གཅིག་དང༌། སྐུ་གཉིས་དང༌། སྐུ་གསུམ་དང༌། སྐུ་བཞི་དང༌། སྐུ་ལྔའི་བར་དུ་གསུངས་ལ། སྤྱིར་སྐུ་བཅུ་དྲུག་ལ་སོགས་པ་མཐའ་ཡས་པའི་བར་དུའང་གསུངས་སོ། །དེ་ཡང་ཐབས་མི་འགྱུར་པའི་བདེ་བ་དང༌། ཤེས་རབ་རྣམ་ཀུན་མཆོག་ལྡན་གྱི་སྟོང་གཟུགས་ཟུང་དུ་འཇུག་པ་ནི། ལྷན་ཅིག་སྐྱེས་པའི་སྐུ་ཡིན་ལ། ཟུང་འཇུག་དེ་ཉིད་ཀྱི་སྒྲིབ་པ་དང་བྲལ་བའི་ཆ་དང༌། ཇ…

བྷ་ག་རྣམས་ལ་བཞུགས་པ་བརྩེ་བ་ཡིས། །ངེས་པ་རྣམ་པར་མ་བསྒྲུབས་བསོད་ནམས་བསགས་པ་མིན་པའི་སེམས་ཅན་རྣམས་ནི་སྨིན་པའི་དོན་དུ་སྟེ། །ཞེས་འཛམ་བུའི་གླིང་དུ་ཡབ་ཡུམ་སོགས་བསྟན་པའི་སྐུ་དང༌། གཙང་མའི་གནས་ལ་སོགས་པར་བཅོམ་ལྡན་གང་ཞིག་རྣམ་པར་བཞུགས་པ་ཉན་ཐོས་རྣམས་ཀྱི་སླད་དུའོ། །ཞེས་གནས་གཙང་མ་ཆེན་པོར་བཞུགས་པ་དང༌། གང་ཞིག་ཨེ་ཝཾ་ཡི་…

བྱ་མཆོག་གི་སྙིང་རྗེ་མཱ་མ་ཀཱི་ནི་ང་རྒྱལ་རྒྱུ་ལས་སོ། །ཆགས་ལས་དེ་ནི་གོས་དཀར་ཞེས་བྱ་མཐའ་དག་ཡོན་ཏན་གཏེར་ཏེ་སྒྲོལ་མ་ཡང་ནི་ཕྲག་དོག་ལས། སྣ་ཚོགས་གཟུགས་ཅན་གཉིས་པོ་འདི་དག་ཡུལ་དང་ཡུལ་ཅན་གཞན་རྣམས་ཐམས་ཅད་དུ་ཡང་བྱུང་བར་གྱུར། །ཞེས་གསུངས་ཤིང༌། སངས་རྒྱས་རང་སྣང་གི་སྐུ་དང་ཞིང་ཁམས་ནི་གཞན་ལ་བསྟན་ཡང་རྟོགས་པར་མི་ནུས་པའི་ཕྱ…

མཚན་དཔེ་དང་གཟུགས་སྒྲ་དྲི་རོ་རེག་བྱ་སོགས་དངོས་གནས་ལ་མེད་ཅེས་ཟེར་བ་དེ་ཡང་མ་ཡིན་ཏེ། གཅིག་ཀྱང་ཡིན་ལ་ཐམས་ཅད་ཀྱང་སྣང་ཞིང༌། གཅིག་ཏུའང་སྣང་བ་སོགས་འགལ་འདུས་སྐྱོན་མེད་ཀྱི་ཕུང་པོ་ཡིན་པས། ཚིག་ཏུ་བརྗོད་ཀྱང་ལྷ་མི་རྣམས་ཀྱིས་མི་རྟོགས་པའི་ཕྱིར་ཚད་ཀྱི་རྣམ་གཞག་ཀྱང་མཛད་ དོ། །དོན་ལ་འོག་མིན་ལ་སོགས་པའི་གནས་དེ་དག་ཀྱང་ཕྱོགས…

དུ་མེད་པ་བཞིན་ནོ། །ཚུལ་འདི་ལྟ་བུ་བཤད་ན། གཞན་ལྟ་ཅི་སྨོས་འདས་པ་དང་མ་འོངས་པ་དང་སྔོན་དང་ཕྱི་མ་ལ་སོགས་པ་གང་ཡང་མ་གྲུབ་པར་འདོད་པའི་ཕྱིར་འདི་ནི་མེད་ལྟ་ཆེན་པོ་ལས་ཀྱང་ཆེན་པོའོ་ཞེས་མ་དད་པར་འགྱུར་བས་མ་སྦྱངས་པའི་འཁོར་རྣམས་ལ་མ་བསྟན་ཏོ། །ཞེས་པའོ། །འོ་ན་ཚད་མེད་པ་ལ་ཚད་གསུངས་ན་རྫུན་དུ་མི་འགྱུར་རམ་སྙམ་ན་མི་འགྱུར་ཏེ། ད…

པར་མི་རྟོག་པ་ལྷུན་གྱིས་གྲུབ་པའི་འཕྲིན་ལས་དང༌། དེ་བཞིན་དུ་གཞན་ཡང༌། ལོངས་སྤྱོད་རྫོགས་པས་གཟུགས་ཅན་རྣམས་དང་མཁའ་ལ་རྒྱལ་བའི་སྲས་སོགས་དགྲ་བཅོམ་རྣམས་ལ་ཆོས་སྐུ་ཡི། །ཞེས་གསུངས་པས། གཟུགས་ཀྱི་ཁམས་ན་ལོངས་སྤྱོད་རྫོགས་སྐུ་བཞུགས་སོ་ཞེས་རྟོག་གེ་འབར་བ་སོགས་ལས་འཆད་པ་ལྟར་མ་ཡིན་ནམ་སྙམ་ན། མ་ཡིན་ཏེ་འདི་ནི་སྐུ་གསུམ་གྱི་བྱི…

དབང་ཕྱུག་བརྒྱད་ལ་སོགས་པའི་མཚན་ཉིད་སྔགས་ཀྱི་ཐེག་པ་ལས་གསུངས་པ་ཐུན་མོང་མ་ཡིན་པ་དང༌། ཟག་མེད་ཀྱི་ཡོན་ཏན་སྡེ་ཚན་ཉེར་གཅིག་ལ་སོགས་པ་ཕ་རོལ་དུ་ཕྱིན་པའི་གཞུང་ལས་འབྱུང་བའི་ཐུན་མོང་བ་རྣམས་ཏེ། དེ་སྐད་དུ་ཡང༌། སངས་རྒྱས་རྣམས་ཀྱིའང་རྟོགས་བྱ་མིན་པ་དཔག་མེད་ཡོན་ཏན་དང་ལྡན་སངས་རྒྱས་སྤྲུལ་པ་སྒྱུ་མ་ནི། །སྲིད་པ་གསུམ་གྱི་གནས་…

འབྲས་བུ་སྟེར་བ་ཐམས་ཅད་མཁྱེན་པའི་གསུངས་ཡིན་ནོ། །ཞེས་སྐུ་དང་གསུང་དང་ཐུགས་ཀྱི་རྣམ་པར་འཕྲུལ་པ་མཐའ་ཡས་པས་འཁོར་བ་ཇི་སྲིད་པ་དང༌། ནམ་མཁའ་ཇི་སྲིད་པའི་བར་དུ་འཇིག་རྟེན་དང་འཇིག་རྟེན་ལས་གྲོལ་བའི་ཕན་པ་དང་བདེ་བ་ཕུན་སུམ་ཚོགས་པ་གཞལ་བ་ལས་འདས་ཤིང་དཔག་ཏུ་མེད་པས་ཕྱོགས་བཅུ་རབ་འབྱམས་མུ་མེད་པ་ཁྱབ་པར་མཛད་པའི་འཕྲིན་ལས་རྒྱུན་…

རྡོ་རྗེའི་རྣལ་འབྱོར་འདི་ནི་རྒྱལ་བའི་བགྲོད་གཅིག་ལམ། །དཔག་ཡས་རྣལ་འབྱོར་དབང་པོ་རྣམས་ཀྱིས་བསྟེན་པ་སྟེ། །མཚན་ཙམ་ཐོས་ཀྱང་མ་རིག་འཁྲུལ་འཁོར་ལན་བརྒྱར་འཇིག །བསམ་དང་ཅུང་ཟད་བསྒོམས་ན་གོ་འཕང་མཐོན་པོར་བགྲོད། །ལམ་འདི་འཆད་དང་ཉན་དང་ཡི་གེར་འབྲི་བ་ དང༌། །སྨྲ་བ་དེ་ཡང་མྱུར་དུ་བྱང་ཆུབ་ཐོབ་འགྱུར་ལ། །རྩེ་གཅིག་བསྒོམས་ན་ཚེ་འད…

བཞི་བཅུ་ཞེ་གཉིས་པ་ལ་ནགས་རྒྱལ་གྱི་དབེན་གནས་ཇོ་ནང་དཔལ་གྱི་རི་ཁྲོད་དུ་སྦྱར་བའོ།། །།འདི་ནི་ཆོས་ཀྱི་རྒྱལ་པོ་ནོ་ནང་པ་ཡབ་སྲས་ཀྱི་གསུངས་རབ་མཐའ་དག་ལ་ངེས་པ་རྙེད་ཅིང་། ཁྱད་པར་དུ་ཀྲུན་མཁྱེན་ཆོས་ཀྱི་རྒྱལ་པོའི་གསུངས་ཐེག་པ་ཀུན་གྱི་སྤྱི་གནད་ཆེན་པོ་སྦྱོར་བ་ཡན་ལག་དྲུག་པའི་མན་ངག་ཁྱད་འཕགས་སུ་གྲགས་པ་དང་ངོ་སྤྲོད་ཁྱད་འཕགས…

བསྐལ་པ་རྒྱ་མཚོར་ཤེར་ཕྱིན་ལས། སྤྱོད་པའི་འབྲས་དེ་སྙིགས་དུས་ཚེ་གཅིག་གིས། མངོན་དུ་བྱེད་པའི་ཐབས་མཆོག་ཟུང་འཇུག་ལམ། རྣམ་པར་བཤད་པའི་ལེགས་བཤད་ཕྱོགས་ཀུན་ཏུ། དུ་མར་འཕྲུལ་པའ་ཐབས་གང་དམ་པ་གཉིས། བསམ་འགྲུབ་ཆོས་རྗེ་གྲུ་མང་བཅས་པ་ཡིས། ལེགས་པར་བྱས་པའི་རབ་དཀར་ཟླ་འོད་ཆས། བླ་མའི་ཐུགས་དགོངས་རྫོགས་པའི་འདབ་ཚལ་བཞད། སྐྱེ་དགུའི…

པའི་དྲི་བསུང་བགོ་བར་ཤོག འདི་བྲིས་དགེ་བས་ཚེ་རབས་ཐམས་ཅད་དུ། རྗེ་བཙུན་ཞལ་གྱོ་བདུད་རྩི་ལས་བརྟེན་ནས། རྡོ་རྗེའི་རྣལ་འབྱོར་ཉམས་མྱོང་རྟོགས་པ་ཀུན། མཐར་ཕྱིན་ཟུག་འཇུག་འོད་གསལ་དབྱིངས། ཅེས་པའང་ངག་དབང་ཚོགས་གཉིས་རྒྱ་མཚོས་བྲིས་པའོ། ཨོཾ་སྭ་སྟཱི། གདོད་མའི་མགོན་པོ་རང་བཞིན་འོད་གསལ་དབྱིངས། སྙིང་དུས་ཚེ་གཅིག་ཉིད་ལ་མངོན་བྱ…

ཤོག །རྣམས་དཀར་འདི་ཡི་ལས་སྣེ་གཙོར་བྱེད་མཁན་བློ་གྲོས་འཕེལ་དང་ཨ་རྣམ་ལ་སོགས་པ། རྒྱུ་ཚགས་གང་གིས་འབྲེལ་བ་ཡོད་ཚད་ལ། གནས་སྐབས་དང་ནི་མཐར་ཐུག་བདེ་བ་མཆོག །མྱུར་དུ་ཐོབ་པའི་ཉེ་རྒྱུ་འབྱུང་བར་ཤོག །རྟེན་འདི་གང་ན་བཞུགས་པའི་ས་ཕྱོགས་སུ། ནད་མུག་མཚན་གྱི་བསྐལ་བ་མེད་པ་དང་། རྒྱལ་ཁྲིམས་ཆོས་བཞིན་སྐྱོང་ལ་མི་ཉམས་དང་། གོང་ནས་གོ…

ཤོག་སྟོང་།

རྣལ་འབྱོར་ཡན་ལག་དྲུག་པའི་སྙིང་པོ་སྟན་ཐོག་གཅིག་མའི་ཁྲིད་ཡིག་བཞུགས།

ན་མོ་གུ་རུ་བུདྡྷཱ་བོ་དྷི་སཏྭ་བྷྱཿ འདིར་རྣལ་འབྱོར་ཡན་ལག་དྲུག་པའི་སྙིང་པོ་སྟན་ཐོག་གཅིག་ཏུ་གྲིལ་ནས་བསྒོམ་པའི་ཚུལ་འདི་ལྟར་བྱ་སྟེ། སྐྱབས་གནས་དཀོན་མཆོག་གསུམ་ལ་ཅི་མཛད་ཁྱེད་རང་ཤེས་སོ་སྙམ་པའི་བློས་འགེལ་གྱི་སྐྱབས་འགྲོ་དང༌། སེམས་ཅན་ཐམས་ཅད་བླ་ན་མེད་པའི་བྱང་ཆུབ་ལ་འགོད་པར་འདོད་པའི་སེམས་བསྐྱེད་དང༌། རྩ་བའི་བླ་མ་ལ་མ…

གློད་པར་བཟོ་མེད་དུ་ཤིག་གེ་མཉམ་པར་བཞག་སྟེ། མཚན་མོའི་རྣལ་འབྱོར་རོ། །སྤྲིན་དང་བསེར་བུ་མེད་ཅིང་ནམ་མཁའ་དྭངས་པའི་སྐབས། ལུས་དང་མིག་ལ་ཉི་འོད་མི་འཕོག་པར་བྱས། མིག་ཤིན་ཏུ་གདངས་ཏེ་ནམ་མཁའ་སྔོ་བསང་ངེ་བ་ལ་ལྟ་ཞིང༌། གཞན་བསྒོམ་ཚུལ་སྔར་དང་འདྲ་བར་བྱ་སྟེ། ཉིན་མོའི་རྣལ་འབྱོར་ རོ། །དེ་ལྟར་ཉིན་མཚན་གྱི་རྣལ་འབྱོར་གཉིས་གཅིག་ཏ…

སེམས་ཀྱང་གཟུགས་བརྙན་དེ་ལ་ཆེ་རེ་གཏད། བློས་བྱས་ཀྱི་བཟོ་བཅོས་མི་བྱེད། སྟོང་གཟུགས་དེ་ཁའི་རང་ཞལ་ལ་རིག་གེ་བལྟས་པས། སྣང་བ་མ་འགགས་ཤིང༌། ཡུལ་དུས་རང་བཞིན་འདི་ལྟ་བུ་ཞེས་བརྗོད་དུ་མེད་ཅིང་སྤྲོས་པ་དང་བྲལ་བ་དེ་ངོས་ཟིན་ཞིང་རིག་པར་བྱ། དེ་ནི་ཤེས་རབ་ཀྱི་ཡན་ལག་ཡིན་ཞིང༌། དེ་ལས་རྟགས་སྣང་རང་སེམས་སུ་མྱོང་བའི་རྟོག་པ་དང༌། དེ…

སྒྲར་མོས་པ་དང་བཅས་ཏེ་ཤར་གྱིས་དྲངས་ལ་ལྟེ་བར་བསྒྱུར་ཐབས་སུ་མནན། འོག་རླུང་དྲག་ཏུ་དྲངས། ཅུང་ཟད་མི་བདེ་ན་སླར་ཡང་རྔུབ་ཆུང་བྱས་ཏེ། འཐེན་གནོན་བྱ། དེ་དག་གི་བར་དུ་རླུང་གནས་པ་ཧཱུཾ་གི་གདངས་སུ་མོས། དེ་ནས་དལ་བུས་ཕྲ་ལ་རིང་བའི་ཤུགས་ཀྱིས་ཕྱིར་བཏང་སྟེ་ཨཱཿཡིག་གི་གདངས་སུ་མོས་པ་བྱའོ། །ཚུལ་དེ་ཡང་ནས་ཡང་དུ་གོམ་པར་བྱ་བ་ལས། …

ཕུར་མཉེ་མང་དུ་བྱ། མགོ་བོ་བསྐོར་ཞིང་འཕང༌། རོ་སྟོད་གཅུ། རྒྱ་མཚོ་བསྐྱོད། ཞགས་པ་འཕང༌། ལག་པ་གཡབ། རྐང་པ་བརྐྱང་བསྐུམ་དང་འཐེན་ཞིང་བརྡུང༌། རྐང་པ་ནས་ལུས་ཐམས་ཅད། རྒྱབ་འཕར་བྱ། སྐྱིལ་ཀྲུང་བཏེག་ཅིང་རྡེབ། དེ་ཉིད་ཡང་དང་ཡང་དུ་བྱ་བ་ལས། དང་པོར་དལ་བུ་དལ་བུས་བྱ། ཕྱིས་དྲག་ཅིང་ཤུགས་ཆེ་བར་བྱ། གཞན་ཡང་ཧ་རིང་ཧ་ཐུང་དང་འབེབས་ཆེ…