འོས་པ་དང་། སེམས་ཅན་ཐམས་ཅད་ཀྱིས་ཕྱག་བྱ་བར་འོས་པ་དང་། དྲན་པ་དང་ལྡན་པ་དང་། ཤེས་རབ་དང་ལྡན་པ་དང་། སངས་རྒྱས་དང་། ཆོས་དང་། དགེ་འདུན་ལ་དད་པ་མི་ཕྱེད་པ་དང་ལྡན་པ་དང་། རྫུ་འཕྲུལ་དང་ལྡན་པ་དང་། ཚེ་དང་ཁ་དོག་དང་། གཟི་བརྗིད་དང་། མཐུ་སྟོབས་དང་ལྡན་ཞིང་རྣམ་པ་ཐམས་ཅད་ཀྱི་མཆོག་དང་ལྡན་པར་གྱུར་ཏེ། ནམ་ཡང་སྡུག་པ་དང་བྲལ་བར་མ་ག…

པར་ཡང་འགྱུར་རོ། །དེ་དག་ལ་ལྷ་རྣམས་སྲུང་བར་ཡང་འགྱུར་རོ། །དེ་དག་འཆི་བའི་དུས་ན་སངས་རྒྱས་དང་བྱང་ཆུབ་སེམས་དཔའ་དག་མཐོང་བར་ཡང་འགྱུར་རོ། །ཕྲག་དོག་མེད་པ་དང་། སེམས་རྣམ་པར་གཡེངས་པ་མེད་པར་འཆི་བའི་དུས་བྱེད་པར་ཡང་འགྱུར་རོ། །ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བའི་བར་དུ་འགྱུར་རོ། །རིགས་ཀྱི་བུ་གང་དག་ཆོ…

འབྲས་བུ་མེད་པར་འགྱུར་བའི་ལས་ཀྱི་སྒྲིབ་པ་དང་། སངས་རྒྱས་དང་། ཆོས་དང་། དགེ་འདུན་དང་། ཉན་ཐོས་དང་། རང་སངས་རྒྱས་དག་དང་། ཕ་མ་དག་ལ་སྡིག་པའི་ལས་བྱས་ཤིང་བསགས་པར་གྱུར་པ་གང་ཡིན་པ་དེ་དག་ཐམས་ཅད་ཀྱང་ཡོངས་སུ་ཟད་པར་འགྱུར་ཞིང་དབང་ཕྱུག་ཆེན་པོ་དག་ཀྱང་ཡང་དག་པར་འགྲུབ་པར་འགྱུར་རོ། །རིགས་ཀྱི་བུའམ་རིགས་ཀྱི་བུ་མོ་དེའི་སེམས་ཅ…

གེར་འདྲི་བ་དང་། ཡི་གེར་འདྲིར་འཇུག་པའི་རིགས་ཀྱི་བུ་དང་། རིགས་ཀྱི་བུ་མོ་དག་ནི་ཡོན་ཏན་དེ་དག་ཐམས་ཅད་ཐོབ་པར་འགྱུར་རོ། །དེ་ནས་དེའི་ཚེ་ས་ཆེན་པོ་འདི་རྣམ་པ་དྲུག་ཏུ་རབ་ཏུ་གཡོས་པ་དང་། ཇི་ལྟར་ལྷགས་པའི་འཁོར་དེ་དག་གིས་ཀྱང་དེ་བཞིན་གཤེགས་པའི་སྐུ་ལ་མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། ཕྱེ་མ་དང་། བྱུ…

འདོད་པ་ཡིད་ལ་བྱས་ནས་མེ་ཏོག་ལ་བཟླས་བརྗོད་ལན་བརྒྱ་རྩ་བརྒྱད་བྱ་ཞིང་དེ་བཞིན་གཤེགས་པ་ལ་རེ་རེ་ནས་དབུལ་བར་བྱའོ། །དེས་ན་དེའི་རེ་བ་ཐམས་ཅད་ཡང་དག་པར་འགྲུབ་པར་འགྱུར་རོ། །རྨི་ལམ་ན་དེ་བཞིན་གཤེགས་པ་མཐོང་བར་ཡང་འགྱུར་རོ། །དམ་པ་གང་འདོད་པ་དེ་ཐོབ་པར་ཡང་འགྱུར་རོ། །འཆི་བའི་ཚེ་ན་དེ་བཞིན་གཤེགས་པ་མཐོང་བར་ཡང་འགྱུར་རོ། །ཤི་འཕ…

དུ་བཅོམ་ལྡན་འདས་ཀྱིས་བདག་ལ་རྗེས་སུ་གནང་བ་སྩོལ་ཅིག་དང་། བདག་གིས་ཆོས་སྨྲ་བ་དང་། ཆོས་ཉན་པ་དེ་དག་གི་དོན་དུ་ཉན་པ་རྣམས་དང་། རི་མོར་བགྱིད་པ་རྣམས་དང་། མཆོད་པར་བགྱིད་པ་རྣམས་དང་། འཛིན་པར་བགྱིད་པ་རྣམས་ཀྱི་རེ་བ་ཐམས་ཅད་ཡོངས་སུ་རྫོགས་པར་བགྱིད་པ། བྱང་ཆུབ་སེམས་དཔའ་རྣམས་ཀྱི་དམ་བཅའ་བའི་ཕྱག་རྒྱ་དག་སྩལ་བར་བགྱིའོ། །ན་མཿ…

ཀྱིས་བདུག་ཅིང་གདུགས་མཚན་གཅིག་ཏུ་སྨྱུང་བ་བགྱིས་ལ། དེ་ནས་ཚེས་བརྒྱད་ནས་ཚེས་བཅྭ་ལྔའི་བར་དུ་དེ་བཞིན་གཤེགས་པའི་སྐུ་གཟུགས་བཞུགས་པའི་གནས་གཙང་མར་ཙནྡན་དཀར་པོའི་དཀྱིལ་འཁོར་བགྱིས་ལ། བུམ་པ་གང་བ་བཞི་ཡང་གཞག་པར་བགྱི། ཕྱོགས་བཞིར་ཡང་རོ་དང་ལྡན་པ་དང་། དྲི་དང་ལྡན་པ་དང་། སྐྱེམས་དང་། འོ་ཐུག་གི་གཏོར་མ་དག་སྩལ་ལ་རད་པ་དཀར་པོ་…

གྱིས་བརླབས་དང་། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་དེ་ལས་ཏིང་ངེ་འཛིན་ཐམས་ཅད་དང་། གཟུངས་ཀྱི་སྒོ་ཐམས་ཅད་འཐོབ་པར་འགྱུར་བ་དང་། ལྷ་རྣམས་དང་། ཀླུ་རྣམས་དང་། མི་རྣམས་དང་། གནོད་སྦྱིན་རྣམས་དང་། དྲི་ཟ་རྣམས་དང་། ཡི་དགས་རྣམས་དང་། དུད་འགྲོའི་སྐྱེ་གནས་སུ་སྐྱེས་པ་རྣམས་དང་། གཤིན་རྗེའི་འཇིག་རྟེན་པའི་སེམས་ཅན་…

ཀྱིས་བཀའ་སྩལ་པ། རིགས་ཀྱི་བུ་ངས་དང་པོ་སེམས་བསྐྱེད་པ་ནས་ཉེ་བར་བཟུང་སྟེ། སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱས་པ་གང་ཡིན་པ་ད…

རིགས་ཀྱི་བུ་སེམས་ཅན་གང་དག་སྡིག་པ་ཀུན་ཏུ་སྤྱོད་པ་དང་། བཟའ་བ་དང་། བཏུང་བ་དང་། བྲོ་གར་ལ་མངོན་པར་དགའ་བ་དང་། མི་སྡུག་པ་ལ་སྡུག་པར་འདུ་ཤེས་པ་དང་། འདོད་པ་དང་། ཁྲོ་བ་དང་། གནོད་སེམས་མང་བ་དང་། མི་བདེ་བ་ལ་བདེ་བར་འདུ་ཤེས་པ་དང་། མཚོན་ཆ་དང་། སྤྱོ་བ་དང་། བསྡིགས་པ་དང་། རྡེག་པ་ལ་མངོན་པར་དགའ་བ་དང་། ཤེས་པར་མི་འགྱུར་བ་ད…

བསྲུང་བར་བགྱི་སྟེ། དེས་ན་ཆོས་ཀྱི་རྣམ་གྲངས་འདི་ཡུན་རིང་དུ་གནས་བར་ཡང་འགྱུར་ལགས་སོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཇི་ལྟར་ལྷགས་པའི་འཁོར་རྣམས་ལ་རྣམ་པར་གཟིགས་ཏེ། བཀའ་སྩལ་པ། ཀྱེ་རིགས་ཀྱི་བུ་དག་ལེགས་སོ་ལེགས་སོ། །ཁྱེད་ཅག་གིས་དེ་བཞིན་དུ་གྱིས་ཤིག །གནོད་པ་བྱེད་པ་དང་། བརྙས་པ་དང་། གཤེ་བ་དང་། བསྡིགས་པ་དང་། མཚོན…

ངན་སོང་ཀུན་ཀྱང་རྟག་ཏུ་སྤངས། །འདི་ནི་ནོར་དང་འབྲུ་སྦྱིན་བྱེད་པ་སྟེ། །གང་ཞིག་མདོ་སྡེ་རྣམ་དག་འདི་འཛིན་པ། །དེ་ལ་ཡོན་ཏན་ཀུན་ཀྱང་མི་དཀོན་ཞིང་། །དེ་ལ་ཚེ་སྟོབས་བརྩོན་འགྲུས་མོད་པ་ཡིན། །འདྲེན་པ་སངས་རྒྱས་འོད་དཔག་མེད་མཐོང་ཞིང་། །ངས་དེ་སངས་རྒྱས་བྱང་ཆུབ་ལུང་ཡང་བསྟན། །དེ་ལ་ནམ་ཡང་སྡིག་པ་ཡོད་མིན་ཞིང་། །བདེ་བ་ཅན་གྱི་འ…

པ། །དེ་དག་ལ་ནི་རྟག་ཏུ་བསྙེན་བཀུར་ཞིང་། །ཚིག་འཇམ་སྙན་པའང་རྒྱུན་དུ་བརྗོད་པར་བྱ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་རྣམ་པར་ལྟ་བའི་ཆོ་འཕྲུལ་ཞེས་བགྱི་བའི་གཟུངས་མཆིས་པར་རྗ…

བྱ་བ་ལོ་ཀཱ་ཡ། མཱ་མ། སྨ་ར་སྨ་ར། ཡན་ཏྭ་ཡཱ་པཱུརྦེ། སཏྱ་ཨ་དྷིཥྛཱ་ནཾ་ཀྲྀ་ཏེ་ན། ཏེ་ན་ས་ཏྱེ་ན། བ་ཙ་ནེ་ན། སརྦ་ཨཱ་ཤཱ་མེ་པ་རི་བཱུ་ར་ཡ། བུད་དྷ་ཀྵེ་ཏྲ་མ་པ་རི་ཤོ་དྷ་ཡ། མ་མེ་ཀཤྩིད་བི་ཧེ་ཐཾ་ཀ་རོ་ཏུ། བུད་དྷ་ཨ་དྷིཥྛཱ་ནེ་ན་སྭཱ་ཧཱ། ཏདྱ་ཐཱ། ཏེ་ཛེ་ཏེ་ཛེ། མ་ཧཱ་ཏེ་ཛེ། ཡན་མ་མ་ཀཱ་ཡ་དུཤྩ་རི་ཏ་མ་བཱ། ཝཱག་དུཤྩ་རི་ཏ་མ་བཱ། མ་ནོ་ད…

བརྒྱད་ནས་བརྩམས་ཏེ། དེ་བཞིན་གཤེགས་པས་བྱིན་གྱིས་བརླབས་པའི་ས་ཕྱོགས་སུ་སྤོས་དང་། མེ་ཏོག་དང་། རྒྱལ་མཚན་དང་། བ་དན་དག་དང་། བུམ་པ་གང་བ་དག་གིས་ས་ཕྱོགས་དེདང་། ཆོས་སྨྲ་བ་དེ་ཡང་མཆོད་པ་བྱས་ནས་ལུས་ལེགས་པར་ཁྲུས་བྱས་པ་གཙང་མས་གོས་དཀར་བོ་བགོས་ཏེ། མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། བྱུག་པ་སྣ་ཚོགས་དག…

པ་ལ་གནས་པ། གྲོགས་པོ་ཡིད་གཅུགས་པ་དང་ལྡན་པ། ང་རྒྱལ་དང་། ཁྲོ་བ་དང་། ཕྲག་དོག་དང་། སེར་སྣ་ཡོངས་སུ་སྤངས་པས་ཉིན་གཅིག་བཞིན་དུ་མཆོད་པ་རྒྱ་ཆེན་པོ་བྱས་ཏེ། དུས་གསུམ་དུ་བཟླས་བརྗོད་ལན་བརྒྱ་རྩ་བརྒྱད་རྩ་བརྒྱད་བྱའོ། །མེ་ཏོག་དང་། བདུག་སྤོས་དང་། སྤོས་དང་། མར་མེ་དག་ཀྱང་ཕུལ་ལ། དུས་གསུམ་དུ་སྣ་མའི་མེ་ཏོག་བརྒྱ་རྩ་བརྒྱད་རྩ་…

དེ་འགུལ་བར་འགྱུར་ཞིང་སྒྲ་སྐད་ཆེན་པོ་ཡང་འབྱུང་བར་འགྱུར་རོ། །འོད་ཟེར་དག་ཀྱང་འབྱུང་བར་འགྱུར། ས་ཡང་གཡོ་བར་འགྱུར་རོ། །དེ་ནས་ལས་ཐམས་ཅད་དང་། །དགོས་པ་ཐམས་ཅད་ཀྱང་འགྲུབ་པར་འགྱུར་ཞིང་། དེ་བཞིན་གཤེགས་པ་མཐོང་བ་དང་། བྱང་ཆུབ་སེམས་དཔའི་ས་ཐོབ་པར་ཡང་འགྱུར། སེམས་ཅན་ཐམས་ཅད་ཀྱིས་ཕྱག་བྱ་བའི་འོས་སུ་ཡང་འགྱུར། ནོར་དང་། འབྲུ…

བར་ཡང་རྔོ་མི་ཐོགས། ཡི་གེར་འདྲིར་སྩལ་བར་ཡང་རྔོ་མི་ཐོགས། དད་པར་ཡང་རྔོ་མི་ཐོགས་ལགས་སོ། །གལ་ཏེ་མཐོང་བར་གྱུར་ན་ཡང་ཉན་པར་མི་འགྱུར་ལ། གལ་ཏེ་ཉན་པར་གྱུར་ན་ཡང་དེ་སེམས་རྣམ་པར་གཡེངས་པས་ཉན་པར་འགྱུར་ཞིང་དད་པར་མི་འགྱུར། བསྙེན་བཀུར་བགྱིད་པར་མི་འགྱུར་ལགས་སོ། །གལ་ཏེ་བསྙེན་བཀུར་བགྱིད་པར་འགྱུར་ན་ཡང་ཉོན་མོངས་པ་དང་། གནོད…

སྨན་པ་དང་། བདེ་བའི་སླད་དུ་དམ་བཅས་པ་བརྗོད་པར་རྗེས་སུ་དྲན་ལགས་ཏེ། བཅོམ་ལྡན་འདས་བདག་ཅག་གིས་ཀྱང་རིག་སྔགས་འཆང་བ་ཐམས་ཅད་ཀྱི་སྙིང་པོ་དག་འཚལ་ལགས་སོ། །དེའི་སླད་དུ་བཅོམ་ལྡན་འདས་ཀྱིས་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། རེ་བ་ཐམས་ཅད་ཡོངས་སུ་རྫོགས་པར་འགྱུར་བ་དང་། དགེ་སློང་དང་། དགེ་སློང་མ་དང་། དག…

བ། རྒྱན་ཐམས་ཅད་དང་། མེ་ཏོག་ཕྲེང་དང་། ཟླ་གམ་དང་། སེ་མོ་དོས་བརྒྱན་པ། རྡོ་རྗེ་གསོར་ཞིང་མཆིས་པ་བྲི་བར་བགྱིའོ། །གཡོན་ཕྱོགས་སུ་ནི་གནོད་སྦྱིན་མོ་ཆེན་མོ་དཔེ་མེད་མ་འདམ་བུ་མདའ་རྒྱུའི་མདོག་ལྟར་དཀར་ཤམ་དུ་མཆིས་ལ། རད་པ་དཀར་པོ་འཚལ་བ། རྒྱན་ཐམས་ཅད་ཀྱིས་བརྒྱན་པ། སུག་པ་ན་པདྨ་ཐོགས་ཤིང་ཡང་དག་པར་དབུགས་འབྱིན་པའི་ཚུལ་དུ་མཆ…