གཏན་མི་སྐྱེ་བའི་ཆོས་ཅན་དུ་བྱས་པ་མཚོན་ནོ། །གཉིས་པ་བཟླས་པའི་རྣལ་འབྱོར་ལ་བཟླས་པའི་སྤྱོད་བགྲང་ཕྲེང་དང༌། བཟླས་པའི་དམིགས་པ་དང༌། བཟླས་བྱའི་སྔགས་དང༌། ཞར་བྱུང་བཟླས་པའི་དབྱེ་བ་བཤད་པ་སྟེ་བཞིའོ། །དང་པོ་ནི། །ལས་བཞི་ལ་བགྲང་ཕྲེང་གི་རྒྱུ་དང་གྲངས་དང་ཐག་པ་དང༌། ཇི་ལྟར་བཟུང་བའི་ཚུལ་རྣམས་སོ་སོར་ཡོད་ཅིང༌། ཐུན་མོང་དུ་བགྲང…

སྙིང་དུ་གྲགས་པ། རྡོ་རྗེ་གྲི་གུག་གི་ལས་ཚོགས་སུ་བཤད་པའི་ཕྱིར། ཉེ་སྙིང་དུ་མི་འཐད་ཅིང༌། རྒྱུད་གཞུང་ཁུངས་མ་ལས་ཀྱང་ཉེ་སྙིང་དུ་བཤད་པ་མེད་དོ། །ཞེས་ཟེར་བ་མི་འཐད་དེ། མར་མེ་མཛད་ཀྱི་སྒྲུབ་ཐབས་ལ་སོགས་པ་གཞུང་ཁུངས་མ་འགའ་ལས་ཉེ་སྙིང་དུ་བཤད་ཅིང༌། སྒྲུབ་ཐབས་མཚོ་སྐྱེས་ལས་ཀྱང་སྔགས་འདི་ཉིད་ཉེ་སྙིང་དུ་མཛད་པར་གསལ་ཏེ། ལས་ཚོ…

དམིགས་པའི་དབྱེ་བས་བཞི་དང༌། ཁྲོ་བོའི་བཟླས་པ། ཤུབ་བུའི་བཟླས་པ། ཡིད་བཟླས། འགོག་པའི་བཟླས་པ་སྟེ་ངག་གི་བྱ་བའི་ཁྱད་པར་གྱིས་བཞི་དང༌། བསྐུལ་བའི་བཟླས་པ། གོང་བུའི་བཟླས་པ། རྡོ་རྗེའི་བཟླས་པ་སྟེ་སྔགས་ཀྱི་ཁྱད་པར་གྱིས་དབྱེ་བས་གསུམ་སྟེ་བཅུ་གཅིག་ཏུ་འདོད་པ་ཡོད་ཅིང༌། རྒྱ་གར་གྱི་སློབ་དཔོན་ཕྱི་མ་རྣམས་ཀྱི་བཞེད་པ་ཁྱོགས་ཀྱི…

ལྷ་སྐུར་སྡང་བ་ནི། ཞིང་གཞན་དུ་སྤྲུལ་པའི་སྐུས་འབྱུང་བ་མཚོན་པ་ཡིན་ནོ། །གསུམ་པ་གཏོར་མའི་རྣལ་འབྱོར་ནི། རྩ་བཤད་ཀྱི་རྒྱུད་རྣམས་ལས། འཇིག་རྟེན་པའི་གཏོར་མ་འབའ་ཞིག་གསལ་ན་ཡང་གཏོར་ཆོག་རྒྱ་གཞུང་ཚད་མ་དང༌། བླ་མ་གོང་མའི་མན་ངག་གིས་འཇིག་རྟེན་དང་འཇིག་རྟེན་ལས་འདས་པའི་ལྷ་ཐམས་ཅད་ལ་ཐུན་མོང་དུ་འབུལ་བ་ཡིན་ནོ། །བཞི་པ་ཁ་ཟས་ཀྱི…

ཞིང་ཞུ་བདེ་ལྷན་སྐྱེས་ཀྱི་ངང་དུ་ཉལ་བའི་དམིགས་པ་རྒྱུ་རྡོ་རྗེ་འཛིན་པ་ཡབ་ཡུམ་ཞུ་བ་ལྟར་ཡིན་པའི་གཉིས་ཀ་ལྟར་ཡང་མི་རྟོག་པའི་ངང་དུ་ཉལ་བ་ཡིན་ནོ། །བདུན་པ་ལྡང་བའི་རྣལ་འབྱོར་ནི། ཉལ་བའི་ཚེ་རང་བཞིན་ལྷན་སྐྱེས་ཀྱི་ངང་དུ་ཉལ་ན། ཐུན་མཚམས་ཀྱི་ལྷ་སྐུར་སྐད་ཅིག་གིས་ལྡང་བ་ཡིན་ཞིང༌། ཞུ་བདེ་ལྷན་སྐྱེས་ཀྱི་ངང་དུ་ཉལ་ན། རྗེ་བཙུན་…

མཆོད་པས་བསྡུས་པའི་ཕྱིར་ལོགས་སུ་མ་བགྲངས་ཀྱང་རུང་ངོ༌། །གཉིས་པ་ལ། ལུགས་འདིའི་ཐུན་མོང་མ་ཡིན་པའི་མངོན་རྟོགས་ཀྱི་དབྱེ་བ་བཤད་པ་དང༌། འདི་ཉིད་ཀྱི་བསྐྱེད་རིམ་གྱི་སྤྱིའི་ཆིངས་རྣམས་དབྱེ་བའོ། །དང་པོ་ནི། སློབ་དཔོན་རྣལ་འབྱོར་གྱི་དབང་ཕྱུག་བིརྺ་པའི་མན་ངག་གིས་བརྟག་པ་གཉིས་པའི་བསྐྱེད་རིམ་སྟོན་པའི་རྒྱུད་ཚིག་རྣམས་ལ། འཁྲུ…

ཡན་ལག་བཞི་པ་དང༌། དྲུག་པ་གཉིས། ཡན་ལག་བཞི་པ་ལ་ལྷ་མོ་སྤྲོ་ཚུལ་ཐིག་ལེ་འགྲོས་དང་ས་བོན་འགྲོས་གཉིས་དང༌། དྲུག་པས་ཐིག་ལེ་འགྲོས་དང་ས་བོན་འགྲོས་གཉིས་ཏེ་བཞིའོ། །བཞི་པ་ནི། ས་བོན་ལས་བསྐྱེད་པ་ཡིན་ཏེ། རྒྱུ་རྡོ་རྗེ་འཛིན་པ་དང༌། འཁོར་གྱི་ལྷ་མོ་དང༌། འབྲས་བུ་རྡོ་རྗེ་འཛིན་པ་དང། གནས་སྐབས་གསུམ་ཆར་ས་བོན་ལས་བསྐྱེད་པའོ། །ལྔ་པ…

ཐ་མ་སྟེ་ལྔའོ། །དེ་ལ་མངོན་པར་རྟོགས་པ་གཉིས་ནི། རབ་ཀྱི་རབ་དང༌། ཐ་མའི་ཐ་མས་བསྒོམ་པར་བྱ་བ་ཡིན་ཏེ། རིམ་པ་བཞིན་དུ་དེ་ཙམ་བསྒོམས་པས་ཆོག་པ་དང༌། དེ་བས་ལྷག་པར་བསྒོམ་པར་མི་ནུས་པའི་ཕྱིར་རོ། །མངོན་པར་རྟོགས་པ་འབྲིང་པོའི་ཚུལ་བཞི་ནི། རབ་དང་ཐ་མས་བསྒོམ་པར་བྱ་བ་ཡིན་ཏེ། རྒྱུ་མཚན་སྔ་མ་ཉིད་དང། དེ་ཙམ་ངེས་པར་སྒོམ་ཡང་དགོས་པའི…

ལ་སོགས་པའི་བྱང་ཆུབ་བཞི་དང། རྣལ་འབྱོར་རྗེས་སུ་རྣལ་འབྱོར། ཤིན་ཏུ་རྣལ་འབྱོར། རྣལ་འབྱོར་ཆེན་པོ་སྟེ་བཞིས་འཆིང་བ་དང༌། སློབ་དཔོན་ཤནྟི་པ་དང༌། ནག་པོ་དམ་ཚིག་གི་རྡོ་རྗེ་རྗེས་འབྲང་དང་བཅས་པ་འབྲས་བུ་རྡོ་རྗེ་འཛིན་པ་བཞེངས་པའི་རྗེས་སུ་འཁོར་གྱི་ལྷ་མོ་སྤྲོ་བ་སོགས་འབྱུང་ཞིང༌། དང་པོ་སྦྱོར་བ། དཀྱིལ་འཁོར་རྒྱལ་པོ་མཆོག་ལས་ར…

ཡང༌། ཡན་ལག་དྲུག་པའི་ཆིངས་ཀྱི་ནང་དུ་འདུས་ཤིང༌། ཁ་ཅིག་གནས་བཞིའི་ཆིངས་ཡོད་པར་འདོད་པ་ཡང་མི་འཐད་དེ། གནས་པ་བཞི་ནི་སྐུ་བཞི་ལམ་དུ་བྱེད་པའི་དོན་ཙམ་ཡིན་པའི་ཕྱིར་མངོན་རྟོགས་ཀྱི་ཆིངས་སུ་མི་འཐད་དོ། །དེ་བཞིན་དུ་རྣལ་འབྱོར་རྫོགས་ཕྲེང་ལས་འབྱུང་བའི་ཀྱཻ་རྡོར་གྱི་མངོན་རྟོགས་ལྟ་བུ། ལུགས་སྲོལ་རང་རྐང་དུ་བྱས་ནས། སྐད་ཅིག་གི…

རྣམས་མིང་ཐ་དད་པ་མ་གཏོགས་དོན་ལ་ཁྱད་པར་མེད་དོ། །ངོ་བོ་ལམ་སྒོམ་པའི་གང་ཟག་རྣམ་པ་བཞིར་རིམ་གྱིས་ན་འཕོ་བ་ཡིན་ནོ། །དེ་ཡང་དཀྱིལ་འཁོར་རགས་པ་ལ་གསལ་སྣང་མ་ཐོབ་པ་དེ་སྲིད་དུ། གང་ཟག་དང་པོ་ཡིན་ལ་གསལ་སྣང་ཐོབ་པའི་ཚེ་གཉིས་པ་དང༌། གོ་ཆའི་ལྷ་ལ་སོགས་པ་ཕྲ་མོ་རྣམས་ལ་གསལ་སྣང་ཐོབ་པའི་ཚེ་གསུམ་པའོ། །དེ་རྣམས་བསྐྱེད་རིམ་འབའ་ཞིག་གི…

མོང་དང༌། ཐུན་མོང་མ་ཡིན་པ་གཉིས་སོ། །དང་པོ་ཐུན་མོང་ནི་བྱང་ཕྱོགས་ཀྱི་ཆོས་སུམ་ཅུ་རྩ་བདུན་ཐེག་པ་ཆེན་པོ་སྤྱི་དང་མཚུངས་པ་ཡིན་ཏེ། ཚོགས་ལམ་ཆུང་བ་དྲན་པ་ཉེ་བར་བཞག་པ་ཡང་དག་སྤོང་བ་བཞི། ཆེན་པོ་རྫུ་འཕྲུལ་རྐང་པ་བཞི། སྦྱོར་ལམ་དྲོད་དང་རྩེ་མོར་དབང་པོ་ལྔ། བཟོད་པ་དང་ཆོས་མཆོག་ལ་སྟོབས་ལྔ། མཐོང་ལམ་ལ་བྱང་ཆུབ་ཀྱི་ཡན་ལག་བདུན།…

ལ། སོ་སོའི་སྐྱེ་བོའི་ལམ་དང་འཕགས་པའི་ལམ་གཉིས་སོ། །དང་པོ་ནི། དཀྱིལ་འཁོར་རགས་པ་ལ་གསལ་སྣང་ཅུང་ཟད་ཐོབ་ཅིང་ཐེག་པ་གཞན་བཀྲི་བར་མི་ནུས་པ་དེའི་ཚེ་ཚོགས་ལམ་ཆུང་ངུ་དང༌། གསལ་སྣང་ཅུང་ཟད་མཆེད་པ་ན་ཚོགས་ལམ་འབྲིང་པོ་དང༌། གསལ་སྣང་རྒྱ་ཆེར་མཆེད་ཅིང་ཡི་དམ་གྱི་ལྷ་ཞལ་ལྟ་བར་ནུས་པ་དང༌། ལས་ཚོགས་ཐོགས་མེད་དུ་གྲུབ་པ་དང༌། ཐུན་མོང་…

དེར་བསྐྱེད་རིམ་གྱི་བོགས་འབྱུང་བའི་རྐྱེན་གྱིས་སྦྱོར་ལམ་དྲོད་ཀྱི་ཡེ་ཤེས་སྐྱེ་བར་བཤད་པ་ནི་དམིགས་བསམ་ཡིན་ནོ། །གཉིས་པ་འཕགས་ལམ་ནི། ས་བཅུ་གཉིས་སམ་ཕྱེད་དང་བཅུ་གསུམ་གྱིས་བསྡུས་པ་ཡིན་ཅིང༌། དེ་ཡང་ཐེག་པ་སྤྱི་དང་ཐུན་མོང་གི་བརྡ་ཆད་རབ་ཏུ་དགའ་བ་ལ་སོགས་པའི་མིང་དང། རྣལ་འབྱོར་མའི་རྒྱུད་ཀྱི་ཐུན་མོང་མ་ཡིན་པའི་བརྡ་ཆད་གནས…

ཡིན་ནོ། །དེ་ལྟར་ས་དེ་རྣམས་ཐོབ་པའི་རྒྱུད་ནི་རྩ་དང༌། ཁམས་དང༌། རླུང་རྣམས་དབུ་མར་ཐིམ་པ་ལས་འབྱུང་ཞིང༌། དེ་ཡང་སྤྱོད་པ་དང་ཉེར་རྒྱུ་ལས་རག་ལས་པ་ཡིན་ཏེ། མ་དག་ས་བདུན་དུ་ཕྱོགས་ལས་རྣམ་རྒྱལ་གྱི་སྤྱོད་པ་ཁོ་ན་དང༌། དེ་ཡང་བཅུ་གསུམ་པའི་བར་རྣམས་ལ། ཕྱོགས་ལས་རྣམ་རྒྱལ་ཁོ་ནའམ། ཉེ་རྒྱུའི་བགྲོད་པའང་ཡོད་ལ། བཅུ་གསུམ་པའི་ཕྱེད་འ…

ཇི་ལྟ་བའི་ཆོས་རྣམས་རྟོགས་པས་ཡེ་ཤེས་ལྷག་པར་རྟོགས་པ་ཡིན་ནོ། །བཅུ་གསུམ་པའི་ཕྱེད་འོག་མ་ནི། ངོ་བོ་ཉིད་སྐུའི་ཞིང་ཁམས་ལ་དབང་ཐོབ་པ་ཞེས་བྱ། ཇི་ལྟ་བ་དང་ཇི་སྙེད་པའི་ཆོས་རྣམས་ཀྱི་གནས་ལུགས་མ་ལུས་པར་རྟོགས་པའི་ཡེ་ཤེས་དཔག་ཏུ་མེད་པ་དང་ལྡན་པ་ཡིན་ནོ། །ས་བཅུ་གཅིག་པ་དང༌། བཅུ་གཉིས་པའི་ངོས་སྐལ་གྱི། ཕྱྀའི་ཡུལ་ཆེན་བརྒྱད་ནི།…

དབྱེ་ན་སྣང་ཕྱོགས་ངོ་བོ་ཉིད། སྟོང་ཕྱོགས་ངོ་བོ་ཉིད། ཟུང་འཇུག་ངོ་བོ་ཉིད་གསུམ། དེ་དག་ནི་དཀྱིལ་འཁོར་སྒོམ་པ་དང་འབྲེལ་བའི་སྣང་ཉམས་དང། སྟོང་ཉམས་དང༌། སྣང་སྟོང་ཟུང་འཇུག་གི་ཉམས་རྣམས་སོ། །དེ་གསུམ་ཆར་ཡིད་ཀུན་བཏགས་དང་བྲལ་བའི་ཆོས་ཉིད། མ་རིག་པ་ལས་ལོག་པའི་ཆོས་ཅན། ངོ་བོ་གཅིག་ཚུལ་གྱི་ལྡོག་པ་ཐ་དད་དེ། མཚན་ཉིད་གསུམ་དུ་གས…

པར་བྱས་པའི་དུས་སུ་འཆར་བ་ཡིན་ནོ། །གཉིས་པ་ལུས་ལ་ལྟོས་པ་ནི། ཕྱི་རོལ་གྱི་བྱ་བ་ལ་ལྟོས་པའི་བདེ་བ་དང༌། གཉིས་སྦྱོར་གྱི་བྱ་བ་ལས་ཐོབ་པའི་བདེ་བ་དང༌། བསྲུབས་པ་ལས་བྱུང་བའི་བདེ་བ་དང༌། བྱང་ཆུབ་ཀྱི་སེམས་བརྟན་པར་བྱས་པའི་བདེ་བ་སྟེ། སྐད་ཅིག་རིམ་པ་བཞི་ལ་ལྟོས་པ་ཡིན་ནོ། །གསུམ་པ་སྤང་བྱ་ལ་ལྟོས་པ་ནི། ཕྱི་རོལ་བཟུང་བའི་རྣམ་རྟ…

སེམས་ཡེ་ཤེས་ཀྱི་སྟོབས་སུ་གྱུར་པས། ལུས་སྲེད་མེད་ཀྱི་བུའི་སྟོབས་དང་ལྡན་པ་ཡིན་ནོ། །དེ་ཉིད་མགྲིན་པའི་བར་དུ་བརྟན་པར་བྱས་པ་ནི་སྐྱེས་བུ་བྱེད་པའི་འབྲས་བུ་སྟེ་ཆོས་ཐམས་ཅད་ལ་བློ་གྲོས་འཕེལ་ཞིང༌། ཐོགས་མེད་དུ་ཆོས་སྟོན་པར་ནུས་པ་དང༌། དེ་ཉིད་སྤྱི་བོའི་བར་དུ་བརྟན་པར་བྱས་པ་བྲལ་བའི་འབྲས་བུ་སྟེ། ཐ་མལ་པའི་ལུས་གནས་གྱུར་ནས…

སྐད་དང་མཐུན་པའི་ཆོས་མ་འདྲེས་པར་སྟོན་པར་ནུས་པས་ན་མ་འདྲེས་པ་ཡོངས་སུ་རྫོགས་པ་ཞེས་བྱའོ། །གསུམ་པ་ནི་ས་བཅུ་གཅིག་པ་དང་བཅུ་གཉིས་པ་ཡིན་ཏེ། འདི་དག་ནི་བདེ་སྟོང་གི་ཡེ་ཤེས་ཀྱི་ཡུལ་ཚད་དང་བཅས་པའི་ཕྱིར་རོ། །བདེ་སྟོང་རྒྱ་ཆུང་བ་ཞེས་བྱའོ། །བཞི་པ་ནི་བཅུ་གསུམ་པའི་ཕྱེད་འོག་མ་ནི་མཁྱེན་པའི་སྐད་ཅིག་མ་གཅིག་གིས་བརྟན་གཡོ་ཐམས་ཅ…