རབ་འདྲ་བ། །སྐུ་དང་གསུང་དང་ཐུགས་རྣམས་ཀྱི། །དཀྱིལ་འཁོར་རབ་ཏུ་བཤད་པར་བྱའོ། །འདི་ནི་གསང་བའི་བདག་ཉིད་མཆོག །ལེགས་བསྒྲིལ་དེ་བཞིན་ཉིད་བསྟན་པའོ། །སྣ་ཚོགས་ལུང་གི་མཚན་མ་ནི། །ཚད་མ་བཟང་པོར་དེ་བཤད་དོ། །ཀུན་རྫོབ་དང་ནི་དོན་དམ་དག ། གཉིས་སུ་མེད་པ་མཛེས་པ་ཡིན། །ཤེས་རབ་འདི་ནི་ཐིག་ཡིན་ཏེ། །ཐབས་ནི་དེ་ཡི་རྗེས་འཇུག་པའོ། །ཤེ…

དཀྱིལ་འཁོར་ཡིན་པར་བཤད། །དེ་ལྟར་མཁའ་དང་མཚུངས་གྱུར་དང་། །ཤེས་ནས་འགྲོ་ལ་ཕན་པར་འགྱུར། །རྡོ་རྗེ་གསུམ་དང་ལྷན་ཅིག་འབྱུང་། །དེ་ཚེ་ཟླ་ཟེར་ཕྲེང་བ་ཡི། །སྐད་ཅིག་ལ་སོགས་དུས་དབྱེ་བས། །ལོ་གྲངས་བཅུ་དྲུག་པ་ཡི་མིང་། །མ་སྐྱེས་པར་འབྱུང་ཞི་བ་ནི། །བུད་མེད་ཅེས་ནི་ངེས་པར་བཤད། །ཞི་བའི་ཆོས་དང་རྗེས་དྲན་པ། །མདངས་བཟངས་འོད་ནི་ཡི…

དམ་པ་འཇིག་རྟེན་ཤིན་ཏུ་འདས། །འཁོར་བ་དང་ནི་ཅིག་ཤོས་སྤངས། །ལེན་པ་མ་ཡིན་གཏོང་བ་མིན། །མེད་པ་མ་ཡིན་གནས་མ་ཡིན། །བློ་ལྡན་ཀུན་དུ་འདི་ཤེས་པ། །རྣལ་འབྱོར་ཐམས་ཅད་རིག་པ་མཆོག །ཐུགས་ཀྱི་དཀྱིལ་འཁོར་ལེའུ་འདི་ནི། །ངེས་པའི་རྣལ་འབྱོར་པ་ཞེས་བཤད། །དགོངས་པ་ལུང་བསྟན་ཡིད་འོང་ལ། །གང་ཞིག་ཡིད་ནི་བཟོད་གྱུར་ན། །དེ་རྣམས་ཤེས་རབ་ཐབས…

མཆོག་ལ་གནས་པ་ཡིན། །ནང་དང་དེ་བཞིན་ཕྱི་རོལ་དག །རྟེན་འབྱུང་གཉིས་སུ་སྟོན་པ་ནི། །དེ་ནི་བརྫུན་སྨྲ་དགའ་བ་སྟེ། །གནས་མེད་ལ་གནས་རྣལ་འབྱོར་པའོ། །རྫོགས་སངས་རྒྱས་ཀྱི་ཡེ་ཤེས་གང་། །དེ་ནི་རྫས་སུ་ཤེས་བྱ་སྟེ། །དེ་འཕྲོག་ངང་ཚུལ་གང་ཡིན་པ། །གཞན་གྱི་ནོར་ལ་ཆགས་པར་འདོད། །གང་ཞིག་དེ་ཉིད་དངོས་གཅིག་པ། །དེ་བཞིན་ཉིད་ལ་རྟག་སྦྱོར་བ…

འཁོར་ནང་དུ་གསུང་། །འདོད་ཆགས་བྲལ་དང་ཆགས་བཅས་དང་། །གཏི་མུག་བྲལ་བ་རྨོངས་བཅས་དང་། །ཞེ་སྡང་བྲལ་བ་སྡང་བཅས་པའི། །རིགས་ཀྱི་དངོས་གྲུབ་སྟོན་མཛད་ཅིང་། །གང་གཞན་སྡིག་པའི་ཉེས་པ་དང་། །འཚེ་བ་ལ་སོགས་ཡོངས་སྤངས་པ། །འདིར་ནི་དེ་བྱེད་སེམས་ཅན་རྣམས། །སྣོད་ཡིན་ཞེས་ནི་ཐུབ་གསུང་ངམ། །དེ་ནས་མགོན་པོ་ཐུགས་རྗེ་ཅན། །སེམས་ཅན་ཀུན་ལ་ཕ…

ཡིད་འོང་རྡོ་རྗེ་ཚིག་གཅིག་པུ། །འགྲོ་བའི་བསམ་པའི་དབྱེ་བ་ཡིས། །བྱེ་བྲག་མང་པོར་གྱུར་བ་ཡིན། །ནམ་མཁའ་མཐའ་ཡས་སྦྱོར་བ་ཡིས། །གཟུགས་ལ་སོགས་པ་མཐའ་ཡས་ཏེ། །དེ་ཡང་དེ་བཞིན་གཤེགས་མཆོག་དང་། །བྱང་ཆུབ་སེམས་དཔའ་ཉིད་དུ་གྱུར། །དེ་ལས་སྤྲོ་ཞིང་བསྡུ་བ་དང་། །ཞི་བ་ཉིད་ལས་རབ་སྦྱོར་བས། །ཡེ་ཤེས་ལུས་ཅན་ཡེ་ཤེས་ཅན། །བརྒྱལ་ལོ་ཞེས་ནི…

སྤྱོད། །ནམ་མཁའི་ལམ་གཅིག་ཕྱག་འཚལ་ལོ། །སྐུ་གསུང་ཐུགས་ནི་ནམ་མཁའ་སྟེ། །སྤྱོད་པའི་མཆོག་སྟེ་ཆོས་གཅིག་ལྡན། །དེ་ཉིད་གསུམ་སྟོན་སྣ་ཚོགས་པ། །སྤྱོད་པའི་གནས་ལ་ཕྱག་འཚལ་ལོ། །དགོངས་པ་ལུང་བསྟན་ལ་གནས་ནས། །གང་ཞིག་སྤྱོད་མཆོག་འདི་སྟོན་པ། །གསང་བ་ཡང་དག་སྲུང་བ་དག །དེ་ནི་ཅི་དགའ་བར་ཡང་བྱེད། །དེ་བཞིན་གཤེགས་པ་ཐམས་ཅད་ཀྱི། །དམ་ཚ…

པོ་ལས་ནི་གཅིག་པུ་ལས། །རྡོ་རྗེ་གསུམ་ཞེས་བྱ་བ་འབྱུང་། །ཡོན་ཏན་ཆོས་འདི་རྡོ་རྗེ་གསུང་། །དེ་ཉིད་གསུམ་གྱི་དམ་ཚིག་མཆོག །དེ་བས་འདི་ནི་བསྒོམ་པ་མཆོག །གཡེལ་བ་མེད་པར་རྫོགས་པར་བྱ། །འདི་བཤད་པ་ཡི་བློ་ལྡན་པ། །རབ་མཆོག་རྡོ་རྗེ་གསུམ་བྱུང་བས། །བསྒོམ་པའི་བདག་ཉིད་ཅན་གྱུར་ཅིང་། །སྔགས་ཀྱི་མཚན་ཉིད་མཚན་མར་བྱ། །དེ་ནས་དཀོན་མཆོ…

ཐོབ་འགྱུར། །དེ་ནས་དཔལ་ལྡན་རྡོ་རྗེ་འཆང་། །སོ་སོར་བྱང་ཆུབ་སྟོན་མཛད་པ། །རྡོ་རྗེ་གསུམ་རིག་གསང་དབང་པོ། །ཐུབ་པ་ཆེན་པོས་ཡང་གསུངས་པ། །སྐུ་གསུང་ཐུགས་ལ་དམིགས་པ་ལ། །གང་ཚེ་ཡིད་ནི་མགུ་གྱུར་པ། །དེ་ཉིད་གསུམ་ལ་ཉེར་སྦྱོར་བ། །དངོས་གྲུབ་རབ་མཆོག་དེས་ཐོབ་འགྱུར། །བདག་མེད་པར་ནི་སེམས་དམིགས་ཤིང་། །ལུས་དང་ངག་ཀྱང་རྣམ་པར་བསྒོམ…

རྗེ་པདྨོ་གཉིས་བསྒོམ་པའོ། །ནམ་མཁའི་དབྱིངས་ཀྱི་དབུས་གནས་པར། །རིན་ཆེན་དཀྱིལ་འཁོར་བསྒོམ་པར་བྱ། །དང་པོའི་སྦྱོར་བ་ནན་ཏན་གྱིས། །དེ་ཡི་སྟེང་དུ་རྣམ་པར་བསྒོམ། །ནམ་མཁའི་དབྱིངས་ཀྱི་དབུས་གནས་པར། །འོད་ཀྱི་དཀྱིལ་འཁོར་འདི་ཉིད་བསྒོམ། །སངས་རྒྱས་ཞི་བའི་གནས་དགོད་པ། །འཁོར་རྣམས་ཀྱིས་ནི་ཀུན་ནས་བསྐོར། །ཨུཏྤལ་མཐོན་ཀའི་མདོག་…

ས་ནི་མངོན་པར་བྱང་ཆུབ་པའོ། །བསམ་གཏན་དེ་ནི་དགའ་སྤྱོད་པ། །ཤ་ཞེས་བྱ་བར་དེ་བཤད་དོ། །ནམ་མཁའ་མཐའ་ཡས་རྣལ་འབྱོར་ནི། །ཤ་ཆེན་དེ་ནི་ཡིན་པར་བཤད། །གསང་བ་པ་ཡི་གོ་འཕང་མཆོག །རྡོ་རྗེ་གསུམ་ནི་མྱུར་དུ་འགྲུབ། །དམ་ཚིག་ཆེན་པོ་གླང་ཆེན་རྟ། །དེ་བཞིན་ཁྱི་ལ་སོགས་པའི་ཤ། །ཕུང་པོ་ལ་སོགས་རིགས་དབྱེ་བས། །གང་གསུངས་མཉམ་པའི་གྲངས་ཀྱིས་ས…

རྟེན་འདས་པར་གྱུར་པ་ཡིན། །དེ་ནི་ཏིང་འཛིན་རྣལ་འབྱོར་ཡང་། །དེ་དང་འདྲ་བར་བྱེད་མ་ཡིན། །གང་ཡང་འཇིག་རྟེན་ཤིན་ཏུ་འདས། །རྣམ་པར་མི་རྟོག་འཇིགས་མེད་པ། །དེ་ནི་དེ་བཞིན་ཉིད་དངོས་གཅིག །འཁོར་བ་དང་ནི་ཅིག་ཤོས་སྤངས། །བརྟུལ་ཞུགས་བཟང་པོའི་རྣལ་འབྱོར་འདིས། །སངས་རྒྱས་རྣམས་ནི་མཉེས་འགྱུར་ཞིང་། །བློ་ལྡན་བྱང་ཆུབ་སེམས་རྣམས་ཀྱིས།…

དུ་འགྲུབ། །ཐ་དད་ཡི་གེ་སློང་མོ་ཡིན། །དེ་འདོན་པ་ནི་ཟ་བ་སྟེ། །གང་ཞིག་ཟློས་ལ་དགའ་བ་དེ། །དེ་དག་སློང་མོ་ཟ་བར་འདོད། །དཀའ་ཐུབ་དག་ནི་མི་བྱ་ཞིང་། །སྡོམ་པ་མི་བཟད་ཉིད་ཀྱང་མིན། །འདོད་གསུམ་དེ་ཉིད་ལོངས་སྤྱོད་ཅིང་། །སྔགས་ཀྱི་དེ་ཉིད་མ་ཉམས་བཟླས། །རྡོ་རྗེ་གསུམ་དབྱེ་བདེ་གནས་ན། །སྔགས་རིག་བྱང་ཆུབ་འཐོབ་པར་འགྱུར། །གཞན་དུ་ད…

པ། །ལྷ་ཉིད་དུ་ནི་རྟག་ཏུ་བསྒོམ། །དེ་བཞིན་རིགས་སུ་བསྒོམ་པ་ནི། །བསྒོམ་པས་དེར་ནི་བསྒོམ་པར་བྱ། །ནམ་མཁའི་རྡོ་རྗེ་སྦྱོར་བ་ནི། །སངས་རྒྱས་རྗེས་སུ་དྲན་པར་བཤད། །སངས་རྒྱས་རྗེས་དྲན་སྦྱོར་བས་ཀྱང་། །ཆོས་ནི་རྗེས་སུ་དྲན་པ་བསྒོམ། །རྡོ་རྗེ་གསུམ་བསྒོམ་རྣལ་འབྱོར་པས། །རྡོ་རྗེ་རྗེས་དྲན་བསྒོམ་པའོ། །རིགས་དབྱེ་ཇི་སྐད་བཤད་པས་…

ཉམས་དགའ་སངས་རྒྱས་ཀུན་གྱིས་བསྟན། །བྷ་ག་ཞི་བ་གཅིག་པུའི་མིང་། །རང་གི་དེ་ཉིད་གཉིས་མེད་བྱུང་། །རྡོ་རྗེ་དེ་བདག་ཉིད་དུ་སྦྱོར། །སངས་རྒྱས་རྗེས་དྲན་སྦྱོར་བ་སྟེ། །བྷ་ག་ལིངྒ་ཡིན་པར་བསྒྲགས། །གཞུག་པ་གཉིས་མེད་སྦྱོར་བ་སྟེ། །སངས་རྒྱས་གཟུགས་སུ་བསྒོམ་པའོ། །དེ་ལས་བློ་ལྡན་གྱིས་སྤྲོ་བ། །བ་སྤུའི་བུ་གའི་རྩེ་མོར་གནས། །མཉམ་པ…

བདེ་བ་ཆེན་པོ་སྟེ། །སངས་རྒྱས་ཀུན་གྱི་སྟོན་གཅིག་པུ། །སྐུ་མེད་སྲིད་གསུམ་བདག་ཉིད་ཅན། །དགོངས་པ་གཉིས་ཀའི་མཚན་དང་ལྡན། །དེ་བས་ཁྱོད་ནི་ཆོས་ཀུན་གྱི། །ཡོན་ཏན་གསུམ་བདག་དེ་ཉིད་གསུམ། །དགོངས་པ་བྱ་བ་དྲི་མེད་གསུམ། །སངས་རྒྱས་ཀྱི་ནི་བདུད་རྩི་འབྱུང་། །ཁྱོད་འདིར་བྷ་ག་ཁྱབ་འཇུག་སྟེ། །ལིངྒ་དྲག་པོའི་མིང་ཅན་ཉིད། །ཁྱོད་ནི་ས་བ…

རྗེས་དྲན་རྣམས་ཀྱིས་ནི། །དེ་བས་ཚངས་པ་ཤིན་ཏུ་དབྱུང་། །དངོས་མེད་གཅིག་ཏུ་སྦྱོར་བ་ཡིས། །མཁས་པས་ཆོ་ག་བཞིན་དུ་གསུང་། །དེ་བཞིན་གཤེགས་མཆོག་ཆེ་བ་ནི། །དངོས་མེད་ཅེས་བྱ་བསད་པ་སྟེ། །བློ་དང་ལྡན་པས་འདི་བསད་ན། །དངོས་གྲུབ་སྔགས་མཆོག་འཐོབ་པར་འགྱུར། །ཤེས་རབ་དམ་ཚིག་སྦྱོར་གྱུར་བ། །རྗེས་སུ་དྲན་པ་ཞེས་བཤད་དོ། །ཕ་རོལ་ཕྱིན་པ་ཞ…

དེ་ནས་དཔལ་ལྡན་དེ་བཞིན་གཤེགས། །དཀོན་མཆོག་དཔལ་ནི་འོད་ཆེན་པོ། །དེ་བཞིན་གཤེགས་པ་ཐམས་ཅད་ཀྱི། །བླ་མ་རྡོ་རྗེ་གསུམ་གྱི་བདག །མགོན་པོ་རྡོ་རྗེ་འཛིན་ཆེན་པོ། །དབང་ཕྱུག་དབང་ཕྱུག་དམ་པ་དང་། །སངས་རྒྱས་ཀུན་གྱི་སྟོན་པ་ལ། །བསྟོད་པ་འདི་ཡིས་གསོལ་བ་བཏབ། །ནམ་མཁའི་སྤྱོད་པ་རྡོ་རྗེ་མཆོག །རྡོ་རྗེ་སེམས་དཔའ་ཐུབ་པ་ཆེ། །ཐེག་པ་ཆེན་…

ན་ཆུང་ཡིན་པར་བརྟག །འཇིག་རྟེན་པ་རྣམས་འཐོབ་བྱེད་རྒྱ། །འགྲོ་བའི་དོན་ནི་རབ་གྲུབ་པ། །གང་ཞིག་དངོས་མེད་ཅེས་བཤད་པ། །མཐའ་སྐྱེས་བཞིན་དུ་བརྟག་པ་ཡིན། །གཙང་བ་རྣམ་དག་སེམས་ཡིན་ཏེ། །རྣམ་པར་དབེན་པ་དངོས་མེད་པ། །ས་ནི་སྤྱན་ཞེས་བྱ་བ་ཡིན། །ས་ཕྱོགས་རྒྱལ་བ་འབྱུང་བ་ཡིན། །ཞི་བ་སྣ་ཚོགས་ངེས་འབྱུང་བ། །ཞི་བའི་གནས་ནི་མྱུར་ལ་སོགས།…

པོ་སྦྱོར་ཞེས་བྱ། །མེ་ཏོག་དེ་ལྔ་གསུམ་དུ་བཤད། །བྱ་རྒོད་མེ་ཏོག་ཟ་བ་དང་། །བུང་བ་ཤ་ཟ་ཞེས་ཟེར་ཞིང་། །མེ་ཏོག་འདི་ཡི་དགོངས་པ་ནི། །མ་འོངས་སྐྱེ་བོས་མི་ཤེས་སོ། །མ་རྟོགས་པས་ནི་དེ་རྣམས་ཀྱི། །དངོས་གྲུབ་རིང་དུ་གནས་པར་འགྱུར། །འདི་ལྟར་བདག་ནི་སྐལ་མིན་ཞེས། །སྨྲ་ཞིང་དེ་རྣམས་བདག་ཉིད་སྨོད། །དེ་ལྟར་བདག་ཉིད་སྨད་པས་ན། །སངས་…