བདག་གི་ལུས་ཡང་དག་པ་མངོན་སུམ་དུ་མཐོང་བར་འཚལ་བ་དེས་སེམས་རྩེ་གཅིག་ཏུ་གཟུངས་འདི་ཡོངས་སུ་འཛིན་པར་བགྱིད་ན། ཇི་ལྟར་སྨོན་པ་ཐམས་ཅད་ཡིད་བཞིན་དུ་འགྲུབ་པར་བགྱིད་དོ། །འདི་ལྟ་སྟེ། ནོར་དང་རིན་པོ་ཆེའི་གཏེར་དང་། མངོན་པར་ཤེས་པ་དང་། ཚེ་རིང་བའི་སྨན་དམ་པ་གཉེར་བ་དང་། སེམས་ཅན་གྱི་ནད་མང་པོ་གསོ་བ་དང་། ཕྱིར་རྒོལ་བའི་དགྲ་ཕམ་པ…

ཊི་ཊེ་པ་ཊི། ཀུ་ཀུ་ཊི། ཀ་བ་ཙི་ལི་སྭཱ་ཧཱ། བཅོམ་ལྡན་འདས་སྔགས་འདི་འདོན་པའི་ཚེ་ཚོན་སྣ་ལྔའི་སྐུད་པ་བླངས་ནས་སྔགས་ལན་ཉི་ཤུ་རྩ་གཅིག་བཟླས་ཏེ། མདུད་པ་ཉི་ཤུ་རྩ་གཅིག་བགྱིས་ནས། དཔུང་པ་གཡོན་པ་ལ་བཅིངས་ན་སླན་ཆད་ལུས་བསྲུང་བ་བགྱིས་པས་འཇིགས་པ་མ་མཆིས་པར་འགྱུར་རོ། །གང་ལ་ལ་ཞིག་སེམས་རྩེ་གཅིག་ཏུ་སྔགས་འདི་ཟློས་པར་བགྱིད་ན། བས…

ནས་སོ་སོ་ནས་རང་གི་ལུས་མི་གདའ་བར་བགྱིས་ཏེ། ཅི་རིགས་པར་ཆོས་སྨྲ་བའི་མཁན་པོ་དེ་དང་། ཆོས་ཉན་པའི་འཁོར་དེ་དག་ཡོངས་སུ་བསྲུངས་ནས་གནོད་པ་རྣམས་སྤངས་ཏེ་རྟག་པར་བདེ་བ་མྱོང་བར་བགྱིད་དོ། །སྐྱེས་པའམ། བུད་མེད་དམ། ཁྱེའུ་འམ། བུ་མོ་གང་ལ་ལ་ཞིག་མདོ་སྡེ་འདི་ལས་ཐ་ན་ཚིག་བཞི་པའི་ཚིགས་སུ་བཅད་པ་གཅིག་ཙམ་ཡང་དག་པར་འཛིན་པར་བགྱིད་དམ…

དུ་གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་ཞེས་བགྱི་བ་ལགས་ཏེ། དོན་དེའི་སླད་དུ་བདག་གིས་ཆོས་སྨྲ་བའི་མཁན་པོ་དེའི་ཚིག་གི་སྤོབས་པ་གསལ་ཞིང་རྒྱན་དང་ལྡན་པ་དང་། གཟི་བྱིན་དང་མདངས་བ་སྤུའི་བུ་ག་ཀུན་ནས་འཇུག་པ་དང་། ལུས་ཀྱི་མཐུ་སྟོབས་དང་ལྡན་པ་དང་། གཟི་བྱིན་དང་ལྡན་ཞིང་དཔའ་བ་དང་། དཔག་པར་དཀའ་བའི་ཡེ་ཤེས་ཀྱི་སྣང་བ་ཐམས…

ཧ། ཧི་ཧི་ཧི་ཧི་ཧི། ཧུ་ཧུ་ཧུ་ཧུ་ཧུ། ཧ་ལོ་དྷ་མེ། གུདྡྷ་མེ། ཙ་ཙ་ཙ་ཙ། ཙི་ཙི་ཙི་ཙི། ཙུ་ཙུ་ཙུ་ཙུ། ཙཎྜེ་ཤྭ་ར། ཤི་ཁ་ར་ཤི་ཁ་ར།ཨུ་ཏིཥྛ་ཧེ། བྷ་ག་བཱན་སཾ་བིད་ཛྙཱ་ཡ་སྭཱ་ཧཱ། གང་ལ་ལ་ཞིག་རིག་སྔགས་འདི་འཛིན་པར་བགྱིད་ན་བདག་གིས་འཚོ་བའི་ཡོ་བྱད་སྨན་དང་། བཟའ་བ་དང་། བཏུང་བ་དང་། གོས་དང་། མེ་ཏོག་དང་། འབྲས་བུ་དང་། རིན་པོ་ཆེ་ངོ…

དུ་གྱུར་ནས་ནམ་མཁའ་ལ་མཆི་བར་འཚལ་ལམ། ལྷའི་མིག་གི་མངོན་པར་ཤེས་པ་དང་། གཞན་གྱི་སེམས་འཚལ་བ་དང་། སེམས་ཅན་ཐམས་ཅད་ལ་ཡིད་བཞིན་དུ་རང་དབང་ཐོབ་ནས་ཉོན་མོངས་པ་བཅད་དེ་མྱུར་དུ་རྣམ་པར་གྲོལ་བ་ཐོབ་པ་ལ་དགོད་པར་འཚལ་ན་ཡང་ཐམས་ཅད་ཕུན་སུམ་ཚོགས་པར་བགྱིད་དོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་ལ་བ…

འདས་ཀྱིས་འཁོར་མང་པོའི་ནང་དུ་སའི་ལྷ་མོ་བརྟན་མ་ལ་བཀའ་སྩལ་པ། ཁྱོད་ལེགས་པར་ཉོན་ཅིག །སྔོན་འདས་པའི་དུས་ཀྱི་ཚེ་རྒྱལ་པོ་སྟོབས་ཀྱི་གཙོ་བོའི་ཏོག་ཅེས་བྱ་བ་བྱུང་ངོ་། །རྒྱལ་པོ་དེའི་བུ་མཛེས་པའི་ཏོག་ཅེས་བྱ་བ་ཞིག་ཡོད་དེ། སྤྱི་བོ་ནས་དབང་བསྐུར་ནས་རིང་པོ་མ་ལོན་པར་དེ་ནས་རྒྱལ་པོ་ཡབ་ཀྱིས་མཛེས་པའི་ཏོག་ལ་འདི་སྐད་ཅེས་སྨྲས་ས…

པོ་ཞེས་ནི་བགྱི་བར་འགྱུར། །གཞན་ཡང་རྒྱུ་རྐྱེན་གང་གི་སླད། །ལྷ་ཡི་བུ་ཞེས་བགྱི་བར་འགྱུར། །ཇི་ལྟར་མིར་ནི་སྐྱེས་པ་ལ། །གཅིག་པུ་མི་ཡི་བདག་པོ་འཐོབ། །ཇི་ལྟར་མཐོ་རིས་གནས་དག་ཏུ། །ལྷ་ཡི་རྒྱལ་པོ་བགྱིད་པར་འགྱུར། །དེ་ལྟར་འཇིག་རྟེན་སྐྱོང་དག་གིས། །ཚངས་རྒྱལ་དེ་ལ་ཞུས་པ་དང་། །དེ་ཚེ་ཚངས་པའི་བདག་པོ་ཡིས། །དེ་དག་ལ་ནི་འདི་སྐད…

བྱ། །གལ་ཏེ་ཉེས་མཐོང་མི་འགོག་ན། །ཆོས་མིན་རབ་ཏུ་འཕེལ་འགྱུར་བས། །རྒྱལ་པོ་དེ་ཡི་ཡུལ་ཁམས་སུ། །གཡོ་སྒྱུ་མང་དུ་འཕེལ་བར་འགྱུར། །རྒྱལ་པོས་ཉེས་བྱེད་མཐོང་བ་ལ། །གལ་ཏེ་ཟློག་པར་མི་བྱེད་ན། །སུམ་ཅུ་རྩ་གསུམ་ལྷ་འཁོར་རྣམས། ། ཐམས་ཅད་ཁོང་ཁྲོའི་སེམས་སྐྱེ་འགྱུར། །རྒྱུ་དེས་རྒྱལ་ཁྲིམས་ཉམས་འགྱུར་ཞིང་། །གཡོ་སྒྱུ་འཇིག་རྟེན་འཕེ…

འགྱུར། །ཕ་མ་ཆུང་མ་བུ་རྣམས་དང་། །ཕུ་ནུ་དང་ནི་སྲིང་མོ་རྣམས། །ཅིག་ཅར་སྡུག་དང་བྲལ་འགྱུར་ཞིང་། །ཐ་མར་བདག་ཀྱང་འཆི་བར་འགྱུར། །ལྟས་ངན་སྐར་མདའ་དག་ཀྱང་ལྟུང་། །ཉི་མ་གཉིས་ནི་ཅིག་ཅར་འཆར། །ཕ་རོལ་དགྲ་ནི་ཉེར་འོངས་པས། །ཡུལ་མི་འཆི་བར་འཁྲུག་ཕྲད་འགྱུར། །ཡུལ་བཀུར་བློན་པོ་ཆེན་པོ་རྣམས། །ཉེས་མེད་གློ་བུར་འཆི་བར་འགྱུར། །གླང་…

བ་ཀུན་གྱིས་མྱ་ངན་སྐྱེ། །སཱ་ལུ་ནས་དང་ལོ་ཏོག་རྣམས། །རོ་ཞིམ་ཁད་ཀྱིས་མེད་གྱུར་པས། །བཟའ་ཚེ་སེམས་ཀྱང་མི་དགའ་ན། །འབྱུང་ཆེན་འཕེལ་བྱེད་ག་ལ་ནུས། །སེམས་ཅན་ཁ་དོག་འོད་ཉམས་ཤིང་། །མཐུ་སྟོབས་ཟད་ཅིང་ཉམས་པར་འགྱུར། །ཁ་ཟས་མང་པོ་ཟོས་ཀྱང་ནི། །འགྲངས་པ་ཉིད་དུ་ཡོང་མི་འགྱུར། །ཡུལ་ཁམས་དེ་ན་ཡོད་པ་ཡི། །སེམས་ཅན་རྣམ་པ་ཇི་སྙེད་པ། …

མཐོང་བའི་རྣམ་སྨིན་ངེས་པར་མྱོང་། །དགེ་དང་མི་དགེའི་ལས་དག་ལ། །སྤྱོད་སྤོང་སེམས་ཅན་བསྐུལ་ནས་ནི། །དགེ་སྡིག་རྣམ་སྨིན་བསྟན་པས་ན། །དེ་ཕྱིར་མི་རྒྱལ་ཐོབ་ནས་ཀྱང་། །ལྷ་རྣམས་ལྷན་ཅིག་བྱིན་བརླབས་ནས། །ཐམས་ཅད་ཡི་རང་འགྱུར་བ་ཡིན། །བདག་དང་གཞན་ལ་ཕན་གདགས་ཕྱིར། །ཡང་དག་ཆོས་ཀྱིས་ཡུལ་བསྐྱང་བྱ། །གཡོ་སྒྱུ་བྱེད་པ་མཐོང་གྱུར་ན། །ཆ…

རྒྱལ་པོས་ཡང་དག་ཆོས་འདུལ་རྒྱུས། །རྟག་ཏུ་སེམས་ནི་དགའ་བར་འགྱུར། །ལྷ་ཚོགས་ཐམས་ཅད་རབ་དགའ་ནས། །མི་རྒྱལ་དེ་ལ་སྲུང་བར་བྱེད། །གཟའ་སྐར་རང་གི་ལམ་རྒྱུ་ཞིང་། །ཉི་ཟླ་ཚད་ལས་འདའ་མི་བྱེད། །རླུང་ནི་རྟག་པར་དུས་བཞིན་ལྡང་། །བདུད་རྩིའི་ཆར་ནི་དུས་བཞིན་འབབ། །ལོ་ཏོག་ཐམས་ཅད་སྨིན་ལེགས་པས། །མི་རྣམས་མུ་གེ་མེད་པར་འགྱུར། །ལྷ་ཚོགས…

བཅོས་བཀས་བཤད་ནས་ཡང་འཁོར་མང་པོ་རྣམས་ལ་བཀའ་སྩལ་པ། ཁྱེད་ལ་སོགས་པ་ལེགས་པར་ཉོན་ཅིག་དང་། ངས་དེང་ཁྱོད་ལ་སྔོན་ཆོས་ཡང་དག་པར་སྤྱོད་པའི་རྒྱུ་དང་རྐྱེན་བཤད་པར་བྱའོ། །དེ་ནས་དེའི་ཚེ་ཚིགས་སུ་བཅད་དེ་བཀའ་སྩལ་པ། ངས་སྔོན་འཁོར་ལོས་སྒྱུར་རྒྱལ་བྱས་པ་ན། །ས་ཆེན་འདི་དང་རྒྱ་མཚོར་བཅས་པ་བཏང་། །གླིང་བཞི་རིན་ཆེན་གྱིས་ནི་རབ་བཀང་བ།…

ཆེན་བརྩེགས་པ་དེ་ཡི་གནས་སུ་ཕྱིན། །གནས་ཁང་ནང་དུ་ལུས་ནི་དྲང་བསྲང་སྟེ། །འོད་དང་མཚན་མཆོག་ལུས་ཀུན་ཁྱབ་པར་མཐོང་། །རྒྱལ་པོ་དེ་ལ་འདི་ནི་རིན་ཆེན་བརྩེགས། །མདོ་སྡེའི་རྒྱལ་པོ་མཆོག་གྱུར་འདི་ལྟ་སྟེ། །གསེར་འོད་དམ་པ་ཤིན་ཏུ་གྱ་ནོམ་མཆོག །སངས་རྒྱས་སྤྱོད་ཡུལ་ཟབ་མོ་འཛིན་ཅེས་སྨྲས། །རྒྱལ་པོས་རིན་ཆེན་བརྩེགས་ལ་ཕྱག་བྱས་ནས། །ག…

ཕྱོགས་བཅུའི་ཞིང་ན་བཞུགས་པའི་བྱམས་ཆེན་གཙོ། །བྱེ་བ་བརྒྱ་སྟོང་དེ་དག་ཡིད་ལ་བསམས། །སྡུག་བསྔལ་སེམས་ཅན་ཐམས་ཅད་ཇི་སྙེད་པ། །ཐམས་ཅད་བྱམས་སེམས་མཉམ་པ་ཉེར་གཞག་ནས། །གསོལ་འདེབས་བདག་པོ་རྒྱལ་པོ་ལེགས་པའི་ཕྱིར། ། གསེར་འོད་དམ་པའི་མདོ་སྡེ་རབ་ཏུ་བཤད། །རྒྱལ་པོས་དེ་འདྲའི་ཆོས་ནི་ཐོས་གྱུར་ནས། །ཐལ་སྦྱར་རྩེ་གཅིག་རྗེས་སུ་ཡི་རང་…

སེམས་ཅན་ཐམས་ཅད་ཀུན་གྱི་སྙིང་དུ་སྡུག །ལྷ་ཚོགས་མང་པོ་བྱེ་བ་ཀུན་དེ་བཞིན། །འདས་ཚེ་བསྐལ་པ་བྱེ་བ་དགུ་བཅུ་དགུ། །འཁོར་ལོས་སྒྱུར་བའི་རྒྱལ་པོ་དག་ཀྱང་བྱས། །ཡུལ་ཁམས་ཆུང་ངུར་མི་ཡི་རྒྱལ་པོ་བྱས། །གཞན་ཡང་བསྐལ་པ་བརྒྱ་སྟོང་ཚད་མེད་སྙེད། །བརྒྱ་བྱིན་ལྷ་ཡི་དབང་པོ་དག་ཀྱང་བྱས། །ཚངས་པའི་རྒྱལ་པོ་ཆེན་པོ་དག་བྱས་ཏེ། །ཕྱོགས་བཅུའ…

སྩལ་པ། གང་ཞིག་སངས་རྒྱས་མང་པོ་ལ། །བསམ་གྱིས་མི་ཁྱབ་མཆོད་པ་དང་། །དེ་བཞིན་གཤེགས་པ་ཐམས་ཅད་ཀྱི། །སྤྱོད་ཡུལ་ཟབ་མོ་ཤེས་འདོད་ན། །གལ་ཏེ་གསེར་འོད་དམ་པ་འདི། །ཡང་དག་ཕྱེ་བཤད་མཐོང་གྱུར་ན། །དེ་ཡི་ཕྱོགས་སུ་ཉེར་སོང་ནས། །དེ་ཡི་དྲུང་དུ་འགྲོ་བར་བྱ། །མདོ་འདི་བསམ་གྱིས་མི་ཁྱབ་པས། །ཡོན་ཏན་མང་པོ་སྤྱོད་བྱེད་ཅིང་། །སྡུག་བསྔལ་ར…

འདུག་པར་བྱ། །དེ་ལ་བདེ་བར་འདུག་ནས་ནི། །ཟབ་མོའི་མདོ་འདི་བཤད་པར་བྱ། །ཡི་གེར་བྲིས་ནས་ཀློག་འཛིན་དང་། །དེ་ཡི་དོན་ནི་བཤད་པར་བྱ། །ཆོས་སྨྲ་སྟན་ནི་སྤངས་ནས་ནི། །ཕྱོགས་གཞན་དག་ཏུ་སོང་གྱུར་ཀྱང་། །ཁྲི་སྟན་མཐོན་པོ་དེ་ལས་ནི། ། ཆོ་འཕྲུལ་མཚན་མ་མང་འབྱུང་བ། །རེས་འགའ་ཆོས་སྨྲ་མཁན་པོའི་གཟུགས། །སྟན་མཐོ་སྟེང་ན་འདུག་པར་མཐོང་།…

དཔལ་གྱི་ལྷ་མོ་ཆེན་མོ་དང་། །འདི་ལ་སོགས་པ་ལྷ་ཡི་གཙོ། །སོ་སོར་ལྷ་ཚོགས་ཁྲིད་ནས་ནི། །སངས་རྒྱས་རྣམས་ལ་མཆོད་པར་བྱེད། །དཀོན་མཆོག་ཆོས་ནི་བསམ་མི་ཁྱབ། །རྟག་པར་དགའ་བའི་སེམས་ཀྱིས་ནི། །མདོ་སྡེ་ལ་ནི་བཀུར་སྟི་བྱེད། །འདི་ལ་སོགས་པའི་ལྷ་མང་པོ། །ཐམས་ཅད་ལྷན་ཅིག་འགྲོགས་ནས་ནི། །བསོད་ནམས་སྒྲུབ་པ་རྣམ་བལྟས་ནས། །ལྷན་ཅིག་འདི་ས…