འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་རིག་སྔགས་ཀྱི་རྒྱལ་པོ་ཆེན་པོའོ། །རིག་སྔགས་ཀྱི་རྒྱལ་པོ་ཆེན་པོ་རིག་སྔགས་ཀྱི་བདག་པོ་ཆེན་པོ། རིག་སྔགས་ཐམས་ཅད་ཀྱི་བདག་པོ་རིག་སྔགས་ཐམས་ཅད་སྒྲུབ་པ་དང་། ཕུར་བུས་འདེབས་པ་དང་། །གཅོད་པར་བགྱིད་པ་ལགས་ཏེ། བཅོམ་ལྡན་འ…

འབྲུམ་བུ་ཕྲ་མོས་ཡོག་པ་དང་། མ་རུངས་པའི་ལས་བྱེད་པ་གང་ཡིན་པ་དེ་དག་ལ་ནི་ལས་དྲག་པོ་འགྲུབ་པར་འགྱུར་རོ། །མི་གང་མདོག་སྔོ་བསངས་དང་། ལག་པ་རིང་བ་དང་། མདོག་སྡུག་པ་དང་། མིག་རྩ་དམར་བ་དང་། སེན་མོ་རུ་སྦལ་ལྟ་བུ་དང་། རྐང་པ་རུ་སྦལ་ལྟ་བུ་ཤ་བཀྲའི་མིག་ལྟ་བུའི་རིག་སྔགས་འཆང་དེ་དག་ལ་ནི་རིག་སྔགས་འཆང་གི་གསང་སྔགས་འགྲུབ་པར་འགྱུ…

བཱིར་ཁ་འབུས་པའི་འདུག་པ་ཡང་ཕུལ་ན་དེས་ལྷ་མཐོང་བར་ཡང་མི་འགྱུར་ན་དངོས་གྲུབ་ལྟ་ཅི་སྨྲོས། རིག་སྔགས་ཀྱི་ལྷ་ས་འོག་ན་རྒྱུ་བ་གང་ཡིན་པ་དེ་དག་ཅིས་དགའ་བར་འགྱུར་བ་དེ་ཡང་བཤད་པར་བྱ་སྟེ། དཀྱིལ་འཁོར་བྱས་ལ་ཞག་ཉི་ཤུ་རྩ་གཅིག་གི་བར་དུ་པྲི་ཡངྐུའི་མེ་ཏོག་གིས་མཆོད་དེ། ཨ་ག་རུ་དང་པོག་གི་བདུག་པ་ཡང་དབུལ་བར་བྱའོ། །ཅི་སྟེ་དཀྲུག་པ…

བཅས་པ་དང་། ཚངས་པར་བཅས་པ་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་གཞན་ལྟ་སུ་ཞིག་གིས་འཚལ་བར་མི་ནུས་ན། བཤད་པ་ལྟ་སྨོས་ཀྱང་ཅི་འཚལ། བདག་གིས་རིག་པ་མཆོག་གི་ཆོ་ག་རྒྱས་པ་ཆེན་པོ་བཤད་པ་རིག་པ་མཆོག་གི་སྙིང་པོར་གྱུར་པ། རིག་སྔགས་ཀྱི་ལྷ་ཐམས་ཅད་ཀྱི་སྙིང་པོ་གསང་བའི་ལས་འདི་ནི་དཀོན་མཆོག་གསུམ་ལ་དང་བ་ལ་སྩལ་བར་བགྱིའོ། །ས…

སངས་རྒྱས་བཅོམ་ལྡན་འདས་གཞག་གོ། །དེའི་གཡོན་ལོགས་སུ་འཕགས་པ་ལག་ན་རྡོ་རྗེ་ཕོ་ཉ་མའི་ཚོགས་ཀྱི་འཁོར་དང་བཅས་པ་གཞག་གོ། །དེའི་དྲུང་དུ་འཕགས་པ་རྡོ་རྗེ་སྡེ་ལག་པ་ན་པདྨ་ཐོགས་པ་གཞག་གོ། །དེའི་གཡོན་ལོགས་སུ་འཕགས་པ་གཙུག་ནས་འབྱུང་བ་གཞག་གོ། །དེའི་དྲུང་དུ་ལྷ་ཆེན་པོ་དང་། ཚངས་པ་དང་། ཁྱབ་འཇུག་དང་། མ་མོ་བདུན་གཞག་གོ། །དེའི་དྲུང…

བ་བྱེད་དུ་བཅུག་ལ་བྱང་ཆུབ་ཀྱི་སེམས་སྦྱིན་པར་བྱའོ། །དེ་ནས་བཅོམ་ལྡན་འདས་མའི་སྙིང་པོ་མགོ་བོར་བསྔགས་ལ་ཉེ་བའི་སྙིང་པོ་རྣ་བར་བཞག་སྟེ། ནག་མོའི་སྔགས་བཟླས་བརྗོད་བྱེད་བཞིན་དུ་གཞུག་ཅིང་ཤར་ཕྱོགས་ཀྱི་སྒོའི་བྱང་སྟོད་དུ་བབ་པའི་ལྷ་རྣམས་ལ་ཕྱག་འཚལ་དུ་བཅུག་ལ་མེ་ཏོག་གམ། འགྲོན་བུའི་ཕུར་མ་འདོར་དུ་བཅུག་ན་གང་ལ་བབ་པ་དེ་དག་གི…

དང་བཅས་པ་གང་བ་དང་བཅས་པ་ལག་ན་རྡོ་རྗེས་བཤད་པ། སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་འདི་ཐམས་ཅད་མ་ལུས་པར་སུ་འཆང་བ་དེའི་ལུས་ཀྱི་སྤྱི་བོར་ནི་དཔལ་དང་ལྡན་པ་རྡོ་རྗེ་འཛིན་རྟག་ཏུ་གནས་པར་འགྱུར་རོ། །གསང་བའི་དཀྱིལ་འཁོར་རྫོགས་སོ།། །།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་ས…

རིགས་ཀྱི་བུ་མོ་གང་ལ་ལ་བྱང་ཆུབ་སེམས་དཔའ་རྣམ་པར་འཕྲུལ་པའམ། འཇིག་རྟེན་གྱི་སྣ་ཚོགས་བྱེད་པར་འདོད་ན་དེས་རིག་སྔགས་ཀྱི་རྒྱལ་པོ་བཙལ་བར་བྱ་ཞིང་བསྒྲུབ་པར་བྱའོ། །སེམས་ཅན་དགེ་བའི་རྩ་བ་བསྐྱེད་པ་གང་ཡིན་པ་དེ་དག་གི་ལག་ཏུ་ནི་ཐམས་ཅད་མ་ལུས་པར་འོང་བར་འགྱུར་རོ། །སེམས་ཅན་བསོད་ནམས་མ་བྱས་པ་དག་གི་ལག་ཏུ་ནི་འོང་བར་མི་འགྱུར་རོ།…

འདས་ལྷ་ཐམས་ཅད་ཀྱིས་རིག་པ་མཆོག་གི་ཆོ་ག་རྒྱས་པ་ཆེན་པོའི་རིག་སྔགས་བཤད་པ་གང་ལགས་པའི་རིག་སྔགས་དེ་དག་བསྒྲུབ་པའི་སླད་དུ་ཡང་རིག་སྔགས་ཐམས་ཅད་ཀྱི་སྙིང་པོ་གང་ཐོས་ན་རིག་སྔགས་ཐམས་ཅད་དངོས་གྲུབ་ཏུ་འགྱུར་བ་བཤད་པར་འཚལ་ལོ། །དེ་ནས་བཅོམ་ལྡན་འདས་ལག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་རིག་སྔགས་ཐམས་ཅད་ཀྱི་སྙིང…

ཞིག་ཡིན་ན་ནི་མྱོས་པར་འགྱུར་རེ། །འདི་མཐོང་ན་ནི་ཆོ་ག་རྒྱས་པ་ཆེན་པོ་བརྒྱད་ཀྱང་འགྲུབ་པར་འགྱུར་རོ། །བཅོམ་ལྡན་འདས་བདག་གི་གསང་བའི་རིག་སྔགས་ཐམས་ཅད་ཀྱི་སྙིང་པོ་འདི་ནི་སངས་རྒྱས་དང་། ཆོས་དང་། དགེ་འདུན་ལ་དད་པ་དང་འཕགས་བ་ལག་ན་རྡོ་རྗེའི་རིགས་ལ་དང་བར་བགྱིད་པ་དང་། བླ་མ་ལ་ཕན་འདོགས་པར་བགྱིད་པ་དེ་ལ་སྩལ་བར་བགྱིའོ། །དེ་ལ…

ལྡན་འདས་ལྷ་རྣམས་དམ་ཚིག་བསྲུང་ན་བདག་གིས་བསྐྱང་བར་བགྱིའོ། །བཅོམ་ལྡན་འདས་ལྷ་གང་རིག་སྔགས་ཐམས་ཅད་ཀྱི་སྙིང་པོའི་མིང་ཐོས་པ་ནའང་དངོས་གྲུབ་སྩོལ་བར་མི་བགྱིད་པ་དེ་ལ་ནི་བདག་གིས་དགུམ་པའི་སླད་དུ་ཕྱག་རྒྱའི་ཚོགས་མི་བཟད་པ་བཏང་བར་འཚལ་ལོ། །དེ་ནས་བཅོམ་ལྡན་འདས་ལག་ན་རྡོ་རྗེས་རྣལ་འབྱོར་དམ་པ་ལ་གནས་ནས་ཕྱག་རྒྱའི་ཚོགས་རྗེས་སུ…

རོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །རྡོ་རྗེ་འཛིན་ཆེན་པོ་ལྷ་འདི་དག་ཡང་དག་པར་དབུགས་ཕྱུང་ཤིག །དེ་ནས་བཅོམ་ལྡན་འདས་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་གསང་བའི་དཀྱིལ་འཁོར་ལས་ལྷ་རྣམས་དང་རིག་སྔགས་འཆང་རྣམས་དང་…

འབྱུང་པོ་རྣམས་ནི་སྐྲག་བྱེད་ཅིང་། །ཆོ་གའི་དངོས་གྲུབ་སྩོལ་བར་བཤད། །སངས་རྒྱས་དཔའ་བོས་གསུངས་པ་ཡི། །གདོན་ཀུན་འགུགས་པའི་ལྕགས་ཀྱུ་མ། །དེ་ཡང་མགོ་བོས་ཕྱག་འཚལ་ནས། །གདོན་ཀུན་ལྕགས་ཀྱུ་བཤད་པར་བྱ། །ན་མོ་རཏྣ་ཏྲ་ཡ་སྱ། ན་མཥྩ་ཎྵ་བཛྲ་པཱ་ཎི། རཱ་ཛྙཱ་པ་ཡ་ཏི་སྭཱ་ཧཱ། །མ་ཧཱ་ཡཀྵ་སེ་ནཱ་པ་ཏི་སྱ། ཏདྱ་ཐཱ། བཛྲེ་བཛྲི་ཎི། །བཛྲི་ལི།…

མོར་བཅས་བལྟས་པའི་མཆོག །རིག་སྔགས་ཀུན་གྱིས་བསྐོར་བའི་རྗེ། །རིག་སྔགས་རྒྱལ་པོ་དྲན་པར་གྱིས། །བཅོམ་ལྡན་འདས་མས་གྲུབ་སྟན་དང་། །རིག་སྔགས་ཀུན་གྱི་སྙིང་པོ་ལས། །བཤད་པ་དག་ཀྱང་དྲན་པར་གྱིས། །དེ་དག་དྲན་པས་འཇིགས་མེད་ཅིང་། །ཕྱག་རྒྱ་རྣམས་ཀྱིས་གསང་བར་མཐོང་། །སྤྱོད་གཟུགས་སྣ་ཚོགས་གདོན་རྣམས་ལ། །རྡོ་རྗེའི་ཕྱག་རྒྱ་གང་བཏབ་ན།…

ཡིད་ཙམ་གྱིས་མ་ཕྲད་པར་བྱས་པ་ནི་པདྨ་མཚན་གྱིའོ། །དེ་ཉིད་ལས་མཐེ་བོང་དང་མཐེའུ་ཆུང་གཉིས་སྤྲད་པ་ལ་ལྷག་མ་རྣམས་མི་སྤྲད་པ་ནི་པདྨ་ཕྲེང་བའི་འོ། །ལག་པ་གཉིས་བཀན་ཏེ་མཛུབ་མོ་དང་སྲིན་ལག་རྣམས་བསྣོལ་བར་དཀྲིས་ལ་མཐེ་བོང་གཉིས་ལག་པའི་ནང་དུ་བཀུག་ནས་སོར་མོ་ལྷག་མ་རྣམས་ནི་ཐམས་ཅད་ཀྱང་འདྲ་བར་སོ་སོ་ནས་ལག་པའི་གཏིང་དུ་གདུ་བུ་ལྟར་བ…

ཏེ་གུང་མོ་གཉིས་གཤིབས་ནས་མཐེ་བོ་གཉིས་ཀྱི་ནང་དུ་གུང་མོ་གཉིས་ཀྱི་གནས་སུ་བཅུག་ནས་ལག་པ་གཡས་པའི་གུང་མོ་དྲང་པོར་བསྒྲེང་ལ། གཡོན་པའི་གུང་མོ་བཀུག་པའི་རྩེ་མོ་མཐེ་བོང་དང་ཕྲད་པ་ནི་རལ་གྲིའིའོ། །དེ་ཉིད་ལས་གཡས་པའི་གུང་མོ་རང་གི་གནས་སུ་ནང་དུ་བཅུག་ལ་ལག་པ་གཡོན་པའི་གུང་མོ་གྱེན་དུ་དྲང་པོར་བསྲང་བ་ནི་དབྱུག་པའིའི་འོ། །ལག་པ་…

ཀ་ནཱ་ཤ་ནི་སྭཱ་ཧཱ། རྡོ་རྗེའི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོྃ་སརྦ་དུཥྚཾ་པྲ་མརྡ་ནི་ཡེ་སྭཱ་ཧཱ། མཆེ་བའི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོྃ་ཨ་ཏི་ཤ་ཡཱ་བི་ཀྲ་མེ་སྭཱ་ཧཱ། མདུང་ཐུང་གི་གསང་སྔགས་སོ། །ན་མོ་བཛྲ་པཱ་ཎི་སྱ། །ཨོྃ་ཧཱུྃ་ཕཊ་སྭཱ་ཧཱ། ཀླུ་ལག་གི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོྃ་པཱ་ཤེ་སྭཱ་ཧཱ། ཞགས་པ…

རྣམ་པར་འཕྲུལ་པ་ལ། །རྡོ་རྗེ་ལྕགས་ཀྱུ་བསྟན་བྱ་ཞིང་། །རྡོ་རྗེ་འཛིན་པ་བཟླས་བརྗོད་བྱ། །ལག་ན་རྡོ་རྗེས་བཤད་པ་ཡི། །ཕྱག་རྒྱ་འདི་ནི་གཅོད་བྱེད་པ། །གང་ཡིན་དེ་ལ་བདག་གིས་སུ། །རྡོ་རྗེ་འབར་བ་རབ་འབར་གྱིས། །སྤྱི་བོ་ཡང་ནི་གཞོམ་པར་བྱ། །ལག་ན་རྡོ་རྗེས་སྔགས་བསྟན་པ། །གདོན་རྣམས་འཇིག་པར་བྱེད་པ་འདི། །རིག་སྔགས་རྣམས་ནི་བསྒྲུབ་པ…

ཀྱང་བསྟན་པར་བྱ། །གཏུམ་པའི་གཟུགས་ཅན་མཱ་མ་ཀཱིའི། །གཅིག་པུ་མི་བཟད་བསྟན་པར་བྱ། །མཐོང་ནས་སེམས་ནི་མཱ་མ་ཀཱིས། །འཇིགས་ནས་གདོན་རྣམས་འབྱེར་བར་བྱེད། །ཕྱག་རྒྱའི་རྣམ་པར་འཕྲུལ་པ་སྣ་ཚོགས་ཀྱང་བཤད་པར་བྱ་སྟེ། གདོན་ནི་ཆོས་ལུགས་མི་བཟད་པ། རིག་སྔགས་ལ་འདའ་བར་བྱེད་པ་གང་ཡིན་པའི་གདོན་ཐམས་ཅད་གང་ཡིན་པ་དེ་ལ་ནི་ལས་འདི་བྱ་སྟེ། ས་…

པར་བྱ། །བསྒྲུབ་པ་རྣམས་ཀྱི་དངོས་གྲུབ་ཕྱིར། །གང་གིས་མི་རྣམས་གྲུབ་ཕྱིར། །གང་གིས་མི་རྣམས་གྲུབ་འགྱུར་བ། །མཱ་མ་ཀཱི་ནི་རྟག་པར་གཞག །ཕྱོགས་གང་དུ་རིག་སྔགས་བསྒྲུབ་པ་དེར་མཱ་མ་ཀཱིའི་ཕྱག་རྒྱ་བྲི་བར་བྱའོ། །གང་དུ་བཅོམ་ལྡན་འདས་མཱ་མ་ཀཱིའི་དྲག་ཏུ་བསྐུལ་བའི་མཆོག་སྤངས་པ་དེར་ནི་ལག་ན་རྡོ་རྗེས་བཤད་པ་བཞིན་དུ་དངོས་གྲུབ་མེད་ད…