ཡང་ཚ་རྣམས་ཏེ་ཤན་པ་ལ་སོགས་པ་དང་། ཡང་ཚའི་བུ་ནི་ལྕགས་མཁན་ལ་སོགས་པ་རྣམས་སོ། །དེ་ལྟར་དཀྱིལ་འཁོར་གྱི་འཁོར་ལོ་ལ་གནས་པའི་ལྷ་སོ་དྲུག་ཁྱབ་བྱེད་དང་བཅས་པའི་ལྷ་རྣམས་རང་རིགས་ཀྱི་སར་གནས་པའི་རྣལ་འབྱོར་པ་ཡི་རིགས་རབ་ཏུ་དགའ་བ་རྣམས་ནི་རྣལ་འབྱོ༷ར་མ་རྣམས་དག་གིས་གུས་ཤིང་གདུང་བའི་སྒོ་ནས་རྟག་ཏུ་བསྙེན་བཀུར་གྱིས་བསྟེན་པར་བྱ་ལ…

ཚོགས་ཀྱི་འཁོར་ལོའི་དུས་སུ་མཆོད་པའི་གཙོ་བོ་ཕྱག་རྒྱ་མཚན་ལྡན་གྱི་མཆོད་པ་བྱས་པའི་ཕན་ཡོན་གསུངས་པ། འདིར་རྣལ་འབྱོར་པ་འདུས་པའི་ཚོགས་ཀྱི་འཁོར་ལོའི་དུས་སུ། བུད་མེད་ཟླ་བའི་བཞིན་དང་ཨུཏྤལ་གྱི་མིག་ཅན་མཆོག་གི་དྲི་ཡིས་རྗེས་སུ་བྱུགས་པ་བདེ་བའི་རྣམ་པ་ཐམས་ཅད་སྐྱེད་པའི་མཚན་ཉིད་ལྡན་པ་གང་སུ་དག །བསོད་ནམས་དག་གི་ཚོགས་རྫོགས་པ…

ཡིན་ལ་དེ་ནི་རྣམ་པ་བཞི་རུ་ས་ཡི་སྟེང་དུ་འགྱུར་ཏེ། དམངས་རིགས་ཀྱི་ལས་སུ་བྱ་བ་བཞི་བྱེད་པའི་སྒོ་ནས་སོ། །བཞི་གང་ཞེ་ན། ས་གཞི་རྨོ་བ་དང་། བ་ལང་སོགས་ཕྱུགས་སྐྱོང་བ་དང་། འཇིམ་པའི་ལས་བྱེད་པ་དང་། ས་ཞིང་སོགས་ཀྱིས་ཁྱིམ་ལ་སོགས་པའི་གནས་ཀྱི་ལས་བྱེད་པ་སྟེ་རྣམ་པ་བཞིའི་དབྱེ་བས་སོ། །གོས་དཀར་མོ་ནི་རྒྱལ་རིགས་མ་སྟེ། རྒྱལ་རིགས…

རབ་ཏུ་གྲགས་ཏེ། རང་བཞིན་ཡོན་ཏན་དབང་གིས་རེག་བྱ་རྡོ་རྗེ་མ་ཐགས་མཁན་མ་དང་། རྡོ་རྗེའི་མཐའ་ཅན་ཆོས་ཀྱི་དབྱིངས་ཏེ་ཆོས་དབྱིངས་རྡོ་རྗེ་མ་ནི་ནོར་བུ་མཁན་མོར་འགྱུར་བར་འཇིག་རྟེན་དུ་ནི་རབ་ཏུ་གྲགས། ཙ་མུ་ཎྚཱི༷་ནི་ཤ་འཚོང་མར་འགྱུར་ཞིང་། རང་བཞིན་ཡོན་ཏན་དབང་གིས་ཁྱབ་འཇུག་མ་ནི་རྫ་མཁན་མ་དང་། ཕག་མོ་ནི་ཁུར་བ་མཁན་དུ་ངེས་པར་འགྱ…

བདག་པོ་ཕག་གདོང་མ་ནི་བཤང་བ་འཕྱག་པ་མོ་ཅེ་སྤྱང་གདོང་མ་གཏུམ་མོ་དག་དང་། ས་ཡི་གཞི་ཡི་གནས་ལ་སྟག་གདོང་མ་ནི་སྟག་གཟིག་མ་དང་། བྱ་རོག་གདོང་མ་བསྙོན་ཐབས་མ་སྟེ་ཁ་ཅིག་ཏུ་མཐའ་ཁོབ་མ་ཡང་ཟེར། རབ་ཏུ་གསལ་ཞིང་ངེས་པར་བྱ་རྒོ༷ད་གདོང་མ་རོ་སྲེག་མ། མཁར་ལྡི༷ང་གདོང་མ་དཔལ་ལྡན་དྷིལླཱིར་འགྱུར་ཏེ། བརྒྱད་པ་འུག་པའི་གདོང་ཅན་མ་དག་ཀྱང་རི་…

ཅན་རྣམས་སོ། །ལྷ་མིན་དག་ཀྱང་ཀླ་ཀློ་སོགས་བརྒྱད་ཀྱིས་དབྱེ་བ་ནི་རབ་གཏུམ་མའི་རིགས་སུ་གྱུར་པ་སྟེ། ལྷ་མིན་དེ་དག་གདེངས་ཅན་ཀླུའི་སྲིད་པར་གནས་པ་སྟེ་དེ་ལྟར་རིགས་སོ་དྲུག་པོ་འདི་རྣམས་རྣལ་འབྱོ༷ར་པ་ཡིས་རིག་པར་བྱའོ། །གཅིག་པུ་གཅིག་ནི་སྣ་ཚོགས་ཡུམ་དང་གཙོ་བོ་སྟེ་དེ་ནི་སྲིད་པ་གསུམ་གྱི་གནས་སུ་དཔལ་ལྡན་རྣལ་འབྱོར་མ་དང་རྣལ་འ…

ཀྱི་དོན་དུ་རྡོ་རྗེ་མཆོད་པའི་ངེས་པ་གསུངས་པ། འདིར་དབེན་པར་ཚོགས་ཀྱི་འཁོར་ལོར་བྱེད་པའི་དུས་སམ། སྐྱེ་བོ་མེད་པར་ལམ་བསྒོམ་པའི་དུས་སུ་བུ་མོའམ་རྒན་མོའམ་དར་མ་རྣམས་དང་། ལུས་ནི་དྲི་མ་དང་བཅས་པས་མི་གཙང་བ་དང་བྲམ་ཟེ་མོ་དང་རྒྱལ་རིགས་མོ་དང་། རྗེའུ་མོ་དང་། དམངས་མོ་དང་། རིགས་དང་ཡུལ་གྱི་མཐར་སྐྱེས་གདོལ་པ་མོ་རྣམས་སམ། མིག་…

བརྗོད་པའི་དམ་ཚིག་གི་སྐད་རྣམ་པ་བཞི་པོ་འདི་ནི་རྡོ་རྗེའི་མཆོད་པ་ལ་གསུངས་སོ། །ད་ནི་ཕོ་ཉ་མོ་རྣམས་ཀྱི་དྲི་དང་ལུས་སོགས་ཀྱི་མཚན་ཉིད་གསུངས་པ། ཕོ་ཉ་མོ་རྣམས་དག་གི་དྲི་མི་འདྲ་བ་ལྔ་པོ་འདི་དག་ལུས་དང་པདྨ་ལ་གནས་པའི་མཚན་ཉིད་དེས་དེ་དག་རྣམས་ཀྱི་རིགས་ལྔ་གང་ཡིན་ཤེས་པར་བྱ་སྟེ། མཁའ་སོགས་ཁམས་ལྔའི་རང་བཞིན་ཡོན་ཏན་དབང་གིས་འདི…

བཤད་པ་བཞིན་གཞན་བཞི་ལའང་ཤེས་བར་བྱའོ། །དེ་བཞིན་དུ་ཡན་ལག་ཅུང་ཟད་ཕྲ་བ་དང་ལྡན་པ་གང་ཞིག་ལུས་དང་ཡན་ལག་ཅུང་ཟད་རིང་ཞིང་མིག་ནི་གཡོ་བ་མེད་ལ་སྐྲ་ནི་འཁྱོགས་པ་སྟེ་ལི་བ་པདྨ་ཅན་ནོ། །སྐྲ་ལི་བ་ཞེས་པ་འདི་ལ་སྐྲ་མདོག་ཁམ་པ་སོགས་བཤད་ཚུལ་སྣ་ཚོགས་བྱས་པ་མཐོང་ཡང་དངོས་དོན་སྐྲ་རིང་པོར་བཞག་ཚེ་ཚོམ་ཚོམ་ནས་གཅུས་ཤིང་བསྒྲིམ་པ་ལྟར་གྱུ…

གང་ལ་ཡང་འཇིགས་པ་མེད་ལ་སྦྱིན་པ་གཏོང་བའི་ངང་ཚུལ་ཅན་ནོ། །འདི་མི་བསྐྱོད་པའི་རིགས་ཡིན་ལ་གཞན་བཞི་ཀར་ཡང་དོན་གྲུབ་སོགས་གོང་བཤད་ལྟར་ཤེས་པར་བྱའོ། །རི་དྭགས་ཀྱི་རིགས་ནི་པདྨའི་དྲི་དང་ལྡན་ཞིང་མགྱོགས་པར་འགྲོ་བ་དང་ལྡན་པ་དང་མི་བརྟན་པར་འགྱུར་བར་བྱེད་པ་ཡིན་ཞིང་ལུས་དང་སེམས་ཡང་བའི་སྤྱོད་ཡུལ་ཅན་བསྐྱོད་སླ་བ་དང་། དཔེར་ན་རི…

མ་ཚིམ་བར་དུ་དངོས་གྲུབ་སྦྱིན་པར་མི་འགྱུར་ལ། འདོད་པའི་སྒྱུ་རྩལ་དང་ལྡན་པའི་རྡོ་རྗེའི་མཆོད་པས་ཤིན་ཏུ་ཚིམ་པར་བྱས་ན་དངོས་གྲུབ་རྒྱ་ཆེན་པོ་སྦྱིན་པར་འགྱུར་བ་དེའི་ཕྱིར་འཇིག་རྟེན་པའི་དངོས་གྲུབ་ཀྱི་དོན་དུ་འདོད་པའི་བསྟན་བཅོས་ཤེས་པར་བྱའོ་ཞེས་པ་ནི་ངེས་པའོ། །དེ་ནས་ཕོ་ཉ་མོ་དྲུག་གི་རིགས་གསུངས་པ། མཛེས་མ་ཞེས་བྱ་བ་དང་། …

མངར་ལ་ལྷག་པར་སྲེད་པ་ཅན་ནོ། །དེ་ལྟར་རབ་མཆོག་ས་ཡི་སྟེང་དུ་རིགས་དྲུག་གི་ཕྱག་རྒྱ་མ་དེ་དག་རྣལ་འབྱོར་པ་ཡིས་གནས་དང་ཉེ་གནས་ལ་སོགས་པར་སྙོམས་འཇུག་གིས་མཆོད་པར་བྱའོ། །རིགས་དྲུག་གི་ཕོ་ཉ་མོ་དེ་བཞིན་དུ་གཞན་དུ་ཙརྩི་ཀ་ལ་སོགས་པ་རྣམས་དང་། འདོད་མ་དང་ཕྱིར་འདོད་མ་ལ་སོགས་པའི་རང་བཞིན་རྣམས་ནི་སྒྲུབ་ཐབས་ལེའུར་འཆད་འགྱུར་ལྟར་ས…

སྔགས་པ་རྣམས་ལ། རྣལ་འབྱོར་མ་རྣམས་ཀྱིས་དངོས་གྲུབ་སྦྱིན་པར་འགྱུར་རོ། །དེའི་ཕྱིར་ཕྱག་རྒྱ་མ་གང་སུ་ཡང་རུང་བ་ཆང་འཐུང་བའི་དུས་འདིར་ནི་དཀྱིལ་འཁོར་དང་ཚོགས་ཀྱི་འཁོར་ལོ་མེད་ཅིང་དམ་ཚིག་གི་རྫས་གཞན་ཤ་ལ་སོགས་པ་རྣམ་པར་བྲལ་བ་སྟེ་མེད་ན་ཡང་། བཏུང་པའི་སླད་དུ་ཆང་རབ་ཏུ་ཚོགས་པར་བྱ་སྟེ། རང་གིས་ཀྱང་གསུང་རྡོ་རྗེ་མཆོད་པའི་ཕྱིར…

དང་བ་ལང་དང་གླང་པོ་ཆེའི་ཤ་དང་ལྡན་པ་འདི་དག་གཙང་དམེར་ཞེན་པའི་འདུ་ཤེས་ཀྱི་ཀུན་རྟོག་ངན་པའི་ཉོན་མོངས་པ་རྣམས་ཀྱི་གཉེན་པོ་རྡོ་རྗེའི་དབྱུག་པ་ལྟ་བུ་སྟེ། ཟབ་མོ་སྔགས་ཀྱི་དགོངས་སྤྱོད་མི་ཤེས་པའི་ཕྱུགས་ཀྱི་སྐྱེ་བོ་རྣམས་ལ་འཇིགས་པ་སྦྱིན་པར་བྱེད་པ་ཡིན་པས་འདི་དག་དང་དུ་ལེན་མི་ནུས་པ་ཡིན་ཞིང་། བཤང་གཅི་རྐང་དང་སྒྲོན་མ་ཤ་ལྔ…

མོ་ནི་ཕག་མོ་དང་། ཉ་མོ་གཞོན་ནུ་མ་དང་། ཆུ་སྲིན་མ་ཀ་ར་མོ་ནི་དབང་མོ་དང་། སྦལ་པ་མོ་ནི་ཚངས་མ་དང་། རུས་སྦལ་མོ་ནི་དབང་ཕྱུག་མ་དང་། དུང་མོ་དཔལ་ཆེན་མོ་སྟེ་ཆུ་ལ་སྤྱོད་པ་འབྱུང་པོ་ལས་སྐྱེས་པ་བརྒྱད་དོ། །བསེ་རུ་མོ་ནི་ཤིན་ཏུ་སྟོབས་མ་དང་། སྟག་མོ་ནི་རྨུགས་བྱེད་མ་དང་། དོམ་མོ་རེངས་བྱེད་མ་དང་། ནེ༷་ལེ་མོ་ནི་ང་རྒྱལ་མོའམ་ཁེ…

མའོ། །དེ་བཞིན་རོ་ཡི་ཕུག་རོན་དང་གཞན་པ་གཟུགས་ནི་བྱ་དཀར་ཞེས་བྱ་བ་དང་། དྲིའི་ཙ་ཊ་ཀ་མཆིལ་བ་མོ་དང་། རེག་བྱའི་ངུར་བ་སེར་པོ་དང་ནི་ཆོས་ཁམས་རྡོ་རྗེ་མའི་ངང་པ་སྐྱ་བོ་དང་དྲུག་གོ། དཔལ་ལྡན་ཙ་མུན་ཏྲཱི་སོགས་རྣལ་འབྱོར་མ་བརྒྱད་ནི་ཙ་མུན་ཏྲིའི་ཁྲུང་ཁྲུང་མོ་དང་། ཁྱབ་འཇུག་མའི་ཁུ་བྱུག་མིག་ཅེས་པ་ཁུ་བྱུག་ཆེན་པོ་ཞེས་བཤད་པ་དང་…

ལྷ་མིན་མོ་རྣམས་ཀྱི་དམ་ཚིག་གི་རྫས་བརྒྱད་ནི། ཁྱི་གདོང་མ་འདྲེ་བྱ་མིག་སྔོན་དང་། ཕག་གདོང་མ་ཡི་དཔལ་ལྡན་ཙ་ཀོ་ར་ཞེས་པ་ཟླ་བའི་བདུད་རྩི་འཐུང་བའི་རྒྱུ་མཚན་གྱིས་དུག་ཞི་བར་བྱེད་པའི་བྱ་ཞིག་ཡིན་ལ་ཀུ་མུ་དའི་ཆུ་འཐུང་བའི་བྱ་སྐྱ་ག་འདྲ་བ་ཞིག་རྒྱ་གར་ན་ཡོད་ཅེས་ཐར་ལོས་གསུངས་པ་དེ་དང་། གཞན་དག་གོང་མོ་ལ་བཞེད་དེ་དེས་ཀྱང་རུང་བ་…

མཚོན་ནས་བསྟན་པ་འདྲའོ་སྙམ་མོ། །དེ་ལྟར་སུམ་ཅུ་རྩ་དྲུག་རིགས་ཀྱི་དབྱེ་བས་ས་ཡི་སྲིད་པ་འདི་ལ་གནས་པའི་ས་ལ་སྤྱོད་པ་དང་མཁའ་ལ་སྤྱོད་པ་རྣམས་ཀྱི་རིགས་སུ་གྱུར་པའི་དམ་ཚིག་སྟེ་གོང་བཤད་དམ་ཚིག་ས་སྤྱོད་མཁའ་སྤྱོད་སོ་དྲུག་བསྡོམས་པས། དམ་ཚིག་བདུན་ཅུ་རྩ་གཉིས་པོ་དེ་ཡི་ཤ་མཐའ་དག་རྣམས་ནི་མཆོད་པའི་དུས་སུ་རྣལ་འབྱོར་པ་ཡིས་བཟའ་བར…

མཆིན་པའང་ཟེར། རྣག་དང་ཁམས་སྣ་ཚོགས་པའི་ལུས་ལ་གནས་པ་ཁྲག་དང་། རྔུལ་དང་། ཚིལ་བུ་དང་། མཆི་མ་དག་དང་། མཆིལ་མ་དང་། སྣབས་དང་། དྲི་ཆུ་དང་། ཆུ་སེར་དང་། སྣུམ་ཞག་དང་། ལུས་ཀྱི་སྣ་ཚོགས་པའི་ཁམས་ལ་གནས་པའི་ཁ་དོག་སྣ་ཚོགས་དང་། དྲི་སྣ་ཚོགས་དང་། བཤང་བ་དང་། ལྕེ༷་དང་མིག་དང་རྣ་བ་དང་། སྣ་དང་རི་བོང་ཅན་ཁུ་བ་དང་བཅས་པ་དང་། ཉིན་བྱ…

ཆོས་རྣམས་ཀྱང་ཡིན་ནོ། །དེ་བཞིན་དུ་གཞི་དུས་སུ་སུམ་ཅུ་རྩ་དྲུག་ཁམས་ཀྱི་དབྱེ་བ་མཐའ་དག་ལུས་ལ་གནས་པའི་ཐབས་ཤེས་ཀྱི་རིགས་སོ་དྲུག་དང་དེ་དག་གི་མཚན་མ་སོ་དྲུག་དང་ཕྱག་རྒྱ་སོ་དྲུག་དང་། སུམ་ཅུ་རྩ་དྲུག་གི་རིགས་ཀྱི་རྣལ་འབྱོར་རྒྱུད་ནི་ས་གཞི་དག་ལ་གནས་པ་རྣམས་ཏེ་ཀ་རྡོ་རྗེ་ལ་སོགས་པའི་རྒྱུད་ཀྱི་རིགས་སོ་དྲུག་གོ། འདིར་ནི་དེ་…