བྱིན་རྟེན་རིགས་སྦྱོར་ཚུལ་སོགས་ལས་བརྩམས་པའི་བཀའ་འདྲི་ཕེབས་ལན་མདོར་བསྡུས་སུ་གསོལ་བ་བཞུགས་སོ།། །།ཨོཾ་སྭ་སྟི་སིདྡྷི་རསྟུ། །སྲས་བཅས་རྒྱལ་བས་བྱིན་རླབས་པའི། །རྟེན་ཅིང་འབྲེལ་འབྱུང་ཡེ་ཤེས་ཀྱིས། །དཔལ་ལྡན་བླ་མ་ཞབས་བརྟན་ཅིང་། །ཕན་བདེའི་ཕྲིན་ལས་རྒྱས་གྱུར་ཅིག །ཅེས་ཤིས་པར་བརྗོད་པའི་ཚིག་གིས་མདུན་བསུས་ཏེ། །སྔ་མར་བྱི…

འདས་པར་གྱུར་ལགས་ཤིང་ཞུ་ལན་གྱི་རིམ་པ་རྨོངས་བློར་གང་དྲན་མཚོན་ཙམ་གསོལ་བ་འདེབས་རྒྱུར། སྤྱིར་རིང་བསྲེལ་ཞེས་པ་དཀོན་ཞིང་རིན་ཐང་ཆེ་བ་དང་སྙིང་པོར་གྱུར་པ་ཞིག་ལ་འཇུག་ཅིང་། དེ་ལ་བྱང་ཆུབ་རྒྱན་འབུམ་གྱི་གཟུངས་ལས་བཞི་དང་། ཆོ་ག་ཞིབ་མོ་ལས་ལྔ་ཞེས་གསུངས་པའི་ཕྱི་མ་ལྟར་ན། ཆོས་ཀྱི་རིང་བསྲེལ་གཟུངས་སྔགས་དང་། ཆོས་སྐུའི་རིང་བ…

ལས་བརྩམས་ཏེ་ལག་ལེན་དང་སྒྲུབ་ཚུལ་སོགས་ཀྱི་བཀའ་འདྲི་སྩལ་བའི་ཐོག་མར་ཡུངས་འབྲུ་ལྟ་བུའི་རིང་བསྲེལ་ཕྱོགས་བསྡུས་སྐབས། རིང་བསྲེལ་རྣམས་ཅོང་ཞི་སོགས་དང་ལྷན་ཅིག་གཏུན་བུ་སོགས་སུ་ཞིབ་པར་བརྡུང་བ་ནི་སྔར་ནས་རྟེན་འདུས་རིལ་བུ་དང་། རིན་ཆེན་རིལ་བུ་སོགས་ཀྱི་སྐབས་ཐམས་ཅད་ཀྱི་ཕྱག་བཞེས་སུ་མཛད། དེ་ལ་ཉེས་པ་ཡོད་མེད་ཀྱི་དཔྱོད་མཁ…

པར་འགྱུར་ན་སྐུ་གདུང་ཞུགས་ལ་ཕུལ་བ་དང་གདུང་རུས་བཏུལ་བ་སོགས་ལའང་མཚུངས་པས་ཧ་ཅང་ཐལ་བར་འགྱུར་རམ་སྙམ་པ་ཤར། སྤེལ་གཞི་རིགས་མཐུན་བློ་གྲོས་ཀྱིས་དཔྱད་ནས་གཏོང་བ་མ་གཏོགས་དམིགས་བསལ་གྱི་ཁུངས་མི་སྣང་བས། གངས་ཏིག་ནི་བྱང་ཆུབ་སེམས་དཔའི་རིང་བསྲེལ་ཞེས་བཤད་པས་གཙོར་བྱས། དེ་སྟེང་ཅུ་གང་། ཅོང་ཞི། མཆོད་རྟེན་གྱི་སྐུ་དཀར་སོགས་དང་…

བསྟིམ་པའི་ཚེ་རྫས་ལའང་བསྟིམ་པའི་དམིགས་པས་ཁྱབ་པར་བྱས། རྗེས་སུ་བརྟེན་བཞུགས་སྐབས་བསྟིམ་པའི་ཡེ་ཤེས་པ་བརྟན་པར་མོས་པ་ཙམ་གྱིས་ཀྱང་ཆོག་པར་མ་ཟད། བྱིན་རླབས་ཀྱི་རྒྱུན་སྤེལ་བ་སྟེ། དཔེར་ན་བུམ་ཆུ་ཞལ་གསོས་པ་ལྟ་བུ་ཡིན་པས་དམིགས་བསལ་གྱི་སྒྲུབ་པ་མ་བྱུང་ཡང་སྦྱོང་ཁྲུས་དང་བརྟན་བཞུགས་ཤིས་བརྗོད་སྤྱི་ཁྱབ་རེ་མཛད་ཀྱང་རུང་སྙམ། …

རིགས་པ་སུ་པྲ་ཏིཥྛ་དང་སྦྲེལ་ནས་བཟླས་ན་རུང་བར་སེམས་ཤིང་། དེས་མཚོན་རྒྱུད་སྡེ་འོག་མའི་དབང་དུ་བྱས་ནའང་མི་བསྐྱོད་པ་དེའི་ལུགས་སུ་བསྐྱེད་པ་སོགས་མཛད་ན་རུང་ངམ་སྙམ་པ་ཟབ་དབྱིངས་རིན་པོ་ཆེར་ཞིབ་དཔྱད་བཀའ་དྲིན་ཞུ། ༈ །གཉིས་པ་ཆོས་ཀྱི་རིང་བསྲེལ་ནི། ཤོག་སེར་དང་རྒྱ་དཔེ་བོད་དཔེ་ཕྱག་བྲིས་བྱིན་ཅན་སོགས་ཀྱི་ཚལ་པ་ཅོང་ཞི་དང་དྲ…

སྟེ། སྒྲུབ་ཚུལ་ཀྱང་རྣམ་སྣང་ཀྱེ་རྡོ་རྗེར་བསྐྱེད་པ་མ་གཏོགས་འདྲ། ༈ །བཞི་པ་སྐུ་བལ་གྱི་རིང་བསྲེལ་ནི། དབུ་སྐྲ་དང་ན་བཟའ་སོགས་འདི་རིགས་བྱུང་ན་ཅོང་ཞི་ལྟ་བུའི་སྨན་རྡོ་དང་མཉམ་དུ་ཞིབ་པར་འདུར།། གལ་སྲིད་དེ་ལྟ་བུའི་བརྡུང་ཐུབ་མིན་ཚེ་རྫ་བུམ་སོགས་ཀྱི་ནང་དུ་རྒྱ་ཤོག་གིས་ལེགས་པར་དྲིལ་ནས་བཅུག །འཇིམ་པས་ཁ་གཅོད་དམ་པར་བརྒྱབས…

ཆགས་ཅུང་ཟད་བྱས་ལ་གྲིབ་མར་སྐམ། སྐམ་ཐག་ཆོད་ནས་རླུང་མི་འཆོར་བའི་སྣོད་བཟང་པོར་ཚགས་བྱས་ཏེ་ལོ་རེའམ། མ་མཐའ་ཟླ་བ་ཆ་ཤས་བཞག་མཚམས། མཚལ་ལྟ་བུ་རྩི་ཚོན་གང་ཡིན་དེ་ཟར་མའི་ཁུ་བ་གར་སླ་རན་པོ་ཞིག་གིས་སྦྱངས། དེ་ལ་ཤེལ་ཀར་ལེགས་པ་ཅུང་ཟད་རེ་བཏབ་ནས་རྩི་གསོལ། དེ་མ་ཐག་ཤེད་ཆེ་བས་རིལ་ཆགས་འཐེམ་པར་བྱ། འོད་ལེགས་པར་ཆགས་ནས་རིལ་ཆགས་འཕ…

ཨོཾ་བཛྲ་བཻ་རོ་ཙ་ན་ཨོ་སོགས་མཚན་སྔགས་བཟླ་བས་མཚོན་བླ་མེད་གཞན་གསང་འདུས་སོགས་ལ་སྦྱར་ནའང་རིགས་འགྲེ། ༈ །ལྔ་པ་བདུད་རྩི་ལྔ་སྤྱིར་བསྡུས་པ་ཆོས་སྨན་དང་། བྱེ་བྲག་སོ་སོ་བཅས་ལེའུ་ཚན་བདུན་ལས། ཆོས་སྨན་ནི་བདུད་རྩི་ལྔའི་སྨན་སྣ་ཐམས་ཅད་ཕྱོགས་གཅིག་ཏུ་བསྡུས་པའི་སྟེང་། བུངས་བསྐྱེད་པ་ལ་འབྲས་བུ་གསུམ་དང་། བཟང་པོ་དྲུག་གཙོར་གྱུ…

གྲགས་ཀྱི་ག་བུར་འདི་ཕལ་ཆེར་མང་ག་བུར་ཡིན་འདུག་པ་འདི་ཁོ་ནས་ཆོག །དབུ་ཀླད་དང་གདུང་རུས་ཕྱོགས་བསྡུས་གཡུ་ཞུན་འཁྱིལ་པའི་སྐབས་ཤ་ཆེན་གྱི་སྐབས་སུ་བཤད་པའི་སྨན་ཞེས་པ་ནི་སྐུ་ཤ་རིལ་བུའི་སྐབས་སུ་གསུངས་པའི་སྐྱོབས་རྣམས་ལ་གསུངས་པ་སྟེ། སྤྱིར་སྐུ་ཤ་ཐམས་ཅད་ཤ་ཆེན་ཡིན་པ་གཞིར་བཅས་དང་། བྱེ་བྲག་ཀླད་པ་དང་རུས་པ་ནི་ཤའི་དྭང་མ་ཡིན་…

སྒྲུབ་ཚར་ནས་ཕྱེ་མ་བྱས། དེ་ཐམས་ཅད་ཕྱོགས་གཅིག་ཏུ་བསྡུས་པ་ཚོ་གཅིག་ལ་ཆོས་སྨན་གྱི་ཕབ་གཏའ་སྦྱར་ཏེ་ཕུར་མ་བྱ་བ་དང་། ཚོ་གཅིག་སོ་སོར་བྱས་པར་སོ་སོའི་ཕབ་གཏའ་སྦྱར་ཏེ་རིལ་བུ་དྲིལ་ནས་བསྒྲུབ་ནའང་ལེགས་པ་སོགས་རིག་པས་དཔྱད་དོ།། ༈ །།དྲུག་པ་སྐྱེ་བདུན་རིལ་བུའི་གཏའ་སྤེལ་གྱི་སྨན་བྱ་རྒོད་ཤ་ནི་མཁའ་སྤྱོད་གྲུབ་པའི་རྟེན་འབྲེལ་དུ…

གསུམ་དང་། བཟང་པོ་དྲུག་གཙོར་གྱུར་བཟང་སྨན་གང་རིགས་ཀྱི་ཕྱེ་མ་དང་སྦྱར་ན་རུང་མོད། གཙོ་བོར་འབྲས་གསུམ་བཟང་དྲུག་ཁོ་ནས་འཐུས་ཤིང་། བུངས་བསྐྱེད་པའི་སླད་ནས་དཀར་གྱི་རྗེན་ཕྱེ་ཇི་ལྟར་རིགས་པའི་ཟན་དང་བཅས་བསྒྲིལ་ན་རུང་། སྔ་ཕྱི་འདི་གཉིས་གསར་མའི་ཆོ་ག་ཇི་ལྟ་བུའི་སྒོ་ནས་བསྒྲུབ་ཅེས་བཀའ་ཕེབས་པ། སྐྱེ་བདུན་ནི་གསར་མ་ལ་བདེ་ཀྱེ…

ཆགས་ཤིང་། སྤྱིར་ཡང་བྱིན་རྟེན་རིགས་ཕལ་ཆེར་མྱང་གྲོལ་ལ་དམིགས་པ་ཤས་ཆེ་བས་མ་ཎི་རིལ་སྒྲུབ་ཁོ་ནས་བསྒྲུབ་ཀྱང་ལེགས་པར་སེམས། རྡོར་སེམས་རིལ་བུ་སྒྲུབ་ཚུལ་སྨིན་གླིང་གཏེར་གསར་རྡོར་སེམས་གྱི་གཞུང་ལྟར་མཛད་པར་སྣང་བས། རྫས་ནི་གཞུང་དེ་ཉིད་ལས། དཔའ་བོ་ཤ་ལྔ་བདུད་རྩི་ལཿ མཆོག་གྲུབ་གདུང་དང་རིག་བསྲེལ་དང་༔ བདུད་རྩི་སྒྲུབ་རྫས་སྨ…

གི་དངོས་གྲུབ་བརྙེས་པ་རིག་འཛིན་བླ་མའི་གདུང་རུས། རིང་བསྲེལ། རྣམ་སྣང་། མི་བསྐྱོད། དེ་བཞིན་གཤེགས་པའི་འཕེལ་གདུང་། སེལ་མེད་ཀྱི་གོང་མ་དག་གི་སྒྲུབ་རྫས་རིལ་བུ་རྣམས་སོ། །ཤ་ལྔ་བདུད་རྩི་ལྔ་ནི་བདུད་རྩི་ཆོས་སྨན་ལ་ཡོད་པ་དེས་འཐུས་པར་མཛད་པས་གསར་དུ་མི་དགོས། དེ་ལྟར་རྫས་དེ་རྣམས་ཞིབ་ཏུ་བསྣུར་ཞིང་འདྲེས་པར་སྦོལ་བའི་ཕྱེ་མ་…

ལུང་སོགས་ཞུས་སྐབས་ཡིག་ཆ་འགའ་ཞིག་ལས་ཕྲན་གྱིས་ཟིན་བྲིས་སུ་བཏུས་པ་ལགས། འདི་མཁོ་ཆེ་སྟབས་བསྙེན་སྒྲུབ་ལས་གསུམ་རྒྱས་པ་ཞིག་བསྒྲིགས་ནས་སྒྲུབ་ཐབས་ཀུན་བཏུས་སུ་བཞག་རྩིས་ཀྱང་དེ་སྔ་མ་གྲུབ། ལུགས་འདིའི་རྗེས་གནང་སོགས་གསན་མེད་ཚེ་ཆོ་གའི་ཆིངས་འདི་ལྟར་ལ་ལྷ་སྔགས་རྡོར་སེམས་ཧེ་རུ་ཀར་མཛད་ཀྱང་རུང་སྙམ། རིལ་བུའི་ཁ་དོག་གོང་དུ་ད…

མ་གཏོགས་ཡི་གེ་ཉུང་ངུས་མཚོན་པར་མི་ནུས་པས་སྨན་པ་མཁས་པ་འདྲ་ལ་སྦྱར་བཅུག་པའམ། སྦྱར་ཟིན་བསླང་རྒྱུ་འདྲ་མཛད་ན་ཆོག་སྙམ། གང་ལྟར་ཡང་རྟེན་འབྲེལ་གྱི་ཆེད་རྫས་འཛོམ་ཙམ་མ་གཏོགས་ཧ་ཅང་མང་པོ་ནི་མེད་ཀྱང་ཆོག །མུ་ཟི་སེར་པོ་དངུལ་ཆུ་བཙོ་བཀྲུ་ཚང་བའི་ཁོངས་སུ་སོང་བས་ཟུར་དུ་གཏོང་མི་དགོས། དངུལ་ཆུ་བཙོ་བཀྲུ་ཆེན་མོ་རྫས་འཛོམ་ཙམ་འདི་…

ཞིང་། བུངས་བསྐྱེད་དགོས་ན་འབྲུ་དཀར་གྱི་ཕྱེ་སོགས་དང་སྦྱར་ནས་རིལ་བུ་དྲིལ་སྲོལ་སྣང་བས་དུག་འདོན་བཅུད་འགུགས་སོགས་རེ་རེ་ནས་མ་གྲུབ་ཀྱང་འགལ་བ་མེད་འདྲ། སྒྲུབ་ཚུལ་གྲུབ་རྒྱལ་ལུགས་ལྟར་མཛད་ན་ཤིན་ཏུ་འཐུས་ཏེ། ལྷ་ངོ་བོ་གཅིག་ཅིང་སྔགས་ཀྱང་ཨོ་གུ་རུ་ཨཱ་ཡུསིདྡྷི་ཧཱུྃ་ཧྲཱིཿཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཞེས་བླ་མའི་མཚན་སྔགས…

པར་མོས་པས་ཆོག །ཡང་འདི་རིགས་ལ་གཟུངས་སྒྲུབ་བྱ་ཚུལ་གྱི་ལག་ལེན་འདི་ལྟར་ཡང་ཡོད་དེ། རྫས་རྣམས་བུམ་པའམ་ཀ་ཊོར་ལྟ་བུའི་སྣོད་དུ་བླུགས་པ་མདུན་དུ་བཞག །བདག་བསྐྱེད་མདོར་བསྡུས་སྦྱོང་ཁྲུས་རྒྱས་བསྡུས་གང་རིགས་བྱ། རྫས་བསང་སྦྱངས། སྟོང་པའི་ངང་ལས་པཾ་ལས་པདྨ་དང་སོགས་ནས། ནང་བཅུད་སྣ་ཚོགས་ཀྱིས་ཡོངས་སུ་གང་བཞེས་པའི་བར་བུམ་བསྐྱེད…

ལས་ཟུར་གྱིས་གསལ། བཀའ་གདམས་པའི་མན་ངག་རྣམས་ལས་ཀྱང་མང་དུ་འབྱུང་། རབ་གནས་ཀྱི་འཐོར་ནས་བསྒྲུབ་ཚུལ་དང་། སྨན་བླའི་མདོ་ཆོག་གི་གཟུངས་ཆབ་བྱིན་རླབས་སོགས་དང་ཡང་སྒོ་མཐུན་པས་ཤིན་ཏུ་ལེགས་པ་ཡིན་ལ། དེང་སང་ཡོངས་སུ་གྲགས་པའི་སྔགས་བདུག་དང་། སྔགས་འདག་སྟེ་ས་སྔགས་སོགས་ཀྱང་འདི་ལྟར་བསྒྲུབ་ན་ལེགས། གོང་དུ་ཞུས་པའི་རིལ་བུའི་རིགས་…

ནས་བཀོལ་བའི་ཆུ་ཕྱིར་ཕོ། ཆུ་འཁྱགས་ཀྱིས་བཤལ། དེ་འདྲ་ལན་མང་དུ་བྱས་པས་འཐུས། ལར་བུམ་རྫས་སོགས་རྒྱུད་དང་རྒྱ་གཞུང་གི་དངོས་བསྟན་ལྟར་ན་ཁྲོལ་བུ་དེ་བུམ་པའི་ནང་དུ་བླུགས་པ་རྟེན་འབྲེལ་གྱི་མཚོན་དོན་ཙམ་མ་གཏོགས་དེའི་ཁུ་བ་ཁོང་དུ་བཏང་བའི་ནུས་པ་ལ་བརྟེན་ནས་ནད་གདོན་ལ་ཕན་པའི་བྱ་བ་བྱེད་པ་སྨན་སྦྱོར་སོགས་དང་མི་མཚུངས་པས་དུག་འད…