དེ་ཡན་ཆད་སྙིང་ག་ལ་སྦྱར་བ་ཡིན་ནོ། །ཟླ་བ་ལྔས་དྲུག་པ་དེ་དག་ལ་སྙིང་གའི་རྩ་འཁོར་ཀྱི་འོག་ཕྱོགས་སུ་སྔ་མ་གསང་འཁོར་ཆགས་པ་དང་གཉིས་པོའི་བར་ལ་བར་ཤུན་གྱི་ཚུལ་གྱིས་ལྟེ་བའི་འཁོར་ལོའི་རྩ་ཆགས་ཤིང་གཉིས་ཀའང་བར་མཚམས་བྱེ་ནས་འོག་ཕྱོགས་སུ་ཅུང་ཟད་ཐག་རིང་བར་སོང་ཞིང༌། ཁྱད་པར་དུ་ཡང་ལྟེ་བའི་རྩ་འཁོར་ནི་འདབ་མ་བཅུ་གཉིས་ཡིན་པར་མངོ…

རླུང་རྣམས་ལྟེ་བ་ནས་སྐྱེ་ཞིང་མགྲིན་པར་ཕྱིན་པ་ན། ངག་ཚིག་སྨྲ་བའི་ནུས་པ་གསལ་བར་བྱེད་དོ། །དེ་དག་ལས་ལྟེ་བའི་ནང་སྐོར་གྱི་རྩ་བརྒྱུད་ནི། རྣལ་འབྱོར་མ་བརྒྱད་དང༌། ཕྱི་སྐོར་འདབ་མ་དྲུག་ཅུ་རྩ་བཞི་ནི། འདབ་མ་ལ་གནས་པའི་རྣལ་འབྱོར་མ་དྲུག་ཅུ་རྩ་བཞིའོ། །ལྟེ་བ་དང་མགྲིན་པ་སྡེབ་པས་ངག་གི་བརྗོད་པ་འབྱུང་བའི་ཕྱིར་གསུང་གི་དཀྱིལ་…

སྲེད་པའི་རྟེན་འབྲེལ་ཞེས་བྱའོ། །གསང་བའི་འཁོར་ལོ་ནི། རྐང་པའི་འཁོར་ལོ་དྲུག་ལ་དབང་སྒྱུར་བ་དང༌། སྤྱི་བོའི་འཁོར་ལོ་ནི་ལག་པའི་འཁོར་ལོ་དྲུག་ལ་དབང་སྒྱུར་བ་ཡིན་ཏེ། སྤྱི་བོའི་རྩ་འདབ་བཅུ་དྲུག་ནི་ཚེས་ཀྱི་སྤྱི་བོ་བཅུ་དྲུག་མཚོན་ལ། གསང་བའི་སོ་གཉིས་ནི་དེ་ལས་ཕྱེ་བའི་ཡར་ངོ་བཅུ་དྲུག་དང༌། མར་ངོ་བཅུ་དྲུག་སྟེ་སོ་གཉིས་ཡིན་…

དང་བ་སྤུ་རྣམས་འགྲུབ་པ་ནི། གྲུབ་པ་དང་འབྱུང་པོའི་ཚོགས་རྣམས་ཀྱིས་སྦྱོང་ངོ༌། །དེ་རྣམས་དཀྱིལ་འཁོར་རྒྱལ་མཆོག་སྐུའི་རྡོ་རྗེའི་རྣལ་འབྱོར་གྱི་ནང་ནས་ཀྱང་སྐུ་རྡོ་རྗེའི་རིམ་པའོ། །འདི་ནི་ཡན་ལག་བསྐྱོད་པའི་རྒྱུ་རྣམས་གྲུབ་པ་སྟེ་ལེན་པའི་རྟེན་འབྲེལ་ལོ། །དེ་ནས་ཟླ་བ་བཅུ་པའི་ངོ་ལ་རླུང་རྣམས་སྣ་སྒོ་ནས་ཕྱིར་མི་འགྲོ་ཡང་ནང་ད…

སྡུད་སྐབས་ཀྱི་ཕྱི་ནང་གི་ནམ་མཁའ་དང༌། རོ་རྐྱང་གི་རླུང་དྷཱུ་ཏཱིར་འདྲེས་པ་ཙམ་ལམ་དུ་བྱེད་ལ། དེ་ནི་སོར་སྡུད་སྤྱི་ལའང་ཚང་མོད་ཀྱི་སྐབས་འདིར་སོར་སྡུད་མཐར་ཕྱིན་ནས་བསམ་གཏན་ལ་བརྩོན་པར་བྱེད་པའི་གནས་སྐབས་ཏེ་རྗེས་ཟླ་བ་ལས་བྱང་ཆུབ་པ་ནི་སོར་སྡུད་ཀྱི་སྐབས་སུ་མཐོང་བའི་ཐིག་ལེའི་དབུས་སུ། སླར་ཡང་མཚན་རྟགས་བཞི་ཤར་ཞིང་འདྲེས་…

འདིར་གྲུབ་པ་ནས་གཟུང་མཐའ་ཡས་པར་འཕེལ་བར་འགྱུར་ཏེ། དེ་ཡང་རྩ་ཤིན་ཏུ་སྦྱངས་པ་ལས་ལོངས་སྐུ་སྣང་ཞིང༌། ལོངས་སྐུའི་སྣང་བ་རེ་རེ་ལ་མཉམ་པར་བཞག་པ་ནའང༌། སྔར་གྱི་ལས་བརྒྱ་འགྱུར་སྟོང་འགྱུར་གྱིས་ལྷག་པའི་རྩ་ལམ་འབྱོངས་ཚུལ་ཡོང་ཞིང༌། རྩ་བའི་ཁྱད་པར་རེ་རེ་བྱང་བས་ཀྱང་ལོངས་སྐུ་རྣམ་པ་ཐམས་ཅད་པ་དེ་ཉིད་གོང་ནས་གོང་དུ་འགྱུར་རོ། །ལོ…

དང༌། དེ་ལྟར་བཤད་པའི་རྩ་རྣམས་དང༌། མ་ངེས་པའི་རྩ་སྣ་ཚོགས་པའི་ལམ་སྦྱངས་ཤིང་མཉེན་ལྕུག་ཏུ་བྱས་པ་ལས་སོ་སོའི་རླུང་རྣམས་དབུ་མར་རང་ཤུགས་ཀྱིས་བབས། དེ་ལས་བྱུང་བའི་ལོངས་སྐུ་རྣམ་པ་ཐམས་ཅད་པ་འབྱུང་བ་འགྱུར་བ་ནི། སྐབས་འདིར་གྲུབ་པ་འབྱུང་པོ་འདོད་ཕྱིར་འདོད་ཀྱི་བར་བསྒོམས་པས་སྨིན་པར་བྱེད་དེ་གཡོ་མེད་བདེ་བའི་ཡན་ལག་ཡིན་ལ། བས…

ཁང་པ་དང༌། མཆོད་པའི་བཀོད་པས་ཉེ་བར་བརྒྱན་པའི་ཞིང་ཁམས་དོན་དམ་པ་དེར་ཟླ་བས་མཚོན་པ་མེ་ལོང་ཡེ་ཤེས་རྣམ་པར་སྣང་མཛད་དང༌། ཉི་མ་མཉམ་ཉིད་ཡེ་ཤེས་རིན་ཆེན་འབྱུང་ལྡན་དང༌། ཧཱུཾ་ཡིག་སོར་རྟོག་ཡེ་ཤེས་སྣང་བ་མཐའ་ཡས་དང༌། གཅིག་ཏུ་འདྲེས་པ་ཧི་ཡིག་དང་བཅས་པ་བྱ་གྲུབ་ཡེ་ཤེས་དོན་ཡོད་གྲུབ་པ་དང༌། སྐུ་ཡོངས་རྫོགས་ཧཾ་ཡིག་དང་བཅས་པ་ཆོས་ད…

ཤིང༌། རོ་མཉམ་གཅིག་པུ་མཁའ་ཁྱབ་ཀྱི་ཡེ་ཤེས་ནི་སྐུ་ལུས་དང༌། ཞབས་གཡས་པ་ཐབས་ལ་མཁས་པས་བདུད་བཞི་བཅོམ་ཞིང༌། གཡོན་པ་དེ་ཉིད་གཟིགས་པའི་མཁྱེན་པས་ཉོན་མོངས་བཞི་བཅོམ་པའོ།། ཕ་རོལ་ཏུ་ཕྱིན་པ་བཅུ་ནི་ནུས་མ་བཅུ་སྟེ་རེ་རེ་བཞིན་ཕྱི་ནང་གི་དུས་སྦྱོར་བཅུ་གཉིས་འགགས་པས། ཞལ་བཞི་ཕྱག་བརྒྱད་དེ་བསྡོམས་པས་བཅུ་གཉིས་དེ་ཐམས་ཅད་སྐུ་བཞིའི…

རྟེན་ལས་འདས་པ་དང༌། རྣལ་འབྱོར་མ་དང་ལྷ་སོགས་འཇིག་རྟེན་པ་སྲིད་པ་གསུམ་ན་གནས་པ་ཀུན་ཏུ་སྤྲུལ་ནས། སེམས་ཅན་ཐམས་ཅད་ཀྱི་དོན་སྤྱོད་པའོ། །ཡང་ན་སངས་རྒྱས་གཞན་གྱི་རྗེས་ཆགས་ལས་མཆོག་གི་སྤྲུལ་སྐུ་ཐུན་མོང་མ་ཡིན་པ་ཁ་སྦྱོར་གྱི་རྣམ་པར་སྤྲུལ་པ་ནི། མངོན་བྱང་ལྔ་ལས་གཙོ་བོ་ཡབ་ཡུམ་བསྐྱེད་པ་དང༌། ཆགས་ཆེན་གྱིས་འདུལ་བའི་གདུལ་བྱ་རྣ…

ལས་གསལ་ཁ་མེད་ཅིང་གཞན་གྱིས་བཤད་པའང་མེད་པའི་ཕྱིར་རེ་ཞིག་བཞག་གོ །ཞེས་པ་དཔལ་དུས་ཀྱི་འཁོར་ལོའི་བསྐྱེད་རིམ་རྣམ་པར་བཤད་པ་ལས། བརྟེན་པ་ལྷ་བསྐྱེད་པ་ལས་བརྩམས་ནས་དཀྱིལ་འཁོར་རྒྱལ་མཆོག་བཤད་པའི་སྡེ་ཚན་ཏེ་དྲུག་པའོ།། །།གཉིས་པ་གསུང་རྫོགས་པ་ཉེར་སྒྲུབ་ཀྱི་ཡན་ལག་ལས་རྒྱལ་མཆོག་ནི། ཉེར་སྒྲུབ་ཀྱི་ངོ་བོ་ལ་དཔྱད་པ། རྣམ་པ་ཉི་ཤུ…

འབྱོར་གཙོ་ཆེ་ཤོས་སུ་འགྱུར་བའི་རྒྱུ་མཚན་ཅི་ཞེ་ན། ལུས་མེད་ན་ནི་དངོས་གྲུབ་མེད། །ཅེས་པ་དང༌། ལུས་མེད་ན་ངག་དང་བདེ་བ་མེད་པའི་རིག་པས་བསྒྲུབ་བྱ་བསྐྱེད་པའི་རིམ་པའི་བསམ་གཏན་གྱི་དཀྱིལ་འཁོར་སྐུ་རྡོ་རྗེའི་རྣམ་པ་གཙོ་ཆེ་བའི་ཕྱིར། དེའི་ལྡོག་པ་ལས་སྐུའི་ལམ་རིམ་གཙོ་བོར་འཇོག་གོ །བསྙེན་པ་ནི་ཉེ་བའི་དོན་ཏེ། གང་གི་དྲུང་དུ་ད…

ནི། སྟོང་ཉིད་ཉི་ཤུ་རྟོགས་པའི་ཡེ་ཤེས་རླུང་རྣམ་པར་དག་པས་རབ་ཏུ་ཕྱེ་བ་དེ་ཡིན་ལ། ལམ་ནི་བསྐྱེད་རྫོགས་གཉིས་ཀར་ལ་རླུང་དག་པའི་རིམ་པ་ཉི་ཤུ་ཡིན་ཞིང༌། སྦྱང་བྱ་ནི་གནས་ཀྱི་སྒོ་ནས་སྲོག་སོགས་རླུང་བཅུ་དང༌། རྒྱུ་བའི་སྒོ་ནས་གཡས་གཡོན་གྱི་དཀྱིལ་འཁོར་བཅུ་སྟེ་ཉི་ཤུའོ། །བསྐྱེད་རིམ་གྱི་སྐབས་འདིར་རྗེ་ཤེར་སེང་པ་ནི་གླུས་བསྐུལ་…

དམ་ཚིག་པའི་དཀྱིལ་འཁོར་བཞེངས་པ་དང༌། དག་པ་དྲན་པ་དང༌། ཡེ་ཤེས་དགུག་གཞུག་དང༌། དབང་བསྐུར་བ་དང༌། རྒྱས་བཏབ་པ་སྟེ་དྲུག་ལས། དང་པོ་ནི། ལྟེ་བ་དང་གཙུག་ཏོར་གྱི་ཨ་ཝ་དྷཱུ་ཏཱིའི་ལམ་ཞེས་པ་ནས་སྤྲོ་བར་མཛོད་ཀྱི་བར་ཏེ། དེ་ཡང་ལུས་ཀྱི་རྩ་ཨ་ཝ་དྷཱུ་ཏཱི་ལ་ཡི་གེ་ལྔ་པོ་བཀོད། ཡབ་ཡུམ་སྙོམས་པར་འཇུག་པའི་དགའ་བ་བརྩམས་པས། ལྟེ་བ་ན་གནས་…

འདྲེས་པས་ཤིན་ཏུ་དངས་པར་གྱུར་ཏེ་ནག་པོར་སྣང་བ་ནི་མུན་པའི་ཁམས་ཏེ་སྒྲ་གཅན་དང༌། དམར་པོའི་དངས་མ་ལ་དཀར་པོའི་དངས་མ་འདྲེས་པས་ཤིན་ཏུ་དངས་པའི་ཁམས་སེར་པོ་རྐྱང་རྐྱང་པོར་གྱུར་པ་ནི། མེ་སྟེ་དུས་མེ་ཡིན་པས་སྒྲ་གཅན་དཀར་ཆའི་མཚན་ཉིད་དང༌། དུས་མེ་དམར་ཆའི་མཚན་ཉིན་དོ། །དམར་པོ་དང་རྗེས་སུ་འབྲེལ་བ་ནི་ཆགས་པ་ཡིན་ལ། དེ་ཡང་དངས་མར་…

སྒྲ་ཇི་བཞིན་པ་དེ་འཇིག་རྟེན་ཚུལ་དང་འགྲིག་དགོས་ཏེ། གཞན་དུ་ན་ཁྲོ་བོ་སོགས་སྐྱེས་པའི་རྣམ་པ་ཅན་གྱི་ལྷ་རྣམས་ཀྱིས་ཀྱང་ཞུ་བ་གླུས་བསྐུལ་འབྱུང་དུ་རུང་བ་ཐལ་བ་ལས་གང་ནའང་མ་དམིགས་པའི་ཕྱིར་རོ།། དེས་ན་སྐབས་འདིར་བྱང་ཆུབ་སེམས་ཀྱི་ཐིག་ལེ་ལས་སྤྲུལ་པའམ། གདོད་ནས་གྲུབ་པའི་ལྷ་མོ་བཞི་སྐད་ཅིག་གིས་གསལ་བཏབ་ནས། དེ་དག་གཙོ་བོའི་པད…

རང་རང་སོ་སོ་དང་མཉམ་པར་འཇུག་པའི་གྲོགས་ཡིན་པས་སྲིང་མོ་དང་འདྲ་བ་དང༌། ཆོས་སོ་སོ་ཉིད་ཞིག་པའི་རྗེས་ཀྱི་དེ་མ་ཐག་པའི་འབྲས་བུ་དང་ཡང་ལྷན་ཅིག་འཇུག་པས་བུ་མོ་དང༌། ཕྱི་མའི་མུ་མཐར་ཐུག་པའི་བར་དུ་ཆོས་ཉིད་འགྱུར་བ་མེད་པའི་ཕྱིར་ཚ་མོ་དང་འདྲ་སྟེ། མ་སྲིང་བུ་མོ་ཚ་མོ་བཞིར་ཆོས་མཚུངས་པའི་སྒོ་ནས་བརྡ་ཆད་བཞག་པའོ། །དེ་དག་ལ་ངོ་བོའ…

འདིར་དངོས་སུ་ན་གཞི་མཐུན་བསྡུ་བའི་སྒྲ་སྟེ། རྣལ་འབྱོར་ཅན་གྱི་དབང་ཕྱུག་སངས་རྒྱས་ཡང་ཡིན་ལ། རྒྱུ་མཐུན་པའི་འབྲས་བུ་ཡང་ཡིན་པ་ཞེས་སྦྱོར་ཏེ་གཞན་ལའང་རིགས་འགྲེའོ། །དེ་ལ་རྒྱུ་མཐུན་གྱི་འབྲས་བུ་ལྷན་ཅིག་སྐྱེས་པའི་སྐུ་དང༌། རྣམ་སྨིན་གྱི་འབྲས་བུ་ཆོས་ཀྱི་སྐུ་དང༌། སྐྱེས་བུ་བྱེད་པའི་འབྲས་བུ་ལོངས་སྐུ་དང༌། དྲི་བྲལ་གྱི་འབྲ…

ལྟར། ཡེ་ཤེས་ནམ་མཁའི་ཁོངས་སུ་བསྡུས་པའོ། །སྟོང་པའི་དཀྱིལ་འཁོར་ཉམས་མྱོང་ཞེས་པའི་དོན་གྱི་ཁོངས་སུ་འདི་ལྟ་བུ་འདུས་པར་ཤེས་དགོས་ཤིང༌། སྟོང་པའི་དཀྱིལ་འཁོར་ཞེས་པའི་ཚིག་གིས་སྔ་མ་རྣམས་ཀྱི་བདག་གི་དཀྱིལ་འཁོར་ཞེས་པ་དང་མཚུངས་པར་ནམ་མཁའ་དང་ཡེ་ཤེས་ཀྱི་བདེ་བ་ལ་མཉམ་པར་བཞག་པའི་ངང་ནས་ཁམས་དེ་དང་དེའི་ལྷ་ཚོགས་སྤྲོ་བ་དང༌། སྐུ…

ཀྱི་ལྷ་སྤྲོ་བས། བདག་གི་འདོད་པ་བཞིན་དུ་མཛོད་ཅེས་སོགས་འབྲུ་གནོན་པ་ནི། འབྲས་བུ་བཞི་རྣམ་པ་ལམ་ཕྱེད་བསྐྱེད་རིམ་ཕྲ་མོའི་རྣལ་འབྱོར་དང༌། རྫོགས་རིམ་འཛིན་པ་རྗེས་དྲན་སོགས་དང་སྦྱར་ན་འགྲིག་རུང་ཙམ་ཡིན་ཡང༌། འབྲས་བུ་སངས་རྒྱས་ཀྱི་ས་ལ་སྦྱོར་བ་ལ་མི་འགྲིག་ཅིང༌། འདིར་ཡང་རྫོགས་རིམ་སོགས་ལ་ང་རྒྱལ་བྱེད་པ་མ་ཡིན་འབྲས་བུ་སངས་རྒ…