གཞིའི་མིང་ཅན་ས་མཐིལ་ལ་ཉེ་བར་ཁྲོ་བོ་གནོད་མཛེས་ཀྱི་གདན་ བྱའོ། །གལ་ཏེ་ཁང་བརྩེགས་ཀྱི་ནང་དུ་འཁོར་ལོ་རྩིབས་བཅུ་པ་ཡང་སྒོམ་ན། ཁང་བརྩེགས་འོག་མ་དང་བར་མ་གཉིས་ཀའི་ཐོག་གི་དབུས་སུ། ཁང་པའི་ཐོག་རྒྱའི་སུམ་ཆའི་ཚད་ཙམ་གྱི་མཐོངས་ཀ་ཟླུམ་པོ་བྱ། མཐོངས་ཀ་གཉིས་ཀྱི་བར་དུ་འཁོར་ལོའི་ལྟེ་བ་ཟླུམ་པོ་དང༌། བར་ཁང་གི་དབུས་སྐེད་མཚམས་དྲ…

འཕྲོ་བ་སྣ་ཚོགས་ཆུ་སྐྱེས་ཉི་མའི་སྟེང་དུ་དཀྱིལ་འཁོར་སྣ་ཚོགས་མདོག་ལ་ནི། །ཞབས་གཉིས་དག་གིས་འབྱུང་པོའི་མགོན་པོ་ལྷག་པའི་སྟོབས་ཀྱིས་མནན་ཅིང་གཡས་བརྐྱང་སྟབས་ཀྱིས་ཡང་དག་ གནས། །ཞེས་གསུངས་པ་ལྟར་ཏེ། དེ་ལ་རྒྱུད་ཚིག་འདི་ཁོ་ནའི་འགྲེལ་པར་ཧཱུཾ་དང་རྡོ་རྗེ་ལས་བསྐྱེད་པ་ཡང་བཤད་ཅིང༌། དེ་ནི་སྒྲུབ་ཐབས་ལོགས་པའི་དབང་དུ་བྱས་པ་ཡ…

གནོན་པ་ནི། དཀྱུས་ཀྱི་རྣལ་འབྱོར་ལ་ཡིན་གྱི། འགའ་ཞིག་གི་འདོད་པ་ལྟར་འབྱུང་པོ་སྒྲུབ་པ་ཁོ་ནའི་སྐབས་མ་ཡིན་ནོ། །ཡང་སྒྲུབ་ལེའུ་བརྒྱ་སོ་གཅིག་པ་དང་སོ་གཉིས་པར། རྡོ་རྗེ་འཇིགས་བྱེད་ཐོད་པ་ཅན་གྱི་སྒྲུབ་ཐབས་གསུངས་པ་ན་འདི་སྐད་ཅེས། ཕྱོགས་ནི་ལྷག་པ་ལས་བྱུང་བུང་བ་དང་ནི་གསེར་དང་མཚུངས་པ་གཡས་དང་གཅིག་ཤོས་དག་གིས་ནི། ཕུང་པོའི་…

ཉིད་ཀྱི་གདོང་སྟེ་མགོ་བོ་ཕྱག་གཡོན་པ་ན་གནས་པའོ། །ཉོན་མོངས་པའི་བདུད་བཅོམ་པའི་ལྷག་མ་ཆ་ཙམ་ནི། ཡི་དྭགས་ཞབས་འོག་ཏུ་བསྒྱེལ་བར་བཤད་པའི་ཡི་དྭགས་ནི། རྡོར་ཤུགས་ཉིད་ཀྱི་སྐབས་སུ་ཡི་དྭགས་ཀྱི་དབང་པོ་གཞན་གྱིས་མི་ཐུབ་པ་ལ་བཤད་པའི་ཉིད་ཡིན་པས། ཉོན་མོངས་བདུད་ཅེས་པ་སྐབས་གཞན་དུ་དྲག་པོ་དང་འདོད་ལྷ་ལ་ཟེར་བའི་ཁ་སྐྱུགས་འདིར་འཁྱ…

ནང་གི་ཚངས་མགོ་དང༌། ལྷ་མིན་དབང་པོའི་ཐོད་ཁྲག་ཕྱག་གཡོན་གཉིས་པ་ན་འཛིན་པའི་ཐོད་ཁྲག་དང༌། ཞབས་འོག་ཏུ་མནན་པ་ཡང་དྲག་པོ་འདོད་ལྷ་གཉིས་ཁོ་ནར་ནན་གྱིས་སྒྲུབ་པའི་ཉེས་བཤད་ཀྱི་འཕྲེང་བ་རིང་པོར་སྤེལ་བ་དེ་དག་ནི་རིགས་ལྡན་ཀུན་མཁྱེན་ཆེན་པོའི་ལེགས་བཤད་ལ་ཕྲག་དོག་གི་དབང་གིས་རྒྱུད་འཁྲུགས་ཤིང༌། རང་ཉིད་བག་ཙམ་མོས་ཕྱོགས་ཡོད་པའི་མ…

སངས་རྒྱས་ཀྱི་སྤྲུལ་པ་སྨད་འཚོང་མར་བསྟན་པ་དེས། ཚུལ་དེ་བཟུང་བའི་ཕྱིར་ཆགས་བྲལ་གྱི་ཆོས་སྟོན་པ་པོ་དང༌། རབ་ཏུ་བྱུང་བ་རྣམས་ཀྱི་མཁན་པོ་དང༌། སློབ་དཔོན་བྱེད་པར་ནམ་ཡང་མི་འགྱུར་རོ། །གང་དག་སངས་རྒྱས་རྣམས་དགྲ་བཅོམ་པའི་ཚུལ་བཟུང་ནས་སེམས་ཅན་གྱི་དོན་བྱེད་པ་དེས་ནི། སྐུ་དེས་མཚོན་ཆ་ཐོགས་ནས་གཡུལ་དུ་ཞུགས་ཏེ་གདུག་པ་ཅན་གསོད་པ…

ཚོད་བཟང་ངན་ནི་མེད་དེ་ཐམས་ཅད་སྒྲུབ་པ་པོ་རང་གི་སེམས་ཉིད་ཀྱིས་བསྡུས་པའི་ཕྱིར་རོ། །དེ་དག་ནི་རྣལ་འབྱོར་པ་རང་གི་ཡིད་ལ་ཤར་བའི་ཏིང་ངེ་འཛིན་གྱིས་སྤྱོད་ཡུལ་གྱི་གཟུགས་ཙམ་ཡིན་པས། དངོས་གནས་ལ་སངས་རྒྱས་དང་བྱང་ཆུབ་སེམས་དཔའ་གང་ཡང་མ་ཡིན་ ནོ། །འཇིག་རྟེན་ལས་འདས་པ་ཡང་མ་ཡིན་ཏེ། འཁོར་བ་པའི་སེམས་ཀྱི་སྣང་བརྙན་ཡིན་པའི་ཕྱིར་ར…

སྣང་བ་ཐམས་ཅད་རང་སེམས་གཅིག་པུ་ལས་མ་འདས་པར་འཇོག་དགོས་པའི་ཕྱིར། འཇིག་རྟེན་པའི་ལྷར་འགྱུར་བ་ལ་རང་སེམས་ཀྱི་སྣང་བ་མ་ཡིན་པ་མི་དགོས་སྙམ་ན། འདིར་འཆད་པ་རྣམས་འཇིག་རྟེན་ཀུན་རྫོབ་ཀྱི་བདེན་པ་དང་བསྟུན་དགོས་ཀྱི། ཕྱི་རོལ་དོན་འགོག་གི་རིག་པ་སོགས་བརྟགས་དོན་འཚོལ་བྱེད་ཀྱི་རིག་པ་དང་བསྟུན་པ་མི་དགོས་སོ། །སྤྱིར་རིག་པ་དེ་དང་བས…

ཐོབ་པའི་དཀྱིལ་འཁོར་གྱི་ལྷ་ཚོགས་དེ་དག་ཐམས་ཅད་རྒྱུད་གཅིག་པའི་རྣམ་གཞག་གཙོ་ཆེ་ཡང་ཐུན་མོང་མ་ཡིན་པ་གསང་བ་ལས་བཤད་པ་ལྟ་བུ་རྒྱུད་ཐ་དད་པར་བཤད་པའང་ཡོད་དམ། ཡང་འཁོར་ཚོགས་གཞན་ཐམས་ཅད་གཙོ་བོས་སྤྲུལ་པ་ངེས་པར་ཡིན་པ་རྣམས་ལའང་དཀྱིལ་འཁོར་འདིའི་དབང་དུ་བྱས་ན་རིགས་དང་རིགས་ཅན་གྱི་སྤྲུལ་པའི་རིམ་པ་རྣམས་ཀྱང་མ་འཚོལ་བར་བྱུང་བ་ཡི…

ལ་གནས་པ་ཙམ་ཡིན་མོད། རེ་རེ་བཞིན་རྒྱུད་དུ་གྲུབ་པ་ཙམ་ཡང་མེད་པའི་ཕྱིར་རོ། །སྒྲུབ་པ་པོའི་རྒྱུད་གཅིག་པོས་བསྡུས་པ་ཡིན་ཡང་གང་ཟག་གཅིག་ལ་དུས་གཅིག་ཏུ་ཡིད་ངོར་ཤར་བའི་ལྷ་མཉམ་པོ་ལ་མོས་པ་སྦྱོར་ཚུལ་མ་གཏོགས་དངོས་གནས་ལ་གཙོ་བོས་འཁོར་སྤྲུལ་པ་ལ་སོགས་པ་མི་འཐད་དོ། །དེ་བཞིན་དུ་དོན་དམ་ལ་ཡང་ཆོས་ཉིད་ཡེ་ཤེས་ཀྱི་ཨཱ་ལི་ཀཱ་ལི་དང༌…

བཞིན་གཅིག་སྐྱེས་གཉིས་སྐྱེས་སུ་བྱུང་བ་ཡིན་གྱི། ཡུལ་སྣང་སྐད་ཅིག་མ་སྔ་མ་ལས་ཡུལ་སྣང་སྐད་ཅིག་མ་ཕྱི་མ་བྱུང་བ་ནི་མ་ཡིན་པས་སྒོམ་ཆེན་པ་མང་པོ་དག་རྟོག་པ་ལ་རྗེས་འཐུད་མེད་པར་འདོད་པ་ཡང་དོན་འདིའི་སྒོ་ནས་འཐད་པ་ཡིན་ནོ། །དེས་ན་སྒྲུབ་པ་པོས་དངོས་སུ་བསྒོམས་པའི་དཀྱིལ་འཁོར་དེ་ནི་རང་གཅིག་པུའི་སེམས་ཀྱི་སྣང་བ་ཡིན་པས། ལྷ་ཚོགས…

པས་བསྒོམས་པའི་རྡོ་རྗེ་ཤུགས་ལ་སྒྲིབ་པའི་ལྷག་མ་དངོས་གནས་ལ་ཡོད་མེད་དང༌། ཚུལ་སྟོན་ཡིན་མིན་སོགས་ཀྱི་དགག་སྒྲུབ་མཐའ་ཡས་པ་བྱུང་བ་རྣམས་འདི་ལའང་རྗེས་སུ་བརྗོད་པ་ཡོད། དེས་ན་ངན་པའི་མུན་པས་ཁྱབ། ཅེས་པ་དེའོ། །དེས་ན་ཡང་དག་པའི་དུས་ཀྱི་འཁོར་ལོ་དང༌། རྡོ་རྗེ་འཇིགས་བྱེད་དང༌། རྡོ་རྗེ་ཤུགས་སོགས་དཀྱིལ་འཁོར་གྱི་ལྷ་ཚོགས་ཐམས་ཅ…

གཞན་དོན་གྱི་འཕྲིན་ལས་སྣ་ཚོགས་སྒྲུབ་པ་ལ། ཕྱག་ཉེར་དྲུག་པ་བསྔགས་པའི་དོན་ཏེ་གསད་བསྐྲད་རྨོངས་རེངས་དང་དཔའ་བོའི་རིམ་པ་ལ་ངེས་པ་ཁོ་ནའོ། །དེའི་ཤུགས་ལས་མ་དག་པའི་འགྲོ་བའི་དོན་སྤྱོད་པ་ལ་སྤྲུལ་པའི་སྐུ་བསྔགས་པ་བསྟན་མོད། སྤྱིར་ནས་ལོངས་སྐུ་དང་སྤྲུལ་སྐུ་གཉིས་ཀར་རྣམ་པ་ཐམས་ཅད་པའི་སྐུ་ཡིན་ཞིང༌། འདིར་སྐབས་སུ་བབ་པ་དུས་འཁོ…

ནས་དཔྱད་པ་བྱ་དགོས་ཀྱི་ཚིག་ཙམ་ལ་སྙིང་པོ་མེད་དེ། དཔལ་དུས་འཁོར་ཉིད་ཀྱང་རང་སྣང་དུ་སངས་རྒྱས་ཀུན་འདུས་ཀྱི་ཡེ་ཤེས་དང༌། གཞན་སྣང་དུ་སངས་རྒྱས་ལོངས་སྐུ་དང༌། སྤྲུལ་སྐུ་དང༌། ས་བཅུ་པ་སོགས་དཀྱིལ་འཁོར་གཅིག་ཉིད་དུའང་སྣ་ཚོགས་སྟོན་པར་འགྱུར་ལ། དེའི་ཚེ་རྒྱུད་གཅིག་ཀྱང་སྤྲུལ་པ་སྤྲུལ་གཞི་ཐ་དད་ཡིན་པས། རྣམ་པ་ཀུན་ཏུ་གཅིག་ཁོ་ན…

རེ་ཤིག་དེ་གཉིས་སངས་རྒྱས་ཁོ་ནར་བྱ་ལ། ཁྲོ་བོའི་དབང་པོ་རྡོ་རྗེ་ཤུགས་ནི་རྡོ་རྗེ་སེམས་དཔའི་རིགས་ཀྱི་ཁྲོ་བོར་གྱུར་པས་རིགས་ཐམས་ཅད་པ་ཉིད་ཀྱི་ཕྱིར་དང༌། སངས་རྒྱས་དང་ཁྲོ་བོའི་ཆ་བྱད་གཉིས་ཀར་འཛིན་པ་སྟེ། སངས་རྒྱས་ཁྲོས་པའི་ཧེ་རུ་ཀ་ཡང་ཡིན་ལ། བྱང་ཆུབ་སེམས་དཔའ་ཁྲོས་པའི་ཁྲོ་བོའི་སྡེ་ཚན་ལ་ཡང་གཏོགས་པས། རྡོར་སེམས་དང་ཀུན་…

མེད་དེ། འཇམ་དཔལ་གྲགས་པ་ཚུལ་སྟོན་ལ་བྱང་ཆུབ་སེམས་དཔའ་ཡིན་ཡང་བསྡུས་རྒྱུད་སྟོན་པ་པོ་ཡིན་པའི་ཕྱིར་རོ། །དེས་ན་རྡོ་རྗེ་སྙིང་འགྲེལ་གྱི་མཆོད་བརྗོད་དུ། ཉོན་མོངས་ཤེས་བྱ་བསྡུས་དང་སྦྱར་བ་བྲང་འགྲོ་ཕྱག་རྒྱ་སྟག་གི་པགས་པ་ཡིས། གང་ལ་བདུད་སོགས་སྒྲིབ་རྣམས་ཆ་ཙམ་ལྟ་བུ་སེམས་ཅན་དོན་དུ་བརྒྱན་དེ་ལ། །ཞེས་འབྱུང་བ་ནི། སེམས་ཅན་དོ…

ཕྱིར་ཁས་བླངས་དགོས་ཏེ་སྤྱིར་ཆོ་ག་དང་སྒྲུབ་ཐབས་ཀྱི་སྒོ་ནས་རྡོ་རྗེ་ཤུགས་དང་རྡོ་རྗེ་འཇིགས་བྱེད་ཐ་དད་དུ་བྱེད་དགོས་པའི་གནས་སྐབས་ཅུང་ཟད་ཡོད་ཀྱང་ཆོ་གའི་གནས་སྐབས་ཕལ་ཆེར་དུ་གཅིག་པར་བྱ་སྟེ། རྗེ་ཕྱོགས་པ་ཉིད་ཀྱིས་ཀྱང་ཡེ་ཤེས་འཁོར་ལོ་རྡོ་རྗེ་ཤུགས་ཀྱིས་བཀུག་པའི་སྐབས་ཨོཾ་བཛྲ་བྷཻ་ར་བ་ཨ་ཀརྵ་ཡ་ཛཿ ཞེས་རྡོ་རྗེ་འཇིགས་བྱེད…

ཕྱོགས་པ་གཉིས་དགོངས་པའི་གཏད་མཚམས་ལ་འགལ་བ་མི་འདུག་མོད། གནས་སྐབས་བརྗོད་ཚུལ་ཐ་དད་དུ་བྱུང་བ་སྔ་མའི་གསུང་བཞིན་སྐྱོང་དགོས་ཏེ། ཕྱོགས་དང་སྒོ་ཐམས་ཅད་ནས་ཚད་མར་གྱུར་པ་དང༌། ཤིང་རྟའི་སྲོལ་འབྱེད་ཉིད་ཡིན་པའི་ཕྱིར་རོ། །དེ་ལ་དཀྱིལ་འཁོར་གྱི་ལྷ་ཚོགས་རྣམས་ཀྱང་ཚུལ་སྟོན་ཐ་སྙད་ཀྱི་ཚུལ་གྱིས་གཙོ་བོ་སངས་རྒྱས་ཀུན་འདུས་དང༌། གཤེ…

སྒྲུབ་རྩོད་པ་མང་པོ་དེ་རྣམས་བརྒལ་ལན་གྱི་སྤྲོས་པ་མི་དགོས་པར་དབྱིངས་སུ་ཞི་འགྲོ་བའི་ཕྱིར། ཅུང་ཟད་ཞིབ་ཏུ་བཤད་པ་ཡིན་གྱི། ད་ནི་ཤིན་ཏུ་སྤྲོས་པས་ཆོག་གོ ། དམིགས་པའི་རིམ་པ་རྣམས་དཀྱུས་ཀྱིས་གསལ་ལ་རྡོ་རྗེ་ཤུགས་ཀྱི་སྐུ་མདོག་ནི་མཐིང་ནག་ཏུ་བྱ་བ་ཡིན་ཏེ། དུས་འཁོར་དུ་སྔོན་པོ་དང་ནག་པོ་ཁམས་ཐ་དད་པའི་དབང་གིས་ཐ་དད་དུ་བཞག་པ་…

མགུལ་རྒྱན། སྐེ་རགས། ཕྱག་གདུབ། ཞབས་གདུབ། སྤྱི་བོའི་ནོར་བུ་ཐལ་བ་སྟེ་རྣམ་གྲངས་བདུན་བྱུང་ནའང༌། ལག་གདུབ་རྐང་གདུབ་གཅིག་ཏུ་བསྡོམས་པས་ཕྱག་རྒྱ་དྲུག་གོ །དེ་དག་ཕར་ཕྱིན་དྲུག་དག་པ་སྟེ། གཙུག་གི་ནོར་བུ་སྦྱིན་པ། རྣ་རྒྱན་བཟོད་པ། གདུབ་བུ་ཚུལ་ཁྲིམས། མགུལ་རྒྱན་བརྩོན་འགྲུས། སྐེ་རགས་བསམ་གཏན། ཐལ་ཆེན་ཤེས་རབ་ཅེས་བྱ་བའམ། ཡང་…