རིང་ནས་མི་ཕྱེད་མཛའ་བའི་ཅུག་ཕྲན་དམ་པོས་རབ་བཅིངས་ཀུན་ལ་བརྩེ་ཆེན་དལ་བུར་སྤྱོད་པའི་དྲི་བཞོན་གྱིས་དྲངས་པས། །

མཚུངས་པ་མེད་པའི་མཁྱེན་བརྩེ་ནུས་མཐུའི་དྲི་བསུང་མངར་པོར་ཕྱོགས་བྲལ་ཀུན་ཏུ་ཡང་ཡང་འཐུལ་བའི་སིམ་པའི་རེག་བྱ་ཡིས། །ལུས་ཅན་དུག་གསུམ་ཚ་གདུང་ཀུན་བཅོམ་ཕན་བདེའི་ངལ་གསོ་ཅི་ཡང་སྟེར་མཛད་རྣམ་འདྲེན་ཤཱཀྱ་སེང་གེ་རྒྱལ་གྱུར་ཅིག །གང་གི་ལྗགས་ཡངས་རབ་དཀའ་འོ་མཚོའི་རྫིང་བུའི་ངོས་སུ་ཚངས་དབྱངས་གཉིས་སྐྱེས་ལུས་དཀར་ཅན། །འབྱུང་འགྱུར…

སྙད་བྱ་བྱེད་འཐད་པའི་བཞིན་རས་ཟླ་བ་ལྟ་བུར་དཀར་མཛེས་ཅན། །རྣམ་དག་རིགས་པའི་མིག་དཀྱུས་ཆེས་ཕྲ་ཁུངས་ལྡན་ལུང་གི་ལན་མཚར་གཡོ། ལེགས་བཤད་གླུ་ཡིས་དཔྱོད་ལྡན་ཁེངས་འཕྲོག་གྲགས་པ་དོན་ལྡན་ཁྱོད་མིན་སུ། །གསུང་རབ་རིན་ཆེན་བྱེ་བའི་འབྱུང་ཁུངས་དབུས་འགྱུར་འཆང་གི་གྲོང་ཁྱེར་ནས། །ཀླུ་སྒྲུབ་ཞལ་ལུང་གཅིག་ཏུ་རབ་བསྡུས་མ་རྨད་ནོར་བུ་བཻཌ…

ཆེས་དཀོན་སྟོང་པ་ཉིད་ཀྱི་ང་རོའི་དབྱངས། །འཁྲུལ་མེད་འཕགས་མཆོག་ཀླུ་སྒྲུབ་དགོངས་དོན་མགྲིན་པ་ནས། །ལེན་མཁས་ཐལ་འགྱུར་ཆོས་ཚུལ་འཕེལ་བའི་མཛད་པ་ཅན། །བཤེས་གཉེན་ཁྱོད་ནི་ཟླ་གྲགས་གཉིས་པར་ད་གདོད་འཁུམས། །ཡིད་བཞིན་ནོར་ལྟར་རབ་དཀོན་རིན་ཐང་གི །མཆོག་ཏུ་རྣམ་པར་ཆེ་བའི་ལེགས་བཤད་རྣམས། །ཆོས་ཀུན་གནས་ལུགས་རྟོགས་པར་འཆད་མཁས་པའི། །…

བསྐོར་བཟོ་གསོའི་རྫོགས་ལྡན་དགའ་སྟོན་ཅན། །སྙན་ངག་སྡེབ་སྦྱོར་མངོན་བརྗོད་ཟློས་གར་འདོད་དགུར་སྤྱོད་ལ་ཆེས་དབང་བའི། །དམ་པའི་ཆོས་ཀྱི་འཁོར་ལོས་བསྒྱུར་བའི་རིས་སུ་སོན་པའི་གཟི་བྱིན་གྱིས། །མཁས་རློམ་ཉི་འོག་རྒྱལ་ཕྲན་ཁེངས་པ་དང་། །བསྟན་བཅོས་ཨེ་རཎྜ་ཡི་སྙིང་པོ་ལྟར། །གྱུར་ཚེ་ཚིག་འགྲེལ་སྤྱི་དོན་མཐའ་དཔྱོད་ཀྱི། །གང་བུའི་ཁུ…

སྟོང་ཉིད་ཀྱི་རིམ་པ་དང་། སྦས་དོན་མངོན་རྟོགས་ཀྱི་རིམ་པ་གཉིས་ལས། དང་པོ་ནི། རྟོགས་དཀའ་ཞིང་མ་རྟོགས་ན་འཁོར་བ་ལས་མི་གྲོལ་བས། རྒྱལ་བས་ཐབས་དུ་མའི་སྒོ་ནས་གདུལ་བྱ་རྣམས་ཀྱི་རྒྱུད་ལ་འདི་ཉིད་ཀྱི་དོན་རྟོགས་པའི་ཐབས་གཙོ་བོར་མཛད་པའི་རྒྱུ་མཚན་གྱིས། མགོན་པོ་ཞི་བ་ལྷས། ཡན་ལག་འདི་དག་ཐམས་ཅད་ནི། །ཐུབ་པས་ཤེས་རབ་དོན་དུ་གསུངས།…

མཚན་གྱི་དོན་བཤད་པ།དེ་ལ་བཞི། མཚན་གྱི་དོན། འགྱུར་གྱི་ཕྱག །གཞུང་གི་དོན། མཇུག་གི་དོན་ནོ། །དང་པོ་ལ། ཚིག་གི་དོན། སྤྱིའི་དོན། མཐའ་དཔྱད་པ་དང་གསུམ་ལས། དང་པོ་ནི། ཤེས་བྱ་ཆོས་ཅན། ལེགས་སྦྱར་གྱི་སྐད་དུ་བསྟན་བཅོས་འདིའི་མཚན་ལ། མ་དྷྱཱ་སོགས་སུ་འབོད་པ་ཡིན་ཏེ། མདྷྱཱ་མ་ཀ་ནི་དབུ་མ། ཨ་ཝ་ཏཱ་ར་ནི་འཇུག་པ། ནཱ་མ་ནི་ཞེས་བྱ་བ་ལ་…

དེ་ཙམ་མོ། །གཉིས་པ་ནི། མ་དྷྱཱ་ཞེས་བྱ་བའི་སྐད་ནི། དབུས་དང་བར་དང་དཀྱིལ་ཞེས་སོགས་མང་པོ་ལ་འཇུག་ཅིང་། དབུ་མའི་ལྟ་བ་ལ་དབུ་མར་བྱས་པ་དང་། དེ་སྟོན་པའི་བསྟན་བཅོས་ལ་དབུ་མར་བྱས་པ་དང་། དེ་འཛིན་པའི་གྲུབ་མཐའ་ལ་དབུ་མར་བྱས་པ་སོགས་མང་ཡང་། འདིར་འཇུག་བྱའི་དབུ་མ་ནི་བསྟན་བཅོས་ལ་ངོས་འཛིན་དགོས་སྟེ། རང་འགྲེལ་ལས། དབུ་མའི་བསྟན…

པ་དེའི་ཕྱིར། བསྟན་བཅོས་ཀྱི་དེ་ཁོ་ན་ཉིད་ཕྱིན་ཅི་མ་ལོག་པར་བསྟན་པར་བྱ་བའི་ཕྱིར་དབུ་མ་ལ་འཇུག་པ་འདི་སྦྱར་བ་ཡིན་ནོ། །ཞེས་གསུངས་པའི་ཕྱིར། རྒྱ་ཆེ་བའི་སྒོ་ནས་འཇུག་ཚུལ་ཡོད་དེ། འཕགས་པའི་མན་ངག་ལ་བརྟེན་ནས། མཆོད་བརྗོད་ཀྱི་སྐབས་སུ་བྱང་སེམས་སོ་སྐྱེའི་ཆོས་གསུམ། ལུས་ཀྱི་སྐབས་སུ་འཕགས་པ་སློབ་པའི་ས་བཅུ་དང་། མི་སློབ་པ་འབ…

བའི་ཕྱིར། དེར་ཐལ། རྣམ་བཤད་ལས། དེ་ཁོ་ཉིད་གཏན་ལ་འབེབས་པའི་རིགས་པའི་རྣམ་གྲངས་ནི་འཇུག་པ་ལས་རྩ་བ་ཤེས་རབ་ཤིན་ཏུ་རྒྱས་པས་བཤད་པ་དེ་ལེགས་པར་མ་མཐོང་ངོ་། །ཞེས་གསུངས་པའི་ཕྱིར། ཁ་ཅིག་རྩ་ཤེས་རྒྱ་ཆེ་བའི་ཐེག་ཆེན་གྱི་ཁྱད་ཆོས་དངོས་སུ་མ་བསྟན་པས། ཐེག་ཆེན་ཐུན་མོང་མ་ཡིན་པའི་བསྟན་བཅོས་སུ་མི་འགྱུར་ཏེ། འཕགས་པའི་ལུགས་ལ་ཐེག་པ…

ཏུ་རྒྱས་པར་སྟོན་པས་ཆེད་དུ་བྱ་བའི་གདུལ་བྱ་ལ་ཁྱད་པར་ཡོད་དོ། །ཞེས་གསུངས་པའི་ཕྱིར། ཁ་ཅིག་རྩ་ཤེས་རྒྱ་ཆེ་བའི་ལམ་གྱི་རིམ་པ་དངོས་སུ་བསྟན་ཟེར་ན། བསྟན་བཅོས་འདིས་རྩ་ཤེ་ལ་རྒྱ་ཆེ་བའི་སྒོ་ནས་འཇུག་པའི་ཚེ་འཕགས་པའི་མན་ངག་གཞན་གྱིས་ཁ་འགེངས་མི་དགོས་པར་ཐལ། འདོད་པའི་ཕྱིར། འདོད་ན། རྣམ་བཤད་ལས། རྒྱ་ཆེ་བའི་ལམ་གཞན་འཕགས་པའི་མན…

ཁྱོད་བདེན་པར་གྲུབ་པ་ཡོད་མཐའ་ཡིན་པར་ཐལ། ཁྱོད་བདག་མེད་ཡིན་པའི་ཕྱིར། འདོད་ན། ཡིན་པར་ཐལ། ཁྱོད་དུ་འཛིན་པའི་བློ་དེ་མེད་པའི་མཐར་འཛིན་ཡིན་པའི་ཕྱིར། དེར་ཐལ། རྩ་ཤེ་ཊཱིཀ་ཆེན་ལས། དགག་བྱ་བཀག་པའི་མེད་པ་ཡང་དག་པར་ཡོད་དོ་ཞེས་འཛིན་ན་དངོས་པོ་མེད་པའི་མཐར་ལྷུང་བས་དེ་འགོག་པ་ཡང་མེད་མཐའ་འགོག་པ་ཡིན་ནོ། །ཞེས་གསུངས་པའི་ཕྱིར། …

གཉིས་པ་ནི། སོ་སྐྱེའི་ས་ལས་འཕགས་ཤིང་། ཉོན་མོངས་དང་བྲལ་བས་འཇམ་པའི་དཔལ་དང་ལྡན་པ། ན་ཚོད་གཞོན་ནུར་གྱུར་པའི་ལྷ་དེ་ལ་ཕྱག་འཚལ་བ་ལ་ཆོས་ཅན། དགོས་པ་ཡོད་དེ། སྒྱུར་བྱེད་ལོ་པཎ་གྱི་དོན་འགྲུབ་པ་དང་། བསྟན་བཅོས་འདི་མངོན་པའི་སྡེ་སྣོད་ཀྱི་ཁོངས་སུ་གཏོགས་པར་ཤེས་པར་བྱ་བའི་ཆེད་ཡིན་པའི་ཕྱིར། གཞུང་གི་དོན་བཤད་པ།གསུམ་པ་གཞུང་གི…

འདིར་བསྟན་ཆོས་གསུམ་བཤད་པ། གཉིས་པ་ནི། སློབ་དཔོན་ཟླ་བ་གྲགས་པས། བསྟན་བཅོས་འདི་རྩོམ་པའི་ཐོག་མར་ཡུལ་གང་ལ་མཆོད་པར་བརྗོད་ཅེ་ན། བཤད་དུ་ཡོད་དེ། འཇུག་འགྲེལ་ལས། །དབུ་མའི་ བསྟན་བཅོས་ལ་འཇུག་པར་བྱ་བའི་ཕྱིར། དབུ་མ་ལ་འཇུག་པ་རྩོམ་པར་འདོད་པས། ཡང་དག་པར་རྫོགས་པའི་སངས་རྒྱས་དང་། བྱང་ཆུབ་སེམས་དཔའ་རྣམས་ལས་ཀྱང་ཐོག་མར་བཅོམ་ལ…

ཞེས་པའི་སྐད་དོད། ཉན་ཐོས་དང་ཐོས་སྒྲོགས་གཉིས་ཀ་ལ་འཇུག་པས། དང་པོ་ལྟར་ན། ཡང་དག་པའི་གདམས་ངག་མཆོག་གི་སྤྲུལ་སྐུ་ལ་ཉན་ནས་ཉམས་སུ་བླངས་པས་རང་གིས་བྱང་ཆུབ་མངོན་དུ་བྱས་ནས་དོན་དེ་གཞན་གྱིས་ཐོས་པར་བྱེད་པས་དེ་ལྟར་བརྗོད་པའི་ཕྱིར། ཐོས་པར་བྱེད་ཚུལ་ཡོད་དེ། འདི་ལྟར་བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ། །ཞེས་སོགས་ཀྱི…

ལཱ་པར། སརྦ་ནཱ་མའི་སྡེ་ཚན་བསྟན་པའི་ནང་ནས། ཏ་མུ་འདོད་པ་ལའོ་ཞེས་པའི་བྱིངས་ལ་ཨུ་རྗེས་འབྲེལ། ཀྭི་པ་ཀྱི་རྐྱེན་བྱིན། ཨུ་པདྷཱའི་ཡང་དྷུ་ཊ་ལ་ཡོན་ཏན་མེད་པ་ལའོ། །ཞེས་པས་ཨུ་པ་དྷཱ་རིང་པོ། ཝ་ན་ཏི་ཏ་ནོ་ཏི་སོགས་ཨི་ཊ྄་བཀག་པ་རྣམས་ཀྱི་དྷུཊ྄་ལྔ་པ་སྟེ་ཨཱ་ཏ་ཀྱི་ཨ་ཏྲ་ཀྱང་ངོ་སོགས་ཀྱིས་ལྔ་པ་དབྱི་ཞིང་ཐུང་ངུ་། བྱིངས་ཀྱི་མཐར་པ་…

བརྗོད་པའི་རྒྱུ་མཚན་ཡོད་དེ། ཐུབ་དབང་གི་གསུང་ལས་སྐྱེས་པས་དེ་ལྟར་བརྗོད་པའི་ཕྱིར། གསུང་ལས་སྐྱེས་ཚུལ་ཡོད་དེ། མཆོག་གི་སྤྲུལ་སྐུ་འཇིག་རྟེན་དུ་བྱོན་པའི་ཚེ་རྟེན་འབྲེལ་ཟབ་མོའི་ཆོས་བསྟན་པ་ཉམས་སུ་བླངས་པ་ལ་བརྟེན་ནས་མཐར་རང་རང་གི་བྱང་ཆུབ་ཐོབ་སྟེ་འདོད་པ་རྫོགས་པར་འགྱུར་བའི་ཕྱིར་ཏེ། རང་འགྲེལ་ལས། སངས་རྒྱས་རྣམས་བྱུང་བར…

ངན་འདས་པ་མ་ཐོབ་ཀྱང་། །སྐྱེ་བ་གཞན་དུ་འབད་མེད་པར། །ངེས་པར་ཐོབ་འགྱུར་ལས་བཞིན་ནོ། །ཞེས་བཤད་དོ། །དེ་ཉིད་ཀྱི་ཕྱིར་དབུ་མ་ལས་ཀྱང་། རྫོགས་སངས་རྒྱས་རྣམས་མ་བྱུང་ཞིང་། །ཉན་ཐོས་རྣམས་ཀྱང་ཟད་པ་ན། །རང་སངས་རྒྱས་ཀྱི་ཡེ་ཤེས་ནི། །བརྟེན་པ་མེད་པར་རབ་ཏུ་འབྱུང་། །ཞེས་གསུངས་སོ། །ཞེས་གསུངས་པའི་ཕྱིར། གསུམ་པ་ནི། ཁ་ཅིག །ཐུབ་པའི…

ལ་སྒྲོགས་པས་ཁྱབ་ཟེར་ན། གཟུགས་མེད་ཁམས་པའི་ཉན་ཐོས་ཆོས་ཅན། དེར་ཐལ། དེའི་ཕྱིར། འདོད་ན། གཟུགས་མེད་ཁམས་ན་ཆོས་སྟོན་པ་ཡོད་པར་ཐལ། འདོད་པའི་ཕྱིར། བྱས་པ་ལ་ཁོ་ན་རེ། དེ་ལ་ཉན་ཐོས་ཀྱི་སྒྲ་འཇུག་ཏུ་མི་རུང་བར་ཐལ། ཐལ་འགྱུར་འཕངས་པ་ལ་རྒྱུ་མཚན་ཡོད་པའི་ཕྱིར་ན་མ་ཁྱབ། འོ་ན་སྐམ་ལས་སྐྱེས་པའི་པདྨ་ཆོས་ཅན། མཚོ་ལས་སྐྱེས་པར་ཐལ། མཚ…

དགྲ་བཅོམ་པའི་འབྲས་བུ་ཐོབ་པ་ལ་བསྐལ་པ་བརྒྱར་ཚོགས་གསོག་དགོས་པའི་ཕྱིར། དེར་ཐལ། དྲིན་ལན་བསབ་པའི་མདོ་ལས། རང་སངས་རྒྱས་རྣམས་ཀྱིས་བསྐལ་པ་ཆེན་པོ་བརྒྱས་མཐར་ཕྱིན་པར་འགྱུར་རོ། །ཞེས་གསུངས་པའི་ཕྱིར། བྱས་པ་ལ་ཁོ་ན་རེ། དེ་འདྲའི་རྒྱུད་ཀྱི་ཚོགས་གཉིས་པོ་ཆོས་ཅན། གོམས་པ་མཐར་ཕྱིན་ཡིན་པར་ཐལ། ཁྱོད་ལ་བརྟེན་ནས་རང་ལམ་ལ་ལྟོས་པའི…