ལ་དང་། རྡོ་རྗེ་ཟུར་གསུམ་དང་། པདྨ་དང་། རྩེ་གསུམ་དག་ཁ་དོག་སྣ་ཚོགས་འབར་བ་ཁོར་ཡུག་ཏུ་ཡོངས་སུ་བསྐོར་བ་བྲི་བར་བྱའོ། །ཁ་ཁྱེར་གྱི་རྣམ་པས་བརྒྱན་པ་ལ་ཁ་ཁྱེར་གྱི་ཕྱི་རོལ་དཀྱིལ་འཁོར་གྱི་གནས་སུ་མཚན་མ་སྣ་ཚོགས་བྲི་བར་བྱ་སྟེ། རིགས་ཆེན་པོ་བཞི་ཐུན་མོང་བའི་དཀྱིལ་འཁོར་གྱི་ཕྱག་རྒྱ་བྲི་བར་བྱའོ། །ཤར་གྱི་གནས་སུ། དེ་བཞིན་གཤེ…

ཞབས་བསིལ་གྱི་སྣོད་དང་། རིན་པོ་ཆེ་སྣ་བདུན་རབ་ཏུ་དགྲམ་མོ། །དྲིའི་ཆུས་བཀང་བའི་བུམ་པ་དང་། ལེགས་པར་བརྒྱན་པའི་བུམ་པ་བྱས་ནས། མཁས་པས་དར་བཟང་པོ་བཅིངས་ཏེ། དབུས་ཀྱི་དཀྱིལ་འཁོར་དུ་གཞག་པར་བྱའོ། །སྒོ་བཞིར་དྲི་ཆབ་ཀྱིས་གང་བའི་བུམ་པ་དར་གྱིས་བཅིངས་པ་གཞག་པར་བྱའོ། །མཁས་པས་སྒོ་དང་། སྒོ་རུ་ནི། བུ་རམ་དང་། ཤ་ཁ་ར་དང་། སྦྲང་…

གིས་ལས་ཐམས་ཅད་ཀྱི་དངོས་གྲུབ་བླ་ན་མེད་པའོ། །རྒྱལ་བ་རིགས་བཞིའི་ཡོངས་སུ་བསྐོར་བའི་དཀྱིལ་འཁོར་དུ་ཞུགས་པ་དེ་དག་ཐམས་ཅད་ནི། འགྲོ་བ་བཟང་པོར་སྐྱེ་བར་འགྱུར་རོ། །དེ་བཞིན་དུ་བདེ་བ་ཅན་དུ། འོད་དཔག་མེད་ཀྱི་སྤྱན་སྔར་པདྨ་ལས་བརྫུས་ཏེ་སྐྱེ་བར་ཐེ་ཙོམ་མེད་དོ། །ལྷའི་གཟུགས་ཤིན་ཏུ་མཛེས་པ་རྒྱན་ཐམས་ཅད་ཀྱིས་རྣམ་པར་བརྒྱན་པ། འཇ…

ཐེ་ཙོམ་མི་བྱའོ། །ཡུན་རིང་དུ་འཚོ་བར་འགྱུར། རྟག་ཏུ་སྨྲ་བ་ཉུང་ཞིང་མཁས་པ་དང་། ཐམས་ཅད་དུ་དངོས་གྲུབ་ཐོབ་པར་འགྱུར་རོ། །དཀྱིལ་འཁོར་མཐོང་བ་དང་། འཇུག་པ་ལ་དགའ་བར་འགྱུར། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཀྱང་དགྱེས་པ་དང་བཅས་པས་བྱིན་གྱིས་རློབ་པར་འགྱུར་རོ། །སངས་རྒྱས་རྣམས་དང་། འཇིག་རྟེན་ལས་འདས་པ་དང་། དེ་བཞིན…

དབང་ཕྱུག་ལ་ཕབ་བོ། །རབ་ཏུ་དགྱེས་པའི་ཐུགས་ཀྱིས་ལྷའི་ཆུ་གསལ་ཞིང་རྒྱ་ཆེ་བ། དྲི་འཕྲོ་བས་རྣམ་པར་མཛེས་པའི་དཔྲལ་བའི་ཆུ་མུ་ཏིག་དང་མཉམ་ཞིང་མཚུངས་པ། ཛ་ཏིའི་འབྲས་བུ་དང་འདྲ་བར་རྣམ་པར་མཛེས་པའི་དཔྲལ་བའི་ལྷའི་ཆུས་ཡོངས་སུ་དབང་བསྐུར་ཏེ། ཐིགས་པ་ནམ་མཁའ་དང་མཉམ་པ་བཞུ་བའི་མིག་འབྲས་ལས་ལྷུང་བའི་ཆུ་སྐར་མ་ལས་རབ་ཏུ་ལྷུང་བའི་གོ…

བཅོམ་ལྡན་འདས་ཀྱི་སྤྱན་སྔར་འཁོར་ཆེན་པོའི་དབུས་སུ། དེ་བཞིན་གཤེགས་པའི་སྤྱན་སྔར་ཡོངས་སུ་བསྒྲག་པར་བགྱིའོ། །དེའི་མཐུ་དང་། རིག་སྔགས་ཀྱི་རྒྱལ་པོའི་མཐུ་སྟོབས་ཀྱི་རྫུ་འཕྲུལ་གྱི་ཆོ་འཕྲུལ་གྱི་རྣམ་པར་འཕྲུལ་པ་འདི་མཐོང་ངོ་། །དེའི་མཐུས་པདྨ་འདི་བྱུང་ངོ་། །རིག་སྔགས་ཀྱི་རྒྱལ་པོ་འདི་བདག་གི་དཔྲལ་བ་ནས་ཕྱུང་བས་ཆོ་འཕྲུལ་གྱ…

ལས་ཐམས་ཅད་སྒྲུབ་པའི་ཆོ་ག་རྣམས་ལ་ལེགས་པར་སྒྲུབ་པའི་ཆོ་གར་ཡང་འགྱུར་རོ། །རྟག་ཏུ་རིག་སྔགས་འཆང་གི་རྗེས་སུ་འབྲང་ཞིང་། ཕྱི་བཞིན་ཕྱི་བཞིན་ལྷན་ཅིག་རྗེས་སུ་འབྲང་བར་འགྱུར་རོ་ཞེས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས། བཅོམ་ལྡན་འདས་ཀྱིས་གནང་བར་རིག་ནས། སེམས་ཅན་ཐམས་ཅད་ལ་རྗེས་སུ་བར…

ར་ཤུ་པཱ་ཤེ་དྷ་ར། ས་ར་ས་ར་ས་མནྟ་བེེ་རོ་ཙ་ན། སརྦ་ཏ་ཐཱ་ག་ཏ་གུ་ཧྱ་ཨདྷིཥྛི་ཏེ། ཀུ་ལ་ས་མ་ཡ་པ་རི་པཱུ་ར་ཎི། བ་ར་བ་ར། བཛྲ་ཛྭཱ་ལ་མཱ་ལཱ་གརྦྷེ། བཛྲེ་བཛྲེ་བཛྲ་ཨ་དྷིཥྛི་ཏ་པདྨེ་ཧཱུྃ་ཧཱུྃ། མ་ཎི་མ་ཎི་མ་ཧཱ་མ་ཎི་ཙིནྟཱ་མ་ཎི་པཱ་ཤ་དྷ་ར། ཧུ་རུ་ཧུ་རུ་པདྨ་པདྨ་གོོ་རེ་པདྨ་པཱ་ཎི་བར་དེ། ཨ་མོ་གྷ་པདྨེ། ཨོྃ་པདྨི་ནི་པདྨ་མ་ཎི་བཛྲ་དྷ…

པ། པདྨ་ཁ་བྱེ་བའི་སྙིང་པོར་བཅོམ་ལྡན་འདས་ཀྱི་སྤྱན་སྔར་འཁོད་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། མགོ་བོས་ཕྱག་འཚལ་ཞིང་ཐལ་མོ་སྦྱར་བ་བཏུད་དེ། བཅོམ་ལྡན་འདས་ཀྱི་སྤྱན་སྔར་འདུག་སྟེ། མིག་མི་འཛུམས་པར་བལྟ་ཞིང་འཁོད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་…

དང་། འཇིག་རྟེན་དབང་ཕྱུག་ཉིད་དང་། རིག་པའི་དབང་ཕྱུག་ཉིད་དང་། ལྷ་མོ་ཆེན་མོ་ཕྱག་རྒྱའི་དབང་ཕྱུག་དང་། རིགས་ཀྱི་དཀྱིལ་འཁོར་གྱི་ལྷ་མོ་དང་། ཧུ་ཧྭ་བཟླས་པའི་སྦྱིན་སྲེག་དང་། ཞི་བའི་ལས་དང་། ལྷ་མོ་རིགས་མཛེས་མ་དང་། རིག་སྔགས་འཆང་ཆེན་མོ་རྡོ་རྗེ་མཛེས་མ་ཉིད་དང་། ཕྱག་ན་འཁོར་ལོ་གྲུབ་པ་དང་། དེ་བཞིན་དུ་རལ་གྲི་བཟང་པོའི་རིག…

རྒྱའི་དངོས་གྲུབ་ཀྱི་ཕྱིར་དང་། སྤྱིའི་དཀྱིལ་འཁོར་དང་ཕྱག་རྒྱའི་དམ་ཚིག་ཉིད་ཀྱང་འདི་དྲན་པ་ཙམ་གྱིས་ཐམས་ཅད་ཐོབ་པར་བྱེད་དོ། །དཀྱིལ་འཁོར་དང་། ཕྱག་རྒྱ་དང་། གསང་སྔགས་དང་། ལྷ་དེ་དག་ཐམས་ཅད་ཀྱང་དྲན་པ་ཙམ་གྱིས་རྗེས་སུ་འབྲང་བར་འགྱུར་བར་ཐེ་ཙོམ་མེད་དོ། །རིག་སྔགས་ཀྱི་རྒྱལ་པོའི་དཀྱིལ་འཁོར་དང་ལྷ་རྣམས་དམ་ཚིག་ལ་ཀུན་ཏུ་གནས…

སོ། །གཡོས་རབ་ཏུ་གཡོས། འགུལ་རབ་ཏུ་འགུལ། ལྡེག་རབ་ཏུ་ལྡེག །འུར་འུར་རབ་ཏུ་འུར་འུར། ཆེམ་ཆེམ་རབ་ཏུ་ཆེམ་ཆེམ་མོ། །ལྷའི་མེ་ཏོག་གི་ཆར་བབ་སྟེ། འདི་ལྟ་སྟེ། ཟླ་བ་མདོག་མཛེས་དང་། དྲི་མེད་མདོག་མཛེས་དང་། མདོག་མཛེས་ཆེན་པོ་དང་། མནྡཱ་ར་བ་དང་། མནྡཱ་ར་བ་ཆེན་པོ་དང་། པདྨ་དང་། ཀུ་མུ་ད་དང་། པདྨ་དཀར་པོ་དང་། ཨུཏྤལ་སྔོན་པོ་དང་།…

དང་། བྱུག་པ་རྣམས་དང་། རིན་པོ་ཆེ་སྣ་བདུན་ལས་བྱུང་བའི་གདུགས་སྣ་ཚོགས་པ་རྣམས་ནམ་མཁའི་མཐིལ་དུ་ཀུན་ཏུ་གཏོར་ནས་བཅོམ་ལྡན་འདས་ཤཱཀྱ་ཐུབ་པ་དང་། འཕགས་པ་སྤྱན་རས་གཟིགས་དབང་ཕྱུག་དང་། ཕྱག་ན་རྡོ་རྗེ་དང་། རིག་སྔགས་ཀྱི་རྒྱལ་པོའི་འཁོར་ལ་མཆོད་པའི་སྤྲིན་ཆེན་པོར་གྱུར་ཏེ་མཆོད་པ་ཆེན་པོ་བྱེད་པར་གྱུར་ཏོ། །རྫུ་འཕྲུལ་ཆེན་པོའི་ཆ…

མཐུས་སྔོན་གྱི་མཚན་མ་ཡང་དག་པར་སྣང་བ་ལགས། འདི་རྫུ་འཕྲུལ་གྱི་རྣམ་པར་འཕྲུལ་པ་གང་ཞིག་ཡང་དག་པར་སྣང་བ་ལགས། བཅོམ་ལྡན་འདས་བདག་གི་སེམས་ལ་ཐེ་ཙོམ་དེ་སྐྱེས་པར་གྱུར་པས། དེ་ངེས་པར་བསྟན་དུ་གསོལ། ཞུ་བ་ལུང་སྟོན་པར་འགྱུར་བ་གང་གིས། བདག་གི་དོགས་པ་རྣམ་པར་སེལ་བ་དང་། སོམ་ཉི་རྣམ་པར་སེལ་བར་བྱེད་པས་བཅོམ་ལྡན་འདས་ཀྱིས་བདག་ལ་སྐབ…

རིམ་པར་ཕྱེ་བ་དང་། སྙིང་པོའི་མཐུ་རབ་ཏུ་འཇུག་པར་འགྱུར་རོ། །དམ་ཚིག་གི་དཀྱིལ་འཁོར་གསང་བར་རབ་ཏུ་ཞུགས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་ཆོ་ག་ཞིབ་མོའི་རྗེས་སུ་འཇུག་པར་འགྱུར་རོ། །རིག་སྔགས་ཀྱི་རྒྱལ་པོ་འདི་ལན་ཅིག་བཟླས་པ་དེ་རྣམས་ཀྱང་། དེ་བཞིན་གཤེགས་པ་རྣམས་ཀྱི་དྲུང་དུ། འདས་པ་དང་། མ་འོངས་པ་དང་། ད་ལྟར་བྱུང…

ཡོངས་སུ་གཟུང་བར་འགྱུར་རོ། །དགེ་བའི་རྩ་བ་ཆེན་པོ་དང་ལྡན་པར་འགྱུར་རོ། །དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་དེ་རྣམས་དང་། བྱང་ཆུབ་སེམས་དཔའ་ལེགས་སོ་ཞེས་བྱ་བ་སྩོལ་བར་འགྱུར་རོ། །དོན་ཡོད་པ་ཡངས་པ་ཆེན་པོའི་དངོས་གྲུབ་རབ་ཏུ་སྩོལ་བར་འགྱུར་རོ། །མཆོག་ཏུ་གྲུབ་པ་ཆེན་པོར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་ས…

རྣམས་སུ་འབྲོས་པར་བྱེད་དོ། །ཡམས་ཐམས་ཅད་དང་། ཉེ་བར་འཚེ་བ་ཐམས་ཅད་དང་། ནད་འགོ་བ་ཐམས་ཅད་དང་། གདོན་ཐམས་ཅད་དང་། ནད་ཐམས་ཅད་དང་། འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་རྣམས་ཐམས་ཅད་དང་། གཏམ་ངན་གྱི་འཇིགས་པ་རྣམས་རབ་ཏུ་ཞི་བར་བྱེད་དོ། །གདུག་པ་ཐམས་ཅད་དང་། ཕྱིར་རྒོལ་བ་ཐམས་ཅད་དང་། མི་མཛའ་བ་རྣམས་རབ་ཏུ་ཞི་བར་བྱེད་…

དོ། །དུག་དང་། སྦྱར་དུག་དང་། ཕྱེ་མའི་སྦྱོར་བ་རྣམས་ཐམས་ཅད་འབྱེར་བར་བྱེད་དོ། །རིམས་རྣམས་ཐམས་ཅད་འབྱོར་བར་འགྱུར་རོ། །ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། མཚན་གཅིག་པ་དང་། ཉིན་གཅིག་པ་དང་། གྲང་བའི་རིམས་དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་ག…

སྔགས་ཀྱི་རྒྱལ་པོ། དགེ་བའི་རྩ་བ་ཐམས་ཅད་དང་། བསོད་ནམས་ཀྱི་ཚོགས་ཐམས་ཅད་དང་། གསང་བའི་དཀྱིལ་འཁོར་གྱི་དམ་ཚིག་གི་དངོས་གྲུབ་བླ་ན་མེད་པ་ཐམས་ཅད་ཡང་དག་པར་རྫོགས་པར་བྱེད་པའི་རིག་སྔགས་ཀྱི་རྒྱལ་པོ་མཆོག་ཏུ་དཀོན་ཏེ། དེ་བཞིན་གཤེགས་པ་དང་མཉམ་པར་བལྟ་བར་བགྱིའོ། །དེ་བཞིན་གཤེགས་པ་བྱང་ཆུབ་ཀྱི་སྙིང་པོ་དང་། དམ་པའི་ཆོས་ཀྱི་འཁོ…

ལག་ན་རྡོ་རྗེ་རིག་སྔགས་ཀྱི་རྒྱལ་པོ་འདི་དེའི་ལག་ཏུ་ཕྱིན་པར་མི་འགྱུར་རོ། །མི་ཐོས་ཤིང་མི་མཐོང་ལ། མིང་གི་སྒྲ་གྲགས་པ་ཙམ་དུའང་མི་འགྱུར་རོ། །ལག་ན་རྡོ་རྗེ་རིག་སྔགས་ཀྱི་རྒྱལ་པོ་འདི། གང་གི་ལག་ཏུ་སོན་པར་འགྱུར་བ་དེས་ནི། ལག་ན་རྡོ་རྗེ་གངྒཱའི་ཀླུང་གི་བྱེ་མ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དགུའི་དུས་གསུམ་མཉམ་…