སརྦ་སིདྡྷི་མེ་སོགས་དང༌། མཇུག་ཏུ་མུ་བསྣན་པ་ཡི་གེ་བརྒྱ་དང་བཅོ་ལྔ་པས་བཟོད་པར་གསོལ་ཞིང་གཤེགས་སུ་གསོལ་བའམ། ཅུང་ཟད་སྤྲོས་པ་ལ་དགའ་ན། ཡིག་བརྒྱ་བཟོད་གསོལ། གཤེགས་གསོལ་རྣམས་སྤྱི་དང་མཐུན་པར་བྱའོ། །གཏོར་མའི་ཆོ་གའི་སྐབས་ཏེ་གཉིས་པའོ། །གལ་ཏེ་ཚུལ་འདིས་བདག་མེད་ལྷ་མོ་བཅོ་ལྔ་བསྒོམ་པར་འདོད་ན། རང་སྐད་ཅིག་གིས་བདག་མེད་མར་ག…

རུས་པའི་ཕྱག་རྒྱ་ལྔ་དང༌། མི་མགོའི་དོ་ཤལ་ཅན། མེ་དཔུང་འབར་བའི་དབུས་ན་བཞུགས་ཤིང༌། ཟླ་བའི་འོད་འཕྲོ་ཞིང༌། ཟླ་བའི་རྒྱབ་ཡོལ་ཅན་ནོ། །ཐུགས་ཀ་ནས་ཨཱ་ལི་ཚར་བཅུ་བཞི་སྤྲོས། རོ་གདན་བཅུ་བཞིའི་སྟེང་དུ་འཁོད། ཟླ་བའི་དཀྱིལ་འཁོར་རྣམས་སུ་གྱུར། ཀཱ་ལི་ཚར་བཅུ་བཞི་སྤྲོས་ཏེ་དེའི་སྟེང་དུ་འཁོད་པ་ཉི་མའི་དཀྱིལ་འཁོར་རྣམས་སུ་གྱུར། ཨ…

འབྱུང་ལྡན། གྷསྨ་རཱི་དང་ཌོམ་བི་ནཱི་དང་ཆུའི་རྣལ་འབྱོར་མ་དང་མཁའ་སྤྱོད་མ་རྣམས་ལ་འོད་དཔག་མེད། རྡོ་རྗེ་མཁའ་འགྲོ་མ་ལ་དོན་ཡོད་གྲུབ་པས་དབུ་རྒྱན། བསྟོད་པ་ནི། བུད་མེད་ཀྱིས་འདུལ་འགྲོ་གཟིགས་ནས། །བདག་མེད་རྣལ་འབྱོར་མ་ཉིད་གྱུར། །ཕྱག་འོས་ཐུབ་པ་ཕ་རོལ་ཕྱིན། །སྒྱུ་མའི་ཕྱག་རྒྱ་ཕྱག་འཚལ་བསྟོད། །བར་འདིར་དང་པོར་ནག་པོ་རབ་ཏུ་…

མཚན་པ་སོ་སོར་རྟོགས་པའི་ནས། བྱ་བ་སྒྲུབ་པའི་ཡེ་ཤེས། དེ་ལས་དཀྱིལ་འཁོར་གྱི་ལྷ་ཚོགས་ཡོངས་སུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་ཏེ། དབུས་སུ་དཔལ་ཧེ་རུ་ཀ་སྐུ་མདོག་མཐིང་ནག་དྲག་པོ་ཆེན་པོ་ཞལ་གཅིག་ཕྱག་གཉིས་སྡང་མིག་འབར་བའི་སྤྱན་གསུམ་དམར་བ། དབུ་སྐྲ་སེར་པོ་གྱེན་དུ་བརྫེས་པ། ཕྱག་གཡས་རྡོ་རྗེ་ནག་པོ་རྩེ་དགུ་པ་ནམ་མཁའ་ལ་འ…

གསུང་གི་ཧེ་རུ་ཀ་སྒོམ་པར་འདོད་ནའང་འདི་ཉིད་དང་འདྲ་བ་ལས། དེ་ལས་དཀྱིལ་འཁོར་གྱི་ལྷ་ཚོགས་ཡོངས་སུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་ཏེ། དབུས་སུ་དཔལ་ཧེ་རུ་ཀ་སྐུ་མདོག་མཐིང་ནག་ཞལ་གཅིག་ཕྱག་བཞི་སྡང་མིག་འབར་བའི་སྤྱན་གསུམ་དམར་བ། དབུ་སྐྲ་སེར་པོ་གྱེན་ཏུ་བརྫེས་པ། ཕྱག་དང་པོ་གཉིས་ཀྱིས་ཡུམ་རྡོ་རྗེ་ཕག་མོ་བཅོམ་ལྡན་འདས་དང…

ཀྱིས་ཁམས་གསུམ་གྱི་བདག་ཉིད་ཅན་གྱི་རོ་གདན་ལ་གནས་པ། ཐོད་སྐམ་ལྔའི་དབུ་རྒྱན། ཞེས་པ་མན་ཆད་སྐུའམ་གསུང་གི་ཧེ་རུ་ཀ་དང་འདྲ། བཟླས་པའི་སྔགས་ནི། ཨོཾ་ཀི་ཊི་ཀི་ཊི་བཛྲ་ཧཱུཾ་ཧུཾ་ཧཱུཾ་ཕཊ་སྭཱཧཱ། ཞེས་པ་སྟེ་གཏོར་སྔགས་ཀྱང་རིགས་འགྲེའོ།། དེ་ལྟར་ན་ཧེ་རུ་ཀ་གསུམ་གྱི་སྐབས་འདིར་མངོན་རྟོགས་རྒྱས་པའོ། །ཐུགས་དགྱེས་པ་རྡོ་རྗེའི་སྒྲུབ…

རང་ཉིད་དཔལ་ཧེ་རུ་ཀ་ཞེས་མཚམས་སྦྱར་ནས་གསུམ་པོ་གང་རུང་དུ་བསྐྱེད་ལ། རང་གི་སྙིང་གར་ནས། ཧཱུཾ། དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། རང་གི་སྙིང་ག་ནས་འོད་ཟེར་འཕྲོས་ཡེ་ཤེས་སེམས་དཔའ་མདུན་གྱི་ནམ་མཁར་བཛྲས་མཱ་ཛཿ ཛཿཧཱུཾ་བཾ་ཧོཿ མན་ཆད་འབྲིང་པོའི་སྐབས་དང་འདྲ། དེ་ལྟར་ན་འབྲིང་བསྡུས་གཉིས་ལ་འཁོར་གྱི་ལྷ་ཚོགས་སྒོམ་མི་དག…

དཀར་དམར་ནག་གསུམ་འདྲེས་པ། དབུས་སུ་རིམ་པ་བཞིན་དུ། ཨཱཾ་ཧཱུཾ་ཨོཾ་ཧཾ་དམར་སེར་དང་སྔོ་སྐྱ་དང་དམར་པོ་དང་དཀར་ལ་དམར་བའི་མདངས་ཆགས་པའི་མདོག་ཅན་རྣམས་གསལ་བཏབ་ལ། ཐུར་སེལ་གྱི་རླུང་གིས་བདེ་བ་བསྐུལ་ཞིང༌། བུམ་པ་ཅན་མ་ནིང་གི་རླུང་སྦྱོར་ལ་བརྟེན་ནས། ཆུ་ཚོད་རེ་རེ་འཁོར་ལོ་གཞན་གསུམ་ལ་སེམས་གཏད་ཅིང༌། ཆུ་ཚོད་དགུ་ལྟེ་བའི་ཨཾ་ཡིག་…

དེའི་རྒྱུད་བསྐྱེད་པའི་རིམ་པ་དང༌། ཕྱག་རྒྱ་སྔ་མ་གསུམ་དང༌། བྱ་སྤྱོད་ཐམས་ཅད་དང༌། སྣང་གྲགས་ཐམས་ཅད་རྣམ་པར་མི་རྟོག་པས་ཟིན་པར་བྱེད་པ་ཡང༌། རྒྱུ་ལ་འབྲས་བུའི་མིང་བཏགས་པ་སྟེ་ཕྱག་རྒྱ་ཆེན་པོའོ། །དེ་ཡང་རྣལ་འབྱོར་ཡན་ལག་དྲུག་པའི་ངེས་པས་སྒོམ་སྟེ། དེ་རྣམས་ཀྱི་མན་ངག་བླ་མའི་ཞལ་ལས་རྟོགས་པར་བྱ་ཞིང༌། གོ་དོན་ནི་རྒྱུད་ཀྱི་རྒ…

གྱི་ས་གཞིར་རང་ཉིད་འདུག་ལ། སྐྱབས་སེམས་ནས་བརྩམས་བཟླས་པའི་བར་བྱ། ཨོཾ་བཛྲ་ཨུ་ཏིཥྛ་ཞེས་དཀྱིལ་འཁོར་གྱི་འཁོར་ལོ་ནམ་མཁར་བཏེག །མཆོད་བསྟོད་ཅུང་ཟད་བྱ། རང་ཉིད་གཙོ་བོའི་ཐུགས་ཀ་ནས་སྤྲོས་པའི་ཧེ་རུ་ཀ་ཕྱག་གཉིས་པའི་རྣམ་པར་གྱུར། ཧཱུཾ་ཞེས་སྙེམས་པ་དང་བཅས་པས་དཀྱིལ་འཁོར་གྱིས་གཞི་བཅག་པར་བྱའོ། །སྤྲོ་ན། ཨོཾ་གྷ་གྷ་སོགས་ཕུར་གད…

འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་འདུས་པའི་ངོ་བོ། བཅོམ་ལྡན་འདས་དཔལ་དགྱེས་པ་རྡོ་རྗེ་ལྷ་དགུའི་དཀྱིལ་འཁོར་བ་ཐམས་ཅད་ཨོཾ་བཛྲ་ས་མཱ་ཛཿ མཆོད་ཡོན་དང་ཞབས་བསིལ་ཕུལ་ལ། སོ་སོའི་གདན་གྱི་སྟེང་དུ་བཞུགས་པར་གྱུར་པ་ནི། དབུས་སུ་བཅོམ་ལྡན་འདས་དཔལ་དགྱེས་པ་རྡོ་རྗེ་སྐུ་མདོག་མཐིང་ནག་ནས། བཅོམ་ལྡན་འདས་དང་མཚུངས་པའོ། །ཤ…

ཞིང་མུན་པ་རྣམས་སེལ་འདི། །བདག་གིས༴ །སོ་སོར༴ །ཨཱ་ལོ་ཀེ །གཙང་ཞིང་གཙང་ལ་དགེ་བའི་དྲི། །སྐྱེ་གནས་གཙང་མར་ལྡན་འདི་རྣམས། བདག་གིས༴ །སོ་སོར༴ །གནྡྷེ། སྨན་རྣམས་བཅུད་གཙང་ཡིད་འོང་དགེ །སྔགས་ཀྱི་ཞལ་ཟས་བཤོས་འདི་དག །བདག་གིས༴ །སོ་སོར༴ །ནཻ་བི་ཏྱ། དེ་ལས་གཞན་ཡང་སོགས། ཤཔྟ། རྩ་རྒྱུད་ཀྱི་བླ་མ་ཐམས་ཅད་ཀྱི་ཞལ་དུ་ཨོཾ་ཨཱཿཧཱུཾ། ཞེ…

གྱི་སྐབས་གཏོར་མགྲོན་འཇིག་རྟེན་པ་རྣམས་ཁོ་ན་གཤེགས་སུ་གསོལ་བ་ཡིན་ནོ། །དེ་ནས་ཐོད་པའི་སྣོད་དུ་ཤ་ཆེན་གྱི་སྤོས་སྦྱར་བའམ། དེ་ལྟར་མོས་ལ། གཉིས་མེད་ཡེ་ཤེས་ལས་བྱུང་བའི། ཁྱབ་བདག་དངོས་ཀུན་བདག་ཉིད་ཆེ། །སྟོན་པའི་གཙོ་བོ་ཁྲག་འཐུང་དཔལ། །བདག་མེད་ལྷན་ཅིག་ཡང་དག་སྦྱོར། །ཞེས་སོགས་ཀྱི་སྙན་གསན་ཕབ། ཨོཾ་བཛྲ་ཨུ་ཏིཥྛ་ཞེས་རྡོ་རྗེ…

བསངས་སྦྱངས། བསྐྱེད་ཆོག་སྤྱི་དང་འདྲ་བ་ལས། བུམ་པ་དགུ་ཡོད་ན་དབུས་ཀྱི་བུམ་པར། བཅོམ་ལྡན་འདས་དཔལ་དགྱེས་པ་རྡོ་རྗེ་སོགས་དང༌། ཤར་གྱི་བུམ་པར་གཽ་རཱི་ནག་མོ་སོགས་བསྐྱེད་ལུགས་རིགས་པས་བསྒྲེ་ཞིང༌། རྣམ་པར་རྒྱལ་བའི་བུམ་པ་གཅིག་པུ་ཡིན་ན། རྣམ་རྒྱལ་བུམ་པའི་ནང་དུ་སྣ་ཚོགས་པདྨ་འདབ་མ་བརྒྱད་པ་ཞེས་པ་ནས། གན་རྐྱལ་དུ་གནས་པའི་བར། …

བརྒྱ་རྩ་ལས་མི་ཉུང་བར་བཟླས། སྔ་མ་བཞིན་མཆོད་ལ། འཇིགས་པའི་ཧཱུཾ་སྒྲ་ངེས་སྒྲོག་ཅིང༌། །བགེགས་རྣམས་མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་དགྲ་ལ་ཕྱག་འཚལ་བསྟོད། །དཀྱིལ་འཁོར་གྱི་བྱ་བ་མཐར་མ་ཕྱིན་གྱི་བར་དུ་བགེགས་ཐམས་ཅད་བསྲུང་ཞིང་བཟློག་པའི་འཕྲིན་ལས་མཛོད་ཅིག །མཆོད་ཡོན་གྱི་ལྷག་མ་དེ་རྫོགས་པར་བླ…

ཞེས་སོགས་རིགས་ལྔའི་སྡོམ་བཟུང་ལན་གསུམ། དེ་དག་ཐམས་ཅད་ཆོ་ག་སྤྱི་དང་འདྲའོ། །ལྷག་གནས་སྟ་གོན་གྱི་སྐབས་ཏེ་བཅུ་གཅིག་པའོ།། །།གསུམ་པ་དཀྱིལ་འཁོར་ཞག་གི་བྱ་བ་ནི། ནངས་པར་སྔར་ལངས་ཏེ། ཐིག་ཚོན་རྣམས་ཀྱི་མདུན་དུ་མཆོད་པ་བཤམས། རང་ཕྱག་གཉིས་པའི་ང་རྒྱལ་གྱིས་མཆོད་པ་བྱིན་གྱིས་རླབས། ཐིག་ཚོན་རྣམས་བསངས་སྦྱངས། སྟོང་པའི་ངང་ལས། ཧཱ…

འདབ་རིམ་པ་ཕྱི་མ་མེད་པ་ལ་ནི་ཆ་ཆུང་བཅུ་པའི་ཟླུམ་ཐིག་སྐོར་བ་ཁོ་ནའམ། བཅུ་གཉིས་པའི་མཚམས་ནས་བསྐོར་བ་ཇི་ལྟར་བདེ་བས་རུང་ངོ༌། ཁ་ཅིག་ནི་པདྨའི་ལྟེ་བ་ཆ་ཆུང་བརྒྱད་པར་བྱས་ནས། འདབ་མའི་ཐིག་ལ། ཟླུམ་པོ་ནང་མ་བཅུ་པ་དང༌། ཕྱི་མ་བཅུ་དྲུག་གི་མཚམས་ནས་བསྐོར་བར་འདོད་དེ། དེ་ཐམས་ཅད་མི་འགལ་བར་མངོན་ནོ། །ཐིག་གི་བྱ་བ་ཟིན་པ་ན། ཨོཾ་བ…

ན་གཙོ་བུམ་ཡང་དབུས་སུ་འཇོག་པར་སློབ་དཔོན་སྔ་མ་རྣམས་བཞེད་པ་ལྟར་བྱ་ལ། དཀྱིལ་འཁོར་དུ་འཇོག་པར་མི་བདེ་ན། བཞག་པར་མོས་ཤིང་ཕྱོགས་གཞན་དུ་བཞག་ཀྱང་ཆོག་གོ །རྣམ་རྒྱལ་བུམ་པ་གཅིག་པུ་ཡིན་ན། ལྷ་སོ་སོའི་སྔགས་དང་བཅས་ཐམས་ཅད་དུ་འཇོག་ཚུལ་བྱས་ནས། མཐར་རང་གནས་སུ་བཞག་གོ །དཀྱིལ་འཁོར་ཞག་གི་བྱ་བའི་སྐབས་ཏེ་བཅུ་གཉིས་པའོ།། །།བཞི་པ་ད…

སོགས་སྔོན་འགྲོ་རྣམ་པ་གསུམ་ཡང་བྱས་ལ། ནང་མཆོད་བྱིན་གྱིས་བརླབས། མདུན་བསྐྱེད་ཀྱི་དཀྱིལ་འཁོར་བསངས་སྦྱངས། སྟོང་པའི་ངང་ལས་ནས། བསྲུང་འཁོར་དུ་གྱུར། ཅེས་པ་ནས། ར་ལས་དང༌། ཧཱུཾ་ལས་དང༌། ཧཱུཾ་གིས་མཚན་པ་ལས་འོད་འཕྲོས་རྣམས་དོར། དེའི་ནང་དུ་གཞལ་ལས་ཁང་ནས། གན་རྐྱལ་དུ་གནས་པ། དབུས་སུ་ཐོད་པ་སྣ་ཚོགས་རྡོ་རྗེས་མཚན་པ། ཤར་དུ་གྲི…

རྫོགས་རིམ་སྒོམ་པ་དཀྱུས་ལ་མི་དགོས་སོ། །བཟླས་པ་ཅི་རིགས་པ་གྲུབ་ནས། དཀྱིལ་འཁོར་གྱི་གཙོ་བོའི་ཐུགས་ཀ་ནས་རང་ལས་ཀྱི་ཧེ་རུ་ཀ་ཕྱག་གཉིས་པ་སྤྲོས་ཏེ་མཆོད་པའི་ལས་མཛད་པར་གྱུར། མཆོད་པ་བྱིན་རླབས། མཆོད་བསྟོད་གཏོར་མ་འབུལ་ཚུལ་རྣམས་གོང་དུ་བཤད་པ་བཞིན་ནོ། །དེ་ཡང་འཇིག་རྟེན་ལས་འདས་པའི་གཏོར་མ་བར་ཆད་བསྲུང་བའི་དོན་དུ་རེ་ཤིག་བཞ…