ཀྱིས་གྲུབ་པའི་མྱུ་གུ་ལ་ཚད་མར་སོང་བར་འདོད་པའི་ཕྱིར། བྱས་པ་ལ་ཁོ་ན་རེ། རང་རྒྱུད་པ་དང་སེམས་ཙམ་པ་གཉིས་ལ་ཆོས་ཅན་ཚད་མས་གྲུབ་ཚུལ་མཐུན་སྣང་བ་མེད་པར་ཐལ། སེམས་ཙམ་པས་མྱུ་གུ་འཇལ་བའི་ཚད་མ་དེ་བདེན་པར་གྲུབ་པའི་མྱུ་གུ་ལ་ཚད་མར་སོང་བར་འདོད། རང་རྒྱུད་པས་དེ་ལྟར་མི་འདོད་པའི་ཕྱིར་ན་མ་ཁྱབ། བྱས་པ་ལ་ཁོ་ན་རེ། ཐལ་རང་གཉིས་ལ་དེ་…

པའི་ཕྱིར། ཞེས་གསུངས་པའི་ཕྱིར། ཁ་ཅིག །སངས་རྒྱས་པའི་གྲུབ་མཐའ་སྨྲ་བའི་གང་ཟག་ཡིན་ན། གང་ཟག་གི་བདག་མེད་རྟོགས་པའི་ལྟ་བ་ཁས་ལེན་པས་ཁྱབ་ཟེར་ན། དེ་ཡིན་ན་གང་ཟག་གི་བདག་མེད་ཁས་ལེན་པས་ཁྱབ་པར་ཐལ། འདོད་པའི་ཕྱིར། འདོད་ན། དེ་ཡིན་ན་ཉེར་ལེན་གྱི་ཕུང་པོའི་སྟེང་དུ་གང་ཟག་གི་བདག་མེད་ཁས་ལེན་པས་ཁྱབ་པར་ཐལ། འདོད་པའི་ཕྱིར། འདོད་ན…

བྱའི་བློ་ངོ་དང་། །འཚམ་པར་ཉུང་ངུའི་གཏམ་གྱི་ཕྲེང་བ་སྤེལ། །མཁས་པའི་རྣམ་ཐར་མཐོང་ན་བློ་སྣ་རིང་། །སྙིང་ནས་ངེས་འབྱུང་བསམས་ཚེ་ལོང་མེད་དྲན། །འགྲོ་བའི་སྤྱོད་ཚུལ་མཐོང་ཚེ་ཞེན་ལོག་སྐྱེ། །ཕས་རྒོལ་ཁས་བླངས་མཐོང་ཚེ་རིགས་པ་ངར། །ཞེས་པ་ཡང་བར་སྐབས་ཀྱི་ཚིགས་སུ་བཅད་པའོ། །གཉིས་པ་དེ་རིགས་པས་བསྒྲུབ་པའི་སྒྲུབ་བྱེད་བསྟན་པ་ལ། བ…

ལ་སོགས་པ་རྣམས་ཀྱི་སྐྱེ་བ་འཇིག་རྟེན་འདིར་རྙེད་པར་མི་འགྱུར་ཏེ། ས་བོན་བལྡབས་ནས་སྲད་པའི་མཐར་ཐུག་པར་རབ་ཏུ་སྐྱེ་བ་ཉིད་དུ་འགྱུར་བར་ཐལ་བའི་ཕྱོགས་སྔ་དེའི་ཕྱིར། གསུམ་པ་ནི། མྱུ་གུ་དེ་ཉིད་ཆོས་ཅན། ཁྱོད་ཀྱིས་ས་བོན་དེ་རྣམ་པར་འཇིག་པར་བྱེད་པར་ཇི་ལྟར་འགྱུར་ཏེ་མི་འགྱུར་བར་ཐལ། ཁྱོད་ས་བོན་དང་རང་བཞིན་གཅིག་ཡིན་པའི་ཕྱིར། ག…

པ་དེའི་ཕྱིར། གཉིས་པ་ནི། དེ་དག་གཉིས་རང་བཞིན་གཅིག་པ་ཡིན་ཞེས་འཇིག་རྟེན་གྱིས་ཀྱང་ཁས་མི་ལེན་ཏེ། གང་གི་ཕྱིར་ན་རྒྱུ་ས་བོན་ཞིག་ན་ཡང་དེའི་འབྲས་བུ་མྱུ་གུ་འཇིག་རྟེན་གྱིས་མཐོང་བའི་ཕྱིར། གསུམ་པ་ནི། དངོས་པོ་རྣམས་ཆོས་ཅན། ཁྱོད་བདག་ལས་འབྱུང་ཞེས་རབ་ཏུ་བཏགས་པ་འདི་དེ་ཉིད་དང་ནི་འཇིག་རྟེན་དུ་ཡང་རིགས་པ་མ་ཡིན་ཏེ། དེ་ལ་གནོད…

འབྱུང་བར་འགྱུར་བའི་ཕྱིར། གཞན་ཡང་། རྒྱུ་ཡིན་མིན་ཐམས་ཅད་ལས་འབྲས་བུ་ཡིན་མིན་ཐམས་ཅད་སྐྱེ་བར་འགྱུར་བར་ཐལ། རྟགས་སྔར་བཞིན། ཁྱབ་པ་ཡོད་དེ། གང་གི་ཕྱིར་སྐྱེད་པར་བྱེད་པ་མ་ཡིན་པས་མ་ལུས་པ་ལ་ཡང་རྒྱུ་འབྲས་སུ་འདོད་པ་དེ་དང་། རང་བཞིན་གྱིས་གཞན་ཉིད་མཚུངས་པའི་ཕྱིར། གཉིས་པ་ལ། སྐྱོན་སྤོང་དང་། དེའི་ལན་གཉིས། དང་པོ་ནི། རྒྱུས་…

གྱིས་སྐྱེ་བ་འགྲུབ་པར་འགྱུར་བ་མ་ཡིན་པའི་ཕྱིར་ཏེ། ས་བོན་མྱུ་གུ་ལས་རང་བཞིན་གྱིས་གཞན་པ་ཉིད་དུ་ག་ལ་འགྱུར་ཏེ་མི་འགྱུར་བའི་ཕྱིར་ཏེ། མྱུ་གུ་ས་བོན་དང་ནི་དུས་མཉམ་དུ་ཡོད་པ་མིན་ཞིང་། ས་བོན་གྱི་དུས་ན་གཞན་མྱུ་གུ་ཉིད་མེད་པར་གྱུར་པ་དེའི་ཕྱིར།གཉིས་པ་ནི། བསྐྱེད་པར་བྱ་བ་དང་སྐྱེད་པར་བྱེད་པ་དག་གི་སྐྱེ་བ་དང་འགག་པའི་བྱ་བ་…

བདེན་གཉིས་ཀྱི་རྣམ་གཞག་བཤད་པ།གཉིས་པ་ལ། འཇིག་རྟེན་གྱི་གྲགས་པས་གཞན་སྐྱེ་ཁས་བླངས་ནས་གནོད་པ་སྤང་བ། ཐ་སྙད་དུ་ཡང་གཞན་སྐྱེ་མེད་པས་གནོད་པ་སྤང་བ་གཉིས། དང་པོ་ལ་རྩོད་པ་དང་། ལན་གཉིས། དང་པོ་ནི། གཞན་སྐྱེ་དགག་པ་འདིར་ནི་རིགས་པ་སྨྲས་པ་ཉིད་ཀྱིས་ལྟ་གོ་ཅི་ཞིག་བྱ་སྟེ། འཇིག་རྟེན་པ་གང་གིས་རང་གི་ལྟ་བ་ཁོ་ན་ལ་གནས་ནས་འཇིག་རྟེན…

དང་པོ་ལ་བདེན་པ་གཉིས་སུ་དབྱེ་བ། འཇིག་རྟེན་ལ་ལྟོས་ཏེ་ཀུན་རྫོབ་ཀྱི་དབྱེ་བ། ཞེན་ཡུལ་ལ་འཁྲུལ་པའི་ཞེན་ཡུལ་ཐ་སྙད་དུ་ཡང་མེད་པར་བསྟན་པ་དང་གསུམ། དང་པོ་ལ་ཚིག་གི་དོན། སྤྱིའི་དོན། མཐའ་དཔྱད་པ་དང་གསུམ། དང་པོ་ནི། དངོས་པོ་ཀུན་ཆོས་ཅན། ངོ་བོ་གཉིས་གཉིས་ནི་འཛིན་པར་འགྱུར་ཏེ། ཡུལ་ཡང་དག་པ་མཐོང་བས་རྙེད་པ་དང་། རྫུན་པ་མཐོང་བ་…

ནི། །ཟབ་མོའི་དེ་ཉིད་རྣམ་མི་ཤེས། །ཐ་སྙད་ལ་ནི་མ་བརྟེན་པར། །དམ་པའི་དོན་ནི་བསྟན་མི་ནུས། །དམ་པའི་དོན་ནི་མ་རྟོགས་པར། །མྱ་ངན་འདས་པ་ཐོབ་མི་འགྱུར། །ཞེས་གསུངས་པའི་ཕྱིར། ཐ་སྙད་བདེན་པ་ལ་བརྟེན་ནས་དོན་དམ་བདེན་པ་རྟོགས་ཚུལ་ཡོད་དེ། ཀུན་རྫོབ་རྟགས་སུ་བཀོད་ནས་དོན་དམ་བསྒྲུབ་བྱར་བྱས་ཏེ་རྟོགས་དགོས་པའི་ཕྱིར་ཏེ། རྩ་བ་ལས། ཐ་…

པ་ཡོད་དེ། ཐ་སྙད་པའི་ཚད་མའི་རྙེད་དོན་གང་ཞིག །ཐ་སྙད་པའི་ཚད་མ་དེ་ཁྱོད་ལ་ཐ་སྙད་པའི་ཚད་མར་སོང་བ་དེ་ཡིན་པའི་ཕྱིར། འབྱེད་ཚུལ་ཡོད་དེ། འཇིག་རྟེན་ཤེས་ངོ་ལ་ལྟོས་ནས་ཡང་ལོག་གཉིས་སུ་ཡོད་པའི་ཕྱིར། དང་པོ་ཡོད་དེ། འཕྲལ་གྱི་འཁྲུལ་རྒྱུས་མ་བསླད་པའི་ཤེས་པ་ཡུལ་དང་བཅས་པ་དེ་ཡིན་པའི་ཕྱིར། གཉིས་པ་ཡོད་དེ། དེས་བསླད་པ་དེ་ཡིན་པའི…

ཆེར་འཛིན་པའི་དེ་བྱེད་པའི་ཕྱིར། འོན་ཀྱང་འཕྲལ་གྱི་འཁྲུལ་རྒྱུས་མ་བསླད་པའི་ཡུལ་དང་ཡུལ་ཅན་གང་རུང་ཡིན་ན་འཇིག་རྟེན་ཤེས་ངོ་ལ་ལྟོས་ནས་ཡང་དག་པ་ཡིན་པས་མ་ཁྱབ་སྟེ། གང་ཟག་རང་སྐྱ་ཐུབ་པའི་རྫས་ཡོད་དུ་འཛིན་པའི་རྟོག་པ་ལྷན་སྐྱེས་ལྟ་བུ་སྔ་མ་ཡིན་ཀྱང་ཕྱི་མ་མ་ཡིན་པའི་ཕྱིར། དེས་བསླད་པའི་ཡུལ་ཡུལ་ཅན་གང་རུང་ཡིན་ན། འཇིག་རྟེན་ཤེ…

བོར་བདེན་ལ། གཞན་དུ་རྫུན་པས་དེ་ལྟར་བརྗོད་པའི་ཕྱིར། བདེན་རྫུན་གྱི་དབྱེ་བ་འཆད་པའི་རྒྱུ་མཚན་ཡོད་དེ། མྱུ་གུ་ལྟ་བུའི་ཆོས་གཅིག་རྫུན་པ་བསླུ་བའི་ཆོས་ཅན་དུ་ཡོངས་དཔྱོད་ལ་གྲུབ་ན་མི་བསླུ་བ་གནས་ལུགས་ཀྱི་དོན་ཡིན་པ་རྣམ་དཔྱད་ལ་ཁེགས་དགོས་པའི་ཕྱིར། དེར་ཐལ། བསླུ་མི་བསླུ་གཉིས་ཕན་ཚུན་སྤངས་པའི་དངོས་འགལ་ཡིན་པའི་ཕྱིར་ཏེ། དབ…

མཐོང་ལམ་བར་ཆད་མེད་ལམ་གྱི་རྙེད་དོན་ཡིན་པའི་ཕྱིར། དེར་ཐལ། དེས་དེ་རྟོགས་པའི་ཕྱིར། དེར་ཐལ། དེས་དེ་ལ་སྣང་བ་དེ་རྟོགས་པའི་ཕྱིར། མ་གྲུབ་ན། དེ་ཆོས་ཅན། ཁྱོད་ཀྱིས་རང་ལ་སྣང་བ་དེ་རྟོགས་པར་ཐལ། ཁྱོད་རང་གི་སྣང་བ་ལ་ཚད་མ་ཡིན་པའི་ཕྱིར། ཁྱོད་ཤེས་པ་ཡིན་པའི་ཕྱིར། ཁ་ཅིག་འཕགས་པའི་མཉམ་གཞག་ཟག་མེད་ཡེ་ཤེས་ཀྱིས་གཉིས་སྣང་དང་བཅས་…

གྱི་ཀུན་རྫོབ་གང་ཞིག །རང་ཉིད་གཙོ་བོར་སྣང་ཡུལ་དུ་བྱེད་པའི་བློ་ལ་སྣང་བ་ལྟར་མ་གྲུབ་པར་འཇིག་རྟེན་རང་དགའ་བས་རྟོགས་ནུས་པ་དེ་འཇིག་རྟེན་ཤེས་ངོ་ལ་ལྟོས་ཏེ་ཡུལ་གྱི་ལོག་པའི་ཀུན་རྫོབ་ཀྱི་མཚན་ཉིད་ཟེར་ན། བུམ་པའི་དོན་སྤྱི་ཆོས་ཅན། མཚོན་བྱ་དེར་ཐལ། མཚན་ཉིད་དེའི་ཕྱིར། དེར་ཐལ། མདོ་སྡེ་པས་དེ་ལྟར་རྟོགས་ནུས་པའི་ཕྱིར་ཏེ། མདོ…

འདི་ཉིད་ལས། ཐ་སྙད་བདེན་པ་ཐབས་སུ་གྱུར་པ་དང་། དོན་དམ་བདེན་པ་ཐབས་བྱུང་གྱུར་པ་སྟེ། ཞེས་བཤད་པ་མི་འཐད་པར་ཐལ། འདོད་པའི་ཕྱིར། དེ་ལ་ཁོ་ན་རེ། ཀུན་རྫོབ་བདེན་པ་ཚད་མས་ངེས་ནས་བདེན་མེད་ཚད་མས་མ་ངེས་པའི་གང་ཟག་ཆོས་ཅན། ཀུན་རྫོབ་བདེན་པ་ཀུན་རྫོབ་བདེན་པར་ཚད་མས་ངེས་པའི་གང་ཟག་ཡིན་པར་ཐལ། ཀུན་རྫོབ་བདེན་པ་ཚད་མས་ངེས་པའི་གང་ཟག་…

ཆོས་ཅན། ཁྱོད་ཡོད་པར་ཐལ། ཁྱོད་ཀུན་རྫོབ་བདེན་པ་ཀུན་རྫོབ་ཀྱི་གནས་ལུགས་ཡིན་པའི་ཕྱིར། ཁྱབ་པ་ཁས། འདོད་ན། ཀུན་རྫོབ་བདེན་པ་ཀུན་རྫོབ་བདེན་པས་སྟོངས་པ་ཞིག་མེད་པར་ཐལ། གཞི་གྲུབ་ན་ཀུན་རྫོབ་བདེན་པ་ཀུན་རྫོབ་བདེན་པར་ཡོད་པས་ཁྱབ་པའི་ཕྱིར། ཁ་ཅིག །ལོག་པའི་ཀུན་རྫོབ་མེད་ཟེར་ན། ཡོད་པར་ཐལ། མེ་ལོང་ནང་གི་བྱད་བཞིན་གྱི་གཟུགས་བར…

དེར་ཐལ། ཀུན་རྫོབ་ཡིན་ན་བསླུ་བ་ཡིན་དགོས་པའི་ཕྱིར། བྱས་པ་ལ་ཁོ་ན་རེ། ཀུན་རྫོབ་བདེན་པ་མེད་པར་ཐལ། ཀུན་རྫོབ་དང་བདེན་པ་འགལ་བའི་ཕྱིར་ན་མ་ཁྱབ། བྱས་པ་ལ་ཁོ་ན་རེ། ལས་རྒྱུ་འབྲས་ཆོས་ཅན། བསླུ་བ་ཡིན་པར་ཐལ། ཀུན་རྫོབ་ཡིན་པའི་ཕྱིར།འདོད་ན། མ་ཡིན་པར་ཐལ། མི་བསླུ་བ་ཡིན་པའི་ཕྱིར། དེར་ཐལ། མི་བསླུ་བའི་ཕྱིར་ན་མ་ཁྱབ། འོ་ན་མ་འོ…

འཇིག་རྟེན་ཤེས་ངོ་ལ་ལྟོས་ཏེ་ལོག་པ་ཡིན་པས་ཁྱབ་ཟེར་ན། གྲུབ་མཐས་རྒྱུད་བསླད་པའི་དབང་གིས་གང་ཟག་བདེན་གྲུབ་ཏུ་འཛིན་པའི་བློ་ཆོས་ཅན། དེར་ཐལ། དེའི་ཕྱིར། དེར་ཐལ། དེ་འདྲའི་ཡུལ་ཅན་ཡིན་པའི་ཕྱིར། ཆོས་ཅན་དེ་ཡིན་པའི་ཕྱིར། རྩ་བར་འདོད་ན། འཇིག་རྟེན་རང་དགའ་བའི་ཤེས་པས་དེ་ལོག་ཤེས་སུ་རྟོགས་པར་ཐལ། འདོད་པའི་ཕྱིར། འདོད་ན། སྟོང…

བདེན་བདེན་ལྟར། །གྲུབ་པའི་བྱ་བྱེད་མ་ལུས་པ། །དོན་དམ་སྟོང་པའི་ཐང་ཡངས་དེར། །དཀྱུས་ཐོག་བཅད་ཚེ་གར་མ་མཐོང་། །སྒོམ་ཆེན་རྒན་པོའི་བཞུགས་གྲལ་ལ། །པུས་འཁྱུད་སྒོམ་ཞྭ་དྲ་ཕད་དང་། སྨིན་མ་ཟང་ཟང་མ་མཆིས་པས། །ཆུད་པའི་སྐལ་བ་ཆེས་དམན་ཡང་། །རིགས་པ་སྨྲ་བའི་ཁྱུ་ནང་དུ། །ཤེས་བྱ་འདོམ་ལ་གཞལ་ཙ་ན། །བདེན་རྫུན་ཆོས་ཀྱི་སྣང་ཚུལ་ཀུན། །ག…