བཀའ་སྩལ་པ། ང་ཡིས་མདོ་སྡེ་ཟབ་མོ་གཞན་དག་ལས། ཡང་དག་སྟོང་ཉིད་དམ་ཆོས་རྒྱས་བཤད་པ། དེང་འདིར་མདོ་སྡེའི་རྒྱལ་པོ་འདི་ལས་ཀྱང་། སྟོང་ཉིད་བསམ་གྱིས་མི་ཁྱབ་མདོ་ཙམ་བཤད། །ཟབ་མོའི་ཆོས་ནི་རྒྱ་ཆེན་མང་པོ་ལ། །སེམས་ཅན་ཤེས་མེད་རིག་པར་མི་ནུས་པས། །དེ་ཕྱིར་ངས་འདིར་མདོ་འདི་བསྟན་པས་ན། །སྟོང་པའི་ཆོས་ནི་རབ་ཏུ་རྟོགས་པར་འགྱུར། །ཐུག…

རླུང་ལྷན་ཅིག་ལུས་བསྒྲུབས་པས། །རྒྱུ་རྐྱེན་ཇི་བཞིན་ཐ་དད་འབྲས་བུ་ཐོབ། །ལྷན་ཅིག་གནས་ཀྱང་ཕན་ཚུན་གནོད་བྱས་པས། །སྦྲུལ་གདུག་བཞི་པོ་གཟེབ་གཅིག་གནས་པ་འདྲ། །འབྱུང་ཆེན་སྦྲུལ་བཞི་རང་བཞིན་ཐ་དད་པས། །ལྷན་ཅིག་གནས་ཀྱང་མཐོ་དང་དམའ་བ་ཡོད། །སྟེང་འོག་འགྲོ་ཞིང་ལུས་ནི་ཀུན་དུ་ཁྱབ། །འདི་དག་མཐར་ནི་ཟད་པའི་ཆོས་སུ་འགྲོ། །སྦྲུལ་གདུ…

བཞིན་ཡོད་མིན་ངོ་བོ་ཉིད་སྟོང་ཡང་། །ཚུལ་བཞིན་མ་ཡིན་རྣམ་པར་རྟོག་པ་བསྐྱེད། །ང་ཡིས་ཉོན་མོངས་ཐམས་ཅད་རབ་སྤངས་ནས། །རྟག་པར་ཡང་དག་ཡེ་ཤེས་མངོན་རྒྱུ་བས། །ལྔ་ཕུང་ཁང་ཁྱིམ་ཐམས་ཅད་སྟོང་རྟོགས་ནས། །བྱང་ཆུབ་ཡང་དག་གནས་ནི་བཙལ ་བ་ཡིན། །ང་ཡིས་བདུད་རྩི་གྲོང་ཆེན་སྒོ་ཕྱེ་ནས། །གྱ་ནོམ་བདུད་རྩི་སྣོད་ནི་བསྟན་པ་ཡིན། །ཡང་དག་བདུད་ར…

པ་དག །གང་ནི་བསྡུས་སྤུངས་ཚད་ནི་ཤེས་དཀའ་དང་། །དེ་བཞིན་ནམ་མཁའི་ཁམས་ནི་གང་བ་ཡི། །ཕྱོགས་བཅུའི་ཞིང་རྣམས་དག་ནི་ཐམས་ཅད་ན། །སྟོང་གསུམ་སྟོང་ཆེན་འཇིག་རྟེན་ཇི་སྙེད་པའི། །ས་རྣམས་རྡུལ་གྱི་ཕྱེ་མར་བྱས་གྱུར་ན། ། རྡུལ་གྱི་ཚད་ནི་བགྲང་བར་མི་ནུས་པས། །སེམས་ཅན་ཐམས་ཅད་ཤེས་པ་ཅི་ཡོད་པ། །ཤེས་པ་དེ་ཀུན་མི་གཅིག་རབ་བྱིན་ནས། །འདི་…

རྟེན་སྣང་མཛད་དང་། །རྐང་གཉིས་གཙོ་བོ་མཆོག་ལ་ནི། །བྱང་ཆུབ་སེམས་དཔའ་ཡང་དག་སྤྱོད། །ཞུ་ན་ཐུགས་རྗེས་གནང་བར་སྨོན། །བཅོམ་ལྡན་རིགས་ཀྱི་ལྷ་མོ་ལ། །གལ་ཏེ་ཐེ་ཙོམ་ཡོད་གྱུར་ན། །ཁྱོད་ཀྱིས་ཡིད་བཞིན་ཞུས་ཤིག་དང་། །རྣམ་ཕྱེ་བསྟན་པ་བྱ་ཞེས་གསུངས། །དེ་ནས་ལྷ་མོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བྱང་ཆུབ་སེམས་དཔའ་ཇི་ལྟ་བུར…

དགག་པར་བྱ་བ་མ་ཡིན་པ་དཔེར་བྱར་མི་རུང་བ། རྒྱུ་དང་རྐྱེན་གྱིས་བསྐྱེད་པར་བྱ་བ་མ་ཡིན་པའི་ཕྱིར་རོ། །རིགས་ཀྱི་ལྷ་མོ་འདི་ལྟ་སྟེ། དཔེར་ན་རྔའི་སྒྲ་གང་ཡིན་པ་དེ་ནི་ཤིང་ལ་ཡང་བརྟེན། ཀོ་བ་དང་དབྱུག་གུ་དང་ལག་པ་ལ་སོགས་པ་ལ་བརྟེན་པའི་ཕྱིར་སྒྲ་འབྱུང་བར་འགྱུར་ཡང་འདི་ལྟར་རྔའི་སྒྲ་གང་ཡིན་པ་དེ་ནི་འདས་པ་ཡང་སྟོང་། མ་འོངས་པ་ཡང་…

བས་ན་ཕུང་པོ་ལྔ་པོ་དག་ནི་ཡོད་པ་མ་ཡིན། མེད་པ་ཡང་མ་ཡིན། རྒྱུ་དང་རྐྱེན་ལས་མ་སྐྱེས་པ། རྒྱུ་དང་རྐྱེན་མེད་པ་ལས་སྐྱེས་པ་ཡང་མ་ཡིན་པར་རིག་པར་བྱའོ། །འཕགས་པས་ཤེས་པར་བྱ་བ་ཡིན་གྱི་གཞན་གྱི་སྤྱོད་ཡུལ་མ་ཡིན་པའི་ཕྱིར་ཚིག་དང་ཐ་སྙད་ཀྱིས་རིག་པར་མི་འགྱུར་བ། མིང་མེད་པ། མཚན་མ་མེད་པ། རྒྱུ་མེད་པ། རྐྱེན་མེད་པ། དཔེ་མེད་པ། ཐོག་…

ཀྱེ་ཚངས་པའི་རྒྱལ་པོ་ཆེན་པོ་བཅོམ་ལྡན་འདས་ཀྱིས་ཇི་སྐད་གསུངས་པ་ལྟར་ན་འདི་ནི་ཡང་དག་པར་ཤིན་ཏུ་ཟབ་པ་ཡིན་པས་སོ་སོའི་སྐྱེ་བོ་ཐམས་ཅད་ཀྱིས་དེའི་དོན་ཤེས་པར་མི་འགྱུར་གྱི་འདི་ནི་འཕགས་པའི་སྤྱོད་ཡུལ་ཡིན་པས་ཤིན་ཏུ་གྱ་ནོམ་ཞིང་ཤེས་པར་དཀའ་བ་ཡིན་ནོ། །གལ་ཏེ་དེང་བདག་གིས་ཆོས་འདི་ལ་བརྟེན་ནས་བདེ་བར་གནས་པར་ཐོབ་པ་བདེན་ཏེ་མི་ར…

སྤྱོད་པར་བྱེད་དོ། །གལ་ཏེ་རྨི་ལམ་བྱང་ཆུབ་ཀྱི་སྤྱད་པ་སྤྱོད་པར་བྱེད་ན་བདག་ཀྱང་བྱང་ཆུབ་ཀྱི་སྤྱད་པ་སྤྱོད་པར་བྱེད་དོ། །གལ་ཏེ་སྨིག་རྒྱུ་བྱང་ཆུབ་ཀྱི་སྤྱད་པ་སྤྱོད་པར་བྱེད་ན་བདག་ཀྱང་བྱང་ཆུབ་ཀྱི་སྤྱད་པ་སྤྱོད་པར་བྱེད་དོ། །གལ་ཏེ་ལུང་པའི་བྲག་ཆ་བྱང་ཆུབ་ཀྱི་སྤྱད་པ་སྤྱོད་པར་བྱེད་ན་བདག་ཀྱང་བྱང་ཆུབ་ཀྱི་སྤྱད་པ་སྤྱོད་པར…

མཐོང་བར་འགྱུར་བ་མངོན་པར་སྤྲུལ་པར་གྱུར་ན་སེམས་ཅན་གང་དག་གླེན་ཞིང་གཏི་མུག་ཅན་དུ་གྱུར་པ། དཔྱོད་པར་མི་ནུས་པ། སྒྱུ་མའི་རྩ་བ་མི་ཤེས་པ་དག་གིས་མཐོང་ཞིང་ཐོས་པར་གྱུར་ན། འདི་སྙམ་དུ་བདག་གིས་མཐོང་ཞིང་ཐོས་པའི་གླང་པོ་ཆེ་དང་རྟ་ལ་སོགས་པའི་ཚོགས་གང་ཡིན་པ་དེ་དག་ནི་ཡང་དག་པར་ཡོད་པ་ཡིན་གྱི། གཞན་ནི་བརྫུན་པ་ཡིན་ནོ་སྙམ་དུ་སེམ…

པ་ཡིན་པར་མི་ཤེས་སོ། །འཕགས་པའི་གང་ཟག་གང་ཡིན་པ་དེ་དག་ནི་འདུ་བྱེད་དང་། འདུ་བྱེད་མ་ཡིན་པའི་ཆོས་མཐོང་ངམ་ཐོས་པར་གྱུར་ན་ཅི་ནུས་ཅི་ལྕོགས་ཀྱིས་ཡང་དག་པར་ཡོད་པ་ཡིན་ནོ་སྙམ་དུ་མངོན་པར་ཞེན་པ་སྐྱེད་པར་མི་བྱེད་པས་ཐམས་ཅད་དུ་ཡང་དག་པའི་འདུ་བྱེད་ཀྱི་ཆོས་དང་ཡང་དག་པའི་འདུ་བྱེད་མ་ཡིན་པའི་ཆོས་མེད་ཀྱི་མི་བདེན་པས་བསམས་པའི་འད…

འདས་བྱང་ཆུབ་སེམས་དཔའ་ཡིད་བཞིན་རིན་ཆེན་འོད་འཕྲོ་འདི་ནི་བསམ་གྱིས་མི་ཁྱབ་པས་དོན་ཟབ་མོ་འདི་ལྟ་བུ་མངོན་པར་རྟོགས་པར་འགྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །དེ་དེ་བཞིན་ཏེ། ཚངས་པའི་རྒྱལ་པོ་ཁྱོད་ཀྱིས་ཇི་སྐད་སྨྲས་པ་དེ་བཞིན་དུ་ཡིད་བཞིན་རིན་ཆེན་འོད་འཕྲོ་འདིས་བསྟན་ནས་ཁྱེད་མི་སྐྱེ་བའི་ཆོས་ཀྱི་…

ནས་བསམ་གྱིས་མི་ཁྱབ་པའི་སྨོན་ལམ་མཆོག་ཡོངས་སུ་རྫོགས་པར་འགྱུར་བས་ཡང་བྱང་ཆུབ་ཏུ་སེམས་བསྐྱེད་ནས། སོ་སོ་ནས་རང་གི་གོས་ཕུད་དེ་བྱང་ཆུབ་སེམས་དཔའ་ལ་མཆོད་པ་བྱས་ནས་མཆོག་ཏུ་བརྩོན་པའི་སེམས་བླ་ན་མེད་པ་བསྐྱེད་དེ། སྨོན་ལམ་འདི་སྐད་དུ་བདག་ཅག་བསོད་ནམས་ཀྱི་དགེ་བའི་རྩ་བ་ཅི་བསགས་པ་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆ…

མི་འགྲོའོ། །ཚངས་པའི་རྒྱལ་པོ་དེའི་ཕྱིར་ངས་དེང་ཁྱོད་ཀྱིས་བསླབ་པར་བྱ་ཞིང་དྲན་པ་ཡོངས་སུ་བཟུང་ནས་གཞན་དག་ལ་རྒྱ་ཆེར་བསྟན་པར་བྱའོ་ཞེས་བསྟན་པ་ཡིན་ནོ། །དེ་ཅིའི་ཕྱིར་ཞེ་ན། ངས་སྔོན་བྱང་ཆུབ་སེམས་དཔའི་ལམ་ཡོངས་སུ་སྤྱད་པ་ན་ཇི་ལྟར་དཔའ་བོ་གཡུལ་ངོར་འཇུག་པ་བཞིན་དུ་ལུས་དང་སྲོག་ལ་ཕངས་པ་མེད་པར་འདི་ལྟར་མདོ་སྡེའི་རྒྱལ་པོ་མཆ…

པ་མཆོག་ཏུ་རྣམ་པར་རྒྱལ་བའི་མདོ་སྡེ་འདི་དང་། ཆོས་འཆད་པའི་མཁན་པོ་གང་ལགས་པ་དེ་དག་ཡོངས་སུ་བསྲུང་ཞིང་སྤེལ་བར་བགྱིད་ལ། གལ་ཏེ་བགེགས་བགྱིད་པ་ཞིག་མཆིས་ན་ཡང་བདག་ཅག་གིས་ཡོངས་སུ་བསལ་ནས་དགེ་བ་མང་པོ་དང་ལྡན་པ་དང་། ཁ་དོག་དང་། མཐུ་སྟོབས་དང་ལྡན་པ་དང་། སྤོབས་པ་ལ་ཐོགས་པ་མ་མཆིས་པ་དང་། ལུས་དང་སེམས་བག་ཡངས་སུ་འགྱུར་བ་དང་། ཉ…

དེ་ནས་ལྷའི་རྒྱལ་པོ་རྣམ་ཐོས་ཀྱི་བུ་དང་། ལྷའི་རྒྱལ་པོ་ཡུལ་འཁོར་སྲུང་དང་། ལྷའི་རྒྱལ་པོ་འཕགས་སྐྱེས་པོ་དང་། ལྷའི་རྒྱལ་པོ་མིག་མི་བཟང་ཅིག་ཆར་སྟན་ལས་ལངས་ཏེ། བླ་གོས་ཕྲག་པ་གཅིག་ལ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ། བཅོ…

བར་འགྱུར་བ་དང་། རྫུ་འཕྲུལ་ཡང་ཆེས་ལྷག་ཅིང་ཁྱད་པར་དུ་འཕགས་པར་འགྱུར་ལགས་སོ། །བཅོམ་ལྡན་འདས་བདག་ཅག་རྒྱལ་པོ་བཞི་ཡང་ཆོས་ཡང་དག་པ་མངོན་པར་སྒྲུབ་ཅིང་རྟག་པར་ཡང་དག་པའི་ཆོས་བསྟན་ནས་ཆོས་ཀྱིས་འཇིན་རྟེན་འདུལ་བར་བགྱིད་པས་བདག་ཅག་གིས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། གྲུལ་བུམ་ད…

བགྱིས་པའི་མཐུས་ཡུལ་ཁམས་དེར་མཆིས་ནས་གསེར་འོད་དམ་པ་ཤིན་ཏུ་གྱ་ནོམ་པའི་མདོ་སྡེ་འདི་རྒྱ་ཆེར་ཡང་དག་པར་སྤེལ་བར་བགྱིད་པས་མདོ་སྡེ་འདིའི་མཐུས་གནོད་པ་དང་། ལྟས་ངན་གྱི་དངོས་པོ་བརྒྱ་སྟོང་ཚད་མ་མཆིས་པ་དེ་དག་ཐམས་ཅད་ཉེ་བར་ཞི་ཞིང་ཡོངས་སུ་སེལ་བར་འགྱུར་ལགས་སོ། །བཅོམ་ལྡན་འདས་མིའི་རྒྱལ་པོ་གང་གི་ཡུལ་དུ་མདོ་སྡེ་འདི་ཡོངས་སུ་…

དང་གུས་པས་བླ་མར་བགྱིས་པས་ཡུལ་གྱི་རྒྱལ་པོ་གཞན་རྣམས་ཀྱིས་ཀྱང་བསྔགས་པ་བརྗོད་པར་འགྱུར་རོ། །འཁོར་མང་པོ་རྣམས་དེ་སྐད་ཅེས་ཐོས་པ་དང་རབ་ཏུ་དགའ་བས་ཡོངས་སུ་འཛིན་པར་གྱུར་ཏོ། །གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ་ལས་རྒྱལ་པོ་ཆེན་པོ་བཞིས་ལྷ་དང་མི་རྣམས་ལ་བལྟ་ཞིང་བརྟག་པའི་ལེའུ་སྟེ་བཅུ་གཅིག་པའོ།། །།གས…

དང་། ལྷའི་འཁོར་གཞན་རྣམས་དང་། གནོད་སྦྱིན་རྣམས་དང་། ལྷ་མ་ཡིན་དང་འཐབ་པའི་ཚེ་རྟག་ཏུ་རྒྱལ་བའི་ཕན་ཡོན་འཐོབ་པར་འགྱུར་རོ། །ཁྱེད་ཅག་མདོ་སྡེ་འདི་ཡོངས་སུ་བསྲུང་ཞིང་ཡོངས་སུ་འཛིན་པར་བྱེད་ན་མདོ་སྡེ་འདིའི་མཐུས་སྡུག་བསྔལ་མང་པོ་དང་། ཕྱིར་རྒོལ་བའི་དགྲ་དང་། མུ་གེ་དང་། ནད་དང་། རིམས་ནད་ཐམས་ཅད་རབ་ཏུ་ཞི་ཞིང་ཡོངས་སུ་སེལ་བར…