་ལ་དཱུ་ཏིར་བཤད་ཅིང་། གཙུག་ལག་སྤོར་ཐང་པའི་ས་ཕོ་རྟའི་ལོ། ཧོར་གྱི་ཟླ་བ་དྲུག་པའི་ནང་དུ་གྲུབ་པ་མདོ་དྲན་པ་ཉེར་བཞག་ལས། རྟེན་དང་བརྟེན་པར་ལེགས་བསྐྲུན་དང་། །དགེ་འདུན་གནས་མལ་བཅའ་བ་སོགས། །དགེ་ནས་དགེ་བར་རྟག་ཏུ་འགྱུར། །བསྐལ་པ་བྱེ་བ་སྟོང་དུ་ཡང་། །དགེ་བ་…

ཞེས་ཟེར། །ཐམས་ཅད་མཁྱེན་པ་ཁྱོད་ཀྱིས་ནི། །དེ་ཉིད་བསོད་ནམས་རྒྱུ་ཞེས་གསུངས། །ཞེས་པའི་ཚིག་འདི་ལ། པཎ་ཆེན་ཝ་ན་རཏྣའི་གསུང་ལས། མུ་སྟེགས་པ་ཐབས་ལ་མཁས་པ་ཡིན་པས་སངས་རྒྱས་ཀྱིས་གསུངས་པའི་འདུལ་བ་མདོ་སྡེ་ནང་དུ་གསལ་བ་ལྟར་ཡིན་ཞིང་བདེ་བར་གཤེགས་པའི་སངས་རྒྱས་ཀྱི་སྐུ་གསུང་ཐུགས་ཀྱི་རྟེན་བཞུགས་པའི་དྲི་གཙང་ཁང་དང་གཙུག་ལག་ཁང་ད…

དང་དབྱིག་དང་མཛོད་དང་བང་བའི་ཚོགས་མང་བ་དང་རྟ་དང་གླང་པོ་ཆེ་དང་བ་ལང་དང་ལུག་དང་བྲན་དང་བྲན་མོ་དང་ལས་བྱེད་པ་དང་ཞོ་ཤས་འཚོ་བ་མང་བ་དང་བློན་པོ་དང་མཛའ་ཤེས་དང་གཉེན་དང་སྣག་གི་གཉེན་མཚམས་མང་པོར་འགྱུར་ཏེ། དགེ་སློང་དག་འདི་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོའི་ཕན་ཡོན་གཉིས་པ་ཡིན་ནོ། །དགེ་སློང་དག་ག…

པ་དང་ལྷའི་གཟུགས་དང་སྒྲ་དང་དྲི་དང་རོ་དང་རེག་བྱ་རྣམས་ཀྱིས་དགའ་བར་བྱེད་དེ།དགེ་སློང་དག་འདི་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོའི་ཕན་ཡོན་ལྔ་པ་ཡིན་ནོ། །ཞེས་རྒྱ་ཆེར་བསྔགས་ཤིང་། དེ་བཞིན་གཤེགས་པའི་སྐུ་གསུང་ཐུགས་ཀྱི་རྟེན་བཞེངས་པ་དང་། ཚར་དུ་དངར་བ་བསྒྲིགས་པར་མ་ཟད་སྲི་ཞུར་བསྐྲུན་པའི་ལེགས་བྱ…

མཁའ་ཁྱབ་མཁའ་ཡི་རྡོ་རྗེ་སྙིང་པོ་གཞོན་ནུ་བུམ་སྐུར་འགགས་མེད་གདངས། །ལོངས་སྐུའི་ཞིང་ཁམས་གངྒཱའི་རྡུལ་སྙེད་དུ་མར་འཆར་བ་གཅིག་པུའི་གར། །འགྲོ་བློ་མཐའ་བསྙེག་རྣམ་པར་འཕྲུལ་དིང་ཆེར་སྙིགས་ལུས་ཅན་ཉེར་འཚོ་རུ། །གཙང་བྱེད་ཆུ་སྐྱེས་སྦུབས་ལ་བལྟོས་མིན་པད་འབྱུང་དངོས་བྱོན་གཏེར་བདག་གླིང་། །འཕྲིན་ལས་ལྗིད་ཀྱིས་ཀུན་གསལ་ལྟོ་བྲལ་…

གངས་ཅན་ཕན་བདེའི་རྒྱལ་མཚན་རྩེར་བགོད་ཤོག །ས་ལ་འོག་མིན་ཨྱོན་མཁའ་འགྲོའི་གནས། །གཉིས་པ་སྨིན་ཅིང་སྒྲོལ་གླིང་ཨ་ཏིའི་ལམ། །ངེས་པ་དོན་གྱི་དགའ་བའི་ཚལ་ཆེན་པོ། །སྲིད་མཐའི་བར་དུ་དར་ཞིང་རྒྱས་པར་ཤོག །སོ་ཟུར་གནུབས་དང་ཉང་རལ་ཆོས་དབང་སོགས། །སྔ་འགྱུར་བཀའ་གཏེར་བསྟན་པ་འཛིན་མཁས་རྣམས། །བཞེད་དགོངས་ལེགས་རྫོགས་ཐེག་མཆོག་ཐོས་བསམ་…

མ་ནིང་ནག །རྩ་གསུམ་མཐུ་ཡིས་འདོད་པའི་དངོས་གྲུབ་རྣམས། །མར་གད་ཞུན་མས་རི་ཀླུང་ལེགས་བྱུགས་རྐང་འཐུང་མཐའ་དག་ལོ་འབྲས་དུད་། །སྣ་ཚོགས་མེ་ཏོག་ཟེའུ་འབྲུ་གཡུར་ཟ་བུང་བ་རྣམས་ཀྱང་གླུ་དབྱངས་ལེན། །དབྱར་གྱི་མཛེས་མ་བཞིན་རས་ཉེར་ངོམ་ལང་ཚོར་སྤྱོད་ཚེ་མཆོག་གསུམ་དང་། །འཆི་མེད་དྲང་སྲོང་རིགས་འཛིན་ཚོགས་ཀྱིས་དུས་ཀུན་ཤིས་པའི་དགའ་ས…

སྡེབ་སྦྱོར་མཉམ་པའི་པྲྀ་ཏྟ་ལས་ཟླུམ་པོ། ཨུབྷྱགཱན་ཀྲྀཙྪཀོདམཏྲམེགྷཡཱནྟཀོཊིཧཻཏྱརསྨིཀོཥདྲྀཥྚཏྲྀ བིནམིཏྟབཉྫརཱབིརོཔཔུཎྱཁོཏྠིཀཎྵ། ཨུབྷྱསཏྱཀེསརེཥུདྷརྨགཉྫགཽཏྱརམྱདྷཱཏུགུཔྟཤེཏཀཱཛྙབྷཱནུབནྟུཏོགུཎོཀྟཊཀྱགམྱདྷིཥྛཎནྟུ། ཚོགས་གཉིས་འཆར་ཀའི་འཚམས་སྤྲིན་སྦུབས་ནས་འབུམ་ཕྲག་ཕན་བདེ་སྣང་བའི་མཛོད། །ལྟ་ན་མི་ངོམས་མཚན་དཔེའི་ཉི་མ་ལུས…

དགའ་ཁོག་རྒོད་པ། །ཚེ་མཐའ་ཡས་ཞལ་འཛུམ་པས་འགྲོ་འདི་གསུས། །ལི་ཁྲིའི་རྡུལ་དམར་བརྩེགས་པ་གར་གྱི་དབང་། ཡེ་ཤེས་སྒྱུ་མའི་རྣམ་པར་འཕྲུལ་པོ་ཆེ། །ཀུན་རྟོག་ཤེས་ཚོན་ཁྱད་པར་དབྱི་བའི་མཚན། །འོད་དཔག་མེད་སྤྱན་མཁའ་མཉམ་འགྲོར་གཟིགས་ཤིག །སྐད་ཅིག་ཙམ་ཡང་མཐའ་ཀླས་ལུས་ཅན་ཚོགས། །ཡལ་ཡོལ་བཏང་སྙོམས་མི་མངའ་དམ་བཅའི་གཟུངས། །རྡོ་བའི་རི་མ…

ལ་འདུད། །ཚོགས་ཀྱིས་བསྒྲུབས་པ་དག་པའི་ཞིང་གཙོར་རང་རིག་དཔལ་ལྡན་རྡོ་རྗེ་སེམས། །མངོན་འགྱུར་སྐལ་པ་གཉིས་འཛིན་གྱིས་ཕྲ་འཁོར་འཁྱམས་དམ་པར་སྒྲོ་བཏགས་ཀྱང་། །ངག་དབང་ལྷ་མོས་བློ་གྲོས་སྐལ་བཟང་རྒྱ་ཆེན་ལ་སྦྱར་མགྲིན་པའི་མཚོར། །ལེགས་བཤད་སྐད་སྙན་སྒྲོག་ལ་སྤོབས་མཐོ་འཇམ་དབྱངས་དགའ་བའི་བཤེས་གཉེན་རྒྱལ། །གངས་ཅན་ཕན་བདེའི་ཉེར་འཚོ…

པས། ཐུགས་རྗེ་ཆེན་པོས་འཇིག་རྟེན་མཁྱེན། །འཇིག་རྟེན་ཀུན་ལ་གཟིགས་ནས་ནི། །ཆོས་ཀྱི་སྐུ་ལས་མ་གཡོས་པར། །སྤྲུལ་པའི་རང་བཞིན་སྣ་ཚོགས་ཀྱིས། །སྐྱེ་བ་མངོན་པར་སྐྱེ་བ་དང་། །དགའ་ལྡན་གནས་ནས་འཕོ་བ་དང་། །ལྷུམས་སུ་ཞུགས་དང་བལྟམས་པ་དང་། །བཟོ་ཡི་གནས་ལ་མཁས་པ་དང་། །བཙུན་མོའི་འཁོར་གྱིས་རོལ་པ་དང་། ངེས་འབྱུང་དཀའ་བ་སྤྱད་པ་དང་། །…