སངས་རྒྱས་ལ་ཕྱག་འཚལ་ལོ། །ཨོཾ་ཨཱཿཧཱུཾ་ཧོཿཧཾ་ཀྵཿ ཡེ་ཤེས་མེ་ལྕེ་འོད་རབ་གསལ་ལ་ཕྱག་འཚལ་ལོ། །ཚངས་ཟུར་ཐིག་ནི་ལེགས་པར་བཏབ། །ཉི་མའི་སོར་གྱིས་ཟླུམ་པོར་བསྐོར། །པདྨ་དང་ནི་ཐབ་ཀྱི་ཚད། །སུམ་ཆ་ལྟེ་བ་འདབ་བརྒྱད་ཐིག །ཕྱི་རོལ་སོར་གཉིས་སོར་བཞིས་བསྐོར། །མཆུ་དང་ཁ་ཁྱེར་ཐིག་ཡིན་ནོ། །ཁ་ཁྱེར་མཐའ་ནས་ཕྱི་རོལ་ཏུ། །ཁྲུ་དོ་སྤངས་པ་ར…

ཕྱོགས་བཞིར་བཏབ་པས་འགྲུབ། །སློབ་དཔོན་བདེན་བྲལ་དབང་ལྡན་སྒོ། །འདི་གཉིས་ཁ་ཁྱེར་ཕྱིར་རྡོ་རྗེ། །འཕྲིན་ལས་ཐམས་ཅད་པ་ལ་ནི། །གཉིས་ཏེ་ཞི་དང་རྒྱས་པའོ། །དང་པོ་ཐབ་དབྱིབས་ཞི་རྐྱང་འདྲ། །ནང་དུ་ཕྱེད་བསྐོར་བདེ་གཤེགས་གནས། །དེ་ཕྱེད་བསྐོར་བ་གཙོ་བོའི་གནས། །ཚངས་ཟུར་བར་ལ་གསུམ་གསུམ་ཕྱེ། །དེ་དག་རེ་རེའང་གསུམ་དུ་ཕྱེ། །དེ་ལ་ཚངས་…

སྒོ་དང་རྟ་བབ་ནུབ་ཏུ་ཕྱོགས། །རྭ་བའི་ནང་གི་ཤར་ཕྱོགས་སུ། །སློབ་དཔོན་གདན་ནི་དབུས་སུ་སྟེ། །མཆོད་ཡོན་སྲེག་རྫས་གདན་གཡོན་གཡས། །ཐབ་ཀྱི་དབྱིབས་མཚུངས་པདྨས་བརྒྱན། །ཁ་ཁྱེར་རྡོ་རྗེས་མཚན་གདན་དབུས། །སྣ་ཚོགས་རྡོ་རྗེའམ་ཆོས་འབྱུང་ངོ༌། །འདི་དག་ནི་ཉེར་མཁོ་ཅུང་ཟད་བརྗོད་པ་སྟེ། ཞིབ་པར་ཆོས་རྗེ་ཀུན་མཁྱེན་ཆེན་པོས་མཛད་པའི་ནང་ག…

དཀྱིལ་འཁོར་རྒྱས་པ་ཉིད་བྲི་དགོས་ལ། ཕྱེ་མས་འབྲི་བའམ། ཆུ་ཚོན་ཉིད་ཀྱིས་འབྲི་བ་ཇི་ལྟར་བྱས་ཀྱང་འདྲ་སྟེ། རྡུལ་ཚོན་ཉིད་ཀྱི་རྣམ་གྲངས་སུ་འགྱུར་རོ། །ལས་ཐམས་ཅད་པ་གཉིས་ལ་ཁ་ཁྱེར་ཚུན་ཆད་ཐམས་ཅད་ལྗང་ཁུ་དང༌། ཞི་རྒྱས་ལ་དཀར་པོའོ། །དེ་ལ་ཐོག་མ་ཞི་བ་རྐྱང་བའི་སྦྱིན་སྲེག་ནི། ཀུ་ཤ་དང་བཅས་པའི་མཆོད་ཡོན། ཙན་དན་དཀར་པོའི་དྲི་ཆབ། …

ཆོག་པས། ཐུགས་དཀྱིལ་སྒྲུབ་ཐབས་སུ་བཤད་པ་ལྟར་བྱས་ཀྱང་རུང་ལ། ཕུར་བཏབ་ཀྱི་སྐབས་སུ་ཕུར་བུ་བཅུ་དངོས་སུ་འགོད་ཅིང༌། ནྱ་གྲོ་ཏའི་ཕུར་བུར་མོས་པ་ཙམ་བྱ། ཕུར་བུ་སྲུང་བའི་དོན་དུ། ཨོཾ་ཧཾ་ཀྲོ་དྷ་སོགས་བརྗོད། དེ་དག་ཐམས་ཅད་ལ་མཆོད་བསྟོད་ཙམ་བྱས་ལ། རང་གིས་སྒོམས་པའི་སྲུང་འཁོར་བདག་ཉིད་ལ་བསྡུ། བར་འདིར་བདག་བསྐྱེད་དཀྱིལ་འཁོར་རྒ…

པ་མཚན་ཉིད་ཐམས་ཅད་ཡོངས་སུ་རྫོགས་པའོ། །ཐབ་ཀྱི་ནང་དང་རང་གི་སྙིང་གར་པདྨ་དང་ཟླ་བའི་སྟེང་དུ། མེ་ལྷ་དཀར་པོ་ཞལ་གཅིག་ཕྱག་བཞི་པ། གཡས་གཉིས་ན་པདྨ་དང་ཤེལ་གྱི་བགྲང་འཕྲེང༌། གཡོན་གཉིས་ན་རིལ་པ་སྤྱི་བླུག་དང་དུང་དཀར་འཛིན་པ། རྒྱན་དང་ན་བཟའ་དཀར་པོ་ཅན། རལ་པ་སེར་སྐྱ་དང་མིག་དམར་སེར། པདྨའི་སྐྱིལ་ཀྲུང་གི་བཞུགས་པའོ། །མཆོད་ཡོན་…

མོས། དེ་ནི་སྲེག་བྱ་ཟ་བ་མཆོད་སྦྱིན་གྱི་མེ་ལྷ་ཤ་ཟའི་མེ་ལྷ་སྤྱན་འདྲེན་པའོ། །རྡོ་རྗེ་ཁུ་ཚུར་གྱི་སྟེང་དུ་མཐེ་བོས་མནན་པའི་ཕྱག་རྒྱ་བཅས་ལ། ཨོཾ་སརྦ་པཱ་པཾ་ད་ཧ་ན་བཛྲ་ཨགྣི་བཛྲ་སཏྭ་སརྦ་པཱ་པཾ་ད་ཧ་ད་ཧ་སྭཱཧཱ། ཞེས་ལན་གསུམ་དང༌། ཨོཾ་སྡིག་པ་ཐམས་ཅད་སྲེག་པ་རྡོ་རྗེའི་མེ། །རྡོ་རྗེ་སེམས་དཔས་སྡིག་ཀུན་སྲེགས་ཤིག་སྲེགས་སྭཱཧཱ། ར…

ཡེ་ཤེས་གདོད་མའི་མེ་རང་གི་སྙིང་ག་ནས་སྤྲོ་བ་དེ་ཡིན།）དེ་ལྟར་ན་ཁྱིམ་བདག་གི་མེ་དང༌། སྲེག་བྱ་ཟ་བའི་མེ་དང༌། བདེན་པ་ཡེ་ཤེས་ཀྱི་མེ་ཀུན་ཏུ་དགའ་བའི་ཆོས་ཅན། སྒྲིབ་པ་མེད་པའི་ཕུང་པོ་ལ་སོགས་པ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ངོ་བོའོ། །དེ་ནས་མཆོད་པ་འབུལ་བ་ནི། ཨོཾ་པྲ་བ་ར་སཏ་ཀཱ་རཾ་མཧཱ་རསྨཱིན་ཨརྒྷཾ་པྲ་ཏཱིཙྩ་སྭཱཧ…

སྭཱཧཱ། ཞེས་པས་ཀྱང་དགང་བླུགས་བརྒྱ་རྩ་བརྒྱད་འབུལ། ལས་སྔགས་སྦྱོར་ཚུལ་ནི་སྔགས་རེ་རེ་བཞིན་སྦྱོར་བའམ། བདུན་བདུན་ཙམ་རེ་ལ་སྦྱོར་ལ། བརྒྱ་རྩ་བརྒྱད་ཀྱི་ཐ་མ་ཁོ་ན་ལ་སྦྱར་ཀྱང་རུང་སྟེ། ཨོཾ་ཨཱཿཧཱུཾ་ཧོཿཧཾ་ཀྵཿབདག་ཅག་དཔོན་སློབ་དཔོན་ཡོན་མཆོད་འཁོར་དང་བཅས་པ་རྣམས་ཀྱི། སྡིག་སྒྲིབ་ནད་གདོན་བར་ཆད་ཉེ་བར་འཚེ་བ་ཐམས་ཅད་ཤནྟིཾ་ཀུ་ར…

བླུགས་ཀྱང་གོང་བཞིན་འབུལ་ཏེ་སྡེ་ཚན་བཞི་པའོ། །ཨོཾ་ཧ་ཧཱ་ཡ་ཡཱ་ར་རཱ་ཝ་ཝཱ་ལ་ལཱ་ཧཾ་ཧཱ་སྭཱཧཱ། ཞེས་པས་ཡམ་ཤིང་དང་བསྲེག་རྫས་འབུལ། བསྲེག་བླུགས་ཀྱང་སྔར་བཞིན་འབུལ་ཏེ་སྡེ་ཚན་ལྔ་པའོ། །དེ་ལྟར་ན། སྡེ་ཚན་ལྔ་པོ་སོ་སོར། ཡམ་ཤིང་ནི་བརྒྱ་བརྒྱད་ངེས་པར་འབུལ་དགོས་ལ། བསྲེག་རྫས་དང་དགང་བླུགས་ནི་དེ་ཙམ་མ་འབྱོར་ན་ཇི་ལྟར་རིགས་པ་དང༌།…

བསྲེགས། །འཛིན་བྱེད་མེ་ལྷ་ཉིད་ལ་རྣམ་པར་འདུད། །ཚངས་དབང་འཇིག་རྟེན་མགོན་གྱི་སྲས། །མེ་ལྷའི་རྒྱལ་པོ་དྲང་སྲོང་མཆོག །འབྱུང་པོ་ཡོངས་སུ་སྐྱབས་པའི་ཕྱིར། །ཐུགས་རྗེའི་དབང་གི་སྐུ་སྤྲུལ་པ། །ཉོན་མོངས་བསྲེགས་པའི་ཤེས་རབ་འོད། །བསྐལ་པའི་མེ་ལྟར་གཟི་བརྗིད་འབར། །མངོན་ཤེས་རྫུ་འཕྲུལ་ཞབས་དང་ལྡན། །ཐབས་ཀྱི་སྤྲུལ་པའི་ཐེག་པ་འཆིབ…

གྱི་སྔགས་གསུམ་པོ་རེ་རེའི་མཐར། གཏོར་སྔགས་སྦྱར་ནའང་ལེགས་པར་འགྱུར་རོ། །སྲུང་མ་དྲུག་ཅུ་སོགས་ཡི་དམ་ཆོས་སྐྱོང་གཞན་གྱི་གཏོར་མ་འབུལ་ན་ཡང་སྐབས་འདིར་འབུལ་ལོ། །དེ་ནས་སློབ་མས་མཆོད་ཡོན་གྱི་སྣོད་བཟུང༌། སློབ་དཔོན་གྱིས་ཟན་དང་ཆུ་ཐོགས་ནས་ཕྱི་རོལ་ཏུ་སོང་སྟེ། ཨོཾ་བྷཱུ་ར་བྷུ་བཿསྭཱཧཱ། ན་མོ་དེ་བེ་བྷྱཿ སྭཱ་སྟི་པྲ་ཛ་བྷྱཿ སྭ…

ཤིག་གཤེགས་ཤིག་འོད་ཟེར་ཆེ། །ཚིམས་ནས་རང་གི་གནས་སུའོ། །སླར་ཡང་འབྱོན་པར་མཛད་དུ་གསོལ། །ལྷ་འདིར་གང་ཚེ་སྤྱན་དྲངས་ནའོ། །སྭཱཧཱ། ཞེས་པས་དབུགས་ནང་དུ་འཇུག་པ་དང་ལྷན་ཅིག་ཡེ་ཤེས་ཀྱི་མེ་རང་གི་སྙིང་གར་ཐིམ། ཤ་ཟའི་མེ་དང་ཁྱིམ་བདག་གི་མེ་ཡང་རང་རང་གི་གནས་སུ་གཤེགས། སྨོན་ལམ་དང་བཀྲ་ཤིས་སོགས་སྤྱི་དང་འདྲ༌། མེ་རང་བཞིན་ཀྱི་ཞི་བ་…

དཔལ་དང་འབྱོར་པ་དང་ཚེ་དང་བསོད་ནམས་དང་སྟོབས་དང་དབང་ཐང་པུཥྟིཾ་ཀུ་རུ། ཞེས་བརྗོད་པ་ནི་ཁྱད་པར་རོ། །དེ་བཞིན་དུ་ཞི་བ་ལས་ཐམས་ཅད་པ་ནི་ཞི་པ་དང་འདྲ་ལ། རྒྱས་པ་ལས་ཐམས་ཅད་པ་ནི་རྒྱས་པ་དང་འདྲ་བ་ལས། ཐབ་བསྐྱེད་པའི་སྐབས་སུ་མེ་ཐབ་ལྗང་ཁུ་བྱེད་པ་དང༌། རེ་ཁའི་དཀྱིལ་འཁོར་གཉིས་ཀྱི་བར་དུ་ཁ་ཁྱེར་དང་བཅས་པ། ཐབ་ཀྱི་དབུས་སུ་དཀྱིལ་འ…

དུས་ལྕེ་དང༌། སྔགས་ཀྱི་མཐའ་དང་སྤེལ་ཚིགས་ལ་སོགས་པ་རེ་རེ་བཞིན་ཐ་དད་དུ་ཡོད་པ་རྣམས། སོ་སོར་ངེས་པར་བྱ་དགོས་ཏེ། མཐའ་དག་ནང་གི་མུན་སེལ་ལས་རྟོགས་པར་བྱ་ཞིང༌། བློ་གྲོས་ཆེན་པོ་རྣམས་ཀྱིས་རྒྱུད་འགྲེལ་ཆེན་པོ་ལས་ཀྱང་ངོ༌། །འདིར་སྦྱིན་བསྲེག་གཞན་གྱི་ལུགས་ལྟར། མེ་ལྷའི་ཐུགས་ཀ་སོགས་སུ་དཀྱིལ་འཁོར་བསྐྱེད་པ་ནི་མི་དགོས་ཀྱང༌། …

བསྲེག་གི་ཆོ་ག་འདིར་སྦྱོར་བ་དང༌། མེ་ལྷའི་ཐུགས་ཀར་དཀྱིལ་འཁོར་གྱི་འཁོར་ལོ་སྒོམ་པ་སོགས་ཀྱང་ནན་གྱི་བྱེད་ན་འདིར་ཅི་ཞིག་འགོག དེས་ན་འོད་ཀྱི་སྙེ་མ་དང༌། རྒྱུད་འདིར་གསུངས་པའི་ཆོ་ག་སྦྲགས་མ་བྱེད་པར་སྤྲོ་ན། ཕྱིས་ཀྱི་དུས་འཁོར་བ་མང་པོས་མཛད་ཅིང༌། ཁྱད་པར་བཀའ་སྲོལ་འདི་ལ་ཡང༌། ཆོས་རྒྱལ་ཕྱོགས་ལས་རྣམ་རྒྱལ་དང༌། དེ་ཉིད་ཀྱི་…

དཔལ་དུས་ཀྱི་འཁོར་ལོའི་དབང་ཆོག་ལས་རྡོ་རྗེ་སློབ་དཔོན་གྱི་དབང་གི་ཆོ་ག་ཡེ་ཤེས་རྒྱ་མཚོ་ལ་འཇུག་པ་བཞུགས།

ཨོཾ་གུ་རུ་བུདྡྷ་བོ་དྷི་སཏྭེ་ན་མོ་ན་མཿ བདེན་དོན་རྣམ་པ་བཅུ་གཉིས་ལྡན། །དུས་སྦྱོར་བཅུ་གཉིས་འགགས་པ་སྟེ། །ཀུན་མཁྱེན་སྐྱེ་དགུའི་བདག་པོ་ལ། །བཏུད་ནས་སློབ་དཔོན་དབང་བསྐུར་བཤད། འདིར་སྡོམ་ནི། གསོལ་དང་གསོལ་གདབ་ཆུ་ཅོད་པན། །དར་དཔྱངས་བརྟུལ་ཞུགས་ཕྱག་རྒྱ་དྲུག །རྗེས་གནང་གཉིས་དང་འདོགས་ལྔ་དང༌། །དབང་བཞི་རྡོ་རྗེ་གསུམ་བྱིན་…

ཐམས་ཅད་ཤེས་སོ། །དུས་འདི་ནས་བརྩམས་ཏེ་ཁྱེད་དང་སངས་རྒྱས་དང་བྱང་ཆུབ་སེམས་དཔའ་རྣམས་སྤངས་ནས། བླ་མ་གཞན་བསྟེན་པར་མི་བགྱིའོ། །གང་གི་བདག་ནི་ཁྱོད་དྲིན་ལས། །རང་དང་གཞན་དོན་ནུས་གྱུར་པ། །རྡོ་རྗེ་སློབ་དཔོན་གྱི་ནི་དབང༌། །ཐུགས་རྗེས་གཏེར་གྱིས་བདག་ལ་སྩོལ། །ཞེས་ལན་གསུམ་གསོལ་བ་བཏབ་སྟེ། ཚིག་བཅད་འདི་ཡང་གཞན་དང་གོ་བསྟུན་པའོ།…