སྒྲུབ་ཚར་ནས་ཕྱེ་མ་བྱས། དེ་ཐམས་ཅད་ཕྱོགས་གཅིག་ཏུ་བསྡུས་པ་ཚོ་གཅིག་ལ་ཆོས་སྨན་གྱི་ཕབ་གཏའ་སྦྱར་ཏེ་ཕུར་མ་བྱ་བ་དང་། ཚོ་གཅིག་སོ་སོར་བྱས་པར་སོ་སོའི་ཕབ་གཏའ་སྦྱར་ཏེ་རིལ་བུ་དྲིལ་ནས་བསྒྲུབ་ནའང་ལེགས་པ་སོགས་རིག་པས་དཔྱད་དོ།། ༈ །།དྲུག་པ་སྐྱེ་བདུན་རིལ་བུའི་གཏའ་སྤེལ་གྱི་སྨན་བྱ་རྒོད་ཤ་ནི་མཁའ་སྤྱོད་གྲུབ་པའི་རྟེན་འབྲེལ་དུ…

གསུམ་དང་། བཟང་པོ་དྲུག་གཙོར་གྱུར་བཟང་སྨན་གང་རིགས་ཀྱི་ཕྱེ་མ་དང་སྦྱར་ན་རུང་མོད། གཙོ་བོར་འབྲས་གསུམ་བཟང་དྲུག་ཁོ་ནས་འཐུས་ཤིང་། བུངས་བསྐྱེད་པའི་སླད་ནས་དཀར་གྱི་རྗེན་ཕྱེ་ཇི་ལྟར་རིགས་པའི་ཟན་དང་བཅས་བསྒྲིལ་ན་རུང་། སྔ་ཕྱི་འདི་གཉིས་གསར་མའི་ཆོ་ག་ཇི་ལྟ་བུའི་སྒོ་ནས་བསྒྲུབ་ཅེས་བཀའ་ཕེབས་པ། སྐྱེ་བདུན་ནི་གསར་མ་ལ་བདེ་ཀྱེ…

ཆགས་ཤིང་། སྤྱིར་ཡང་བྱིན་རྟེན་རིགས་ཕལ་ཆེར་མྱང་གྲོལ་ལ་དམིགས་པ་ཤས་ཆེ་བས་མ་ཎི་རིལ་སྒྲུབ་ཁོ་ནས་བསྒྲུབ་ཀྱང་ལེགས་པར་སེམས། རྡོར་སེམས་རིལ་བུ་སྒྲུབ་ཚུལ་སྨིན་གླིང་གཏེར་གསར་རྡོར་སེམས་གྱི་གཞུང་ལྟར་མཛད་པར་སྣང་བས། རྫས་ནི་གཞུང་དེ་ཉིད་ལས། དཔའ་བོ་ཤ་ལྔ་བདུད་རྩི་ལཿ མཆོག་གྲུབ་གདུང་དང་རིག་བསྲེལ་དང་༔ བདུད་རྩི་སྒྲུབ་རྫས་སྨ…

གི་དངོས་གྲུབ་བརྙེས་པ་རིག་འཛིན་བླ་མའི་གདུང་རུས། རིང་བསྲེལ། རྣམ་སྣང་། མི་བསྐྱོད། དེ་བཞིན་གཤེགས་པའི་འཕེལ་གདུང་། སེལ་མེད་ཀྱི་གོང་མ་དག་གི་སྒྲུབ་རྫས་རིལ་བུ་རྣམས་སོ། །ཤ་ལྔ་བདུད་རྩི་ལྔ་ནི་བདུད་རྩི་ཆོས་སྨན་ལ་ཡོད་པ་དེས་འཐུས་པར་མཛད་པས་གསར་དུ་མི་དགོས། དེ་ལྟར་རྫས་དེ་རྣམས་ཞིབ་ཏུ་བསྣུར་ཞིང་འདྲེས་པར་སྦོལ་བའི་ཕྱེ་མ་…

ལུང་སོགས་ཞུས་སྐབས་ཡིག་ཆ་འགའ་ཞིག་ལས་ཕྲན་གྱིས་ཟིན་བྲིས་སུ་བཏུས་པ་ལགས། འདི་མཁོ་ཆེ་སྟབས་བསྙེན་སྒྲུབ་ལས་གསུམ་རྒྱས་པ་ཞིག་བསྒྲིགས་ནས་སྒྲུབ་ཐབས་ཀུན་བཏུས་སུ་བཞག་རྩིས་ཀྱང་དེ་སྔ་མ་གྲུབ། ལུགས་འདིའི་རྗེས་གནང་སོགས་གསན་མེད་ཚེ་ཆོ་གའི་ཆིངས་འདི་ལྟར་ལ་ལྷ་སྔགས་རྡོར་སེམས་ཧེ་རུ་ཀར་མཛད་ཀྱང་རུང་སྙམ། རིལ་བུའི་ཁ་དོག་གོང་དུ་ད…

མ་གཏོགས་ཡི་གེ་ཉུང་ངུས་མཚོན་པར་མི་ནུས་པས་སྨན་པ་མཁས་པ་འདྲ་ལ་སྦྱར་བཅུག་པའམ། སྦྱར་ཟིན་བསླང་རྒྱུ་འདྲ་མཛད་ན་ཆོག་སྙམ། གང་ལྟར་ཡང་རྟེན་འབྲེལ་གྱི་ཆེད་རྫས་འཛོམ་ཙམ་མ་གཏོགས་ཧ་ཅང་མང་པོ་ནི་མེད་ཀྱང་ཆོག །མུ་ཟི་སེར་པོ་དངུལ་ཆུ་བཙོ་བཀྲུ་ཚང་བའི་ཁོངས་སུ་སོང་བས་ཟུར་དུ་གཏོང་མི་དགོས། དངུལ་ཆུ་བཙོ་བཀྲུ་ཆེན་མོ་རྫས་འཛོམ་ཙམ་འདི་…

ཞིང་། བུངས་བསྐྱེད་དགོས་ན་འབྲུ་དཀར་གྱི་ཕྱེ་སོགས་དང་སྦྱར་ནས་རིལ་བུ་དྲིལ་སྲོལ་སྣང་བས་དུག་འདོན་བཅུད་འགུགས་སོགས་རེ་རེ་ནས་མ་གྲུབ་ཀྱང་འགལ་བ་མེད་འདྲ། སྒྲུབ་ཚུལ་གྲུབ་རྒྱལ་ལུགས་ལྟར་མཛད་ན་ཤིན་ཏུ་འཐུས་ཏེ། ལྷ་ངོ་བོ་གཅིག་ཅིང་སྔགས་ཀྱང་ཨོ་གུ་རུ་ཨཱ་ཡུསིདྡྷི་ཧཱུྃ་ཧྲཱིཿཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཞེས་བླ་མའི་མཚན་སྔགས…

པར་མོས་པས་ཆོག །ཡང་འདི་རིགས་ལ་གཟུངས་སྒྲུབ་བྱ་ཚུལ་གྱི་ལག་ལེན་འདི་ལྟར་ཡང་ཡོད་དེ། རྫས་རྣམས་བུམ་པའམ་ཀ་ཊོར་ལྟ་བུའི་སྣོད་དུ་བླུགས་པ་མདུན་དུ་བཞག །བདག་བསྐྱེད་མདོར་བསྡུས་སྦྱོང་ཁྲུས་རྒྱས་བསྡུས་གང་རིགས་བྱ། རྫས་བསང་སྦྱངས། སྟོང་པའི་ངང་ལས་པཾ་ལས་པདྨ་དང་སོགས་ནས། ནང་བཅུད་སྣ་ཚོགས་ཀྱིས་ཡོངས་སུ་གང་བཞེས་པའི་བར་བུམ་བསྐྱེད…

ལས་ཟུར་གྱིས་གསལ། བཀའ་གདམས་པའི་མན་ངག་རྣམས་ལས་ཀྱང་མང་དུ་འབྱུང་། རབ་གནས་ཀྱི་འཐོར་ནས་བསྒྲུབ་ཚུལ་དང་། སྨན་བླའི་མདོ་ཆོག་གི་གཟུངས་ཆབ་བྱིན་རླབས་སོགས་དང་ཡང་སྒོ་མཐུན་པས་ཤིན་ཏུ་ལེགས་པ་ཡིན་ལ། དེང་སང་ཡོངས་སུ་གྲགས་པའི་སྔགས་བདུག་དང་། སྔགས་འདག་སྟེ་ས་སྔགས་སོགས་ཀྱང་འདི་ལྟར་བསྒྲུབ་ན་ལེགས། གོང་དུ་ཞུས་པའི་རིལ་བུའི་རིགས་…

ནས་བཀོལ་བའི་ཆུ་ཕྱིར་ཕོ། ཆུ་འཁྱགས་ཀྱིས་བཤལ། དེ་འདྲ་ལན་མང་དུ་བྱས་པས་འཐུས། ལར་བུམ་རྫས་སོགས་རྒྱུད་དང་རྒྱ་གཞུང་གི་དངོས་བསྟན་ལྟར་ན་ཁྲོལ་བུ་དེ་བུམ་པའི་ནང་དུ་བླུགས་པ་རྟེན་འབྲེལ་གྱི་མཚོན་དོན་ཙམ་མ་གཏོགས་དེའི་ཁུ་བ་ཁོང་དུ་བཏང་བའི་ནུས་པ་ལ་བརྟེན་ནས་ནད་གདོན་ལ་ཕན་པའི་བྱ་བ་བྱེད་པ་སྨན་སྦྱོར་སོགས་དང་མི་མཚུངས་པས་དུག་འད…

བྱས་ནས་བླ་མ་ཁ་ཅིག་གིས་ཕྱོགས་བསྡུས་སུ་མཛད། འགའ་ཞིག་གིས་དེ་མི་འཐད་པར་གསུངས། ལ་ལས་དུང་སོགས་སྲོག་ཆགས་ལས་བྱུང་བའི་རིགས་ཀླུ་སྨན་དུ་གཏོང་ན་མི་ལེགས་པས་དུང་ཕོར་གྱི་ཚབ་ཏུ་སྔོ་ཅུ་གང་སོགས་བཏང་ཞེས་གསུངས་པས་མཚོན་བཞེད་པ་མང་པོ་ཟིང་ཟིང་པོར་གྱུར་པས་ལེགས་པར་དཔྱད་ན་དབྱིག་དུག་སོགས་ཡོད་པར་དོགས་པའི་རིགས་རྣམས་བཞག་ནས་ཀླུ་སྨ…

དུག་འདོན་བྱ་ཚུལ་སོགས་ཡི་གེ་ཞིབ་ཆ་ཞིག་དགོས་འདུག་པས་སླར་ཁུངས་དཔྱད་དེ་འབུལ་ལམ་ཞུ་རྩིས་དང་། བུམ་རྫས་ཉེར་ལྔ་ལ་དུག་འདོན་ཙམ་ནི་གོང་དུ་ཞུས་པས་ཁྱབ། སྤྱིར་རྒྱུད་དང་མན་ངག་གསར་རྙིང་བཀའ་གཏེར་རྣམས་ལས་བུམ་རྫས་མི་གཅིག་པ་མང་དུ་གསུངས། དེའང་སྨན་ལྔ་སོགས་ངོས་འཛིན་མི་གཅིག་པ་ཤིན་ཏུ་མང་བས་སོ་སོའི་ལུགས་སྲོལ་མ་འདྲེས་པའི་ཡིག་…

བ་མི་ལེགས། དངོས་ནི་ཕྱིའི་རྒྱ་མཚོའི་རླབས་བྲག་ལ་རྒྱབ་པའི་གཉེར་མ་ཆུ་དྲག་ཏུ་ཆགས་པ་ས་མིན་རྡོ་མིན་ལྟ་བུའི་ནག་ངམ་ཆུ་རིས་ཅན་ཞིག་ཡོད་སྐད་ཀྱང་འབྱོར་དཀའ། དེའི་ཚབ་ཏུ་འགའ་ཞིག་གིས་ཆུ་མགོ་རྣམས་ཀྱི་ཕུག་ཏུ་ཆགས་པའི་ཆུ་བལ་ལྗང་གུ་འདི་སྲོག་ཆགས་མང་དུ་ཡོད་པ་ཆུ་ནང་དུ་དལ་བུས་བསལ་ནས་སྲོག་ཆགས་མེད་ངེས་ཀྱི་གཙང་མ་དེ་གྲིབ་སྐམ་དུ་…

ཅི་རིགས་པ་མཛད་མོད། དཔྱད་གཟོད་ཅིང་འབྱོར་སླ་བའི་དབང་དུ་བྱས་ན། ཁམ་བུ། བལ་བུ། འོམ་བུ། ཤུག་པ། ལྕང་མ་དཀར་པོ་སྟེ་རྒྱ་ལྕང་དུ་གྲགས་པ་རྣམས་དཔྱིད་ཀ་ཤིང་ལོ་དང་པོ་སྔོ་བའི་དུས་ཤུན་པ་བཤུས་ཏེ་ཕྱིའི་ཀོག་པ་དོར་བའི་བར་ཤུན་ཁོ་ན་གཏོང་བ་ལེགས།། ༈ །།བཅུ་གསུམ་པ། ནང་གི་མཆོད་རྫས་སྨན་ཕུད་ནི་ནང་མཆོད་ཀྱི་རྫས་དང་གཅིག་པ་ཡིན་པས་རྙི…

དར་མའི་ཁྲག་སོགས་དང་སྦྱར་ནས་སྤེལ་ཆོག །ཞར་བྱུང་གཏོར་མའི་སྤྱོད་སྨན་འདིའང་རྙིང་མའི་ཕྱོགས་ལ་ཤིན་ཏུ་གལ་ཆེ་ཞིང་། གསར་མ་ལའང་བླ་མེད་ཀྱི་གཏོར་མའི་རིགས་ལ་བསྲེས་ན་ལེགས་པས་གཞུང་མཐུན་དུ་སྦྱར་ཞིང་བླ་མ་དགོངས་འདུས་སོགས་ཀྱི་སྒྲུབ་ཆེན་སྐབས་བསྒྲུབས་པའི་ཚད་ལྡན་ཕྲན་བུ་ཕུལ་ཡོད། འདིའི་ཐེབས་ཀྱུ་འདི་ཕབས་གཏའ་དང་། རྟེན་གཏོར་ལྟ…

བཤམ་ནས་སྔགས་མང་དུ་བཟླས་པས་བྱིན་གྱིས་བརླབ་པའམ། ཡང་ན་གསར་མའི་གཏོར་མ་བྱིན་བརླབས་བླ་མེད་སྤྱི་ལྟར་དང་། སྔགས་མང་དུ་བརླབ་པས་ཀྱང་ཁྱབ། སྤྱིར་རཀྟ་ལ་རྙིང་མའི་ཕྱོགས་ལ་རྒྱུད་དང་མན་ངག་ལས་ཚོགས་སོགས་མང་དུ་འབྱུང་ཞིང་། བྱིན་རླབས་ཀྱི་སྐབས་ཀྱང་དམིགས་པ་རྒྱས་པར་ཡོད། ས་ཕུར་ལས་མདོར་བསྡུས་ཙམ་ཞིག་མ་གཏོགས་མི་སྣང་། གང་ལྟར་ཡང་ད…

ཁྲག་མ་གཏོགས་པདྨ་རཀྟའི་ཐ་སྙད་མེད་པས་མངལ་ཁྲག་དམིགས་བསལ་འདྲ་དགོས་པ་ཡིན་ན་མ་གཏོགས་པདྨ་རཀྟའི་ཚབ་ཏུ་བཏང་སྲོལ་མེད། གང་ལྟར་ཡང་པད་རཀ་འཁྲུལ་མེད་སིནྡྷ་ར་དང་ཙན་དམར་སྦྱར་ཞིང་རྒྱ་སྐྱེགས་ཀྱི་ཁ་བསྒྱུར་བ་ཕྲན་བུ་ཕུལ་བ་འདི་ལྟར་ལགས། བྱང་སེམས་དཀར་པོ་ནི་གྲོང་པའི་ཆོས་ཀྱིས་མ་གོས་པའི་སྐྱེས་པའི་བྱང་སེམས་ཙམ་ལས། ལོ་གྲངས་ཀྱི་ཐ་…

དགོས་པ་ནི་བ་དམར་ཟལ་བེའུ་དང་པོ་སྐྱེས་པའི་གསར་པ་ཁོ་ན་ལགས་ཤིང་། དེའང་མི་གཙང་བ་ཟོས་པའི་ལྟོ་བཤལ་སླད་ཞག་ཤས་རྩྭ་ཆུ་གཙང་མས་བསོས་ཤིང་། ཐོག་མར་ཉིན་གཅིག་གཉིས་སྔ་མའི་ཟས་རོ་ཡོད་སྟབས་ཆུ་དང་འོ་མ་སོགས་ལོགས་སུ་དོར། དེ་ཕན་རིམ་པར་བསགས་ན་ལེགས་པ་ལགས། ༈ །བཅུ་དྲུག་པ་རྟག་དུ་རིགས་གསུམ་ལས་འཇམ་དབྱངས་དང་སྤྱན་རས་གཟིགས་རྟག་དུ་ཕྲ…

འབྱུང་བཅུད་ཀུན་འདུས་རིལ་བུ་ཕབས་གཏའ་དང་། ཕུར་མ་བཅས་ཕྲན་བུ་ཞིག་འདུག་པ་འདི་ལྟར་འབུལ་ལམ་ཞུས་ཡོད། རྗེས་སུ་མང་ཙམ་སྦྱར་རྒྱུ་བྱུང་ན་རིམ་པར་ཕུལ་ཆོག་པ་དང་། ཞར་བྱུང་བསང་མཆོད་འདི་གྲུབ་མཐའ་ཐམས་ཅད་ལ་དར་སྲོལ་ཆེ་ནའང་། ཁུངས་ནི་རྙིང་མའི་གཞུང་ཁོ་ན་ལ་བཅོལ་བར་སྣང་། དེས་ན་ཕྱོགས་དེའི་གཞུང་ཁུངས་ཐུབ་ལས་འབྱུང་བའི་རྫས་ཀྱི་རིག…

བདུད་རྩི་རིལ་བུ་ཚོགས་སྒྲུབ་ཅིག་བྱུང་ན་རང་ལུགས་ཀྱི་དམ་རྫས་གཙོ་བོ་བདུད་རྩི་རིལ་བུ་ཁོ་ན་ཡིན་པ་དང་། འགྲོ་དོན་ཀྱང་ཤིན་ཏུ་ཆེ་བ་བཅས་གང་ཅིས་ལེགས་ཤིང་གལ་གནད་ཆེ་བར་སྣང་བས་རིམ་གྱིས་ཐུགས་བསྐྱེད་མི་འདོར་བ་དང་། ཕབས་གཏའ་ནི་ས་ངོར་གྱི་ཕབས་གཏའ་རྙིང་པ་ཁུངས་བཙུན་རིགས་དང་། རྟེན་འདམ་དཔེ་བྲལ་མ། གཏེར་བྱོན་ངོ་མའི་ཆོས་སྨན་དང…