ཕྱོགས་བཅུ་འཇིག་རྟེན་ཁམས་གནས་པའི། །དཔའ་བོ་རྣལ་འབྱོར་མ་རྣམས་འགུགས། །ཛཿཧཱུྃ་བཾ་ཧོཿ། རྡོ་རྗེ་ལྕགས་ཀྱུ་ལ་སོགས་པའི་སྦྱོར་བས་དགུག་པ་དང་། གཞུག་པ་དང་། བཅིང་བ་དང་། དབང་དུ་བྱ་བའོ། །དཔའ་བོ་དང་རྣལ་འབྱོར་མ་རྣམས་ཀྱིས། ནམ་མཁའི་དཀྱིལ་ཡོངས་སུ་གང་བར་བལྟས་ཏེ། བདུད་རྩི་ལྔས་ཡོངས་སུ་གང་བའི་བུམ་པས་མངོན་པར་དབང་བསྐུར་བའི་ཚུལ…

ཧཱུྃ་ཕཊ་དང་ཡང་དག་ལྡན། །རབ་ཏུ་གཏུམ་སོགས་དེ་སྔགས་སོགས། །བཟླས་པའི་མཆོག་ལ་སྦྱར་བར་བྱ། །ཨོཾ་བཛྲ་བཱ་རཱ་ཧི་པྲོ་ཏཾ་གེ་པྲོ་ཏཾ་གེ་པྲོ་ཏཾ་གེ །ཧ་ན་ཧ་པྲཱ་ཎཱཾ་ཀིཾ་ཀི་ཎི་ཁིཾ་ཁི་ཎི་དྷུ་ན་དྷུ་ན། བཛྲ་ཧ་སྟེ་ཤོ་ཥ་ཡ་ཤོ་ཥ་ཡ། བཛྲ་ཁ་ཊྭཱཾ་ག་ཀ་པ་ལ་དྷཱ་རི་ཎི། མ་ཧཱ་བི་ཤི་ཏ་མཱཾ་སཱ་ཤ་ནི། མ་ནུ་ཥཱནྟྲ། ཕྲ་བྲྀཏྟེ་སནྣི་དྷྱ་ན་ར་ཤི་རོ་…

བཟླས་པ་ཡོངས་སུ་རྫོགས་ནས་ནི། །ཞི་བའི་བཏུང་བ་བཏུང་བའི་མཆོག །ཆོས་རྣམས་མཉམ་ཉིད་དམ་ཚིག་མཆོག །སུམ་ཅུ་རྩ་བདུན་གནས་ཀྱི་མཆོག །དེ་འོག་རྣམ་པར་དག་པ་བསྒོམ། །ལུས་རྗེས་སུ་དྲན་པ་མཁའ་འགྲོ་མའོ། །ཚོར་བ་རྗེས་སུ་དྲན་པ་ལཱ་མཱའོ། །ཆོས་རྗེས་སུ་དྲན་པ་ཁཎྜ་རོ་ཧཱའོ། །སེམས་རྗེས་སུ་དྲན་པ་རཱུ་པི་ནཱིའོ། །འདུན་པའི་རྫུ་འཕྲུལ་བསྐྱེད་པ…

ངེ་འཛིན་ནི་བཅོམ་ལྡན་འདས་མ་རྡོ་རྗེ་ཕག་མོའོ། །དགེ་བའི་ཆོས་མ་སྐྱེས་པ་རྣམས་སྐྱེད་པར་བྱེད་པ་ནི་གཤིན་རྗེ་བརྟན་མའོ། །དགེ་བའི་ཆོས་སྐྱེས་པ་རྣམས་རྗེས་སུ་གནས་པ་དང་སྲུང་བར་བྱེད་པ་ནི་གཤིན་རྗེའི་ཕོ་ཉ་མའོ། །མི་དགེ་བའི་ཆོས་སྐྱེས་པ་རྣམས་སྤོང་བར་བྱེད་པ་ནི་གཤིན་རྗེ་མཆེ་བ་མའོ། །མི་དགེ་བའི་ཆོས་མ་སྐྱེས་པ་རྣམས་མི་སྐྱེ་བར་…

བོ་བཟང་པོ་འདུས་པ་དང་། །སྣ་ཚོགས་རྣལ་འབྱོར་མ་ཚོགས་དང་། །ཐོད་པ་ཁ་ཊྭཱཾ་ག་དག་དང་། །གྲི་གུག་ཅང་ཏེའུ་མཆོག་རྣམས་འཛིན། །སྣ་ཚོགས་རོལ་མོ་བཟང་པོ་དང་། །བཟའ་བའི་རོ་མཆོག་ལོངས་སྤྱོད་དང་། །སྣ་ཚོགས་འོ་དང་འཁྱུད་པ་དང་། །བཅའ་དང་བལྡག་པའི་མཆོག་རྣམས་ཀྱིས། །རྣམ་པ་དེ་ལྟར་དུར་ཁྲོད་ནི། །གནོད་སྦྱིན་རོ་ལངས་སྲིན་པོ་རྣམས། །ཧེ་རུ་ཀ…

རྒྱ་གར་སྐད་དུ། ཌཱ་ཀི་ནཱི་སརྦ་ཙིཏྟ་ཨ་དྭ་ཡ་ཨ་ཙིཏྟ་ཛྙཱ་ན་བཛྲ་བཱ་རཱ་ཧི་ཨ་བྷི་བྷ་བ་ཏནྟྲ་རཱ་ཛ་ནཱ་མ། བོད་སྐད་དུ། མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པ་བསམ་གྱིས་མི་ཁྱབ་པའི་ཡེ་ཤེས་རྡོ་རྗེ་ཕག་མོ་མངོན་པར་འབྱུང་བའི་རྒྱུད་ཀྱི་རྒྱལ་པོ་ཞེས་བྱ་བ། མགོན་པོ་དཔའ་བོ་འཇིགས་བྱེད་དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་ག…

མགོན་པོ་དཔའ་བོ་འཇིགས་བྱེད་ཧེ་རུ་ཀ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་མགོན་པོ་བདག་ལ་གསོན། །ཁྱེད་ཀྱི་འཁོར་དུ་འདུས་པ་ཡི། །སྐལ་དང་ལྡན་པ་འདི་རྣམས་ལ། །ལམ་ལོག་མུ་སྟེགས་མ་ལགས་པའི། །དམན་པ་ཉན་ཐོས་མ་ལགས་པའི། །མ་སྨིན་མཚན་ཉིད་མ་ལགས་པའི། །བསམ་གྱིས་མི་ཁྱབ་ཆོས་ཅིག་ཞུ། །ཕྱོགས་རིས་མེད་པ་ལྟ་བའི་མཆོག །བསམ་གྱིས་མི་ཁྱབ་བཤད་…

ཀྱིས་བསྒྲུབ་པར་བྱ། །རྣམ་རྟོག་སེལ་བྱེད་རྣམ་རྒྱལ་ལྔ། །མ་བཅོས་སེམས་ཀྱིས་གཅད་པར་བྱ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ལས་ཕག་མོ་མངོན་པར་འབྱུང་བའི་རྒྱུད་ལས་སྟོན་པས་ཞལ་གྱིས་བཞེས་པའི་ལེའུ་སྟེ་གཉིས་པའོ།། །།དེ་ནས་སྟོན་པས་བཀའ་སྩལ་པ། །ཚེ་གཅིག་སངས་རྒྱས་ཐོབ་འདོད་པས། །དང་པོ་གདེང་…

མཆོག། །བྱང་ཆུབ་སེམས་དེ་ལྗང་ཁུར་ཤར། །དེ་ནས་ཡང་གསང་བའི་ཚིག་གསུངས་ཏེ། །དུས་གསུམ་སྣང་བ་ལྟ་བའི་མཆོག །རྣམ་པར་སྣང་མཛད་ལྟ་བུར་ཤར། །ཆོས་ཉིད་དོན་ལ་རྟག་སེམས་པས། །རྡོ་རྗེ་སེམས་དཔའ་ལྟ་བུར་ཤར། །ཐམས་ཅད་མཉམ་པ་ཉིད་རྟོགས་པས། །རིན་ཆེན་འབྱུང་ལྡན་ལྟ་བུར་ཤར། །ཆོས་ཅན་སོ་སོར་མ་འདྲེས་པས། །སྣང་བ་མཐའ་ཡས་ལྟ་བུར་ཤར། །སྣ་ཚོགས་སྣ…

བྱམས་པ་སྒོམ་པའི་མཆོག །བྱམས་པ་ཚད་མེད་རང་བཞིན་ཡིན། །ཀུན་ལ་བརྩེ་བ་སྒོམ་པའི་མཆོག །སྙིང་རྗེ་ཚད་མེད་ངོ་བོ་ཉིད། །ཀུན་ལ་ཕན་པ་སྒོམ་པའི་མཆོག །དགའ་བ་ཚད་མེད་ངོ་བོ་ཉིད། །ཀུན་ལ་ཁྱབ་པ་སྒོམ་པའི་མཆོག །བཏང་སྙོམས་ཚད་མེད་ངོ་བོ་ཉིད། །བསོད་ནམས་ཚོགས་སོག་སྒོམ་པའི་མཆོག །བཞི་གསུམ་བཅུ་གཉིས་བདག་ཉིད་ཅན། །ལམ་ལ་བསྒོམས་པ་སྒོམ་པའི་…

ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ཅེས་བྱ་བ་ལས་སྒོམ་པའི་ལེའུ་སྟེ་བཞི་བའོ།། །།དེ་ནས་དུར་ཁྲོད་བདག་མོ་དེས། །ཧེ་རུ་ཀ་ལ་འདི་སྐད་གསོལ། །གོམས་པར་བྱ་བའི་རྗེས་ཐོགས་ལ། །སྤྱོད་པའི་གོ་རིམས་ཇི་ལྟར་བགྱི། །དེ་ནས་སྟོན་པས་གསང་བའི་ཚིག་འདི་སྐད་ཅེས་བཀའ་སྩལ་ཏོ། །ཅུང་ཟད…

མཆོག། །ཝ་མོ་ལྟ་བུའི་སྤྱོད་པ་བྱ། །དེ་ལས་གཞན་ཡང་བཤད་པར་བྱ། །ཟུང་དུ་འབྲེལ་བ་སྤྱོད་པའི་མཆོག །ངུར་པ་ལྟ་བུའི་སྤྱོད་པ་བྱ། །གཞན་གྱིས་མི་མཐོང་སྤྱོད་པའི་མཆོག །ཁྭ་ཏ་ལྟ་བུའི་སྤྱོད་པ་བྱ། །དུག་ལྔ་སྤྱོད་པ་སྤྱོད་པའི་མཆོག །རྨ་བྱ་ལྟ་བུའི་སྤྱོད་པ་བྱ། །དུས་ཚོད་འཛིན་པ་སྤྱོད་པའི་མཆོག །ཁུ་བྱུག་ལྟ་བུའི་སྤྱོད་པ་བྱ། །ཉེས་པས་…

ལྟར། །ཐོགས་པ་མེད་པ་ཕྱག་རྒྱ་ཆེན་པོ་དེ། །སྐྱེ་བ་འདི་ལ་སངས་རྒྱས་ས་ལ་རེག །ཅེས་གསུངས་སོ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་སྤྱོད་པའི་རབ་ཏུ་དབྱེ་བའི་ལེའུ་སྟེ་ལྔ་པའོ།། །།དེ་ནས་དུར་ཁྲོད་བདག་མོ་དེས། །སྟོན་པ་ལ་ནི་འདི་སྐད་གསོལ། །ཡང་དག་བརྡ་ནི་བ…

བཞིན་སྣོད་ནི་བསྟན་པར་བྱ། །བླ་མའི་བརྒྱུད་པ་གོ་ཆའི་ཕྱིར། །པཾ་ཀ་ཏ་ཞེས་བརྗོད་པར་བྱ། །སོར་མོ་ལྔའི་ནི་རྒྱུད་གཅིག་ལྟར། །ལྔ་ཡི་རྩ་བ་ཨེ་བཾ་དུ། །བསྡུས་ཕྱིར་སོར་མོ་ལྔ་བསྟན་ལ། །ཚན་དྷོ་ཧ་ཞེས་བརྗོད་པར་བྱ། །སོ་ཡི་སྟོབས་ཀྱིས་ཟས་འདུལ་ལྟར། །ཨེ་བཾ་ཇི་བཞིན་རྟོགས་པར་བྱེད། །གང་གིས་སོ་ནི་བསྟན་བྱས་པས། །ཙ་ལ་ནི་ཞེས་བརྗོད་པར་…

པས། །དོན་དུ་ལྟོ་བ་བསྟན་ནས་ནི། །ནི་གར་མ་ཞེས་བརྗོད་པར་བྱ། །དེ་རྣམས་ཕན་ཡོན་དཔག་མེད་པས། །སྙིང་པོ་རྒྱུད་དུ་གསལ་བར་བསྟན། །བརྡ་དང་ལྡན་པའི་རྣལ་འབྱོར་བས། །བདུད་རྩི་རྣམ་པ་ལྔ་པོ་ལ། །ལོངས་སྤྱོད་པ་ནི་ཐབས་ཀྱི་མཆོག། །བྱིན་གྱིས་བརླབས་དང་ས་བོན་དང་། །རང་བཞིན་བདུད་རྩི་ལ་འབད་པས། །དཔག་མེད་རིམ་གྱིས་ཕན་ཡོན་འབྱུང་། །དེ་ནས་…

ནས་ཁྱད་པར་གྱི་ཡེ་ཤེས་རྣམ་པ་གསུམ་བསྐྱེད་ནས། །འཁོར་རྣམས་ལ་སྤྱན་གཟིགས་ནས་ཚངས་པའི་གསུང་གིས་རྡོ་རྗེའི་ཚིག་འདི་བཀའ་སྩལ་ཏོ། །ཉོན་ཅིག་དུར་ཁྲོད་བདག་མོ་ཁྱོད། །འཁོར་བའི་སེམས་ཅན་ཐམས་ཅད་ལ། །མ་རིག་པ་ཡི་མུན་པས་བསྒྲིབས། །འཁོར་བའི་རྒྱ་མཚོ་ཆེན་པོར་ལྟུང་། །ཉོན་མོངས་འདམ་དུ་བྱིང་བ་ཡིས། །དུས་གསུམ་སངས་རྒྱས་ཐམས་ཅད་ཀྱིས། །ཆ…

བགྱི། །དེ་ཡི་དབྱེ་བ་བཤད་དུ་གསོལ། །ཞེས་ཞུས་སོ། །དེ་ནས་སྟོན་པས་བཀའ་སྩལ་པ། །ཉོན་ཅིག་དུར་ཁྲོད་བདག་མོ་ཁྱོད། །འཁོར་བའི་སེམས་ཅན་ཐམས་ཅད་ལ། །དེ་ཉིད་ཡོད་དེ་སྨིན་ལམ་མེད། །དེས་ན་འབྲས་བུ་ཐོབ་མི་འགྱུར། །ལམ་ལོག་མུ་སྟེགས་བྱེད་རྣམས་ལ། །དེ་ཉིད་ཡོད་དེ་སྨིན་ལམ་མེད། །དེས་ན་འབྲས་བུ་ཐོབ་མི་འགྱུར། །དམན་པ་ཉན་ཐོས་རང་རྒྱལ་ལ། …

དབང་བསྐུར་ཏེ། །གསུམ་པའི་དབང་རྣམས་རྫོགས་པར་བསྐུར། །དཀྱིལ་འཁོར་དེ་ཡི་བྱང་སྒོ་རུ། །ཕྲིན་ལས་རྣམ་བཞིའི་མཎྜལ་བྲི། །སྐལ་ལྡན་སློབ་མ་དེར་བཞག་ལ། །བཞི་པའི་དབང་རྣམས་རྫོགས་པར་བསྐུར། །དཀྱིལ་འཁོར་དེ་ཡི་ཕོ་བྲང་དུ། །སེང་ཆེན་བསྣོལ་བའི་ཁྲི་སྟེངས་སུ། །སྐལ་ལྡན་སློབ་མ་དེར་བཞག་ལ། །རྡོ་རྗེ་སློབ་དཔོན་བྱེད་པའི་དབང། །ཆོ་ག་ཐམས…

དེ་ནས་དུར་ཁྲོད་ཕག་མོ་དེས། །ཧེ་རུ་ཀ་ལ་འདི་སྐད་ཞུས། །སངས་རྒྱས་ཐོབ་བྱེད་འབྲས་བུའི་ཆོས། །བསམ་གྱིས་མི་ཁྱབ་བཤད་དུ་གསོལ། །དབང་པོ་རབ་འབྲིང་ཐ་མ་གསུམ། །གང་དང་གང་གིས་གྲོལ་བ་ལགས། །དུག་ལྔ་སྤྱོད་པའི་གང་ཟག་ལྔ། །གང་དང་གང་གིས་འཇོམས་པར་བྱེད། །དེ་ནས་སྟོན་པས་བཀའ་སྩལ་ཏེ། །ཉོན་ཅིག་དུར་ཁྲོད་བདག་མོ་ཁྱོད། །དབང་པོ་རབ་ཀྱི་གང་…

གཙོར་བྱེད་སྐྱེས་བུ་ལ། །གསུང་གི་ཕག་མོ་དམར་མོ་བསྟན། །འདོད་ཆགས་ཚུལ་གྱིས་འདོད་ཆགས་འཇོམས། །ཞེ་སྡང་ཅན་གྱི་གང་ཟག་ལ། །ཐུགས་ཀྱི་ཕག་མོ་ནག་མོ་བསྟན། །ཞེ་སྡང་ཚུལ་གྱིས་ཞེ་སྡང་འཇོམས། །ང་རྒྱལ་ཅན་གྱི་གང་ཟག་ལ། །ཡོན་ཏན་ཅན་གྱི་ཕག་མོ་བསྟན། །ང་རྒྱལ་ཚུལ་གྱིས་ང་རྒྱལ་འཇོམས། །ཕྲག་དོག་ཅན་གྱི་གང་ཟག་ལ། །ཕྲིན་ལས་ཕག་མོ་ལྗང་ཁུ་བསྟ…