དེབ་ཐེར་བསྒྲིག་ལ་སུ་མི་སྤྲོ། །ངོ་མཚར་ཆོས་འབྱུང་དཔྱིད་ཀྱི་དཔལ་མོ་ལས། ལོ་རྒྱུས་ལེགས་བཤད་དབྱར་སྐྱེས་གཞོན་ནུའི་མགྲོན། ཁུངས་ལྡན་གཏམ་གྱི་ལྗོན་ཤིང་ལྡེམ་པའི་རྩེར། །ཉམས་འགྱུར་སྙན་ཚིག་མེ་ཏོག་རབ་བཀྲ་འདི། །ཟང་ཟིང་འབྱོར་པའི་བྱ་རྒོད་འདབ་གཤོག་ལ། །ཉེར་བསྟན་མཁས་མང་གཉིས་སྐྱེས་གྲལ་བསྙེག་པའི། །བསྟན་འཛིན་ཕ་ཝང་ཚོགས་ཀྱི་ཡ…

ཟས་གཙང་སྲས་པོའི་བསྟན་པ་རིན་པོ་ཆེ་ནི་ལྷར་བཅས་འགྲོ་བ་ཡོངས་ཀྱི་ལེགས་བྱས་རྒྱ་མཚོའི་སྒོ་འཕར་འབྱེད་པའི་རང་བཞིན་དུ་ལྷུན་གྱིས་གྲུབ་ལ། དེ་ཉིད་འཕེལ་ཞིང་རྒྱས་པར་བྱེད་པ་ས་ཆེན་པོ་བྱམས་པས་སྐྱོང་བའི་ཆོས་ལྡན་གྱི་རྒྱལ་པོ་ཞིག་ལ་རག་ལས་པའི་ཕྱིར། རང་ཅག་རྣམས་ཀྱི་སྟོན་པའི་བསྟན་པ་བོད་ཁ་བ་ཅན་གྱི་རྒྱལ་ཁམས་འདི་ཉིད་དུ་འབྱུང་བའ…

རྒྱལ་པོ་ཆེན་པོ་རྣམས་ཀྱིས་གུས་པས་བཏུད་ཅིང་ནོར་གྱི་དཔྱ་ཕུལ། ཆོས་བློན་མཐོན་མི་སམ་བྷོ་ཊ་རྒྱ་གར་དུ་བརྫངས་ཏེ། རྒྱ་གར་གྱི་ཡི་གེ་ལས་བཏུས་ནས་བོད་ལ་ཉེ་བར་མཁོ་བའི་ཡི་གེ་སུམ་ཅུ་རྩ་བཞིར་གཏན་ལ་ཕབ། ཆོས་དགེ་བ་བཅུ་ལས་བརྩམས་པའི་བཀའ་ཁྲིམས་བཙན་པོས་མཆོག་དམན་ཡོངས་ཀྱི་གཉའ་བར་གསེར་གྱི་གཉའ་ཤིང་ལྟ་བུར་ལྕི། སྨིན་མཚམས་ཀྱི་མཛོད…

ད་ལྟ་རྨོག་ལྕོག་ཏུ་གྲགས་པའི་བྲག་རི་ལ་སྐུ་ལུས་རྒྱལ་མཚན། སྟོད་ལུང་བྲང་བུའི་རི་ལ་ཕྱག་ཞབས་འཁོར་ལོ་སྟེ། ལོགས་བཀྲ་ཤིས་རྟགས་བརྒྱད་སོགས་ས་དཔྱད་ངོ་མཚར་བའི་དགེ་མཚན་གྱིས་ཁོར་ཡུག་ཀུན་ནས་དཀྲིགས་པའི་དབུས་སུ། ཤཱཀྱའི་རྒྱལ་པོའི་ཕོ་བྲང་ར་ས་འཕྲུལ་སྣང་གཙུག་ལག་ཁང་བསྐྲུན་པའི་ལུས་ཅན་མཐའ་དག་གི་བསོད་ནམས་ཀྱི་ཞིང་དམ་པར་ཇི་ལྟར་…

གླགས་བལྟ་མཐོ་འཚམ་སྦྱོར་བ་ཀུན། །གཞོམ་པའི་རྣམ་མང་ཐབས་ཀྱི་མཛད་པ་ཡིས། །བགེགས་མེད་འགྲོ་བའི་གཉེན་དུ་འགྲུབ་དེ་མཚར། །ཞེས་པ་སྟེ། བལ་བཟའ་ཁྲི་བཙུན་གྱིས་རྒྱ་མོ་བཟའ་ལ་གཙུག་ལག་ཁང་བརྩིག་པའི་ས་ཡུལ་དང་ས་དཔྱད་གང་བཟང་འདྲི་བར་བྲན་མོ་ཞིག་གཏང་བས། རྒྱ་ནག་པོའི་སྤོར་ཐང་བརྒྱད་ཅུ་སྐོར་གྱི་སྟེང་ནས་ལེགས་གཉིས་ཀྱི་ཚུལ་གསལ་བར་གཏན་…

རིགས་གསུམ་མགོན་པོ་ཞལ་གཟིགས་བྱིན་གྱིས་བརླབས། དེ་ནས་མཐའ་འདུལ་གྱི་གཙུག་ལག་ཁང་བཞི། ཡང་འདུལ་གྱི་གཙུག་ལག་ཁང་བཞི། །རུ་གནོན་གྱི་གཙུག་ལག་ཁང་བཞི་རྣམས་བཞེངས། གཞན་ཡང་ས་དཔྱད་ངན་པ་མཐའ་དག་བཅོས་རྗེས། ར་ས་འཕྲུལ་སྣང་གཙུག་ལག་ཁང་། རྒྱལ་པོ་ཉིད་ཀྱིས་སྐུ་ལུས་ཀྱི་བཀོད་པ་མི་འདྲ་བ་སྣ་ཚོགས་དང་། བོད་འབངས་ལས་ལ་བསྐུལ་བ་སོགས་མཐུན…

རབ་བརྟན་གྱིས་བཞེངས་པའི་ཐམས་ཅད་མཁྱེན་པ་བསོད་ནམས་རྒྱ་མཚོའི་སྐུ་འདྲ་དང་། རིགས་གསུམ་མགོན་པོ་རྣམས་བཞུགས་སོ། །ནག་ཕྱོགས་བདུད་སྡེའི་དཔུང་ཚོགས་བྲག་གི་རི། །འཇོམས་ལ་རང་བྱུང་སྐུ་བརྙན་གནམ་ལྕགས་ཐོག །འཇིག་རྟེན་དབང་ཕྱུག་གཙོ་འཁོར་སྐལ་ལྡན་གྱི། །མིག་གི་བདུད་རྩིར་གཙང་ཁང་བྱང་འདིར་བཞུགས། །ཞེས་པ་སྟེ། ཐུགས་རྗེ་ཆེན་པོ་བཅུ་ག…

བས་རྟེན་དེ་རྣམས་དྲངས་ཏེ་ཐུགས་ཀར་ཐིམ་ཞིང་། དེ་ཡང་ནུབ་ཕྱོགས་ཟླ་བ་ཚལ་གྱི་དུག་ཤིང་སྡོང་པོ་རྐང་གཅིག་གི་རྩ་ན་ལྷ་སྲིན་རྣམས་འཚོགས་ཏེ། ཆོས་སྒྲུབ་པ་ལ་བར་དུ་གཅོད་པའི་འདུན་མ་ཤོམས་པ་ལ། ཐུགས་རྗེ་ཆེན་པོ་བཞད་པའི་ཞལ་ལས་འོད་ཟེར་གཉིས་བྱུང་བས། གཅིག་གི་སྣ་ལ་ཁྲོ་བོ་བདུད་རྩི་འཁྱིལ་པ་བྱུང་ནས་མ་མོའི་ཉལ་ས་ཕྲོགས་ཏེ་རྡོ་རྗེའི་…

རྗེས་བཟུང་ཐང་སྟོང་པས། རབ་བཞེངས་མཁས་དང་གྲུབ་པའི་གཟུགས་ཀྱི་སྐུ། །ཡ་མཚན་བཀོད་པའི་རིམ་པ་འདི་ལྟར་རོ། །ཞེས་པ་སྟེ། དེ་ནས་ཕྱིར་འོངས་པ་ན། གཙང་ཁང་གི་ཕྱིའི་ཁྱམས་ན་རིམ་པ་བཞིན། གཏེར་སྟོན་ཐང་སྟོང་རྒྱལ་པོས་བཞེངས་པའི་ཉིད་ཀྱི་སྐུ་དང་། དམ་པ་སངས་རྒྱས། གྲུབ་ཐོབ་བིཪྺི་པ། ཁ་ཆེ་པཎ་ཆེན་ཤཱཀྱ་ཤྲཱི། སྒོ་ཁང་སྟེང་། དུས་གསུམ་སངས…

པ་དེ་ཡིས་སོ། །ཞེས་པ་སྟེ། ཕྱིའི་ཁྱམས་ན་རིམཔ་བཞིན་དུ་ཆོས་རྒྱལ་ཡབ་ཡུམ་སྐུ་ཁྲུས་གསོལ་བའི་ཁྲུས་རྡོ་པདྨ་སྤུངས་པ། གཏེར་སྟོན་པདྨ་གླིང་པས་བཞེངས་པའི་མཁན་ཆེན་ཐམས་ཅད་མཁྱེན་པ་ཞི་བ་འཚོ། དུས་གསུམ་མཁྱེན་པ་པདྨ་སཾ་བྷ་ཝ། །མཁས་པའི་དབང་པོ་ཀ་མ་ལ་ཤཱི་ལ་གསུམ་དང་། ནེ་ཆུང་རི་པས་བཞེངས་པའི་རྒྱལ་བ་སྨན་པའི་རྒྱལ་པོ་རྣམས་བཞུགས་སོ།…

པར་རྟེན་མཛད་པའི། །འཇིག་རྟེན་མིག་གཅིག་སྒྲ་བསྒྱུར་ལོ་ཙཱ་བས། །རྨོངས་པ་མཁས་པའི་གོ་སར་འགྱིང་མིན་པའི། །གྲགས་པ་དོན་དང་མཐུན་པའི་པཎྜི་ཏ། །བུ་སྟོན་ཆོས་རྗེ་སོགས་ཀྱི་སྐུ་བརྙན་རྣམས། །འདྲེན་བྱེད་ཡུལ་གྱི་བདུད་རྩིའི་མཚར་དུ་དངར། །ཞེས་པ་སྟེ། ལོ་ཆེན་བྱང་ཆུབ་རྩེ་མོས་བཞེངས་པའི་ཀུན་མཁྱེན་བུ་སྟོན་རིན་པོ་ཆེ། རྒྱལ་སྲས་ཐོགས་…

སངས་རྒྱས་སྣང་བ་མཐའ་ཡས། འཁོར་སྤྱན་རས་གཟིགས། སའི་སྙིང་པོ། སྒྲིབ་པ་རྣམ་སེལ། ནམ་མཁའི་སྙིང་པོ། ཀུན་ཏུ་བཟང་པོ། འཇམ་དབྱངས། ཕྱག་ན་རྡོ་རྗེ། བྱམས་པ་རྣམས་ཆོས་རྒྱལ་དུས་སོ། །རྒྱ་ནག་དམག་ཚོགས་བཟློག་ནུས་དཔུང་ཆེན་པོ། །གང་གི་ལྟོ་བར་གནས་པའི་ཁྱོན་ཡངས་འདི། །ཤོང་བའི་སྣོད་དུ་ཕ་མཐའ་ཡས་པའི་ས། །འཇིག་རྟེན་མེས་པོས་ཆེད་དུ་བསྐྲུ…

ཟླ་ཞེས། །འཆི་མེད་དབང་པོའི་ཚོགས་ཀྱང་གཏམ་དུ་གླེང་། །མཐོང་ན་མི་མཐུན་མེད་པའི་རྣམ་གྱུར་གྱིས། །ཀུན་གྱི་མིག་ལ་བདུད་རྩི་དཔལ་སྟེར་ན། །རྒྱལ་རྣམས་མངོན་སུམ་མཇལ་བའི་སྐལ་བས་ཀྱང་། །གཟུགས་སྐུ་དེ་མཐོང་དག་ལས་ཅི་ཞིག་ལྷག །མིག་སྟོང་ཅན་གྱི་ནོར་བུའི་མནྡྷ་ར། །ལས་བཟང་གཡོན་མིག་སོར་མོའི་རྣ་བའི་རྩེར། །སྤུད་ཚེ་ལྷར་བཅས་སྐྱེ་བོའི…

རྒྱལ་བ་ཉིད་ཀྱིས་རབ་ཏུ་གནས་པར་མཛད་དེ། རིམ་གྱིས་ལྷ་དང་། ཨོ་ཌི་ཡ་ན་ཞེས་པ་བོད་སྐད་དུ་འཕུར་འགྲོ །དེང་སང་ཟུར་ཆག་པས། ཨོ་རྒྱན་ཡུལ་གྱི་འགྲོ་བའི་དོན་མཛད། དེ་ཡང་ཆོས་འབྱུང་མང་པོ་ན་ལོ་ལྔ་བརྒྱ་རེ་ཟེར་ཡང་། རྒྱལ་བ་མྱ་ངན་ལས་འདས་ནས། ཆོས་རྒྱལ་བར་གྱི་ལོ་གྲངས་དང་མི་འགྲིག་པས་ཁུངས་ཆེ་བར་མ་མཐོང་ཞིང་། ཡུལ་དེ་དག་གི་རྗེས་སུ་ད…

དཔལ་གྱི་སྒྲོན་མེ་བཏེག །རི་ལ་ཤིང་སྣ་ཚང་། །ས་གཞི་ཡངས་པ་ལ། འབྲུ་སྣ་ལྔ་ཡི་ཚོགས། །གོ་མཚམས་མེད་པར་སྐྱེས། །གསེར་དངུལ་ཟངས་ལྕགས་སོགས། །རིན་ཅེན་དུ་མ་ཡོད། །གནག་རྟ་ལུག་གསུམ་རྒྱས། །དགའ་སྐྱིད་དེ་ལྟར་ཡོད། །ཨེ་མ་ངོ་མཚར་ཆེ། །ལྷ་གཅིག་ཀོང་ཅོ་གསོན། །ཞེས་སྤྲོ་བ་བསྐྱེད་པའི་གླུ་བླངས། དེ་ནས་ཀོང་ཅོས་ཡབ་རྒྱལ་པོ་ལ། །ཡབ་ཀྱི་མཆ…

སེམས་དཔའི་གདུང་ཁང་། རྒྱལ་བ་ཙོང་ཁ་པས་རག་ནས་བཏོན་པའི་རྡོ་ཆེན་ཨ་མོ་ལོང་། དྲིལ་གདང་ལ་མོའུ་གལ་གྱིས་ཡུམ་ལ་མ་ཎི་འདྲེན་འཇུག་པའི་དྲིལ་བུ་རྣམས་བཞུགས་སོ། །འོད་དཔག་མེད་ཀྱི་སྒྱུ་འཕྲུལ་དྲ་བའི་གར། །པཎ་ཆེན་ཚུལ་གྱིས་བཀའ་གདམས་བསྟན་པའི་སྲོལ། །འཛིན་མཁས་དཱི་པཾ་ཀ་ར་ཡབ་སྲས་ཀྱི། །སྐུ་དང་གང་དེའི་ལྷ་མཆོག་རྗེ་བཙུན་མ། །ཞེས་པ་ས…

སྐབས། རྟེན་སྐལ་དུ་ཐོབ། ལམ་དུ་བྲག་དང་ཆུ་འཐབས་ཞབས་ཐང་ལ་དངོས་སུ་བྱོན་པ་དང་། ཕྱིས་འོད་ཟེར་འཕྲོས་པའི་ལྷ་སྟེ་ངོ་མཚར་བའི་རྟེན་ནོ། །དེའི་འཁོར་དུ་ཆོས་རྒྱལ་དུས་ཀྱི་སྒྲོལ་མ་འཇིགས་པ་བརྒྱད་སྐྱོབ་དང་། སྤྱན་རས་གཟིགས་སེམས་ཉིད་ངལ་གསོ་རྣམས་བཞུགས། ངོ་མཚར་འཕྲུལ་གྱི་གཙུག་ལག་འོད་འཆང་རྡོའི། །ཕུད་དུ་བཞེངས་པའི་ཚངས་དང་བརྒྱ་བ…

དུ་གྲུབ། །ཅེས་པ་སྟེ། གཙང་ཁང་ནང་དུ་རྒྱལ་པོ་གླང་དར་གྱིས་དུས། པཎྜི་ཏ་ཚུལ་ཁྲིམས་ནོར་གྱིས་འཛམ་ལ་བསྒྲུབས་ཤིང་། རྨེ་རུའི་འཛམ་ལའི་ཐུགས་ག་ནས་དངུལ་བཏོན་པར། ཉེ་གནས་ཁ་ཆེ་ཨུཏྤ་ལས། དངུལ་གར་ཐུགས་ཀྱི་བྱམས་པ་མཆེད་བཞི་བཞེངས་པའི་ཡ་གྱལ། རྒྱལ་པོ་འོད་ཟེར་གོ་ཆའི་ཐུགས་དམ་རྟེན་གྱི་འཇམ་དབྱངས། ཀླུ་མེས་ཀྱིས་བཞེངས་པའི་ཁ་སཪྤ་ནི་…

བོད་འབངས་མ་ལུས་པ། །དགའ་བའི་པདྨོ་ཀུན་ནས་རྒོད་པའི་ཚུལ། །རི་མོ་འཕྲེང་བར་སྤེལ་བའི་ཛི་ན་ཀ །བློ་ལྡན་ཐོད་དུ་འཆིང་བའི་རྒྱན་གྱི་མཆོག །བླ་ན་མེད་པའི་སྙིང་སྟོབས་བཙན་པོ་ཅན། །འཇིག་རྟེན་དབང་ཕྱུག་མི་རྗེའི་ཚུལ་འཛིན་ལ། །འཇིག་རྟེན་དྲེགས་པའི་ལྷ་ཀླུ་སྲིན་པོ་ཡིས། །གཙུག་ལག་ཁང་བཟང་བསྲུང་བར་གཡར་དམ་བཅས། །ཞེས་པ་སྟེ། དེ་ནས་ལྡེ…

ཁང་ཐམས་ཅད་དུ་སངས་རྒྱས་བྱང་སེམས་ཀྱི་སྐུ་གཟུགས། རྟེན་དང་བརྟེན་པའི་དཀྱིལ་འཁོར་མཐའ་ཡས་ཤིང་། ཁྱད་པར་འོད་ཟེར་འཕྲོས་པའི་ལྷ། ལྷོ་ན་སྒྲོལ་དཀར་དང་། ནུབ་ན་རྟ་མགྲིན་གཉིས་བཞུགས། དཔལ་ལྡན་རྒྱལ་བ་ཀུན་གྱི་བསྟན་སྲུང་ཆེ། །དཔལ་མོའི་སྙེམས་པ་འཕྲོག་པའི་མཛེས་སྡུག་ཅན། །དཔལ་འབྱོར་འདོད་དགུ་མཐའ་དག་སྩོལ་མཛད་པའི། །དཔལ་གྱི་ལྷ་མོའ…