དར་ལིང་ལ་སྡོང་བུ་བྱས་ཏེ། དེའི་རྗེས་སུ་ཁྱིའི་ཞག་དང་། བྲམ་ཟེའི་ཐོད་པར་མིག་སྨན་ཕབ་ནས་མིག་གཉིས་ལ་བསྐུས་ན་ཕོ་རོག་གི་མིག་བཞིན་ནམ་མཁའ་ལ་རྒྱུ་བའོ། །དེ་ནས་ཡང་ལྕགས་ཀྱུ་མཆོག་གིས་རིལ་བུ་གཉིས་བྱས་ཏེ། རབ་ཏུ་བཟུང་ནས་གཟའ་མིག་དམར་ལ་ཟོས་ནས་གླང་ནག་པོ་བཟུང་ནས་གང་བཞག་པ་དེ་ལ་ཇི་སྲིད་དུ་བསྣུན་ནས། གླང་སྐད་ཕྱུང་བ་དང་། དེ་ནས…

ལྕམ་པ་དང་། ཅོད་པན་ཅན་གྱི་མཁྲིས་པ་དང་། སྦྲང་རྩི་རྣམས་རབ་ཏུ་མཉེས་པའི་མིག་སྨན་མིག་གཉིས་ལ་བྱས་ན་མི་བྱ་རྒོད་བཞིན་དུ་ལྡིང་བར་འགྱུར་རོ། །དེ་ཡང་ལྷ་མོ་རྐང་མགྱོགས་ཀྱི་དངོས་གྲུབ་བཞིན་ནོ། །འདི་ལྟར་ཡང་འདི་ནི་དངོས་གྲུབ་སླ་བའོ། །འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་མིག་སྨན་གྱི་ལེའུ་སྟེ་བཅུ་གཉིས་པའོ།། །།དེ་ནས…

བཞི་པའི་མཐའ་མའི་ཡི་གེའོ། །ཨས་སྔར་གྱི་ཡི་གེ་གཉིས་བརྒྱན་པ། དེའི་མིང་ནི་ཛ་ཡན་ཏཱི་ཞེས་བྱ་བར་རབ་ཏུ་གྲགས་པའོ། །དེའི་ལོ་མའི་ཁུ་བ་མེ་མ་དག་ལ་བསྲོས་ནས་མཁས་པས་ལྷང་ཚེར་བ་དཀར་པོའི་ཕྱེ་མ་མན་ཆ་གསུམ་དང་སྲང་གཅིག་དང་ངེས་པར་བྱས་ནས་བཞི་འགྱུར་དུ་བསྲེ་བར་བྱའོ། །རྣལ་འབྱོར་མཁས་པས་ཟླ་བ་གཅིག་ཏུ་བཙོ་ཞིང་ཉི་མ་རེ་རེ་བལྟ་བར་བྱའོ…

པོ་ཆེའི་ལག་པ་ལྟ་བུ་རུ་བཅུག་ལ་སྣོད་དུ་སྲ་བར་གྱུར་པ་དང་། ཞ་ཉེ་དཀར་པོ་སྲང་རེ་རེ་སྲ་བར་གྱུར་པ་མན་ཆ་རེ་རེ་ལ་བླུགས་ན་དངུལ་དུ་གྱུར་པས་ན་འདི་ཐམས་ཅད་མཁས་པས་བཟའ་བར་བྱའོ། །བཅུད་བཟུང་ནས་བྱི་ལའི་མཁྲིས་པ་དང་སྦྱར་ནས་ཆུ་ཤིང་གི་ཁུ་བས་བཀྲུས་པ་དང་། བཙག་དམར་པོའི་ཕྱེ་མ་དང་། ཆུ་ཤིང་དང་། སརྩི་ཀའི་ཚ་དང་། རོ་བསྲེགས་པའི་ཤུལ་…

བྱས་པ་མན་ཆ་གཅིག་ཞ་ཉེ་སྲང་གཅིག་ལ་བཅུག་ན་དངུལ་དུ་འགྱུར་རོ། །བཅུད་འདུས་པ་སྔར་གྱི་དེ་ཉིད་བླངས་ནས་རྣལ་འབྱོར་པ་གང་གིས་ར་ཏི་རེ་རེ་ཙམ་ཟོས་ན་སྨྲས་པའི་རིམ་པས་ལུས་ཀྱི་དངོས་གྲུབ་འགྲུབ་པར་འགྱུར་རོ། །ཀཱ་རུ་ཎའི་འདབ་མའི་ཁུ་བ་མར་ནག་ལ་ཟངས་ཀྱི་སྣོད་དུ་བཙོས་ནས་དེ་ལ་བཅུད་བྱུགས་ཏེ་ཐུན་གསུམ་ཉི་མ་ལ་བསྐམས་ལ་སིམ་པའི་འདབ་མའི་…

ཚོགས་འདིར་འགྲུབ་པར་འགྱུར་རོ། །འདི་ནི་དཔལ་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་དངུལ་ཆུའི་ལེའུ་སྟེ་བཅུ་གསུམ་པའོ།། །།ལྷ་མོས་གསོལ་པ། ཇི་ལྟར་གསུངས་པ་དེ་ལྟར་བགེགས་རྣམས་ཀྱིས་གང་བ་ཇི་ལྟར་མནན། དང་པོར་རྣལ་འབྱོར་པ་མཁས་པས་ཐམས་ཅད་བསྒྲུབ་པར་འགྱུར་རམ། དཀར་པོ་དང་། ནག་པོ་དང་སྦྱར་བ་ནི་འདབ་མ་གཅིག་ཏུ་བྱས་ནས་ཀཉྫི་དང་བཏགས…

ན། དངོས་གྲུབ་ངེས་པར་འགྲུབ་པར་འགྱུར་རོ། །རྩོམ་པའི་དུས་སུ་གནོད་སྦྱིན་མོ་གདོང་ཐུག་ཏུ་འོངས་པའམ་གློ་བུར་དུ་འོངས་པ་དེ་ཡང་བུད་མེད་ནག་མོ་ཅུང་ཞིག་མིག་དམར་བ་ངོ་ཤེས་པ། བག་ཙམ་བོང་ཐུང་བ། སྨྲ་མཁས་པ། སྙན་པར་སྨྲ་བ་གོ་ལ་སྟེར་བཞིན་པ་ཞེ་ས་དང་བཅས་པ་དེ་ལ་དངོས་གྲུབ་ཀྱི་དོན་དུ་གཏོར་མ་སྦྱིན་པར་བྱའོ། །གང་རྣམ་པར་འཇོག་པ་ཁ་དོག…

ཉི་མ་གསུམ་དུ་བསྐམས་ཏེ། ལྷང་ཚེར་དཀར་པོ་སྲང་བཞི་སྔོན་དུ་བརྗོད་པ་ལྟར་སྦྱངས་པས་སོ། །ཟླ་བ་བཅུ་གཉིས་སུ་ཉི་མ་རེ་རེ་ལྷང་ཚེར་ངེས་པར་བྱའོ། །སྐྱུ་རུ་རའི་ཁུ་བ་དང་། སྨན་སུ་དར་ཤ་ནའི་ལོ་མའི་ཁུ་བ་དག་གིས་ཟླ་བ་གཅིག་ཏུ་གདུལ་ལོ། །ཇི་སྲིད་གཡས་སྐོར་དུ་བྱུང་ན་དངོས་གྲུབ་མཉམ་པ་མེད་པ་ལྷ་དང་ཚངས་པ་དག་གིས་བྱིན་པ་སྟེ། ཉི་མ་བཅྭ་ལ…

པར་དམ་ཚིག་དང་བསྒོམ་པ་ཡོངས་སུ་ཤེས་པའི་ནུས་པས་པ་རི་ཀི་ཏ་བར་ཏ་ནའི་དུས་འབྱུང་སྟེ་ལོ་བྱེ་བ་ཕྲག་བཅུ་གཅིག་དང་ཁྲི་ཕྲག་ཉི་ཤུ་རྩ་བདུན་གྱིས་རྫོགས་སོ། །དེ་ན་ཀི་ཏ་ནན་དའི་དུས་འབྱུང་སྟེ། དུས་ཚིགས་སུ་དུང་ཕྱུར་ཕྲག་བཅུ་དང་། འབུམ་ཕྲག་བདུན་ཅུ་རྩ་གཅིག་དང་། སྟོང་ཕྲག་བཅུ་གཉིས་དང་། བརྒྱ་རྩ་གཅིག་སོང་བ་དང་། བ་བླ་བརྒྱ་ཕྲག་ལྔ་…

ནས་བྷྃ་ག་ལའི་རི་ཁྲོད་པ་རྣམས་ཀྱི་དཔོན་པོའི་ཆུང་མར་སྐྱེས་ནས་ལྷ་མོ་ཙུན་དཱ་ལ་མཆོད་པ་བྱེད་པར་འགྱུར་རོ། །དེ་ནས་སྐྱེ་བ་བརྒྱད་ན་ཀཱ་མ་རཱུ་པའི་རྒྱལ་པོར་སྐྱེས་ཏེ། བཙུན་མོ་བཞི་བརྒྱ་དང་། ཕོ་བྲང་དགུ་དང་། འབྲུ་སྣ་ཚོགས་ཚང་བ་དང་། ཨ་ག་རུ་ནག་པོ་རྣམས་དང་ལྡན་པ་འབྱུང་བར་འགྱུར་རོ། །དེའི་ལྷོ་ཕྱོགས་སུ་མ་གན་དྷ་རི་ཞེས་པའི་ཚོང…

དངོས་གྲུབ་བྱེ་བྲག་ཐམས་ཅད་འཐོབ་པ་འབྱུང་བ་དང་། དེའི་ལྔ་ཆ་ཡིས་བུའི་བྱ་བ་བྱེད་པ་འབྱུང་བར་འགྱུར་རོ། །ལོ་ལྔ་བཅུའི་བར་ལ་འབྱུང་པོ་དང་ལྷ་ཡིས་སྐྱོང་བར་འགྱུར་རོ། །དེ་རྣམས་བསྡོམས་པས་ལོ་སྟོང་ཕྲག་གཅིག་སོང་ནས་རྒྱལ་པོ་རུས་སྦལ་ཞེས་པ་ལོ་ཉིས་བརྒྱའི་བར་དུ་གནས་སོ། །བྷ་ག་ལའི་མངའ་བདག་ལོ་བརྒྱ་ཕྲག་བཅྭ་བརྒྱད་ཀྱི་བར་ལ་གང་སྐྱེ…

རོ། །ཡང་པཱ་ལ་ཞེས་པའི་མིང་དང་ལྡན་པར་གྱུར་ཏེ་སྐྱེས་བུ་གཅིག་ཁོ་ནའོ། །དེ་སྤངས་ནས་དཏྟ་དང་། གྷོ་ཥ་དང་། དྷ་མ་དང་། སིང་ཧ་དང་། ནན་ཏི་དང་། ཨཾ་བ་ར་དང་། ཨཱ་དི་ཏྱ་དང་། སེ་ནཱ་རྣམས་ཀྱིས་རིམ་གྱིས་རིམ་གྱིས་སྐབས་སྐབས་སུ་སྐྱོང་བར་བྱེད་དོ། །ཕྱི་ནས་བསོད་ནམས་ཆུང་བར་གྱུར་པའི་རྒྱལ་པོ་འབྱུང་བར་འགྱུར་རོ། །བ་ཊི་ཀེ་ར་ཀའི་བྱང་ཕ…

རྣལ་འབྱོར་པ་རྣམས་དང་། པཎྜི་ཏ་རྣམས་ཀྱི་གཙོ་བོར་གྱུར་པ་ཆོས་ཀྱི་གྲགས་པ་ཞེས་པར་ཡོངས་སུ་གྲགས་པ་འདི་དང་སྐྱེས་བུ་དྲུག་བསྟན་པ་ལ་ཕན་པ་ཚངས་པར་སྤྱོད་པ་ལ་གནས་པ་རྣམས་ཀྱིས་གྲུབ་པ་འཐོབ་བོ། །ཕྱི་ནས་མ་ཏི་ལ་དང་། པཱ་ག་ར་དང་། བྷ་བྱ་གྷོ་ཥ་དང་། ས་ཧཱ་སྲི་ཀཱརྞ་ཞེས་པའི་མིང་ཅན་ཡོངས་སུ་སྐྱོང་བ་རྣམས་ལོ་བཅུ་གསུམ་གྱིས་གྲུབ་པ་ཐོབ…

སིན་དྷུ་ཞེས་པར་གྱུར་ནས་འགྲོའོ། །དེ་ཤི་ན་གར་ཞེས་པར་འབྱུང་ངོ་། །ཕྱི་ནས་སྐྱེ་བ་བདུན་གྱི་བར་དུ་རྣལ་འབྱོར་པར་འབྱུང་བར་ཤེས་པར་བྱས་ཏེ་ཕྱོགས་དང་ཕྱོགས་བྲལ་བ་རྣམས་ཀྱང་ངོ་། །དེ་ནས་གྲོང་ཁྱེར་དེ་ལ་བྷན་དྷ་ནི་ཞེས་པར་འགྱུར་ནས་འགྲོའོ། །དེ་རུ་ཙཎྜ་མ་ཧཱ་རོ་ཥ་ཎའི་རྣལ་འབྱོར་ཉམས་སུ་བླངས་པས་རྒྱལ་པོར་འགྱུར་རོ། །དེ་ཡིས་སྐྱེ་…

པོ་དང་། མིའམ་ཅི་དང་། ལྷ་མ་ཡིན་ལ་སོགས་པ་རྣམས་དང་། སྤྲེའུ་ལ་སོགས་པ་རྣམས་ཧ་ཧ་ཞེས་པའི་སྒྲ་སྒྲོགས་པ་དང་། ཧ་ནུ་མན་ཏ་རྣམས་ངེས་པར་གནས་པར་འབྱུང་བར་འགྱུར་རོ། །རྒྱ་མཚོའི་ནུབ་ཕྱོགས་སུ་ཟླ་བ་ཕྱེད་པའི་གདོང་པ་ཅན་གྱི་མི་གནས་པར་འགྱུར་རོ། །དེའི་ནུབ་ཕྱོགས་ན་ལྷ་ལ་སོགས་པ་གནས་པ་འབྱུང་ངོ་། །རྒྱ་མཚོས་བསྐོར་བ་ན་གནས་པའི་མི་རྣ…

དང་གང་དུ་ང་ཡིས་གནས་བསྟན་པ། དེ་དང་དེ་ནི་སངས་རྒྱས་ཀྱིས་བྱིན་གྱིས་བརླབས་པའོ། །གནས་གཞན་རྣམས་ནི་སངས་རྒྱས་མ་ཡིན་པའི་ལྷ་རྣམས་ཀྱིས་རྣམ་པར་བརྟགས་པའོ། །གང་གྲུབ་པ་ཐོབ་པ་ཐམས་ཅད་ཀྱི་མིང་གནས་ཀྱིས་བརྟགས་སོ། །སྡིག་པ་རེ་རེ་དག་པར་བྱེད་པ་གང་དང་གང་ལ་ཡོད་པ་དེ་དང་དེ་ཏིང་ངེ་འཛིན་ནོ། །བུམ་པ་གསུམ་ལ་སོགས་པ་རྣམས་དང་། གང་དང་གང…

མཚན་མ་གཅིག་པའམ། དུར་ཁྲོད་དམ་ཆུ་འགྲམ་རྣམས་སུ་རྨ་མེད་པ་མ་གོད་པའི་རོའི་སྟེང་དུ་བསྡད་ནས་སྔགས་བརྒྱ་ཕྲག་བརྒྱད་བཟླས་ན་སྔགས་ཀྱི་རྗེས་ལ་ལྕེ་རེག་ཏུ་འོང་སྟེ། དེ་བཅད་ནས་ལག་པ་གཡས་པས་བཟུང་ན་རལ་གྲིའི་དངོས་གྲུབ་འགྲུབ་བོ། །དེ་ནས་གཞན་ཡང་བརྗོད་པར་བྱ་སྟེ། ཚྭ་བླངས་ལ་རོ་ལ་བསྣུན་ན་གསེར་དྲུག་ནམ་བརྒྱད་སྟེར་བར་བྱེད་དོ། །ཚེས་…

དང་། སྨན་ཏི་མི་རིའི་རྩ་བ་རྣམས་བཏགས་པས་ལུས་ལ་བྱུགས་ན། འཇིགས་བྱེད་ཆེན་པོ་སྒྲ་ཆེན་པོ་དང་བཅས་ནས་འོངས་པས་ཙནྡན་གྱི་ཆུ་དང་ནམ་མཁའི་ཆུ་ཡིས་ཨརྒྷ་དབུལ་ཏེ། དེ་མཐོང་བ་ལ་འཇིགས་པར་མི་བྱའོ། །སྒྲུབ་པའི་གྲོགས་པོ་བྱང་ཕྱོགས་ན་གནས་པས་སྐྱེས་བུ་ཞེས་པ་དང་བཅས་པས་ཕྱོགས་གསུམ་དུ་བསྒོ་བ་བྱས་ན་གང་འདོད་པ་དེ་ཡིས་བྱེད་དོ། །གཞན་ཡང་ས…

པར་སྦྱར་བས་ལུས་ལ་བྱུགས་ཏེ། རོའི་སྟེང་དུ་ཤར་དུ་བལྟས་པས་བསྡད་ལ་ཡང་བདུད་རྩི་ལྔས་ལུས་ལ་བྱུགས་ནས་སྒྲ་ཆེན་པོ་དང་བཅས་པས་སྔགས་སྟོང་ཕྲག་ལྔ་བཟླས་ན་འདིར་ཉི་མ་འོང་སྟེ། འོངས་པ་དང་བྱང་ན་གནས་པའི་སྒྲུབ་པོས་གི་ཝང་དང་། ཙནྡན་དག་གིས་ཨརྒྷ་བྱིན་ན་ངས་ཅི་བྱ་བ་ཞེས་ཉི་མས་བརྗོད་པར་འགྱུར་རོ། །དེ་ལ་སྒྲུབ་པ་པོས་བཅུད་ལེན་གྱི་དངོས…

གི་ཆུས་ཨརྒྷ་དབུལ་ལོ། །ཕྱི་ནས་དེ་ཡིས་གསུངས་པ། ཀྱཻ་དཔའ་བོ་ཆེན་པོ་ཅིའི་ཕྱིར་ང་འབོད་ཅེས་གསུངས་ན། བྱང་ན་གནས་པའི་སྒྲུབ་པ་པོས་གསོལ་པ། གང་དང་གང་གི་དུས་སུ་ཁྱོད་ལ་ལས་བཅོལ་ན་གཏོང་དགོས་པ་དེའི་དོན་དུ་ཞེས་བརྗོད་དོ། །དངོས་གྲུབ་གང་དང་གང་འདོད་པ་སྦྱིན་ནོ་ཞེས་དེས་གསུངས་སོ། །དེ་ལ་སེང་གེའི་ཕྱག་རྒྱ་བཅས་ན་རྙེད་པར་དཀའ་བའི་…