དེའང་མ་ངེས་ཏེ་སྔགས་ཀྱི་ཕྱག་རྒྱ་ཆེན་པོའི་ལྟ་བ་སྤྲོས་བྲལ་གྱི་ངོས་ནས་དབུ་མ་དང་མཐུན་པས་དབུ་མའི་ལྟ་བ་རྟོགས་པ་དེ་སྔགས་ཀྱི་སྐྱོན་དུ་མི་འགྱུར་བའི་ཕྱིར་དང་། །རྟོག་གེ་ནི་མུ་སྟེགས་ཀྱི་རྩོད་ངོར་བསྟན་པ་ཙམ་ཡིན་པས། དེས་དཔྱད་པའི་བསྒོམ་པ་ལ་དབུ་མ་རང་ལུགས་སུའང་རྩིས་སུ་མི་མཛད་དེ། བླ་མའི་ངག་གིས་མ་བརྒྱན་པའི། །དབུ་མའང་འབྲ…

གསུངས་པའི་ཤེས་ཕྱིན་དང་། སྔགས་ཀྱི་ཕྱག་ཆེན་གཉིས་མཚན་གྱི་རྣམ་གྲངས་སུ་བཤད་དོ། །ཚིག་རྐང་གསུམ་པ་སྦྱང་བྱ་ཞེས་སོགས་ཀྱི་དོན་ནི། སྦྱང་གཞིའི་སྟེང་དུ་སྦྱོང་བྱེད་ཀྱིས་སྦྱང་བར་བྱ་རྒྱུའི་དྲི་མ་དེ་གང་ཞེ་ན། གཤིས་ལ་མེད་ཀྱང་གློ་བུར་འཁྲུལ་པས་བསྐྱེད་པའི་གཟུང་འཛིན་གྱི་ཆོས་རྣམས་ཡིན་ནོ། །ཞེས་པའོ། །དེ་ཡང་ཇི་ལྟར་འཁྲུལ་པའི་ཚུ…

འབྱུང་ངོ་། །འོ་ན་སྦྱངས་འབྲས་ཆོས་ཀྱི་སྐུ་ཁོ་ན་ཡིན་ན་གཟུགས་སྐུ་གཉིས་སྦྱངས་འབྲས་སུ་མི་འགྱུར་རམ་ཞེ་ན། གཟུགས་སྐུ་ནི་ཆོས་སྐུ་ལས་ངོ་བོའི་སྒོ་ནས་ལོགས་སུ་དབྱེར་མེད་པས། སྦྱངས་འབྲས་ཡིན་ཡང་ཆོས་སྐུ་ཉིད་སྨོས་པས་དོན་གྲུབ་བོ། །ཆོས་སྐུ་དེ་སྐུ་གསུམ་དུ་འཇོག་པའི་ཚུལ་ཡང་། ཆོས་ཀྱི་དབྱིངས་བདེ་བ་ཆེན་པོ་རང་བཞིན་གྱིས་དྲི་མ་མ…

མེ་ལོང་། མཉམ་ཉིད། སོར་རྟོག་བྱ་གྲུ བ་སྟེ་ཡེ་ཤེས་བཞིར་ཕྱེ་བའི་མཉམ་ཉིད་ཡེ་ཤེས་ལོངས་སྤྱོད་རྫོགས་སྐུ་དང་། བྱ་གྲུབ་ཡེ་ཤེས་སྤྲུལ་པའི་སྐུར་སྣང་བ་ཡིན་ལ། སོར་རྟོག་ཡེ་ཤེས་ནི་དེ་གཉི་གར་གཏོགས་པ་ཡིན་ནོ། །འདི་དག་གི་ཚུལ་རྒྱས་པར་ཤེས་འདོད་ན། མདོ་སྡེ་རྒྱན་དང་། རྗེ་ཉིད་ཀྱི་ནང་དོན་རང་འགྲེལ་སོགས་སུ་བལྟ་བར་བྱ་ཡི་འདིར་ཡི་ག…

སྒོམ་དོན་དེ་དག་ལ་རྩལ་སྦྱངས་པས་མྱུར་དུ་བོགས་ཐོན་པར་འགྱུར་བ་ནི་སྤྱོད་པའི་མཆོག་ཏུ་གྱུར་པ་ཡིན་པའི་ཕྱིར། ལྟ་སྒོམ་སྤྱོད་གསུམ་གྱི་གནད་དེ་ལྟ་བུ་དང་ལྡན་ན་ཚེགས་ཆུང་ངུས་འགྲུབ་པར་འགྱུར་བས་དེའི་ཚུལ་ལ་སྨོན་པར་མཛད་པའོ།། ༈ །།གཉིས་པ་དེ་རྒྱས་པར་ཕྱེ་ནས་སྨོན་ལམ་གདབ་པ་ལ་བཞི། ལྟ་བས་གཞིའི་སྒྲོ་འདོགས་གཅོད་ཚུལ། དེ་སྒོམ་པས་ག…

གསུམ་པས་སྟོང་དང་རྟེན་འབྱུང་ཟུང་དུ་འཇུག་པ་མི་འགལ་བར་བསྟན། བཞི་པས་དེ་ལྟར་སོ་སོར་རྟོག་པའི་ཤེས་རབ་ཀྱིས་བརྟགས་པས་གཞིའི་དོན་ལ་སྒྲོ་འདོགས་གཅོད་དགོས་པར་སྨོན་པའི་ཚུལ་གྱིས་གདམས་པའོ།། ༈ །།གཉིས་པ་དེ་རྒྱས་པར་འཆད་པ་ལ། རྐང་པ་དང་པོ། གཉིས་པ། གསུམ་པ། བཞི་པ་རྣམས་སོ་སོར་འཆད་པས་བཞིའོ། །དེ་ལས་དང་པོ་སྣང་བ་སེམས་སུ་ཐག་བཅད་པ…

མཚང་རིག་དགོས་པར་སྨོན་པའི་ཚུལ་གྱིས་གདམས་པའོ།། ༈ །།དང་པོ་ནི། རྗེ་ཉིད་ཀྱི་ཟབ་མོ་ནང་གི་དོན་ལས། རྒྱུ་ནི་སེམས་ཉིད་ཐོག་མེད་ལ། །རྒྱ་ཆད་ཕྱོགས་ལྷུང་མ་མཆིས་ཀྱང་། །དེ་ཉིད་མ་འགགས་རོལ་པ་ལས། །ངོ་བོ་སྟོང་ལ་རང་བཞིན་གསལ། །རྣམ་པ་འགག་མེད་ཅིར་ཡང་འཆར། །དེ་ཉིད་རང་གིས་རང་མ་རིག །འདུ་བྱེད་ཡིད་ཀྱི་གཡོ་བ་ནི། །ཆུ་རླབས་ལྟ་བུར་གཡ…

ལས་རྒྱུ་དང་རྐྱེན་ལྟར་སྣང་ཞིང་། དེ་ཉིད་ལ་བརྟེན་ནས་ཉོན་མོངས་པ་ཅན་དུ་བྱེད་པས་མ་རིག་པར་གྱུར་ཏོ། །ཡིད་དེ་ལའང་རྣམ་པ་གཉིས་ཏེ་དེ་མ་ཐག་ཡིད་ཀྱིས་རྣམ་ཤེས་ཚོགས་དྲུག་སྐྱེ་འགག་བྱེད་པའི་ཚེ་དེ་དག་གི་ནུས་པ་ཀུན་གཞིའི་སྟེང་དུ་འཇོག་པར་བྱེད་ཅིང་ཉོན་ཡིད་ཀྱིས་ཀུན་གཞི་ལ་ངའོ་སྙམ་དུ་འཛིན་པའི་ཕྱིར། སྔ་མས་ནི་རྣམ་ཤེས་སྐྱེད་པར་བ…

བསྟན། །དེ་ནི་རྒྱུན་འབབ་ཆུ་བོ་བཞིན། །དགྲ་བཅོམ་ཉིད་ན་དེ་ལྡོག་གོ །ཞེས་དང་། དེ་ལ་གནས་ཏེ་རབ་འབྱུང་ཞིང་། དེ་ལ་དམིགས་པས་ཡིད་ཅེས་བྱ། །རྣམ་ཤེས་ངར་སེམས་བདག་ཉིད་ཅན། །ཉོན་མོངས་བཞི་དང་རྟག་ཏུ་འགྲོགས། ཞེས་གསུངས་ཤིང་། ཐེག་བསྡུས་སོགས་སུ་རྒྱས་པར་འབྱུང་བ་ཞིབ་པར་དེ་དག་ཏུ་བལྟ་བར་བྱའོ། །དེ་ལྟར་ཀུན་གཞི་ལས་ཡིད་གཡོས་པའི་མཐུ…

རྩེ་མོ་ལས། ས་བོན་ཀུན་ལྡན་ཀུན་གཞི་ནི། །ཕྱི་དང་ནང་གི་བདག་ཉིད་འདོད། །ཅེས་གསུངས་སོ། །སྣང་བའི་གོ་རིམ་ཡང་། སེམས་བྱུང་འདུ་བྱེད་ཀྱིས་བསྐུལ་པའི་ཡིད་དེས་ཡུལ་དྲུག་ལ་རྟོག་པས་དེ་དག་དོན་དུ་མཐོང་བའི་རྣམ་པར་ཤེས་པ་འབྱུང་། དེ་བྱུང་བས་བླང་བྱར་རྟོག་པ་ཚོར་བ་བདེ་བ་དང་། དོར་བྱར་རྟོག་པའི་ཚོར་བ་སྡུག་བསྔལ་དེ་གཉིས་གང་ཡང་མ་ཡིན…

བདག་ཡིན་པར་འཁྲུལ་ལོ། །རྒྱུ་མཚན་དེས་ན་གཟུགས་འཛིན་གཉིས་བསྡུས་ཀྱི་ཆོས་མཐའ་དག་འཁྲུལ་པ་འབའ་ཞིག་ཡིན་ལ་འཁྲུལ་པའི་གཞིའང་སེམས་ཡིན་པས་སེམས་ལས་ལོགས་སུ་རྡུལ་ཙམ་ཡང་མ་གྲུབ་སྟེ་སྟོང་པ་ལ་སྔགས་ཀྱི་སྦྱོར་བས་རྟ་གླང་དུ་སྣང་བའང་སྟོང་པ་དེ་ཉིད་ལས་ལོགས་སུ་ཅིའང་མ་གྲུབ་པ་བཞིན་ནོ། །འོ་ན་སེམས་དེ་དུས་ནམ་གྱི་ཚེ་འཁྲུལ་པར་བྱིང་བ་ཡ…

སོགས་འཁོར་ལོ་ཐ་མའི་མདོ་དང་དེའི་དགོངས་འགྲེལ་རྣམས་ལས་རྒྱ་ཆེར་འབྱུང་ཡང་འདིར་མ་སྤྲོས་སོ། །འཁྲུལ་པའི་ཚུལ་འདི་ལྟར་སྔགས་ཀྱི་རྒྱུད་འགྲེལ་རྣམས་སུ་འབྱུང་ངམ་ཞེ་ན། དགོངས་གཞི་དང་དགོས་པའི་དབང་གིས་ཁྱད་པར་འགའ་ཞིག་ཡོད་མོད་ཀྱི་དོན་གྱི་རྩ་བ་ནི་གཅིག་པར་འབྱུང་སྟེ། ཧེ་བཛྲ་ལས། ང་ལས་འགྲོ་བ་ཐམས་ཅད་བྱུང་། །ང་ལས་གནས་གསུམ་པོ་ཡ…

ལས་ནི་སེམས་ལས་བྱུང་བ་ཡིན། །སེམས་ནི་བག་ཆགས་དག་གིས་བསགས། །ཞེས་སོགས་གསུངས་པ་ལྟ་བུའོ།། ༈ །།གཉིས་པ་དེས་འཁོར་བར་འཁོར་ཚུལ་ནི། དེ་ལྟར་ཡུལ་དང་ཡུལ་ཅན་ཐ་དད་མེད་བཞིན་དུ། གཉིས་སུ་འཛིན་པའི་འཁྲུལ་པ་དེ་ནི་ཀུན་གཞི་ལྡོག་པར་མ་གྱུར་པའི་བར་དུ་རྒྱུན་མི་འཆད་པར་སྣང་བའི་ཕྱིར་དེའི་བར་དུ་སྲིད་པའི་ཀློང་འདིར་ཟོ་ཆུའི་ཁྱུད་མོ་བཞི…

སྟེ། །རྙོག་པར་བྱེད་པ་ཡིད་ཡིན་ནོ། །རྣམ་པར་ཤེས་དང་བཅས་པའི་ཡིད། །རྟག་ཏུ་བག་ཆགས་འདེབས་པར་བྱེད། །ཅེས་དང་། རྣམ་པར་ཤེས་པ་ཡིད་ལས་བྱུང་། །ཡིད་ནི་ཀུན་གཞི་ལས་བྱུང་སྟེ། །ཀུན་གཞི་ལས་ནི་ཆོས་རྣམས་ཀུན། །རྦ་རླབས་བཞིན་དུ་རྣམ་པར་གཡོ། །ཞེས་གསུངས་སོ། །དེ་ལྟར་ས་བོན་རྒྱུན་མ་ཆད་པ་ལས། དེ་ལས་བྱུང་བ་འཁོར་བའི་རྟེན་འབྲེལ་བཅུ་གཉ…

ལས་བདུན་བྱུང་བདུན་ལས་ཀྱང་། །གསུམ་བྱུང་སྲིད་པའི་འཁོར་ལོ་སྟེ། །ཞེས་དང་། དང་པོ་བརྒྱད་དང་དགུ་ཉོན་མོངས། །གཉིས་དང་བཅུ་པ་ལས་ཡིན་ཏེ། །ལྷག་མ་བདུན་ཡང་སྡུག་བསྔལ་ཡིན། །ཞེས་གསུངས་སོ། །གསུམ་པ་འཁྲུལ་བ་དེའི་མཚང་རིག་དགོས་པར་གདམས་པ་ནི། ཇི་ལྟར་འཁྲུལ་པའི་གནད་དེ་མ་རིག་ན་འཁྲུལ་པ་ལ་འཁྲུལ་པར་མི་མཐོང་ཞིང་། དེ་མ་མཐོང་བར་དེ་ས…

ཉིད་དང་རྗེས་སུ་མཐུན་པས་དེར་རྟོགས་པ་ལ་ཚེགས་མེད་པའི་ཕྱིར་རོ། །དེས་ན་རྣམ་བྱང་གི་ཆོས་རྣམས་ཀྱང་དག་པའི་སེམས་ཀྱི་རང་བཞིན་ལས་མ་འདས་པར་སྟོན་ཏེ། སེམས་ཉིད་ལ་དྲི་མ་དང་བཅས་པའི་སྐབས་སེམས་ཡིད་རྣམ་ཤེས་གསུམ་དུ་བཞག་པ་ལྟར། དྲི་མ་དང་བྲལ་བའི་ཚེ་ནའང་སྐུ་གསུམ་དུ་རྣམ་པར་འཇོག་པ་ཡིན་ནོ། །དེའི་ཕྱིར་བྱང་ཆུབ་སེམས་དཔའ་ལམ་པའི་གནས…

སེམས་འགགས་པར་བཤད་པ་ཇི་ལྟར་དྲང་ཞེ་ན། དེ་ལྟར་བཤད་པ་ནི་སེམས་ཡིད་རྣམ་ཤེས་གསུམ་ཀྱིས་བསྟན་པའི་སེམས་སྤངས་པར་བཤད་ཀྱི། འདིར་དག་པའི་སེམས་ནི་ཆོས་ཀྱི་དབྱིངས་བདེ་བ་ཆེན་པོ་ལ་བརྗོད་པས་དེ་ནི་སྐྱེ་འགག་གནས་གསུམ་དང་བྲལ་བ་ཡིན་ནོ། །རྣམ་པ་ཐམས་ཅད་མཁྱེན་པའི་ཡེ་ཤེས་ཀྱང་ཆོས་ཀྱི་དབྱིངས་ལས་ཐ་དད་པ་མེད་པས་མ་དག་པའི་སེམས་ཀྱི་ཆོས་ལ…

གྱུར་པའི། །སངས་རྒྱས་མེད་ཅིང་སེམས་ཅན་མེད། །རྣམ་པར་ཤེས་པའི་གནས་དོན་རྣམས། །ཕྱི་རོལ་གྱུར་པ་ཅུང་ཟད་མེད། །ཅེས་དང་། ཡང་དེ་ཉིད་ལས། མཁའ་བཞིན་དག་པས་སེམས་ཉིད་ཀྱང་། །བདེ་མཆོག་དག་པའི་སེམས་ཉིད་དེ། །ཡུལ་དང་དབང་པོའི་རང་བཞིན་ནི། །སེམས་ལས་ཕྱི་རོལ་གྱུར་མེད་ཀྱང་། །གཟུགས་སོགས་སོ་སོར་སྣང་བ་རྣམས། །སེམས་ཉིད་ཁོ་ན་སྣང་བ་ཡིན།…

སློབ་དཔོན་ཀླུས། །ཆོས་དབྱིངས་བསྟོད་པར། སེམས་ཉིད་རྣམ་པ་གཉིས་སུ་མཐོང་། །ཇི་ལྟར་འཇིག་རྟེན་འཇིག་རྟེན་འདས། །བདག་ཏུ་འཛིན་ལས་འཁོར་བ་སྟེ། །སོ་སོར་རིག་ན་དེ་ཉིད་དེ། །འདོད་ཆགས་ཟད་པས་མྱ་ངན་འདས། །ཞེ་སྡང་གཏི་མུག་ཟད་པ་དང་། །དེ་དག་འགགས་པས་སངས་རྒྱས་ཉིད། །ལུས་ཅན་ཀུན་གྱི་སྐྱབས་ཉིད་དོ། །ཞེས་གསུངས་པ་དང་། སེམས་འགྲེལ་ལས། ག…

ཡང་སྤང་། །རྣམ་པར་ཤེས་པར་སྨྲ་བ་ལ། །སྣ་ཚོགས་འདི་ནི་སེམས་སུ་གྲུབ། །རྣམ་ཤེས་རང་བཞིན་གང་ཞེ་ན། །ད་ནི་དེ་ཉིད་བཤད་བྱ་སྟེ། །འདི་དག་ཐམས་ཅད་སེམས་ཙམ་ཞེས། །ཐུབ་པས་བསྟན་པར་གང་མཛད་དེ། །བྱིས་པ་རྣམས་ཀྱི་སྐྲག་པ་ནི། །སྤང་པའི་ཕྱིར་ཡིན་དེ་ཉིད་མིན། །ཀུན་བརྟགས་དང་ནི་གཞན་དབང་དང་། །ཡོངས་སུ་གྲུབ་པ་ཉིད་འདི་ནི། །སྟོང་ཉིད་བདག་ཉ…