སྡུག་བསྔལ་མ་ཞི་བ་ཞི་བར་བྱེད་པ་དང༌། ཞི་བ་རྣམས་ཤིན་ཏུ་མཐར་ཕྱིན་པར་བྱ་བའི་སླད་དུ་བསྟེན་པར་བྱའོ། །གཞུང་འདིར་གོ་རིམ་དེ་བཞིན་དུ་བསྟན་པ་ནི་སྡེབ་སྦྱོར་གྱི་དབང་གིས་ཡིན་གྱི། གཞན་དུ་ན་ལྟ་རྟོག་ངག་ལས་འཚོ་རྩོལ་དྲན་ཏིང་བརྒྱད་ཅེས་སྡོམ་དུ་བྱ་སྟེ། མདོ་ལས་གོ་རིམ་དེ་ལྟར་དུ་གསུངས་སོ། །དེ་ཡང་ཡང་དག་པའི་ལྟ་བ་ནི་གནས་ལུགས་ཀྱ…

ངེ་འཛིན་ཏེ་འཕགས་ལམ་ཡན་ལག་གསུམ་པོ་དེ་ནི་བྱང་ཆུབ་ཡན་ལག་བདུན་གྱི་སྐབས་སུ་བསྟན་པ་དང་འདྲའོ། །འདིར་ཡང་དག་ཅེས་པ་སོ་སོ་སྐྱེ་བོ་ལ་མེད་པའི་འཕགས་པའི་ལམ་ཡིན་པའི་ཕྱིར་དེ་ལྟར་བརྗོད་དོ། །འཕགས་པའི་ལམ་ཡན་ལག་བརྒྱད་དུ་གྲངས་ངེས་བསྟན་པ་ནི། དབུས་མཐའ་རྣམ་འབྱེད་ལས། ཡོངས་སུ་དཔྱོད་དང་གོ་བྱེད་དང༌། །རྣམ་གསུམ་གཞན་ཡིད་ཆེས་པར་བྱེ…

ལྡན་པར་ཡིད་ཆེས་པ་དང༌། ཡང་དག་པའི་འཚོ་བ་ལ་གནས་པས་ཡོ་བྱད་སྨྱུང་བར་ཡིད་ཆེས་པར་བྱེད་པས། ངག་ལས་འཚོ་བ་གསུམ་ནི་གཞན་ཡིད་ཆེས་པར་བྱེད་པའི་ཡན་ལག་ཡིན་ནོ། །རྩོལ་པ་བརྩོན་འགྲུས་ཀྱིས་ནི་ཞེ་སྡང་ལ་སོགས་པ་རྩ་བའི་ཉོན་མོངས་པ་འཇོམས་པར་བྱེད། དྲན་པས་ནི་མཉམ་བཞག་གི་གནས་སུ་བྱིངས་རྒོད་ལ་སོགས་པ་ཉེ་བའི་ཉོན་མོངས་པ་འཇོམས་པའི་གཉེན་པ…

འཕགས་ལམ་ཡན་ལག་དེ་བརྒྱད་ལགས། ཁམས་གསུམ་འཁོར་བ་ཐམས་ཅད་སྡུག་བསྔལ་ཡིན་ཡང༌། དེའི་གཙོ་བོ་སྐྱེ་བ་འདི་ཡིན་ཅིང༌། ལས་ཉོན་ཐམས་ཅད་ཀུན་འབྱུང་ཡིན་ཡང༌། སྐྱེ་བ་ལ་མཚམས་སྦྱོར་བའི་ཉོན་མོངས་ནི་སྲིད་པ་ཞེས་བྱ་བ་དགའ་བའི་ཆགས་པ་ཡིན་པས། དེ་ནི་སྡུག་བསྔལ་འདི་ཡི་རྒྱུ་ཀུན་འབྱུང་ཐམས་ཅད་ཀྱི་གཙོ་བོ་རྒྱ་ཆེན་པོར་གྱུར་པ་ཡིན་ཏེ། དེ་ལྟར་…

བྱེད་དགོས་པས་ཀུན་འབྱུང་ཡོང་བ་དང༌། འགོག་པ་ཐོབ་པའི་ཐབས་ལམ་གྱི་ཉམས་ལེན་ལ་སློབ་དགོས་སོ། །དེ་ལྟར་འཕགས་པའི་བདེན་པ་བཞིའི་དོན་མངོན་སུམ་དུ་མཐོང་བར་བགྱི་བའི་སླད་དུ་རྟག་ཏུ་བརྩོན་པ་ཆེན་པོ་ནས་འཕགས་པའི་ལམ་རྒྱུད་ལ་མ་སྐྱེས་པར་ནན་ཏན་དུ་བྱ་དགོས་ཤིང༌། འཕགས་པའི་ལམ་ཐོབ་པ་ན་ཤུགས་འབྱུང་གིས་ཡོན་ཏན་གོང་དུ་འཕེལ་བར་འགྱུར་རོ། …

པའི་ལམ་ཐོབ་པ་ཡིན་ནོ། །ཡང་སྔོན་བྱུང་བ་དེ་རྣམས་ནི་བསོད་ནམས་ཀྱི་ཚོགས་རྒྱ་ཆེན་པོར་བསགས་པ་དབང་པོ་རྣོ་བ་ཡིན་ལ། སྐལ་བ་ཆུང་བ་བདག་ཅག་རྣམས་ཀྱིས་ནི་དེ་ལྟར་དུ་བསྒྲུབ་པར་མི་ནུས་སོ་ཅེ་ན། གང་དག་ཆོས་མངོན་བགྱིས་པ་དེ་དག་ཀྱང༌། །གནམ་ལས་བབས་པ་མ་ལགས་ལོ་ཏོག་བཞིན། །ས་རུམ་ནས་འཐོན་མ་ལགས་དེ་དག་སྔོན། །ཉོན་མོངས་རག་ལས་སྐྱེ་བོ་ཁོ…

དུལ་མཛོད་ཅིག་བཅོམ་ལྡན་གྱིས། །སེམས་ནི་ཆོས་ཀྱི་རྩ་བ་ལགས་པར་གསུངས། །བསྙེངས་པ་ནི་འཇིགས་པའི་དོན་ཡིན་པས། རྒྱལ་པོ་ནི་སའི་དབང་ཕྱུག་དང་ལྡན་པས་ཚེ་འདིར་འཇིགས་པ་དང་བྲལ་བ་དང༌། སྡིག་པ་སྤངས་ཤིང་དགེ་བ་ལ་སྤྱད་པས་སྐྱེ་བ་ཕྱི་མར་ཡང་སྡུག་བསྔལ་གྱི་འཇིགས་པ་དང་བྲལ་བས། བསྙེངས་དང་བྲལ་ཞེས་རྒྱལ་པོ་ལ་བོས་ནས། སྔར་རྗེས་དྲན་དྲུག་ན…

དེ་སྐད་གདམས་པ་གང་ལགས་ཏེ། །བས་པར་དགེ་སློང་གིས་ཀྱང་བགྱི་བར་དཀའ། །འདི་ལ་གང་ཞིག་སྤྱཽད་པའི་ངོ་བོ་དེའི། །ཡོན་ཏན་བསྟེན་པས་སྐུ་ཚེ་དོན་ཡོད་མཛོད༌། །གོང་དུ་བསྟན་པ་མཐའ་དག་ནི་བསལ་ཏེ་མ་ལུས་པ་ཡོངས་སུ་རྫོགས་པར་སོ་སོ་སྐྱེ་བོའི་གནས་སྐབས་སུ་ནི་དགེ་སློང་རྣམས་ཀྱིས་ཀྱང་བགྱི་བར་དཀའ་བ་ཡིན་ཏེ། འཕགས་ལམ་པའི་སྤྱོད་ཡུལ་ཡིན་པའི་…

ཚིག་གི་དངོས་སུ་བསྟན་ཀྱང་ཤུགས་ལ་འཕངས་པ་ཡིན་པས། དོན་ཐོབ་ཀྱིས་ཁ་བསྐང་བར་བྱ་སྟེ། དགེ་བའི་བཤེས་གཉེན་བསྟེན་པ་ནི། ཐེག་པ་ཐུན་མོང་གི་སྐབས་དགེ་བའི་བཤེས་གཉེན་བསྟེན་པ་ཚངས་པར་སྤྱོད་ཅེས་སོགས་གོང་དུ་བསྟན་པ་སྐབས་འདིར་ཡང་དགོས་པ་དང༌། སངས་རྒྱས་ཉིད་ཐོབ་བགྱི་སླད་ཅེས་པའི་ཟུར་གྱིས་བྱང་ཆུབ་ཏུ་སེམས་བསྐྱེད་དགོས་པ་བསྟན་པས། དག…

སྒོམ་གསུམ་དགེ་བ་ལ་རྩོལ་བ། གཞན་གྱི་དགེ་བ་ལ་རྗེས་སུ་ཡི་རང་བ། གཞན་དོན་དུ་དགེ་བའི་རྩ་བ་བྱང་ཆུབ་ཏུ་བསྔོ་བ། དེ་རྣམས་སྟོང་པ་ཉིད་ཀྱིས་རྒྱས་འདེབས་པ་སྟེ། ཆོས་དྲུག་པོ་དེ་ནི་ཚོགས་ལམ་པའི་ཉམས་ལེན་དངོས་གཞི་ཡིན་ཅིང༌། སྦྱོར་ལམ་དུ་ཡང་དེ་ལྟར་ཉམས་སུ་ལེན་ཀྱང༌། ཚོགས་ལམ་དུ་ནི་མ་གྲུབ་པ་འགྲུབ་པར་བྱེད་པའི་ཐམས་སུ་ལམ་དགེ་ལ་སློ…

སྟོང་ཉིད་ལ་གསལ་སྣང་ཐོབ་པ་རྣལ་འབྱོར་དུ་བྱེད་པ་ཡང་ཡིན་པ་དང༌། མངོན་ཤེས་ལ་སོགས་པ་ཐུན་མོང་གི་ཡོན་ཏན་བསྒྲུབ་པའི་ཏིང་ངེ་འཛིན་ལ་དབང་བསྒྱུར་བར་བྱེད་དོ། །དེ་ཡང་འདོད་སེམས་རྩེ་གཅིག་པ་དང༌། བསམ་གཏན་དང༌། གཟུགས་མེད་ཀྱི་ཏིང་ངེ་འཛིན་ལ་བརྟེན་ནས་ཞི་གནས་བསྒོམས་པས་འཇིག་རྟེན་པའི་སེམས་དང་ལུས་རྟེན་མཐོ་རིས་སུ་སྐྱེ་བར་བསྟན་པས…

ཅན་གྱི་ལུས་ནི་མཚན་དཔེས་ཡོངས་སུ་བརྒྱན་པ། ལོངས་སྤྱོད་རྫོགས་པའི་སྐུ་དང་རྣམ་པ་མཚུངས་པ་ཡིན་ནོ། །སྤངས་པའི་ཡོན་ཏན་ནི། འདིར་འདོད་ཆགས་ཞེ་སྡང་གཉིས་མཚོན་བྱེད་དུ་སྨོན་པ་ཡིན་ཞིང༌། བྱང་ཆུབ་སེམས་དཔའ་འཕགས་པའི་ཆེད་དུ་མི་སྤངས་པའི་ཉོན་མོངས་པ་དང༌། དབང་བསྒྱུར་བའི་ཉོན་མོངས་པ་རྣམས་མ་གཏོགས་ཉོན་མོངས་པ་མཐའ་དག་སྤངས་ཤིང༌། སྐྱེ…

མ་ཡིན་པའི་འབྲས་བུ་བཤད་པ་ལ། ཞིང་ཁམས་དང་བཅས་པའི་རྟེན་གྱི་ཁྱད་པར་བཤད་པ་དང༌། འཕྲིན་ལས་བཤད་པ་གཉིས་ཀྱི་དང་པོ་ནི། བསལ་ཏེ་སངས་རྒྱས་ཞིང་དུ་བཅོམ་ལྡན་འདས། །འོད་དཔག་མེད་དང་འདྲ་བར་འཇིག་རྟེན་གྱི། །མགོན་པོ་སྐུ་ཚེ་དཔག་ཏུ་མེད་པར་མཛོད། །སྔོན་བསྐལ་བ་གྲངས་མེད་གསུམ་ལ་སོགས་པར་བསོད་ནམས་དང་ཡེ་ཤེས་ཀྱི་ཚོགས་དཔག་ཏུ་མེད་པར་བསྒ…

ཚེ་དཔག་ཏུ་མེད་པ་དུས་རྟག་ཏུ་འཕོ་འགྱུར་མེད་པ་ནི་ལོངས་སྤྱོད་རྫོགས་པའི་སྐུ་ཡིན་པས། དེ་ལྟ་བུའི་སངས་རྒྱས་ཀྱི་གོ་འཕང་ཐོབ་པར་མཛོད་ཅིག་འདིར་དཔེའི་སྐབས་སུ་བཅོམ་ལྡན་འདས་ཞེས་པ་འབྲས་བུའི་ཡོན་ཏན་འཆད་པར་དགོངས་པ་ཡིན་ཏེ། འདས་ཞེས་པ་ལྷ་དབང་ཕྱུག་སོགས་ཀྱི་མིང་དང་ནོར་འཁྲུལ་བྱུང་བར་དོགས་ནས་ལོ་ཙཱ་བས་བླ་ཐབས་སུ་བསྣན་པའོ། །དེ…

མེད་དུ་རྒྱུན་མ་ཆད་པར་འབྱུང་བའི་བརྩོན་འགྲུས་ཕུན་སུམ་ཚོགས་པ་རྣམས་སོ། །འཕྲིན་ལས་བཤད་པ་ལ། ངོ་བོ་དང་དབྱེ་བ་གཉིས་ལས། དང་པོ་ནི། ཤེས་རབ་ཚུལ་ཁྲིམས་གཏོང་འབྱུང་གྲགས་ཆེན་དྲི་མ་མེད། །ལྷ་ཡུལ་ནམ་མཁའ་དང་ནི་ས་སྟེང་རྒྱས་མཛད་ནས། །སངས་རྒྱས་ཀྱིས་འགྲོ་བ་མཐའ་དག་གི་དབང་པོ་དང་མཚམས་པར་ཆོས་ཀྱི་འཁོར་ལོ་མ་ལུས་པར་བསྐོར་བར་མཛད་པས…

དགེ་དགའ་བ་ངེས་པར་རབ་ཏུ་ཞི། །ས་ལ་མིའི་ཚོར་བ་སྡུག་བསྔལ་གྱི་ཚོགས་རྣམས་ཉེ་བར་ཞི་བའི་དགའ་བདེ་དང༌། མཐོ་རིས་ལྷ་ནི་ལྷའི་ན་ཆུང་མ་དང་རྩེ་བ་ལ་སོགས་པའི་བདེ་བ་རྒྱས་པར་བྱེད་པ་དང༌། ངེས་པར་ཚོར་བ་སྡུག་བསྔལ་རབ་ཏུ་ཞི་བར་བྱེད་པ་ནི་མཐོ་རིས་ཀྱི་བདེ་བ་ལ་འགོད་པའོ། །དེ་ཡང་ཐར་པའི་སྐལ་བ་མེད་པ་མཐོ་རིས་ཙམ་ལ་འགོད་པ་དང༌། སྐལ་ལྡན་…

ཇི་ལྟར་ཡང་ཐེག་ཆེན་པའི་སྐལ་བ་ཅན་རྣམས་ཏེ། རྒྱལ་བ་ཡང་ཡིན་ལ་དབང་པོ་ཡང་ཡིན་ཏེ། འཇིག་རྟེན་གྱི་འདྲེན་པ་དབང་པོ་ཡིན་པའི་ཕྱིར་རོ། །དེ་ལྟ་བུའི་གོ་འཕང་བརྙེས་པར་བྱས་པ་ནི་འཇིག་རྟེན་ལས་འདས་པ་ཡིན་ནོ། །ཉན་རང་འཕགས་པ་རྣམས་ཀྱང་འཇིག་རྟེན་ལས་འདས་པ་མ་ཡིན་ནམ་ཅེ་ན། དེ་དག་ནི་རགས་པ་ཙམ་གྱི་དབང་དུ་བྱས་ནས་འཇིག་རྟེན་ལས་འདས་པ་ཡིན་…

གཞུང་མཐར་ཕྱིན་པའི་དོན་ནི་གསུམ་སྟེ། བསྟན་བཅོས་ཀྱི་མཚན་སྨོས་པ་ནི། བཤེས་པའི་འཕྲིན་ཡིག་སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱིས་རྒྱལ་པོ་བདེ་སྤྱཽད་བཟང་པོ་ལ་བསྐུར་བ་རྫོགས་སོ།། །།འགྱུར་བྱང་ནི་རྒྱ་གར་གྱི་མཁན་པོ་སརྦ་ཛྙཱ་དེ་བ་དང༌། ཞུ་ཆེན་གྱི་ལོ་ཙཱ་བ་བནྡྷེ་དཔལ་བརྩེགས་ཀྱིས་བསྒྱུར་ཅིང་གཏན་ལ་ཕབ་པའོ། །འགྱུར་གྱི་ཡོན་…

ཞེས་བྱ་བའི་ཊཱིཀྐ་འདི་ནི། རྗེ་བཙུན་ཐམས་ཅད་མཁྱེན་པ་ཏཱ་ར་ནཱ་ཐའི་ཞལ་ལུང་ཇི་ལྟ་བ་བཞིན་ས་སྐྱོང་ཀུན་གྱི་དབང་ཕྱུག །གཙང་སྡེ་སྲིད་ཕུན་ཚོགས་རྣམ་རྒྱལ་གྱིས་ཟིན་བྲིས་སུ་བགྱིས་པ་ཡིན་པས། འདིས་ཀྱང་ཀུན་མཁྱེན་ཇོ་ནང་པའི་བསྟན་པ་རྒྱས་པའི་རྒྱུར་གྱུར་ཅིག །སརྦ་མངྒལཾ།།

ཀླ་ཀློའི་མུན་སེལ་ཉི་མ་བཞུགས། ཤཱཀྱ་སེང་གེ་ལྷ་ཡི་ལྷ། །བདུད་ཀྱི་བདུད་དང་དེའི་སྲས་མཆོག །བྱམས་དང་འཇམ་དབྱངས་བཅས་པ་ལ། །བཏུད་ནས་མུན་སེལ་ཉི་མ་བྲི། །བསམ་པ་ཡང་དག་ལྟ་ལྡན་ཅིང་། །སྦྱོར་བ་གཞན་ལ་མི་འཚེ་བར། །ཐར་ལམ་ཡང་དག་ལ་འདུན་པ། །ཤཱཀྱ་པ་ཡི་ཆོས་ལུགས་ཏེ། །འདི་ཟློག་དེ་ནི་ལྷ་མིན་ལུགས། །ཕྱིས་དུས་གཞོན་ནུའི་སྡེ་ཞེས་པ། །བས…