པོ་འབར་བའོ། །གཞན་ཟུངས་བདུན་སོགས་མཐའ་ཡས་པ་དེ་དག་ཀྱང་མི་འགྱུར་བའི་ཐིག་ལེ་ཁ་དོག་ཆེན་པོ་གཅིག་གི་གཟུགས་སུ་གནས་ལ། ཐུང་ངུ་ལུས་སྙིང་སྟོབས་དང༌། རིང་པོ་ངག་རྡུལ་དང༌། ཤིན་ཏུ་རིང་པོ་ཡིད་མུན་པ་སྟེ་སྒྲིབ་པའི་ཡོན་ཏན་རྣམས་མེད་ཅིང༌། ཡང་དག་པའི་ཡོན་ཏན་སྟོབས་བཅུ་སོགས་དང་གདོད་ནས་མི་འབྲལ་པའི་ཚུལ་དུ་བཅས་པ། བུད་མེད་དང་སྐྱེས…

གསུངས་ཏེ། འདིར་ཞིང་སྐྱོང་ནི་ཡུལ་བདག་གྲོང་བདག་གོ །དེ་ཐོག་མར་སྨོས་པ་ཉིད་ཀྱིས་སོགས་ཁོངས་ནས་དེ་བས་ཆུང་བ་རྣམས་འདོན་ཡང་ཆེ་བའི་གསལ་ཁ་མི་འབྱུང་མོད། རྡོ་རྗེ་སྙིང་འགྲེལ་ལས། ཨིན་ད་ཛ་མ་སོགས་ཕྱོགས་སྐྱོང་ལའང་སྦྱིན་པར་གསུངས། རྒྱུད་དང་འགྲེལ་བ་འདིར་ཁྲོ་བོ་བཅུ་ལས་གཞན་པའི་འདས་གཏོར་མ་གསུངས་ཀྱང༌། ཕྱག་རྡོར་སྟོད་འགྲེལ་ལས་…

གཏོར་མ་བྱིན་ཏེ། དེ་ནས་གཤེགས་སུ་གསོལ་བར་བྱ་སྟེ། ཞེས་གསུངས་ཏེ། དེའི་ཆོ་ག་ནི་བཤད་ཟིན་པ་ཉིད་དོ།། །།གཞུང་གཞན་ལས་ཀྱང༌། ཡོད་ན་སྒྲུབ་པའི་གྲོགས་པོ་དཀྱིལ་འཁོར་དུ་བཞག་ནས་རང་ཉིད་ཕྱིར་བྱུང་སྟེ། འདོད་པའི་ལྷ་དང་དབང་པོ་ལ་སོགས་པ་རྣམས་ལ་གཏོར་མ་འབུལ་བར་གསུངས་པ་ནི། དཀྱིལ་འཁོར་ལྟ་བར་མི་དབང་བའི་རྒྱུ་མཚན་གྱིས་མ་ཡིན་ཏེ། གཏ…

འོངས་པའི་ཕྱོགས་ཀྱི་བདག་པོ་རྣམས། ཞེས་སོགས་བཤད་དོ་སྙམ་ན། སྤྱིར་པཎྜི་ཏ་དེ་གཉིས་ཀྱི་ལུང་ཚད་མར་མི་འགྱུར་ཞིང༌། གལ་ཏེ་འགྱུར་ནའང་ཡེ་ཤེས་སེམས་དཔའི་ཕྱི་བཞིན་དུ་འོངས་པའི་ཕྱོགས་སྐྱོང་སོགས་དཀྱིལ་འཁོར་གྱི་ཕྱི་རོལ་ན་གནས་པ་རྣམས་ལ་འབུལ། ཞེས་པ་ཙམ་ཡིན་ལ། སྤྱིར་ཡང་མི་མ་ཡིན་རྣམས་ལ་དཀྱིལ་འཁོར་གྱི་སྲུང་འཁོར་ཐོགས་པའི་གནས་ཡ…

སྐྱོང་སོགས་དང་པོ་བསྐྱེད་ཆོག་གིས་བསྐྱེད་པའང་མིན། སྒྲུབ་པ་པོའི་ཆེད་གཏད་སྤྱན་དྲངས་པའང་མིན། དཀྱིལ་འཁོར་ནང་དུ་བཀོད་ནས་བཞུགས་སུ་གསོལ་བའང་མིན་པས། དེ་དག་དཀྱིལ་འཁོར་གྱི་ཕྱི་རོལ་ན་འདུག་ཅིང༌། སྔར་གྱི་མཆོད་པ་རྣམས་ལ་ཇི་བཞིན་དུ་མི་དབང་པས་ཡེ་ཤེས་ཀྱི་ལྷ་དཀྱིལ་འཁོར་ནང་དུ་མཆོད་ཟིན་པའི་རྗེས་ལ། རྗེས་འབྲང་རྣམས་ལའང་སྐལ་བ…

ཚིམ་པར་བྱེད་པ་ཡིན་ཡང༌། གཙོ་ཆེར་འཇིག་རྟེན་པ་རྣམས་སོ། །འདི་ཇི་ལྟར་བྱེད་པའི་ཚུལ་ནི་དཀྱིལ་ཆོག་ཉིད་དུ་གསལ་ལ། འདིའི་རྗེས་ཀྱི་ཡན་ལག་གི་དབང་དུ་བྱས་ནས་སྐོར་བ། སྒོ་དབྱེ། ཕྱག་འཚལ། མེ་ཏོག་འབུལ་བ་ལ་སོགས་པ་རྣམས་གསང་བ་སྤྱིའི་ཆོ་ག་རྡོ་རྗེ་འཕྲེང་བ་དང་མཐུན་པར་བྱེད་པའང་མང་མོད་ཀྱི། དེ་ལྟར་ཡང་སྤྱིར་མི་འགལ་མོད། དུས་འཁོར་…

ཙམ་ལ་སྡོམ་པ་གསོ་མི་དགོས་ཤིང༌། རྩ་ལྟུང་བྱུང་ན་ནི་ཡུལ་ཉེ་བ་ན་རྡོ་རྗེ་སློབ་དཔོན་ཡོད་པ་ཤས་ཆེ་བས། དེའི་ཚེ་བདག་འཇུག་ཙམ་གྱིས་སྡོམ་པ་གསོ་ཡང་མི་ཐུབ་ལ། ཐུབ་ཀྱང་དེ་མ་ཐག་ཏུ་གཞན་ལ་དབང་བསྐུར་དུ་མི་རུང་སྟེ། སྡོམ་པ་གསོས་ཀྱང་རྩ་ལྟུང་གི་སྡིག་པ་མ་བྱང་བའི་ཕྱིར་དང༌། དམ་ཚིག་ཉམ་པས་གཞན་དོན་དུ་ས་ཆོག་ནས་གཟུང༌། སྒྲུབ་མཆོད་ཀྱི…

ཚིག་ཙམ་གྱིས་བསྔགས་པ་བརྗོད་པ་ཙམ་ལ་སྙིང་པོ་མེད་དེ་གཡོ་སྒྱུ་འབའ་ཞིག་གོ །ཡང་རྒྱུད་འདིར་རྡོ་རྗེ་འཇིགས་བྱེད་ཀྱི་རྣལ་འབྱོར་སྐབས། དབང་གི་དངོས་གཞི་ཐམས་ཅད་སྔགས་དབང་གི་སྒོ་ནས་རང་ཉིད་ཀྱིས་ལེན་པར་གསུངས་པས། བདག་འཇུག་ཀྱང་དོན་གྱིས་འཕངས་པ་ཡིན་ན། ཁ་ཅིག་བདག་འཇུག་ལ་ནི། དབང་བདུན་ཁོ་ནའོ་ཞེས་ཟེར་བ་འབྲེལ་མེད་བྱུང་རྒྱལ་གྱི་…

པོ་ལ། ཁ་མི་སྐོང་བའི་ཆོ་ག་ངོས་བཟུང༌། ཁ་སྐོང་ཅན་གྱི་རིམ་པ་རྒྱས་པར་བཤད་པའོ། །དང་པོ་ནི་རྒྱུད་འགྲེལ་ཆེན་པོ་ཉིད་ཀྱི་དགོངས་པ་ཇི་ལྟ་བ་ནི། སློབ་མས་བླ་མ་དམ་པའི་ཞབས་དྲུང་དུ་གསེར་གྱི་མེ་ཏོག་དང་བཅས་པའི་མཎྜལ་བྱས་ནས། ཁྱིམ་པ་ཡིན་ན་རྫས་དང་བདག་ཉིད་བུ་དང་བུ་མོ་སོགས་ཉེ་བར་སྤྱོད་པའི་གཡོག་སྟེ་དག་པ་གསུམ་གྱི་དངོས་པོ་འབུལ་ད…

བཞེངས་སའི་ས་ཁང་གི་ནང་དུ་འཇུག་པའི་དོན་ཙམ་ཁོ་ན་མ་ཡིན་པའི་ཕྱིར་རོ། །སློབ་དཔོན་སློབ་མ་སྤྲོས་པ་ལ་མི་དགའ་ཞིང༌། རང་གཞུང་ཁོ་ནས་ཆོ་ག་ཤེས་པའི་ངོར་འདི་ཙམ་ཁོ་ན་བྱས་ན་བསྲེ་བསླད་མེད་ཅིང༌། དགོས་དོན་ཐམས་ཅད་འགྲུབ་པ་ཡིན་པས། བསྡུས་པ་འདི་ཡང་རུང་ཙམ་ཡིན་ཞེས་པ་དེ་འདྲའི་རིགས་མ་ཡིན། ཆེས་མཆོག་ཏུ་གྱུར་པ་སྟེ། དཀྱིལ་ཆོག་ཆེན་མོ་…

སྨོན་ཞིང་དམ་འཆའ་བ་ཡིན་ནོ། །དེ་ཡང་སློབ་དཔོན་གྱིས་སློབ་མ་ལ་དམ་ཚིག་དེ་རྣམས་བཤད་ནས། ཁྱོད་ལ་དབང་བསྐུར་བས་སྔགས་ཀྱི་སྡོམ་པ་ཐོབ་པར་བྱེད་དེ། དེ་ལྟར་བྱས་པའི་རྗེས་སུ་དམ་ཚིག་འདི་དག་བསྒྲུབ་དགོས་སོ། །འདི་རྣམས་ལ་བླང་དོར་མི་བྱེད་ན། ཁྱེད་ལ་དབང་བསྐུར་ཡང་བདག་དབང་བསྐུར་བ་པོ་དང༌། །དབང་ཞུ་བ་པོ་ཁྱོད་གཉིས་ཀ་ལ་དོན་མེད་ཆེན་པ…

བྱས་ཀྱང་ལས་བརྒྱ་རྩ་གཅིག་ཉམས་སུ་མྱོང་བ་དང༌། འདུལ་བའི་དོན་ཉམས་སུ་ལེན་པ་ལ་རྗེས་ཆོག་གཉིས་ཉན་ཟིན་པའི་དགེ་སློང་དང་ཁྱད་མེད་ལ། གཞན་དུ་ན་ལས་བྱེད་པའི་སློབ་དཔོན་སོགས་ལ་ཆོ་གའི་ཡན་ལག་མ་ཚང་བའི་ཉེས་བྱས་འབྱུང་བར་ཟད་དེ། རྗེས་ཆོག་གཉིས་པོས་བསྒྲུབ་བྱ་དེ་འདུལ་བ་ལ་སྤྱོད་པར་དབང་བའི་བྱ་བ་གང་ཡང་མི་བྱེད་དེ། དེའི་བྱ་བ་དངོས་གཞ…

དུ་སྡོམ་པ་ལེན་པའི་ཆོ་ག་དངོས་གཞི་དེ་སྡོམ་བཟུང་ཡིན་ཡང༌། སྤྱིར་དབང་གི་དངོས་གཞི་སྨིན་བྱེད་རང་མིན་ནོ་སྙམ་ན། དབང་བསྐུར་བས་རྒྱུད་སྨིན་པར་བྱེད་པ་དེ་སྔགས་སྡོམ་ཐོབ་ཚུལ་གྱི་སྒོ་ནས་རྒྱུད་སྨིན་པར་བྱེད་པ་མིན་ན། གཞན་ཚུལ་ཇི་ལྟ་བུས་རྒྱུད་སྨིན་པར་བྱེད་པ་ཡིན་སྨྲ་དགོས་སོ། །གལ་ཏེ་སྨིན་བྱེད་ཀྱིས་རྒྱུད་སྨིན་པར་བྱེད་པའི་གཙ…

གྱི། ཆོ་གའི་ཡན་ལག་འབའ་ཞིག་ཡིན་པ་ཐུགས་སུ་གཞོག་འཚལ་ཏེ། ཆོས་སྐད་གསར་བྱུང་ཡིན་པ་ཙམ་ལ་ལེགས་བཤད་དུ་ཁྱབ་པ་འཆའ་བར་མི་བྱའོ། །དེས་ན་སྔགས་སྡོམ་ནི་དངོས་གཞིའི་ཆོ་གས་ཐོབ་པར་འགྱུར་ལ། སྡོམ་བཟུང་ནི་སློབ་དཔོན་གྱིས་སློབ་མ་ལ་དབང་སྩོལ་བའི་ཕྱིར་དུ་སློབ་མས་སྡོམ་པ་སྲུང་བར་ཁས་ལེན་པ་ཡིན་ཞིང༌། རྒྱུན་བཤགས་དང་འབྲེལ་ན་ལམ་བརྟེན་པ…

བསྐྱེད་རྫོགས་ཐུན་མོང་ངམ། བསྐྱེད་རིམ་ཕྱོགས་ཀྱི་དམ་ཚིག་ཡིན་ལ། རྫོགས་རིམ་ངེས་དོན་གྱི་ཕྱོགས་ལ་ནི་ཐུགས་གསུང་གཉིས་པོ་ལ་སྔར་གྱི་དེ་ཁའི་སྟེང་དུ། ཐུགས་མི་འགྱུར་བའི་བདེ་བའི་རྒྱུར་བྱང་ཆུབ་ཀྱི་སེམས་འཆིང་བའི་སྤྱོད་པ་ལ་བསླབ་པ་དང༌། གསུང་གཞོམ་མེད་ཀྱི་སྒྲའི་རྒྱུར་སྲོག་དབུ་མར་གཞུག་ཅིང་འཆིང་བའི་ཐབས་ལ་རྩོལ་བ་དང༌། སྐུ་ལ…

དངོས་སུ་སྦྱིན་རྒྱུ་མེད་ཀྱང་གཏོང་སེམས་དང་མ་བྲལ་པ་སྟེ། དམ་ཚིག་གི་ས་མཚམས་ནི་སྦྱིན་པ་བཅུས་མཚོན་པའི་ཟང་ཟིང་གི་སྦྱིན་པ་གཏོང་སེམས་དྲན་པ་དང༌། སྦྱིན་པས་སེམས་ཅན་གྱི་བསམ་པ་རྫོགས་པར་སྨོན་པ་ཐུན་གསུམ་དུ་དྲན་པའོ། །འཁོར་ལོ་སྟེ་རྣམ་པར་སྣང་མཛད་ཀྱི་རིགས་ཀྱི་དམ་ཚིག་ལ་རྒྱལ་བ་མཆོག་སངས་རྒྱས་རིགས་ལྔའི་དམ་ཚིག་བདུད་རྩི་ལྔ་དང…

རྗེ་སེམས་དཔའི་རིགས་ལ་སེམས་ཅན་ཐམས་ཅད་བླ་ན་མེད་པའི་བྱང་ཆུབ་ལ་འགོད་པའི་ཕྱིར་དུ་སྟོང་ཉིད་སྙིང་རྗེ་དབྱེར་མེད་པའི་བྱང་ཆུབ་ཆེན་པོར་སྨོན་ལམ་གདབ་པ་སྟེ། སྨོན་འཇུག་གི་སེམས་བསྐྱེད་བླངས་ནས་བྱང་ཆུབ་སེམས་དཔའི་ཐུན་མོང་གི་ཚུལ་ཁྲིམས་རྣམ་པ་གསུམ་ལ་སློབ་པར་བྱེད་པའོ། །དེ་ལྟར་ན་རྡོ་རྗེའི་རིགས་རྩ་བའི་དམ་ཚིག་ཏུ་བཞག་ནས། ལྷག་…

རྣམས་ལ་ཡང་གོ་དགོས་ཏེ། སྦྱིན་པ་བཅུ་ནི་རླུང་བཅུ་བཅིངས་པ་དང༌། བདུད་རྩི་ལྔ་ནི་ཕུང་པོ་ལྔའི་དྭངས་མ་བཅིངས་པ་དང༌། ཤ་ལྔ་ནི་དབང་པོ་ལྔའི་ཐིག་ལེ་བཅིངས་པ་དང༌། མཆོད་པ་ནི་གཏུམ་མོ་སྦར་བས་བྱང་ཆུབ་ཀྱི་སེམས་ཞུ་སྟེ། ཕུང་ཁམས་བདེ་བས་ཁྱབ་པར་བྱེད་པ་དང༌། འཛག་མེད་ཀྱི་ཚུལ་ཁྲིམས་ཀྱང་ལས་རྒྱ་ལ་མ་བལྟོས་པར་ཕྱག་ཆེན་གྱིས་སྒྲུབ་པ་དང༌…

དམ་ཚིག་རྣམས་འདིར་འདུས་ཏེ། རྡོ་རྗེའི་རིགས་ནི་ཕལ་ཆེར་འདྲ་བ་ལས་རྫོགས་རིམ་གྱི་དམ་ཚིག་གསུམ་ལྷག་པོ་ཡིན་ལ། རིན་ཆེན་རིགས་ལ་གཞན་ལས་སྦྱིན་པ་བཞི་གསུངས་ཤིང༌། འདིའི་བཅུ་པོ་དེའི་ཟང་ཟིང་དུ་འདུས་ཀྱང༌། སྤྱིར་སྦྱིན་པའི་ངོས་ནས་གཙོ་བོར་གྱུར་པ་སྦྱིན་པ་རྐྱང་པའམ། དག་པ་བ་ནི་ཟང་ཟིང་གི་སྦྱིན་པ་ཡིན་པས་དེ་གཙོ་བོར་སྨོས་པ་ཡིན། ག…

འདུས་པས་འདིར་འཕོ་མེད་ཀྱི་ཚུལ་ཁྲིམས་བཤད་པ་ཡར་ལྷག་པོ་སྟེ། དབང་བདུན་དང་བསྐྱེད་རིམ་ཙམ་ལ་བརྟེན་པ་ཡང་ལུས་ཀྱི་དངོས་གྲུབ་སྒྲུབ་པ་ལ་དམ་ཚིག་འདི་མེད་ཀ་མེད་ཡིན་པས་སོ། །ཀུན་རྫོབ་དང་དོན་དམ་དབྱེར་མེད་པར་སེམས་བསྐྱེད་པ་ནི། གཞན་གྱི་ལུགས་ཀྱི་རིགས་ལྔ་སྤྱིའི་དམ་ཚིག་ཞེས་བྱ་བ་དེ་ཡིན་ལ། སྦྱིན་པ་ལྷག་མ་གསུམ་དང་སྐྱབས་འགྲོ་དང༌…