ཆེན་གཞལ་ཡས་ཁང་། །སྣ་ཚོགས་རིན་ཆེན་རང་བཞིན་མཆོག། དྲིལ་བུ་དྲ་བས་མངོན་པར་བརྒྱན། །གདུགས་དཀར་པོ་དང་བ་དན་དང་། །སྣ་ཚོགས་མཆོད་པས་མངོན་པར་བརྒྱན། །རྡོ་རྗེ་སེམས་དཔའི་བདག་ཉིད་ནི། །དཀར་དང་ཀུནྡ་ཟླ་བའི་འོད། །དེ་ནི་རྒྱན་ཀུན་གྱིས་བརྒྱན་ཅིང་། །སངས་རྒྱས་ལྔ་ཡིས་མངོན་པར་ཆས། །རབ་ཏུ་མཛེས་པའི་གོས་མནབས་ཤིང་། །ཕྱག་གཉིས་ན་ནི་ར…

དོན་དང་དོན་ནི་ཡང་དག་བསྡུས། །རྣལ་འབྱོར་སྦྱོར་བའི་དོན་ནི་སྦས་པ་ཉིད། །་བརྡ་ཡི་སྐད་ཀྱིས་བཤད་པའོ། །གདན་བཞི་པ་ལས་ཡང་དག་པར་བཏུས་པ་སྔགས་ཀྱི་ཆའི་རྒྱུད་བཤད་པ་སྦྱོར་བའི་དཀྱིལ་འཁོར་ཞེས་བྱ་བ་རྫོགས་སོ།། །།བཤད་པའི་རྒྱུད་མནྟྲ་ཨང་ས་ཞེས་བྱ་བ་ལེའུ་བདུན་པ། རྒྱ་གར་གྱི་མཁན་པོ་ག་ཡ་དྷ་ར་དང་། ཞུ་ཆེན་གྱི་ལོཙྪ་བ་འགོས་ཁུག་པ་ལྷ…

གསུམ་པར་ས་བོན་བརྒྱད་པ་དང་། །བཞི་པར་རྩ་ཡི་ལྷ་ཉིད་དོ། །བདག་ཉིད་ལུས་ཀྱི་ཡེ་ཤེས་མེ། །བློ་ལྡན་རྣལ་འབྱོར་པས་ཤེས་བྱ། །ལྟོ་བ་མེ་ཡི་ཐབ་ཁུང་དུ། །དེ་ཡི་མེ་ལ་སྦྱིན་སྲེག་བྱ། །སྟེང་དང་འོག་དང་དབུས་སུ་ནི། །རྣམ་ཤེས་རྩ་ནི་བསྡམ་པར་བྱ། །ཐོག་མར་བདག་ཉིད་ལྟོ་བ་རུ། །རྩ་ཡི་ལྷ་ནི་རྣམ་པར་བསྒོམ། །ལྟོ་བའི་མེ་ནི་འབར་བ་ལ། །ཁྱད་པར…

ནམ་མཁའ་ནམ་མཁའ་ནི། །བསྲེག་པའི་བདག་ཉིད་དུ་ནི་ཐིམ། །གཡོན་པའི་དབུགས་ནི་བུད་མེད་ཉིད། །གཡས་པ་དེ་བཞིན་སྐྱེས་བུའོ། །འོག་དང་སྟེང་ནི་འདི་ཡི་རྩ། །འོག་ནི་སྔོན་དུ་རབ་ཏུ་གྲགས། །དབུགས་དང་དྲི་ནི་མཉམ་དྲངས་ནས། །རྒྱས་པའི་ལྔ་ཡི་སྟེང་དུ་ནི། །རྣམ་ཤེས་གཉིས་ཀྱི་རྩ་ནས་དྲང་། །བདུད་རྩི་དེ་ལ་རྣམ་པར་ཐིམ། །ཡེ་ཤེས་དབང་ཕྱུག་དེའི་ས…

རྒྱས་སྤྱན་ལ་ཐིམ། །ཆུ་ཤིང་མེ་ཏོག་པདྨ་འདི། །སྒོང་སྐྱེས་ཡེ་ཤེས་ཀྱི་ནི་གདན། །དེ་ཡི་ཡེ་ཤེས་རྒྱལ་དབང་མོ། །སྒོང་སྐྱེས་འོག་ཏུ་འབྱེད་པ་ཅན། །གཟུགས་མེད་སྲིད་པའི་དབྱིབས་ཅན་ནི། །ཡེ་ཤེས་རྒྱལ་པོ་ཉིད་དུ་ཐིམ། །དེ་ལྟར་བདག་ཉིད་སྟོང་པ་ཉིད། །དེ་ཉིད་དེ་ཉིད་སྟོང་པ་ཉིད། །འཇིགས་པ་མེད་ཅིང་འཚེ་མེད་པར། །དངོས་པོས་དངོས་པོ་བསྒོམ་…

བདག་ཉིད་ལྔ་ཡི་བྱེ་བྲག་ཉིད། །བཅོམ་ལྡན་འདས་ལ་མཉན་པར་འཚལ། །ཉོན་ཅིག་རྒྱལ་པོ་རྡོ་རྗེ་འཆང་། །གཉིས་དང་གཉིས་མེད་ལ་བརྟེན་ནས། །བསྐལ་པ་བཟང་པོ་བརྒྱ་ཡི་སྔོན། །དག་པའི་གནས་ལ་ཀུན་ཏུ་གནས། །རི་རབ་ལྷ་མོ་སངས་རྒྱས་སྤྱན། །མཱ་མ་ཀཱི་ནི་ལྷོ་ཕྱོགས་གནས། །ལྷ་མོ་སྒྲོལ་མ་ནུབ་ཀྱི་གླིང་། །དེ་བཞིན་བྱང་དུ་གོས་དཀར་མོ། །ཤར་དུ་ལྷ་མོ་སྙ…

ལུས་ནི་ཡང་དག་འབྱུང་། །འདོད་ལ་དགའ་ཉིད་མ་ཡིན་ཏེ། །ལོངས་སྤྱོད་ཕྱིར་ཡང་གནས་མི་བྱ། །སེམས་ཅན་དོན་ཕྱིར་འདོད་པའི་ཕྱིར། །ཡོངས་སུ་རྫོགས་པའི་ཡིད་འོང་སྐུ། །གཉིས་མེད་སྦྱོར་བ་ལ་གནས་པར། །གཏོར་མ་སྔོན་དུ་སྦྱིན་པར་བྱ། །སྦྱོར་བའི་ལེའུ་ཞེས་བྱ་བ་གསུམ་པ་རྫོགས་སོ།། །།ཉོན་ཅིག་རྒྱལ་པོ་རྡོ་རྗེ་འཆང་། །དེ་ཉིད་བཅུ་ཡི་བྱེ་བྲག་ཉི…

ལྷ་མོ་སྒྲོལ་མ་འདི། །བྱང་དུ་ལྷ་མོ་སངས་རྒྱས་སྤྱན། །ནུབ་ཏུ་བསམ་པ་གོས་དཀར་མོ། །དེ་བཞིན་ལྷོ་རུ་མཱ་མ་ཀཱི། །འོད་ཟེར་འབར་བ་རྣམ་མང་པོར། །འཇིགས་པ་མེད་པར་བསྒོམ་པར་བྱ། །རྡོ་རྗེ་ལས་ནི་ལྷ་ཡི་ལུས། །བཞུགས་པ་རུ་ནི་རྣམ་པར་བསམ། །སྤྱན་གསུམ་ཕྱག་ནི་དྲུག་པའོ། །ཁ་དོག་སྔོན་པོ་རབ་ཏུ་མཛེས། །རྡོ་རྗེ་ཡི་ནི་ཅོད་པན་ཅན། །དར་གྱིས་བ…

མཆོག་ཡིན་ནོ། །བདག་ཉིད་གཟུགས་སུ་མི་ནུས་པས། །གཟུགས་བརྙན་ལ་སོགས་བསྒོམ་པར་བྱ། །ཕྱིས་ནི་དེ་ཡི་མདུན་ཉིད་དུ། །མཁས་པ་ཡིས་ནི་མཆོད་པར་བྱ། །དེ་ཉིད་པདྨ་བསམ་པ་དང་། །དེ་ཉིད་གཞལ་ཡས་ཁང་པ་བསམ། །སྔོན་དུ་གསུངས་པའི་གདན་ལ་ནི། །དེར་ནི་ཉི་མས་མངོན་པར་གཡོགས། །སྣ་ཚོགས་རིན་ཆེན་མཆོད་པ་དང་། །སྣ་ཚོགས་དར་ནི་མངོན་པར་དཔྱངས། །ལག་གཉི…

དང་ཕྱག་རྒྱའོ། །ཨོཾ་ཏཱ་རེ་ཏུཏྟཱ་རེ་ས་ཏ་ཀྵྀ་ཏ་ཧཱུྃ་སྭཱ་ཧཱ། ལྷ་མོ་སྒྲོལ་མའི་སྔགས་སོ། །ཨོཾ་ཧི་ལི་ཧི་ལི་བ་ལི་སྭཱ་ཧཱ། གོས་དཀར་མོའི་སྔགས་སོ། །ཨོཾ་ཏ་ར་སརྦ་ཏ་ན་ཧཱུྃ་ཕཊ། མཱ་མ་ཀཱིའི་སྔགས་སོ། །ཨོཾ་བུདྡྷ་བི་བུདྡྷ་ཡ་ཧཱུྃ། སངས་རྒྱས་སྤྱན་གྱི་སྔགས་སོ། །་སྡིགས་མཛུབ་གཉིས་དང་གུང་མོ་ནི། །དབུས་དང་དབུས་སུ་སྦྱར་བར་བྱ། །མཐེ…

གྱིས་བསྒྲེང་བ་དང་། །གླིང་བུའི་ཚུལ་གྱིས་འབུད་པ་དང་། །སིལ་སྙན་ཚུལ་གྱིས་དཀྲོལ་བ་དང་། །བརྡབ་པའི་ཚུལ་གྱིས་རྡེགས་པ་དང་། །གར་གྱི་ཚུལ་གྱིས་བསྐྱོད་པ་དང་། །རླུང་གཡབ་ཚུལ་གྱིས་གཡོབ་པ་དང་། །རྒྱལ་མཚན་ཚུལ་གྱིས་བསྒྲེང་བ་དང་། །བླ་རེའི་ཚུལ་གྱིས་བྲེ་བ་དང་། །བ་དན་ཚུལ་གྱིས་འཕྱར་བ་དང་། །གདུགས་ཀྱི་ཚུལ་གྱིས་དགབ་པ་དང་། །ཅང་…

དུ་ནི་པདྨ་དང་། །ཡེ་ཤེས་འབྱིན་པ་ཡི་ནི་རྩ། །ལྔ་ཡི་བདག་ཉིད་ཁྱད་པར་ནི། །གདན་བཞི་ཉན་པར་མི་ནུས་པ། །གཞུང་ཉུང་བ་ནི་བསྟན་པ་ཡིན། །གཟུགས་བརྙན་གྱི་རབ་ཏུ་སྦྱོར་བའི་ལེའུ་ཞེས་བྱ་བ་བཞི་པ་རྫོགས་སོ།། །།རྡོ་རྗེའི་ཆུ་ནི་ཇི་ལྟར་ལགས། །བདུད་རྩིའི་ཆུ་ནི་ཇི་ལྟར་སྐྱེ། །གང་གི་དབྱེ་བ་ཇི་ལྟར་མྱང་། །གང་གིས་ཇི་ལྟར་འཚལ་བར་བགྱི། །འ…

རིན་ཆེན་བཟང་དགའ་རྣལ་འབྱོར་པ། །སྦྱངས་པའི་རྡོ་རྗེ་འཇིགས་བྱེད་ཀྱི། །གཙང་དང་མི་གཙང་དེ་བཞིན་རྫས། །དང་པོ་རྣལ་འབྱོར་མཚན་ཉིད་དོ། །ཉོན་མོངས་དེ་བཞིན་མུན་པ་དེ། །རྣམ་ཤེས་ལྷན་ཅིག་སྣང་བའོ། །ཡེ་ཤེས་རྡོ་རྗེས་བཅོམ་ནས་ནི། །རྣལ་འབྱོར་པ་ནི་དེ་ལ་སྣང་། །བདུད་རྩི་བསྟེན་འདོད་ལུས་ཅན་གྱིས། །གཉིས་མེད་ཁ་སྦྱར་སྦྱར་བར་བྱ། །རྣལ་འ…

རྣམ་པར་ཤེས་ཙམ་གྱིས། །འཆི་བདག་ལུས་ནི་གནས་པ་ཉིད། །དང་པོར་སྔ་དྲོའི་དུས་ཉིད་ལ། །དབུགས་ནི་རྣམ་པར་དགོད་བཤད་པ། །ལུས་ཅན་ཟླ་དྲུག་ནས་འཆི་བར། །ངས་གསུངས་པ་ལ་ཐེ་ཚོམ་མེད། །གལ་ཏེ་དུས་ལ་བབ་གྱུར་ན། །དབུགས་ནི་ཆད་ཅིང་འཆད་པར་འགྱུར། །དེ་བཞིན་འཇིགས་པ་ཆུང་མཐོང་ན། །འགྲམ་པའི་ཚིགས་ནི་ཡོ་བར་འགྱུར། །ལུས་ཀྱི་མཚན་མ་ཤེས་བྱས་ལ། །ར…

ནི་གཉིས་གཟུང་སྟེ། །གུར་ཀུམ་དང་ནི་གིའུ་ཝང་གིས། །བཅུ་གཉིས་ཚད་ནི་ཡང་དག་བྲི། །ས་བོན་དབྱངས་ཡིག་བསྐོར་བར་བྱ། །ལྷ་མོ་བརྒྱད་ཀྱི་ས་བོན་འདི། །མཚམས་སུ་མ་ནིང་ས་བོན་དང་། །དབུས་སུ་ཡེ་ཤེས་ས་བོན་ནི། །མཁས་པ་ཡིས་ནི་བསྐོར་བར་བྱ། །དེ་བཞིན་མིང་ནི་དབུས་སུ་བྲི། །ཧཱུྃ་གི་དབུས་སུ་གནས་པ་ཉིད། །གཉི་ག་དང་ཡང་སྦྱར་བྱས་ནས། །སྐུད་པ…

འབྱེད་པའི་རྩ་ནི་རབ་ཏུ་བསྐྱེད། །ས་གདུགས་ཡེ་ཤེས་རྣམ་ཤེས་ནི། །ཡོངས་སུ་རྫོགས་པའི་ལུས་ཅན་ནོ། །ས་གདུགས་བཅུ་དང་བརྒྱད་ཉིད་ཀྱིས། །མཁས་པ་ཟླ་དགུར་ཀུན་ཏུ་གནས། །སྐྱེ་བ་སྐྲ་བྲ་ལ་སོགས་ལྡན། །སེན་མོ་ཁོག་པ་རུས་པ་དང་། །ཞག་དང་སྲིན་བུ་གཅི་བ་དང་། །བཤང་བ་བད་ཀན་མཆི་མ་སོགས། །་བརྒྱད་ནི་མངལ་ན་ང་རྒྱལ་བ། །རྩ་ཡི་བརྒྱད་པ་ཞེས་བྱ་ལ…

ལྟར་དག་པའི་ལུས་ཀྱི་ནི། །དག་པའི་ལམ་དུ་ཡང་དག་བགྲོད། །རྩ་བསྐྱེད་པའི་ལེའུ་ཞེས་བྱ་བ་བདུན་པ་རྫོགས་སོ།། །།སྦྱོར་བའི་མདོ་རུ་བསྡུས་པ་ཉིད། །བཅོམ་ལྡན་འདས་ལ་ཉན་པར་འཚལ། །ཕྱག་ན་རྡོ་རྗེ་ཁྱོད་ཉོན་ཅིག། སྦྱོར་བའི་བསྟན་བཅོས་སྒྲུབ་པ་པོས། །གདན་བཞི་པ་ལས་བཏུས་པ་ཡིས། །སྟོང་ཕྲག་བཅུ་གཉིས་ཡང་དག་ལྡན། །དེ་ཡི་དོན་ནི་མདོར་བསྡུས་པ…

བདུན་པ་ཡི་ནི་མཐའ་བཟུང་སྟེ། །གསུམ་པ་ཡིས་ནི་སྦྱར་བར་བྱ། །སྡེ་ཚན་མཐའ་ཡིས་སྟེང་དུའོ། །ཡེ་ཤེས་ཅན་གྱིས་ས་བོན་གཅིག། དབུགས་མི་གཡོ་ཞིང་འོད་ཟེར་བཅས། །སེར་པོའི་མདོག་ཏུ་རྣམ་པར་བསྒོམ། །ཕྱིས་ནི་ནོར་རྒྱུན་ཞེས་བྱ་བའི། །ལྷ་མོའི་གཟུགས་སུ་རྣམ་པར་བསམ། །ཕྱག་དྲུག་སེམས་དཔའི་སྐྱིལ་མོ་ཀྲུང་། །རྒྱན་ཀུན་གྱིས་ནི་རྣམ་པར་བརྒྱན། …

བ། །སྒྲ་དང་ཐིག་ལེས་རྣམ་པར་བརྒྱན། །ནག་པོ་དྲག་པོ་ཡི་ནི་གདན། །ཡི་དགས་གདན་ལ་ཀུན་གནས་པ། །བསམ་པ་རལ་གཅིག་མ་ཡི་གཟུགས། །ཁ་དོག་སྔོན་པོ་མཉམ་པའི་འོད། །དབུ་སྐྲ་གྱེན་བརྫེས་ལྷ་མོ་ཆེ། །དྲག་པར་རྒོད་པས་འཇིགས་པར་མཛད། །སྤྱན་གསུམ་ཞལ་ནི་གཅིག་པ་ལ། །ཕྱག་བཞི་ཡི་ནི་རྣམ་པར་སྤྲས། །གཅིག་ནི་ཕྱག་ན་རལ་གྲི་དང་། །གཉིས་པ་ན་ནི་རྡོ་རྗེ…

སེང་གེའི་གདན་ལ་བཞུགས་པ་ནི། །ཉི་མའི་དཀྱིལ་འཁོར་གྱིས་བརྒྱན་ཅིང་། །སྣ་ཚོགས་དར་ནི་རྣམ་པར་འཕྱང་། །ཡི་གེ་གཅིག་གིས་ས་བོན་ནི། །འོད་ཟེར་འབར་བ་ཚོན་གྱི་དངོས། །དང་པོའི་དབྱངས་ཡིག་ཀུན་བཟུང་ལ། །སྟེང་དུ་བདུད་རྩི་ཐིག་ལེ་ཅན། །ལྷ་མོ་བདག་ཉིད་ལྷན་ཅིག་དང་། །ཕྱི་ནས་གཟུགས་ནི་མཉམ་པར་བསམ། །ཕྱག་གཉིས་སེམས་དཔའི་སྐྱིལ་མོ་ཀྲུང་། …