ཐབས་དང་བྲལ་བའི་ཁུ་བ་ནི། །རྟག་ཏུ་སྐྱེ་གནས་རེག་པ་དག་ལས་སོ། །ཇི་ལྟར་གཡོ་བ་དེ་ཡང་སྨན་སོགས་ཀྱི། །སྟོབས་ཀྱིས་མེ་དང་འཕྲད་པས་ཡང་དག་འཆིང་། །དེ་བཞིན་ཁུ་བ་ཤིན་ཏུ་རྣལ་འབྱོར་གྱིས། །ཤེས་རབ་དག་དང་ཡང་དག་ཕྲད་པས་སོ། །ཞེས་གསུངས་པ་ལྟར་ཚངས་སྤྱོད་ཀྱི་དཀའ་ཐུབ་ཅན་དགེ་སློང་གཙང་མ་རྣམས་ཀྱང་དྲན་ཤེས་ཀྱིས་སད་པའི་སྐབས་སུ་ཁུ་བ་བསྡ…

ཐམས་ཅད་དབང་ཕྱུག་སོགས་བྱེད་པ་པོ་ཉིད་དུ་འཛིན་པ་དང་ནི་བདག་ཏུ་ཞེན་པ་དང་། འདིར་ནི་རྟག་ཏུ་རང་ངམ་གཞན་གྱི་བུ་དང་ཆུང་མར་ཞེན་པ་དང་། བཟའ་བ་དང་བཟའ་བ་མིན་པར་ཞེན་པ་དང་། རིགས་བཟང་པོ་དང་རིགས་ནི་བཟང་པོ་མིན་པ་སོ་སོར་འབྱེད་པ་ལ་དགའ་ཞིང་ཞེན་པ་དང་། བསླབ་པའི་སྣོད་དང་སྣོད་མིན་དག་ཏུ་ཞེན་པས་བླང་དོར་གྱི་དཀའ་ཐུབ་སྣ་ཚོགས་བྱེད་ཅ…

མཆོང་པས་རང་ཉིད་འཆི་བར་བྱེད་པའི་བྱ་བ་ངན་པ་ལ་གནས་སོ། །འདིར་གཡུལ་དུ་མཚོན་རྩེར་མཆོང་བ་དང་། ཉི་མ་གཟས་ཟིན་དུས་མེ་ལ་མཆོང་བ་ཞེས་སོ་སོར་སྦྱར་བའང་སྣང་ངོ་། །དེ་ལྟར་རིག་བྱེད་ལས་བཤད་པ་ཕལ་ཆེ་བ་དེ་དག་ཤ་ཁྲག་ལ་དགའ་བའི་བདུད་རིགས་འབྱུང་པོ་རྣམས་དག་གིས། སེམས་ཅན་རྣམས་ཀྱི་ཤ་བཟའ་ཞིང་ཁྲག་ནི་བཏུང་བའི་སླད་དུ་ཆོས་ལུགས་འདི་དག་མ…

ཁྱད་པར་པ་ཡིན་ཀྱང་། རང་གི་ཆུང་མ་ལ་ཆགས་པའི་བློ་ཞན་པ་དག་གིས་མི་ནུས་ལ། དེ་ལྟར་མ་ནུས་ན་རྡོ་རྗེ་སྔགས་ཀྱི་དབང་བསྐུར་བ་ཡང་ནོད་པར་དཀའ་སྟེ་ཅིའི་ཕྱིར་ན། གང་ཞིག་རྒྱུད་ཀྱི་རྒྱལ་པོ་དུས་ཀྱི་འཁོར་ལོ་ལས་ནི་རྒྱལ་བ་མཆོག་གི་དོན་དུ་སྤྱོད་པ་ཇི་ལྟར་བྱ་བའི་རིམ་པ་འདོད་པའི་སྦྱིན་པ་གཙོ་བོར་གྱུར་པའི་དྲུག་ཆ་དབུལ་བ་སོགས་ཐོས་ཤིང་…

ཐབས་མཁས་པ་དང་། རྫུ་འཕྲུལ་སོགས་ཀྱིས་འདོད་པ་བཞིན་དུ་བྱེད་པའི་སྨོན་ལམ་དག་དང་སྐྱེ་བ་འདི་ཉིད་ཀྱིས་སྲིད་པའི་ས་བོན་བག་ཆགས་དང་བཅས་པ་མཐར་བྱེད་པའི་སྟོབས་དང་། གདོད་ནས་འགྱུར་མེད་བདེ་བ་ཆེན་པོ་དེ་ཁོ་ན་ཉིད་མངོན་པར་ཐོབ་སྟེ་སླར་སྲིད་པར་མི་སྐྱེ་བ་རྡོ་རྗེ་ཡེ་ཤེས་ཀྱི་སྐུ་ཐོབ་པའི་ཕ་རོལ་ཏུ་ཕྱིན་པ་བཅུ་པོ་རྫོགས་པ་ནི་རང་གི་…

དེར་གླང་ཆེན་མྱོས་པ་ལུས་ཆེ་ཞིང་མི་བཟད་པའི་ཚོགས་པ་འཇིགས་ཤིང་ང་རོ་སྒྲོགས་པ་རྣམས་མཐོང་ནས། འཇིགས་པ་དག་ཏུ་གྱུར་བའི་སྡར་མ་དེ་ཡི་ལག་པའི་མཐིལ་ནས་རལ་གྲི༷་བཟུང་བ་དག་ནི་ས་ལ་ལྷུང་བར་གྱུར་པ་ལས་གཞན་གྱིས་རལ་གྲི་དེ་བླངས་ནས་མི་དེ་ཉིད་བསད་པ་ན། གང་ཟག་དེ་ལ་རལ་གྲི༷འི་སྐྱོན་དུ་འགྱུར་བ་མ་ཡིན་ཏེ་གང་ཟག་དེ་རང་ཉིད་སེམས་ཞན་པའི་…

བའི་གཞི་བསྒྲུབ་ནས། སོར་བསམ་སོགས་ཡན་ལག་དྲུག་གི་རྣལ་འབྱོར་གང་ཞིག་རྫོགས་རིམ་དག་པའི་རིམ་པས་དབང་གོང་མའི་དོན་རང་རྒྱུད་ལ་ཉམས་སུ་བསྟར་བར་བྱ་སྟེ་སྔགས་པ་ཡིས་ནི་རྒྱུན་ཆད་མེད་པར་རྗེས་སུ་ཆགས་པའི་དགའ་བ་ཆེན་པོའི་སེམས་ཀྱིས་ལྷན་སྐྱེས་འཕོ་མེད་ཀྱི་བདེ་བ་བསྒྲུབ་པར་བྱ་དགོས་སོ། །དེ་ལྟར་བསྒྲུབ་པའི་དག་པ་རྫོགས་པའི་རིམ་པ་དེ་…

བ་མེད་ལ། དེ་མ་བཅིངས་ན་ནི་དངུལ་ཆུ་དེས་ལྕགས་སོགས་གསེར་དུ་བྱེད་པ་མེད་དེ་དེ་ལྟར་གསེར་དང་བྲལ་ན་གསེར་འགྱུར་གྱི་ལོ་རྒྱུས་སྨྲ་བ་པོ་རྣམས་ལ་གསེར་གྱི་ལོངས་སྤྱོད་མེད་པ་ཉིད་ཡིན་པ་དེ་བཞིན་དུ་བུད་མེད་ཀྱི་སྐྱེ་གནས་ལ་རྡོ་རྗེས་རེག་པས་ཀུནྡ་ལྟ་བུའི་བྱང་ཆུབ་ཀྱི་སེམས་འཕོ་ཞིང་འཛག་པའི་ཕྱིར་ན་དགྲ་ལྟ་བུ་ཡིན་ཡང་བུད་མེད་ལ་སྦྱོ…

དུར་ཁྲོད་སོགས་གང་དུ་ཡིད་དང་འཚམ་པ་དེ་ལ་འགྱུར་མེད་ཀྱི་བདེ་བ་བསྒྲུབ་པ་ནི་དེའི་རྟེན་ཕྱག་རྒྱ་བཞི་པོ་ཀུན་དང་རབ་ཏུ་སྦྱོར་བ་ལ་བརྟེན་ནས་བསྒྲུབ་པར་བྱ་སྟེ། གནས་གཞན་ཞི་བ་ལ་དུར་ཁྲོད་ལྟ་བུ་ལས་དང་རྗེས་སུ་མི་མཐུན་པ་དང་ནི་སྔགས་ཀྱི་སྐྱེ་གནས་ཀྱང་རྒྱུད་དང་མན་ངག་ལས་གསུངས་པ་ལྟར་སྦྱར་དགོས་ཀྱི་ལས་དང་རྗེས་སུ་མི་མཐུན་པ། ཞི་བ…

གསུངས་པ་མ་ཡིན་པར་བསྒྲུབ་པ་དང་། བསྒོམ་པ་སོགས་ཆོ་གའི་ཡན་ལག་ཉམས་པའམ་སྟོང་པ་དང་། །ལས་དང་རྗེས་སུ་མཐུན་པའི་དུས་དང་མ་འབྲེལ་བའི་མཆོག་གི་མཚན་མོ་ལྟ་བུའི་བྱ་བ་ལ་གནས་ནས་སྔགས་བསྒྲུབ་པའི་གནད་ཡང་དག་པར་ནི་ཤེས་པ་མིན་པ་ཉིད་ཀྱི་སྐྱོན་ཡིན་ཏེ་དཔེར་ན་རྐང་བའི་སོར་མོ་རྣམས་ཀྱི་ནད་ཤུ་བ་སོགས་ལ་སྤྱི༷་བོར་སྨན་རྣམས་ཀྱིས་ནི་རབ་ཏུ…

དེ་ནི་ཉིན་ཞག་སོ་སོའི་དུས་སུ་རྣལ་འབྱོ༷ར་པ་ཡིས་མི་གནས་པའི་མྱ་ངན་ལས་འདས་པ་མཐར་ཐུག་གི་ཐར་པའི་སླད་དུ་བསྒོམ་པར་བྱ་སྟེ་ཤེས་རབ་ཅན་རྣམ་པར་གྲོལ་བའི་ལམ་གྱིས་མཚོན་བྱ་དོན་གྱི་ཡེ་ཤེས་བསྒོམ་པར་ནུས་པ་ལ་མཚན་མེད་ཀྱི་རྫོགས་རིམ་གསུངས་པའོ། །འདི་དག་གི་དོན་ནི་མཆོག་མི་འགྱུར་བའི་ཡེ་ཤེས་གྲུབ་པ་ལས་ཀྱང་རྒྱ་ཆེར་འཆད་པར་འགྱུར་ལ་འ…

ཆེན་མོ་ལ་འཁྱུད་པའི་དབང་གིས་འཕོ་བ་མེད་པ་ནམ་མཁའ་དང་མཉམ་པའི་རང་བཞིན་ལྷན་སྐྱེས་ཀྱི་བདེ་བར་གནས་པའི་རང་སེམས་དེ་ནི་གཉུག་མ་སེམས་ཀྱི་རྡོ་རྗེའི་རང་ཞལ་མཇལ་བ་ཡིན་པས་དངོས་དང་དངོས་མེད་ཀྱི་ཀུན་རྟོག་ལས་གྲོལ་ཏེ་ཐར་པ་སྟེར་བ་ཡིན་ནོ། །དེ་ནས་བཟའ་བཏུང་སོགས་སྤྱོད་ལམ་གྱི་རྣལ་འབྱོར་གྱིས་བསོད་ནམས་ཀྱི་ཚོགས་གསོག་ཐབས་གསུངས་པ། ཨ…

དབུས་སུ་ཡེ་ཤེས་རྡོ་རྗེའི་ངོ་བོ་ཧོ་ཡིག་གསེར་མདོག་གི་འོད་ཀྱིས་རྫས་རྣམས་ཟག་མེད་ཡེ་ཤེས་ཀྱི་བདུད་རྩི་ཟླ་ཞུན་ལྟ་བུར་བདེ་བ་ཆེན་པོའི་རང་བཞིན་དུ་བསམ་པར་བྱས་ཏེ་རྡོ་རྗེ་བཞི་ཡི་ས་བོན་རིམ་བཞིན་ངག་ཏུ་བརྗོད་པ་དང་། ཕྱག་རྒྱ་བྱ་བ་དང་སེམས་ཀྱི་དམིགས་པ་གསུམ་སྦྲགས་པས་བྱིན་གྱིས་བརླབས་པར་བྱས་ནས་ཚོགས་ཞིང་བསྒོམ་པའི་སྒྲུབ་པའི…

དབང་པོའི་ལྷ་རྣམས་བདེ་བ་ཆེན་པོར་ཚིམ་པའི་ཚུལ་གྱིས་རོལ་པར་བྱ་སྟེ་དེས་ཚོགས་གཉིས་ལྷུན་གྱིས་རྫོགས་པར་འགྱུར་རོ། །ཕྱི་རོལ་དུ་ཡང་ཡུལ་དང་དེ་ཡི་བྱེ་བྲག་རང་གནས་པའི་གྲོང་གི་བདག་པོ་མི་མ་ཡིན་པ་རྣམས་ལ་ལ་དུད་བསྲེགས་ལ་སོགས་པའི་ཐོག་མར་ས་ཡི་ཕྱོགས་འདིར་ནི་གཏོར་མ་སྦྱིན་པར་བྱ་སྟེ། དེ་ཡང་གཏོར་མ་བདུད་རྩིར་བྱིན་བརླབས་བྱས་ནས་…

སྦྱིན་བདག་གི་དགེ་བའི་རྩ་བ་སྤེལ་བའི་དོན་དུ་སྦྱིན་པའི་ཚིགས་སུ་བཅད་པ་སྐབས་འདིར་བརྗོད་པའམ་བཀླག་གོ། དེ་ལྟར་གཏོར་མ་སྦྱིན་པ་ནི་ཚོགས་གསོག་པའི་སྒོ་ཡང་ཡིན་ལ་བར་ཆད་བསྲུང་བའི་ཐབས་ཁྱད་པར་ཅན་ཡིན་ཏེ། གཞུང་གཞན་ལས།རྣལ་འབྱོར་གཏོར་མ་མི་བྱེད་ན། །དེ་ཡི་བར་ཆད་གང་གིས་སེལ། །རྣལ་འབྱོར་གཏོར་མར་བརྩོན་པ་ན། །དེ་ལ་བར་ཆད་སུ་ཡིས་ན…

ལྷ་ཡི་དམིགས་པ་བསྒོམ་པ་གང་ཡིན་པ་དེ་ནི་མངོན་སུམ་དུ་སྣང་བ་དང་ནི་བློས་དེའི་རྣམ་པར་རྗེས་སུ་དཔག་པས་བརྟག་པ་རྣམ་པ་གཉིས་སུ་འགྱུར་བ་སྟེ། མངོན་སུམ་དུ་དམིགས་པ་དག་ནི་དེ་ཁོ་ན་ཉིད་ཀྱི་དོན་མངོན་དུ་བྱེད་པ་རྡོ་རྗེའི་རྣལ་འབྱོར་ཡན་ལག་དྲུག་བསྒོམ་པའི་སྦྱོར་བས། ནམ་མཁའ་ལ་སྐར་མ་སྣང་བ་བཞིན་དུ་རྣམ་པ་དུ་མ་ཡི་སྣང་བ་ཐམས་ཅད་པ་གློ…

མངོན་པར་ཤེས་པ་ཐོབ་པའི་ས་མཚམས་ཀྱི་དབང་གིས་མིག་འབྱེད་འཛུམ་ཁྱད་མེད་པར་འགྱུར་ཏེ་སྐབས་དེར་སྟོང་གཟུགས་མཐོང་བ་རྣམས་ནི་ལྷའི་མིག་གིས་མཐོང་བ་སྟེ་སྔ་མའི་མཐོང་ཚུལ་ལས་ཁྱད་དུ་འཕགས་པའོ། །དེ་ནས་འཛིན་པ་དང་རྗེས་དྲན་གྱི་ཡན་ལག་གི་སྦྱོར་བས་འཛག་བདེའི་ཆགས་པ་དང་བྲལ་བ་ཐོབ་པའི་ས་མཚམས་ཀྱི་དབང་གིས་གནས་སྐབས་དེར། འཕོ་མེད་ཀྱི་བདེ…

མཚམས་བླང་དོར་གྱི་ཆགས་པ་དང་བྲལ་བས་དང་པོ་ནས་བདུན་པའི་བར་དང་དག་པ་ས་གསུམ་ལ་གནས་པ་བྱང་སེམས་ཀྱི་མཚམས་དང་འབྲས་བུ་སངས་རྒྱས་ཀྱི་སའི་མཚམས་ལ་སྦྱར་བ་ཡང་སྣང་ངོ་། །དེ་ལྟར་དེ་བཞིན་གཤེགས་པའི་སྤྱན་ལྔ་པོ་རྣམས་ནི་སྟོང་པ་ཉིད་རྣམ་པ་ཐམས་ཅད་པའི་གཟུགས་གཟིགས་པའི་སླད་དུ་གསུངས་ཏེ་དེ་དང་མི་ལྡན་པ་སེམས་ཅན་གཞན་རྣམས་ནི་རྣམ་ཀུན་མཆོ…

དཔའ་རྣམས་ཀྱི་ཡེ་ཤེས་སྐུ་ནི་རྡུལ་ཕྲ་རབ་བསགས་པའི་རང་བཞིན་ལས་འདས་པ་མཚན་དཔེ་བཞིན་ལེགས་ཀྱི་རྣམ་པར་སྣང་བ་སོགས་རྣམ་པ་ཐམས་ཅད་པར་འཆར་ཞིང་ཐ་མལ་པའི་ཕུང་ཁམས་དབང་པོ་སོགས་ཀྱི་རང་བཞིན་ལས་འདས་པ་དཔེར་ན་སྒྱུ་མའི་དཔེ་བརྒྱད་དམ་བཅུ་གཉིས་ཀྱི་ཚུལ་ཅན་ཡིན་པ་དེ་ལྟ་བུ་ཇི་ལྟར་ཡིན་པ་རྗེས་སུ་དཔག་པ་ཙམ་ལས་རང་གི་བློས་མྱོང་བས་ཤེས་མི…

གཅིག་ཏུ་སྦྱོར་བ་དག་གིས་རང་སེམས་འོད་གསལ་བའི་ཆོས་ཉིད་རྟེན་དང་བརྟེན་པའི་ལྷའི་རྣམ་པ་མ་ཚང་མེད་པ་སྟེ་རྣམ་པ་ཐམས་ཅད་པ་མཐའ་དག་བློས་ཀུན་དུ་བརྟགས་པ་མེད་པར་མངོན་སུམ་མཐོང་བར་གྱུར་བ་ཉིད་དུ་བྱའོ། །དེ་ལྟར་བློས་བརྟག་པའི་བསྐྱེད་རིམ་གྱི་རྣལ་འབྱོར་དང་། སྟོང་པ་ཉིད་ཀྱི་གཟུགས་བློས་བརྟགས་པ་ལ་ལྟོས་མི་དགོས་པའམ། མ་བརྟག་པར་སྣང…