རྗེ་བཙུན་བདེ་སྨོན་བཞུགས། ཨོཾ་སྭཱ་སྟི། བདག་གཞན་དགེ་བའི་རྩ་བ་མ་ལུས་པ། །གཅིག་ཏུ་བསྡོམ་ཞིང་མཁའ་དང་མཉམ་པར་སྤེལ། །ཆོས་ཉིད་ཆེན་པོར་རོ་གཅིག་རྟོགས་པའི་ངང་། །གདོད་ནས་འོད་གསལ་ཆེན་པོར་རྒྱས་བཏབ་སྟེ། །སྣང་གྲགས་ཐམས་ཅད་ཡེ་ནས་ཆོས་སྐུའི་ངང་། །སྣང་བ་མ་འགགས་གཟུགས་སྐུ་རང་ཤར་བ། །གང་འདུལ་འཕྲིན་ལས་ལྷུན་གྲུབ་རྒྱུན་མི་འཆད། །…

སྨོན་ལམ་དགོས་པ་ཀུན་འབྱུང་ཞེས་བྱ་བ་བཞུགས་སོ། །ན་མོ་གུ་རུ། ཐོག་མེད་དུས་ནས་འཁོར་བ་ཇི་སྲིད་བར། །དགེ་བ་གང་དག་བགྱིས་དང་བགྱིད་བསྩལ་དང༌། །ཡི་རང་བསྔགས་པ་བརྗོད་པའི་ལེགས་བྱས་སོགས། །མདོར་ན་བདག་གི་དུས་གསུམ་དགེ་བ་ཀུན། །མཁའ་ཁྱབ་འགྲོ་བའི་དགེ་རྩ་མཐའ་ཡས་དང༌། །སངས་རྒྱས་བྱང་སེམས་ཉན་རང་འཕགས་ཚོགས་ཀྱི། །རྣམ་དཀར་འཕྲིན་ལས་ལ…

ས་བཅུའི་སྨོན་ལམ་བཞུགས། ན་མོ་གུ་རུ་མཧཱ་བྷྱཿ རབ་དགའ་ས་བརྙེས་སྟོང་གསུམ་གསེར་གྱིས་བཀང་། །སྐུ་ལུས་བརྒྱ་ཕྲག་ཅིག་ཆར་བཀོད་བྱས་ནས། །སེམས་ཅན་བརྒྱ་ཕྲག་ཡོངས་སུ་སྨིན་བྱེད་པ། །སྦྱིན་པའི་ཕ་རོལ་ཕྱིན་པ་ཡོངས་རྫོགས་ཤོག །དྲི་མེད་ས་བརྙེས་ལག་མཐིལ་ལྟར་མཉམ་སྟེང་། །སྤྲུལ་པ་སུམ་སྟོང་འགྱེད་ནས་སེམས་ཅན་འདྲེན། །ཏིང་འཛིན་སུམ་སྟོང…

རྡོ་རྗེ་མི་འཁྲུགས་པའི་སྨོན་ལམ་ཞིང་ཁམས་མྱུར་བགྲོད་བཞུགས། བཅོམ་ལྡན་མི་འཁྲུགས་མགོན་པོ་བདག་ལ་དགོངས། །བདག་གིས་སྨོན་ལམ་ཇི་ལྟར་བཏབ་པ་ཀུན། །གེགས་མེད་པར་ཡང་འབད་མེད་ལྷུན་གྲུབ་ཏུ། །མྱུར་དུ་འགྲུབ་པར་བྱིན་གྱིས་བརླབ་ཏུ་གསོལ། །བདག་གི་དེ་རིང་དམ་ཆོས་སྒྲུབ་ལ་སོགས། །དུས་གསུམ་བསགས་པའི་རྣམ་དཀར་བསོད་ནམས་ཀྱིས། །བདག་གི་ཚེ་…

གཡུ་ལོ་བཀོད་པའི་སྨོན་ལམ་བཞུགས། ཡེ་ཤེས་སྒྱུ་མའི་ལང་ཚོ་གསར་བ་ཡིས། །མརྒད་རི་དབང་ཉི་གཞོན་བྱེ་བའི་འོད། །ཕན་ཚུན་མཛའ་བའི་མདངས་རབ་འབྱིན་པ་ལྟར། །ལེགས་མཛེས་ཁ་དོག་བཀྲ་བའི་དཔལ་སྡུག་ཅན། །གང་གི་གཟུགས་སྐུའི་སྣང་བརྙན་ཡ་མཚན་པ། །བདག་བློ་དད་པའི་རྫིང་བུར་ལེགས་ཤར་ཏེ། །ངོ་མཚར་དགེ་ཚོགས་ཅིར་ཡང་འཕེལ་བའི་རྐྱེན། །འདིས་ཀྱང་བེམ…

བདེ་མཆོག་གི་སྨོན་ལམ་བཞུགས། ན་མོ་གུ་རུ་ཤྲཱི་ཙཀྲ་སམྦ་ར་ཡེ། བདག་ནི་དེང་བཟུང་ཚེ་རབས་ཐམས་ཅད་དུ། །བླ་མ་ཧེ་རུ་ཀ་དང་མཁའ་སྤྱོད་མའི། །ནམ་ཡང་འབྲལ་མེད་བརྩེ་བའི་རྗེས་བཟུང་ཞིང་། །མཁའ་སྤྱོད་དག་པའི་ཞིང་དུ་ཁྲིད་དུ་གསོལ། །ཞིང་མཆོག་ཁྱད་པར་ཅན་དེར་ཕྱིན་མ་ཐག །ས་གསུམ་ཕོ་ཉའི་འདུ་བ་ལེགས་ཐོབ་ནས། །ཟག་མེད་བདེ་ཆེན་རྒྱུན་མི་ཆད་པ…

ཀླུ་སྒྲུབ་སྨོན་ལམ་བཞུགས། ན་མོ། འཁོར་བར་འཁོར་ཚེ་སྐྱེ་གནས་ཐམས་ཅད་དུ། །ཆོས་ལ་བཟོད་པ་མ་ཐོབ་བར་དུ་ཡང་། །ངན་སོང་གསུམ་དུ་ནམ་ཡང་མི་སྐྱེ་ཞིང་། །མཐོ་རིས་མི་ཡི་ལུས་སུ་སྐྱེ་བར་ཤོག །མཐོ་རིས་མི་ཡི་ལུས་སུ་སྐྱེས་ནས་ཀྱང་། །སྡིག་སྤྱོད་རྒྱལ་པོར་མ་སྐྱེས་དེ་ཡི་བློན་པོ་དང་། །དམག་དཔོན་ཞལ་ལྕེ་གཅོད་པའི་ལུས་སུ་བདག་མ་སྐྱེས། །…

འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཞེས་བྱ་བ་བཞུགས་སོ། །རྒྱ་གར་སྐད་དུ། ཨཱརྱ་བྷ་དྲ་ཙརྱ་པྲ་ཎི་དྷཱ་ན་རཱ་ཛ། བོད་སྐད་དུ། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ…

གཤིན་གསོན་གྱི་བསྔོ་བ་དང་སྨོན་ལམ་བཞུགས། ཨོཾ་མ་ཎི་པདྨེ་ཧཱུཾ། ཐུགས་རྗེ་ཆེན་པོ་ལ་ཕྱག་འཚལ་ལོ། །ཐུགས་རྗེ་ཆེན་པོའི་སྤྲུལ་པ་ཆོས་སྐྱོང་བའི་རྒྱལ་པོ་སྲོང་བཙན་སྒམ་པོའི་ཞལ་གདམས། གཤིན་ཚེ་འདས་པའི་དོན་དུ་བསྔོ་བ་ནི། སངས་རྒྱས་དང་བྱང་ཆུབ་སེམས་དཔའ་རྣམས་ཚེ་འདས་པ་ལུས་བརྗེས་པ་རུས་དང་མིང་འདི་ཞེས་བགྱི་བ་ལ་དགོངས་སུ་གསོལ། འདི…

དཔལ་ཇོ་ནང་པ་ཆེན་པོའི་བསྟན་འབར་མ་བཞུགས། རྒྱལ་བའི་རྒྱལ་ཚབ་རྒྱལ་བ་ཇོ་ནང་པ། །ཆོས་ཀྱི་དབང་ཕྱུག་ཀུན་མཁྱེན་ཆོས་ཀྱི་རྗེ། །བསྟན་པ་རིན་ཆེན་བསྟན་པའི་སྙིང་པོ་མཆོག །ཕྱོགས་དུས་ཀུན་ཏུ་ཡུན་རིང་འབར་གྱུར་ཅིག །བདེན་སྟོབས་བསླུ་མེད་དཀོན་མཆོག་རིན་ཆེན་གསུམ། །རང་བཞིན་རྣམ་དག་ཆོས་དབྱིངས་འགྱུར་མེད་མཐུས། །རྒྱལ་བ་གཉིས་པ་ཀུན་མཁྱ…

ༀ་པི་ཤཱ་ཙི་པརྞ་ཤ་བ་རི་སརྦ་ཛྭ་ར་པྲ་ཤ་མ་ཎི་སྭཱ་ཧཱ། ཅི་འགྲུབ་བཟླ་མཐར་རྣམ་འཇོམས་ནི། དེ་བཞིན་གཤེགས་པ་ཐམས་ཅད་ཀྱི། །མཐུ་སྟོབས་གཅིག་ཏུ་བསྡུས་པ་ཡི། །རྡོ་རྗེ་ཁྲོ་བོའི་སྐུར་སྟོན་པ། །རྣམ་པར་འཇོམས་ལ་ཕྱག་འཚལ་ལོ། །རྒྱ་གར་སྐད་དུ། བཛྲ་བི་ད་ར་ཎ་ནཱ་མ་དྷཱ་ར་ཎཱི། བོད་སྐད་དུ། རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས། སངས་…

སྐྱབས་སེམས་སངས་རྒྱས་ཆོས་ཚོགས། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ཅེས་ལན་གསུམ་གྱིས་སེམས་བསྐྱེད་པ་གསལ་བཏབ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡ…

ཐབས་མཁས་ཐུགས་རྗེས་ཤཱཀྱའི་རིགས་སུ་འཁྲུངས། །གཞན་གྱིས་མི་ཐུབ་བདུད་ཀྱི་དཔུང་འཇོམས་པ། །གསེར་གྱི་ལྷུན་པོ་ལྟ་བུར་བརྗིད་པའི་སྐུ། །ཤཱཀྱའི་རྒྱལ་པོ་ཁྱོད་ལ་ཕྱག་འཚལ་ལོ། །གང་གིས་དང་པོར་བྱང་ཆུབ་ཐུགས་བསྐྱེད་ནས། །བསོད་ནམས་ཡེ་ཤེས་ཚོགས་གཉིས་རྫོགས་མཛད་ཅིང་། །དུས་འདིར་མཛད་པ་རྒྱ་ཆེན་འགྲོ་བ་ཡི། །མགོན་གྱུར་ཁྱོད་ལ་བདག་གིས་བ…

དང་པོར་བྱང་ཆུབ་མཆོག་ཏུ་སེམས་བསྐྱེད་ནས། །བསྐལ་པ་གྲངས་མེད་གསུམ་དུ་ཚོགས་བསགས་ཤིང་། །བར་དུ་གཅོད་པའི་བདུད་བཞི་འཇོམས་མཛད་པ། །བཅོམ་ལྡན་སེང་གེ་དེ་ལ་ཕྱག་འཚལ་ལོ། །རྩོད་པའི་དུས་མཛད་ཐུབ་པའི་དབང་པོ་ཡིས། །རྒྱལ་པོའི་ཁབ་ནས་ཡངས་ཅན་ཀཽ་ཤཱམ་བཱི། །ཝར་ཁྱིམ་དང་ནི་ཐེག་ཆེན་ཤྲཱི་རི་དང་། །མཉན་ཡོད་གནས་སུ་རིམ་པར་གཤེགས་ལ་འདུད། །…

ཨཱ ཪྱ མ ཉྫུ ཤྲཱི ནཱ མ སཾ གཱི ཏི སརྦ ཏ ནྟྲ རཱ ཛཱ བི ཧ ར ཏི སྨ། ། རྒྱུད་ཐམས་ཅད་ཀྱི་རྒྱལ་པོ་འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ། རྒྱ་གར་སྐད་དུ། ཨཱཪྱ་མཉྫུ་ཤྲཱི་ནཱ་མ་སཾ་གཱི་ཏི། བོད་སྐད་དུ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །དེ་ནས་དཔལ་ལྡན་རྡོ་རྗེ་འཆང་། །གདུ…

འཇམ་དབྱངས་བསྟོད་པ་གང་བློ་མ་དང་གདུང་འབོད་གསོལ་འདེབས།རྒྱ་གར་སྐད་དུ། ཤྲཱི་ཛྙཱ་ན་གུ་ཎ་ཕ་ལ་ནཱ་ཱམསྟུ་ཏི། བོད་སྐད་དུ། དཔལ་ཡེ་ཤེས་ཀྱི་ཡོན་ཏན་བཟང་པོ་ཞེས་བྱ་བའི་བསྟོད་པ། བཅོམ་ལྡན་འདས་འཇམ་པའི་དབྱངས་ལ་ཕྱག་འཚལ་ལོ། །གང་གི་བློ་གྲོས་སྒྲིབ་གཉིས་སྤྲིན་བྲལ་ཉི་ལྟར་རྣམ་དག་རབ་གསལ་བ། །ཇི་སྙེད་དོན་ཀུན་ཇི་བཞིན་གཟིགས་ཕྱིར་ཉི…

རྒྱ་གར་སྐད་དུ། མ་ཧཱ་ཀཱ་རུ་ཎི་ཀ་ཀུ་བཱ་ཀྱ་སྟོ་ཏྲཱ་དྷིཥྛ་ན་ནཱ་མ། བོད་སྐད་དུ། ཐུགས་རྗེ་ཆེན་པོ་ལ་སྨྲེ་སྔགས་ཀྱིས་བསྟོད་པ་བྱིན་རླབས་ཅན་ཞེས་བྱ་བ། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཐུགས་རྗེ་ཆེན་པོ་འཕགས་པ་སྤྱན་རས་གཟིགས། །དྲི་མེད་དུང་མདོག་མཆོག་ཏུ་གཟུགས་བཟང་བ། །རྣམ་དག་འོད་གསལ་ཟླ་འོད་དཀྱིལ་ན…

སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །སྐྱབས་སེམས་བྱ། བདག་སོགས་མཁའ་ཁྱབ་སེམས་ཅན་གྱི། །སྤྱི་གཙུག་པད་དཀར་ཟླ་བའི་སྟེང། །ཧྲཱིཿལས་འཕགས་མཆོག་སྤྱན་རས་གཟིགས། །དཀར་གསལ་འོད་ཟེར་ལྔ་ལྡན་འཕྲོ། །འ…

ལག་མཐིལ་ལྟར་མཉམ་རིན་ཆེན་རྒྱན་གྱིས་སྤྲས། །ལྗོན་ཤིང་ཆུ་མཚོས་བརྒྱན་པའི་ས་གཞིའི་དབུས། །རིན་ཆེན་ལས་གྲུབ་གྲུ་བཞི་སྒོ་བཞི་པ། །པདྨ་ཉི་ཟླས་བརྒྱན་པའི་གདན་སྟེང་དུ། །ཐུགས་རྗེས་རྩོད་པའི་དུས་ཀྱི་གདུལ་བྱ་རྣམས། །རྣམ་གྲོལ་ལམ་ལ་འགོད་མཛད་འགྲོ་བའི་མགོན། །ཐུབ་པ་མཆོག་དང་གནས་བརྟན་ཆེན་པོ་རྣམས། །འཁོར་དང་བཅས་པ་གནས་འདིར་གཤེགས…

ཚོགས་གཉིས་ཆུ་གཏེར་གཏིང་མཐའ་ཡས། །རྣམ་དག་ཡོན་ཏན་ནོར་བུས་གང་། །རྨད་བྱུང་ཕྲིན་ལས་ཕྱོགས་བཅུར་འཕྲོ། །ཀུན་མཁྱེན་ཐུབ་པའི་ཞབས་ལ་འདུད། །མཐའ་བྲལ་ཟབ་མོའི་མཚོ་ལ་གནས། །གཞན་སྡེ་འདབ་བཟང་བྱེ་བ་ཡིས། །ལྟ་ཟེར་འགོག་པར་མ་ནུས་པའི། །འཕགས་མཆོག་ཀླུ་སྒྲུབ་ཞབས་ལ་འདུད། །མངལ་གྱི་དྲི་མ་རིང་དུ་སྤངས། །མདོ་རྒྱུད་ཀུན་གྱི་ཕ་རོལ་སོན། །…