དེ་ནས་ངོ་མཚར་རྨད་བྱུང་ནས། །ཐེ་ཚོམ་ཐམས་ཅད་གཅོད་མཛད་པའི། །བཅོམ་ལྡན་དེ་བཞིན་གཤེགས་ཀུན་གྱི། །བདག་པོ་ལ་ནི་འདི་སྐད་ཞུས། །བཅོམ་ལྡན་དེ་བཞིན་གཤེགས་ཀུན་གྱི། །ཡོན་ཏན་ཀུན་གྱིས་ཕུལ་ཕྱུང་ཡང་། །གཙོ་བོ་འདིར་ནི་སྟོན་མཛད་པར། །ཇི་ལྟར་སྤྲོ་བ་མངའ་མ་གྱུར། །བྱིན་གྱིས་བརླབ་པའི་གནས་མཛད་དེ། །དེ་བཞིན་གཤེགས་ཡིད་བདེ་ལ་སོགས། །ཡེ…

བཞུགས་པར་གྱུར། །དེ་ཡང་བྱང་དུ་གཟིགས་གྱུར་ཏེ། །མཉམ་ཉིད་ཡེ་ཤེས་ཞེས་བྱའོ། །དེ་ནས་བཅོམ་ལྡན་བདག་པོ་དེ། །རྡོ་རྗེ་གསུམ་གྱི་དམ་ཚིག་བདག །འདོད་ཆགས་ཆེན་པོ་ལས་བྱུང་བ། །རྡོ་རྗེ་ཞེས་ནི་བྱ་བ་ཡི། །ཏིང་ངེ་འཛིན་ལ་སྙོམས་ཞུགས་ཏེ། །འདོད་ཆགས་ཆེན་པོའི་རིགས་ལས་བྱུང་། །ཨཱ་རོ་ལིཀ་ཅེས་བྱ་སྙིང་པོ། །རྡོ་རྗེ་གསུམ་ལས་དེ་ནས་ཕྱུང་། …

ཀྱིས་ནི། །མེ་ཡི་ཕྱོགས་སུ་རྣམ་པར་བཞུགས། །དེ་ནས་རྗེས་མཉེས་རྡོ་རྗེ་གྲགས། །སྐུ་གསུང་ཐུགས་རྡོ་རྗེ་ལས་བྱུང་། །ཏིང་ངེ་འཛིན་ལ་སྙོམས་ཞུགས་ཏེ། །རྡོ་རྗེ་གསུམ་ལས་བྱུང་བ་ནི། །དེ་ནི་མོ་ཧ་ར་ཏི་སྟེ། །གང་ཕྱིར་དེ་བཞིན་གཤེགས་པའི་ཡང་། །རིག་པ་སྐྱེས་བུ་བྱུང་བ་སྟེ། །ཞལ་གསུམ་ལྟ་བུའི་རྣལ་འབྱོར་མ། །གཉིས་མེད་མཉམ་པའི་རྣལ་འབྱོར…

གཟུགས་ལྟ་བུ། །རྡོ་རྗེ་དམ་ཚིག་བསྙེངས་བྱེད་པ། །ལྷོ་ཡི་སྒོར་ནི་རྣམ་པར་བཞུགས། །དེ་ནས་རིན་ཆེན་འབྱུང་གནས་གྲགས། །ཏིང་ངེ་འཛིན་ལ་སྙོམས་ཞུགས་ཏེ། །གསུང་གི་དཀྱིལ་འཁོར་ཀུན་གྱི་གཙོར། །རྡོ་རྗེ་གསུམ་ལས་ཁྲོ་བོ་ཆེ། །པད་མཱནྟ་ཀྲྀཊ་འོད་པོ་ཆེ། །བདག་པོ་དེ་ནས་ཕྱུང་བར་གྱུར། །དེ་ནས་ཕྱུང་བ་ཙམ་གྱིས་འདིར། །གཙོ་བོའི་རིག་པ་སྐྱེས་…

པ་གསང་བ་བླ་མེད་པ། །དྲིས་པ་རྣམས་ནི་བཤད་པར་བྱ། །ཞེ་སྡང་གཏི་མུག་དེ་བཞིན་ཆགས། །ལུས་ལ་སོགས་པའི་ཕུང་པོ་ལྔ། །འདི་དག་བདག་མེད་རྟོགས་ནས་ནི། །རྫོགས་སངས་རྒྱས་ནི་ཚུལ་གསུམ་གནས། །ཕ་ནི་ཞི་གནས་ཡིན་ཞེས་བྱ། །མ་ནི་ལྷག་མཐོང་ཡིན་པར་བཤད། །དེ་བཞིན་ཉིད་ཤེས་ལུས་སུ་འགྱུར། །ཞི་བ་རྣལ་འབྱོར་བ་ཡི་ཟས། །ཇི་ལྟར་བཟོ་བོས་བདེར་གཤེགས་ཀྱ…

བདག་བཅས། །འདི་ལས་དངོས་མེད་པས་རྒྱལ་བས། །རྒྱལ་བའི་རྡོ་རྗེར་རྣམ་པར་བཤད། །ལུས་སོགས་ཕྱི་ཡི་ཕུང་པོར་བཤད། །འབྱུང་དང་འབྱུང་ལས་གྱུར་པ་གང་། །བྱང་ཆུབ་སེམས་དཔའ་སེམས་དཔའ་ཆེ། །འདི་དག་རྡོ་རྗེའི་རིགས་ཅན་འགྱུར། །དངོས་པོ་གང་དང་གང་དག་གིས། །ཕུང་པོ་ལྔ་པོ་བརྟགས་གྱུར་པ། །དེ་རྣམས་དེ་བཞིན་ཡང་དག་དམིགས། །དེ་བཞིན་གཤེགས་པ་རྣམས་…

ནི། །ཀུན་མཁྱེན་ཡེ་ཤེས་ལས་བྱུང་བ། །གནས་མེད་གནས་པའི་སྦྱོར་གྱུར་པ། །འདོད་ཆགས་ཆེན་པོའི་ཚུལ་གྱི་མཆོག །ཇི་ལྟར་འདམ་གྱི་པདྨ་ནི། །དེ་ཡི་ཉེས་པས་གོས་མི་འགྱུར། །དེ་བཞིན་རྣལ་འབྱོར་རིག་པ་མཆོག །འདོད་པ་ཀུན་ལ་ཉེ་བར་སྤྱོད། །འགྲོ་བ་གཅིག་ཏུ་འདོད་པ་ཁྱབ། །དེ་ཉིད་རྡོ་རྗེ་རིགས་མཆོག་ཡིན། །ཆོས་དང་ལོངས་སྤྱོད་སྤྲུལ་པ་སྟེ། །གསུ…

གསོལ། །དགོངས་པ་རྡོ་རྗེ་དམ་པ་ནི། །དེ་བཞིན་གཤེགས་པ་ཀུན་ཡེ་ཤེས། །བྱང་ཆུབ་སེམས་ནི་བླ་མེད་པ། །གསང་བ་བཅོམ་ལྡན་བཤད་དུ་གསོལ། །བཅོམ་ལྡན་འདས་ཀྱིས་དེ་རྣམས་ཀྱིས། །ཞུ་བ་ཡང་དག་ཐུགས་ཆུད་ཅིང་། །བྱང་ཆུབ་སེམས་དཔའ་ཡོངས་རྟོག་པ། །ཐུབ་ཉིད་ཀྱིས་ནི་རྣམ་མཁྱེན་པ། །དེ་ནས་བྱང་ཆུབ་སེམས་ཀུན་ལ། །བཅོམ་ལྡན་འདས་ཀྱིས་དེ་སྐད་གསུངས། །ལ…

མ་སྐྱེས་བརྡ། །རང་སེམས་མཉམ་པ་ཉིད་ཀྱང་ཡིན། །དེ་ནས་མི་བསྐྱོད་དེ་བཞིན་གཤེགས། །ཀུན་གྱི་གཉིས་མེད་མི་ཟད་པའི། །ཡེ་ཤེས་ཏིང་འཛིན་སྙོམས་ཞུགས་ཏེ། །བྱང་ཆུབ་སེམས་ནི་འདི་གསུངས་སོ། །དངོས་པོ་འདི་དག་མ་སྐྱེས་པས། །ཕུང་པོར་གྲགས་པའི་ཆོས་ཉིད་མེད། །ནམ་མཁའ་ལྟ་བུར་བལྟ་དཀའ་བའི། །བདག་མེད་བྱང་ཆུབ་ཅེས་བྱའོ། །དེ་ནས་བཅོམ་ལྡན་དཀོན་…

ཞེས་ལན་གསུམ་གསུངས་ནས་ནི། །ལག་ན་རྡོ་རྗེ་ལ་འདི་གསུངས། །རྣམ་པར་མི་རྟོག་དོན་དེ་ཉིད། །རབ་ཏུ་ཕྱེ་སྟེ་བཤད་བར་བྱ། །ཚིག་ཏུ་བརྗོད་དང་དམིགས་པར་བཤད། །བརྡ་དང་དོན་དམ་པ་ཡིན་ནོ། །རྐྱེན་དང་ཉན་ཐོས་རྣམས་ཀྱི་དང་། །མདོ་དང་གསང་སྔགས་སྤྱོད་རྣམས་ཀྱིས། །དེ་བཞིན་གཤེགས་པས་གསུངས་པ་ཡི། །བྱང་ཆུབ་སེམས་ནི་བླ་ན་མེད། །དེ་བཞིན་ཡང་དག་ས…

བརྗོད་པ་ཡི་ནི་སྔགས་འདི་དག །དངོས་མེད་ངོ་བོ་ལས་བྱུང་བ། །དེ་ནི་ཡོངས་སུ་གྱུར་པའི་གཟུགས། །ལྷ་རུ་ཉེ་བར་མཚོན་པ་གང་། །བརྡ་ཡིས་དེ་ཉིད་གསུམ་གནས་པ། །རང་བཞིན་བཟླས་པའི་མཚན་ཉིད་དོ། །མིང་མེད་བརྗོད་དུ་མེད་པ་སྟེ། །བྱང་ཆུབ་སེམས་མཆོག་འདི་ཡིན་ནོ། །གསུམ་པོ་དེ་ཉིད་གཅིག་གྱུར་པ། །འགྲོ་བ་མེད་ཅིང་འོང་བ་མེད། །འགག་མེད་རབ་ཏུ་ཞི…

བྱེད་གང་ཡང་མེད། །གང་ཞིག་ནོར་བུ་གཅིག་ལས་བྱུང་། །མི་མཐུན་ཕྱོགས་སུ་ཇི་ལྟར་སྣང་། །དམན་དང་བར་མ་དེ་བཞིན་མཆོག །འཁོར་བར་ཉོན་མོངས་མི་བཟད་པས། །སེམས་ཅན་ཁ་ཅིག་གཟིར་བ་དང་། །བྱང་ཆུབ་སེམས་ལའང་སྦྱར་བར་གྱུར། །དེ་ལྟའི་རྣམ་རྟོག་ཀུན་རྟོག་པར། །མ་འོངས་སྐྱེ་བོ་བགྱིད་འགྱུར་གྱི། །རྟེན་ཅིང་འབྲེལ་འབྱུང་ལས་བྱུང་བ། །འདི་དག་འཚལ་…

དང་། །བཟའ་དང་མི་བཟའ་བྱ་ཀུན་དང་། །བྱང་ཆུབ་སེམས་དེ་སྐྱེ་བར་འགྱུར། །བྲམ་ཟེ་ལ་སོགས་འཇིག་རྟེན་ཤེས། །བྱང་ཆུབ་སེམས་ལས་འབྱུང་བར་འགྱུར། །ཕུང་སོགས་དངོས་པོ་མེད་གྱུར་ལས། །རང་གིས་མྱོང་བར་ཤེས་པར་གྱུར། །དེ་ནི་འཇིག་རྟེན་ཤེས་ཞེས་བཤད། །ཀུན་མཁྱེན་པ་ནི་བྱང་ཆུབ་སེམས། །ཉེ་བར་དམིགས་པའི་སྦྱོར་བ་ཡིས། །སངས་རྒྱས་སྐུ་རུ་འདི་འབ…

བྱང་ཆུབ་སེམས་ཀྱི་ངོ་བོ་འདི། །ཕུང་སོགས་གཉིས་མེད་མཁའ་དང་མཉམ། །ཤེས་རབ་ཐབས་དང་སྦྱོར་བ་ཡིས། །བྱང་ཆུབ་སེམས་ནི་འགྲོ་བར་འགྱུར། །ཀློག་དང་བསམ་གཏན་རྣམ་སྤངས་པར། །བདག་པོར་རང་ཉིད་ཟློས་པ་དེ། །ཉིན་དང་མཚན་མོའི་དབྱེ་བ་ཡིས། །ཉི་ཟླ་རབ་ཏུ་སྦྱོར་བ་ཡིས། །དངོས་པོ་མེད་པར་འགྲོ་ཁྱབ་པ། །བྱང་ཆུབ་སེམས་ཀྱི་རླུང་གཅིག་པུ། །དགེ་དང་མ…

མིན། །གཉི་ག་མིང་དུའང་འགྱུར་མ་ཡིན། །རྟག་པ་མ་ཡིན་སྐད་ཅིག་མིན། །དེ་ནི་སོ་སོ་རང་རིག་ཡིན། །མི་རྟོག་ནམ་མཁའ་ཇི་བཞིན་དུ། །བྱང་ཆུབ་སེམས་ནི་རྡོ་རྗེ་འཛིན། །དེ་བཞིན་གཤེགས་པ་འགྲོ་བའི་དོན། །ཡིད་བཞིན་ནོར་བུ་ལྟ་བུར་འབྱུང་། །འདས་དང་མ་འོངས་པ་ཉིད་དང་། །ད་ལྟར་ཞེས་ནི་བྱ་བ་དང་། །སངས་རྒྱས་སྐུ་ཡང་འབྱུང་འགྱུར་བ། །དོན་དམ་གཅི…

པ་དེ་བཞིན་གཤེགས་པའི་ཐུགས། །སངས་རྒྱས་བྱང་ཆུབ་རབ་སྒྲུབ་པ། །རྡོ་རྗེ་གསུམ་ནི་རང་བཞིན་གཅིག།བྱང་ཆུབ་སེམས་ལ་ཕྱག་འཚལ་ལོ། །དགོངས་པ་ལུང་སྟོན་ལ་དད་བར། །གང་གང་ཡིད་ནི་བཟོད་གྱུར་པ། །དམ་ཚིག་གསུམ་གྱིས་རྡོ་རྗེ་ལས། །དེས་ནི་དེ་བཞིན་བྱ་བ་ཡིན། །དེ་བཞིན་གཤེགས་པ་ཐམས་ཅད་ཀྱི། །རྡོ་རྗེ་གསུམ་གྱི་གསང་བ་ལས། །ཡང་དག་བྱང་ཆུབ་སེམས་…

ཅན་རྒྱ། །སངས་རྒྱས་དཀྱིལ་འཁོར་དག་ཏུ་བསྒོམ། །རྡོ་རྗེ་གསུམ་གཅིག་རྡོ་རྗེ་ཅན། །ཨིནྡྲ་ནཱི་ལའི་མདོག་འདྲ་བ། །རབ་འབར་ཕྱག་ན་རྡོ་རྗེ་བསྣམས། །རྣམ་པར་གཙིགས་པ་འཇིགས་འཇིགས་ལྟའི། །འཛམ་བུ་ཆུ་བོའི་གསེར་འོད་འདྲ། །སངས་རྒྱས་སྤྲིན་གྱིས་རབ་ཏུ་འཁྲིགས། །དེ་ཡི་ཕྱག་ན་རྡོ་རྗེ་ཆེ། །རྩེ་མོ་དགུ་པ་རྣམ་པར་བསྒོམ། །ཤེལ་དང་ཟླ་བའི་འོད་…

མེད་སྦྱོར་བས་སོ། །སྟོན་དང་འཇོག་པ་པོ་འདི་ནི། །བློ་ཡི་དངོས་གྲུབ་སྟོན་པ་པོ། །ཐོག་མཐའ་མེད་པ་རྣལ་འབྱོར་ནི། །ཕྲ་མོ་ཞེས་ནི་བྱ་བར་བརྟག །མི་གསལ་གསལ་བར་ཡང་དག་སྦྱོར། །དངོས་མེད་ངོ་བོ་ལས་སྐྱེས་པའོ། །གཟོད་མ་ཉིད་ནས་རབ་གྲུབ་པ། །གཅིག་དང་དུ་མ་རྣམ་སྤངས་པ། །རྟེན་འབྲེལ་ཆོས་ཞེས་གྲགས་པ་སྟེ། །དངོས་པོ་ཐམས་ཅད་གཅིག་ཏུ་བྱུང་། …

བ་དགོངས་པ་ཡིས། །ཕྲ་མོའི་རྣལ་འབྱོར་བསྟན་པ་ཡིན། །ཀློག་དང་བསམ་གཏན་མེད་མོད་ཀྱི། །འོན་ཀྱང་བཟླས་པ་ཡིན་པར་བཤད། །དེ་ལྟར་རྣམ་པ་མང་པོ་ཡི། །འགྲོ་ལ་ཕན་པའི་གསུང་ཐོས་ནས། །དེ་བཞིན་གཤེགས་ཀུན་བདག་པོ་ལ། །རྡོ་རྗེ་ཅན་གྱིས་སླར་ཡང་ཞུས། །གང་ཞིག་བསྒོམས་ན་མ་འོངས་འགྲོ། །ཐམས་ཅད་མི་རྟོག་པར་འགྱུར་བ། །རྡོ་རྗེ་གསུམ་གྱི་སྙིང་པོ་མཆ…

སྤྲོ་བའི་བདག་ཉིད་ཅན་གྱིས་སྤྲོ། །ཕྲ་མོ་དཀྱིལ་འཁོར་དབུས་གནས་པར། །རྡོ་རྗེ་དཀྱིལ་འཁོར་བསྒོམ་པར་བྱ། །བཟླས་དང་བསྒོམ་པའི་སྦྱོར་བ་ཡང་། །པདྨའི་དཀྱིལ་འཁོར་དག་ཏུ་བསྒོམ། །རིན་ཆེན་ལྟ་བུའི་དཀྱིལ་འཁོར་དུ། །དངོས་ལ་བརྩོན་པས་རིན་ཆེན་བསྒོམ། །དཀྱིལ་འཁོར་སྦྱོར་བ་ལས་བྱུང་བ། །ནམ་མཁའི་དཀྱིལ་དུ་བྲི་བར་བྱ། །འདི་དག་སངས་རྒྱས་ར…